ᱥᱚᱱᱮᱨ ᱥᱩᱨᱡᱟ ᱱᱚᱱᱫᱚ ᱦᱮᱢᱵᱽᱨᱚᱢ

ᱩᱯᱨᱩᱢ ᱥᱟᱯᱲᱟᱣ

ᱥᱚᱱᱮᱨ ᱥᱩᱨᱡᱟ ᱱᱚᱱᱫᱚ ᱦᱮᱢᱵᱽᱨᱚᱢ ᱦᱚᱦᱚ ᱧᱩᱛᱩᱢ ᱞᱚᱵᱚ ᱡᱟᱱᱟᱢ ᱢᱛ.᱑᱐ ᱾ ᱐᱒ ᱾ ᱑᱙᱓᱕ ᱥᱮᱥᱟᱭ ᱾ ᱟᱹᱛᱩ ᱯᱟᱹᱭᱠᱟᱹᱯᱟᱲᱟ ᱯ.ᱚ.ᱠᱩᱪᱲᱟᱠᱷᱩᱱᱴᱟ ᱛᱷᱟᱱᱟ ᱵᱚᱰᱥᱟᱹᱭ ᱦᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱯᱚᱱᱚᱛ ᱳᱰᱤᱥᱟ ᱫᱤᱥᱚᱢ ᱵᱷᱟᱨᱚᱛ ᱾ ᱵᱟᱵᱟ ᱧᱩᱛᱩᱢ ᱨᱟᱹᱢᱥᱟᱹᱭ ᱦᱮᱢᱵᱽᱨᱚᱢ ᱟᱭᱳ ᱧᱩᱛᱩᱢ ᱫᱩᱞᱟᱹᱨᱤ ᱦᱮᱢᱵᱽᱨᱚᱢ ᱾ ᱛᱤᱨᱤ ᱧᱩᱛᱩᱢ ᱨᱩᱠᱢᱩᱱᱤ ᱦᱮᱢᱵᱽᱨᱚᱢ ᱱᱟᱢᱱᱚᱜᱚᱨ ᱟᱹᱛᱩ ᱯᱷᱟᱹᱨᱢᱟᱹᱛ ᱟᱨ ᱫᱩᱞᱟᱹᱨᱤ ᱦᱚᱯᱚᱱ ᱮᱨᱟ ᱠᱟᱱᱟᱭ ᱾ ᱜᱤᱫᱽᱨᱟᱹᱠᱚ ᱫᱚ ᱫᱩᱞᱟᱹᱨᱤ , ᱞᱩᱠᱷᱢᱤ ᱟᱨ ᱨᱟᱢᱮᱥᱚᱨ ᱾ ᱥᱚᱱᱮᱨ ᱥᱩᱨᱡᱟ ᱱᱚᱱᱫᱚ ᱦᱮᱢᱵᱽᱨᱚᱢ ᱫᱚ ᱢᱤᱫ ᱚᱱᱚᱞᱤᱭᱟᱹ , ᱪᱤᱛᱟᱹᱨᱤᱭᱟᱹ , ᱨᱩᱥᱤᱠᱟᱹ ᱟᱨ ᱠᱷᱮᱸᱞᱚᱸᱰᱤᱭᱟᱭ ᱛᱟᱦᱮᱸ ᱠᱟᱱᱟ ᱾

ᱚᱞᱚᱜ ᱥᱟᱯᱲᱟᱣ

ᱵᱟᱦᱟᱱᱚᱰᱟ ᱯᱩᱭᱞᱩ ᱪᱮᱛᱟᱱ ᱵᱤᱨᱫᱟᱹᱜᱟᱲ ᱨᱮ ᱪᱟᱱᱟᱪ ᱗ᱟᱜ ᱥᱟᱹᱛ ᱾ ᱢᱚᱦᱟᱨᱟᱡᱟ ᱯᱩᱨᱱᱚ ᱪᱚᱸᱱᱫᱽᱨᱚ ᱵᱤᱨᱫᱟᱹᱜᱟᱲ ᱨᱮ ᱑᱐ᱟᱜ ᱪᱟᱱᱟᱪ ᱥᱟᱹᱛ ᱯᱟᱞᱮ ᱑᱙᱗᱔ ᱥᱮᱥᱟᱭ ᱠᱚᱨᱮ ᱾

ᱚᱱᱚᱞ ᱯᱚᱛᱚᱵ ᱥᱟᱯᱲᱟᱣ

ᱞᱚᱞᱚ ᱵᱟᱹᱞᱤ [ᱯᱩᱭᱞᱩ] , ᱵᱷᱩᱨᱠᱟᱹᱜ ᱤᱯᱤᱞ , ᱦᱩᱞ ᱥᱮᱸᱜᱮᱞ , ᱫᱟᱹᱱᱢᱤ ᱫᱟᱨᱟᱢ , ᱵᱟᱱᱟᱢ , ᱨᱚᱦᱚᱲ ᱡᱟᱝ ᱮ ᱞᱟᱸᱫᱟᱭ ᱦᱤᱴᱤ ᱦᱤᱴᱤ , ᱚᱲᱟᱜ ᱫᱩᱣᱟᱨ , ᱢᱟᱨᱟᱝ ᱵᱳᱨᱳ ᱦᱤᱨᱞᱟᱹ , ᱞᱟᱢᱴᱟ ᱥᱟᱨ , ᱡᱤᱣᱤ ᱛᱚᱯᱚᱞ ᱜᱟᱰᱟ ᱫᱷᱟᱨᱮ[ᱥᱟᱹᱨᱤ ᱠᱟᱛᱷᱟ] , ᱦᱮᱸᱫᱮ ᱨᱤᱢᱤᱞ , ᱪᱟᱹᱠᱞᱤ/ᱛᱚᱯᱟᱜ ᱪᱟᱹᱠᱞᱤ , ᱡᱩᱜᱽ ᱛᱟᱨᱟᱥ , ᱯᱟᱨᱟᱝᱜᱚᱛ , ᱮᱱᱮᱢ , ᱦᱤᱨᱟᱹᱢᱩᱱᱤ ,ᱵᱟᱫᱚᱞᱤ ᱠᱚᱸᱭᱰᱟ , ᱡᱩᱜᱽ ᱥᱮᱸᱜᱮᱞ ᱱᱚᱝᱠᱟ ᱛᱩᱨᱩᱭ ᱜᱮᱞ ᱜᱚᱴᱟᱝ ᱯᱚᱛᱚᱵ ᱠᱤᱱ ᱚᱞ ᱟᱠᱟᱫ-ᱟ ᱾ 

ᱮᱴᱟᱜᱟᱜ ᱠᱚ ᱥᱟᱯᱲᱟᱣ

ᱟᱹᱛᱩ ᱟᱹᱛᱩ ᱫᱟᱬᱟ ᱠᱟᱛᱮ ᱠᱩᱞᱦᱤ ᱫᱷᱟᱨᱮ ᱠᱟᱸᱛ ᱠᱚᱨᱮ ᱪᱤᱛᱟᱹᱨ ᱵᱮᱱᱟᱣ ᱠᱟᱛᱮ ᱦᱟᱺᱰᱤ ᱯᱟᱣᱨᱟᱹ ᱟᱨ ᱵᱟᱹᱲᱤᱡ ᱯᱟᱹᱛᱭᱟᱣ ᱠᱷᱚᱱ ᱥᱟᱦᱟᱜ ᱞᱟᱹᱜᱤᱫ ᱠᱤᱱ ᱪᱤᱨᱜᱟᱹᱞᱮᱫ ᱠᱚ ᱛᱟᱦᱮᱫ ᱾ ᱨᱩ~ ᱚᱨᱚᱝ ᱛᱮ ᱢᱚᱱᱮᱠᱤᱱ ᱨᱤᱡᱷᱟᱣᱟ , ᱮᱧᱮᱞ[action] ᱛᱮ ᱥᱟᱦᱮ ᱠᱤᱱ ᱦᱤᱞᱟᱣᱟ ᱾

ᱢᱟᱹᱱ ᱧᱟᱢ ᱥᱟᱯᱲᱟᱣ

ᱴᱟᱴᱟ ᱵᱟᱡᱟᱨ ᱨᱮᱱᱟᱜ ᱢᱤᱫ ᱢᱤᱫᱩᱱ ᱨᱮ ᱥᱮᱴᱮᱨ ᱠᱤᱱ ᱛᱟᱦᱮᱸᱠᱟᱱᱟ ᱥᱩᱨᱡᱟ ᱱᱚᱱᱫᱚ ᱦᱮᱢᱵᱽᱨᱚᱢ ᱛᱟᱹᱠᱤᱱ ᱾ ᱚᱱᱟᱨᱮ ᱜᱩᱨᱩ ᱜᱚᱝᱠᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱛᱟᱹᱠᱤᱱ ᱦᱚᱸ ᱥᱮᱴᱮᱨ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱡᱚᱛᱚ ᱞᱮᱠᱟᱱ ᱜᱩᱱ ᱧᱮᱞ ᱠᱟᱛᱮ ᱜᱩᱨᱩ ᱜᱚᱝᱠᱮ ᱛᱟᱹᱠᱤᱱ ᱜᱮ ᱥᱚᱱᱮᱨ ᱥᱩᱨᱡᱟ ᱱᱚᱱᱫᱚ ᱦᱮᱢᱵᱽᱨᱚᱢ ᱜᱮᱠᱤᱱ ᱧᱩᱛᱩᱢ ᱞᱮᱫ ᱠᱤᱱᱟ ᱾

ᱜᱩᱨ ᱥᱟᱯᱲᱟᱣ

ᱜᱛᱩᱜᱮ ᱯᱮ ᱥᱮᱨᱢᱟ ᱩᱢᱮᱨ ᱨᱮ ᱢᱛ.᱒᱕ ᱾ ᱐᱖ ᱾ ᱑᱙᱙᱘ ᱨᱮ ᱠᱤᱱ ᱵᱚᱝᱜᱟ ᱫᱤᱥᱚᱢ ᱮᱱᱟ ᱾

ᱡᱚᱱᱚᱲᱟᱣ ᱥᱟᱯᱲᱟᱣ

ᱥᱚᱱᱮᱨ ᱥᱩᱨᱡᱟ ᱱᱚᱱᱫᱚ ᱦᱮᱢᱵᱽᱨᱚᱢ ᱨᱤᱱ ᱢᱟᱢᱚ ᱦᱚᱯᱚᱱ ᱵᱟᱝ ᱯᱚᱸᱰᱮᱛ ᱨᱟᱹᱜᱷᱩᱱᱟᱛ ᱢᱩᱨᱢᱩ ᱨᱤᱱ ᱢᱟᱨᱟᱝ ᱦᱚᱯᱚᱱ ᱥᱤᱫᱷᱤᱞᱟᱞ ᱢᱩᱨᱢᱩᱭᱤᱡ ᱡᱤᱛᱤ ᱨᱩᱠᱢᱩᱱᱤ ᱴᱩᱰᱩ ᱨᱤᱱ ᱵᱚᱭᱦᱟ ᱢᱟᱹᱱ ᱥᱚᱝᱠᱚᱨ ᱴᱩᱰᱩ ᱟᱨ ᱢᱟᱹᱱ ᱵᱚᱲᱚᱨᱟᱢ ᱴᱩᱰᱩ ᱛᱟᱹᱠᱤᱱᱟᱜ ᱞᱟᱹᱭ ᱞᱮᱠᱟᱛᱮ ᱾ ᱢᱛᱹ᱒᱑ ᱾ ᱐᱔ ᱾ ᱒᱐᱒᱑ ᱥᱟᱹᱜᱩᱱ ᱢᱟᱦᱟ ᱟᱡ ᱚᱲᱟᱜ ᱨᱮ ᱫᱩᱲᱩᱵ ᱠᱟᱛᱮ ᱡᱤᱛᱤ ᱟᱨ ᱦᱚᱯᱚᱱ ᱥᱟᱶ ᱫᱩᱲᱩᱵ ᱠᱟᱛᱮ ᱾ ᱳᱰᱤᱥᱟ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱢᱟᱬᱛᱮ ᱥᱩᱛᱨᱮᱛ ᱢᱟᱹᱱ ᱚᱨᱡᱩᱱ ᱢᱟᱹᱨᱰᱤ ᱟᱨ ᱳᱰᱤᱥ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱥᱚᱦᱮᱫ ᱥᱩᱱᱫᱚᱨ ᱢᱚᱦᱚᱱ ᱥᱚᱨᱮᱱᱟᱜ ᱫᱤᱛᱮ ᱾ ᱥᱚᱝᱠᱚᱨ ᱴᱩᱰᱩ ᱫᱚ ᱥᱩᱨᱡᱟ ᱱᱚᱱᱫᱚ ᱦᱮᱢᱵᱽᱨᱚᱢᱤᱡ ᱡᱚᱴᱟᱣᱮ ᱛᱟᱦᱮᱸᱭᱟᱸ ᱾

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ