ᱨᱩᱣᱟ, (ᱤᱸᱞᱤᱥ ᱛᱮᱯᱷᱤᱵᱚᱨ ᱟᱨ ᱵᱟᱝ ᱯᱟᱭᱨᱮᱠᱥᱤᱭᱟ Fever ᱵᱟᱝ pyrexia),[᱑] ᱦᱚᱲᱢᱚ ᱨᱮ ᱞᱚᱞᱚ ᱞᱟᱠᱛᱤ ᱠᱷᱚᱱ ᱵᱟᱹᱲᱛᱤ ᱞᱮᱱ ᱠᱷᱟᱱ ᱨᱩᱣᱟᱹ ᱢᱮᱱᱟᱜᱼᱟ ᱢᱮᱱᱛᱮᱫ ᱵᱚᱱ ᱞᱟᱹᱭᱼᱟ ᱾ [᱒][᱓] ᱦᱚᱲᱢᱚ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱞᱚᱞᱚ ᱛᱤᱱᱟᱹᱜ ᱛᱟᱦᱮᱱᱟ ᱚᱱᱟ ᱨᱮᱱᱟᱜ ᱢᱤᱫ ᱢᱚᱱᱚᱛ ᱫᱚ ᱵᱟᱹᱱᱩ ᱟᱹᱱᱤᱡ ᱮᱱ ᱨᱮᱦᱚᱸ ᱓᱗ᱹ᱕ ᱠᱷᱚᱱ ᱓᱘ᱹ᱓ ᱥᱮᱞᱥᱤᱭᱚᱥ (᱙᱙ᱹ᱕ ᱠᱷᱚᱱ ᱑᱐᱐ᱹ᱙ ᱯᱷᱟᱨᱮᱱᱦᱟᱭᱤᱴ) ᱢᱮᱱᱛᱮᱰ ᱠᱚ ᱥᱟᱵᱼᱟ ᱾[᱑][᱔] ᱦᱚᱲᱢᱚ ᱨᱮᱱᱟᱜ ᱞᱚᱞᱚ ᱞᱟᱹᱠᱛᱤ ᱠᱷᱚᱱ ᱡᱟᱹᱥᱛᱤ ᱞᱮᱱᱠᱷᱟᱱ ᱦᱚᱲᱢᱚ ᱨᱮᱱᱟᱜ ᱡᱤᱞ ᱡᱟᱹᱥᱛᱤ ᱚᱨᱚᱜᱼᱟ ᱟᱨ ᱨᱟᱵᱟᱝ ᱵᱩᱡᱷᱟᱹᱣᱼᱟ ᱾ [᱕] ᱱᱚᱣᱟ ᱠᱷᱟᱹᱛᱤ ᱡᱟᱹᱥᱛᱤ ᱦᱚᱲᱢᱚ ᱞᱚᱞᱚᱼᱟ ᱟᱨ ᱞᱚᱞᱚ ᱨᱟᱠᱷᱟ ᱫᱚᱦᱚᱼᱟ ᱾ [᱖] ᱵᱟᱹᱲᱛᱤ ᱟᱠᱟᱱ ᱞᱚᱞᱚ ᱟᱬᱜᱚ ᱞᱮᱱᱠᱷᱟᱱ ᱦᱚᱲᱢᱚ ᱩᱨᱜᱩᱢ ᱵᱩᱡᱷᱟᱹᱣᱼᱟ, ᱟᱨᱟᱜ ᱜᱮ ᱧᱮᱞᱚᱜᱼᱟ ᱟᱨ ᱩᱫᱜᱟᱹᱨ ᱩᱰᱩᱠᱚᱜᱼᱟ ᱾[᱖] ᱨᱩᱣᱟᱹ ᱤᱫᱤᱭᱟᱛᱮ ᱟᱹᱰᱤ ᱠᱚᱢ ᱵᱟᱛ ᱟᱨ ᱵᱟᱝ ᱪᱷᱟᱴᱟᱣ ᱠᱚᱜᱮᱭᱟ ᱾ ᱠᱟᱹᱴᱤᱡ ᱜᱤᱫᱨᱟᱹᱠᱚᱣᱟᱜ ᱱᱚᱣᱟ ᱫᱚ ᱡᱟᱹᱥᱛᱤ ᱦᱩᱭᱩᱜᱼᱟ ᱾[᱗] ᱨᱩᱣᱟ ᱚᱱᱠᱟ ᱫᱚ ᱔᱑ ᱠᱷᱚᱱ ᱔᱒°ᱥᱮ (᱑᱐᱕ᱹ᱘ ᱠᱷᱚᱱ ᱑᱐᱗ᱹ᱖ ᱯᱷᱟ)ᱠᱷᱚᱱ ᱡᱟᱹᱥᱛᱤ ᱵᱟᱝ ᱛᱟᱦᱮᱸ ᱱᱟ। [᱓]

ᱨᱩᱣᱟᱹ ᱨᱮᱱᱟᱜ ᱯᱷᱮᱰᱟᱛᱥᱟᱯᱲᱟᱣ

ᱟᱹᱰᱤᱜᱟᱱ ᱨᱟᱱ ᱥᱟᱹᱜᱟᱹᱭ ᱟᱱ ᱟᱡᱟᱨ ᱨᱮ ᱨᱩᱣᱟᱹ ᱛᱟᱦᱮᱱᱼᱟ ᱾ᱢᱮᱱᱫᱚ ᱱᱚᱣᱟ ᱨᱩᱣᱟᱹ ᱠᱷᱟᱹᱛᱤᱨ ᱪᱮᱫ ᱦᱚᱸ ᱵᱟᱝ ᱮᱴᱠᱮᱴᱚᱬᱮᱼᱟ ᱵᱟᱝᱠᱷᱟᱱ ᱟᱹᱰᱤ ᱮᱴᱠᱮᱴᱚᱬᱮᱼᱟ ᱾ ᱱᱚᱣᱟ ᱵᱷᱩᱛᱟᱬᱩ , ᱡᱤᱵᱟᱬᱩ,ᱡᱚᱨᱭᱟ ᱱᱟᱞᱟ ᱨᱮ ᱵᱮᱢᱟᱨ, ᱨᱟᱵᱟᱝ , ᱢᱮᱱᱤᱡᱟᱭᱴᱤᱥ, ᱢᱮᱞᱮᱨᱤᱭᱟ ᱟᱨ ᱟᱯᱮᱱᱰᱤᱥᱟᱭᱤᱴᱥ ᱟᱡᱟᱨ ᱠᱷᱟᱹᱛᱤᱨ ᱦᱩᱭᱩᱜ ᱜᱮᱭᱟ ᱾ ᱵᱟᱝ ᱩᱪᱟᱹᱲ ᱵᱮᱢᱟᱨ ᱵᱷᱤᱛᱨᱤ ᱨᱮ ᱵᱷᱟᱥᱠᱩᱞᱟᱭᱤᱴᱥ, ᱥᱤᱨ ᱛᱷᱨᱳᱢᱵᱳᱥᱤᱥ,ᱨᱟᱱ ᱨᱩᱣᱟᱲ ᱠᱟᱱᱣᱟ, ᱠᱮᱱᱥᱟᱨ ᱮᱢᱟᱱ ᱵᱮᱢᱟᱨ ᱛᱮ ᱦᱩᱭᱩᱜ ᱜᱮᱭᱟ ᱾[᱘] ᱨᱩᱣᱟᱹ ᱟᱨ ᱦᱟᱭᱯᱚᱨ ᱛᱷᱚᱨᱢᱤᱭᱟ ᱫᱚ ᱵᱷᱮᱜᱟᱨ ᱜᱮᱭᱟ , ᱦᱟᱭᱯᱚᱨᱛᱷᱚᱨᱢᱤᱭᱟ ᱟᱡᱟᱨ ᱨᱮ ᱦᱚᱲᱢᱚ ᱨᱮᱱᱟᱜ ᱞᱚᱞᱚ ᱟᱠᱚᱴ ᱨᱮ ᱵᱟᱝ ᱛᱟᱦᱮᱸᱱᱟ ᱾ [᱑]

ᱛᱤᱠᱪᱷᱟᱹᱥᱟᱯᱲᱟᱣ

ᱱᱟᱥᱮ ᱦᱚᱲᱢᱚ ᱞᱚᱞᱚ ᱞᱟᱹᱜᱤᱫ ᱫᱚ ᱰᱟᱠᱛᱚᱨ ᱛᱤᱠᱪᱷᱟ ᱮᱠᱟᱞ ᱞᱟᱹᱠᱛᱤ ᱩᱛᱟᱹᱨ ᱫᱚ ᱵᱟᱝ ᱠᱟᱱᱟ । [᱕]ᱤᱠᱷᱟᱹᱱ ᱛᱤᱠᱪᱷᱟᱹ ᱞᱮᱱᱠᱷᱟᱱ ᱟᱨᱟᱢ ᱟᱨ ᱨᱟᱣᱟᱞ ᱫᱷᱟᱨᱟ ᱵᱩᱡᱷᱟᱹᱣᱼᱟ ᱾ ᱢᱚᱞᱚᱝ ᱨᱮ ᱨᱮᱭᱟᱲ ᱟᱨ ᱞᱚᱡᱚᱫ ᱞᱩᱜᱲᱤ ᱟᱨ ᱵᱟᱝ ᱜᱟᱹᱫᱨᱩᱢ ᱛᱮ ᱡᱚᱫ, ᱩᱨᱜᱩᱢ ᱫᱟᱜ ᱛᱮ ᱩᱢ ᱞᱮᱱ ᱠᱷᱟᱱ ᱵᱷᱟᱹᱜᱤ ᱫᱷᱟᱨᱟ ᱵᱩᱡᱷᱟᱹᱣᱼᱟ ᱾[᱗] ᱟᱭᱵᱩᱯᱨᱳᱯᱷᱮᱱ ᱵᱟᱝ ᱯᱟᱨᱟᱥᱤᱴᱟᱢᱳᱞ ᱨᱟᱱ ᱡᱚᱢ ᱞᱮᱠᱷᱟᱱ ᱦᱚᱲᱢᱚ ᱨᱮᱱᱟᱜ ᱞᱚᱞᱚ ᱠᱚᱢᱚᱜ ᱜᱮᱭᱟ ᱾ [᱙] ᱯᱮ ᱪᱟᱸᱫᱚ ᱠᱷᱚᱱ ᱦᱩᱰᱤᱧ ᱜᱤᱫᱨᱟᱹ ᱠᱚ ᱰᱟᱠᱛᱨ ᱴᱷᱮᱫ ᱧᱮᱞ ᱚᱪᱚ ᱮᱠᱟᱞ ᱜᱮ ᱞᱟᱹᱠᱛᱤᱭᱟ ᱾। [᱗] ᱦᱟᱭᱯᱚᱨ ᱛᱷᱚᱨᱢᱤᱭᱟ ᱨᱮᱦᱚᱸ ᱮᱠᱟᱞ ᱜᱮ ᱛᱤᱠᱪᱷᱟᱹ ᱞᱟᱹᱠᱛᱤᱭᱟ ᱾ [᱕]

ᱦᱚᱲᱢᱚ ᱨᱮ ᱨᱩᱣᱟᱹ ᱢᱮᱱᱟᱜᱼᱟ ᱢᱮᱱᱛᱮ ᱪᱮᱫ ᱞᱮᱠᱟᱨᱮᱢ ᱵᱟᱰᱟᱭᱟ?ᱥᱟᱯᱲᱟᱣ

ᱦᱚᱲᱢᱚ ᱞᱚᱞᱚ ᱞᱮᱱᱠᱷᱟᱱ ᱨᱩᱣᱟᱹ ᱢᱮᱱᱟᱜᱼᱟ ᱢᱮᱱᱛᱮᱫ ᱮᱢ ᱵᱟᱰᱟᱭᱟ ᱾ ᱚᱱᱠᱟ ᱫᱚ ᱛᱤ ᱛᱷᱟᱯᱟ ᱨᱮᱱᱟᱜ ᱯᱟᱹᱪᱷᱞᱟᱹ ᱯᱟᱥᱴᱟ, ᱢᱚᱞᱚᱝ, ᱦᱚᱴᱚᱜ, ᱛᱷᱚᱛᱱᱟ, ᱫᱮᱭᱟ ᱟᱨ ᱵᱟᱝ ᱞᱟᱡ ᱪᱟᱹᱯᱩ ᱠᱟᱛᱮᱫ ᱦᱚᱲᱢᱚ ᱨᱮ ᱞᱚᱞᱚ ᱢᱮᱱᱟᱜ ᱟᱥᱮ ᱵᱟᱝ ᱵᱟᱰᱟᱭᱚᱜᱼᱟ ᱾ ᱤᱠᱷᱟᱹᱱ ᱦᱚᱲᱢᱚ ᱛᱤᱱᱟᱹᱜ ᱞᱚᱞᱚ ᱠᱟᱱᱟ ᱪᱟᱹᱯᱩ ᱟᱛᱮᱫ ᱴᱷᱟᱹᱣᱠᱟᱹ ᱵᱟᱝ ᱵᱟᱰᱟᱭᱚᱜᱼᱟ ᱾ ᱴᱷᱟᱹᱣᱠᱟᱹ ᱛᱤᱱᱟᱹᱜ ᱦᱚᱲᱢᱚ ᱛᱤᱱᱟᱹᱜ ᱢᱮᱱᱟᱜ ᱚᱱᱟ ᱞᱟᱹᱜᱤᱫ ᱢᱤᱫ ᱥᱟᱯᱟᱵ ᱢᱮᱱᱟᱜᱼᱟ, ᱚᱱᱟ ᱫᱚ "ᱨᱩᱣᱟᱹ ᱞᱚᱞᱚ ᱡᱚᱠᱷᱟᱥᱟᱯᱟᱵ" ᱟᱨ ᱵᱟᱝ "ᱠᱞᱤᱱᱤᱠᱟᱞ ᱛᱷᱚᱨᱢᱚᱢᱤᱴᱚᱨ" ᱠᱚ ᱢᱮᱛᱟᱜᱼᱟ ᱾ ᱨᱩᱣᱟᱹ ᱡᱚᱠᱷᱟ ᱞᱟᱹᱜᱤᱫ ᱵᱟᱨ ᱞᱮᱠᱟᱱᱟᱜ ᱦᱤᱥᱟᱹᱵ ᱢᱮᱱᱟᱜᱼᱟ, ᱢᱤᱫᱴᱟᱝ ᱦᱩᱭᱩᱜ ᱠᱟᱱᱟ "ᱯᱷᱟᱨᱮᱱᱦᱟᱭᱤᱴ" ᱟᱨ ᱢᱤᱫᱴᱟᱝ ᱦᱩᱭᱩᱜ ᱠᱟᱱᱟ "ᱥᱮᱱᱴᱤᱜᱨᱮᱰ" ᱟᱨ ᱵᱟᱝ "ᱥᱮᱞᱥᱤᱭᱚᱥ" ᱾ ᱡᱟᱹᱥᱛᱤᱠᱟᱭ ᱛᱮ ᱯᱷᱟᱨᱮᱱᱦᱟᱭᱤᱴ ᱜᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱨᱩᱜᱤᱭᱟᱜ ᱟᱞᱟᱝ ᱞᱟᱛᱟᱨ, ᱦᱟᱛᱞᱟᱜ ᱞᱟᱛᱟᱨ ᱫᱷᱟᱲᱟ ᱪᱤᱨᱤᱫ ᱟᱨ ᱵᱟᱝ ᱵᱟᱝ ᱜᱟᱱᱚᱜ ᱚᱠᱛᱚ ᱨᱮ ᱤᱡ ᱫᱩᱣᱟᱹᱨ ᱨᱮᱦᱚᱸ ᱛᱷᱚᱨᱢᱚᱢᱤᱴᱚᱨ ᱵᱟᱹᱭᱥᱟᱣ ᱠᱟᱛᱮᱫ ᱨᱩᱣᱟᱹ ᱠᱚ ᱡᱚᱠᱷᱟᱭᱟ ᱾

ᱨᱩᱣᱟᱹ ᱨᱮᱱᱟᱜ ᱦᱟᱹᱴᱤᱧᱥᱟᱯᱲᱟᱣ

ᱵᱟᱨᱭᱟ ᱥᱟᱛᱟᱢ ᱱᱚᱡᱚᱨ ᱨᱮ ᱫᱚᱦᱚ ᱠᱟᱛᱮᱫ ᱨᱩᱣᱟᱹ ᱨᱮᱱᱟᱜ ᱵᱷᱮᱜᱮᱫ ᱦᱟᱹᱴᱤᱧ ᱟᱠᱟᱱᱟ, ᱢᱤᱫᱴᱟᱝ ᱞᱚᱞᱚ ᱨᱮᱱᱟᱜ ᱡᱚᱠᱷᱟ ᱟᱨ ᱢᱤᱫ ᱫᱚ ᱨᱩᱣᱟᱹ ᱨᱮᱱᱟᱜ ᱜᱩᱬ==

ᱦᱚᱲᱢᱚ ᱨᱮᱱᱟᱜ ᱞᱚᱞᱚ ᱤᱫᱤᱭᱟᱛᱮ ᱨᱩᱣᱟᱹ ᱨᱮᱱᱟᱜ ᱦᱟᱹᱴᱤᱧ [᱑᱐]ᱥᱟᱯᱲᱟᱣ

ᱮᱞ ᱞᱚᱞᱚ ᱨᱮᱱᱟᱜ ᱡᱚᱠᱷᱟ ᱨᱩᱣᱟᱹ ᱨᱮᱱᱟᱜ ᱵᱷᱮᱜᱮᱫᱽ
᱙᱗ ᱰᱤ ᱯᱷᱟ ରୁ ᱙᱙ ᱰᱤ ᱯᱷᱟ ᱞᱟᱹᱠᱛᱤᱭᱟᱱ ᱞᱚᱞᱚ
᱙᱙ ᱰᱤ ᱯᱷᱟ ᱠᱷᱚᱱ ᱑᱐᱑ ᱰᱤ ᱯᱷᱟ ᱱᱟᱥᱮ ᱨᱩᱣᱟᱹ
᱑᱐᱑ ᱰᱤ ᱯᱷᱟ ᱠᱷᱚᱱ ᱑᱐᱓ ᱰᱤ ᱯᱷᱟ ᱛᱟᱱᱟᱞᱟ ᱞᱮᱠᱟᱱ ᱨᱩᱣᱟᱹ
᱑᱐᱓ ᱰᱤ ᱯᱷᱟ ᱠᱷᱚᱱ ᱑᱐᱖ ᱰᱤ ᱯᱷᱟ ᱟᱹᱰᱤ ᱥᱚᱠᱛᱚ ᱨᱩᱣᱟᱹ
᱑᱐᱗ ᱰᱤ ᱯᱷᱟ ᱠᱷᱚᱱ ᱵᱟᱹᱲᱛᱤ ᱥᱚᱠᱛᱚ ᱠᱷᱚᱱ ᱵᱟᱹᱲᱛᱤ ᱨᱩᱣᱟᱹ

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. ᱑.᱐ ᱑.᱑ ᱑.᱒ Axelrod YK, Diringer MN; Diringer (ᱢᱮ 2008). "Temperature management in acute neurologic disorders". Neurol Clin. 26 (2): 585–603, xi. doi:10.1016/j.ncl.2008.02.005. PMID 18514828. 
  2. Fever: Its Biology, Evolution, and Function. Princeton University Press. 2015. p. 57. ISBN 9781400869831. 
  3. ᱓.᱐ ᱓.᱑ Garmel, Fever in adultsGus M. (2012). An introduction to clinical emergency medicine (2nd ed.). Cambridge: Cambridge University Press. p. 375. ISBN 0521747767. 
  4. Laupland KB (ᱡᱩᱞᱟᱭ 2009). "Fever in the critically ill medical patient". Crit. Care Med. 37 (7 Suppl): S273–8. doi:10.1097/CCM.0b013e3181aa6117. PMID 19535958. 
  5. ᱕.᱐ ᱕.᱑ ᱕.᱒ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named Peds2011
  6. ᱖.᱐ ᱖.᱑ Sue E. Huether (2014). Pathophysiology: The Biologic Basis for Disease in Adults and Children (7 ed.). Elsevier Health Sciences. p. 498. ISBN 9780323293754. 
  7. ᱗.᱐ ᱗.᱑ ᱗.᱒ "Taking Care of Someone Who is Sick". ᱚᱜᱚᱥᱴ 13, 2010. Retrieved 8 ᱢᱮ 2015. 
  8. Garmel, edited by S.V. Mahadevan, Gus M. (2012). An introduction to clinical emergency medicine (2nd ed.). Cambridge: Cambridge University Press. p. 5. ISBN 9780521747769. 
  9. Garmel, edited by S.V. Mahadevan, Gus M. (2012). An introduction to clinical emergency medicine (2nd ed.). Cambridge: Cambridge University Press. p. 401. ISBN 9780521747769. 
  10. http://www.orissabigyanacademy.nic.in/pdf/Bigyan-Diganta-January-2012.pdf Monthly Odia magazine "Bigyan Diganta"(January,2012 ) * Content Copied using OR-TTsarala2UNICODE CONVERTER

ᱟᱨ ᱦᱚᱸ ᱯᱟᱲᱦᱟᱣ ᱢᱮᱥᱟᱯᱲᱟᱣ

  • Rhoades, R. and Pflanzer, R. Human physiology, third edition, chapter 27 Regulation of body temperature, p. 820 Clinical focus: pathogenesis of fever. ISBN 0-03-005159-2

ᱵᱟᱦᱨᱮ ᱡᱚᱱᱚᱲᱥᱟᱯᱲᱟᱣ

Classification
External resources