ᱥᱩᱱᱤᱛᱟ ᱨᱟᱣ

ᱥᱩᱱᱤᱛᱟ ᱨᱟᱣ
ᱥᱩᱱᱤᱛᱟ ᱨᱟᱣ
	ᱨᱮᱫ:Suneeta Rao in 2009.jpg
ᱵᱤᱵᱚᱨᱚᱱ
ᱡᱮᱱᱨᱮᱥ	Pop; Indipop;
ᱚᱠᱩᱯᱮᱥᱚᱱ	ᱥᱮᱨᱮᱧᱤᱭᱟᱹ
ᱵᱟᱡᱽᱱᱟ	Vocalist
ᱠᱟᱹᱢᱤ ᱚᱠᱛᱚ	᱑᱙᱘᱙ ᱠᱷᱚᱱ ᱱᱤᱛ ᱫᱷᱟᱹᱨᱤᱡ
ᱞᱮᱵᱮᱞ	HMV; ᱥᱟᱨᱮᱜᱟᱢᱟ; ᱵᱤ.ᱮᱢ.ᱡᱤ. ᱢᱭᱩᱡᱤᱠ; ᱥᱚᱱᱤ ᱢᱭᱩᱡᱤᱠ;
ᱣᱮᱵᱽᱥᱟᱭᱤᱴ	Official site

ᱥᱩᱱᱤᱛᱟ ᱨᱟᱣ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱚᱯ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ, ᱯᱞᱮᱵᱮᱠ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ, ᱮᱱᱮᱡᱤᱜ ᱟᱨ ᱥᱴᱮᱡᱽ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱑᱙᱘᱐ ᱟᱨ ᱑᱙᱙᱐ ᱨᱮ ᱥᱮᱨᱮᱧ ᱞᱟᱹᱜᱤᱫ ᱛᱮ ᱟᱹᱰᱤ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ ᱾^[᱑] ᱩᱱᱤᱭᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱥᱮᱨᱮᱧ ᱫᱚ ᱦᱩᱭᱩᱜ ᱠᱟᱱᱟ ᱫᱷᱩᱶᱟ (᱑᱙᱙᱑) ᱮᱞᱵᱚᱢ ᱨᱮᱱᱟᱜ ᱯᱟᱨᱤ ᱦᱩᱸ ᱢᱟᱭ ᱠᱟᱱᱟ ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱠᱟᱹᱢᱤ ᱡᱤᱭᱚᱱ

ᱨᱟᱣ ᱫᱚ ᱡᱚᱨᱢᱟᱱᱤ ᱨᱮᱭ ᱡᱟᱱᱟᱢ ᱞᱮᱱᱟ ᱾^[᱒] ᱩᱱᱤ ᱫᱚ ᱟᱡᱟᱜ ᱟᱥᱲᱟ ᱥᱮᱪᱮᱫ ᱫᱚ ᱢᱩᱢᱵᱟᱭ ᱨᱮᱭ ᱯᱩᱨᱟᱹᱣ ᱞᱮᱫᱼᱟ ᱟᱨ ᱥᱮᱱᱴ ᱡᱮᱵᱤᱭᱚᱨᱥ ᱠᱚᱞᱮᱡᱽ, ᱢᱩᱢᱵᱟᱭ ᱠᱷᱚᱱ ᱟᱡᱟᱜ ᱟᱥᱲᱟ ᱥᱮᱪᱮᱫ ᱫᱚᱭ ᱯᱩᱨᱟᱹᱣ ᱞᱮᱫᱼᱟ ᱾ ᱠᱚᱞᱮᱡᱽ ᱚᱠᱛᱚ ᱟᱨ ᱚᱱᱟ ᱛᱟᱭᱚᱢ, ᱩᱱᱤ ᱫᱚ ᱤᱵᱤᱛᱟ ᱞᱮᱠᱟᱱ ᱟᱭᱢᱟ ᱜᱟᱭᱟᱱ ᱨᱮ ᱟᱨ ᱫᱮ ᱟᱨ ᱯᱞᱟᱭᱤᱝ ᱟᱣᱟᱨ ᱥᱳᱝ ᱟᱨ ᱜᱨᱤᱥᱰ ᱞᱟᱭᱤᱴᱱᱤᱝ ᱞᱮᱠᱟᱱ ᱠᱚᱸᱥᱚᱨᱴ ᱨᱮ ᱠᱟᱹᱢᱤ ᱟᱠᱟᱫᱟ ।

ᱥᱮᱨᱮᱧ ᱟᱨ ᱥᱴᱮᱡᱽ ᱠᱮᱨᱤᱭᱚᱨ

᱒᱐᱑᱒ ᱨᱮ ᱨᱟᱣ

ᱨᱟᱣ ᱫᱚ ᱑᱙᱘᱙ ᱥᱟᱞ ᱨᱮ ᱥᱩᱱᱤᱛᱟ ᱥᱮᱱᱳᱨᱤᱛᱟ ᱥᱮᱨᱮᱧ ᱠᱷᱚᱱ ᱟᱡᱟᱜ ᱠᱟᱹᱢᱤ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾^[᱓] "ᱯᱟᱨᱤ ᱦᱩᱸ ᱢᱟᱭ" ᱥᱮᱨᱮᱧ ᱛᱮ ᱩᱱᱤ ᱟᱹᱰᱤ ᱧᱩᱛᱩᱢᱟᱱ ᱞᱮᱱᱟᱭ ᱾

ᱩᱱᱤᱫᱚ ᱑᱙᱙᱑ ᱥᱮᱨᱢᱟ ᱨᱮ ᱮᱪ.ᱮᱢ.ᱵᱷᱤ. ᱥᱟᱶᱛᱮ ᱫᱷᱩᱶᱟ ᱧᱩᱛᱩᱢᱟᱱ ᱢᱤᱫ ᱦᱤᱱᱫᱤ ᱯᱚᱯ ᱮᱞᱵᱚᱢ ᱮ ᱵᱮᱵᱷᱟᱨ ᱞᱮᱫᱼᱟ, ᱡᱟᱦᱟᱸ ᱫᱚ ᱗᱕,᱐᱐᱐ ᱠᱚᱯᱤ ᱠᱷᱚᱱ ᱦᱚᱸ ᱵᱟᱹᱲᱛᱤ ᱵᱮᱵᱷᱟᱨ ᱞᱮᱫᱼᱟ ᱾ ᱡᱟᱦᱟᱸ ᱨᱮ ᱞᱮᱥᱞᱤ ᱞᱩᱭᱤᱥ ᱟᱜ ᱥᱮᱨᱮᱧ ᱛᱟᱦᱮᱸ ᱠᱟᱱᱟ ᱾ ᱮᱞᱵᱚᱢ ᱨᱮᱱᱟᱜ "ᱯᱟᱨᱤ" ᱨᱮᱱᱟᱜ ᱥᱮᱨᱮᱧ ᱟᱨ ᱵᱷᱤᱰᱤᱭᱳ ᱥᱩᱱᱤᱛᱟ ᱨᱟᱣ ᱢᱤᱫ ᱚᱲᱟᱜ ᱧᱩᱛᱩᱢ ᱮ ᱵᱮᱱᱟᱣ ᱠᱮᱫᱼᱟ, ᱡᱟᱦᱟᱸ ᱛᱮ ᱯᱨᱮᱥ ᱫᱚ ᱩᱱᱤ ᱫᱩᱞᱟᱹᱲ ᱛᱮ "ᱯᱟᱨᱤ ᱚᱯᱷ ᱫᱟ ᱢᱟᱥ" ᱨᱮᱱᱟᱜ ᱴᱷᱟᱶ ᱮ ᱟᱢᱮᱴ ᱠᱮᱫᱼᱟ ᱾

ᱮ. ᱟᱨ. ᱨᱚᱦᱢᱟᱱ ᱥᱟᱶ ᱟᱡᱟᱜ ᱯᱩᱭᱞᱩ ᱟᱨ ᱢᱤᱫᱴᱟᱹᱝ ᱡᱚᱲᱟᱣ ᱫᱚ ᱑᱙᱙᱔ ᱥᱮᱨᱢᱟ ᱨᱮ ᱛᱟᱢᱤᱞ ᱯᱷᱤᱞᱢ ᱨᱮ "ᱟᱫᱤ ᱯᱟᱨᱩ ᱢᱚᱝᱜᱚᱛᱟ" ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱙᱙ ᱥᱮᱨᱢᱟ ᱨᱮ ᱮᱪ.ᱮᱢ.ᱵᱷᱤ ᱥᱟᱶ ᱛᱟᱞᱟᱥ ᱧᱩᱛᱩᱢ ᱛᱮ ᱢᱤᱫ ᱦᱤᱱᱫᱤ ᱯᱚᱯ ᱮᱞᱵᱟᱢ ᱮ ᱵᱮᱵᱷᱟᱨ ᱞᱮᱫᱼᱟ, ᱡᱟᱦᱟᱸ ᱨᱮ ᱨᱚᱱᱡᱤᱛ ᱵᱟᱨᱳᱴ ᱟᱜ ᱥᱮᱨᱮᱧ ᱛᱟᱦᱮᱸ ᱠᱟᱱᱟ ᱾

ᱥᱠᱨᱤᱱ ᱨᱮ ᱦᱤᱴ ᱦᱩᱭ ᱟᱠᱟᱱ ᱵᱟᱨᱭᱟ ᱵᱷᱤᱰᱤᱭᱳ ᱫᱚ "ᱫᱮᱦᱠᱟ ᱫᱮᱦᱠᱟ" ᱟᱨ "ᱠᱮᱥᱟᱨᱤᱭᱟ" ᱥᱮᱨᱮᱧ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱨᱭᱟ ᱧᱩᱛᱩᱢᱟᱱ ᱦᱮᱯᱨᱟᱣ ᱴᱨᱮᱠ ᱠᱟᱱᱟ ᱡᱟᱦᱟᱸ ᱫᱚ ᱨᱟᱣ ᱪᱟᱨᱴ ᱨᱮ ᱪᱮᱛᱟᱱ ᱨᱮᱭ ᱦᱮᱡ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱨᱮᱱᱟᱜ ᱕᱐ ᱥᱮᱨᱢᱟ ᱞᱟᱦᱟᱨᱮ ᱢᱮᱜᱽᱱᱟᱥᱩᱸᱰ ᱮᱞᱵᱚᱢ ᱮ ᱨᱤᱡᱚᱱ ᱴᱩ ᱥᱢᱟᱭᱤᱞ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ "ᱪᱷᱳᱴᱤ ᱪᱷᱳᱴᱤ ᱵᱟᱛᱮᱸ" ᱧᱩᱛᱩᱢᱟᱱ ᱢᱤᱫᱴᱟᱹᱝ ᱱᱟᱶᱟ ᱥᱮᱨᱮᱧ ᱟᱨ ᱥᱮᱨᱮᱧ ᱵᱷᱤᱰᱤᱭᱳᱭ ᱵᱮᱵᱷᱟᱨ ᱠᱮᱫᱼᱟ ᱾ ᱩᱱᱤ ᱫᱚ "ᱣᱟᱡᱟᱦ ᱢᱩᱥᱠᱩᱨᱟᱱᱮ ᱠᱤ" ᱧᱩᱛᱩᱢᱟᱱ ᱮᱞᱵᱚᱢ ᱨᱮ ᱢᱤᱫᱴᱟᱹᱝ ᱜᱩᱴ ᱥᱮᱨᱮᱧ ᱨᱮ ᱦᱚᱸᱭ ᱯᱟᱥᱱᱟᱣ ᱠᱮᱫᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱟᱡᱟᱜ ᱠᱟᱹᱢᱤ ᱨᱮ ᱜᱩᱞᱟᱢ-ᱮ-ᱢᱩᱥᱛᱟᱯᱷᱟ, ᱫᱩᱞᱦᱟᱱ ᱦᱟᱢ ᱞᱮ ᱡᱟᱭᱮᱸᱜᱮ ᱟᱨ ᱠᱟᱸᱦᱤ ᱯᱤᱭᱟᱨ ᱱᱟ ᱦᱳ ᱡᱟᱭᱮ ᱞᱮᱠᱟᱱ ᱯᱷᱤᱞᱢ ᱠᱚᱨᱮᱱᱟᱜ ᱥᱮᱨᱮᱧ ᱠᱚ ᱥᱮᱞᱮᱫ ᱟᱠᱟᱱᱟ ᱾ ᱥᱩᱱᱤᱛᱟ ᱨᱟᱣ ᱟᱜ ᱯᱟᱠᱤᱥᱛᱟᱱ ᱟᱨ ᱟᱯᱷᱨᱤᱠᱟ ᱨᱮᱦᱚᱸ ᱥᱳ ᱢᱮᱱᱟᱜᱼᱟ, ᱥᱟᱶᱛᱮ ᱴᱮᱞᱤᱵᱷᱤᱡᱚᱱ, ᱛᱷᱤᱭᱮᱴᱚᱨ ᱟᱨ ᱯᱷᱤᱞᱢ ᱞᱟᱹᱜᱤᱫ ᱟᱭᱢᱟ ᱮᱴᱟᱜ ᱯᱨᱚᱡᱮᱠᱴ ᱦᱚᱸ ᱢᱮᱱᱟᱜᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱩᱱᱤ ᱫᱚ ᱒᱐᱐᱘ ᱨᱮ ᱮᱱ.ᱰᱤ.ᱴᱤ.ᱵᱷᱤ. ᱞᱟᱹᱜᱤᱫ ᱮ ᱫᱮᱠᱷᱟᱣ ᱞᱮᱫᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱨᱟᱣ ᱫᱚ ᱜᱞᱳᱵᱟᱞ ᱣᱟᱨᱢᱤᱝ ᱞᱟᱹᱜᱤᱫ ᱢᱤᱫ ᱥᱮᱨᱮᱧ ᱮ ᱚᱞ ᱞᱮᱫᱼᱟ ᱟᱨ ᱨᱮᱠᱚᱨᱰ ᱞᱮᱫᱼᱟ ᱾ ᱱᱚᱶᱟ ᱫᱚ ᱟᱭᱤ.ᱥᱤ.ᱮ.ᱟᱭᱤ. ᱟᱨ GYAAN ᱦᱚᱛᱮᱛᱮ ᱮᱦᱚᱵ ᱟᱠᱟᱱ ᱢᱤᱫ ᱠᱟᱹᱢᱤᱦᱚᱨᱟ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ "ᱯᱞᱟᱱᱮᱴ ᱟᱞᱚᱨᱴ" ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱥᱮᱨᱮᱧ ᱫᱚ ᱢᱤᱫ ᱨᱮᱰᱤᱭᱳᱛᱷᱚᱱ ᱨᱮ ᱩᱪᱷᱟᱹᱱ ᱮ ᱮᱛᱚᱦᱚᱵ ᱠᱮᱫᱼᱟ ᱡᱟᱦᱟᱸ ᱫᱚ ᱕ ᱡᱩᱱ ᱒᱐᱐᱙ ᱨᱮ ᱵᱤᱜᱽ ᱙᱒.᱗ ᱮᱯᱷ. ᱮᱢ. ᱨᱮ ᱩᱪᱷᱟᱹᱱ ᱞᱮᱱᱟ ᱾ ᱱᱚᱶᱟ ᱥᱮᱨᱮᱧ ᱫᱚ ᱫᱨᱩᱵᱽ ᱜᱷᱟᱱᱮᱠᱚᱨ ᱮ ᱵᱮᱱᱟᱣ ᱟᱠᱟᱫᱟ ᱟᱨ ᱨᱟᱣ ᱮ ᱥᱮᱨᱮᱧ ᱟᱠᱟᱫᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱨᱟᱣ ᱫᱚ ᱑᱕ ᱡᱩᱞᱟᱭ ᱒᱐᱐᱘ ᱨᱮ ᱦᱟᱨᱰ ᱨᱚᱠ ᱠᱚᱯᱷᱮ ᱨᱮ ᱟᱡᱟᱜ ᱱᱟᱣᱟ ᱮᱞᱵᱚᱢ ᱣᱚᱠᱛᱚ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱱᱩᱠᱩ ᱫᱚ ᱨᱟᱜᱽ-ᱟᱥᱚᱥ ᱟᱠᱟᱱ ᱥᱟᱶᱦᱮᱫ ᱥᱮᱨᱮᱧ ᱠᱚ ᱨᱟᱦᱟ ᱟᱠᱟᱱ ᱛᱟᱦᱮᱸᱫ ᱟᱨ ᱥᱮᱨᱮᱧ ᱠᱚ ᱫᱚ ᱰᱤ.ᱡᱮ. ᱜᱚᱣᱨᱚᱵᱽ ᱤᱥᱥᱚᱨ ᱟᱨ ᱫᱩᱫᱩᱞ ᱥᱟᱠᱤᱭᱟ ᱠᱚ ᱵᱮᱱᱟᱣ ᱟᱠᱟᱫ ᱛᱟᱦᱮᱸᱫ ᱾ ᱠᱨᱮᱥᱠᱮᱱᱰᱳ ᱢᱭᱩᱡᱤᱠ ᱞᱮᱵᱮᱞ ᱨᱮ ᱥᱤᱰᱤ ᱥᱴᱳᱯ ᱨᱮ ᱧᱟᱢᱚᱜᱼᱟ ᱾ ᱯᱩᱭᱞᱩ ᱵᱷᱤᱰᱤᱭᱳ ᱫᱚ "ᱥᱩᱱ ᱡᱟᱨᱟ" ᱥᱮᱨᱮᱧ ᱨᱮᱱᱟᱜ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ UNFPA ᱦᱚᱛᱮᱛᱮ ᱥᱚᱦᱚᱫ ᱟᱠᱟᱱ ᱠᱩᱲᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱢᱤᱫ ᱥᱮᱨᱮᱧ ᱛᱟᱦᱮᱸ ᱠᱟᱱᱟ ᱾ ᱣᱤᱰᱤᱭᱳ ᱫᱚ ᱨᱟᱪᱮᱞ ᱨᱩᱵᱮᱱ ᱦᱚᱛᱮᱛᱮ ᱰᱤᱨᱮᱠᱥᱚᱱ ᱟᱠᱟᱱᱟ, ᱡᱮᱥᱚᱱ ᱣᱮᱥᱴ ᱦᱚᱛᱮᱛᱮ ᱥᱩᱴ ᱟᱠᱟᱱᱟ, ᱟᱨ ᱱᱚᱶᱟ ᱨᱮ ᱥᱩᱱᱤᱛᱟ ᱨᱟᱣ ᱟᱨ ᱢᱩᱬᱩᱛ ᱮᱠᱴᱨᱮᱥ ᱥᱩᱪᱤᱛᱨᱟ ᱯᱤᱞᱞᱟᱭ ᱫᱚ ᱮᱱᱮᱡ ᱟᱠᱟᱫᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱥᱩᱱᱤᱛᱟ ᱨᱟᱣ ᱫᱚ ᱮᱱ.ᱰᱤ.ᱴᱤ.ᱵᱷᱤ. ᱤᱢᱮᱡᱤᱱ ᱨᱮᱱᱟᱜ ᱨᱤᱭᱟᱞᱤᱴᱤ ᱥᱳ ᱫᱷᱩᱢ ᱢᱟᱪᱟ ᱫᱮ ᱨᱮᱫᱚ ᱑᱒ ᱜᱚᱴᱟᱝ ᱯᱨᱚᱫᱮᱥᱚᱱ ᱮ ᱮᱢ ᱞᱮᱫᱼᱟ ᱟᱨ "ᱫᱷᱩᱢ ᱯᱷᱟᱭᱤᱱᱟᱞ ᱥᱴᱚᱯᱚᱨ" ᱞᱟᱹᱜᱤᱫ ᱛᱮ ᱨᱟᱱᱚᱨ ᱟᱯ ᱥᱤᱨᱯᱷᱟᱹᱭ ᱟᱢᱮᱴ ᱞᱮᱫᱼᱟ ᱾ ᱒᱐᱐᱕ ᱥᱮᱨᱢᱟ ᱨᱮ, ᱱᱩᱭ ᱫᱚ ᱱᱤᱭᱩ ᱭᱚᱨᱠ ᱨᱮ ᱥᱤᱰ ᱧᱩᱛᱩᱢᱟᱱ ᱢᱤᱫ ᱚᱯᱷ-ᱵᱨᱚᱰᱣᱮ ᱜᱟᱭᱟᱱ ᱨᱮ ᱠᱟᱹᱢᱤ ᱞᱮᱫᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱱᱤᱡᱮᱨᱟᱜ ᱡᱤᱭᱚᱱ

ᱨᱟᱣ ᱫᱚ ᱢᱩᱢᱵᱟᱭ ᱢᱮᱱᱟᱜ ᱥᱤᱱᱮᱢᱟᱴᱳᱜᱨᱟᱯᱷᱚᱨ ᱡᱮᱥᱚᱱ ᱣᱮᱥᱴ ᱥᱟᱶᱮ ᱵᱟᱯᱞᱟ ᱞᱮᱱᱟ ᱾^[᱔] ᱩᱱᱤ ᱫᱚ ᱟᱠᱴᱤᱵᱷ ᱛᱮᱭ ᱥᱮᱞᱮᱫ ᱟᱠᱟᱱᱟ ᱟᱨ ᱞᱟᱰᱞᱤ ᱧᱩᱛᱩᱢᱟᱱ ᱢᱤᱫ ᱤᱱᱥᱴᱤᱪᱭᱩᱥᱚᱱ ᱨᱮᱱᱟᱜ ᱯᱨᱳᱵᱷᱮᱠᱴᱚᱨ ᱠᱟᱱᱟᱭ, ᱡᱟᱦᱟᱸ ᱫᱚ ᱯᱚᱯᱩᱞᱮᱥᱚᱱ ᱯᱷᱟᱨᱥᱴ ᱧᱩᱛᱩᱢᱟᱱ ᱢᱤᱫ ᱮᱱᱡᱤᱳ ᱦᱚᱛᱮᱛᱮᱭ ᱥᱮᱞᱮᱫ ᱟᱠᱟᱱᱟ, ᱡᱟᱦᱟᱸ ᱫᱚ ᱟᱡ ᱠᱟᱠᱟ ᱵᱚᱵᱤ ᱥᱤᱥᱴᱟ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮᱱᱟᱜ ᱢᱩᱬᱩᱛ ᱮᱡᱮᱱᱰᱟ ᱫᱚ ᱦᱩᱭᱩᱜ ᱠᱟᱱᱟ "ᱥᱮᱣᱤᱝ ᱫᱟ ᱜᱟᱨᱞ ᱪᱟᱭᱤᱞᱰ", ᱦᱚᱲ ᱮᱞ ᱠᱚᱱᱴᱨᱚᱞ ᱟᱨ ᱥᱤᱧᱚᱛ ᱨᱮ ᱮᱴᱟᱜ ᱥᱟᱶᱛᱟᱨᱤ ᱞᱟᱲᱟᱣᱱᱟ ᱠᱚ ᱾

ᱰᱤᱥᱠᱳᱜᱨᱟᱯᱷᱤ

ᱥᱮᱱᱳᱨᱤᱛᱟ (᱑᱙᱘᱙)
ᱫᱷᱩᱶᱟ (᱑᱙᱙᱑)
ᱮᱠ ᱯᱟᱞ ᱦᱟᱭ ᱡᱤᱱᱫᱟᱜᱤ (᱑᱙᱙᱕) (ᱴᱤᱵᱷᱤ ᱥᱤᱨᱤᱭᱮᱞ "ᱥᱣᱟᱵᱷᱤᱢᱟᱱ" ᱨᱮᱱᱟᱜ ᱛᱤᱸᱜᱩ ᱥᱮᱨᱮᱧ)
ᱛᱟᱞᱟᱥ (᱑᱙᱙᱖)
ᱪᱷᱳᱴᱤ ᱪᱷᱳᱴᱤ ᱵᱟᱛᱮᱸ - ᱢᱤᱫᱴᱟᱹᱝ (᱑᱙᱙᱗)
ᱟᱵᱽ ᱠᱮ ᱵᱟᱨᱟᱥ (᱒᱐᱐᱐)
ᱢᱩᱡᱷᱮ ᱯᱤᱭᱟᱨ ᱦᱳ ᱜᱟᱭᱟ - ᱢᱤᱫᱴᱟᱹᱝ (᱒᱐᱐᱑)
ᱣᱟᱠᱛ (᱒᱐᱐᱘)
ᱵᱷᱟᱫᱟ ᱠᱟᱨᱳ - ᱢᱤᱫᱴᱟᱹᱝ (᱒᱐᱑᱘)
ᱫᱮᱠᱷᱟ ᱛᱩᱡᱷᱮ ᱛᱩ ᱫᱤᱞ ᱨᱮᱢᱟᱠᱮ (᱒᱐᱒᱐)

ᱥᱟᱹᱠᱷᱭᱟᱹᱛ

↑ "Sunita rao at the redtro launch". The Times of India. 23 July 2016. Retrieved 19 December 2017.
↑ [᱑] Archived ᱒᱗ ᱚᱠᱴᱚᱵᱚᱨ ᱒᱐᱐᱔ at the Wayback Machine.
↑ Plan B - Your First Option. "Singer, Performer, Actress, Indian Pop Diva". Suneeta Rao. Archived from the original on 18 February 2012. Retrieved 6 March 2012.
↑ "Hot shots". Hindustan Times. 5 June 2010. Archived from the original on 25 January 2013. Retrieved 6 March 2012.

ᱵᱟᱦᱨᱮ ᱡᱚᱱᱚᱲ

ᱚᱯᱷᱤᱥᱟᱭᱤᱞ ᱥᱟᱭᱤᱡ Archived ᱒᱐᱑᱒-᱐᱒-᱑᱘ at the Wayback Machine.

[1] "Sunita rao at the redtro launch". The Times of India. 23 July 2016. Retrieved 19 December 2017.

[2] [᱑] Archived ᱒᱗ ᱚᱠᱴᱚᱵᱚᱨ ᱒᱐᱐᱔ at the Wayback Machine.

[3] Plan B - Your First Option. "Singer, Performer, Actress, Indian Pop Diva". Suneeta Rao. Archived from the original on 18 February 2012. Retrieved 6 March 2012.

[4] "Hot shots". Hindustan Times. 5 June 2010. Archived from the original on 25 January 2013. Retrieved 6 March 2012.

[᱑]

[᱒]

[᱓]

[᱔]