ᱯᱟᱹᱨᱥᱤ ᱡᱤᱛᱠᱟᱹᱨ ᱢᱟᱦᱟᱸ
ᱮᱛᱚᱦᱚᱵ
ᱥᱟᱯᱲᱟᱣ᱒᱒ ᱰᱤᱥᱮᱢᱵᱚᱨ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱢᱟᱦᱟᱸ, ᱫᱩᱜ-ᱞᱟᱹᱲᱦᱟᱹᱭᱟᱹᱜ ᱦᱚᱲ ᱠᱚᱣᱟᱜ ᱟᱹᱰᱤ ᱨᱟᱹᱥᱠᱟᱹ ᱨᱮᱭᱟᱜ ᱫᱤᱱ ᱠᱟᱱ ᱛᱟᱠᱚᱣᱟ, ᱪᱮᱫᱟᱜ ᱥᱮ ᱱᱤᱭᱟᱹ ᱦᱤᱞᱚᱜ ᱛᱟᱦᱮᱸᱱ ᱒᱐᱐᱓ ᱥᱮᱨᱢᱟ ᱨᱮᱱᱟᱜ ᱒᱒ ᱰᱤᱥᱮᱢᱵᱚᱨ, ᱜᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱤᱧᱚᱛ ᱥᱚᱢᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞ ᱟᱱᱟᱜ ᱫᱷᱟᱯ ᱨᱮ ᱥᱮᱞᱮᱫ ᱞᱮᱱᱟ ᱾ ᱩᱱ ᱦᱤᱞᱚᱜ ᱜᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱩᱜ-ᱞᱟᱹᱲᱤᱭᱟᱹ ᱠᱚᱣᱟᱜ ᱠᱩᱠᱢᱩ ᱯᱩᱨᱟᱹᱣᱮᱱᱟ ᱛᱮ, ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱮᱴᱟᱜ ᱯᱟᱹᱨᱥᱤ ᱛᱷᱟᱨ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱴᱷᱟᱶ ᱮ ᱧᱟᱢ ᱠᱮᱫ ᱛᱮ, ᱯᱟᱹᱨᱥᱤ ᱡᱤᱛᱠᱟᱹᱨ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱶ - ᱵᱟᱛᱟᱣ ᱦᱤᱡᱩᱜ ᱠᱟᱱᱟ ᱾
ᱱᱟᱜᱟᱢ
ᱥᱟᱯᱲᱟᱣ᱑᱙᱙᱒ ᱥᱟᱞ ᱨᱮ ᱯᱩᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱡᱷᱟᱲᱜᱨᱟᱢ ᱨᱮ ᱢᱤᱫᱴᱟᱹᱝ ᱢᱚᱨᱪᱟ ᱵᱮᱱᱟᱣ ᱮᱱᱟ ᱾ ᱱᱚᱶᱟ ᱨᱮᱭᱟᱜ ᱡᱚᱥ ᱫᱚ ᱛᱟᱦᱮᱸ ᱠᱟᱱᱟ ᱥᱟᱱᱛᱟᱲ ᱯᱟᱹᱨᱥᱤ ᱥᱚᱢᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞ ᱚᱱᱩᱥᱩᱪᱤ ᱨᱮ ᱥᱟᱹᱢᱤᱞ ᱚᱪᱚᱭ ᱾ ᱵᱷᱮᱜᱟᱨ ᱵᱷᱮᱜᱟᱨ ᱡᱟᱜᱟ ᱨᱮ ᱦᱩᱞ, ᱨᱮᱞᱨᱚᱠ, ᱫᱷᱟᱨᱱᱟ ᱮᱢᱟᱱ ᱠᱚᱨᱟᱣ ᱠᱟᱛᱮ ᱥᱚᱨᱠᱟᱨ ᱵᱟᱰᱭ ᱚᱪᱚᱭᱮ ᱨᱮᱭᱟᱜ ᱠᱚ ᱛᱮᱴᱮᱡ ᱠᱮᱜ-ᱟ᱾ ᱢᱩᱪᱟᱹᱫ ᱨᱮ ᱥᱚᱨᱠᱟᱨ ᱮ ᱟᱸᱡᱚᱢ ᱠᱮᱜᱼᱟ ᱾ ᱥᱟᱱᱛᱟᱲ ᱥᱟᱶ ᱢᱚᱭᱛᱷᱤᱞᱤ, ᱵᱳᱰᱳ, ᱰᱚᱜᱽᱨᱤ ᱱᱚᱶᱟ ᱯᱩᱱᱭᱟᱹ ᱯᱟᱹᱨᱥᱤ ᱒᱒ ᱰᱤᱥᱮᱢᱵᱚᱨ ᱒᱐᱐᱓ ᱨᱮ ᱥᱚᱨᱠᱟᱨ ᱥᱤᱠᱨᱤᱛᱤ ᱮᱢᱟᱫ ᱟᱭ ᱾ ᱩᱱᱡᱷᱚᱜ ᱫᱚ ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ ᱵᱷᱟᱨᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾ ᱤᱱᱟᱹ ᱦᱤᱞᱚᱜ ᱠᱷᱚᱱᱟᱜ ᱥᱟᱱᱛᱟᱲ ᱠᱚ ᱯᱟᱹᱨᱥᱤ ᱢᱟᱦᱟᱸ ᱵᱚ ᱢᱟᱱᱟᱣ ᱮᱫᱟ᱾ ᱱᱤᱛ ᱦᱟᱹᱵᱤᱡ ᱵᱟᱨᱭᱟ ᱥᱩᱢᱩᱝ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱥᱚᱢᱵᱤᱫᱟᱱ ᱨᱮ ᱥᱮᱞᱮᱫ ᱟᱠᱟᱱᱟ, ᱚᱱᱟ ᱠᱤᱱ ᱫᱚ - ᱥᱟᱱᱛᱟᱲᱤ ᱟᱨ ᱵᱳᱰᱳ ᱾
ᱮᱱᱮᱢ
ᱥᱟᱯᱲᱟᱣᱥᱟᱲᱛᱟᱲᱤ ᱯᱟᱹᱨᱥᱤ ᱫᱚ ᱮᱠᱮᱱ ᱢᱤᱫ ᱦᱚᱲ ᱦᱚᱛᱮ ᱛᱮ ᱥᱮ ᱢᱤᱫ ᱴᱮᱱ ᱯᱟᱨᱴᱤ ᱟᱨ ᱵᱟᱝ ᱜᱟᱶᱛᱟ ᱦᱚᱛᱮ ᱛᱮ ᱫᱚ ᱵᱟᱝ ᱡᱤᱛᱠᱟᱹᱨ ᱟᱠᱟᱱᱟ ᱾ ᱱᱚᱣᱟ ᱠᱟᱹᱢᱤ ᱥᱟᱨ ᱥᱟᱹᱜᱩᱱᱚᱜ ᱞᱟᱹᱜᱤᱫ ᱪᱟᱱᱫᱚ ᱵᱟᱝᱜᱟᱣᱟᱜ ᱥᱟᱹᱦᱟᱹᱭ ᱟᱨ ᱦᱟᱯᱲᱟᱢ ᱠᱚᱣᱟᱜ ᱟᱹᱥᱤᱥ ᱦᱚᱸ ᱢᱮᱱᱟᱜᱼᱟ ᱾ ᱟᱨ ᱵᱟᱝ ᱠᱷᱟᱱ ᱱᱩᱱ ᱢᱟᱨᱟᱝ ᱠᱟᱹᱢᱤ ᱫᱚ ᱚᱦᱚ ᱜᱮ ᱯᱩᱨᱟᱹᱣ ᱞᱮᱱᱟ ᱾
ᱱᱚᱣᱟ ᱠᱟᱹᱢᱤ ᱥᱟᱨ-ᱥᱟᱹᱜᱩᱱ ᱚᱜ ᱞᱟᱹᱜᱤᱫ ᱡᱟᱦᱟᱸᱭ ᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱮᱱᱮᱢ ᱢᱮᱱᱟᱜ ᱛᱟᱭᱟ ᱩᱱᱤ ᱫᱚᱭ ᱦᱩᱭᱩᱜ ᱠᱟᱱᱟ, ᱢᱟᱱᱚᱛᱟᱱ ᱥᱟᱞᱠᱷᱟᱱ ᱢᱩᱨᱢᱩ ᱟᱨ ᱥᱟᱱᱛᱟᱞᱤ ᱵᱷᱟᱥᱟ ᱢᱚᱨᱪᱟ, Adivasi Socio Education and Caltural Association, ᱞᱮᱯᱷᱴ ᱯᱟᱨᱴᱤ ᱨᱮᱱ ᱥᱟᱝᱥᱚᱫᱽ ᱠᱚ ᱾ ᱱᱤᱭᱟᱹ ᱵᱮᱜᱚᱨ ᱦᱚᱸ ᱟᱹᱰᱤ ᱟᱭᱢᱟ ᱥᱟᱶᱛᱟ ᱟᱹᱨᱤ ᱜᱟᱶᱛᱟ ᱠᱚ, ᱱᱚᱱ - ᱥᱟᱱᱛᱟᱞ ᱜᱟᱶᱛᱟ ᱠᱚ, ᱩᱱ ᱚᱠᱛᱮ ᱨᱮᱱᱟᱜ ᱵᱮᱣᱨᱟ ᱥᱟᱠᱟᱢ, ᱢᱮᱞᱟ - ᱡᱟᱛᱨᱟ - ᱚᱯᱮᱨᱟ ᱮᱢᱟᱱ ᱟᱨ ᱞᱟᱠᱷ ᱞᱟᱠᱷ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚᱜ - ᱞᱟᱹᱲᱤᱭᱟᱹ ᱠᱚᱣᱟᱜ ᱮᱱᱮᱢ ᱦᱚ ᱧᱩᱢ ᱦᱟᱞᱟᱝᱚᱜᱼᱟ ᱾
ᱱᱟᱦᱟᱜ
ᱥᱟᱯᱲᱟᱣᱥᱟᱱᱛᱟᱲᱤ ᱯᱟᱹᱨᱥᱤ ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ ᱨᱮ ᱟᱝᱜᱚᱪᱮᱱ ᱛᱟᱭᱚᱢ, ᱢᱟᱲᱟᱝ ᱚᱠᱟ ᱠᱚ ᱟᱝᱜᱚᱪ ᱟᱠᱟᱱ ᱛᱟᱦᱮᱱ ? ᱚᱱᱟ ᱯᱟᱹᱨᱥᱤ ᱛᱷᱟᱨ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱦᱚᱸ ᱦᱮᱡ ᱮᱱᱟ ᱥᱮ ᱚᱱᱟ ᱯᱟᱹᱨᱥᱤ ᱠᱚ ᱞᱮᱠᱟ ᱜᱮ ᱵᱟᱨᱟ - ᱵᱟᱹᱨᱤ ᱴᱷᱟᱶᱮ ᱧᱟᱢ ᱠᱮᱫᱟ ᱾
ᱥᱤᱧᱚᱛ ᱨᱮᱱᱟᱜ ᱛᱟᱞᱢᱟ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱠᱷᱚᱱ ᱦᱚᱸ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱠᱚ ᱥᱤᱨᱯᱷᱟᱹ ᱧᱟᱧᱟᱢ ᱠᱚ ᱮᱦᱚᱵ ᱮᱱᱟ ᱟᱨ ᱦᱟᱱᱟ ᱱᱷᱟᱣᱟ ᱠᱟᱹᱢᱤ-ᱦᱚᱨᱟ ᱠᱚ ᱠᱟᱹᱢᱤ ᱤᱫᱤᱜ ᱠᱟᱱᱟ ᱾ C-DAC ᱠᱷᱚᱱ Santali Font ᱵᱮᱱᱟᱣ ᱮᱱᱟ ᱾ Central institute of Indian languages ᱟᱨ ᱥᱟᱦᱤᱛᱭᱚ ᱟᱠᱟᱫᱚᱢᱤ ᱠᱷᱚᱱ ᱯᱚᱛᱚᱵ ᱯᱟᱛᱷᱟᱢ ᱠᱚ ᱪᱷᱟᱯᱟ ᱥᱚᱫᱚᱨᱚᱜ ᱠᱟᱱᱟ ᱾