ᱵᱩᱫᱷᱚ ᱯᱩᱨᱱᱤᱢᱟ

ᱵᱩᱫᱷᱚ ᱯᱩᱨᱱᱤᱢᱟ ᱫᱚ ᱵᱚᱣᱫᱷᱚ ᱫᱷᱚᱨᱚᱢ ᱨᱮ ᱟᱥᱛᱷᱟ ᱠᱚ ᱫᱚᱦᱚᱭᱮᱫ ᱦᱚᱲᱟᱜ ᱢᱤᱫ ᱧᱩᱛᱩᱢᱟᱱ ᱯᱟᱨᱟᱵᱽ ᱠᱟᱱᱟ ᱾ ᱱᱚᱶᱟ ᱫᱚ ᱵᱟᱹᱭᱥᱟᱹᱠ ᱵᱚᱸᱜᱟ ᱨᱮᱱᱟᱜ ᱯᱩᱨᱱᱤᱢᱟ ᱨᱮᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱵᱩᱫᱷᱚ ᱯᱩᱨᱱᱤᱢᱟ ᱦᱤᱞᱚᱜ ᱜᱮ ᱜᱚᱣᱛᱚᱢ ᱵᱩᱫᱷᱚ ᱟᱜ ᱡᱟᱱᱟᱢ ᱫᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱢᱟᱦᱟᱸ ᱦᱤᱞᱚᱜ ᱜᱮ ᱩᱱᱤ ᱜᱮᱭᱟᱱ ᱦᱚᱸᱭ ᱟᱨᱡᱟᱣ ᱞᱮᱫ ᱛᱟᱦᱮᱸᱫ ᱾

ᱵᱩᱫᱷᱚᱣᱟᱜ ᱡᱟᱱᱟᱢ ᱢᱟᱦᱟᱸ
ᱥᱤᱣᱚᱞ, ᱥᱟᱣᱩᱛᱷ ᱠᱳᱨᱮᱭᱟ ᱨᱮ ᱵᱩᱫᱷᱚᱣᱟᱜ ᱡᱟᱱᱟᱢ ᱢᱟᱦᱟᱸ ᱢᱟᱱᱟᱣ
ᱚᱯᱷᱤᱥᱤᱭᱟᱞ ᱧᱩᱛᱩᱢFódàn (佛誕)
Phật Đản
Chopa-il (초파일, 初八日)부처님 오신 날
বুদ্ধ পূর্ণিমা
बुद्ध जयन्ती
ବୁଦ୍ଧ ପୂର୍ଣ୍ଣିମା
Vesākha
ᱮᱴᱟᱜ ᱧᱩᱛᱩᱢᱵᱩᱫᱷᱚᱣᱟᱜ ᱡᱟᱱᱟᱢ ᱢᱟᱦᱟᱸ
ᱵᱩᱫᱷᱚ ᱯᱩᱨᱱᱤᱢᱟ
ᱵᱩᱫᱷᱚ ᱡᱚᱭᱚᱱᱛᱤ
ᱢᱟᱱᱟᱣᱠᱩ Buddhists in East Asia and Buddhists and some Hindus in South and Southeast Asia (as Vesak)
ᱞᱮᱠᱟᱱBuddhist, cultural
ᱢᱳᱦᱚᱴᱣᱚᱜᱚᱣᱛᱚᱢ ᱵᱩᱫᱷᱚᱣᱟᱜ ᱡᱟᱱᱟᱢ ᱢᱟᱦᱟᱸ ᱢᱟᱱᱟᱣ
ᱢᱟᱹᱦᱤᱛvaries by region:
  • ᱮᱯᱨᱤᱞ ᱘ ᱟᱨᱵᱟᱝ ᱢᱮ ᱘/(ᱡᱟᱯᱟᱱ)
  • ᱢᱮ ᱵᱚᱸᱜᱟ ᱨᱮᱱᱟᱜ ᱫᱚᱥᱟᱨ ᱥᱤᱸᱜᱤ ᱢᱟᱦᱟᱸ (ᱛᱟᱭᱣᱟᱱ)
  • 8th day of 4th lunar month (mainland China and East Asia)
  • first full moon of Vaisakha (South Asia and Southeast Asia)
᱒᱐᱒᱔ dateᱪᱷᱟᱸᱪ:Moveable date (China and East Asia)
ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢᱥᱮᱨᱢᱟᱠᱤᱭᱟᱹ
ᱥᱟᱹᱜᱟᱹᱭ  ᱢᱮᱱᱟᱜᱼᱟᱣᱤᱥᱟᱠ

᱕᱖᱓ ᱵᱤᱥᱤ ᱵᱟᱹᱭᱥᱟᱹᱠ ᱵᱚᱸᱜᱟ ᱨᱮᱱᱟᱜ ᱠᱩᱱᱟᱹᱢᱤ ᱦᱤᱞᱚᱜ ᱵᱩᱫᱷᱚᱣᱟᱜ ᱡᱟᱱᱟᱢ ᱫᱚ ᱞᱩᱢᱵᱤᱱᱤ, ᱥᱟᱠᱭᱚ ᱯᱚᱱᱚᱛ (ᱱᱤᱛᱚᱜ ᱫᱚ ᱱᱮᱯᱟᱲ) ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱠᱩᱱᱟᱹᱢᱤ ᱦᱤᱞᱚᱜ ᱜᱮ ᱔᱘᱓ ᱵᱤᱥᱤ ᱨᱮ ᱘᱐ ᱵᱚᱪᱷᱚᱨ ᱩᱢᱮᱨ ᱨᱮ 'ᱠᱩᱥᱱᱟᱨᱟ' ᱨᱮ ᱩᱱᱤᱭᱟᱜ ᱢᱚᱦᱟᱯᱚᱨᱤᱱᱤᱨᱵᱟᱬ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱤᱛᱚᱜᱟᱜ ᱠᱩᱥᱤᱱᱚᱜᱚᱨ ᱜᱮ ᱚᱱᱟ ᱚᱠᱛᱚ ᱨᱮᱱᱟᱜ ᱫᱚ 'ᱠᱩᱥᱱᱟᱨᱟ' ᱛᱟᱦᱮᱸ ᱠᱟᱱᱟ ᱾ ᱱᱤᱭᱟᱹ ᱥᱮᱨᱢᱟ ᱒᱐᱒᱐ ᱨᱮᱫᱚ ᱵᱩᱫᱷᱚ ᱯᱩᱨᱱᱤᱢᱟ ᱥᱮ ᱵᱩᱫᱷᱚ ᱠᱩᱱᱟᱹᱢᱤ ᱫᱚ ᱗ ᱢᱮ ᱨᱮ ᱢᱮᱱᱟᱜ-ᱟ ᱾ [᱑]

ᱩᱯᱨᱩᱢ ᱥᱟᱯᱲᱟᱣ

ᱵᱷᱚᱜᱚᱵᱟᱱ ᱵᱩᱫᱷᱚᱣᱟᱜ ᱡᱟᱱᱟᱢ , ᱥᱮᱪᱮᱫ ᱟᱢᱮᱴ ᱟᱨ ᱢᱚᱦᱟᱯᱚᱨᱤᱱᱤᱨᱵᱟᱬ ᱱᱚᱶᱟ ᱯᱮᱭᱟ ᱫᱚ ᱵᱟᱹᱭᱥᱟᱹᱠ ᱠᱩᱱᱟᱹᱢᱤ ᱨᱮᱜᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱢᱟᱦᱟᱸ ᱨᱮ ᱵᱷᱚᱜᱚᱵᱟᱱ ᱵᱩᱫᱷᱚ ᱫᱚ ᱵᱩᱫᱷᱚᱛᱣᱚ ᱨᱮᱱᱟᱜ ᱟᱢᱮᱴ ᱦᱚᱸ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱤᱛᱚᱜ ᱵᱚᱣᱫᱷᱚ ᱫᱷᱚᱨᱚᱢ ᱠᱚ ᱢᱟᱱᱟᱣᱮᱫ ᱡᱮᱜᱮᱛ ᱨᱮ ᱑᱘᱐ ᱠᱚᱨᱚᱲ ᱛᱷᱚᱱ ᱦᱚᱸ ᱵᱟᱹᱲᱛᱤ ᱦᱚᱲ ᱢᱮᱱᱟᱜ ᱠᱚᱣᱟ ᱥᱟᱶᱛᱮ ᱩᱱᱠᱩ ᱫᱚ ᱱᱚᱶᱟ ᱫᱷᱚᱨᱚᱢ ᱫᱷᱩᱢᱫᱷᱟᱢ ᱛᱮᱠᱚ ᱢᱟᱱᱟᱣᱟ ᱾ ᱦᱤᱱᱫᱩ ᱫᱷᱚᱨᱚᱢ ᱠᱚ ᱢᱟᱱᱟᱣ ᱵᱟᱛᱟᱣᱮᱫ ᱦᱚᱲ ᱠᱚ ᱞᱟᱹᱜᱤᱫ ᱫᱚ ᱵᱩᱫᱷᱚ ᱫᱚ ᱵᱤᱥᱱᱩᱣᱟᱜ ᱟᱨᱮ ᱟᱱᱟᱜ ᱚᱵᱚᱛᱟᱨ ᱠᱟᱱᱟ ᱾ ᱚᱱᱟᱛᱮ ᱦᱤᱱᱫᱩ ᱠᱚ ᱞᱟᱹᱜᱤᱫ ᱦᱚᱸ ᱱᱚᱶᱟ ᱢᱟᱦᱟᱸ ᱫᱚ ᱥᱚᱱᱚᱛ ᱢᱮᱱᱛᱮ ᱜᱮᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱱᱚᱶᱟ ᱯᱟᱨᱟᱵᱽ ᱫᱚ ᱥᱤᱧᱚᱛ, ᱪᱤᱱ, ᱱᱟᱯᱟᱲ, ᱥᱤᱸᱜᱟᱯᱩᱨ, ᱵᱤᱭᱮᱛᱱᱟᱢ, ᱛᱷᱟᱭᱞᱮᱸᱰ, ᱡᱟᱯᱟᱱ, ᱠᱚᱸᱵᱳᱰᱤᱭᱟ, ᱢᱚᱞᱮᱥᱤᱭᱟ, ᱥᱨᱤᱞᱚᱝᱠᱟ, ᱢᱭᱟᱱᱢᱟᱨ, ᱤᱱᱰᱳᱱᱮᱥᱤᱭᱟ, ᱯᱟᱠᱤᱥᱛᱟᱱ ᱥᱟᱶᱛᱮ ᱡᱮᱜᱮᱛ ᱨᱮᱱᱟᱜ ᱟᱹᱰᱤᱜᱟᱱ ᱫᱤᱥᱚᱢ ᱨᱮᱠᱚ ᱢᱟᱱᱟᱣ ᱵᱟᱛᱟᱣᱟ ᱾

ᱵᱤᱦᱟᱨ ᱨᱮ ᱢᱮᱱᱟᱜ ᱵᱳᱫᱷᱜᱚᱭᱟ ᱧᱩᱛᱩᱢᱟᱱ ᱴᱚᱴᱷᱟ ᱦᱤᱱᱫᱩ ᱟᱨ ᱵᱚᱣᱫᱷᱚ ᱫᱷᱚᱨᱚᱢ ᱠᱚ ᱢᱟᱱᱟᱣ ᱵᱟᱛᱟᱣᱮᱫ ᱦᱚᱲ ᱠᱚ ᱞᱟᱹᱜᱤᱫ ᱫᱚ ᱢᱤᱫ ᱥᱚᱱᱚᱛ ᱛᱤᱨᱛᱷᱚ ᱛᱷᱟᱱ ᱠᱟᱱᱟ ᱾ ᱚᱲᱟᱜ ᱮ ᱵᱟᱹᱜᱤᱭᱟᱫ ᱛᱟᱭᱚᱢ ᱥᱤᱫᱷᱟᱨᱛᱷ ᱫᱚ ᱥᱟᱹᱨᱤᱭᱟᱹᱛ ᱯᱟᱱᱛᱮ ᱞᱟᱹᱜᱤᱫ ᱗ ᱥᱮᱨᱢᱟ ᱫᱷᱟᱹᱨᱤᱡ ᱵᱤᱨ ᱨᱮ ᱫᱟᱬᱟ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱚᱸᱰᱮ ᱜᱮ ᱩᱱᱤ ᱫᱚ ᱟᱹᱰᱤ ᱠᱮᱴᱮᱡ ᱮ ᱛᱩᱯᱤᱥᱟ ᱠᱮᱫ-ᱟ ᱟᱨ ᱢᱩᱪᱟᱹᱫ ᱨᱮ ᱵᱟᱹᱭᱥᱟᱹᱠ ᱯᱩᱨᱱᱤᱢᱟ ᱦᱤᱞᱚᱜ ᱫᱚ ᱵᱩᱫᱷᱚᱜᱚᱭᱟ ᱨᱮ ᱵᱳᱫᱷ ᱫᱟᱨᱮ ᱞᱟᱛᱟᱨ ᱨᱮ ᱩᱱᱤ ᱫᱚ ᱵᱩᱫᱷᱚᱛᱣᱚ ᱜᱮᱭᱟᱱ ᱮ ᱟᱢᱮᱴ ᱠᱮᱫ-ᱟ ᱾ ᱩᱱ ᱠᱷᱚᱱ ᱜᱮ ᱱᱚᱶᱟ ᱢᱟᱦᱟᱸ ᱫᱚ ᱵᱩᱫᱷᱚ ᱯᱩᱨᱱᱤᱢᱟ ᱞᱮᱠᱟᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱟᱹᱜᱩ ᱟᱠᱟᱫ-ᱟ ᱾ ᱵᱩᱫᱷᱚ ᱯᱩᱨᱱᱤᱢᱟ ᱦᱤᱞᱚᱜ ᱫᱚ ᱵᱩᱫᱷᱚᱣᱟᱜ ᱢᱚᱦᱟᱯᱚᱨᱤᱱᱤᱨᱵᱟᱬ ᱴᱚᱴᱷᱟ ᱠᱩᱥᱤᱱᱚᱜᱚᱨ ᱨᱮ ᱢᱮᱱᱟᱜ ᱢᱚᱦᱟᱯᱚᱨᱤᱱᱤᱨᱵᱟᱬ ᱵᱤᱦᱟᱨ ᱨᱮ ᱢᱩᱫ ᱢᱟᱦᱟᱸ ᱞᱟᱹᱜᱤᱫ ᱩᱫᱮᱞᱟ ᱠᱚ ᱫᱚᱦᱚᱭᱟ ᱾ᱡᱩᱫᱤ ᱦᱚᱸ ᱱᱚᱶᱟ ᱛᱤᱨᱛᱷᱚ ᱫᱚ ᱜᱚᱣᱛᱚᱢ ᱵᱩᱫᱷᱚ ᱥᱟᱶ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜ-ᱟ ᱾ ᱤᱠᱷᱟᱹᱱ ᱥᱩᱨ-ᱥᱩᱯᱩᱨ ᱴᱚᱴᱷᱟ ᱨᱮᱫᱚ ᱦᱤᱱᱫᱩ ᱫᱷᱚᱨᱚᱢ ᱨᱤᱱ ᱦᱚᱲ ᱠᱚᱣᱟᱜ ᱮᱞᱮᱞ ᱜᱮ ᱵᱟᱹᱲᱛᱤᱭᱟ ᱡᱟᱦᱟᱸ ᱨᱮᱫᱚ ᱵᱚᱸᱜᱟ ᱛᱷᱟᱱ ᱨᱮ ᱵᱚᱸᱜᱟ ᱵᱳᱨᱳᱭ ᱞᱟᱹᱜᱤᱫ ᱞᱟᱹᱜᱤᱫ ᱜᱚᱨᱚᱡᱽ ᱥᱟᱛᱞᱟᱜ ᱠᱚ ᱦᱤᱡᱩᱜ-ᱟ ᱾ ᱱᱚᱶᱟ ᱵᱚᱜᱟ ᱛᱷᱟᱱ ᱨᱮᱱᱟᱜ ᱢᱚᱦᱚᱛ ᱫᱚ ᱵᱩᱫᱷᱚᱣᱟᱜ ᱢᱚᱦᱟᱯᱚᱨᱤᱱᱤᱨᱵᱟᱬ ᱠᱷᱹᱛᱤᱨ ᱜᱮ ᱾ ᱱᱚᱶᱟ ᱢᱩᱫᱽᱨᱤ ᱨᱮᱱᱟᱜ ᱛᱷᱟᱯᱚᱱ ᱫᱚ ᱚᱡᱚᱱᱛᱟ ᱜᱚᱸᱜᱷᱚᱨ ᱴᱷᱮᱱ ᱠᱷᱚᱱ ᱩᱫᱽᱜᱟᱹᱣ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱵᱤᱦᱟᱨ ᱨᱮᱫᱚ ᱵᱷᱚᱜᱚᱵᱟᱱ ᱵᱩᱜᱷᱚᱣᱟᱜ ᱜᱤᱛᱤᱡ ᱟᱠᱟᱱ (ᱚᱛ ᱡᱚᱴᱮᱫ ᱢᱩᱫᱽᱨᱟ) ᱖.᱑ ᱢᱤᱴᱚᱨ ᱡᱤᱞᱤᱧ ᱢᱩᱨᱛᱤ ᱢᱮᱱᱟᱜ-ᱟ ᱾ ᱡᱟᱦᱟᱸ ᱫᱚ ᱟᱨᱟᱜ ᱦᱟᱥᱟ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱶᱟ ᱵᱤᱦᱟᱨ ᱫᱚ ᱚᱱᱟ ᱴᱚᱴᱷᱟ ᱨᱮᱜᱮ ᱵᱮᱱᱟᱣ ᱟᱠᱟᱱᱟ ᱾ ᱡᱟᱦᱟᱸ ᱠᱷᱚᱱ ᱱᱩᱭ ᱢᱩᱨᱛᱤᱭ ᱚᱰᱚᱠ ᱟᱠᱟᱱ ᱛᱟᱦᱮᱸᱫ ᱾ ᱵᱤᱦᱟᱨ ᱨᱮᱱᱟᱜ ᱯᱩᱨᱩᱵᱽ ᱦᱟᱹᱴᱤᱧ ᱨᱮᱫᱚ ᱢᱤᱫ ᱥᱛᱩᱯᱟ ᱢᱮᱱᱟᱜ-ᱟ ᱾ ᱚᱸᱰᱮ ᱜᱮ ᱵᱷᱚᱜᱚᱵᱟᱱ ᱵᱩᱫᱷᱚᱣᱟᱜ ᱫᱚ ᱢᱩᱪᱟᱹᱫ ᱥᱩᱥᱟᱹᱨ ᱠᱟᱹᱢᱤ ᱟᱨᱵᱟᱝ ᱥᱟᱨᱟ ᱥᱮᱸᱜᱞ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱢᱩᱨᱛᱤ ᱦᱚᱸ ᱚᱡᱚᱱᱛᱟ ᱨᱮ ᱵᱮᱱᱟᱣ ᱟᱠᱟᱱ ᱵᱷᱚᱜᱚᱵᱟᱱ ᱵᱩᱫᱷᱚᱣᱟᱜ ᱢᱚᱦᱟᱯᱚᱨᱤᱱᱤᱨᱵᱟᱬ ᱢᱩᱨᱛᱤ ᱨᱮᱱᱟᱜ ᱟᱥᱚᱞ ᱜᱮ ᱠᱟᱱᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "बुद्ध पूर्णिमा 2020: क्या था महात्मा बुद्ध के गृहत्याग का कारण?". SA News Channel. {{cite web}}: Cite has empty unknown parameter: |dead-url= (help)

[᱑]

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

  1. "बुद्ध पूर्णिमा 2020: इस दिन मनाई जाएगी बुद्ध जयंती". पत्रिका. {{cite web}}: Cite has empty unknown parameter: |dead-url= (help)