ᱱᱟᱜᱟᱨ ᱫᱚ ᱢᱤᱫ ᱴᱷᱟᱶ ᱠᱟᱱᱟ, ᱡᱟᱦᱟᱸᱨᱮ ᱟᱭᱢᱟ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾

ᱥᱤᱭᱟᱱᱟ ᱨᱮᱱᱟᱜ ᱢᱮᱰᱤᱭᱟᱵᱷᱮᱞ ᱱᱟᱜᱟᱨ

ᱢᱤᱫ ᱱᱟᱜᱟᱨ ᱨᱮ ᱫᱚ ᱟᱭᱢᱟ ᱵᱤᱞᱰᱤᱝ ᱟᱨ ᱦᱚᱨ ᱠᱚ ᱛᱟᱦᱮᱸᱱᱟ ᱾ ᱱᱚᱸᱰᱮ ᱟᱭᱢᱟ ᱦᱚᱲ ᱠᱚ ᱞᱟᱹᱜᱤᱫ ᱚᱲᱟᱜ ᱟᱨᱵᱟᱝ ᱟᱯᱟᱨᱴᱢᱮᱸᱴ ᱛᱟᱦᱮᱸᱱᱟ ᱵᱟᱥᱟᱜ ᱞᱟᱹᱜᱤᱫ, ᱫᱚᱠᱟᱱ ᱠᱚ ᱛᱟᱦᱮᱸᱱᱟ ᱡᱟᱦᱟᱸᱨᱮ ᱩᱱᱠᱩ ᱠᱚ ᱠᱤᱨᱤᱧ ᱫᱟᱲᱮᱭᱟᱜᱼᱟ ᱥᱟᱢᱟᱱ ᱠᱚ, ᱠᱟᱹᱢᱤ ᱞᱟᱹᱜᱤᱫ ᱴᱷᱟᱶ ᱛᱟᱦᱮᱸᱱᱟ ᱟᱨ ᱱᱟᱜᱟᱨ ᱪᱟᱪᱞᱟᱣ ᱞᱟᱹᱜᱤᱫ ᱥᱚᱨᱠᱟᱨᱤ ᱵᱮᱵᱚᱥᱛᱟ ᱛᱟᱦᱮᱸᱱᱟ ᱥᱟᱶᱛᱮ ᱚᱸᱰᱮ ᱨᱟᱭ ᱨᱤᱛ ᱠᱚ ᱫᱚᱦᱚᱭ ᱞᱟᱹᱜᱤᱫ ᱾ ᱦᱚᱲ ᱠᱚ ᱱᱟᱜᱟᱨ ᱨᱮ ᱛᱟᱦᱮᱸᱱ ᱨᱮᱱᱟᱜ ᱚᱡᱮ ᱫᱚ ᱱᱚᱶᱟ ᱪᱤ ᱱᱚᱸᱰᱮ ᱟᱞᱜᱟ ᱟᱠᱚ ᱡᱟᱦᱟᱸᱱᱟᱜ ᱪᱮᱠᱟ ᱥᱟᱱᱟ ᱠᱚᱣᱟ ᱾ ᱱᱟᱜᱟᱨ ᱛᱟᱞᱟᱨᱮ ᱢᱤᱛ ᱱᱟᱜᱟᱨᱶ ᱛᱟᱞᱢᱟ ᱛᱟᱦᱮᱸᱱᱟ ᱡᱟᱦᱸ ᱨᱮ ᱥᱚᱨᱠᱟᱨ ᱟᱨ ᱵᱮᱯᱟᱨ ᱦᱩᱭᱩᱜᱼᱟ ᱾

ᱠᱟᱛᱷᱟ ᱥᱟᱯᱲᱟᱣ

 
ᱟᱞᱵᱟᱱᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ, ᱴᱤᱨᱟᱱᱱᱟ

ᱚᱱᱠᱟᱱ ᱛᱦᱟᱹᱣᱠᱟᱹ ᱨᱟᱭ ᱫᱚ ᱵᱟᱹᱱᱩᱜ ᱟᱱᱟ ᱪᱤ ᱛᱢᱤᱱ ᱜᱟᱱ ᱴᱷᱟᱶ ᱫᱚ ᱱᱟᱜᱟᱨ ᱢᱮᱱᱚᱜᱼᱟ ᱟᱨ ᱛᱤᱢᱤᱱ ᱜᱟᱱ ᱫᱚ ᱥᱟᱦᱟᱨ ᱢᱮᱱᱛᱮ ᱾

ᱛᱤᱢᱤᱱ ᱜᱟᱱ ᱡᱤᱱᱤᱥ ᱡᱟᱦᱟᱸ ᱫᱚ ᱱᱟᱜᱟᱨᱮ ᱵᱮᱱᱟᱶᱟ ᱺ

  • ᱢᱤᱫ ᱡᱤᱞᱤᱧ ᱱᱟᱜᱟᱢ ᱾ ᱟᱭᱢᱟ ᱱᱟᱜᱟᱨ ᱱᱮᱛᱟᱨ ᱫᱷᱟᱨᱟ ᱵᱮᱱᱟᱣ ᱟᱠᱟᱱ ᱨᱮᱦᱚᱸ, ᱛᱤᱢᱤᱱ ᱜᱟᱱ ᱫᱚ ᱦᱟᱡᱟᱨ ᱥᱮᱨᱢᱟ ᱢᱟᱬᱟᱝ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱡᱮᱢᱚᱱ ᱮᱛᱦᱮᱱᱥ, ᱜᱨᱤᱥ ᱫᱚ ᱡᱤᱥᱩᱢᱟᱹᱥᱤ ᱑᱐᱐᱐ ᱥᱮᱨᱢᱟ ᱢᱟᱬᱟᱝ ᱨᱮ ᱵᱮᱱᱟᱣ ᱟᱠᱟᱱᱟ ᱟᱨ ᱨᱳᱢ, ᱤᱴᱟᱞᱤ ᱫᱚ ᱡᱤᱥᱩᱢᱟᱹᱥᱤ ᱗᱐᱐ ᱥᱮᱨᱢᱟ ᱢᱟᱬᱟᱝ ᱠᱷᱚᱱ ᱢᱮᱱᱟᱜ ᱟᱠᱟᱫᱼᱟ ᱾
  • ᱟᱹᱰᱤ ᱥᱟᱝᱜᱮ ᱦᱚᱲ ᱾ ᱱᱟᱜᱟᱨᱶ ᱠᱚᱨᱮ ᱫᱚ ᱥᱟᱝᱜᱮᱥᱟᱭ ᱥᱟᱝᱜᱮᱥᱟᱭ ᱦᱚᱲ ᱠᱚ ᱛᱟᱦᱮᱸᱱᱟ ᱾ ᱚᱱᱟ ᱠᱚ ᱢᱩᱸᱫᱽ ᱠᱷᱚᱱ ᱴᱚᱠᱭᱚ, ᱡᱟᱯᱟᱱ ᱮᱢᱟᱱ ᱠᱚᱨᱮ ᱟᱹᱰᱤ ᱟᱹᱰᱤ ᱦᱚᱲ ᱠᱚ ᱛᱟᱦᱮᱸᱸ ᱠᱟᱱᱟ ᱾
  • ᱢᱤᱫ ᱛᱟᱞᱢᱟ ᱡᱟᱦᱟᱸᱨᱮ ᱵᱮᱯᱟᱨ ᱟᱨ ᱥᱚᱨᱠᱟᱨᱤ ᱵᱮᱵᱚᱥᱛᱟ ᱪᱟᱪᱞᱟᱣᱜ ᱠᱟᱱᱟ ᱾ ᱱᱚᱶᱟ ᱫᱚ ᱢᱤᱫ ᱠᱟᱣᱰᱤᱭᱟᱹᱨᱤ ᱨᱮᱱᱟᱜ ᱵᱚᱦᱚᱜ ᱞᱮᱠᱟᱛᱮ ᱛᱟᱦᱮᱸᱱᱟ ᱡᱮᱢᱚᱱ ᱡᱚᱨᱟᱱᱤ ᱨᱮ ᱯᱷᱨᱟᱸᱠᱯᱷᱚᱨᱴ (Frankfurt) ᱫᱚᱥᱟᱨ ᱠᱟᱛᱷᱟ ᱫᱚ ᱥᱚᱨᱠᱟᱨᱤ ᱨᱮᱱᱟᱜ ᱛᱷᱚᱠ ᱞᱮᱠᱟᱛᱮ ᱢᱮᱱᱚᱜᱼᱟ ᱪᱤ ᱱᱶᱟ ᱫᱚ ᱴᱚᱴᱷᱟ ᱥᱮ ᱢᱤᱫ ᱢᱟᱨᱟᱝ ᱮᱞᱟᱠ ᱨᱮᱱᱟᱜ ᱠᱟᱱᱟ ᱾ ᱡᱚᱛᱚ ᱫᱤᱥᱚᱢ ᱨᱮᱜᱮ ᱱᱤᱡᱚᱨᱟᱜ ᱨᱟᱡᱽᱜᱟᱲ ᱫᱚ ᱛᱟᱦᱮᱸᱱᱟ ᱾ ᱢᱤᱫ ᱱᱟᱜᱟᱨ ᱡᱟᱦᱟᱸ ᱨᱮ ᱥᱚᱨᱠᱟᱨ ᱮ ᱫᱩᱲᱩᱵᱼᱟ, ᱚᱱᱟ ᱫᱚ ᱨᱟᱡᱽᱜᱟᱲ ᱵᱚᱱ ᱢᱮᱛᱟᱜ ᱠᱟᱱᱟ ᱾

ᱱᱟᱜᱟᱨ ᱨᱮᱱᱟᱜ ᱚᱥᱟᱨᱵᱤᱥᱟᱹᱨ ᱥᱟᱯᱲᱟᱣ

 
ᱛᱷᱮᱢᱥ ᱜᱟᱰᱟ ᱡᱟᱯᱟᱜ ᱨᱮ ᱞᱚᱱᱰᱚᱱ ᱨᱮᱱᱟᱜ ᱦᱮᱥᱮᱱ ᱵᱮᱵᱚᱥᱛᱟ

ᱱᱟᱜᱟᱨ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱟᱹᱰᱤᱜᱮ ᱵᱷᱮᱯᱮᱫ ᱦᱩᱭ ᱫᱟᱲᱮᱭᱟᱼᱟ ᱾ ᱱᱚᱶᱟ ᱫᱚ ᱱᱟᱜᱟᱨ ᱨᱮᱱᱟᱜ ᱞᱮᱠᱟᱱ ᱪᱮᱛᱟᱱ ᱨᱮ ᱵᱷᱟᱹᱨᱭᱟᱹ ᱟ ᱾ ᱱᱟᱜᱟᱨ ᱠᱚ ᱡᱟᱦᱟᱸ ᱫᱚ ᱥᱟᱭ ᱥᱮᱨᱢᱟ ᱢᱟᱬᱟᱝ ᱠᱷᱚᱱ ᱨᱮ ᱵᱮᱱᱟᱣᱞᱮᱱᱟ ᱡᱟᱦᱸ ᱠᱚᱫᱚ ᱱᱤᱛ ᱦᱚᱸ ᱵᱟᱭ ᱵᱚᱫᱚᱞ ᱟᱠᱟᱱᱟ, ᱚᱱᱟ ᱠᱚᱫᱚ ᱟᱹᱰᱤ ᱜᱮ ᱦᱩᱰᱤᱧᱚᱜᱼᱟ ᱱᱮᱵᱮᱛᱟᱨᱟᱜ ᱱᱟᱜᱟᱨ ᱠᱷᱚᱱ ᱾ ᱱᱚᱸᱰᱮ ᱵᱟᱨᱭᱟ ᱢᱩᱬ ᱚᱡᱮ ᱧᱮᱞ ᱧᱟᱢᱚᱜᱼᱟ ᱾ ᱢᱤᱫ ᱚᱡᱮ ᱫᱚ ᱦᱩᱭᱩᱜ ᱠᱟᱱᱟ ᱢᱟᱨᱮ ᱱᱟᱜᱟᱨ ᱠᱚᱫᱚ ᱠᱟᱸᱛ ᱮᱥᱮᱫ ᱟᱠᱟᱱᱟ ᱟᱨ ᱚᱱᱟ ᱛᱟᱞᱟᱨᱮ ᱱᱟᱜᱟᱨ ᱢᱮᱱᱟᱜᱼᱟ, ᱡᱟᱦᱟᱸ ᱤᱫᱤ ᱠᱟᱛᱮ ᱱᱚᱶᱟ ᱚᱠᱛᱚ ᱡᱟᱹᱱᱤ ᱵᱟᱭ ᱢᱟᱨᱟᱝ ᱫᱟᱲᱮᱭᱟᱠᱟᱫᱼᱟ ᱾ ᱟᱨᱢᱤᱫ ᱢᱩᱬ ᱚᱡᱮ ᱫᱚ ᱦᱩᱭᱩᱜ ᱠᱟᱱᱟ ᱢᱟᱨᱮ ᱱᱟᱜᱟᱨ ᱠᱚ ᱨᱮᱱᱟᱜ ᱦᱚᱨ ᱠᱚ ᱫᱚ ᱟᱹᱰᱤ ᱥᱟᱠᱲᱟ ᱜᱮᱭᱟ ᱾ ᱡᱩᱫᱤ ᱱᱟᱜᱟᱨ ᱢᱟᱨᱟᱝᱚᱜ ᱠᱟᱱ ᱱᱚᱸᱰᱮ ᱜᱟᱹᱰᱤ ᱢᱚᱴᱚᱨ ᱦᱤᱡᱩᱜ ᱥᱮᱱᱚᱜ ᱟᱨ ᱡᱟᱦᱟᱸᱱ ᱥᱟᱢᱟᱱ ᱮᱢᱟᱱ ᱠᱚ ᱤᱫᱤ ᱟᱹᱜᱩ ᱨᱮ ᱟᱱᱟᱴ ᱥᱤᱨᱤᱡᱚᱜᱼᱟ ᱾ ᱱᱟᱜᱟᱨ ᱨᱤ ᱦᱚᱲ ᱠᱚ ᱡᱚᱢᱟᱜ ᱠᱚ ᱞᱟᱹᱠᱛᱤᱜᱼᱟ, ᱡᱟᱦᱟᱸ ᱫᱚ ᱱᱟᱜᱟᱨ ᱵᱟᱨᱦᱮ ᱠᱷᱚᱱ ᱦᱤᱡᱩᱜᱼᱟ ᱾ ᱵᱩᱨᱩ ᱥᱩᱨ ᱨᱮ ᱢᱮᱱᱟᱜ ᱱᱟᱜᱟᱨ ᱠᱷᱚᱱ ᱱᱟᱹᱭ ᱰᱷᱤᱯ ᱨᱮ ᱢᱮᱱᱟᱜ ᱱᱟᱜᱟᱨ ᱠᱚᱫᱚ ᱟᱹᱰᱤ ᱞᱟᱜᱮ ᱢᱟᱨᱟᱝᱚᱜᱼᱟ ᱪᱮᱫᱟᱜ ᱥᱮ ᱱᱟᱹᱭ ᱛᱮ ᱦᱮᱥᱮᱱ (transport) ᱨᱮᱱᱟᱜ ᱦᱚᱨ ᱵᱮᱱᱟᱣᱜᱼᱟ, ᱡᱟᱦᱟᱸ ᱦᱚᱨ ᱛᱮ ᱡᱚᱢᱟᱜ ᱟᱨ ᱥᱟᱢᱟᱱ ᱥᱟᱶᱛᱮ ᱦᱚᱲ ᱠᱚ ᱦᱚᱸ ᱦᱤᱡᱩᱜ ᱥᱮᱱᱚᱜ ᱜᱟᱱᱚᱼᱟ ᱾

ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨᱠᱚ ᱥᱟᱯᱲᱟᱣ

ᱪᱤᱛᱟᱹᱨ ᱜᱮᱞᱮᱨᱤ ᱥᱟᱯᱲᱟᱣ

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ