ᱦᱟᱢᱟᱞ ᱦᱚᱲᱢᱚ (Pregnancy) ᱟᱨᱵᱟᱝ ᱯᱮᱨᱮᱡ ᱦᱚᱲᱢᱚ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ-ᱟ ᱾ ᱢᱤᱫ ᱚᱠᱛᱚ ᱡᱟᱦᱟᱸ ᱵᱮᱲᱟᱨᱮ ᱢᱤᱫ ᱠᱩᱲᱤ ᱦᱚᱯᱚᱱᱟᱜ ᱠᱚᱞᱮ ᱠᱩᱠᱷᱤ ᱨᱮ ᱱᱟᱣᱟ ᱡᱤᱣᱤ ᱵᱟᱥᱟᱜ-ᱟ, ᱱᱚᱣᱟ ᱜᱮ ᱦᱟᱢᱟᱞ ᱦᱚᱲᱢᱚ ᱥᱮ ᱯᱮᱨᱮᱡ ᱦᱚᱲᱢᱚ ᱫᱚᱵᱚᱱ ᱢᱮᱛᱟᱜ ᱠᱟᱱᱟ ᱾ [᱑] ᱡᱟᱣᱲᱟ ᱢᱮᱱᱛᱮ ᱢᱮᱱᱚᱜ-ᱟ ᱛᱤᱱ ᱡᱚᱦᱚᱜ ᱢᱤᱫᱴᱟᱹᱝ ᱠᱷᱚᱱ ᱵᱟᱹᱲᱛᱤ ᱜᱤᱫᱽᱨᱟᱹ ᱠᱚᱞᱮ ᱠᱩᱠᱷᱤ ᱨᱮᱠᱚ ᱥᱤᱨᱡᱚᱱᱚᱜ-ᱟ ᱾ [᱒]ᱚᱱᱠᱟ ᱫᱚ ᱱᱚᱣᱟ ᱚᱵᱚᱥᱛᱟ ᱫᱚ ᱟᱭᱳᱭ ᱵᱮᱱᱟᱣᱜ ᱠᱟᱱ ᱠᱩᱲᱤ ᱦᱚᱯᱚᱱ ᱴᱷᱮᱱ ᱙ ᱵᱚᱸᱜᱟ ᱞᱮᱠᱟ ᱛᱟᱦᱮᱸᱱᱟ ᱾

ᱯᱮᱨᱮᱡ ᱦᱚᱲᱢᱚ ᱨᱮ ᱛᱤᱨᱞᱟᱹ

ᱦᱟᱢᱟᱞ ᱦᱚᱲᱢᱚ ᱛᱟᱦᱮᱸᱱᱥᱟᱯᱲᱟᱣ

ᱦᱟᱢᱟᱞ ᱦᱚᱲᱢᱚ ᱨᱮᱭᱟᱜ ᱛᱚᱦᱚᱨ ᱨᱮ ᱠᱚᱲᱟ ᱦᱚᱯᱚᱱ ᱟᱨ ᱠᱩᱲᱤ ᱦᱚᱯᱚᱱᱟᱜ ᱦᱚᱲᱢᱚ ᱥᱟᱹᱜᱟᱹᱭ ᱛᱟᱭᱚᱢ ᱠᱚᱲᱟ ᱦᱚᱯᱚᱱ ᱦᱚᱛᱮᱛᱮ ᱠᱩᱲᱤ ᱦᱚᱯᱚᱱᱟᱜ ᱫᱟᱜᱦᱚᱨ ᱥᱮᱫ ᱛᱮ ᱵᱚᱞᱚ ᱠᱟᱛᱮ ᱠᱚᱞᱮ ᱠᱩᱠᱷᱤ ᱨᱮ ᱥᱯᱚᱨᱢ ᱴᱷᱟᱶ ᱮ ᱧᱟᱢᱟ ᱾ ᱚᱱᱠᱟ ᱫᱚ ᱢᱩᱪᱟᱹᱫ ᱪᱟᱸᱫᱚᱣᱟᱜ ᱧᱮᱞ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱜᱤᱫᱽᱨᱟᱹ ᱡᱟᱱᱟᱢᱚᱜ ᱫᱷᱟᱹᱵᱤᱡ ᱔᱐ ᱦᱟᱯᱛᱟ ᱫᱷᱟᱹᱵᱤᱡ ᱱᱚᱣᱟ ᱚᱠᱛᱚ ᱟᱨᱵᱟᱝ ᱦᱟᱢᱟᱞ ᱦᱚᱲᱢᱚ ᱚᱵᱚᱥᱛᱟ ᱛᱟᱦᱮᱸᱱᱟ ᱾[᱑][᱓] ᱦᱟᱢᱟᱞ ᱦᱚᱲᱢᱚ ᱨᱮᱱᱟᱜ ᱯᱩᱭᱞᱩ ᱘ ᱦᱟᱯᱛᱟ ᱫᱷᱟᱹᱵᱤᱡ ᱫᱚ ᱠᱩᱠᱷᱤᱨᱮ ᱢᱮᱱᱟᱭ ᱜᱤᱫᱽᱨᱟᱹ ᱫᱚ embryo ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱤᱱᱟᱹ ᱛᱟᱭᱚᱢ ᱡᱟᱱᱟᱢᱚᱜ ᱫᱷᱟᱹᱵᱤᱡ ᱫᱚ fetus ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱦᱟᱢᱟᱞ ᱦᱚᱲᱢᱚ ᱮᱛᱚᱦᱚᱵᱚᱜ ᱚᱠᱛᱚ ᱨᱮᱫᱚ ᱢᱤᱫ ᱠᱩᱲᱤ ᱦᱚᱯᱚᱱ ᱴᱷᱮᱱ ᱪᱟᱸᱫᱚᱣᱟᱜ ᱫᱚ ᱴᱷᱟᱠᱮᱫᱚᱜ-ᱟ, ᱠᱚᱲᱟᱢ ᱠᱚ ᱦᱟᱢᱟᱞ ᱟᱹᱭᱠᱟᱹᱣᱜ-ᱟ, ᱞᱟᱸᱜᱟ ᱵᱩᱡᱷᱟᱹᱣᱜ-ᱟ, ᱩᱞᱟᱹ ᱚᱰᱚᱠᱚᱜ-ᱟ, ᱨᱮᱸᱜᱮᱡ ᱵᱟᱹᱲᱛᱤᱜ-ᱟ ᱟᱨ ᱞᱮᱛᱟᱲ ᱞᱮᱛᱟᱲ ᱨᱟᱪᱟ ᱡᱚᱝ ᱥᱮᱱᱚᱜ ᱥᱟᱱᱟᱦᱟ ᱾[᱔] ᱯᱨᱮᱜᱽᱱᱟᱱᱥᱤ ᱴᱮᱥᱴ ᱟᱨᱵᱟᱝ ᱵᱤᱱᱤᱰ ᱠᱟᱛᱮ ᱯᱮᱨᱮᱡ ᱦᱚᱲᱢᱚ ᱢᱮᱱᱟᱜ-ᱟ ᱥᱮ ᱵᱟᱝ-ᱟ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾[᱕]

ᱧᱮᱞᱚᱜᱽᱥᱟᱯᱲᱟᱣ

 
ᱢᱤᱫ ᱛᱤᱨᱞᱟᱹ ᱤᱨᱟᱹᱞ ᱪᱟᱸᱫᱚ ᱨᱮᱱᱟᱜ ᱦᱟᱢᱟᱞ ᱦᱚᱲᱢᱚ

ᱢᱤᱫ ᱵᱩᱜᱤ ᱠᱩᱲᱤ ᱦᱚᱯᱚᱱ ᱫᱚ ᱡᱚᱛᱚ ᱪᱟᱸᱫᱚ ᱜᱮ ᱪᱟᱸᱫᱚ ᱨᱮᱭᱟᱜ ᱦᱩᱭᱩᱜ ᱛᱟᱭᱟ ᱾ ᱦᱚᱲᱢᱚ ᱨᱮ ᱱᱟᱣᱟ ᱡᱤᱣᱤ ᱯᱮᱨᱮᱡ ᱛᱟᱦᱮᱸ ᱞᱮᱱ ᱠᱷᱟᱱ ᱪᱟᱸᱫᱚ ᱨᱮᱱᱟᱜ ᱦᱩᱭᱩᱜ ᱫᱚ ᱴᱷᱟᱠᱮᱫᱚᱜ-ᱟ ᱾ ᱱᱚᱣᱟ ᱥᱟᱶ ᱥᱟᱶ ᱛᱮ ᱨᱤᱫᱟᱹᱭ ᱨᱮ ᱮᱥᱤᱰᱤᱴᱤ, ᱩᱞᱟᱹ ᱦᱩᱭᱩᱜ ᱟᱨ ᱞᱮᱛᱟᱲ ᱞᱮᱛᱟᱲ ᱨᱟᱪᱟ ᱡᱚᱝ ᱩᱥᱩᱨ ᱥᱟᱶᱛᱮ ᱠᱚᱲᱟᱢ ᱨᱮ ᱱᱟᱥᱮ ᱫᱷᱟᱨᱟ ᱦᱟᱹᱥᱩ ᱛᱟᱦᱮᱸᱱ ᱮᱢᱟᱱ ᱮᱴᱠᱮᱴᱚᱬᱮ ᱧᱮᱞᱚᱜ-ᱟ ᱾ ᱱᱚᱣᱟ ᱦᱤᱫᱤᱡ ᱠᱚ ᱤᱫᱤ ᱠᱟᱛᱮ ᱠᱩᱲᱤ ᱦᱚᱯᱚᱱ ᱛᱤᱨᱞᱟᱹ ᱛᱤᱠᱪᱷᱟᱹ ᱰᱟᱠᱛᱚᱨ ᱴᱷᱮᱱ ᱮ ᱥᱮᱱᱚᱜ-ᱟ ᱾ ᱰᱟᱠᱛᱚᱨ ᱫᱚ ᱠᱩᱲᱤ ᱦᱚᱯᱚᱱᱟᱜ ᱞᱟᱡ ᱟᱨ ᱫᱟᱜᱦᱚᱨ ᱠᱚᱭ ᱧᱮᱞᱟ ᱟᱨ ᱜᱤᱫᱽᱨᱟᱹ ᱚᱲᱟᱜ ᱯᱟᱦᱴᱟ ᱨᱮᱱᱟᱜ ᱩᱥᱩᱞ ᱛᱮᱫ ᱮ ᱧᱮᱞᱟ ᱾ ᱦᱟᱢᱟᱞ ᱦᱚᱲᱢᱚ ᱛᱟᱦᱮᱸ ᱮᱱ ᱛᱟᱭᱚᱢ ᱫᱚ ᱜᱤᱫᱽᱨᱟᱹ ᱚᱲᱟᱜ ᱨᱮᱭᱟᱜ ᱵᱟᱦᱨᱮ ᱯᱟᱦᱴᱟ ᱫᱚ ᱟᱹᱰᱤ ᱱᱚᱨᱚᱢ ᱟᱨ ᱪᱤᱠᱟᱹᱬᱚᱜ-ᱟ ᱾ ᱱᱚᱣᱟ ᱡᱚᱛᱚ ᱠᱟᱛᱷᱟ ᱠᱚ ᱯᱚᱨᱚᱠ ᱠᱟᱛᱮ ᱰᱟᱠᱛᱚᱨ ᱫᱚ ᱠᱩᱲᱤ ᱦᱚᱯᱚᱱ ᱮᱸᱜᱟᱛ ᱵᱮᱱᱟᱣᱜ ᱨᱮᱱᱟᱜ ᱮᱸᱜᱮᱫ ᱮ ᱮᱢᱟᱭᱟ ᱾ ᱱᱚᱣᱟ ᱠᱟᱛᱷᱟ ᱱᱟᱯᱟᱭ ᱥᱟᱺᱦᱤᱡ ᱴᱷᱟᱹᱣᱠᱟᱹᱭ ᱞᱟᱹᱜᱤᱫ ᱛᱮ ᱰᱟᱛᱠᱛᱚᱨ ᱫᱚ ᱢᱟᱭᱟᱢ ᱟᱨᱵᱟᱝ ᱨᱟᱪᱟᱫᱟᱜ ᱵᱤᱱᱤᱰᱟᱹᱣ ᱦᱚᱪᱚᱭ ᱞᱟᱹᱜᱤᱫ ᱨᱟᱭ ᱮ ᱮᱢᱟ ᱾

ᱦᱟᱢᱟᱞ ᱦᱚᱲᱢᱚ ᱚᱠᱛᱚ ᱨᱮ ᱥᱚᱱᱛᱚᱨᱥᱟᱯᱲᱟᱣ

ᱛᱤᱱᱟᱹᱝ ᱜᱟᱱ ᱠᱩᱲᱤ ᱦᱚᱯᱚᱱ ᱫᱚ ᱪᱟᱸᱫᱚ ᱨᱮᱱᱟᱜ ᱵᱟᱝ ᱠᱚ ᱧᱮᱞ ᱠᱷᱟᱱ ᱨᱟᱱ ᱡᱚᱢ ᱠᱚ ᱮᱛᱚᱦᱚᱵᱟ ᱾ ᱱᱚᱝᱠᱟ ᱨᱟᱱ ᱡᱚᱢ ᱫᱚ ᱠᱩᱲᱤ ᱦᱚᱯᱚᱱ ᱮᱴᱠᱮᱴᱚᱬᱮ ᱨᱮᱠᱚ ᱧᱩᱨ ᱫᱟᱲᱮᱭᱟᱜ-ᱟ ᱾ ᱚᱱᱟᱛᱮ ᱛᱤᱱ ᱡᱚᱦᱚᱜ ᱜᱮ ᱱᱚᱣᱟ ᱵᱟᱰᱟᱭ ᱧᱟᱢᱚᱜ-ᱟ ᱡᱮ ᱢᱤᱫ ᱦᱚᱲ ᱦᱚᱲᱢᱚ ᱯᱮᱨᱮᱡ ᱢᱮᱱᱟᱭᱟ, ᱮᱱᱠᱷᱟᱱ ᱩᱱᱤ ᱫᱚ ᱛᱟᱦᱮᱸᱱ ᱜᱤᱛᱤᱡ ᱫᱩᱲᱩᱵ, ᱟᱨ ᱡᱚᱢ ᱧᱩ ᱨᱮᱭᱟᱜ ᱦᱚᱸ ᱫᱷᱮᱭᱟᱱ ᱫᱚᱦᱚ ᱦᱩᱭ ᱟᱭᱟ ᱾ ᱯᱮᱨᱮᱡ ᱦᱚᱲᱢᱚ ᱛᱟᱦᱮᱸᱱ ᱛᱩᱞᱩᱡ ᱛᱤᱨᱞᱟᱹ ᱠᱚᱫᱚ ᱟᱹᱛᱷᱟᱹᱱᱲᱤ ᱨᱟᱱ ᱡᱚᱢ ᱢᱟᱬᱟᱝ ᱨᱮ ᱰᱟᱠᱛᱚᱨ ᱟᱜ ᱟᱸᱫᱮ ᱦᱟᱛᱟᱣ ᱞᱟᱹᱠᱛᱤ ᱜᱮᱭᱟ ᱾ ᱪᱮᱫᱟᱜ ᱥᱮ ᱢᱤᱫ ᱦᱚᱲ ᱚᱱᱠᱟᱱ ᱨᱟᱱ ᱟᱞᱚᱭ ᱡᱚᱢ ᱢᱟ ᱡᱟᱦᱟᱸ ᱛᱮ ᱮᱸᱜᱟᱛ ᱟᱨ ᱜᱤᱫᱽᱨᱟᱹ ᱪᱮᱛᱟᱱ ᱡᱟᱦᱟᱸᱱᱟᱜ ᱮᱴᱠᱮᱴᱚᱬᱮ ᱟᱞᱚ ᱚᱰᱚᱠᱚᱜ ᱢᱟ ᱾

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. ᱑.᱐ ᱑.᱑ "Pregnancy: Condition Information". http://www.nichd.nih.gov/. ᱰᱤᱥᱮᱢᱵᱚᱨ 19, 2013. Retrieved 14 ᱢᱟᱨᱪ 2015.  External link in |website= (help)
  2. Wylie, Linda (2005). Essential anatomy and physiology in maternity care (Second Edition ed.). Edinburgh: Churchill Livingstone. p. 172. ISBN 9780443100413. 
  3. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named Ab2011
  4. "What are some common signs of pregnancy?". http://www.nichd.nih.gov/. ᱡᱩᱞᱟᱭ 12, 2013. Retrieved 14 ᱢᱟᱨᱪ 2015.  External link in |website= (help)
  5. "How do I know if I'm pregnant?". http://www.nichd.nih.gov/. ᱱᱚᱵᱷᱮᱢᱵᱚᱨ 30, 2012. Retrieved 14 ᱢᱟᱨᱪ 2015.  External link in |website= (help)