ᱪᱤᱠᱤᱨᱚᱲ/ᱯᱟ.ᱨᱥᱤ ᱠᱚ ᱨᱮᱭᱟᱜ ᱜᱟᱨ ᱪᱤᱠᱷᱱᱟᱹ ᱜᱮ ᱪᱤᱠᱤ ᱫᱚ᱾ᱯᱟ.ᱦᱤᱞ ᱢᱟ.ᱱᱢᱤ ᱟᱠᱚᱣᱟᱜ ᱢᱚᱱ ᱨᱮᱭᱟᱜ ᱵᱷᱟᱵ ᱩᱫᱩᱜ,ᱜᱟᱣᱤᱡ,ᱦᱚᱲᱢᱚ ᱦᱤᱞᱟ.ᱣ ᱠᱟᱛᱮ ᱮᱴᱟᱜ ᱦᱚᱲ ᱠᱚ ᱥᱟᱞᱟᱝ ᱨᱮᱠᱚ ᱥᱚᱫᱚᱨᱮᱫ ᱛᱟᱦᱮᱱ,ᱤᱠᱷᱟ.ᱱᱢᱟᱱᱢᱤ ᱫᱚ ᱵᱚ ᱨᱚᱲ ᱫᱟᱲᱮᱭᱟᱜ ᱟ I ᱨᱚᱲ ᱫᱚ ᱢᱟᱱᱢᱤ ᱟᱜ ᱟ.ᱰᱤ ᱢᱟᱨᱟᱝ ᱫᱟᱲᱮ ᱟᱨ ᱜᱩᱱ ᱠᱟᱱᱟ I ᱨᱚᱲ ᱫᱚ ᱢᱟᱱᱢᱤ ᱟᱜ ᱦᱚᱴᱚᱜ ᱠᱟᱱᱴᱟ ᱟᱞᱟᱝ ᱰᱟᱴᱟ ᱞᱩᱴᱤ ᱛᱟ.ᱨᱩ ᱮᱢᱟᱱ ᱢᱚᱪᱟ ᱨᱮᱭᱟᱜ ᱡᱚᱱᱛᱨᱚ ᱥᱚᱦᱚᱫ ᱛᱮ ᱥᱟ.ᱦᱮᱫ ᱦᱚᱭ ᱢᱚᱪᱟ ᱨᱮ ᱛᱟ.ᱯᱤᱧ ᱛᱟᱨᱠᱚ ᱛᱟᱞᱟᱴ ᱛᱮᱵᱚ ᱟᱲᱟᱝ ᱦᱚᱪᱚ ᱮᱫᱟ I ᱱᱚᱣᱟ ᱨᱚᱲ ᱨᱮᱭᱟᱜ ᱦᱟᱴᱤᱧ ᱩᱛᱟ.ᱨ ᱢᱮᱱᱮᱛ ᱟᱱᱟᱜ ᱥᱟᱰᱮ ᱜᱮ ᱟᱲᱟᱝ ᱢᱮᱱᱛᱮ ᱵᱚᱱ ᱫᱷᱟ.ᱴᱭᱟ.ᱨᱟᱜ ᱟ I

ᱟᱲᱟᱝᱥᱟᱯᱲᱟᱣ

ᱦᱚᱴᱚᱜ ᱠᱟᱱᱴᱟ ᱛᱟᱨᱠᱚ ᱠᱟᱛᱮ ᱢᱩ ᱥᱚᱦᱚᱫ ᱛᱮ ᱢᱚᱪᱟ ᱠᱷᱚᱱ ᱯᱷᱳᱴᱮᱞᱟᱱ ᱞᱩᱛᱩᱨ ᱛᱮ ᱟᱡᱚᱢᱚᱜ ᱢᱮᱱᱮᱛ ᱟᱱ ᱥᱟᱰᱮ ᱜᱮ ᱟᱲᱟᱝ ᱠᱚ ᱢᱮᱛᱟᱜ ᱟ I

ᱪᱤᱠᱤ(Letter)ᱥᱟᱯᱲᱟᱣ

ᱟᱲᱟᱝ ᱨᱮᱭᱟᱜ ᱜᱟᱨ ᱪᱤᱛᱟ.ᱨ ᱪᱤᱱᱦᱟ. ᱜᱮ ᱪᱤᱠᱤ ᱥᱮ ᱟᱠᱷᱚᱨ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ -" ᱚ" ᱞᱟᱭ ᱞᱮᱠᱷᱟᱱ ᱚ ᱫᱚ ᱢᱤᱫᱴᱟᱝ ᱟᱲᱟᱝ ᱠᱟᱱᱟ ᱟᱨᱦᱚ ᱚᱱᱟ "ᱚ" ᱜᱮ ᱜᱟᱨ ᱪᱤᱛᱟ.ᱨ ᱪᱤᱱᱦᱟ. ᱜᱮ "ᱚ " ᱪᱤᱠᱤ ᱥᱮ ᱟᱠᱷᱚᱨ ᱵᱮᱱᱟᱣ ᱟᱠᱟᱱᱟ I ᱱᱚᱝᱠᱟ ᱜᱮ "ᱚ" ᱠᱷᱚᱱ ᱜᱮ "ᱚᱦᱚᱫ" ᱦᱟ.ᱵᱤᱡ ᱯᱮ ᱜᱮᱞ ᱢᱚᱬᱮ ᱜᱚᱴᱟᱝ ᱪᱤᱠᱤ ᱢᱮᱱᱟᱜ ᱟ I ᱥᱟᱱᱛᱟᱲᱤ ᱚᱞ ᱞᱟ.ᱜᱤᱫ ᱱᱚᱣᱟ ᱯᱮ ᱜᱮᱞ ᱢᱚᱲᱮ ᱜᱚᱴᱟᱝ ᱪᱤᱠᱤ ᱠᱚ ᱥᱟᱡᱟᱣ ᱢᱤᱫ ᱠᱟᱛᱮ " ᱚᱞ ᱪᱤᱠᱤ " ᱦᱩᱭ ᱟᱠᱟᱱᱟ I ᱮᱰᱮᱠᱷᱟᱱ ᱚᱞ ᱪᱤᱠᱤ ᱨᱮᱭᱟᱜ ᱢᱩᱴᱷᱟ.ᱱ ᱞᱮᱠᱟᱛᱮ ᱞᱟ.ᱭ ᱜᱟᱱᱚᱜ ᱟ " ᱚ" ᱠᱷᱚᱱ " ᱚᱦᱚᱫ" ᱦᱟ.ᱵᱤᱡ ᱥᱟᱡᱟᱣ ᱪᱤᱠᱤ ᱜᱩᱴ ᱜᱮ " ᱚᱞᱪᱤᱠᱤ" ᱠᱚ ᱢᱮᱛᱟᱜ ᱟ I ᱚᱞᱪᱤᱠᱤ ᱨᱮᱭᱟᱜ ᱪᱤᱠᱤ ᱠᱚᱫᱚ ᱯᱮ ᱛᱷᱚᱠ ᱨᱮ ᱦᱟᱴᱤᱧ ᱟᱠᱟᱱᱟ I ᱱᱚᱣᱣᱟ ᱦᱟᱵᱤᱧ ᱫᱚ ᱪᱷᱚᱠ ᱛᱟᱞᱟ ᱛᱮᱵᱚ ᱥᱮᱲᱟᱭᱟ - ᱪᱤᱠᱤ ᱫᱚ (1) ᱨᱟᱦᱟ ᱪᱤᱠᱤ (2) ᱠᱮᱪᱮᱫ ᱪᱤᱠᱤ (3) ᱡᱟᱯᱟᱜ ᱪᱤᱠᱤ

ᱚᱞ ᱪᱤᱠᱤ ᱪᱚ ᱠᱚᱭᱮ ᱠᱷᱚᱱ ᱮᱛᱚᱢ ᱥᱮᱫ ᱯᱟᱲᱦᱟᱣ ᱦᱩᱭᱩᱜ-ᱟ I ᱡᱮᱞᱮᱠᱟ - ᱚ ᱛ ᱜ ᱝ ᱞ I

ᱨᱟᱦᱟ ᱪᱤᱠᱤ(Vowel)ᱥᱟᱯᱲᱟᱣ

ᱡᱟᱦᱟ ᱟᱲᱟᱝ ᱟᱯᱱᱟᱨ ᱥᱩᱢᱩᱝ ᱛᱮ ᱨᱚᱲᱟᱝ ᱧᱟᱢᱚᱜ ᱟ ᱟᱨ ᱥᱮᱨᱮᱧ ,ᱨᱚᱲ ᱨᱟᱦᱟ ᱛᱮᱫ ᱨᱟᱠᱟᱵ ᱟ ᱚᱱᱠᱟᱱ ᱟᱲᱟᱝ ᱨᱮᱭᱟᱜ ᱚᱞ ᱪᱤᱛᱟ.ᱨ ᱪᱤᱠᱷᱱᱟ. ᱜᱮ ᱨᱟᱦᱟ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱚ ᱟ ᱤ ᱩ ᱮ ᱳ ᱠᱚᱫᱚ ᱨᱟᱦᱟ ᱪᱤᱠᱤ ᱠᱟᱱᱟ I ᱨᱟᱦᱟ ᱪᱤᱠᱤ ᱫᱚ ᱛᱩᱨᱩᱭ ᱜᱚᱴᱟᱝ ᱢᱮᱱᱟᱜ ᱟ I

ᱠᱮᱪᱮᱫ ᱪᱤᱠᱤ(Consonant)ᱥᱟᱯᱲᱟᱣ

ᱡᱟᱦᱟ ᱟᱲᱟᱝ ᱟᱯᱱᱟᱨ ᱥᱩᱢᱩᱝ ᱛᱮ ᱵᱟᱝ ᱨᱚᱲ ᱧᱟᱢᱚᱜ ᱟ , ᱮᱠᱷᱮᱱ ᱨᱟᱦᱟ ᱟᱲᱟᱝ ᱟ.ᱭᱩᱨ ᱟᱱᱤᱡ ᱜᱮ ᱨᱚᱲᱚᱜᱚᱜ ᱟ ᱚᱱᱠᱟᱱ ᱟᱲᱟᱝ ᱨᱮᱭᱟᱜ ᱜᱟᱨ ᱪᱤᱛᱟ.ᱨ ᱪᱤᱱᱦᱟ. ᱜᱮ ᱠᱮᱪᱮᱫ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱛ ᱜ ᱝ ᱞ ᱠ ᱡ ᱢ ᱣ ᱥ ᱦ ᱧ ᱨ ᱪ ᱫ ᱬ ᱭ ᱯ ᱰ ᱱ ᱲ ᱴ ᱵ ᱶ ᱷ I ᱱᱚᱣᱟ ᱠᱮᱪᱮᱫ ᱪᱤᱠᱤ ᱫᱚ ᱵᱟᱨ ᱜᱮᱞ ᱯᱩᱱ ᱜᱚᱴᱟᱝ ᱟ I ᱱᱚᱣᱟ ᱠᱚ ᱪᱤᱠᱤ ᱟᱲᱟᱝ ᱠᱟᱛᱮ ᱵᱤᱰᱟ.ᱣ ᱞᱮᱠᱷᱟᱱ ᱧᱮᱞᱚᱜ ᱟ ᱡᱮ , ᱨᱟᱦᱟ ᱟᱲᱠᱝ ᱵᱟᱝ ᱨᱚᱲᱟᱝ ᱠᱟᱛᱮ ᱚᱱᱟ ᱠᱚ ᱥᱩᱢᱩᱝ ᱫᱚ ᱵᱟᱝ ᱨᱚᱲ ᱜᱟᱱᱚᱜ ᱠᱟᱱᱟ I ᱚᱱᱟ ᱛᱮᱜᱮ ᱚᱱᱟ ᱠᱚᱫᱚ ᱠᱮᱪᱮᱫ ᱪᱤᱠᱤ ᱟᱲᱟᱝ ᱵᱚ ᱢᱮᱛᱟᱜ ᱠᱟᱱᱟ I ᱚᱱᱮ ᱧᱮᱞ ᱢᱮ ᱨᱟᱦᱟ ᱟᱲᱟᱝ ᱟ.ᱭᱩᱨ ᱛᱮᱫᱚ ᱪᱮᱫ ᱞᱮᱠᱟ ᱨᱚᱲᱚᱜ ᱠᱟᱱᱟ I ᱛ ᱜ ᱝ ᱞ ᱮᱢᱟᱱ I ᱟ.ᱲᱟ. ᱟᱛᱮ ᱨᱚᱲ ᱫᱚ ᱵᱟᱝ ᱜᱚᱱᱚᱜ ᱟ I

ᱠᱮᱪᱮᱫ ᱪᱤᱠᱤ ᱨᱮᱭᱟᱜ ᱦᱟ.ᱴᱤᱧᱥᱟᱯᱲᱟᱣ

ᱱᱚᱣᱟ ᱠᱮᱪᱮᱫ ᱪᱤᱠᱤ ᱠᱚ ᱵᱷᱟᱜᱤ ᱞᱮᱠᱟ ᱟᱲᱟᱝ ᱠᱟᱛᱮ ᱵᱤᱰᱟ.ᱣ ᱞᱮᱠᱷᱟᱱ ᱧᱮᱞᱚᱜ ᱟ I ᱚᱱᱟ ᱠᱚ ᱢᱩᱫ ᱨᱮᱦᱚ ᱟᱭᱢᱟ ᱯᱷᱟᱨᱟᱠ ᱢᱮᱱᱟᱜ ᱟ I ᱠᱮᱪᱮᱫ ᱟᱲᱟᱝ ᱨᱮᱭᱟᱜ ᱱᱚᱣᱟ ᱡᱩᱫᱟ. ᱪᱮᱛᱟᱱ ᱴᱮᱦᱟᱴ ᱠᱟᱛᱮ ᱱᱚᱣᱟ ᱪᱤᱠᱤ ᱫᱚ ᱯᱩᱱ ᱛᱷᱚᱠ ᱛᱮ ᱦᱟ.ᱴᱤᱧ ᱢᱮᱱᱟᱜ ᱟ I ᱱᱚᱣᱟ ᱦᱟ.ᱴᱤᱧ ᱠᱚᱫᱚ - (1)ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱪᱤᱠᱤ (2) ᱛᱟ.ᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ (3) ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ (4) ᱡᱮᱛᱞᱮᱫ ᱠᱮᱪᱮᱫ ᱟᱲᱟᱝ ᱪᱤᱠᱤ I

ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱪᱤᱠᱤᱥᱟᱯᱲᱟᱣ

ᱡᱟᱦᱟ ᱠᱮᱪᱮᱫ ᱟᱲᱟᱝ ᱪᱤᱠᱤ ᱨᱚᱲ ᱥᱮ ᱟᱲᱟᱝ ᱚᱠᱟ ᱥᱟᱰᱮ ᱛᱮᱫ ᱠᱟᱱᱴᱟ ᱠᱷᱚᱱ ᱥᱚᱡᱦᱮ ᱵᱟᱝ ᱩᱰᱩᱠ ᱠᱟᱛᱮ ᱢᱚᱪᱟ ᱨᱮ ᱯᱟᱨᱦᱟᱲ ᱛᱟᱞᱟ ᱛᱮ ᱟᱲᱟᱝᱚᱜ ᱟ , ᱚᱱᱠᱟᱱᱟᱜ ᱫᱚ ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱚᱞ ᱪᱤᱠᱤ ᱨᱮᱭᱟᱜ ᱫᱚᱥᱟᱨ ᱛᱷᱟᱠ ᱨᱮ ᱢᱮᱱᱟᱜ ᱛ ᱠ ᱥ ᱪ ᱯ ᱴ ᱫᱚ ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱟᱱᱟ I

ᱱᱚᱣᱟ ᱫᱚ ᱡᱚᱛᱷᱚ ᱜᱮ ᱛᱩᱨᱩᱭ ᱜᱚᱴᱟᱝ ᱢᱮᱱᱟᱜ ᱟ I

ᱛᱟ.ᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤᱥᱟᱯᱲᱟᱣ

ᱡᱟᱦᱟ ᱠᱮᱪᱮᱫ ᱟᱲᱟᱝ ᱪᱤᱠᱤ ᱟᱲᱟᱝ ᱥᱮ ᱨᱚᱲ ᱡᱚᱦᱚᱜ ᱢᱚᱪᱟ ᱨᱮᱭᱟᱜ ᱦᱚᱭ ᱢᱚᱪᱟ ᱨᱮᱜᱮ ᱛᱟ.ᱯᱩᱜ ᱛᱟᱦᱮ ᱜᱚᱫᱚᱜ ᱟ ᱟᱨ ᱱᱟᱥᱮ ᱥᱟᱰᱮ ᱨᱚᱝᱚᱜ ᱟ ,ᱚᱱᱠᱟᱱ ᱟᱲᱟᱝ ᱨᱮᱭᱟᱜ ᱪᱤᱠᱤ ᱫᱚ ᱛᱟ.ᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱚ ᱢᱮᱛᱟ.ᱜ ᱟ I ᱡᱮᱞᱮᱠᱟ - ᱚᱞ ᱪᱤᱠᱤ ᱨᱮᱭᱟᱜ ᱛᱮᱥᱟᱨ ᱛᱷᱟᱠ ᱨᱮ ᱢᱮᱱᱟᱜ ᱜ ᱡ ᱦ ᱫ ᱰ ᱵ ᱫᱚ ᱛᱟ.ᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱟᱱᱟ I ᱢᱮᱱᱠᱷᱟᱱ ᱦ ᱟᱨ ᱰ ᱫᱚ ᱛᱟ.ᱯᱩᱜ ᱟᱲᱟᱝ ᱛᱮ ᱪᱟᱞᱟᱜ ᱨᱮ ᱦᱚ ᱟᱵᱚ ᱫᱚ ᱵᱟᱝ ᱵᱚᱱ ᱛᱟ.ᱯᱩᱜ ᱦᱚᱪᱚᱭᱮᱫᱟ I ᱱᱚᱣᱟ ᱠᱚᱦᱚ ᱡᱚᱛᱷᱚ ᱜᱮ ᱛᱩᱨᱩᱭ ᱜᱚᱴᱟᱝ ᱢᱮᱱᱟᱜ ᱟ I

ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤᱥᱟᱯᱲᱟᱣ

ᱡᱟᱦᱟ ᱠᱮᱪᱮᱫ ᱟᱲᱟᱝ ᱪᱤᱠᱤ ᱨᱚᱲᱟᱜ ᱡᱚᱦᱚᱜ ᱢᱚᱪᱟ ᱨᱮᱭᱟᱜ ᱦᱚᱭ ᱢᱩ ᱨᱮ ᱛᱟᱨᱠᱚᱜ ᱛᱮ ᱟᱲᱟᱝ ᱯᱷᱳᱴᱮᱞᱚᱜ ᱟ , ᱚᱱᱠᱟᱱ ᱪᱤᱠᱤ ᱫᱚ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱝ ᱢ ᱧ ᱬ ᱱ ᱶ ᱠᱚᱫᱚ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱟᱱᱟ I ᱱᱚᱣᱟ ᱫᱚ ᱠᱚᱭᱮ ᱠᱷᱚᱱᱟᱜ ᱯᱩᱱ ᱟᱱᱟᱜ ᱛᱷᱟᱠ ᱨᱮ ᱢᱮᱱᱟᱜ ᱟ ᱟᱨ ᱛᱩᱨᱩᱭ ᱜᱚᱴᱟᱝ ᱟ I

ᱡᱮᱛᱞᱮᱫ ᱠᱮᱪᱮᱫ ᱟᱲᱟᱝ ᱪᱤᱠᱤᱥᱟᱯᱲᱟᱣ

ᱡᱟᱦᱟ ᱠᱮᱪᱮᱫ ᱪᱤᱠᱤ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱪᱤᱠᱤ ᱵᱮᱜᱚᱨ ᱮᱴᱟᱜ ᱠᱮᱪᱮᱫ ᱪᱤᱠᱤ ᱴᱷᱮᱱ ᱡᱮᱛᱞᱮᱫ ᱫᱟᱲᱮᱭᱟᱜ ᱟ , ᱚᱱᱠᱟᱱ ᱪᱤᱠᱤ ᱫᱚ ᱡᱮᱛᱞᱮᱫ ᱠᱮᱪᱮᱫ ᱟᱲᱠᱝ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱞ ᱣ ᱨ ᱭ ᱲ ᱷ ᱠᱚᱫᱚ ᱡᱮᱛᱞᱮᱫ ᱠᱮᱪᱮᱫ ᱟᱲᱟᱝ ᱪᱤᱠᱤ ᱠᱟᱱᱟ I ᱱᱚᱣᱟ ᱦᱚ ᱛᱩᱨᱩᱭ ᱜᱚᱴᱟᱝ ᱟ I ᱱᱚᱣᱟ ᱫᱚ ᱢᱚᱲᱮ ᱟᱱᱟᱜ ᱛᱷᱚᱠ ᱨᱮ ᱢᱮᱱᱟᱜ ᱟ I

ᱡᱟᱯᱟᱜ ᱟᱲᱟᱝ ᱪᱤᱠᱤᱥᱟᱯᱲᱟᱣ

ᱨᱟᱦᱟ ᱟᱲᱟᱝ ᱟᱨ ᱠᱮᱪᱮᱫ ᱟᱲᱟᱝ ᱪᱤᱠᱤ ᱵᱮᱜᱚᱨ ᱚᱞᱪᱤᱠᱤ ᱨᱮ ᱟᱨ ᱢᱤᱫ ᱞᱮᱠᱟᱱ ᱪᱤᱠᱤ ᱢᱮᱱᱟᱜ ᱟ ,ᱚᱱᱟ ᱫᱚ ᱡᱟᱯᱟᱜ ᱟᱲᱟᱝ ᱪᱤᱠᱤ ᱠᱚ ᱪᱷᱟ.ᱴᱭᱟ.ᱨᱟᱜ ᱟ I ᱚᱱᱟ ᱪᱤᱠᱤ ᱠᱚ ᱟᱛᱮ ᱟ.ᱲᱟ. ᱜᱟᱵᱟᱱ ᱚᱠᱛᱚ ᱚᱱᱟ ᱠᱚᱫᱚ ᱮᱴᱟᱜ ᱟᱲᱟᱝ ᱨᱮ ᱡᱟᱰᱟᱜᱚᱜ ᱟ , ᱚᱱᱟ ᱛᱮ ᱱᱚᱣᱟ ᱪᱤᱠᱤ ᱫᱚ ᱡᱟᱰᱟᱜ ᱟᱲᱟᱝ ᱪᱤᱠᱤ ᱢᱮᱱᱛᱮ ᱠᱚ ᱧᱩᱢ ᱟᱠᱟᱫᱟ I ᱮ.ᱰᱮᱠᱷᱟᱱ ᱡᱟᱯᱟᱜ ᱟᱲᱟᱝ ᱨᱮᱭᱟᱜ ᱰᱮᱯᱤᱱᱮᱥᱟᱱ ᱞᱮᱠᱟᱛᱮ ᱞᱟ.ᱭ ᱜᱟᱱᱚᱜᱟ ᱚᱞᱪᱤᱠᱤ ᱨᱮᱭᱟᱜ ᱡᱟᱦᱟ ᱪᱤᱠᱤ ᱟᱯᱱᱟᱨ ᱥᱩᱢᱩᱝ ᱛᱮᱫᱚ ᱵᱟᱝ ᱟᱲᱟᱝ ᱚᱜ ᱟ , ᱮᱴᱟᱜ ᱪᱤᱠᱤ ᱨᱮ ᱡᱟᱯᱟᱜ ᱞᱮᱱ ᱟ.ᱱᱤᱡ ᱟᱲᱟᱝᱚᱜ-ᱟ ᱟᱨ ᱚᱱᱟᱛᱮ ᱮᱴᱟᱜ ᱪᱤᱠᱤ ᱨᱮᱭᱟᱜ ᱥᱟᱰᱮ ᱟ.ᱨᱩᱜ ᱟ I ᱚᱱᱠᱟᱱ ᱪᱤᱠᱤ ᱫᱚ ᱡᱟᱯᱟᱜ ᱟᱲᱟᱝ ᱪᱤᱠᱤ ᱠᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱢᱩ ᱴᱩᱰᱟ.ᱜ ,ᱜᱟ.ᱦᱞᱟ. ᱴᱩᱰᱟ.ᱜ , ᱨᱮᱞᱟ , ᱯᱷᱟᱨᱠᱟ ᱟᱨ ᱚᱦᱚᱫ ᱠᱚᱫᱚ ᱡᱟᱯᱟᱜ ᱟᱲᱟᱝ ᱪᱤᱠᱤ ᱠᱟᱱᱟ I ᱱᱚᱣᱟ ᱡᱟᱯᱟᱜ ᱟᱲᱟᱝ ᱪᱤᱠᱤ ᱫᱚ ᱢᱚᱬᱮ ᱜᱚᱴᱟᱝ ᱢᱮᱱᱟᱜ ᱟ I

ᱢᱩ-ᱴᱩᱰᱟ.ᱜ ᱡᱟᱯᱟᱜ ᱪᱤᱠᱤᱥᱟᱯᱲᱟᱣ

" ' " ᱱᱚᱣᱟ ᱫᱚ ᱢᱩ ᱴᱩᱰᱟ.ᱜ ᱠᱟᱱᱟ I ᱱᱚᱣᱟ ᱫᱚ ᱨᱟᱦᱟ ᱟᱲᱟᱝ ᱪᱚᱴᱨᱮ ᱜᱷᱚᱲᱟ ᱞᱮᱱᱠᱷᱟᱱ ᱨᱟᱦᱟ ᱟᱲᱟᱝ ᱢᱩ ᱛᱮ ᱨᱚᱲᱟᱝᱚᱜ - ᱟ I ᱡᱮᱞᱮᱠᱟ - ᱠᱚ'ᱭᱮ , ᱠᱟ'ᱛ ᱟᱨ ᱠᱟ'ᱰᱟ ᱮᱢᱟᱱ ᱠᱚ I

ᱜᱟ.ᱦᱞᱟ. ᱴᱩᱰᱟ.ᱜ ᱡᱟᱯᱟᱜ ᱪᱤᱠᱤᱥᱟᱯᱲᱟᱣ

" . " ᱜᱟ.ᱦᱞᱟ. ᱴᱩᱰᱟ.ᱜ ᱫᱚ ᱨᱟᱦᱟ ᱟᱲᱟᱝ ᱪᱤᱠᱤ ᱯᱷᱮᱰ ᱨᱮ ᱡᱟᱯᱟᱜ ᱞᱮᱱᱠᱷᱟᱱ ᱨᱟᱦᱟ ᱟᱲᱟᱝ ᱜᱟ.ᱞᱦᱟ.ᱜ ᱟ I ᱡᱮᱞᱮᱠᱟ - ᱫᱟ.ᱲ , ᱨᱟ.ᱥᱠᱟ. ᱟᱨ ᱞᱟ.ᱣᱠᱟ. ᱮᱢᱟᱱ ᱠᱚ I

ᱨᱮᱞᱟ ᱡᱟᱯᱟᱜ ᱪᱤᱠᱤᱥᱟᱯᱲᱟᱣ

" ~ " ᱨᱮᱞᱟ ᱫᱚ ᱨᱟᱦᱟ ᱟᱲᱟᱝ ᱠᱚᱨᱮ ᱛᱚᱜᱮ ᱞᱮᱱᱠᱷᱟᱱ ᱨᱟᱦᱟ ᱟᱲᱟᱝ ᱡᱮᱞᱮᱧ ᱥᱟ.ᱦᱮᱡ ᱨᱮᱞᱟᱣᱚᱜ- ᱟ I ᱱᱚᱣᱟ ᱫᱚ ᱥᱮᱨᱮᱧ , ᱦᱚᱦᱚ , ᱨᱟᱜ ᱨᱚᱫᱷᱚᱱ ᱚᱠᱛᱚ ᱨᱟᱦᱟ ᱟᱲᱟᱝ ᱥᱟᱶ ᱛᱚᱜᱮᱜ ᱟ ᱟᱨ ᱨᱟᱦᱟ ᱠᱚ ᱨᱟ.ᱭᱞᱟ.ᱜ ᱟ I ᱡᱮᱞᱮᱠᱟ - ᱛᱟ~ᱦᱟ ~ᱨᱮ~ᱛᱟ , ᱮ ~ᱵᱟ.ᱵᱩ ᱟᱨ ᱵᱟ.ᱵᱩ~ᱭᱟ ᱮᱢᱟᱱ ᱠᱚ I

ᱯᱷᱟᱨᱠᱟ ᱡᱟᱯᱟᱜ ᱪᱤᱠᱤᱥᱟᱯᱲᱟᱣ

" - " ᱱᱚᱣᱟ ᱫᱚ ᱯᱷᱟᱨᱠᱟ ᱪᱤᱠᱤ ᱠᱟᱱᱟ I ᱱᱚᱣᱟ ᱫᱚ ᱡᱟᱦᱟᱱ ᱟ.ᱲᱟ. ᱚᱞ ᱛᱟᱞᱟ ᱨᱮ ᱞᱟᱜᱟᱛᱚᱜ ᱟ I ᱟᱨ ᱚᱱᱟ ᱛᱮ ᱟ.ᱲᱟ. ᱨᱮᱭᱟᱜ ᱟᱲᱟᱝ ᱯᱷᱟᱨᱠᱟᱣ ᱥᱮ ᱥᱟᱦᱟᱚᱜ - ᱟ I ᱨᱚᱲ ᱟᱲᱟᱝ ᱡᱟᱦᱟ ᱴᱷᱮᱱ ᱥᱟᱦᱟ ᱞᱟ.ᱠᱛᱤᱭᱟ ᱚᱰᱮ ᱜᱮ ᱯᱷᱟᱨᱠᱟ ᱫᱚ ᱞᱟᱜᱟᱚᱚᱜ - ᱟ I ᱡᱮᱢᱚᱱ - ᱦᱚᱲᱚᱜ -ᱟ , ᱚᱞᱚᱜ- ᱟ ᱟᱨ ᱠᱟ.ᱴᱤᱡ- ᱟ ᱮᱢᱟᱱ ᱠᱚ I

ᱚᱦᱚᱫ ᱡᱟᱯᱟᱜ ᱪᱤᱠᱤᱥᱟᱯᱲᱟᱣ

" ᱚᱦᱚᱫ " ᱫᱚ ᱢᱚᱪᱟ ᱨᱮᱭᱟᱜ ᱥᱟ.ᱦᱮᱫ ᱦᱚᱭ ᱱᱟᱥᱮ ᱩᱥᱠᱟ.ᱣ ᱩᱰᱩᱠ ᱨᱮᱭᱟᱜ ᱪᱤᱠᱤ ᱠᱟᱱᱟ I ᱱᱚᱣᱟ ᱫᱚ " ᱚ " ᱨᱮᱭᱟᱜ ᱱᱟᱥᱮ ᱛᱮᱫ ᱠᱟᱱᱟ I ᱱᱚᱣᱟ ᱫᱚ ᱛᱟ.ᱯᱩᱜ ᱟᱲᱟᱝ ᱚᱞ ᱠᱚᱨᱮ ᱡᱟᱯᱟᱜᱚᱜ ᱟ I ᱚᱱᱟ ᱩᱥᱠᱟ.ᱣ ᱦᱚᱭ ᱫᱟᱲᱮ ᱛᱮ ᱛᱟ.ᱯᱩᱜ ᱟᱲᱟᱝ ᱯᱟᱨᱦᱟᱲᱚᱜ ᱟ I ᱡᱮᱞᱮᱠᱟ - ᱜᱷᱟᱡ+ᱚᱦᱚᱫ+ ᱨᱟ ᱮᱢᱟᱱ ᱠᱚ I