᱒᱐᱑᱑ ᱵᱷᱟᱨᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ
᱒᱐᱑᱑ ᱵᱷᱟᱨᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱥᱮ ᱑᱕ ᱟᱱ ᱵᱷᱟᱨᱚᱛᱤᱭᱚ ᱦᱚᱲ ᱞᱮᱠᱷᱟ ᱵᱟᱨᱭᱟ ᱦᱚᱨᱟᱛᱮ ᱠᱚᱨᱟᱣ ᱦᱳᱭ ᱞᱮᱱᱟ ᱚᱲᱟᱜ ᱨᱮᱭᱟᱜ ᱛᱟᱹᱞᱠᱟᱹ ᱟᱨ ᱦᱚᱲ ᱞᱮᱠᱷᱟ᱾ ᱚᱲᱟᱜ ᱨᱮᱭᱟᱜ ᱛᱟᱹᱞᱠᱟᱹ ᱨᱮᱭᱟᱜ ᱦᱤᱸᱥ ᱑ ᱮᱯᱨᱤᱞ ᱒᱐᱑᱐ ᱨᱮ ᱮᱛᱚᱦᱚᱵ ᱞᱮᱱᱟ ᱟᱨ ᱥᱟᱱᱟᱢ ᱚᱲᱟᱜ ᱨᱮᱭᱟᱜ ᱵᱟᱰᱟᱭ ᱛᱮᱱᱟᱜ ᱛᱩᱢᱟᱹᱞ ᱠᱚ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱯᱳᱭᱞᱳ ᱥᱮᱫ ᱡᱟᱹᱛᱤᱭᱟᱹᱨᱤ ᱦᱚᱲ ᱞᱮᱠᱷᱟ ᱨᱮᱡᱤᱥᱴᱟᱨ (ᱮᱱᱹᱯᱤ.ᱟᱨ) ᱞᱟᱹᱜᱤᱫ ᱵᱟᱰᱟᱭ ᱛᱮᱱᱟᱜ ᱦᱚᱸ ᱥᱮᱞᱮᱫ ᱦᱩᱭ ᱞᱮᱱᱟ , ᱡᱟᱦᱟᱸ ᱫᱚ ᱤᱭᱩᱱᱤᱠ ᱟᱭᱰᱮᱱᱴᱤᱯᱷᱤᱠᱮᱞ ᱚᱛᱷᱚᱨᱤᱴᱤ ᱚᱯᱷ ᱤᱱᱰᱤᱭᱟ ᱫᱟᱨᱟᱭ ᱛᱮ ᱥᱟᱱᱟᱢ ᱨᱮᱡᱤᱥᱴᱟᱨ ᱟᱠᱟᱱ ᱵᱷᱟᱨᱚᱛ ᱨᱮᱱ ᱜᱤᱨᱟᱹᱵᱟᱥᱤ ᱠᱚ ᱞᱟᱹᱜᱤᱫ ᱢᱤᱫᱴᱟᱝ ᱑᱒ ᱞᱮᱠᱷᱟ ᱟᱱ ᱤᱭᱩᱱᱤᱠ ᱵᱟᱰᱟᱭ ᱛᱮᱱᱟᱜ ᱱᱚᱢᱵᱚᱨ ᱮᱢ ᱞᱟᱹᱜᱤᱫ ᱵᱮᱣᱦᱟᱨ ᱦᱩᱭᱩᱜᱼᱟ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱙ ᱠᱷᱚᱱ ᱒᱘ ᱯᱷᱮᱵᱽᱨᱩᱣᱟᱨᱤ ᱢᱩᱫ ᱨᱮ ᱫᱚᱥᱟᱨ ᱦᱚᱲ ᱞᱮᱠᱷᱟ ᱠᱚᱨᱟᱣ ᱦᱩᱭ ᱞᱮᱱᱟ᱾ ᱑᱘᱗᱒ ᱥᱮᱨᱢᱟ ᱠᱷᱚᱱ ᱵᱷᱟᱨᱚᱛ ᱨᱮ ᱦᱚᱲ ᱞᱮᱠᱷᱟ ᱠᱚᱨᱟᱣ ᱦᱳᱭ ᱟᱠᱟᱱᱟ ᱟᱨ ᱒᱐᱑᱑ ᱥᱮᱨᱢᱟ ᱨᱮ ᱯᱳᱭᱞᱳ ᱫᱷᱟᱣ ᱨᱮ ᱵᱳᱭᱳᱢᱮᱴᱨᱤᱠ ᱵᱟᱰᱟᱭ ᱛᱮᱱᱟᱜ ᱠᱚ ᱥᱮᱞᱮᱫ ᱦᱩᱭ ᱞᱮᱱᱟ᱾ ᱓᱑ ᱢᱟᱨᱪ ᱒᱐᱑᱑ ᱨᱮ ᱩᱪᱷᱟᱹᱱ ᱟᱠᱟᱱ ᱚᱱᱩᱢᱟᱹᱱ ᱰᱚᱜᱚᱨ ᱞᱮᱠᱟᱛᱮ ᱵᱷᱟᱨᱚᱛ ᱨᱮᱱ ᱦᱚᱲ ᱞᱮᱠᱷᱟ ᱑᱗ᱹ᱗᱐% ᱜᱮᱞ ᱥᱮᱨᱢᱟ ᱨᱮ ᱵᱟᱹᱲᱛᱤ ᱠᱟᱛᱮ ᱑᱒᱑ ᱠᱳᱴᱤ ᱨᱮ ᱥᱮᱴᱮᱨ ᱞᱮᱱᱟ᱾[᱒] ᱜᱮᱞ ᱥᱮᱨᱢᱟ ᱨᱮ ᱙ᱹ᱒᱑% ᱵᱟᱹᱲᱛᱤ ᱥᱟᱶ ᱛᱮ ᱦᱚᱲ ᱠᱚᱣᱟᱜ ᱥᱮᱪᱮᱫ ᱦᱟᱨ ᱗᱔ᱹ᱐᱔% ᱨᱮ ᱵᱟᱹᱲᱛᱤ ᱟᱠᱟᱱᱟ᱾ ᱦᱚᱲ ᱞᱮᱠᱷᱟ ᱨᱮᱭᱟᱜ ᱢᱚᱱᱴᱳ ᱫᱚ ᱛᱟᱦᱮᱸ ᱠᱟᱱᱟ ' ᱟᱵᱚᱣᱟᱜ ᱦᱚᱲ ᱞᱮᱠᱷᱟ' 'ᱟᱵᱚᱣᱟᱜ ᱟᱜᱟᱢ'᱾
| ᱵᱷᱟᱨᱚᱛ ᱨᱮᱭᱟᱜ ᱑᱕ ᱟᱱ ᱦᱚᱲ ᱞᱮᱠᱷᱟ | ||
|---|---|---|
| ||
 ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱯᱨᱚᱛᱤᱵᱷᱟ ᱯᱟᱴᱤᱞ ᱫᱚ ᱥᱤᱧᱚᱛ ᱨᱤᱱᱤᱡ ᱦᱚᱲᱞᱮᱠᱷᱟ ᱠᱚᱢᱤᱥᱚᱱᱟᱨ ᱥᱤ. ᱪᱚᱱᱫᱨᱚᱢᱩᱞᱤ ᱴᱷᱮᱱ ᱠᱷᱚᱱ ᱒᱐᱑᱑ ᱨᱮᱭᱟᱜ ᱦᱚᱲᱞᱮᱠᱷᱟ ᱨᱤᱯᱳᱨ ᱮ ᱟᱛᱟᱝ ᱮᱫᱟ | ||
| ᱢᱮᱱᱮᱞᱟ ᱵᱟᱰᱟᱭ ᱛᱮᱱᱟᱜ | ||
| ᱫᱤᱥᱚᱢ | ᱵᱷᱟᱨᱚᱛ | |
| ᱚᱨᱡᱚ | ||
| ᱜᱩᱴ ᱦᱚᱲ ᱞᱮᱠᱷᱟ | ᱑᱒᱑,᱐᱑,᱙᱓,᱔᱒᱒ ( ᱑᱗.᱘᱐%[᱑]) | |
| ᱥᱟᱱᱟᱢ ᱠᱷᱚᱱ ᱰᱷᱮᱨ ᱦᱚᱲᱞᱮᱠᱷᱟ | ᱩᱛᱛᱚᱨ ᱯᱨᱚᱫᱮᱥ (᱑᱙,᱙᱘,᱑᱒,᱓᱔᱑) | |
| ᱥᱟᱱᱟᱢ ᱠᱷᱚᱱ ᱠᱚᱢ ᱦᱚᱲᱞᱮᱠᱷᱟ | ᱥᱤᱠᱠᱤᱢ (᱖,᱑᱐,᱕᱗᱗) | |
᱒᱘ ᱜᱚᱴᱟᱝ ᱯᱚᱱᱚᱛ ᱨᱮ ᱯᱟᱥᱱᱟᱣ ᱟᱠᱟᱱᱟ ᱟᱨ ᱘ ᱜᱚᱴᱟᱝ ᱛᱟᱞᱢᱟ ᱥᱟᱥᱚᱱ ᱴᱚᱴᱷᱟ ᱨᱮ , ᱦᱚᱲ ᱞᱮᱠᱷᱟ ᱫᱚ ᱖᱔᱐ ᱦᱚᱱᱚᱛ , ᱕,᱙᱒᱔ ᱜᱚᱴᱟᱝ ᱪᱟᱸᱜᱟ ᱦᱚᱱᱚᱛ , ᱗,᱙᱓᱕ ᱜᱚᱴᱟᱝ ᱥᱟᱦᱟᱨ ᱟᱨ ᱖,᱐᱐,᱐᱐᱐ ᱜᱚᱴᱟᱝ ᱠᱷᱚᱱ ᱦᱚᱸ ᱡᱟᱹᱥᱛᱤ ᱟᱛᱳ ᱥᱮᱞᱮᱫ ᱟᱠᱟᱱᱟ᱾ ᱜᱩᱴ ᱒᱗,᱐᱐,᱐᱐᱐ ᱠᱟᱹᱢᱤᱭᱟᱹ ᱠᱚ ᱗,᱙᱓᱕ ᱜᱚᱴᱟᱝ ᱥᱟᱦᱟᱨ ᱟᱨ ᱖,᱐᱐,᱐᱐᱐ ᱜᱚᱴᱟᱝ ᱟᱛᱳ ᱨᱮᱭᱟᱜ ᱚᱲᱟᱜ ᱠᱚ ᱫᱟᱬᱟ ᱞᱮᱫᱟ, ᱡᱟᱦᱟᱸ ᱫᱚ ᱦᱚᱲ ᱞᱮᱠᱷᱟ ᱠᱚ ᱡᱟᱱᱟᱝ, ᱫᱷᱚᱨᱚᱢ, ᱥᱮᱪᱮᱫ ᱟᱨ ᱠᱟᱹᱢᱤ ᱞᱮᱠᱟᱛᱮ ᱠᱚ ᱦᱟᱹᱴᱤᱧ ᱞᱮᱫᱟ᱾[᱓] ᱱᱚᱣᱟ ᱠᱟᱹᱢᱤ ᱨᱮᱭᱟᱜ ᱠᱷᱚᱨᱚᱪ ᱛᱟᱦᱮᱸ ᱠᱟᱱᱟ ᱒,᱒᱐᱐ ᱠᱳᱴᱤ [᱔] (280 ᱢᱤᱞᱤᱭᱚᱱ ᱟᱢᱮᱨᱤᱠᱟᱱ ᱰᱚᱞᱟᱨ) ᱼ ᱱᱚᱶᱟ ᱫᱚ ᱢᱤᱫ ᱦᱚᱲ ᱞᱟᱹᱜᱤᱫ ᱐.᱕ ᱟᱢᱮᱨᱤᱠᱟᱱ ᱰᱚᱞᱟᱨ ᱠᱷᱚᱱ ᱦᱚᱸ ᱠᱚᱢ , ᱡᱟᱦᱟᱸ ᱡᱮᱜᱮᱫ ᱨᱮᱭᱟᱜ ᱢᱤᱫ ᱦᱚᱲ ᱞᱟᱹᱜᱤᱫ ᱔.᱖᱐ ᱟᱢᱮᱨᱤᱠᱟᱱ ᱰᱚᱞᱟᱨ ᱨᱮᱭᱟᱜ ᱟᱭᱩᱢᱟᱹᱱ ᱠᱷᱚᱱ ᱟᱹᱰᱤ ᱠᱚᱢ ᱜᱮᱭᱟ᱾[᱓] ᱑᱐ ᱥᱮᱨᱢᱟᱠᱤᱭᱟᱹ ᱱᱚᱣᱟ ᱦᱚᱲ ᱞᱮᱠᱷᱟ ᱫᱚ, ᱵᱷᱟᱨᱚᱛ ᱨᱮᱭᱟᱜ ᱟᱹᱰᱤ ᱢᱟᱨᱟᱝ ᱴᱚᱴᱷᱟ ᱟᱨ ᱞᱟᱠᱪᱟᱨ ᱨᱮᱭᱟᱜ ᱟᱭᱢᱟ ᱞᱮᱠᱟᱱ ᱟᱨ ᱚᱱᱟ ᱥᱟᱶᱛᱮ ᱥᱮᱞᱮᱫ ᱦᱚᱲ ᱠᱚᱣᱟᱜ ᱵᱤᱨᱩᱫᱽ ᱧᱮᱞ ᱠᱟᱛᱮ ᱱᱚᱶᱟ ᱦᱚᱲ ᱞᱮᱠᱷᱟ ᱫᱚ ᱟᱹᱰᱤ ᱢᱟᱨᱟᱝ ᱟᱱᱟᱴ ᱠᱚ ᱥᱟᱢᱟᱝ ᱫᱟᱯᱨᱟᱢ ᱞᱮᱫᱟ᱾
ᱮᱴᱟᱜ ᱜᱟᱫᱮᱞ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱥᱤᱨᱳᱢᱚᱱᱤ ᱟᱠᱟᱞᱤ ᱫᱚᱞ, ᱥᱤᱵᱽ ᱥᱮᱱᱟ ᱟᱨ ᱵᱷᱟᱨᱚᱛ ᱡᱟᱠᱟᱛ ᱟᱱᱱᱟ ᱫᱨᱟᱵᱤᱲ ᱢᱩᱱᱮᱛᱨᱟ ᱠᱟᱡᱟᱜᱟᱢ ᱫᱟᱨᱟᱭ ᱛᱮ ᱜᱚᱲᱚ ᱧᱟᱢ ᱞᱟᱞᱩ ᱯᱨᱚᱥᱟᱫᱽ ᱭᱟᱫᱚᱵᱽ ᱟᱨ ᱢᱚᱞᱚᱭᱚᱢ ᱥᱤᱝ ᱡᱟᱫᱚᱵᱽ ᱥᱟᱶᱛᱮ ᱢᱤᱫ ᱵᱟᱨ ᱥᱟᱥᱚᱱᱮᱫ ᱡᱳᱴ ᱨᱮᱱ ᱟᱹᱭᱩᱨᱤᱭᱟᱹ ᱠᱚᱣᱟᱜ ᱫᱟᱹᱵᱤ ᱛᱟᱭᱚᱢ ᱦᱚᱲ ᱞᱮᱠᱷᱟ ᱨᱮ ᱡᱟᱹᱛ ᱨᱮᱭᱟᱜ ᱤᱱᱯᱷᱚᱨᱢᱮᱥᱟᱱ ᱥᱮᱞᱮᱫ ᱦᱩᱭ ᱞᱮᱱᱟ᱾[᱕] ᱢᱩᱪᱟᱹᱫ ᱑᱙᱓᱑ ᱥᱮᱨᱢᱟ ᱨᱮ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱡᱟᱹᱛ ᱨᱮᱭᱟᱜ ᱤᱱᱯᱷᱚᱨᱢᱮᱥᱟᱱ ᱠᱚ ᱥᱮᱞᱮᱫ ᱞᱮᱫᱟ᱾ ᱮᱛᱚᱦᱚᱵ ᱦᱚᱲ ᱞᱮᱠᱷᱟ ᱚᱠᱛᱚ ᱦᱚᱲ ᱠᱚ ᱡᱟᱣᱜᱮ ᱥᱟᱶᱛᱟ ᱨᱮᱭᱟᱜ ᱢᱟᱹᱱ ᱦᱟᱢᱮᱴ ᱞᱟᱹᱜᱤᱫ ᱩᱱᱠᱩᱣᱟᱜ ᱡᱟᱹᱛᱤ ᱨᱮᱭᱟᱜ ᱠᱟᱛᱷᱟ ᱠᱚ ᱵᱟᱠᱚ ᱞᱟᱹᱭ ᱞᱟᱹᱜᱤᱫᱚᱜ ᱠᱟᱱ ᱛᱟᱦᱮᱱᱟ ᱟᱨ ᱱᱮᱛᱟᱨ ᱱᱚᱣᱟ ᱫᱚ ᱵᱟᱝ ᱧᱮᱞᱚᱜ ᱠᱟᱱᱟ ᱪᱮᱫᱟᱜ ᱥᱮ ᱦᱚᱲ ᱠᱚ ᱱᱟᱦᱟᱜ ᱥᱚᱨᱠᱟᱨᱟᱜ ᱥᱩᱵᱤᱫᱷᱟᱹ ᱧᱟᱢ ᱨᱮᱭᱟᱜ ᱟᱸᱥ ᱛᱟᱦᱮᱱ ᱠᱟᱱ ᱛᱟᱠᱚᱣᱟ᱾[᱖] ᱞᱟᱦᱟ ᱛᱮ ᱱᱚᱶᱟ ᱠᱟᱛᱷᱟ ᱠᱚ ᱩᱭᱦᱟᱹᱨ ᱞᱮᱱᱟ ᱡᱮ , ᱒᱐᱑᱑ ᱥᱮᱨᱢᱟ ᱨᱮ ᱘᱐ ᱥᱮᱨᱢᱟ ᱛᱟᱭᱚᱢ ᱯᱳᱭᱞᱳ ᱚᱠᱛᱮ ᱨᱮ (᱑᱙᱓᱑ ᱥᱮᱨᱢᱟ ᱨᱮ) ᱵᱷᱟᱨᱚᱛ ᱨᱮ ᱮᱴᱟᱜ ᱛᱟᱭᱚᱢ ᱟᱠᱟᱱ ᱜᱟᱛᱟᱠ ᱠᱚ (ᱳ.ᱵᱤ.ᱥᱤ) ᱨᱮᱭᱟᱜ ᱜᱚᱴᱟ ᱦᱚᱲ ᱞᱮᱠᱷᱟ ᱧᱟᱢ ᱞᱟᱹᱜᱤᱫ ᱢᱤᱫᱴᱟᱝ ᱡᱟᱹᱛᱤᱼᱵᱩᱫᱟᱹ ᱦᱚᱲ ᱞᱮᱠᱷᱟ ᱠᱚᱨᱟᱣ ᱦᱳᱭᱳᱜᱼᱟ᱾[᱗][᱘][᱙][᱑᱐]
ᱛᱟᱭᱚᱢ ᱛᱮ ᱱᱚᱶᱟ ᱠᱚ ᱦᱟᱛᱟᱣ ᱦᱩᱭ ᱞᱮᱱᱟ ᱟᱨ ᱒᱐᱑᱑ ᱥᱮᱨᱢᱟ ᱨᱮ ᱥᱟᱶᱛᱟᱠᱤᱭᱟᱹ ᱠᱟᱹᱣᱰᱤᱭᱟᱹᱨᱤ ᱟᱨ ᱡᱟᱹᱛᱤ ᱞᱮᱠᱷᱟ ᱒᱐᱑᱑ ᱠᱚᱨᱟᱣ ᱦᱩᱭ ᱞᱮᱱᱟ, ᱡᱟᱦᱟ ᱨᱮᱭᱟᱜ ᱯᱳᱭᱞᱳ ᱵᱟᱰᱟᱭ ᱛᱮᱱᱟᱜ ᱒᱐᱑᱕ ᱥᱮᱨᱢᱟ ᱨᱮᱭᱟᱜ ᱓ ᱡᱩᱞᱟᱭ ᱛᱟᱞᱢᱟ ᱠᱟᱹᱣᱰᱤ ᱢᱚᱱᱛᱨᱤ ᱚᱱᱩᱱ ᱡᱮᱴᱞᱤ ᱥᱚᱫᱚᱨ ᱞᱮᱫᱟᱭ᱾[᱑᱑] ᱑᱙᱘᱐ ᱥᱮᱨᱢᱟ ᱨᱮᱭᱟᱜ ᱢᱚᱱᱰᱚᱞ ᱠᱚᱢᱤᱥᱚᱱ ᱨᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱡᱮ ᱳ.ᱵᱤ.ᱥᱤ ᱦᱚᱲ ᱞᱮᱠᱷᱟ ᱕᱒% , ᱮᱱᱛᱮ ᱨᱮᱦᱚᱸ ᱒᱐᱐᱖ ᱥᱮᱨᱢᱟ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱥᱮᱢᱯᱮᱞ ᱥᱚᱨᱵᱷᱮ ᱜᱚᱱᱚᱴᱷᱚᱱ (ᱮᱱ.ᱮᱥ.ᱮᱥ.ᱳ) ᱔᱑% ᱳ.ᱵᱤ.ᱥᱤ ᱦᱚᱲ ᱠᱚᱣᱟᱜ ᱞᱮᱠᱷᱟ ᱞᱟᱹᱭ ᱥᱚᱫᱚᱨ ᱟᱠᱟᱫᱟ᱾[᱑᱒]
ᱯᱷᱩᱨᱜᱟᱹᱞ ᱛᱟᱭᱚᱢ ᱵᱷᱟᱨᱚᱛ ᱨᱮ ᱢᱤᱫᱴᱟᱝ ᱜᱮ ᱡᱟᱹᱛᱤ ᱞᱮᱠᱷᱟ ᱨᱮᱭᱟᱜ ᱫᱟᱹᱭᱠᱟᱹ ᱢᱮᱱᱟᱜᱼᱟ᱾ ᱑᱙᱖᱘ ᱥᱮᱨᱢᱟ ᱨᱮ ᱠᱮᱨᱟᱞᱟ ᱥᱚᱨᱠᱟᱨ ᱫᱟᱨᱟᱭ ᱛᱮ ᱤ ᱮᱢ ᱮᱥ ᱱᱟᱢᱵᱩᱫᱤᱨᱤᱯᱟᱫᱽ ᱟᱜ ᱟᱶᱛᱟ ᱨᱮ ᱟᱭᱢᱟ ᱞᱟᱛᱟᱨ ᱜᱟᱛᱟᱠ ᱨᱮᱱ ᱥᱟᱶᱛᱟ ᱟᱨ ᱠᱟᱹᱣᱰᱤ ᱟᱹᱨᱤ ᱨᱮ ᱛᱟᱭᱚᱢ ᱟᱠᱟᱱ ᱠᱚ ᱩᱛᱱᱟᱹᱣ ᱞᱟᱹᱜᱤᱫ ᱱᱚᱶᱟ ᱫᱚ ᱥᱟᱯᱲᱟᱣ ᱦᱩᱭ ᱞᱮᱱᱟ᱾ ᱱᱚᱶᱟ ᱦᱚᱲ ᱞᱮᱠᱷᱟ ᱫᱚ ᱑᱙᱖᱘ ᱥᱮᱨᱢᱟ ᱨᱮᱭᱟᱜ ᱥᱟᱶᱛᱟᱠᱤᱭᱟᱹ ᱠᱟᱹᱣᱰᱤᱭᱟᱹᱨᱤ ᱥᱟᱨᱵᱷᱮ ᱛᱮ ᱩᱯᱨᱩᱢ ᱞᱮᱱᱟ ᱟᱨ ᱚᱨᱡᱚ ᱠᱚᱫᱚ ᱑᱙᱗᱑ ᱥᱮᱨᱢᱟ ᱨᱮ ᱠᱮᱨᱟᱞᱟ ᱨᱮᱭᱟᱜ ᱜᱮᱡᱮᱴ ᱨᱮ ᱩᱪᱷᱟᱹᱱ ᱞᱮᱱᱟ᱾[᱑᱓]
ᱱᱟᱜᱟᱢ
ᱥᱟᱯᱲᱟᱣᱵᱟᱰᱟᱭ ᱛᱮᱱᱟᱜ
ᱥᱟᱯᱲᱟᱣᱦᱚᱲ ᱞᱮᱠᱷᱟ ᱨᱤᱯᱳᱨᱴ
ᱥᱟᱯᱲᱟᱣᱦᱚᱲ ᱞᱮᱠᱷᱟ
ᱥᱟᱯᱲᱟᱣᱫᱷᱚᱨᱚᱢ ᱞᱮᱠᱷᱟ ᱠᱚ
ᱥᱟᱯᱲᱟᱣᱯᱟᱹᱨᱥᱤ ᱞᱮᱠᱷᱟ ᱠᱚ
ᱥᱟᱯᱲᱟᱣᱥᱤᱠᱷᱱᱟᱹᱛ
ᱥᱟᱯᱲᱟᱣᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Decadal Growth censusindia.gov.in". Census India. 31 May 2011. Retrieved 3 June 2023.
- ↑ "India's population at 5pm today – 127,42,39,769". The Times of India. Press Trust of India. 11 July 2015.
- ↑ ᱓.᱐ ᱓.᱑ C Chandramouli (23 August 2011). "Census of India 2011 – A Story of Innovations". Press Information Bureau, Government of India.
- ↑ "Do we really need the census?". The Economic Times. 26 August 2017.
- ↑ "Demand for caste census rocks Lok Sabha". The Times of India. 4 May 2010.
- ↑ Blakely, Rhys (10 May 2010). "India to conduct first record of nation's caste system since days of the Raj". The Times. Archived from the original on 28 May 2010.
- ↑ Jha, Suman K (18 December 2009). "OBC data not in 2011 Census, says Moily". The Indian Express. Retrieved 24 July 2016.
- ↑ "No data since 1931, will 2011 Census be all-caste inclusive?". The Times of India. TNN. 11 March 2010. Archived from the original on 2 December 2013.
- ↑ Sachar, Rajindar (28 May 2010). "Caste in Census 2011: Is it necessary?". The Economic Times. Archived from the original on 2 December 2013.
- ↑ "OBCs form 41% of population: Survey". The Times of India. 1 September 2007. Archived from the original on 23 August 2013.
- ↑ "Govt releases socio-economic and caste census for better policy-making". Hindustan Times. Press Trust of India. 3 July 2015.
- ↑ "OBc count: 52 or 41%?". The Times of India. 1 November 2006. Archived from the original on 3 December 2013.
- ↑ G.O.K dew1971: Appendix XVIII