ᱥᱚᱨᱞᱟ ᱫᱮᱣᱤ ᱪᱳᱣᱫᱷᱩᱨᱟᱱᱤ
ᱥᱚᱨᱞᱟ ᱫᱮᱣᱤ ᱪᱳᱣᱫᱷᱩᱨᱟᱱᱤ (᱙ ᱥᱮᱯᱴᱮᱢᱵᱚᱨ ᱑᱙᱗᱒ - ᱒᱘ ᱚᱜᱚᱥᱴ ᱑᱙᱘᱔) ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱜᱟᱫᱮᱞ ᱨᱤᱱᱤᱡ ᱥᱮ ᱥᱚᱝᱜᱚᱴᱷᱚᱱ ᱨᱤᱱᱤᱡ ᱥᱚᱝᱥᱚᱛᱷᱟᱯᱚᱠ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱯᱚᱧᱡᱟᱵᱽ ᱨᱤᱱᱤᱡ ᱥᱮᱨᱱᱤ ᱦᱚᱸ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱑᱐ ᱨᱮ ᱜᱮ ᱤᱞᱟᱦᱟᱵᱟᱫᱽ ᱨᱮ ᱥᱤᱧᱚᱛ ᱠᱩᱲᱤ ᱢᱟᱦᱟᱸ ᱢᱚᱱᱰᱚᱞ ᱨᱮᱱᱟᱜ ᱥᱚᱝᱥᱚᱛᱷᱟᱯᱚᱠ ᱠᱷᱚᱱ ᱢᱤᱫ ᱮ ᱢᱮᱱᱚᱱ ᱜᱚᱜ ᱠᱟᱱ ᱛᱟᱦᱮᱸ ᱠᱟᱱᱟᱭ ᱾ ᱥᱚᱝᱜᱚᱴᱷᱚᱱ ᱨᱤᱱᱤᱡ ᱯᱨᱚᱛᱷᱚᱢᱤᱠ ᱮᱭᱢᱥ ᱨᱮ ᱠᱷᱚᱱ ᱢᱤᱫ ᱱᱩᱭ ᱡᱮ ᱛᱤᱨᱞᱟᱹ ᱥᱤᱠᱱᱟᱹᱛ ᱠᱚ ᱵᱟᱲᱟᱦᱣ ᱮᱢ ᱞᱟᱹᱜᱤᱫ ᱛᱮ ᱡᱚᱨ ᱮᱢ ᱞᱟᱹᱠᱛᱤᱜ, ᱡᱟᱦᱟᱸᱭ ᱩᱱ ᱚᱠᱛᱮ ᱱᱟᱯᱟᱭ ᱥᱟᱺᱦᱤᱡ ᱛᱮ ᱠᱟᱹᱢᱤ ᱦᱚᱨᱟ ᱠᱚ ᱵᱟᱝ ᱞᱟᱦᱟ ᱟᱠᱟᱱ ᱛᱟᱦᱮᱸ ᱠᱟᱱᱟ ᱾ ᱥᱚᱝᱜᱚᱴᱷᱚᱱ ᱨᱮ ᱫᱚ ᱥᱟᱱᱟᱢ ᱥᱤᱧᱚᱛ ᱫᱤᱥᱚᱢ ᱨᱮ ᱠᱩᱲᱤ ᱛᱤᱨᱞᱟᱹ ᱠᱚᱣᱟᱜ ᱴᱷᱟᱶ ᱨᱮ ᱵᱚᱫᱚᱞ ᱞᱟᱹᱜᱤᱫ ᱞᱟᱦᱳᱣᱨ ( ᱩᱱ ᱠᱟᱛᱮ ᱵᱟᱝ ᱦᱟᱹᱴᱤᱧ ᱟᱠᱟᱱ ᱛᱟᱦᱮᱱ ᱥᱤᱧᱚᱛ ᱨᱮᱱᱟᱜ ᱦᱟᱹᱴᱤᱧ ᱜᱮ ) ᱤᱞᱟᱦᱟᱵᱟᱫᱽ, ᱫᱤᱞᱞᱤ, ᱠᱚᱨᱟᱪᱤ, ᱚᱢᱛᱤᱛᱥᱚᱨ, ᱦᱮᱭᱫᱽᱨᱟᱵᱟᱫᱽ, ᱠᱟᱱᱯᱩᱨ, ᱵᱟᱝᱠᱩᱲᱟ, ᱦᱟᱡᱟᱨᱤᱵᱟᱜᱽ, ᱢᱤᱫᱽᱱᱟᱯᱩᱨ ᱟᱨ ᱠᱳᱞᱠᱚᱛᱟ (ᱢᱟᱲᱟᱝ ᱠᱟᱞᱟᱠᱟᱛᱟ) ᱨᱮ ᱟᱭᱢᱟ ᱠᱟᱹᱢᱤ ᱚᱲᱟᱜ ᱡᱷᱤᱡ ᱛᱟᱦᱮᱸ ᱠᱟᱱᱟ ᱾ ᱪᱮᱛᱟᱱ ᱥᱤᱠᱱᱟᱹᱛ, ᱥᱳᱢᱭᱚ ᱠᱷᱟᱱᱟᱜ ᱱᱚᱡᱚᱨ ᱨᱮ ᱜᱟᱹᱦᱤᱨ ᱤᱪᱷᱟ ᱛᱟᱦᱮᱸ ᱠᱟᱱᱟ ᱾ ᱨᱚᱵᱤᱱᱫᱽᱨᱚ ᱴᱣᱭᱜᱚᱨ ᱤᱡ ᱵᱷᱚᱛᱤᱡᱤ ᱛᱟᱦᱮᱸ ᱠᱟᱱᱟᱭ ᱾
ᱟᱡᱟᱜ ᱡᱤᱭᱚᱱ ᱥᱟᱯᱲᱟᱣ
ᱥᱚᱨᱞᱟ ᱫᱮᱣᱤ ᱟᱜ ᱡᱟᱱᱟᱢ ᱑᱙᱗᱒ ᱨᱮ ᱠᱳᱞᱠᱚᱛᱟ ᱨᱮ ᱢᱤᱫ ᱵᱟᱲᱟᱭ ᱟᱱᱤᱡ ᱵᱟᱝᱜᱟᱞᱤ ᱵᱳᱣᱫᱷᱤᱠ ᱜᱷᱟᱨᱚᱱᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱩᱱᱤ ᱟᱡ ᱵᱟᱵᱟᱡᱟᱱᱠᱤᱱᱟᱛᱷ ᱜᱷᱳᱥᱟᱞ ᱵᱟᱝᱜᱟᱞ ᱡᱚᱝᱜᱽᱨᱮᱥ ᱨᱤᱱᱤᱭ ᱥᱟᱱᱟᱢ ᱠᱷᱚᱱ ᱢᱟᱲᱟᱝ ᱥᱚᱪᱤᱵᱽ ᱛᱟᱦᱮᱸ ᱠᱟᱱᱟᱭ ᱾ ᱟᱨ ᱩᱱᱤ ᱨᱤᱱ ᱟᱡ ᱟᱭᱳ ᱥᱣᱚᱨᱬ ᱠᱩᱢᱟᱨᱤ ᱫᱮᱣᱤ ᱵᱟᱝᱜᱟᱞᱤ ᱥᱟᱶᱦᱮᱫ ᱨᱤᱱᱤᱡ ᱯᱩᱭᱞᱩ ᱥᱚᱯᱷᱚᱞ ᱛᱤᱨᱞᱟᱹ ᱩᱳᱱᱭᱚᱥᱠᱟᱨ ᱮ ᱛᱟᱦᱮᱸ ᱠᱟᱱᱟᱭ ᱾