ᱥᱩᱱᱫᱚᱨᱵᱚᱱ ᱫᱚ ᱦᱩᱭᱩᱜ ᱠᱟᱱᱟ ᱵᱚᱝᱜᱚᱯᱚ ᱫᱚᱨᱮᱭᱟ ᱨᱟᱠᱟᱵᱽ ᱨᱮ ᱢᱮᱱᱟᱜ ᱢᱟᱨᱟᱝ ᱵᱤᱨ᱾ ᱡᱟᱦᱟᱸ ᱫᱚ ᱡᱮᱜᱮᱛ ᱨᱮᱱᱟᱜ ᱟᱹᱰᱤ ᱧᱩᱛᱩᱢ ᱦᱟᱢᱮᱴ ᱟᱠᱟᱱᱟ᱾ ᱜᱚᱝᱜᱟ, ᱢᱮᱜᱷᱱᱟ ᱟᱨ ᱵᱨᱚᱢᱚᱯᱩᱛᱨᱚ ᱜᱟᱵᱟ ᱨᱟᱠᱟᱵᱽ ᱮᱞᱟᱠᱟ ᱠᱚᱨᱮᱱᱟᱜ ᱫᱤᱯ ᱮᱞᱟᱠᱟ ᱨᱮ ᱢᱮᱱᱟᱜ ᱧᱮᱞ ᱞᱮᱠᱟᱱ ᱱᱤᱭᱟᱹ ᱢᱟᱨᱟᱝ ᱵᱤᱨ᱾ ᱵᱟᱝᱞᱟᱫᱮᱥ ᱨᱮᱱᱟᱜ ᱠᱷᱩᱞᱱᱟ, ᱥᱟᱛᱠᱷᱤᱨᱟ ᱟᱨ ᱵᱟᱜᱮᱨᱦᱟᱴ ᱦᱚᱱᱚᱛ ᱟᱨ ᱵᱷᱟᱨᱚᱛ ᱨᱮᱱᱟᱜ ᱯᱚᱪᱷᱤᱢ ᱯᱚᱱᱚᱛ ᱨᱮ ᱵᱟᱨᱭᱟ ᱦᱚᱱᱚᱛ ᱩᱛᱟᱹᱨ ᱪᱚᱵᱵᱤᱥ ᱯᱚᱨᱜᱟᱱᱟ ᱟᱨ ᱫᱟᱠᱷᱤᱱ ᱪᱚᱵᱵᱤᱥ ᱯᱚᱨᱜᱚᱱᱟ ᱦᱚᱱᱚᱛ ᱥᱮᱜᱦᱚᱸ ᱯᱟᱨᱚᱢ ᱥᱮᱱᱟᱠᱟᱱᱟ᱾ ᱫᱚᱨᱮᱭᱟ ᱩᱯᱚᱠᱩᱞ ᱠᱷᱟᱨᱟ (ᱵᱩᱞᱩᱝ ᱢᱮᱥᱟᱶ) ᱯᱚᱨᱤᱵᱮᱥ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱹᱴᱩ ᱵᱤᱨ ᱢᱮᱱᱜᱽᱨᱚᱵᱷ ᱵᱤᱨ ᱦᱤᱥᱟᱵᱽ ᱞᱮᱠᱟᱛᱮ ᱥᱩᱱᱫᱚᱨᱵᱚᱱ ᱫᱚ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱵᱤᱨ ᱠᱟᱱᱟ᱾ ᱑᱐,᱐᱐᱐ ᱵᱚᱨᱜᱚ ᱠᱤᱞᱳᱢᱤᱴᱟᱨ ᱡᱟᱜᱟ ᱨᱮ ᱢᱮᱱᱟᱜ ᱥᱩᱱᱫᱚᱨᱵᱚᱱ ᱨᱮᱱᱟᱜ ᱖,᱐᱑᱗ ᱵᱚᱨᱜᱚ ᱠᱤᱞᱳᱢᱤᱴᱟᱨ ᱜᱮ ᱵᱟᱝᱞᱟᱫᱮᱥ ᱨᱮ ᱢᱮᱱᱟᱜ-ᱟ᱾ ᱟᱨ ᱥᱟᱨᱮᱡᱽ ᱡᱟᱦᱟᱸ ᱚᱱᱟ ᱫᱚ ᱥᱤᱧᱚᱛ ᱨᱮ᱾ ᱥᱩᱱᱫᱚᱨᱵᱚᱱ ᱖ ᱰᱤᱥᱮᱢᱵᱚᱨ ᱑᱙᱙᱗ ᱥᱮᱨᱢᱟ ᱤᱭᱩᱱᱤᱥᱠᱚ ᱡᱮᱜᱮᱛ ᱨᱮᱱᱟᱜ ᱳᱭᱛᱤᱦᱭᱚ ᱴᱷᱟᱶ ᱞᱮᱠᱟᱛᱮ ᱚᱱᱩᱢᱚᱫᱚᱱ ᱦᱩᱭᱟᱠᱟᱱᱟ᱾ ᱱᱤᱭᱟᱹ ᱫᱚ ᱵᱟᱝᱞᱟᱫᱮᱥ ᱟᱨ ᱥᱤᱧᱚᱛ ᱨᱮᱱᱟᱜ ᱢᱤᱫᱴᱟᱝ ᱵᱤᱨ ᱠᱟᱱ ᱨᱮᱦᱚᱸ ᱤᱭᱩᱱᱤᱥᱠᱚ ᱜᱮᱜᱮᱛ ᱛᱩᱢᱟᱸᱞ ᱨᱮ ᱵᱟᱱᱟᱨ ᱜᱮ ᱮᱴᱟᱜᱻᱮᱴᱟᱜ ᱤᱧ ᱩᱛᱩᱢ ᱛᱮ ᱦᱤᱱᱦᱟᱹ ᱢᱮᱱᱥᱜ-ᱟ᱾ ᱚᱱᱟ ᱫᱚ "ᱥᱩᱱᱫᱚᱨᱵᱚᱱ" ᱟᱨ ᱥᱩᱱᱫᱚᱨᱵᱚᱱ ᱡᱟᱹᱛᱤᱭᱟᱹᱨᱤ ᱩᱫᱫᱟᱱ ᱧᱩᱛᱩᱢ ᱛᱮ᱾

ᱧᱩᱛᱩᱢ ᱠᱟᱛᱷᱟᱥᱟᱯᱲᱟᱣ

ᱵᱟᱝᱞᱟ ᱛᱮ ᱥᱩᱱᱫᱚᱨᱵᱚᱱ ᱨᱮᱱᱟᱜ ᱜᱟᱵᱟᱱ ᱫᱚ ᱱᱟᱯᱟᱭ(ᱥᱩᱱᱫᱚᱨ) ᱜᱟᱡᱟᱲ ᱵᱟᱝᱛᱮ ᱥᱩᱱᱫᱚᱨ‌ ᱵᱤᱨ ᱚᱛᱱᱚ᱾ ᱥᱩᱱᱫᱚᱨᱤ ᱫᱟᱨᱮ ᱠᱷᱚᱱ ᱥᱩᱱᱫᱚᱨᱵᱚᱱ ᱧᱩᱛᱩᱢ ᱠᱟᱛᱷᱟ ᱦᱩᱭ ᱫᱟᱲᱮᱜ-ᱟ᱾ ᱡᱟᱦᱟᱸ ᱫᱚ ᱚᱸᱰᱮ ᱟᱹᱰᱤ ᱜᱮ ᱡᱟᱱᱟᱢᱚᱜ-ᱟ᱾ ᱟᱨ ᱮᱴᱟᱜ ᱞᱮᱠᱟᱛᱮ ᱱᱤᱭᱟᱹ ᱧᱩᱛᱩᱢ ᱜᱟᱞᱢᱟᱨᱟᱣ ᱱᱚᱝᱠᱟ ᱠᱟᱱᱟ ᱡᱮ, (ᱫᱚᱨᱮᱭᱟ) "ᱥᱩᱢᱩᱫᱨᱚ ᱵᱟᱱᱜ" ᱵᱟᱝᱛᱮ ᱪᱚᱱᱫᱨᱚ ᱵᱟᱸᱫᱷᱮ (ᱥᱮᱫᱟᱭ ᱟᱫᱤᱵᱟᱥᱤ) ᱠᱷᱚᱱ᱾ ᱤᱠᱷᱟᱹᱱ ᱫᱷᱟᱨᱚᱱᱟ ᱦᱩᱭᱩᱜ ᱠᱟᱱᱟ ᱥᱩᱱᱫᱟᱤ ᱫᱟᱨᱮ ᱠᱷᱚᱱ ᱜᱮ ᱱᱤᱭᱟᱹ ᱧᱩᱛᱩᱢ ᱫᱚ ᱯᱟᱥᱱᱟᱣ ᱟᱠᱟᱱᱟ᱾

ᱥᱮᱫᱟᱭ ᱠᱟᱛᱷᱟᱥᱟᱯᱲᱟᱣ

ᱢᱩᱜᱷᱚᱞ ᱟᱸᱵᱚᱞ ᱨᱮᱱᱟᱜ (᱑᱒0᱓- ᱑᱕᱘᱓) ᱚᱸᱰᱮᱱᱤᱠ ᱢᱤᱫ ᱨᱟᱡᱟ ᱥᱩᱱᱫᱚᱨᱵᱚᱱ ᱜᱚᱴᱟᱜᱮ ᱞᱤᱡᱽ-ᱮ ᱦᱟᱛᱟᱣ ᱞᱮᱫᱟ᱾ ᱥᱮᱫᱟᱭ ᱨᱮᱱᱟᱜ ᱟᱭᱤᱱ ᱵᱚᱫᱚᱠᱚ ᱛᱟᱭᱚᱢ ᱡᱟᱦᱟᱸ ᱛᱟᱦᱮᱸᱭ ᱱᱟ ᱚᱱᱟ ᱫᱚ ᱡᱮᱜᱮᱛ ᱨᱮᱱᱟᱜ ᱯᱩᱭᱞᱩ ᱢᱮᱱᱜᱽᱨᱚᱵᱷ ᱵᱤᱨ ᱦᱤᱥᱟᱵᱽ ᱛᱮ ᱚᱱᱩᱢᱚᱫᱚᱱ ᱦᱩᱭᱟᱠᱟᱱᱟ᱾ ᱤᱴᱥ ᱤᱱᱰᱤᱭᱟ ᱠᱚᱢᱯᱟᱱᱤ ᱠᱷᱚᱱ ᱢᱩᱜᱷᱚᱞ ᱥᱚᱢᱨᱟᱡᱽ ᱵᱟᱨ ᱟᱱᱟᱝ ᱟᱞᱚᱢᱜᱤᱨ ᱠᱷᱚᱡᱽ ᱥᱩᱱᱫᱚᱨᱵᱚᱱ ᱨᱮᱱᱟᱜ ᱢᱤᱫ ᱢᱟᱱᱰᱤᱛᱨᱚ ᱠᱚ ᱵᱮᱱᱟᱣ ᱠᱮᱫᱟ᱾