ᱰᱷᱮᱝᱠᱟᱱᱟᱲ
ᱰᱷᱮᱝᱠᱟᱱᱟᱲ ᱵᱟᱡᱟᱨ ᱫᱚ ᱳᱰᱤᱥᱟ ᱨᱮ ᱰᱷᱮᱝᱠᱟᱱᱟᱲ ᱦᱚᱱᱚᱛ ᱨᱮᱭᱟᱜ ᱥᱚᱜᱚᱨ ᱢᱚᱦᱠᱩᱢᱟ ᱟᱨ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹ ᱵᱮᱵᱽᱥᱟᱭ ᱴᱚᱴᱷᱟ ᱠᱟᱱᱟ ᱾ ᱰᱷᱮᱝᱠᱟᱱᱟᱲ ᱫᱚ ᱢᱤᱫ ᱟᱹᱰᱤ ᱢᱟᱨᱮ ᱯᱚᱱᱚᱛ, ᱟᱨᱵᱟᱝ ᱯᱚᱱᱚᱛ ᱨᱮᱭᱟᱜ ᱢᱤᱫ ᱢᱟᱨᱮ ᱵᱟᱡᱟᱨ ᱠᱟᱱᱟ ᱾ ᱱᱚᱰᱮ ᱫᱚ ᱢᱤᱫ ᱟᱹᱰᱤ ᱦᱟᱦᱟᱲᱟ ᱨᱟᱡᱽ ᱵᱟᱹᱠᱷᱳᱞ ᱦᱚᱸ ᱢᱮᱱᱟᱜ-ᱟ ᱾
| ᱰᱷᱮᱝᱠᱟᱱᱟᱲ | |
|---|---|
| ᱵᱟᱡᱟᱨ | |
  ᱰᱷᱮᱝᱠᱟᱱᱟᱲ  ᱰᱷᱮᱝᱠᱟᱱᱟᱲ | |
| Coordinates: 20°40′N 85°36′E / 20.67°N 85.6°ECoordinates: 20°40′N 85°36′E / 20.67°N 85.6°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱰᱷᱮᱝᱠᱟᱱᱟᱲ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱩᱱᱥᱤᱯᱟᱞᱴᱤ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 31 ᱠᱤᱢᱤ২ (12 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 80 ᱢᱤᱴᱚᱨ (260 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱞᱮᱠᱷᱟᱜᱩᱴ | ᱖᱗,᱔᱑᱔ |
| • ᱰᱮᱱᱥᱤᱴᱤ | 2200/ᱠᱤᱢᱤ2 (5600/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱩᱰᱤᱭᱟᱹ |
| • ᱢᱩᱬ ᱴᱚᱴᱷᱟᱠᱤᱭᱟᱹ ᱯᱟᱹᱨᱥᱤ | ᱩᱰᱤᱭᱟᱹ, ᱦᱳ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱗᱕᱙᱐᱐᱑ |
| ᱴᱮᱞᱤᱯᱷᱚᱱ ᱠᱳᱰ | ᱐᱖᱗᱖᱒ |
| ᱜᱟᱹᱰᱤ ᱨᱤᱡᱤᱥᱴᱨᱤ | OD-06 |
| ᱣᱮᱵᱽᱥᱟᱭᱤᱴ | odisha |
ᱛᱷᱤᱛᱤ ᱥᱟᱯᱲᱟᱣ
ᱱᱚᱣᱟ ᱵᱟᱡᱟᱨ ᱫᱚ ᱥᱚᱢᱵᱚᱞᱯᱩᱨ-ᱠᱚᱴᱚᱠ ᱡᱟᱹᱛᱤᱭᱟᱹᱨᱤ ᱨᱟᱡᱽ ᱦᱚᱨ ᱛᱟᱞᱟᱨᱮ ᱢᱮᱱᱟᱜ-ᱟ ᱾ ᱠᱚᱴᱚᱠ ᱠᱷᱚᱱ ᱵᱟᱡᱟᱨ ᱨᱮᱭᱟᱜ ᱥᱟᱺᱜᱤᱧ ᱫᱚ ᱦᱩᱭᱩᱜ ᱠᱟᱱᱟ ᱖᱐ ᱠᱤᱞᱚ ᱢᱤᱴᱚᱨ ᱾ ᱢᱟᱨᱮ ᱑᱓ ᱜᱚᱴᱟᱝ ᱦᱚᱱᱚᱛ ᱠᱚ ᱵᱷᱤᱛᱨᱤ ᱠᱷᱚᱱ ᱰᱷᱮᱝᱠᱟᱱᱟᱲ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱛᱟᱭᱚᱢ ᱛᱮ ᱱᱚᱰᱮ ᱠᱷᱚᱱ ᱰᱷᱮᱝᱠᱟᱱᱟᱲ ᱦᱚᱱᱚᱛ ᱟᱨ ᱚᱱᱩᱜᱩᱲ ᱦᱚᱱᱚᱛ ᱫᱚ ᱵᱮᱱᱟᱣ ᱟᱠᱟᱱᱟ ᱾
- ᱦᱤᱱᱫᱳᱲ
- ᱠᱟᱢᱟᱠᱷᱭᱟ ᱱᱚᱜᱚᱨ
- ᱜᱚᱱᱫᱤᱭᱟ
ᱦᱚᱱᱚᱛ ᱫᱚ ᱳᱰᱤᱥᱟ ᱨᱮᱭᱟᱜ ᱴᱷᱤᱠ ᱛᱟᱞᱟ ᱢᱟᱞᱟ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱨᱮᱭᱟᱜ ᱦᱟᱹᱡᱩᱜ ᱥᱮᱱᱚᱜ ᱵᱮᱵᱚᱥᱛᱟ ᱫᱚ ᱟᱹᱰᱤ ᱥᱩᱵᱤᱜᱷᱟ ᱜᱮᱭᱟ ᱾ ᱦᱚᱱᱚᱛ ᱵᱷᱤᱛᱨᱤ ᱨᱮ ᱵᱟᱨᱭᱟ ᱡᱟᱹᱛᱤᱭᱟᱹᱨᱤ ᱨᱟᱡᱽ ᱦᱚᱨ ᱥᱟᱶᱛᱮ ᱢᱤᱫ ᱢᱩᱠᱷᱤᱭᱟᱹ ᱨᱮᱞ ᱞᱟᱹᱭᱤᱱ ᱦᱚᱸ ᱥᱮᱱ ᱟᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱳᱰᱤᱥᱟ ᱨᱮᱭᱟᱜ ᱞᱮᱠᱟᱱ ᱞᱮᱠᱱ ᱴᱚᱴᱷᱟ ᱦᱟᱹᱡᱩᱜ ᱥᱮᱱᱚᱜ ᱞᱟᱹᱜᱤᱫ ᱪᱮᱫ ᱦᱚᱸ ᱮᱴᱠᱮᱴᱚᱬᱮ ᱵᱟᱹᱱᱩᱜ-ᱟ ᱾ ᱱᱚᱣᱟ ᱵᱟᱡᱟᱨ ᱫᱚ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱙᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾
ᱦᱚᱲ ᱞᱮᱠᱷᱟ ᱥᱟᱯᱲᱟᱣ
ᱱᱚᱣᱟ ᱵᱟᱡᱟᱨ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱑,᱑᱙᱒,᱙᱔᱘ ᱾ ᱠᱚᱲᱟ ᱦᱚᱯᱚᱱ ᱠᱚᱣᱟᱜ ᱮᱞᱮᱞ ᱫᱚ ᱖᱑᱒,᱕᱙᱗ ᱟᱨ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱡᱚᱛᱚ ᱛᱮ ᱮᱞᱮᱞ ᱫᱚ ᱕᱘᱐,᱓᱕᱑ ᱢᱮᱱᱟᱜ ᱠᱚᱣᱟ ᱾ ᱒᱐᱐᱑ ᱥᱟᱞᱮ ᱨᱮᱭᱟᱜ ᱦᱚᱲ ᱦᱤᱥᱟᱹᱵᱽ ᱠᱷᱚᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱨᱮᱭᱟᱜ ᱑᱑.᱘᱒% ᱵᱟᱰᱷᱟᱣ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱑᱙᱙᱑ ᱥᱟᱞᱮ ᱨᱮᱭᱟᱜ ᱦᱚᱲ ᱦᱤᱥᱟᱹᱵᱽ ᱠᱷᱚᱱ ᱒᱐᱐᱑ ᱦᱚᱲ ᱦᱤᱥᱟᱹᱵᱽ ᱫᱷᱟᱹᱵᱤᱡ ᱛᱮ ᱱᱚᱣᱟ ᱨᱮᱭᱟᱜ ᱵᱟᱰᱷᱟᱣ ᱫᱚ ᱑᱒.᱕᱖ ᱛᱟᱦᱮᱸ ᱠᱟᱱᱟ ᱾ [᱑]
ᱧᱮᱢᱮᱞ ᱴᱚᱴᱷᱟ ᱥᱟᱯᱲᱟᱣ
ᱰᱷᱮᱝᱠᱟᱱᱟᱲ ᱵᱟᱡᱟᱨ ᱨᱮ ᱢᱮᱱᱟᱜ ᱧᱮᱢᱮᱞ ᱴᱚᱴᱷᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ
- ᱜᱚᱡᱚᱞᱚᱠᱷᱢᱤ ᱨᱟᱡᱽᱵᱟᱨᱤ
ᱜᱚᱡᱚ ᱞᱚᱠᱷᱢᱤ ᱯᱩᱡᱟᱹ ᱫᱚ ᱦᱩᱭᱩᱜ ᱠᱟᱱᱟ ᱰᱷᱮᱝᱠᱟᱱᱟᱲ ᱨᱮᱭᱟᱜ ᱢᱤᱫ ᱢᱟᱨᱟᱝ ᱯᱟᱨᱟᱵᱽ ᱠᱟᱱᱟ ᱾ ᱢᱚᱣᱟ ᱑᱕ ᱢᱟᱦᱟᱸ ᱫᱷᱟᱹᱵᱤᱡ ᱢᱟᱱᱟᱣ ᱛᱚᱸᱜᱮ ᱠᱚᱜ-ᱟ ᱾ ᱱᱚᱰᱮ ᱫᱚ ᱳᱰᱤᱥᱟ ᱨᱮᱭᱟᱜ ᱠᱳᱬ ᱠᱳᱪᱟ ᱠᱷᱚᱱ ᱦᱚᱲ ᱥᱮᱴᱮᱨ ᱠᱚ ᱛᱟᱦᱮᱸᱱᱟ ᱱᱚᱣᱟ ᱧᱮᱞ ᱞᱟᱹᱜᱤᱫ ᱾ ᱱᱚᱣᱟ ᱚᱠᱛᱚ ᱨᱮᱜᱮ ᱰᱷᱮᱝᱠᱟᱱᱟᱲ ᱨᱮᱭᱟᱜ ᱢᱟᱨᱟᱝ ᱯᱟᱨᱟᱵᱽ ᱢᱟᱱᱟᱣ ᱦᱩᱭᱩᱜ-ᱟ ᱚᱱᱟᱛᱮ ᱵᱟᱡᱟᱨ ᱨᱮᱫᱚ ᱯᱟᱨᱟᱵᱽ ᱨᱮᱭᱟᱜ ᱦᱚᱭ ᱦᱤᱥᱤᱫ ᱜᱮ ᱦᱮᱞᱠᱟᱣ ᱵᱟᱲᱟᱭᱟ ᱾ ᱤᱱᱟᱹ ᱚᱠᱛᱚ ᱨᱮ ᱵᱟᱡᱟᱨ ᱫᱚ ᱱᱟᱣᱟ ᱵᱟᱹᱦᱩ ᱞᱮᱠᱟ ᱥᱟᱡᱟᱣ ᱠᱚᱜ ᱧᱮᱞᱚᱜ-ᱟ ᱾
- ᱠᱚᱯᱤᱲᱟᱥ, ᱰᱷᱮᱝᱠᱟᱱᱟᱲ ᱵᱟᱡᱟᱨ ᱠᱷᱚᱱ ᱫᱚ ᱥᱩᱢᱩᱝ ᱒᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱡᱟᱦᱟᱸ ᱫᱚ ᱵᱚᱸᱜᱟ ᱪᱚᱸᱫᱽᱨᱚ ᱥᱮᱠᱷᱚᱨ ᱞᱟᱹᱜᱤᱫ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ-ᱟ ᱾ ᱢᱤᱫ ᱟᱹᱰᱤ ᱞᱟᱯᱷᱟᱝ ᱵᱩᱨᱩ ᱨᱮ ᱱᱚᱣᱟ ᱵᱚᱸᱜᱟ ᱢᱩᱫᱽᱨᱤ ᱫᱚ ᱛᱤᱱᱟᱹᱝ ᱱᱟᱝ ᱢᱟᱬᱟᱝ ᱠᱷᱚᱱ ᱪᱚ ᱛᱟᱦᱮᱸ ᱟᱹᱜᱩ ᱟᱠᱟᱱᱟ ᱾ ᱥᱤᱵᱽ ᱵᱚᱸᱜᱟ ᱵᱚᱸᱜᱟ ᱟᱭ ᱞᱟᱹᱜᱤᱜ ᱫᱤᱱ ᱦᱤᱞᱚᱜ ᱜᱮᱥᱟᱭ ᱜᱮᱥᱟᱭ ᱦᱚᱲᱟᱜ ᱵᱷᱤᱲ ᱚᱸᱰᱮ ᱛᱚᱸᱜᱮ ᱛᱟᱦᱮᱸ ᱠᱚᱜ-ᱟ ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱚᱱᱟ ᱴᱚᱴᱷᱟ ᱫᱚ ᱳᱰᱤᱥᱟ ᱨᱮᱭᱟᱜ ᱠᱚᱭᱤᱞᱟᱲ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾
- ᱥᱚᱯᱛᱚᱥᱚᱡᱽᱭᱟ, ᱫᱚ ᱰᱷᱮᱝᱠᱟᱱᱟᱲ ᱨᱮᱭᱟᱜ ᱢᱤᱫ ᱟᱹᱛᱩ ᱠᱟᱱᱟ ᱡᱟᱦᱟᱸ ᱰᱷᱮᱝᱠᱟᱱᱟᱲ ᱵᱟᱡᱟᱨ ᱠᱷᱚᱱ ᱫᱚ ᱑᱑ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱥᱚᱨᱮᱥ ᱥᱚᱲᱚᱠ ᱦᱚᱨ ᱦᱚᱛᱮᱛᱮ ᱡᱩᱲᱟᱹᱭ ᱫᱚᱦᱚ ᱟᱠᱟᱱᱟ ᱛᱤᱱᱟᱹᱝ ᱜᱟᱱ ᱯᱚᱸᱰᱤᱛ ᱠᱚᱣᱟᱜ ᱞᱟᱹᱭ ᱞᱮᱛᱟ ᱛᱮᱫᱚ ᱱᱚᱰᱮ ᱫᱚ ᱮᱭᱟᱭ (ᱥᱚᱯᱛᱚ)ᱨᱩᱥᱤ ᱟᱜ ᱟᱥᱨᱚᱢ ᱛᱟᱦᱮᱸ ᱠᱟᱱᱟ ᱾ ᱢᱟᱨᱮ ᱠᱟᱛᱷᱟ ᱞᱮᱠᱟᱛᱮ ᱨᱟᱢ ᱪᱚᱸᱫᱽᱨᱚ ᱵᱤᱨ ᱵᱟᱥᱟ ᱚᱠᱛᱚ ᱨᱮ ᱱᱚᱣᱟ ᱥᱚᱨᱮᱥ ᱴᱚᱴᱷᱟ ᱨᱮᱭ ᱵᱟᱥᱟ ᱞᱮᱱ ᱛᱟᱦᱮᱸᱫ ᱾ ᱚᱱᱟᱛᱮ ᱱᱚᱣᱟ ᱴᱚᱴᱷᱟ ᱫᱚ ᱢᱤᱫ ᱥᱚᱨᱮᱥ ᱧᱮᱢᱮᱞ ᱴᱚᱴᱷᱟ ᱞᱮᱠᱟᱛᱮ ᱵᱷᱟᱹᱜᱤ ᱩᱯᱨᱩᱢ ᱮ ᱟᱢᱮᱴ ᱟᱠᱟᱫ-ᱟ ᱾ ᱱᱤᱡᱚᱨᱟᱜ ᱵᱷᱤᱲ ᱡᱤᱭᱚᱱ ᱠᱷᱚᱱ ᱢᱤᱫ ᱰᱚᱸᱰᱮᱠ ᱥᱟᱺᱜᱤᱧ ᱨᱮ ᱛᱟᱦᱮᱸᱱ ᱞᱟᱹᱜᱤᱫ ᱟᱨᱵᱟᱝ ᱚᱠᱛᱚ ᱠᱷᱮᱢᱟᱣ ᱞᱟᱹᱜᱤᱫ ᱱᱚᱣᱟ ᱫᱚ ᱟᱹᱰᱤ ᱥᱚᱨᱮᱥ ᱴᱚᱴᱷᱟ ᱠᱟᱱ ᱜᱮᱭᱟ ᱾
ᱯᱟᱹᱨᱥᱤ ᱥᱟᱯᱲᱟᱣ
ᱳᱰᱤᱭᱟ. ᱯᱟᱹᱨᱥᱤ ᱜᱮ ᱰᱷᱮᱝᱠᱟᱱᱟᱲ ᱵᱟᱡᱟᱨ ᱨᱮᱭᱟᱜ ᱫᱚ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Dhenkanal ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |