ᱵᱟᱨᱫᱩᱬᱩᱡ

ᱵᱟᱨᱫᱩᱬᱩᱡ (ᱤᱝᱨᱟᱹᱡᱤ: Bat) ᱫᱚ ᱫᱷᱟᱹᱨᱛᱤ ᱨᱮᱱ ᱢᱤᱫ ᱮᱥᱠᱟᱨ ᱱᱚᱝᱠᱟᱱ ᱡᱤᱭᱟᱹᱞᱤ ᱠᱟᱱᱟ ᱠᱚ ᱚᱠᱚᱭ ᱫᱚ ᱩᱰᱟᱹᱣᱚᱜ ᱠᱚ ᱫᱟᱲᱮᱭᱟᱜ ᱟᱨ ᱛᱚᱣᱟ ᱧᱩᱧᱩ ᱡᱤᱭᱟᱹᱞᱤ ᱠᱟᱱᱟ ᱠᱚ| ᱱᱩᱠᱩ ᱫᱚ ᱪᱮᱬᱮ ᱞᱮᱠᱟ ᱠᱚ ᱩᱰᱟᱹᱣ ᱫᱟᱲᱮᱭᱟᱜ-ᱟ| ᱵᱟᱨᱫᱩᱬᱩᱡ ᱟᱜ ᱥᱟᱶ ᱜᱟᱛᱟᱠ ᱦᱤᱸᱥ (Homologous organ) ᱯᱷᱟᱺᱠᱲᱟᱜ ᱨᱮ ᱵᱚᱫᱚᱞ ᱟᱠᱟᱱᱟ|ᱱᱩᱠᱩ ᱣᱟᱜ ᱯᱷᱟᱺᱲᱟᱹᱜ ᱫᱚ ᱯᱟᱛᱞᱟ ᱦᱟᱨᱛᱟ ᱛᱮ ᱫᱟᱯᱟᱞ ᱟᱨ ᱩᱵ ᱛᱮ ᱫᱟᱯᱟᱞ ᱟᱠᱟᱱ ᱛᱟᱠᱚᱟᱣᱟ| ᱟᱫᱚᱢ ᱵᱟᱨᱫᱩᱬᱩᱡ ᱨᱮᱱ ᱜᱟᱛᱟᱠ ᱠᱚ ᱫᱚ, ᱟᱥᱚᱠᱟᱭ ᱛᱮ ᱪᱟᱱᱰᱵᱚᱞ ᱛᱟᱦᱮᱱ ᱵᱟᱨᱫᱩᱬᱩᱡ ᱠᱚ ᱫᱚ ᱪᱟᱱᱰᱵᱚᱞ ᱦᱚᱸ ᱩᱵ ᱛᱮ ᱫᱟᱯᱟᱞ ᱠᱚᱜ ᱛᱟᱠᱚᱣᱟ| ᱜᱚᱴᱟ ᱫᱷᱟᱹᱨᱛᱤ ᱨᱮ ᱟᱢᱫᱟᱡᱽ ᱑᱒᱘᱐ ᱜᱚᱴᱟᱜ ᱡᱟᱹᱛᱤ ᱨᱮᱱ ᱵᱟᱨᱫᱩᱬᱩᱡ ᱢᱮᱱᱟᱜ ᱟᱠᱟᱫ ᱠᱚᱣᱟ| ᱵᱟᱨᱫᱩᱬᱩᱡ ᱠᱚᱣᱟᱜ ᱞᱮᱠᱷᱟ ᱫᱚ ᱛᱚᱣᱟ ᱧᱩᱧᱩ ᱡᱟᱱᱣᱟᱨ ᱠᱚᱣᱟᱜ ᱞᱮᱠᱷᱟ ᱨᱮ ᱥᱟᱭ ᱠᱟᱲᱟ ᱒᱐ ᱦᱤᱸᱥ ᱢᱮᱱᱟᱜ ᱟᱠᱟᱫᱟ|

ᱵᱟ.ᱨᱫᱩᱬᱤᱡ ᱢᱮᱥᱨᱮᱡ ᱚᱠᱛᱚ: Eocene–Present PreЄ Є O S D C P T J K Pg N
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ
Kingdom:	Animalia
Phylum:	Chordata
Class:	Mammalia
Clade:	Scrotifera
Order:	Chiroptera Blumenbach, 1779
Suborders
(traditional): Megachiroptera Microchiroptera (recent): Yinpterochiroptera Yangochiroptera
Worldwide distribution of bat species

ᱛᱟᱯᱟᱦᱮᱱ

ᱩᱰᱟᱹᱣᱚᱜ ᱜᱩᱱ ᱢᱮᱱᱟᱜ ᱛᱟᱠᱚ ᱵᱟᱨᱫᱩᱬᱩᱡ ᱫᱚ ᱜᱚᱴᱟ ᱫᱷᱟᱹᱨᱛᱤ ᱨᱮ ᱯᱟᱥᱱᱟᱣ ᱟᱠᱟᱱ ᱢᱤᱫᱴᱮᱱ ᱛᱚᱣᱟᱧᱩᱧᱩ ᱡᱤᱭᱟᱹᱞᱤ ᱢᱮᱱᱛᱮ ᱠᱚ ᱵᱤᱠᱟᱹᱣᱚᱜ ᱠᱟᱱᱟ| ᱫᱷᱟᱹᱨᱛᱤ ᱨᱮᱭᱟᱜ ᱡᱚᱛᱚ ᱴᱚᱴᱷᱟ ᱨᱮ ᱜᱮ ᱱᱩᱠᱩ ᱫᱚ ᱵᱟᱨᱫᱩᱬᱩᱡ ᱫᱚ ᱠᱚ ᱧᱟᱢᱚᱜ ᱜᱮᱭᱟ| ᱵᱮᱜᱟᱨ ᱵᱮᱜᱟᱨ ᱨᱤᱛᱩ ᱨᱮ ᱵᱮᱜᱟᱨ ᱵᱮᱜᱟᱨ ᱜᱟᱛᱟᱠ ᱨᱮᱱ ᱵᱟᱨᱫᱩᱬᱩᱡ ᱠᱚᱣᱟᱜ ᱛᱟᱯᱟᱦᱮᱱ ᱥᱮ ᱛᱩᱠᱟᱹ ᱵᱮᱱᱟᱣ ᱦᱚᱨᱟ ᱦᱚᱸ ᱵᱮᱜᱟᱨ ᱜᱮ ᱛᱟᱠᱚᱣᱟ| ᱠᱟᱡᱟᱠ ᱞᱚᱞᱚ ᱴᱚᱴᱷᱟ ᱨᱮ ᱜᱮ ᱵᱟᱨᱫᱩᱬᱩᱡ ᱟᱜ ᱠᱩᱥᱤ ᱛᱟᱯᱟᱦᱮᱱ ᱡᱟᱭᱜᱟ ᱫᱚ ᱠᱟ ᱨᱮ ᱦᱚᱸ ᱨᱮᱭᱟᱲ ᱟᱨ ᱩᱨᱜᱩᱢ ᱡᱟᱟᱞᱟᱯᱩᱨᱤᱴᱚᱴᱷᱟ, ᱵᱩᱨᱩ ᱴᱚᱴᱷᱟ ᱥᱮ ᱦᱟᱦᱟᱝᱠᱟᱨ ᱴᱚᱴᱷᱟ ᱨᱮ ᱦᱚᱸ ᱱᱩᱠᱩ ᱫᱚ ᱠᱚ ᱧᱟᱢᱚᱜ ᱜᱮᱭᱟ| ᱫᱤᱱ ᱨᱮ ᱱᱩᱠᱩ ᱫᱚ ᱰᱚᱱᱰᱦᱚᱨ, ᱟᱭᱢᱟ ᱞᱮᱠᱟᱱ ᱠᱷᱚᱞᱟᱣ ᱟᱨᱵᱟᱝ ᱱᱤᱡᱷᱩᱢ ᱴᱷᱟᱺᱭ ᱨᱮ ᱛᱟᱦᱮᱱ ᱢᱟᱨᱟᱝ ᱢᱟᱨᱟᱝ ᱫᱟᱨᱮ ᱠᱚ ᱨᱮ ᱠᱚ ᱟᱠᱟ ᱠᱚᱜ-ᱟ| ᱧᱩᱦᱩᱢ ᱧᱩᱛᱚᱜ ᱥᱟᱶ ᱥᱟᱶ ᱛᱮ ᱱᱩᱠᱩ ᱫᱚ ᱠᱚ ᱠᱟᱹᱡᱽᱣᱟᱜ-ᱟ|

ᱵᱮᱜᱟᱨ

ᱵᱟᱨᱫᱩᱬᱩᱡ ᱠᱚ ᱫᱚ Chiroptera ᱜᱟᱛᱟᱠ ᱨᱮ ᱠᱚ ᱥᱮᱞᱮᱫ ᱟᱠᱟᱫ ᱠᱚᱣᱟ| ᱫᱷᱟᱹᱨᱛᱤ ᱨᱮ ᱠᱚ ᱧᱟᱢᱚᱜ ᱑᱒᱔᱐ ᱞᱮᱠᱟᱱ ᱵᱟᱨᱫᱩᱬᱩᱡ ᱠᱚ ᱟᱥᱚᱠᱟᱭ ᱛᱮ ᱵᱟᱨ ᱦᱤᱸᱥ ᱨᱮ ᱠᱚ ᱦᱟᱹᱴᱤᱧ ᱟᱠᱟᱫ ᱠᱚᱣᱟ| ᱦᱚᱲᱢᱚ ᱧᱮᱞᱚᱜ ᱛᱮ ᱢᱟᱨᱟᱝ ᱟᱨ ᱡᱚ ᱡᱤᱱᱤᱥ ᱡᱚᱡᱚᱢ ᱵᱟᱨᱫᱩᱬᱩᱡ Megachiroptera (megabats) ᱟᱨ ᱦᱩᱲᱢᱚ ᱦᱩᱰᱤᱧ ᱧᱮᱞᱚᱜ ᱛᱟᱦᱟᱸ ᱡᱤᱞ ᱡᱚᱡᱚᱢ ᱵᱟᱨᱫᱩᱬᱩᱡ Microchiroptera (microbats/echolocating bats) ᱨᱮ ᱠᱚ ᱦᱟᱹᱴᱤᱧ ᱟᱠᱟᱫ ᱠᱚᱣᱟ| ᱡᱚᱛᱚ ᱠᱷᱚᱱ ᱠᱟᱹᱴᱤᱡ ᱵᱟᱨᱫᱩᱬᱩᱡ ᱫᱚ ᱠᱚ ᱦᱚᱭᱮᱱᱟ- Kitti's hog-nosed bat, ᱡᱮᱞᱮᱧ-᱒᱙-᱓᱔ ᱢᱤᱢᱤ ᱯᱷᱟᱺᱠᱲᱟᱹᱜ ᱥᱟᱶᱛᱮ ᱑᱕ ᱢᱤᱢᱤ, ᱦᱟᱢᱟᱞ_᱒-᱒ᱹ᱖ ᱜᱽᱨᱟᱢ| ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱟᱨᱫᱩᱬᱩᱡ ᱫᱚ ᱠᱚ ᱦᱚᱭᱚᱜ ᱠᱟᱱᱟ- Giant golden-crowned flying fox, ᱡᱮᱞᱮᱧ-᱓᱓᱖, ᱯᱷᱟᱺᱠᱲᱟᱹᱜ ᱥᱟᱶᱛᱮ ᱑ᱹ᱖ ᱢᱤᱴᱟᱨ, ᱟᱨ ᱦᱟᱢᱟ- ᱟᱢᱫᱟᱡᱽ ᱑ᱹ᱑-᱑ᱹ᱒ ᱠᱮᱹ ᱡᱤᱹ|