ᱵᱷᱟᱣᱱᱚᱜᱚᱨ ᱦᱚᱱᱚᱛ

ᱵᱷᱟᱣᱱᱚᱜᱚᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱥᱚᱣᱨᱟᱥᱴᱨᱚ ᱮᱞᱟᱠᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱜᱚᱦᱤᱞᱣᱟᱨ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜᱼᱟ, ᱪᱮᱫᱟᱜ ᱥᱮ ᱦᱚᱱᱚᱛ ᱨᱮᱱᱟᱜ ᱵᱟᱹᱲᱛᱤᱜᱟᱱ ᱴᱷᱟᱶ ᱨᱮᱜᱮ ᱜᱚᱦᱤᱞ ᱨᱟᱡᱽ ᱦᱚᱯᱚᱱ ᱠᱚ ᱥᱟᱥᱚᱱᱮᱫ ᱛᱟᱦᱮᱸᱫ ᱥᱮᱫᱟᱭ ᱚᱠᱛᱚ ᱨᱮ ᱾[᱑] ᱩᱱᱠᱩ ᱛᱟᱭᱚᱢ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮᱦᱚᱸ ᱚᱱᱟ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱜᱮᱭᱟ ᱾ ᱱᱚᱸᱰᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱵᱷᱟᱣᱱᱚᱜᱚᱨ ᱨᱮ ᱢᱮᱱᱟᱜᱼᱟ ᱾

ᱚᱛᱱᱚᱥᱟᱯᱲᱟᱣ

ᱵᱷᱟᱣᱱᱚᱜᱚᱨ ᱦᱚᱱᱚᱛ ᱫᱚ ᱘᱓᱓᱔ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱᱟ ᱾ ᱵᱷᱟᱣᱱᱚᱜᱚᱨ ᱦᱚᱱᱚᱛ ᱨᱮᱱᱟᱜ ᱮᱛᱚᱢ-ᱥᱟᱢᱟᱝ ᱥᱮᱦᱮᱫ ᱨᱮ ᱚᱦᱢᱚᱫᱟᱵᱟᱫᱽ ᱦᱚᱱᱚᱛ, ᱣᱛᱚᱢ-ᱯᱟᱪᱮ ᱥᱮᱦᱮᱫ ᱨᱮ ᱵᱚᱛᱟᱰ ᱦᱚᱱᱚᱛ (Botad District) ᱟᱨ ᱟᱢᱨᱮᱞᱤ ᱦᱚᱱᱚᱛ ᱯᱟᱪᱮ ᱥᱦᱮᱫ ᱨᱮ ᱢᱮᱱᱟᱜᱼᱟ ᱾

ᱱᱟᱜᱟᱢᱥᱟᱯᱲᱟᱣ

ᱵᱷᱟᱣᱱᱟᱜᱟᱨ ᱯᱚᱱᱚᱛ ᱫᱚ ᱥᱟᱞᱩᱴ ᱯᱚᱱᱚᱛ (salute state) ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱵᱨᱤᱴᱤᱥ ᱨᱟᱡᱽ[᱑] ᱚᱠᱛᱚ ᱨᱮ, ᱡᱟᱦᱟᱸ ᱫᱚ ᱜᱚᱦᱤᱞ ᱨᱟᱡᱽᱦᱚᱯᱚᱱ ᱦᱚᱛᱮ ᱛᱮ ᱥᱟᱥᱚᱱ ᱟᱹᱜᱩᱜ ᱠᱟᱱ ᱛᱟᱦᱮᱸᱫ ᱾[᱒]

ᱵᱷᱟᱣᱱᱚᱜᱚᱨ ᱨᱮᱱᱟᱜ ᱛᱟᱞᱩᱠᱟ (taluka), ᱵᱚᱛᱟᱰ (Botad) ᱟᱨ ᱜᱟᱫᱷᱟᱫᱟ (Gadhada) ᱜᱮᱫ ᱵᱷᱮᱜᱟᱨ ᱠᱟᱛᱮ ᱒᱐᱑᱓ ᱥᱟᱹᱦᱤᱛ ᱨᱮ ᱵᱮᱱᱟᱣᱮᱱ ᱱᱟᱶᱟ ᱦᱚᱱᱚᱛ ᱵᱚᱛᱟᱰ ᱦᱚᱱᱚᱛ (Botad) ᱨᱮ ᱢᱮᱥᱟ ᱭᱮᱱᱟ ᱾[᱓]

ᱪᱟᱪᱞᱟᱣ ᱠᱷᱚᱸᱰ (Administrative divisions)ᱥᱟᱯᱲᱟᱣ

ᱵᱷᱟᱣᱱᱚᱜᱚᱨ ᱦᱚᱱᱚᱛ ᱫᱚ ᱜᱮᱞ ᱜᱚᱴᱟᱝ ᱛᱚᱦᱥᱤᱞ/ᱛᱟᱞᱩᱠᱟ (taluka) ᱨᱮ ᱦᱟᱹᱴᱤᱧ ᱟᱠᱟᱱᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱵᱷᱟᱶᱱᱚᱜᱚᱨ Bhavnagar, ᱥᱤᱦᱚᱨ (Sihor), ᱩᱢᱨᱟᱞᱟ (Umrala), ᱜᱟᱨᱤᱭᱟᱫᱷᱚᱨ (Gariadhar), ᱯᱟᱞᱤᱛᱟᱱᱟ (Palitana), ᱢᱟᱦᱩᱣᱟ ᱵᱷᱟᱣᱱᱚᱜᱚᱨ (Mahuva), ᱛᱟᱞᱟᱡᱟ (Talaja), ᱜᱷᱚᱜᱷᱟ (Ghogha), ᱡᱮᱥᱟᱨ (Jesar) ᱟᱨ ᱵᱚᱞᱞᱚᱵᱷᱤᱯᱩᱨ (Vallbhipur) ᱾[᱔] ᱱᱚᱶᱟ ᱦᱚᱱᱚᱛ ᱨᱮ ᱘᱐᱐ ᱜᱚᱴᱟᱝ ᱟᱹᱛᱩ (ᱟᱛᱳ) ᱢᱮᱱᱟᱜᱼᱟ ᱾

ᱰᱮᱢᱚᱜᱽᱨᱟᱯᱷᱤᱠᱥᱟᱯᱲᱟᱣ

᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱵᱷᱟᱣᱱᱚᱜᱚᱨ ᱦᱚᱱᱚᱛ ᱨᱮ ᱒,᱘᱘᱐,᱓᱖᱕[᱕] ᱜᱚᱴᱟᱝ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱡᱟᱢᱤᱠᱟ (Jamaica)[᱖] ᱫᱤᱥᱚᱢ ᱟᱨᱵᱟᱝ ᱡᱩᱢᱤᱫ ᱫᱤᱥᱚᱢ ᱯᱚᱱᱚᱛ ᱠᱟᱱᱥᱟᱥ (Kansas)[᱗] ᱨᱤᱱ ᱦᱚᱲ ᱞᱮᱠᱷᱟ ᱥᱟᱶᱛᱮ ᱠᱚ ᱥᱩᱨᱥᱩᱯᱩᱨᱚᱜ ᱠᱟᱱᱟ ᱾ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱟᱹᱫᱽ ᱠᱷᱚᱱ ᱱᱚᱶᱟ ᱫᱚ ᱑᱓᱓ ᱟᱱᱟᱜ ᱴᱷᱟᱶ (ᱨᱮᱸᱠ) ᱨᱮ ᱢᱮᱱᱟᱜᱼᱟ ᱾[᱕] ᱱᱚᱸᱰᱮ ᱦᱚᱲ ᱵᱟᱹᱰᱚᱜ ᱠᱟᱱ ᱫᱚ ᱫᱚ ᱑᱖ᱹ᱕᱓% ᱛᱟᱦᱮᱸ ᱠᱟᱱᱟ ᱒᱐᱐᱑ ᱠᱷᱚᱱ ᱒᱐᱑᱑ ᱥᱟᱹᱦᱤᱛ ᱢᱟᱹᱫᱽ ᱨᱮ ᱾ ᱡᱟᱱᱟᱝ ᱡᱟᱹᱱᱤ ᱞᱮᱠᱟᱛᱮ ᱙᱓᱑ ᱠᱩᱲᱤ ᱨᱮ ᱑᱐᱐᱐ ᱠᱚᱲᱟ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱥᱤᱠᱷᱱᱟᱹᱛ ᱫᱚᱨ ᱫᱚ ᱗᱖ᱹ᱘᱔% ᱛᱟᱦᱮᱸ ᱠᱟᱱᱟ ᱾[᱕]

᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷᱟ ᱚᱠᱛᱚ ᱨᱮ ᱙᱗ᱹ᱘᱗% ᱦᱚᱲ ᱫᱚ ᱜᱩᱡᱽᱨᱟᱴᱤ ᱯᱟᱹᱨᱥᱤ, ᱑ᱹ᱑᱙% ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ ᱟᱨ ᱐ᱹ᱖᱔% ᱦᱚᱲ ᱫᱚ ᱥᱤᱱᱫᱷᱤ ᱯᱟᱹᱨᱥᱤ ᱟᱠᱚᱣᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫᱼᱟ ᱾[᱘]

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. ᱑.᱐ ᱑.᱑ "History". Bhavnagar District Panchayat, Gujarat Government. Archived from the original on 27 September 2013.
  2. Singhji, Virbhadra (1994). "The Gohil Rajputs". The Rajputs of Saurashtra. Bombay, India: Popular Prakashan. p. 38. ISBN 978-81-7154-546-9.
  3. "Maps of Gujarat's new 7 districts and changes in existing districts". Desh Gujarat. 13 August 2013. Archived from the original on 16 August 2013.
  4. "Taluka Panchayat". Bhavnagar District Panchayat, Gujarat Government. Archived from the original on 20 July 2013.
  5. ᱕.᱐ ᱕.᱑ ᱕.᱒ "District Census 2011". Census2011.co.in. 2011. Retrieved 2011-09-30.
  6. US Directorate of Intelligence. "Country Comparison:Population". Retrieved 2011-10-01. Jamaica 2,868,380 July 2011 est
  7. "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30. Kansas 2,853,118
  8. 2011 Census of India, Population By Mother Tongue