ᱰᱤᱢᱰᱮᱥᱚᱨ ᱱᱮᱣᱚᱜᱽ
ᱰᱤᱢᱵᱮᱥᱚᱨ ᱱᱮᱣᱚᱜᱽ (ᱤᱝᱨᱟᱹᱡᱤᱺ Dimbeswar Neog) (᱑᱘᱙᱙ - ᱑᱙᱖᱖) ᱫᱚ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱫᱴᱮᱱ ᱜᱟᱹᱠᱷᱩᱲ ᱚᱱᱚᱲᱦᱤᱭᱟᱹ, ᱜᱟᱢᱟᱱᱤᱭᱟᱹ, ᱚᱱᱚᱞᱤᱟᱹ, ᱯᱟᱹᱨᱥᱤ ᱥᱟᱶᱦᱮᱫ ᱠᱷᱚᱱᱫᱽᱨᱚᱝᱤᱭᱟᱹ, ᱚᱜ-ᱚᱠᱛᱟᱠᱤᱭᱟᱹ ᱟᱨ ᱢᱟᱪᱮᱫ-ᱮ ᱛᱟᱦᱮᱸ ᱠᱟᱱᱟ| ᱟᱥᱚᱠᱟᱭ ᱛᱮ ᱟᱥᱟᱢᱤᱥ ᱯᱟᱹᱨᱥᱤ ᱥᱟᱶᱦᱮᱫ ᱜᱟᱞᱟᱝᱝ ᱜᱟᱵᱟᱱ ᱵᱟᱫᱽ ᱠᱟᱛᱮ ᱦᱚᱸ ᱤᱝᱨᱟᱹᱡᱤ ᱯᱟᱹᱨᱥᱤ ᱛᱮ ᱦᱚᱸ ᱯᱚᱛᱚᱵ ᱠᱚᱭ ᱚᱞ ᱟᱠᱟᱫᱟ| ᱑᱙᱔᱖ ᱥᱮᱨᱢᱟ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱦᱟ ᱨᱮᱭᱟᱜ ᱰᱤᱵᱽᱜᱚᱭ ᱡᱟᱨᱣᱟᱜ ᱨᱮ ᱩᱱᱤ ᱜᱮ ᱥᱩᱛᱨᱮᱛ ᱨᱮᱭᱟᱜ ᱢᱟᱹᱪᱤ ᱫᱚᱭ ᱦᱟᱢᱮᱴ ᱞᱮᱫᱟ ᱥᱟᱶ ᱥᱟᱶ ᱛᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱯᱚᱛᱨᱤᱠᱟ ᱨᱮᱱ ᱯᱟᱨᱥᱮᱛ ᱞᱮᱠᱟ ᱛᱮ ᱦᱚᱸ ᱠᱚ ᱵᱟᱦᱟᱞ ᱞᱮᱫᱮᱭᱟ| ᱩᱱᱤ ᱫᱚ ᱟᱥᱟᱢᱤᱥ ᱥᱟᱶᱦᱮᱫ ᱨᱮ ᱞᱤᱴᱟᱹ ᱟᱜ ᱚᱱᱚᱲᱦᱤᱭᱟᱹ ᱢᱮᱱ ᱛᱮ ᱦᱚᱸ ᱠᱚ ᱞᱮᱠᱷᱟᱭᱮᱭᱟ|
ᱡᱟᱱᱟᱢ ᱥᱟᱯᱲᱟᱣ
ᱰᱤᱢᱵᱮᱥᱚᱨ ᱱᱮᱣᱚᱜᱽ ᱫᱚ ᱑᱘᱙᱙ ᱥᱮᱨᱢᱟ ᱨᱮᱭᱟᱜ ᱗ (ᱮᱭᱟᱭ) ᱟᱜᱚᱥᱴ ᱢᱟᱹᱦᱤᱛ ᱦᱤᱞᱚᱜ, ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱥᱤᱵᱽ ᱥᱟᱜᱚᱨ ᱦᱚᱱᱚᱛ ᱨᱮᱭᱟᱜ ᱠᱟᱢᱟᱨ ᱯᱷᱚᱫᱤᱭᱟ ᱧᱩᱛᱩᱢᱟᱱ ᱟᱹᱛᱩ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱢᱟᱤᱠᱱ ᱪᱚᱱᱫᱽᱨᱚ ᱱᱮᱣᱚᱜᱽ ᱛᱟᱦᱮᱸ ᱠᱟᱱ ᱛᱟᱭᱟ ᱟᱨ ᱮᱝᱜᱟᱛ ᱴᱮᱫ ᱟᱜ ᱧᱩᱛᱩᱢ ᱫᱚ ᱪᱚᱱᱫᱽᱨᱚ ᱯᱨᱚᱵᱷᱟ ᱱᱮᱣᱚᱜᱽ ᱛᱟᱦᱮᱸ ᱠᱟᱱ ᱛᱟᱭᱟ|
ᱥᱮᱪᱮᱫ ᱟᱨ ᱠᱟᱹᱢᱤ ᱡᱤᱭᱚᱱ ᱥᱟᱯᱲᱟᱣ
ᱰᱤᱢᱵᱮᱥᱚᱨ ᱱᱮᱣᱚᱜᱽ ᱫᱚ ᱢᱤᱫ ᱴᱮᱱ ᱞᱟᱥᱮᱨ ᱦᱟᱛᱟᱝᱟᱱ ᱯᱟᱹᱴᱷᱩᱣᱟᱹᱭ ᱛᱟᱦᱮ ᱠᱟᱱᱟ| ᱦᱩᱰᱤᱧ ᱚᱠᱛᱮᱵ ᱠᱦᱚᱱ ᱜᱮ ᱚᱞᱜᱵ ᱯᱟᱲᱦᱟᱣ ᱨᱮ ᱟᱹᱰᱤ ᱢᱚᱱᱮ ᱛᱟᱦᱮᱸ ᱠᱟᱱ ᱛᱟᱭ ᱱᱮᱣᱚᱜᱽ ᱫᱚ ᱢᱚᱤᱬᱮ ᱥᱮᱨᱢᱟ ᱩᱢᱮᱨ ᱨᱮ ᱜᱮ ᱥᱠᱩᱞ ᱨᱮ ᱧᱩᱛᱩᱢ ᱠᱚ ᱚᱞ ᱨᱟᱠᱟᱵ ᱚᱪᱚ ᱠᱮᱫ ᱛᱟᱭᱟ| ᱯᱟᱹᱴᱷᱩᱣᱟᱹ ᱡᱤᱭᱚᱱ ᱠᱷᱚᱱ ᱜᱮ ᱢ᱾ᱰ ᱞᱮᱛᱟᱲ ᱜᱮ ᱚᱱᱚᱞ ᱠᱚᱭ ᱚᱞ ᱟᱹᱜᱩᱭᱮᱫ ᱠᱟᱱ ᱴᱟᱦᱮᱸ ᱠᱟᱱᱟ| ᱑᱙᱒᱔ ᱥᱮᱨᱢᱟ ᱨᱮ ᱩᱱᱤ ᱰᱚ ᱟᱹᱰᱤ ᱢᱟᱱ ᱢᱟᱱᱚᱛ ᱥᱟᱞᱟᱜ ᱵᱤᱹᱮᱥᱹᱥᱤᱹ ᱵᱤᱱᱤᱰᱮ ᱯᱟᱥ ᱞᱮᱫᱟ| ᱱᱤᱭᱟᱹ ᱵᱟᱨ ᱥᱮᱢᱟ ᱛᱟᱭᱱᱚᱢ ᱠᱷᱚᱱ ᱜᱮ ᱩᱱᱤ ᱰᱚ ᱥᱱᱟᱛᱚᱠ ᱵᱤᱱᱤᱰᱮ ᱶᱯᱟᱥ ᱞᱮᱫᱟ| ᱑᱙᱒᱕ ᱥᱮᱨᱢᱟ ᱨᱮᱭᱟᱜ ᱑᱙ ᱮᱯᱨᱤᱞ ᱢᱟᱹᱦᱤᱛ ᱦᱤᱞᱚᱜ ᱥᱤᱵᱽ ᱥᱟᱜᱚᱨ ᱥᱚᱨᱠᱟᱨᱤ ᱵᱤᱨᱫᱟᱹ ᱜᱟᱲ ᱨᱮ ᱢᱟᱪᱮᱫ ᱞᱮᱠᱟ ᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ| ᱤᱱᱟᱹ ᱛᱟᱭᱱᱚᱢ ᱩᱱᱤ ᱫᱚ ᱥᱚᱨᱠᱟᱨᱤ ᱢᱟᱪᱮᱛ ᱞᱮᱠᱟ ᱛᱮ ᱟᱥᱟᱢ ᱨᱮᱭᱟᱜ ᱟᱭᱢᱟ ᱡᱟᱭᱜᱟ ᱠᱚ ᱨᱮ ᱢᱟᱪᱮᱫ ᱞᱮᱠᱟ ᱛᱮᱭᱮ ᱠᱟᱹᱢᱤ ᱞᱮᱫᱟ| ᱑᱙᱓᱖ ᱥᱮᱨᱢᱟ ᱨᱮ ᱩᱱᱤ ᱰᱚ ᱵᱤᱹᱴᱤ ᱯᱟᱥ ᱞᱮᱫᱟ| ᱚᱱᱟ ᱛᱟᱭᱚᱢ ᱜᱮ ᱱᱟᱨᱢᱟᱞ ᱥᱠᱩᱞ ᱨᱮ ᱟᱨᱦᱚᱸ ᱢᱟᱪᱮᱫ ᱞᱮᱠᱟ ᱛᱮ ᱠᱚ ᱵᱟᱦᱞ ᱞᱮᱫᱮᱭᱟ| ᱪᱟᱹᱠᱨᱤ ᱚᱠᱛᱮ ᱨᱮ ᱜᱮ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱦᱚᱱ ᱟᱥᱟᱢᱤᱥ ᱰᱤᱯᱟᱹᱴ ᱥᱟᱛᱷᱟᱢ ᱛᱮ ᱮᱢᱹᱮᱹ ᱯᱟᱥ ᱞᱮᱫᱟ| ᱤᱱᱟᱹ ᱛᱟᱭᱱᱚᱢ ᱱᱟᱨᱢᱟᱞ ᱥᱠᱩᱞ ᱨᱮᱱ ᱢᱟᱨᱟᱝ ᱢᱟᱪᱮᱫ-ᱮ ᱦᱚᱭ ᱞᱮᱱᱟ ᱟᱨ ᱚᱱᱰᱮ ᱜᱮ ᱪᱟᱹᱠᱨᱤ ᱠᱷᱚᱱᱮ ᱡᱤᱨᱟᱹᱣ ᱮᱱᱟ|