ᱚᱢᱟᱨ ᱠᱟᱨᱟᱢᱤ
ᱚᱢᱟᱨ ᱠᱟᱨᱟᱢᱤ (ᱤᱝᱨᱟᱹᱡᱤᱺ Omar Abdul Hamid Karami; ᱟᱨᱟᱵᱤᱠ: عمر عبد الحميد كرامي; ᱗ ᱥᱮᱯᱴᱮᱢᱵᱚᱨ ᱑᱙᱓᱔- ᱑ ᱡᱟᱱᱩᱣᱟᱨᱤ ᱒᱐᱑᱕) ᱫᱚ ᱞᱮᱵᱟᱱᱚᱱ ᱫᱤᱥᱚᱢ ᱨᱮᱱ ᱒᱙ ᱟᱹᱱᱤᱡ ᱢᱟᱨᱟᱝ ᱢᱚᱱᱛᱨᱤᱭᱮ ᱛᱟᱦᱮᱸᱠᱟᱱᱟ, ᱚᱠᱚᱭ ᱫᱚ ᱵᱟᱨᱭᱟ ᱵᱮᱜᱟᱨ ᱵᱮᱜᱟᱨ ᱠᱟᱹᱢᱤ ᱱᱟᱝ ᱨᱮᱭᱟᱜ ᱫᱟᱭᱤᱠ ᱵᱷᱟᱨᱮ ᱦᱟᱢᱮᱴ ᱞᱮᱫᱟ ᱾ ᱩᱱᱤ ᱫᱚ ᱯᱟᱹᱦᱤᱞ ᱫᱷᱟᱣ ᱞᱟᱹᱜᱤᱫ ᱒᱔ ᱰᱤᱥᱮᱢᱵᱚᱨ ᱑᱙᱙᱐ ᱥᱮᱨᱢᱟ ᱨᱮ ᱢᱟᱨᱟᱝ ᱢᱚᱱᱛᱨᱤᱭᱮ ᱦᱩᱭ ᱞᱮᱱᱟ, ᱥᱟᱞᱤᱢ ᱟᱞ-ᱦᱚᱥ ᱛᱟᱭᱚᱢ ᱩᱱᱤ ᱫᱚ ᱢᱮᱹᱭ ᱑᱙᱙᱒ ᱥᱮᱨᱢᱟ ᱦᱟᱹᱵᱤᱡ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟ ᱛᱮᱭᱮ ᱛᱟᱦᱮᱸᱠᱟᱱᱟ, ᱟᱨ ᱤᱱᱟᱹ ᱛᱟᱭᱱᱚᱢ ᱫᱚ ᱫᱟᱹᱭᱤᱠᱮ ᱡᱟᱢᱟᱹ ᱠᱟᱫᱟ ᱪᱮᱫᱟᱜ ᱥᱮ ᱩᱱᱤ ᱫᱚ ᱠᱟᱹᱣᱰᱤ ᱟᱹᱨᱤ ᱵᱟᱭ ᱰᱟᱱᱴᱟᱣ ᱫᱟᱲᱮᱭᱟᱜ ᱛᱮ ᱾ ᱫᱚᱥᱟᱨ ᱫᱷᱟᱣ ᱩᱱᱤ ᱫᱚ ᱚᱠᱴᱚᱵᱚᱨ ᱒᱐᱐᱔ ᱠᱷᱚᱱ ᱮᱯᱨᱤᱞ ᱒᱐᱐᱕ ᱥᱮᱨᱢᱟ ᱦᱟᱹᱵᱤᱡ ᱞᱮᱵᱟᱱᱚᱱ ᱨᱮᱱ ᱢᱟᱨᱟᱝ ᱢᱚᱱᱛᱨᱤ ᱨᱮᱭᱟᱜ ᱫᱟᱭᱤᱠ ᱵᱷᱟᱨᱮ ᱜᱚᱜ ᱞᱮᱫᱟ ᱾
| ᱚᱢᱟᱨ ᱠᱟᱨᱟᱢᱤ Omar Karami عمر كرامي | |
|---|---|
| ᱞᱮᱵᱟᱱᱚᱱ ᱨᱮᱱ ᱢᱟᱨᱟᱝ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱖ ᱚᱠᱴᱚᱵᱚᱨ ᱒᱐᱐᱔ – ᱑᱙ ᱮᱯᱨᱤᱞ ᱒᱐᱐᱕ | |
| ᱫᱤᱥᱚᱢ ᱜᱚᱢᱠᱮ | ᱮᱢᱤᱞᱤ ᱞᱟᱦᱩᱫᱽ |
| Deputy | ᱤᱥᱟᱢ ᱯᱷᱟᱨᱤᱥ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱨᱟᱯᱷᱤᱠ ᱦᱟᱨᱤᱨᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱱᱟᱡᱤᱵᱽ ᱢᱤᱠᱟᱛᱤ |
| ᱟᱹᱢᱟᱹᱞᱤ ᱨᱮ ᱒᱔ ᱰᱤᱥᱮᱢᱵᱚᱨ ᱑᱙᱙᱐ – ᱑᱓ ᱢᱮᱹᱭ ᱑᱙᱙᱒ | |
| ᱫᱤᱥᱚᱢ ᱜᱚᱢᱠᱮ | ᱤᱞᱤᱭᱟᱥ ᱦᱨᱟᱣᱤ |
| Deputy | ᱢᱤᱠᱮᱞ ᱢᱩᱨᱨ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱮᱞᱤᱢ ᱟᱞ-ᱦᱚᱥ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱨᱟᱥᱤᱫᱽ ᱮᱞ-ᱥᱚᱞᱦ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱗ ᱥᱮᱯᱴᱮᱢᱵᱚᱨ ᱑᱙᱓᱔ ᱟᱱ ᱱᱚᱣᱨᱤ, ᱯᱷᱨᱟᱱᱥ ᱞᱮᱵᱟᱱᱚᱱ |
| ᱜᱩᱨ | ᱑ ᱡᱟᱱᱩᱣᱟᱨᱤ ᱒᱐᱑᱕ (᱘᱐ ᱵᱚᱭᱚᱥ) ᱵᱮᱭᱨᱩᱛ, ᱞᱮᱵᱟᱱᱚᱱ |
| ᱡᱟᱹᱛᱤᱭᱟᱹᱨᱤ | ᱞᱮᱵᱟᱱᱤᱥ |
| ᱨᱟᱡᱽᱟᱹᱨᱤ ᱫᱚᱞ | ᱟᱨᱟᱵᱽ ᱞᱤᱵᱟᱨᱮᱥᱚᱱ ᱯᱟᱨᱴᱤ |
ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱠᱟᱨᱟᱢᱤ ᱫᱚ ᱗ ᱥᱮᱯᱴᱮᱢᱵᱚᱨ ᱑᱙᱓᱔ ᱢᱟᱹᱦᱤᱛ ᱨᱮᱭᱮ ᱡᱟᱱᱟᱢ ᱞᱮᱱᱟ, ᱞᱮᱵᱟᱱᱚᱱ ᱫᱤᱥᱚᱢ ᱨᱮᱭᱟᱜ ᱱᱚᱣᱨᱤ ᱱᱟᱝᱜᱽᱨᱟᱦᱟ ᱥᱩᱨ ᱨᱮᱭᱟᱜ ᱛᱨᱤᱯᱚᱞᱤ ᱧᱩᱛᱩᱢᱟᱱ ᱡᱟᱭᱜᱟ ᱨᱮ ᱾ ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸᱠᱟᱱᱟ ᱟᱵᱽᱫᱩᱞ ᱦᱟᱢᱤᱫᱽ ᱠᱟᱨᱟᱢᱤ ᱾ ᱩᱱᱠᱚᱣᱟᱜ ᱜᱷᱟᱨᱚᱧᱡᱽ ᱫᱚ ᱢᱤᱫ ᱥᱩᱱᱱᱤ ᱢᱩᱥᱞᱤᱢ ᱜᱟᱛᱟᱠ ᱨᱮᱱ ᱠᱚ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱢᱟᱨᱮ ᱢᱟᱨᱟᱝ ᱢᱚᱱᱛᱨᱤ ᱟᱨ ᱯᱷᱩᱨᱜᱟᱹᱞ ᱵᱤᱨᱵᱟᱱᱴᱟ ᱟᱵᱽᱫᱩᱞ ᱦᱟᱢᱤᱫᱽ ᱠᱟᱨᱟᱢᱤ ᱨᱮ ᱢᱟᱨᱟᱝᱤᱡ ᱠᱚᱲᱟᱭ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱤᱨᱟᱹᱞ ᱫᱷᱟᱣ ᱟᱨᱟᱵᱽ ᱡᱟᱛᱤᱭᱚᱛᱟᱵᱟᱹᱫᱤ ᱢᱟᱨᱟᱝ ᱢᱚᱱᱛᱨᱤ ᱟᱨ ᱢᱟᱨᱟᱝ ᱞᱮᱵᱟᱱᱚᱱ ᱨᱮᱱ ᱨᱟᱡᱽ ᱱᱮᱛᱟ ᱨᱟᱥᱤᱫᱽ ᱠᱟᱨᱟᱢᱤ ᱨᱮᱱ ᱵᱚᱭᱦᱟᱭ ᱛᱟᱦᱮᱸᱠᱟᱱᱟ, ᱚᱠᱚᱭ ᱫᱚ ᱑᱙᱘᱗ ᱥᱮᱨᱢᱟ ᱨᱮ ᱜᱚᱡ ᱞᱮᱫᱮ[᱑]| ᱚᱢᱟᱨ ᱠᱟᱨᱟᱢᱤ ᱫᱚ ᱟᱹᱱ-ᱟᱹᱨᱤ ᱥᱟᱛᱷᱟᱢ ᱨᱮ ᱰᱤᱜᱽᱨᱤ ᱦᱟᱢᱮᱴ ᱞᱮᱰᱟ, ᱚᱠᱟ ᱫᱚ ᱩᱱᱤ ᱑᱙᱕᱖ ᱥᱮᱨᱢᱟ ᱨᱮ ᱠᱟᱭᱨᱚ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱᱮ ᱦᱟᱢᱮᱴ ᱞᱮᱫ[᱒] ᱾
ᱠᱮᱨᱤᱭᱟᱨ ᱥᱟᱯᱲᱟᱣ
ᱠᱟᱨᱟᱢᱤ ᱵᱟᱨ ᱞᱮᱠᱟ ᱛᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱱᱟ ᱢᱤᱫ ᱫᱚ ᱩᱠᱤᱞ ᱟᱨᱢᱤᱫ ᱵᱮᱯᱟᱭᱤᱭᱟᱹ ᱞᱮᱠᱟ ᱛᱮ[᱓]| ᱑᱙᱘᱙ ᱥᱮᱨᱢᱟ ᱨᱮ, ᱩᱱᱤ ᱫᱚ ᱥᱮᱪᱮᱫ ᱢᱚᱱᱛᱨᱤ ᱞᱮᱠᱟ ᱛᱮᱠᱚ ᱵᱟᱦᱟᱞ ᱞᱮᱫᱮᱭᱟ, ᱟᱨ ᱒᱔ ᱱᱚᱵᱮᱢᱵᱚᱨ ᱑᱙᱙᱐ ᱢᱟᱹᱦᱤᱛ ᱨᱮ ᱫᱚ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟ ᱛᱮ[᱔]| ᱩᱱᱤ ᱫᱚ ᱢᱟᱨᱟᱝ ᱢᱚᱱᱛᱨᱤ ᱨᱮᱭᱟᱜ ᱫᱟᱭᱤᱠ ᱵᱦᱟᱨ ᱑᱙᱙᱒ ᱥᱮᱨᱢᱟ ᱨᱮᱭᱟᱜ ᱢᱮᱹᱭ ᱪᱟᱱᱫᱚ ᱦᱟᱹᱵᱤᱡ-ᱮ ᱠᱟᱹᱢᱤ ᱞᱮᱫᱟ, ᱛᱟᱭᱚᱢ ᱛᱮ ᱫᱚᱭ ᱡᱤᱢᱟᱹ ᱠᱟᱫᱟ ᱪᱮᱫᱟᱜ ᱥᱮ ᱩᱱ ᱚᱠᱛᱚ ᱟᱢᱮᱨᱤᱠᱟ ᱨᱮᱭᱟᱜ ᱰᱚᱞᱟᱨ ᱡᱚᱠᱷᱟ ᱨᱮ ᱞᱮᱵᱟᱱᱚᱱ ᱯᱟᱣᱩᱱᱰ ᱟᱹᱢᱤ ᱠᱚᱢᱟᱣ ᱞᱮᱱᱟ ᱟᱨ ᱱᱮ-ᱦᱚᱲ ᱠᱚ ᱰᱟᱦᱟᱨ ᱟᱱᱫᱚᱲ ᱨᱮᱠᱚ ᱯᱷᱮᱰ ᱞᱮᱱᱟ ᱾ ᱠᱟᱨᱟᱢᱤ ᱫᱚ ᱑᱙᱙᱑ ᱥᱮᱨᱢᱟ ᱟᱡ ᱫᱟᱫᱟ ᱜᱚᱡ ᱛᱟᱭᱚᱢ ᱛᱨᱤᱯᱚᱞᱤ ᱠᱷᱚᱱ ᱥᱟᱥᱝᱥᱚᱫᱽ ᱞᱮᱠᱟ ᱛᱮᱠᱚ ᱵᱟᱪᱷᱱᱟᱣ ᱞᱮᱫᱮᱭᱟ ᱾ ᱛᱟᱭᱚᱢ ᱛᱮ ᱟᱨᱦᱚᱸ ᱒᱐᱐᱔ ᱥᱮᱨᱢᱟ ᱨᱮ ᱨᱟᱯᱷᱤᱠ ᱦᱟᱨᱤᱨᱤ ᱨᱤᱡᱟᱭᱤᱱ ᱛᱟᱭᱚᱢ ᱥᱚᱨᱠᱟᱨᱮ ᱵᱟᱱᱫᱷᱟᱣ ᱞᱮᱫᱟ[᱕][᱖] ᱾
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
ᱥᱟ.ᱠᱷᱭᱟ.ᱛ ᱥᱟᱯᱲᱟᱣ
- ↑ Derhally, Massoud A. (17 January 2011). "Hezbollah Backs Karami for Premier as Lebanon Political Deadlock Deepens". Bloomberg. Retrieved 13 October 2012.
- ↑ Rola el Husseini (15 October 2012). Pax Syriana: Elite Politics in Postwar Lebanon. Syracuse University Press. p. 98. ISBN 978-0-8156-3304-4. Retrieved 15 March 2013.
- ↑ "Karami back to lead Lebanese Government". China Daily. Beirut. 12 March 2005. Retrieved 18 March 2013.
- ↑ Salem, Paul E. (22 September 1994). "The wounded republic: Lebanon's struggle for recovery". Arab Studies Quarterly. Retrieved 27 March 2013.
- ↑ Nada Raad; Nafez Kawas (27 October 2004). "Karami unveils final Cabinet lineup". The Daily Star. Bairut. Retrieved 15 March 2013.
- ↑ "Hezbollah ignored as Lebanon's top three leaders get major government shares". Lebanon Wire. 27 ᱚᱠᱴᱚᱵᱚᱨ 2004. Archived from the original on 21 ᱢᱟᱨᱪ 2013. Retrieved 25 ᱢᱟᱨᱪ 2013.