ᱵᱤᱡᱟᱯᱩᱨ
ᱵᱤᱡᱟᱯᱩᱨ ᱫᱚ ᱥᱚᱨᱠᱟᱨᱤ ᱞᱮᱠᱟᱛᱮ ᱵᱷᱤᱡᱚᱭᱯᱩᱨᱟ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ,[᱒] ᱥᱤᱧᱚᱛ ᱨᱮᱱᱟᱜ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱵᱤᱡᱟᱯᱩᱨ ᱦᱚᱱᱚᱛ ᱨᱮᱱᱟᱜ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱶᱟ ᱵᱤᱡᱟᱯᱩᱨ ᱛᱟᱞᱩᱠᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱦᱚᱸ ᱠᱟᱱᱟ ᱾ ᱵᱤᱡᱟᱯᱩᱨ ᱥᱚᱦᱚᱨ ᱫᱚ ᱟᱫᱤᱞ ᱥᱟᱦᱤ ᱵᱚᱝᱥᱚ ᱟᱜ ᱥᱟᱥᱚᱱ ᱚᱠᱛᱚ ᱵᱮᱱᱟᱣᱟᱜ ᱟᱨᱠᱤᱴᱮᱪᱟᱨ ᱞᱟᱹᱠᱛᱤ ᱭᱟᱜ ᱟᱡᱟᱜ ᱱᱟᱜᱟᱢᱤᱭᱟᱹ ᱤᱥᱢᱟᱨᱟᱠ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾ ᱱᱚᱣᱟ ᱧᱩᱛᱩᱢᱟᱱᱟᱜ ᱠᱚᱨᱱᱟᱴᱚᱠ ᱯᱨᱤᱢᱤᱭᱟᱨ ᱞᱤᱜᱽ ᱫᱚᱞ ᱦᱚᱛᱮᱛᱮ ᱵᱤᱡᱟᱯᱩᱨ ᱵᱤᱞᱟ ᱞᱮᱠᱟᱛᱮ ᱮᱱᱮᱡ ᱞᱟᱹᱜᱤᱫ ᱛᱮᱦᱚᱸ ᱵᱟᱰᱟᱭᱚᱜᱼᱟ ᱾ ᱵᱤᱡᱟᱯᱩᱨ ᱫᱚ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱵᱟᱸᱜᱽᱞᱳᱨ ᱨᱮᱱᱟᱜ ᱠᱚᱧᱮᱼᱯᱟᱪᱮ ᱨᱮ ᱕᱓᱐ ᱠᱤᱞᱚᱢᱤᱴᱚᱨ (᱓᱓᱐ ᱢᱤᱞ) ᱟᱨ ᱢᱩᱢᱵᱟᱭ ᱠᱷᱚᱱ ᱕᱕᱐ ᱠᱤᱞᱚᱢᱤᱴᱚᱨ (᱓᱔᱐ ᱢᱤᱞ) ᱟᱨ ᱦᱟᱭᱫᱽᱨᱟᱵᱟᱫᱽ ᱥᱚᱦᱚᱨ ᱠᱷᱚᱱ ᱓᱘᱔ ᱠᱤᱞᱚᱢᱤᱴᱚᱨ (᱒᱓᱙ ᱢᱤᱞ) ᱯᱟᱪᱮ ᱨᱮ ᱢᱮᱱᱟᱜᱼᱟ ᱾
ᱵᱤᱡᱟᱯᱩᱨ ᱵᱷᱚᱡᱚᱭᱯᱩᱨᱟ | |
---|---|
ᱥᱚᱦᱚᱨ | |
ᱵᱷᱤᱡᱚᱭᱯᱩᱨᱟ | |
ᱮᱴᱟᱜ ᱧᱩᱛᱩᱢ: ᱵᱷᱤᱠᱴᱚᱨᱤ ᱥᱚᱦᱚᱨ | |
Coordinates: 16°50′N 75°43′E / 16.83°N 75.71°ECoordinates: 16°50′N 75°43′E / 16.83°N 75.71°E | |
ᱫᱤᱥᱚᱢ | ᱥᱤᱧᱚᱛ |
ᱯᱚᱱᱚᱛ | ᱠᱚᱨᱱᱟᱴᱚᱠ |
ᱦᱚᱱᱚᱛ | ᱵᱤᱡᱟᱯᱩᱨ ᱦᱚᱱᱚᱛ |
ᱥᱚᱨᱠᱟᱨ | |
• ᱞᱮᱠᱟᱱ | ᱥᱚᱦᱚᱨ ᱱᱚᱜᱚᱨ ᱱᱤᱜᱟᱢ |
• ᱪᱟᱪᱞᱟᱣ | ᱵᱷᱤᱡᱚᱭᱯᱩᱨᱟ ᱢᱟᱦᱟᱱᱟᱜᱽᱨᱟ ᱯᱟᱞᱤᱠᱟ (VMP) |
• ᱢᱟᱭᱚᱨ | BJP |
ᱮᱨᱤᱭᱟ | |
• ᱞᱮᱠᱷᱟᱜᱩᱴ | 102.38 ᱠᱤᱢᱤ২ (39.53 ᱜᱟᱺᱴ ᱢᱟᱭᱤᱞ) |
ᱩᱥᱩᱞ | 592.23 ᱢᱤᱴᱚᱨ (1943.01 ᱯᱷᱩᱴ) |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑)[᱑] |
• ᱞᱮᱠᱷᱟᱜᱩᱴ | ᱓᱒᱖,᱓᱖᱐ |
• ᱫᱷᱟᱹᱲ ᱮᱞ | ᱑᱐ ᱟᱱᱟᱜ (ᱠᱚᱨᱱᱟᱴᱚᱠ) |
• ᱰᱮᱱᱥᱤᱴᱤ | 265/ᱠᱤᱢᱤ2 (690/ᱜᱟᱺᱴ ᱢᱟᱹᱭᱤᱞ) |
Demonym(s) | ᱵᱤᱡᱟᱯᱩᱨᱤᱭᱟᱱᱥ |
ᱯᱟᱹᱨᱥᱤ | |
• ᱟᱹᱢᱟᱹᱞᱮᱛ | ᱠᱚᱱᱱᱚᱲ |
IST (ᱭᱩᱴᱤᱥᱤ+᱐᱕:᱓᱐) | |
ᱯᱤᱱ ᱠᱳᱰ | ᱕᱘᱖᱑᱐᱑-᱕᱘᱖᱑᱐᱙ |
ᱴᱮᱞᱤᱯᱷᱚᱱ ᱠᱳᱰ | ᱐᱘᱓᱕᱒ |
ᱟᱭ.ᱮᱥ.ᱳ ᱓᱑᱖᱖ ᱠᱳᱰ | IN-KA |
ᱜᱟᱹᱰᱤ ᱨᱤᱡᱤᱥᱴᱨᱤ | KA-28 |
ᱣᱮᱵᱽᱥᱟᱭᱤᱴ | www |
ᱱᱚᱣᱟ ᱥᱚᱦᱚᱨ ᱫᱚ ᱑᱐ ᱟᱱᱟᱜᱼ ᱑᱑ ᱟᱱᱟᱜ ᱥᱚᱛᱟᱵᱽᱫᱤ ᱨᱮ ᱠᱚᱞᱭᱟᱬᱤ ᱪᱟᱞᱩᱠᱭᱚ ᱦᱚᱛᱮᱛᱮ ᱛᱷᱟᱯᱚᱱ ᱞᱮᱜᱼᱟ ᱛᱟᱦᱮᱸᱫ ᱟᱨ ᱱᱤᱭᱟᱹ ᱵᱷᱤᱡᱚᱭᱯᱩᱨᱟ (ᱵᱷᱤᱡᱚᱭ ᱟᱜ ᱥᱚᱦᱚᱨ) ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ ᱾ ᱪᱟᱞᱩᱠᱭᱚ ᱜᱚᱡ ᱛᱟᱭᱚᱢ ᱥᱚᱦᱚᱨ ᱫᱚ ᱭᱟᱫᱚᱵᱽ ᱠᱚ ᱮᱢᱟᱫ ᱠᱚᱣᱟ ᱛᱟᱦᱮᱸᱫ ᱾ ᱑᱓᱔᱗ ᱨᱮ, ᱱᱤᱭᱟᱹ ᱴᱚᱴᱷᱟ ᱫᱚ ᱵᱚᱦᱢᱚᱱᱤ ᱥᱩᱞᱛᱟᱱᱟᱛ ᱮ ᱡᱤᱛᱟᱹᱣ ᱞᱮᱜᱼᱟ ᱛᱟᱦᱮᱸᱫ ᱾ ᱵᱚᱦᱢᱚᱱᱤ ᱥᱩᱞᱛᱟᱱᱟᱛ ᱵᱷᱮᱡᱟᱨ ᱛᱟᱭᱚᱢ, ᱵᱤᱡᱟᱯᱩᱨ ᱫᱚ ᱥᱩᱞᱛᱟᱱᱟᱛ ᱮ ᱥᱚᱦᱚᱨ ᱠᱷᱚᱱ ᱥᱟᱥᱚᱱ ᱠᱮᱜᱼᱟ ᱾ ᱥᱩᱞᱛᱟᱱᱟᱛ ᱟᱜ ᱥᱟᱥᱚᱱᱟᱜ ᱛᱟᱨᱟ ᱥᱚᱦᱚᱨ ᱛᱟᱦᱮᱸ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱨᱮ ᱵᱤᱡᱟᱯᱩᱨ ᱠᱤᱞᱟ, ᱢᱟᱨᱟᱝ ᱠᱟᱢᱟᱱ, ᱡᱟᱢᱟ ᱢᱚᱥᱡᱤᱫᱽ ᱟᱨ ᱜᱚᱞ ᱜᱩᱸᱵᱚᱡᱽ ᱥᱮᱞᱮᱫ ᱟᱠᱟᱱᱟ ᱾
ᱦᱚᱲ ᱮᱞ ᱥᱟᱯᱲᱟᱣ
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱵᱤᱡᱟᱯᱩᱨ ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱫᱚ ᱓᱒᱖,᱓᱖᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱦᱚᱲ ᱮᱞ ᱫᱚ ᱕᱑% ᱟᱨ ᱛᱤᱨᱞᱟᱹ ᱔᱙% ᱢᱮᱱᱟᱜ ᱠᱚᱣᱟ ᱾ ᱵᱤᱡᱟᱯᱩᱨ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱘᱓.᱔᱓% ᱢᱮᱱᱟᱜᱼᱟ, ᱱᱤᱭᱟᱹ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱫᱚ ᱗᱔% ᱠᱷᱚᱱ ᱫᱚ ᱰᱮᱦᱮᱨ ᱜᱮᱭᱟ; ᱠᱚᱲᱟ ᱟᱜ ᱥᱮᱪᱮᱫ ᱫᱚ ᱘᱘.᱙᱒% ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱫᱚ ᱗᱗.᱘᱖% ᱢᱮᱱᱟᱜᱼᱟ ᱾ ᱑᱒% ᱦᱚᱲ ᱮᱞ ᱫᱚ ᱖ ᱥᱟᱞ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾ ᱠᱚᱱᱱᱚᱲ ᱫᱚ ᱱᱚᱸᱰᱮ ᱨᱚᱲᱟᱜ ᱢᱩᱬ ᱯᱟᱹᱨᱥᱤ ᱠᱟᱱᱟ ᱾[᱑]
ᱥᱟᱜᱟᱲᱚᱢ ᱥᱟᱯᱲᱟᱣ
ᱥᱚᱲᱚᱠ ᱰᱟᱦᱟᱨ : ᱚᱛᱱᱚᱜ ᱟᱨ ᱨᱟᱬᱱᱤᱛᱤᱠ ᱞᱮᱠᱟᱛᱮ ᱢᱩᱬ ᱥᱚᱦᱚᱨ ᱞᱮᱠᱟᱛᱮ ᱯᱩᱱ ᱞᱮᱱ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱼ ᱑᱓ (ᱥᱚᱞᱟᱯᱩᱨᱼᱢᱟᱸᱜᱽᱞᱳᱨ) (ᱱᱤᱛᱚᱜ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱕᱐), ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱒᱑᱘ (ᱦᱩᱵᱽᱞᱤᱼᱦᱩᱢᱱᱟᱵᱟᱫᱽ) ᱟᱨ ᱮᱴᱟᱜ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱦᱚᱛᱮᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱵᱤᱡᱟᱯᱩᱨ ᱨᱮ ᱢᱩᱬ ᱤᱥᱴᱮᱸᱰ ᱫᱚ ᱥᱚᱦᱚᱨ ᱨᱮᱱᱟᱜ ᱛᱟᱞᱢᱟ ᱴᱷᱮᱱ, ᱜᱟᱲ ᱨᱮᱱᱟᱜ ᱮᱛᱚᱢᱼᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱵᱟᱫᱟᱢᱤ, ᱵᱮᱞᱜᱟᱢ, ᱟᱞᱢᱟᱴᱴᱤ, ᱜᱩᱞᱵᱚᱨᱜᱟ, ᱵᱤᱫᱚᱨ, ᱦᱩᱵᱽᱞᱤ ᱟᱨ ᱥᱚᱞᱟᱯᱩᱨ ᱞᱟᱹᱜᱤᱫ ᱵᱟᱥ ᱥᱮᱵᱟ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱵᱤᱡᱟᱯᱩᱨ ᱫᱚ ᱢᱤᱫᱴᱟᱹᱝ ᱢᱟᱨᱟᱝ ᱥᱚᱲᱚᱠ ᱥᱟᱜᱟᱲᱚᱢ ᱛᱟᱞᱢᱟ ᱠᱟᱱᱟ ᱟᱨ ᱱᱤᱭᱟᱹ ᱯᱚᱱᱚᱛ ᱦᱚᱛᱮᱛᱮ ᱪᱟᱪᱞᱟᱣ ᱵᱟᱥ ᱥᱟᱜᱟᱲᱚᱢ ᱠᱷᱚᱸᱰ ᱨᱮ ᱖ ᱰᱤᱯᱚ ᱢᱮᱱᱟᱜᱼᱟ ᱟᱨ ᱱᱚᱣᱟ ᱠᱚᱧᱮ ᱥᱟᱢᱟᱝ ᱠᱚᱨᱱᱟᱴᱚᱠ ᱥᱚᱲᱚᱠ ᱥᱟᱜᱟᱲᱚᱢ ᱱᱤᱜᱟᱢ ᱵᱷᱤᱛᱤᱨ ᱨᱮ ᱦᱤᱡᱩᱜᱼᱟ ᱚᱠᱚᱭᱟᱜ ᱦᱮᱰᱠᱩᱣᱟᱴᱚᱨ ᱜᱩᱞᱵᱚᱨᱜᱟ ᱨᱮ ᱢᱮᱱᱟᱜᱼᱟ ᱾ ᱰᱤᱵᱤᱡᱚᱱ ᱨᱮ ᱟᱹᱰᱤ ᱜᱟᱱ ᱯᱨᱤᱢᱤᱭᱟᱢ ᱢᱟᱞᱴᱤᱼᱮᱠᱥᱚᱞ ᱠᱚᱪ, ᱤᱥᱞᱤᱯᱚᱨ ᱠᱚᱪ, ᱮᱥᱤ ᱟᱨ ᱱᱳᱱ ᱮᱥᱤ ᱥᱟᱶ ᱯᱩᱥ ᱵᱮᱠ ᱠᱚᱪ, ᱵᱷᱚᱞᱵᱷᱚ, ᱢᱚᱨᱥᱤᱰᱤᱡᱽ ᱵᱮᱸᱡᱽ, ᱤᱥᱩᱡᱩ ᱴᱟᱴᱟ ᱢᱚᱴᱚᱨᱴ, ᱟᱥᱚᱠ ᱞᱤᱞᱮᱸᱰ, ᱢᱤᱛᱥᱩᱵᱤᱥᱤ ᱮᱢᱟᱱ ᱞᱮᱠᱟᱱᱟᱜ ᱛᱮᱭᱟᱨ ᱥᱟᱶᱛᱮ ᱵᱟᱸᱜᱽᱞᱳᱨ, ᱢᱩᱢᱵᱟᱭ, ᱯᱩᱱᱮ, ᱦᱟᱭᱫᱽᱨᱟᱵᱟᱫᱽ ᱞᱟᱹᱜᱤᱫ ᱥᱮᱵᱟᱜ ᱠᱟᱱᱟ ᱾ ᱢᱟᱸᱜᱽᱞᱳᱨ, ᱢᱟᱭᱥᱩᱨ, ᱦᱩᱵᱽᱞᱤ, ᱵᱮᱞᱜᱟᱢ ᱟᱨ ᱮᱴᱟᱜ ᱢᱩᱬ ᱥᱚᱦᱚᱨ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ ᱑.᱐ ᱑.᱑ "Cities having population 1 lakh and above, Census 2011" (PDF). census.gov.in. Retrieved 7 March 2021.
- ↑ "Renaming of cities" (Press release). Press Information Bureau. 16 December 2014. Retrieved 5 August 2017.
- ↑ "Bijapur City Municipal Council City Population Census 2011-2019 - Karnataka". www.census2011.co.in.
Sources ᱥᱟᱯᱲᱟᱣ
- "Samanya Mahiti"a periodical released by the Bijapur Zilla Parishad.
- Karnataka State Gazetteer 1983.
- Unsung kings Bijapur
- Bijapur is now famous for Mawa, TumTum Rikhshwa's, Tahari Biryani and Roadside Teastalls
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
ᱣᱤᱠᱤᱠᱩᱣᱚᱴ ᱨᱮ ᱵᱤᱡᱟᱯᱩᱨ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱤᱡᱟᱯᱩᱨ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱪᱷᱟᱸᱪ:ᱠᱚᱨᱱᱟᱴᱚᱠ ᱨᱮ ᱱᱟᱜᱟᱢᱤᱭᱟᱹ ᱛᱷᱟᱱ ᱪᱷᱟᱸᱪ:ᱠᱚᱧᱮ ᱠᱚᱨᱱᱟᱴᱚᱠ ᱨᱮ ᱱᱟᱜᱟᱢᱤᱭᱟᱹ ᱛᱷᱟᱱ ᱪᱷᱟᱸᱪ:ᱥᱤᱧᱚᱛ ᱨᱮᱱᱟᱜ ᱧᱮᱞᱡᱚᱝ ᱴᱷᱟᱶ ᱠᱚ