ᱥᱤᱱᱫᱷᱩ ᱥᱚᱥᱱᱚᱜ

ᱥᱤᱱᱫᱷᱩ ᱥᱚᱥᱱᱚᱜ -:ᱠᱚᱢ ᱥᱮ ᱠᱚᱢ ᱢᱚᱬᱮ ᱦᱟᱡᱟᱨ ᱥᱮᱨᱢᱟ ᱠᱷᱚᱱ ᱦᱚᱸ ᱢᱟᱬᱟᱝ ᱨᱮ ᱟᱹᱫᱤᱢ ᱦᱚᱲᱠᱚ ᱯᱟᱨᱚᱢ ᱦᱮᱡ ᱞᱮᱱᱟ Sumeria (ᱱᱤᱛᱚᱜᱟᱜ ᱧᱩᱛᱩᱢ ᱫᱚ Iran) ᱠᱷᱚᱱᱟᱜ ᱠᱚᱸᱧᱮ ᱯᱟᱪᱮ ᱵᱷᱟᱨᱚᱛ ᱫᱤᱥᱮᱢᱛᱮ ᱟᱨ ᱚᱲᱟᱜ ᱫᱩᱣᱟᱹᱨ ᱠᱟᱛᱮ ᱠᱚ ᱛᱟᱦᱮᱸᱭᱮᱱᱟ ᱱᱤᱛᱚᱜ ᱢᱮᱱᱚᱜᱚᱦ ᱠᱟᱱ Karachi ᱤᱞᱟᱹᱠᱟ ᱡᱟᱭᱜᱟ ᱠᱚᱨᱮ᱾

ᱜᱟᱰᱟᱠᱚ ᱥᱟᱯᱲᱟᱣ

ᱚᱱᱟ ᱥᱩᱨ ᱠᱚᱨᱮ ᱡᱟᱦᱟᱸ ᱱᱟᱺᱭ ᱜᱟᱰᱟᱠᱚ ᱛᱟᱦᱮᱸᱠᱟᱱᱟ, ᱚᱱᱟᱠᱚᱫᱚ Indus, Ravi, Beas, Chenab ᱟᱨ Sutlej ᱮᱢᱟᱱ ᱠᱚ ᱟᱨ ᱚᱱᱰᱮ ᱠᱷᱚᱱᱟᱜ ᱟᱱᱮᱡ ᱫᱷᱟᱱᱮᱡ ᱠᱚ ᱧᱟᱢ ᱞᱮᱫᱼᱟ ᱧᱩ ᱫᱟᱜ ᱥᱟᱶᱛᱮ ᱪᱟᱥ ᱫᱟᱜ ᱟᱨ ᱟᱱᱮ ᱫᱷᱟᱱᱮᱡ ᱡᱚᱢ ᱧᱩ᱾ ᱤᱱᱟᱹᱵᱮᱱᱟᱣ ᱦᱟᱥᱟ ᱠᱚᱦᱚᱸᱠᱚ ᱧᱟᱢ ᱠᱮᱜᱼᱟ᱾ ᱤᱴᱟᱹᱠᱚ ᱵᱮᱱᱟᱱ ᱠᱟᱛᱮ ᱵᱮᱱᱟᱣ ᱨᱟᱠᱟᱵ ᱠᱮᱜᱼᱟᱠᱚ ᱢᱟᱨᱟᱝ ᱢᱟᱨᱟᱝ ᱯᱟᱠᱟ ᱫᱚᱞᱟᱱ ᱚᱲᱟᱜ᱾ ᱧᱮᱞ ᱧᱮᱞᱛᱮ ᱵᱮᱱᱟᱣ ᱨᱟᱠᱟᱵ ᱮᱱᱟ ᱟᱹᱰᱤᱜᱟᱱ ᱦᱩᱰᱤᱧ ᱢᱟᱨᱟᱝ ᱥᱚᱦᱚᱨ ᱵᱟᱡᱟᱨ᱾ ᱥᱚᱦᱚᱨ ᱵᱟᱡᱟᱨ ᱵᱷᱤᱛᱤᱨ ᱨᱮ ᱢᱚᱦᱮᱱᱡᱚᱫᱟᱨᱚ ᱟᱨ ᱦᱚᱨᱚᱯᱯᱟ ᱵᱟᱡᱟᱨ ᱛᱟᱦᱮᱸ ᱠᱟᱱᱟ ᱧᱩᱛᱩᱢᱟᱱ ᱟᱨ ᱢᱟᱨᱟᱝ ᱵᱟᱡᱟᱨ᱾ ᱵᱟᱹᱱᱤᱡ ᱵᱮᱯᱟᱨ ᱩᱛᱷᱱᱟᱹᱣ ᱨᱟᱠᱟᱵ ᱮᱱᱟ᱾ ᱵᱟᱹᱱᱤᱡ ᱵᱮᱯᱟᱨ ᱜᱚᱴᱟ ᱫᱷᱟᱹᱨᱛᱤ ᱥᱟᱞᱟᱜ ᱪᱟᱹᱞᱩᱭᱮᱱ ᱵᱮᱲᱟᱨᱮ ᱡᱟᱹᱥᱛᱤ ᱠᱟᱭᱛᱮ ᱪᱟᱹᱞᱩᱭᱮᱱᱟ ᱢᱮᱥᱳᱯᱳᱴᱟᱢᱤᱭᱟ ᱥᱟᱞᱟᱜ᱾ ᱫᱷᱟᱹᱨᱛᱤ ᱡᱟᱠᱟᱛ ᱨᱮ ᱧᱩᱛᱩᱢᱟᱱ ᱥᱤᱱᱫᱷᱩ ᱥᱚᱥᱱᱚᱜ ᱵᱮᱱᱟᱣ ᱨᱟᱠᱟᱵ ᱮᱱᱟ᱾ ᱱᱚᱶᱟ ᱥᱤᱱᱫᱷᱩ ᱥᱚᱥᱱᱚᱜ ᱨᱮᱜᱮ ᱨᱩᱭᱞᱩ ᱪᱤᱠᱤ ᱵᱮᱱᱟᱣ ᱮᱱᱟ ᱟᱨ ᱚᱱᱟ ᱫᱚ ᱱᱤᱛᱚᱜ Indus script ᱧᱩᱛᱩᱢ ᱛᱮ ᱵᱟᱰᱟᱭᱮᱱᱟ᱾ ᱡᱮᱛᱮᱞᱮᱠᱟᱛᱚ ᱯᱚᱨᱛᱟᱲ ᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ ᱪᱤ ᱥᱤᱱᱫᱷᱩ ᱥᱚᱥᱱᱚᱜ ᱫᱚ ᱛᱟᱦᱮᱸᱠᱟᱱᱟ ᱱᱤᱛᱚᱜ ᱠᱩᱜ ᱥᱟᱱᱛᱟᱲ ᱠᱚᱨᱤᱱ ᱦᱟᱯᱲᱟᱢ ᱠᱚᱣᱟᱜ᱾ ᱦᱚᱭᱛᱚ ᱒᱘᱐᱐ BC ᱠᱷᱚᱱᱟᱜ ᱑᱘᱐᱐ BC ᱫᱷᱟᱹᱵᱤᱡ ᱱᱚᱣᱟ ᱥᱤᱱᱫᱷᱩ ᱥᱚᱥᱱᱚᱜ ᱨᱮ ᱟᱹᱫᱤᱢ ᱦᱚᱲ ᱠᱚᱫᱚ ᱟᱹᱰᱤ ᱥᱩᱞᱩᱠ ᱨᱮᱠᱚ ᱛᱟᱦᱮᱸ ᱠᱟᱱᱟ ᱟᱹᱰᱤ ᱨᱟᱹᱥᱨᱟᱹ ᱨᱮ᱾ ᱦᱚᱲ ᱠᱚ ᱞᱟᱝᱜᱮ ᱞᱮᱱ ᱨᱮᱦᱚᱸᱜᱮ ᱚᱠᱚᱭ ᱨᱟᱡᱽ ᱨᱟᱹᱱᱤᱦᱚᱸ ᱵᱟᱝᱠᱚ ᱛᱟᱦᱮᱸ ᱠᱟᱱᱟ᱾

ᱫᱷᱚᱨᱚᱢ ᱥᱟᱯᱲᱟᱣ

ᱫᱷᱚᱨᱚᱢ ᱟᱨ ᱠᱚᱨᱚᱢ ᱢᱟᱱᱟᱣ ᱠᱟᱛᱮ ᱥᱟᱱᱟᱢ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ᱾ ᱟᱠᱚ ᱟᱠᱚ ᱵᱷᱤᱛᱤᱨ ᱨᱮᱱᱟᱜ ᱦᱩᱰᱤᱧ ᱢᱟᱨᱟᱝ ᱮᱴᱠᱮᱴᱚᱬᱮᱠᱚ ᱟᱠᱚ ᱟᱠᱚ ᱵᱷᱤᱛᱤᱨ ᱨᱮᱜᱮᱛᱚ ᱨᱮᱯᱚᱲ ᱪᱷᱤᱱᱰᱟᱹᱣᱮᱫ ᱛᱟᱦᱮᱸᱠᱟᱱᱟ᱾ ᱱᱮᱜᱼᱚᱭ ᱱᱚᱝᱠᱟ ᱪᱟᱦᱮᱸᱠᱟᱱᱟ ᱥᱤᱱᱫᱷᱩ ᱥᱚᱥᱱᱚᱜ᱾ [ref:book - Nagam dahar re cha.igarh, champa garh ar sena hor. (page 23)]᱾ ᱨᱟᱹᱯᱩᱫᱼᱮᱱᱟ ᱥᱤᱱᱫᱷᱩ ᱥᱚᱥᱱᱚᱜ -: ᱥᱤᱧᱚᱛ ᱨᱮ ᱟᱹᱫᱤᱢ ᱠᱚ ᱦᱮᱡ ᱠᱟᱛᱮ ᱥᱤᱱᱫᱷᱩ ᱥᱚᱥᱱᱚᱜ ᱠᱚ ᱵᱮᱱᱟᱣ ᱨᱟᱠᱟᱵ ᱞᱮᱜᱼᱟ᱾ ᱥᱤᱱᱫᱷᱩ ᱥᱚᱥᱱᱚᱜ ᱨᱮ ᱟᱹᱫᱤᱢ ᱦᱚᱲ ᱠᱚᱫᱚ ᱟᱹᱰᱤ ᱥᱩᱞᱩᱠ ᱨᱮᱠᱚ ᱛᱟᱦᱮᱸ ᱠᱟᱱᱟ᱾ ᱵᱚᱝᱜᱟ ᱵᱩᱨᱩᱣᱟᱜ ᱧᱩᱛᱩᱢ ᱛᱮ ᱫᱤᱥᱚᱢ ᱪᱟᱹᱞᱩᱞᱮᱱᱟ᱾ ᱱᱤᱛᱚᱜᱟᱜ ᱠᱟᱨᱟᱢ ᱵᱤᱱᱛᱤ ᱨᱮᱱᱟᱜ ᱫᱷᱟᱹᱨᱢᱩ ᱠᱟᱹᱨᱢᱩ ᱚᱨᱥᱚᱝ ᱥᱤᱱᱫᱷᱩ ᱥᱚᱥᱱᱚᱜ ᱨᱮᱫᱚ ᱵᱮᱥᱴᱷᱤᱠ ᱜᱮ ᱧᱮᱞ ᱞᱮᱱ ᱛᱟᱦᱳᱸ ᱠᱟᱦᱮᱸ ᱠᱟᱱᱟ᱾ ᱦᱚᱲ ᱠᱚ ᱫᱷᱚᱨᱚᱢ ᱪᱮᱛᱟᱱ ᱨᱮ ᱟᱹᱰᱤ ᱯᱟᱹᱛᱭᱟᱹᱣ ᱛᱟᱠᱚ ᱛᱟᱦᱮᱸ ᱠᱟᱱᱟ ᱟᱨ ᱡᱮ ᱡᱟᱦᱟᱨ ᱠᱚ ᱠᱟᱹᱢᱤ ᱡᱚᱝ ᱛᱟᱦᱮᱸᱫ᱾ ᱚᱠᱚᱭ ᱦᱚᱸ ᱚᱠᱚᱭ ᱥᱟᱶ ᱵᱟᱹᱫᱤ ᱵᱮᱵᱟᱹᱫᱤ ᱵᱟᱠᱚ ᱛᱟᱦᱮᱸ ᱠᱟᱱᱟ᱾ ᱠᱟᱹᱴᱤᱡ ᱠᱟᱹᱴᱤᱡᱟᱜ ᱠᱚᱫᱚ ᱟᱹᱛᱩ ᱴᱚᱞᱟ ᱨᱮᱜᱮᱠᱚ ᱵᱤᱪᱟᱹᱨ ᱮᱫ ᱛᱟᱦᱮᱸᱫ᱾ ᱚᱱᱟᱠᱮ ᱥᱤᱱᱫᱷᱩ ᱥᱚᱥᱱᱚᱜ ᱨᱮᱫᱚ ᱠᱳᱨᱴ ᱠᱩᱪᱨᱤ ᱠᱚᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱥᱮ ᱨᱟᱡᱟ ᱠᱚᱦᱚᱸ ᱵᱟᱠᱚ ᱛᱟᱦᱮᱸ ᱠᱟᱱᱟ᱾ ᱒᱘᱐᱐ BC ᱠᱷᱚᱱ ᱑᱘᱐᱐ BC ᱫᱷᱟᱹᱵᱤᱡ ᱟᱹᱰᱤ ᱥᱩᱞᱩᱠ ᱨᱮᱠᱚ ᱛᱟᱦᱮᱸ ᱠᱟᱱᱟ᱾ ᱑᱙᱐᱐ BC ᱠᱚᱨᱚ ᱠᱷᱚᱱ ᱟᱨ ᱵᱟᱨ ᱥᱟᱭ ᱥᱮᱨᱢᱟ ᱵᱷᱤᱛᱤᱨ ᱨᱮ ᱧᱮᱞ ᱧᱮᱞᱛᱮ ᱥᱤᱱᱫᱷᱩ ᱥᱚᱥᱱᱚᱜ ᱨᱟᱹᱯᱩ ᱩᱡᱟᱹᱲ ᱪᱟᱵᱟᱭᱮᱱᱟ᱾ ᱠᱟᱨᱚᱱ ᱫᱚ ᱦᱩᱭᱩᱜ ᱠᱟᱱᱟ ᱦᱚᱲ ᱟᱹᱰᱤ ᱠᱚ ᱥᱟᱝᱜᱮᱭᱮᱱᱟ᱾ ᱛᱟᱦᱮᱸᱱ ᱞᱟᱹᱜᱤᱫ ᱚᱲᱟᱜ ᱪᱮᱛᱟᱱ ᱠᱚ ᱚᱲᱟᱜ ᱠᱮᱜᱼᱟ᱾ ᱱᱟᱹᱞᱤ ᱠᱚ ᱥᱟᱯᱷᱟ ᱵᱟᱝᱠᱚ ᱫᱚᱦᱚᱞᱮᱜᱼᱟ᱾ ᱛᱤᱱᱟᱹᱜ ᱦᱚᱲ ᱫᱚ ᱚᱲᱟᱜ ᱵᱷᱤᱛᱨᱤ ᱨᱮ ᱞᱟ ᱠᱟᱛᱮ ᱟᱠᱚᱣᱟᱜ ᱫᱟᱢᱟᱱ ᱡᱤᱱᱤᱥ ᱠᱚ ᱛᱚᱯᱟ ᱩᱠᱩ ᱠᱮᱜᱼᱟ ᱟᱨ ᱡᱟᱹᱥᱛᱤ ᱫᱟᱜ ᱡᱟᱹᱲᱤ ᱠᱷᱟᱹᱛᱤᱨ ᱱᱟᱹᱭ ᱜᱟᱰᱟ ᱠᱚ ᱵᱟᱱ ᱮᱱᱟ᱾ ᱞᱤᱸᱜᱤᱱ ᱦᱚᱨ ᱵᱚᱫᱚᱞ ᱮᱱᱟ᱾ Ghaggar-Hakra ᱱᱟᱹᱭ ᱦᱚᱸ ᱟᱸᱡᱮᱫ ᱮᱱᱟ᱾ ᱚᱛ ᱦᱟᱥᱟ ᱠᱚ ᱵᱟᱹᱞᱤᱛᱮ ᱛᱚᱯᱟ ᱮᱱᱟ ᱟᱨ ᱪᱟᱥ ᱵᱟᱥ ᱵᱟᱝ ᱦᱩᱭ ᱞᱮᱱᱟ᱾ ᱚᱱᱟᱛᱮ ᱦᱚᱲ ᱠᱚ ᱦᱟᱱᱛᱮ ᱱᱷᱟᱛᱮ ᱨᱚ ᱥᱟᱦᱟ ᱤᱫᱤᱭᱮᱱᱟ᱾ ᱟᱨᱦᱚᱸ ᱢᱤᱫ ᱴᱟᱝ ᱠᱟᱨᱚᱱ ᱫᱚ Aryan ᱠᱚ ᱱᱚᱣᱟ ᱥᱤᱧᱚᱛ ᱫᱤᱥᱚᱢ ᱵᱚᱞᱚ ᱦᱮᱡ ᱠᱟᱛᱮ ᱟᱹᱫᱤᱢ ᱠᱚ ᱛᱟᱞᱟᱨᱮ ᱠᱷᱤᱛᱲᱤᱭᱮᱱᱟ ᱟᱨ ᱱᱮᱭᱟᱣ ᱠᱷᱟᱹᱯᱟᱹᱨᱚᱭᱟᱹ ᱛᱟᱯᱟᱢ ᱜᱚᱯᱚᱡ ᱠᱚ ᱮᱦᱚᱵ ᱠᱮᱫᱼᱟ᱾ ᱛᱟᱯᱟᱢ ᱜᱚᱯᱚᱡ ᱠᱷᱟᱹᱛᱤᱨ ᱦᱚᱲ ᱠᱚ ᱪᱷᱤᱢ ᱪᱷᱤᱛᱤᱨ ᱮᱱᱟ᱾ ᱟᱨ ᱚᱱᱟᱠᱚ ᱤᱫᱤᱛᱮ ᱨᱟᱹᱯᱩᱫ ᱮᱱᱟ ᱨᱤᱞᱟᱹᱢᱟᱞᱟ ᱥᱤᱱᱫᱷᱩ ᱥᱚᱥᱱᱚᱜ ᱫᱚ᱾