ᱚᱜᱟᱥᱴᱟᱥ ᱥᱮ ᱥᱚᱨᱟᱴ ᱚᱜᱟᱥᱴᱟᱥ(᱒᱓ ᱥᱮᱯᱴᱮᱢᱵᱚᱨ ᱡᱤᱥᱩ ᱡᱟᱱᱟᱢ ᱖᱓ ᱥᱮᱨᱢᱟ ᱞᱟᱦᱟ – ᱑᱙ ᱟᱜᱚᱥᱴ ᱡᱤᱥᱩ ᱡᱟᱱᱟᱢ ᱑᱔ ᱥᱮᱨᱢᱟ ᱛᱟᱭᱚᱢ) ᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱨᱮᱱ ᱯᱩᱭᱞᱩ ᱥᱚᱢᱨᱟᱴ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤᱭᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱ ᱛᱟᱭᱟ ᱚᱠᱛᱟᱵᱷᱤᱣᱥ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱟᱡᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮᱫ ᱜᱟᱣᱥ ᱤᱣᱞᱤᱣᱥ ᱠᱟᱭᱮᱥᱟᱨ ᱚᱠᱛᱟᱵᱷᱤᱭᱟᱱᱩᱥ ᱮ ᱫᱚᱦᱚ ᱠᱮᱫᱼᱟ᱾ ᱥᱚᱢᱨᱟᱴ ᱦᱩᱭᱩᱜ ᱞᱟᱦᱟ ᱨᱮ ᱚᱠᱛᱟᱵᱷᱤᱭᱟᱱ ᱧᱩᱛᱩᱢ ᱛᱮᱦᱚᱸᱭ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱ᱾ ᱚᱜᱟᱥᱴᱟᱥ ᱫᱚ autocracy ᱥᱟᱥᱚᱱ ᱮ ᱪᱟᱹᱞᱩ ᱞᱮᱫᱼᱟ᱾ ᱚᱠᱟ ᱛᱮ ᱯᱨᱤᱝᱠᱤᱯᱟᱛᱮ ᱧᱩᱛᱩᱢ ᱛᱮ ᱠᱚ ᱢᱮᱛᱟᱜ ᱠᱟᱱᱟ᱾ ᱚᱜᱟᱥᱴᱟᱥ ᱫᱚ ᱱᱤᱭᱟᱹ ᱨᱟᱥᱴᱨᱚ ᱨᱮᱱ ᱯᱨᱤᱝᱠᱮᱯᱥ ᱥᱮ ᱯᱩᱭᱞᱩ ᱱᱟᱜᱟᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱱᱤᱭᱟᱹ ᱥᱟᱥᱚᱱ ᱫᱚ ᱵᱟᱦᱨᱮ ᱧᱮᱞᱛᱮ ᱡᱚᱛᱚ ᱦᱚᱲ ᱞᱟᱹᱜᱤᱫ ᱢᱚᱱᱮᱜ ᱠᱟᱱ ᱛᱟᱦᱮᱸᱱ ᱨᱮᱦᱚᱸ ᱱᱤᱭᱟᱹ ᱠᱟᱹᱢᱤ ᱨᱮ ᱞᱟᱜᱟᱣ ᱠᱟᱛᱮᱫ ᱚᱜᱟᱥᱴᱟᱥ ᱫᱚ ᱟᱡ ᱜᱮ ᱡᱚᱛᱚᱭ ᱟᱢᱮᱴᱮᱫ ᱠᱟᱱ ᱛᱟᱦᱮᱸᱱ ᱾ ᱜᱽᱨᱤᱠ ᱟᱨ ᱨᱳᱢᱟᱱ ᱫᱤᱥᱟᱹᱢ ᱨᱮ ᱛᱷᱤᱨ ᱟᱨ ᱩᱛᱱᱟᱹᱣ ᱮ ᱟᱹᱜᱩ ᱞᱮᱫ-ᱟ ᱾ ᱱᱟᱜᱟᱢ ᱨᱮᱱ ᱛᱩᱠᱷᱟᱹᱲ ᱢᱤᱫ ᱟᱹᱭᱩᱨᱤᱡ ᱢᱮᱱᱛᱮᱭ ᱞᱮᱠᱷᱟᱜᱼᱟ ᱚᱜᱟᱥᱴᱟᱥ ᱫᱚ ᱾

ᱚᱜᱟᱥᱴᱟᱥ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ Gaius Octavius Thurinus
23 September 63 BC
Rome, Roman Republic
ᱜᱩᱨ 19 August AD 14 (aged 75)
Nola, Italia, Roman Empire
ᱫᱤᱥᱚᱢᱤᱭᱟᱹ Roman
Statue-ᱚᱜᱟᱥᱴᱟᱥ
Roman

ᱡᱤᱭᱚᱱᱥᱟᱯᱲᱟᱣ

ᱚᱜᱟᱥᱴᱟᱥ ᱫᱚ ᱢᱤᱫ ᱠᱤᱥᱟᱹᱬ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱟᱡ ᱜᱚᱲᱚᱢ ᱦᱟᱲᱟᱢ ᱨᱮᱱ ᱵᱚᱭᱦᱟ ᱡᱩᱞᱤᱭᱟᱥ ᱥᱤᱡᱟᱨ ᱨᱮᱱ ᱟᱹᱥᱩᱞ ᱜᱤᱫᱽᱨᱟᱹ ᱟᱨ ᱵᱚᱸᱥ ᱞᱮᱠᱟᱛᱮᱭ ᱧᱩᱛᱩᱢ ᱮᱱᱟ᱾ ᱥᱤᱡᱟᱨ ᱮ ᱜᱚᱡ ᱛᱟᱭᱚᱢ ᱨᱳᱢ ᱨᱮ ᱠᱷᱚᱢᱚᱛᱟ ᱨᱮᱱᱟᱜ ᱨᱮᱯᱮᱪᱮᱡ ᱮᱦᱚᱵ ᱮᱱᱟ᱾ ᱢᱟᱨᱠ ᱮᱢᱴᱚᱱᱤ ᱟᱨ ᱞᱮᱯᱤᱫᱩᱥ ᱥᱟᱶ ᱩᱱᱤ ᱫᱚ ᱛᱮᱥᱟᱨ ᱥᱟᱥᱚᱱᱤᱭᱟᱹ ᱞᱮᱠᱟᱛᱮ ᱔᱓ ᱡᱤᱥᱩ ᱡᱟᱱᱟᱢ ᱞᱟᱦᱟ ᱵᱮᱱᱟᱣ ᱨᱩᱣᱟᱹᱲ ᱨᱳᱢᱟᱱ ᱨᱟᱡᱽ ᱥᱟᱥᱚᱱ ᱮ ᱮᱦᱚᱵ ᱮᱫ-ᱟ᱾ ᱡᱤᱥᱩ ᱡᱟᱱᱟᱢ ᱔᱒ ᱥᱮᱨᱢᱟ ᱞᱟᱦᱟ ᱥᱤᱡᱟᱨ ᱨᱮᱱ ᱜᱚᱜᱚᱡᱤᱡ ᱵᱨᱩᱴᱟᱥ ᱟᱨ ᱠᱟᱥᱤᱣᱥ ᱛᱟᱹᱠᱤᱱ ᱯᱷᱤᱞᱤᱯᱯᱤ ᱨᱮ ᱦᱤᱨᱟᱹᱣ ᱠᱟᱛᱮᱜ ᱚᱠᱛᱟᱵᱷᱤᱭᱟᱱ ᱟᱨ ᱢᱟᱨᱠ ᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱵᱟᱨ ᱵᱷᱟᱜᱽ ᱛᱮ ᱠᱤᱱ ᱦᱟᱹᱴᱤᱧ ᱡᱚᱝ ᱟᱱᱟ᱾ ᱚᱠᱛᱟᱵᱷᱤᱭᱟᱱ ᱫᱚ ᱥᱟᱢᱨᱟᱡᱽᱡᱚ ᱨᱮᱭᱟᱜ ᱯᱩᱪᱷᱤᱢ ᱥᱮᱫ ᱮ ᱧᱟᱢ ᱠᱮᱫ-ᱟ ᱾ ᱚᱱᱟ ᱛᱟᱭᱚᱢ ᱚᱠᱛᱟᱵᱷᱤᱭᱟᱱ ᱫᱚ ᱟᱭᱢᱟ ᱵᱟᱹᱭᱨᱤ ᱠᱚ ᱥᱟᱶ ᱞᱟᱹᱲᱦᱟᱹᱭ ᱠᱟᱛᱮᱫ ᱮ ᱫᱟᱲᱮ ᱤᱫᱤᱭᱮᱱᱟ ᱾ ᱡᱤᱥᱩ ᱡᱟᱱᱟᱢ ᱓᱒ ᱥᱮᱨᱢᱟ ᱞᱟᱦᱟᱨᱮ ᱞᱮᱯᱤᱫᱩᱥ ᱟᱨ ᱓᱑ ᱥᱮᱨᱢᱟ ᱨᱮ ᱫᱚ ᱚᱱᱴᱚᱱᱤ ᱟᱨ ᱢᱤᱥᱚᱨ ᱨᱮᱱ ᱨᱟᱱᱤ ᱠᱞᱤᱣᱚᱯᱮᱴᱨᱟ ᱛᱤᱠᱤᱱ ᱮ ᱦᱤᱨᱟᱹᱣ ᱠᱮᱫ ᱠᱤᱱᱟ᱾ ᱚᱱᱟ ᱥᱟᱶ ᱜᱨᱤᱠ ᱟᱨ ᱨᱳᱢᱟᱱ ᱨᱮᱱᱟᱜ ᱠᱷᱚᱢᱚᱛᱟᱭ ᱟᱢᱮᱴ ᱠᱮᱫ-ᱟ ᱾ ᱡᱤᱥᱩ ᱡᱟᱱᱟᱢ ᱞᱟᱦᱟ ᱓᱑ ᱠᱷᱚᱱ ᱒᱓ ᱦᱟᱹᱵᱤᱡ ᱫᱚ ᱨᱳᱢᱟᱱ ᱨᱟᱡᱽ ᱨᱮᱱ ᱠᱚᱱᱥᱟᱞ ᱞᱮᱠᱟᱛᱮᱭ ᱠᱟᱹᱢᱤᱭᱮᱫ ᱠᱟᱱ ᱛᱟᱦᱮᱹᱱ ᱾ ᱒᱗ ᱥᱮᱨᱢᱟ ᱚᱜᱟᱥᱴᱟᱥ ᱩᱯᱟᱫᱷᱤᱭ ᱧᱟᱢ ᱠᱮᱫ-ᱟ ᱾ ᱒᱓ ᱥᱮᱨᱢᱟ ᱨᱮ ᱫᱚ ᱮᱠᱱᱟᱭᱚᱠ ᱢᱟᱱᱚᱛ ᱮ ᱧᱟᱢ ᱠᱮᱫ-ᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱨᱳᱢᱟᱱ ᱥᱟᱢᱨᱟᱡᱽᱡᱚ ᱨᱮᱱᱟᱜ ᱥᱟᱥᱚᱱ ᱵᱮᱵᱚᱥᱛᱷᱟ ᱥᱟᱡᱟᱣ ᱨᱟᱠᱟᱵ ᱮ ᱮᱦᱚᱵ ᱠᱮᱫ-ᱟ᱾ ᱤᱣᱨᱳᱯ ᱨᱮᱱᱟᱜ ᱟᱭᱢᱟ ᱱᱟᱣᱟ ᱡᱟᱜᱟᱭ ᱡᱤᱛᱠᱟᱹᱨ ᱠᱮᱫ-ᱟ ᱾ ᱜᱚᱡ ᱛᱟᱭᱚᱢ ᱩᱱᱤ ᱫᱚ ᱵᱚᱸᱜᱟ ᱞᱮᱠᱟ ᱠᱚ ᱢᱟᱱᱟᱣ ᱠᱮᱫᱮᱭᱟ ᱾ ᱟᱨ ᱩᱱᱤ ᱨᱮᱱ ᱟᱹᱥᱩᱞ ᱜᱤᱫᱽᱨᱟᱹ ᱛᱤᱵᱮᱨᱤᱣᱥ ᱣᱟᱜ ᱛᱤ ᱨᱮ ᱨᱳᱢᱟᱱ ᱨᱟᱡᱽ ᱠᱚ ᱞᱟᱫᱮ ᱠᱮᱫ-ᱟ᱾

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ

ᱯᱷᱮᱰᱮᱛᱥᱟᱯᱲᱟᱣ