ᱚᱧᱡᱟᱞᱤ ᱫᱮᱵᱤ

ᱚᱧᱡᱟᱞᱤ ᱫᱮᱵᱤ
ᱚᱧᱡᱟᱞᱤ ᱫᱮᱵᱤ
	᱑᱙᱔᱙ ᱨᱮ ᱚᱧᱡᱟᱞᱤ ᱫᱮᱵᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	ᱚᱧᱡᱟᱱᱟᱢᱟ; ᱒᱔ ᱚᱜᱚᱥᱴ ᱑᱙᱒᱗; ᱯᱮᱰᱟᱯᱩᱨᱟᱢ, ᱮᱥᱴ ᱜᱳᱫᱟᱵᱚᱨᱤ, ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ (ᱱᱤᱛᱚᱜ ᱟᱱᱫᱷᱨᱚ ᱯᱨᱚᱫᱮᱥ ᱨᱮ), ᱵᱨᱤᱴᱤᱥ ᱤᱱᱰᱤᱭᱟ
ᱜᱩᱨ	᱑᱓ ᱡᱟᱱᱩᱣᱟᱨᱤ ᱒᱐᱑᱔ (᱘᱖ ᱵᱚᱭᱚᱥ); ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ, ᱥᱤᱧᱚᱛ
ᱠᱟᱹᱢᱤ	ᱯᱟᱴᱷᱚᱠᱤᱭᱟᱹ; ᱢᱚᱰᱮᱞ; ᱯᱷᱤᱞᱢ ᱯᱨᱚᱰᱤᱭᱩᱥᱚᱨ;
ᱡᱤᱭᱚᱱ ᱥᱚᱦᱮᱫ	ᱯᱤ. ᱟᱫᱤᱱᱟᱨᱟᱭᱚᱬᱟ ᱨᱟᱣ; (m. 1948; his death 1991)

ᱚᱧᱡᱟᱞᱤ ᱫᱮᱵᱤ (24 ᱟᱜᱚᱥᱴ 1927ᱼ13 ᱡᱟᱱᱩᱭᱟᱨᱤ 2014) ᱫᱚ ᱛᱟᱦᱮᱸ ᱠᱟᱱᱟᱭ ᱛᱮᱞᱮᱜᱩ , ᱛᱟᱢᱤᱞ ᱪᱚᱞᱚᱛᱪᱤᱛᱟᱹᱨ ᱨᱮᱱ ᱢᱤᱫ ᱵᱷᱟᱨᱚᱛᱤᱭᱚ ᱯᱟᱴᱷᱚᱠᱤᱭᱟᱹ, ᱢᱚᱰᱮᱞ ᱟᱨ ᱥᱟᱯᱲᱟᱣᱤᱡ ᱾ ᱩᱱᱤ ᱫᱚ ᱞᱟᱵᱷᱟ ᱠᱩᱥᱟ ᱨᱮ ᱫᱮᱵᱤ ᱥᱤᱛᱟᱨᱮ ᱪᱩᱨᱤᱛ ᱨᱮ ᱯᱟᱴᱷ ᱞᱟᱹᱜᱤᱫ ᱟᱨ ᱪᱮଞ୍ଚୁ ᱞᱚᱠᱠᱷᱤ,ᱥᱩᱵᱚᱨᱱᱟ ᱥᱩᱱᱫᱚᱨ ᱟᱨ ᱟᱱᱟᱨᱠᱟᱞᱤ ᱞᱮᱠᱟᱱ ᱪᱚᱞᱚᱛᱪᱤᱛᱟᱹᱨ ᱨᱮ ᱧᱩᱛᱩᱢᱟᱱ ᱪᱩᱨᱤᱛ ᱨᱮ ᱯᱟᱴᱷ ᱠᱷᱟᱹᱛᱤᱨ ᱟᱹᱰᱤ ᱩᱯᱨᱩᱢᱮ ᱧᱟᱢ ᱞᱮᱫᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱟᱧᱡᱚᱞᱤ ᱫᱮᱵᱤ ᱫᱚ ᱟᱧᱡᱚᱢᱢᱟ ᱧᱩᱛᱩᱢ ᱛᱮ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱᱟᱜ ᱯᱩᱨᱩᱵᱽ ᱜᱳᱫᱟᱵᱚᱨᱤ ᱦᱚᱱᱚᱛ ᱨᱮᱱᱟᱜ ᱯᱮᱰᱟᱯᱩᱨᱟᱢ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱰᱨᱟᱢᱟ ᱨᱮ ᱠᱟ.ᱢᱤ ᱠᱟᱛᱮ ᱟᱡᱟᱜ ᱧᱩᱛᱩᱢ ᱫᱚ ᱟᱧᱡᱟᱱᱤ ᱠᱩᱢᱟᱨᱤ ᱧᱩᱛᱩᱢ ᱛᱮ ᱩᱪᱷᱟ. ᱛᱟᱭᱚᱢ ᱛᱮ, ᱰᱟᱭᱨᱮᱠᱴᱚᱨ C. ᱯᱩᱞᱟᱞᱤᱭᱟ ᱫᱚ ᱟᱡᱟᱜ ᱧᱩᱛᱩᱢ ᱫᱚ ᱟᱧᱡᱚᱞᱤ ᱫᱮᱵᱤ ᱧᱩᱛᱩᱢ ᱛᱮ ᱩᱪᱷᱟ.ᱱ ᱞᱮᱫᱟ ᱾^[᱑]

ᱠᱟᱹᱢᱤᱡᱤᱭᱚᱱ

ᱯᱟᱴᱷᱚᱠᱤᱭᱟᱹ ᱞᱮᱠᱟᱛᱮ

ᱪᱚᱞᱚᱛᱪᱤᱛᱟᱹᱨ ᱨᱮ ᱦᱮᱡ ᱞᱟᱦᱟ ᱩᱱᱤ ᱫᱚ ᱢᱤᱫ ᱦᱚᱲ ᱜᱟᱭᱟᱱ ᱠᱟᱹᱨᱤᱜᱚᱞ ᱮ ᱛᱟᱸᱦᱮ ᱠᱟᱱᱟ, 1936 ᱥᱟᱹᱦᱤᱛ ᱨᱮ "ᱨᱟᱡᱟ ᱦᱚᱨᱤᱥᱪᱚᱱᱫᱨᱚ" ᱪᱤᱛᱟᱹᱨ ᱨᱮ ᱞᱳᱦᱤᱛᱥᱚᱵ ᱪᱩᱨᱤᱛ ᱨᱮ ᱟᱭᱟᱜ ᱯᱳᱭᱞᱳ ᱪᱚᱞᱚᱛ ᱪᱤᱛᱟᱹᱨ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ 1940 ᱥᱟᱹᱦᱤᱛ ᱨᱮ ᱮᱞ ᱵᱷᱤ ᱯᱨᱟᱥᱚᱫ ᱟᱜ ᱠᱟᱥᱴᱚᱡᱮᱵᱷᱤ ᱫᱚ ᱛᱟᱸᱦᱮ ᱠᱟᱱᱟ ᱯᱟᱴᱷᱚᱠᱤᱭᱟᱹ ᱞᱮᱠᱟᱛᱮ ᱟᱭᱟᱜ ᱯᱳᱭᱞᱳ ᱪᱤᱛᱟᱹᱨ, ᱢᱮᱱᱠᱷᱟᱱ ᱯᱮᱭᱟ ᱨᱤᱞ ᱨᱮ ᱪᱤᱛᱟᱹᱨ ᱵᱮᱱᱟᱣ ᱛᱟᱭᱚᱢ ᱚᱱᱟ ᱪᱤᱛᱟᱹᱨ ᱫᱚ ᱵᱟᱛᱤᱞ ᱞᱮᱱᱟ ᱾ ᱛᱟᱭᱚᱢᱛᱮ, ᱩᱱᱤ ᱵᱟᱰᱟᱭ ᱧᱟᱢ ᱞᱮᱫᱟ ᱟᱨ ᱩᱱᱤ ᱜᱳᱞᱞᱟᱵᱷᱟᱢᱟ (1947) ᱪᱤᱛᱟᱹᱨ ᱨᱮ ᱢᱳᱦᱤᱱᱤ ᱪᱩᱨᱤᱛ ᱨᱮ ᱯᱟᱴᱷ ᱨᱮᱭᱟᱜ ᱫᱟᱣ ᱮ ᱮᱢ ᱞᱮᱫᱟ ᱾ ᱟᱡᱟᱜ ᱯᱟᱴᱷ ᱫᱟᱲᱮ ᱟᱨ ᱧᱮᱞᱟᱱ ᱪᱮᱛᱟᱱ ᱴᱮᱦᱟᱴ ᱠᱟᱛᱮ, 1947 ᱥᱟᱹᱦᱤᱛ ᱨᱮ ᱩᱱᱤ ᱫᱚ ᱢᱤᱫ ᱫᱤᱱ ᱨᱮ ᱢᱤᱫᱴᱟᱝ ᱥᱴᱟᱨ ᱮ ᱵᱮᱱᱟᱣ ᱞᱮᱱᱟ ᱾ ᱢᱩᱪᱟᱹᱫ ᱩᱱᱤ 350 ᱜᱚᱴᱟᱝ ᱠᱷᱚᱱ ᱦᱚᱸ ᱡᱟᱹᱥᱛᱤ ᱪᱚᱞᱚᱛᱪᱤᱛᱟᱹᱨ ᱨᱮᱭ ᱚᱵᱷᱤᱱᱚᱭ ᱞᱮᱫᱟ, ᱡᱟᱦᱟᱸ ᱨᱮᱭᱟᱜ ᱡᱟᱹᱥᱛᱤ ᱦᱤᱸᱥ ᱜᱮ ᱛᱮᱞᱮᱜᱩ ᱪᱚᱞᱚᱛᱪᱤᱛᱟᱹᱨ ᱟᱨ ᱠᱤᱪᱷᱩᱜᱟᱱ ᱦᱤᱱᱫᱤ, ᱛᱟᱢᱤᱞ ᱟᱨ ᱠᱚᱱᱱᱚᱲ ᱪᱚᱞᱚᱛᱪᱤᱛᱟᱹᱨ ᱨᱮ ᱱᱟᱭᱚᱠ ᱞᱮᱠᱟᱛᱮ ᱵᱟᱝᱠᱷᱟᱱ ᱪᱩᱨᱤᱛ ᱨᱮ ᱯᱟᱴᱷ ᱞᱮᱫᱟᱭ ᱾^[᱒]

ᱩᱱᱤ ᱫᱚ 1963 ᱥᱟᱹᱦᱤᱛ ᱨᱮ ᱛᱮᱞᱮᱜᱩ ᱪᱚᱞᱚᱛᱪᱤᱛᱟᱹᱨ ᱵᱤᱨᱤᱫ ᱨᱮ ᱯᱳᱭᱞᱳ ᱨᱚᱝ ᱟᱱᱟᱜ ᱪᱚᱞᱚᱛᱪᱤᱛᱟᱹᱨ ᱟᱨ ᱢᱤᱫᱴᱟᱝ ᱢᱳᱞᱠᱟᱯ ᱟᱱᱟᱜ ᱪᱤᱛᱟᱹᱨ ᱞᱟᱵᱷᱟ ᱠᱩᱥᱟ ᱨᱮᱭ ᱯᱟᱴᱷ ᱞᱮᱫᱟ ᱾ ᱩᱱᱤ ᱫᱚ ᱞᱟᱵᱷᱟ ᱠᱩᱥᱟ ᱨᱮ ᱥᱤᱛᱟᱨᱮ ᱪᱩᱨᱤᱛ ᱨᱮ ᱯᱟᱴᱷ ᱞᱟᱹᱜᱤᱫ ᱩᱯᱨᱩᱢ ᱞᱮᱱᱟᱭ ᱟᱨ ᱥᱩᱵᱚᱨᱱᱟ ᱥᱩᱱᱫᱚᱨ ᱾ ᱟᱱᱟᱨᱠᱟᱞᱤ ᱞᱮᱠᱟᱱ ᱪᱤᱛᱟᱹᱨ ᱨᱮᱦᱚᱸ ᱩᱱᱤᱭᱟᱜ ᱯᱟᱴᱷ ᱠᱚ ᱥᱟᱨᱦᱟᱣ ᱞᱮᱫᱟ ᱾ ᱵᱨᱩᱱᱰᱟᱵᱚᱱᱚᱢ (1992) ᱟᱱᱱᱟ ᱵᱷᱟᱫᱤᱱᱟ (1993) ᱟᱨ ᱯᱩᱞᱤᱥ ᱟᱞᱞᱩᱫᱩ (1994) ᱩᱱᱤᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮᱭᱟᱜ ᱢᱩᱪᱟᱹᱫ ᱠᱤᱪᱷᱩ ᱪᱚᱞᱚᱛ ᱪᱤᱛᱟᱹᱨ ᱛᱟᱦᱮᱸᱠᱟᱱᱟ ᱾ ᱵᱞᱟᱭᱦᱟ ᱟᱜ ᱯᱩᱞᱤᱥ ᱟᱞᱞᱩᱫᱩ ᱾ ᱟᱱᱱᱟ ᱵᱷᱟᱫᱤᱱᱟ ᱨᱮ ᱩᱱᱤ ᱫᱚ ᱵᱨᱟᱢᱵᱚᱱᱫᱚᱢ ᱥᱟᱶ ᱮ ᱥᱮᱴᱮᱨ ᱞᱮᱱᱟ ᱾ ᱩᱱᱤ ᱟᱭᱢᱟ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ, ᱡᱮᱞᱮᱠᱟ ᱢᱤᱫ ᱛᱤᱨᱞᱟᱹ, ᱢᱤᱫ ᱫᱚᱵᱟᱭ, ᱢᱤᱫ ᱮᱱᱮᱡ, ᱢᱤᱫ ᱥᱚᱛᱛ, ᱢᱤᱫ ᱫᱮᱵᱤ, ᱢᱤᱫ ᱥᱮᱨᱣᱟ ᱟᱱᱟᱜ ᱛᱤᱨᱞᱟᱹ ᱟᱨ ᱛᱟᱭᱚᱢᱛᱮ ᱟᱭᱳ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟᱭ ᱾^[᱓]

ᱯᱟᱨᱥᱟᱞᱤᱡ ᱞᱮᱠᱟᱛᱮ

1955 ᱥᱟᱹᱦᱤᱛ ᱨᱮ ᱩᱱᱤ ᱫᱚ ᱟᱱᱟᱨᱠᱟᱞᱤ ᱪᱚᱞᱚᱛ ᱪᱤᱛᱟᱹᱨ ᱮ ᱥᱟᱯᱲᱟᱣ ᱞᱮᱫᱟ, ᱡᱟᱦᱟᱸ ᱨᱮ ᱩᱱᱤ ᱟᱡ ᱜᱮ ᱧᱩᱛᱩᱢ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ, ᱟᱨ ᱚᱠᱠᱤᱱᱮᱱᱤ ᱱᱟᱜᱮᱥᱥᱚᱨ ᱨᱟᱣ ᱫᱚ ᱯᱨᱤᱱᱥ ᱥᱮᱞᱤᱢ ᱟᱜ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟᱭ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱵᱷᱤ ᱢᱫᱷᱩᱥᱩᱫᱚᱱ ᱨᱟᱣ ᱟᱜ ᱵᱷᱟᱠᱛᱟ ᱛᱩᱠᱨᱚᱢ ᱟᱨ ᱪᱟᱱᱫᱤᱯᱨᱤᱭᱟ ᱪᱤᱛᱟᱹᱨ ᱮ ᱥᱟᱯᱲᱟᱣ ᱞᱮᱫᱟ ᱾ ᱵᱚᱞᱤᱭᱩᱰ ᱟᱨ ᱴᱚᱞᱳᱰᱤᱣ ᱯᱟᱴᱷᱚᱠᱤᱭᱟᱹ ᱡᱚᱭᱯᱨᱚᱫ ᱥᱳᱵᱚᱱ ᱵᱟᱵᱩ ᱾ᱪᱤᱨᱧᱡᱤᱭᱤ ᱥᱟᱶᱛᱮ ᱛᱟᱭᱚᱢ ᱫᱟᱨᱟᱢ ᱨᱮ ᱢᱩᱲᱩᱫ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ ᱥᱟᱯᱲᱟᱣᱤᱡ ᱞᱮᱠᱟᱛᱮ ᱩᱱᱤ 27 ᱜᱚᱴᱟᱝ ᱪᱚᱞᱚᱛ ᱪᱤᱛᱟᱹᱨ ᱮ ᱵᱮᱱᱟᱣ ᱟᱠᱟᱫᱟ ᱾ ᱥᱨᱤ ᱥᱟᱛᱛᱚ ᱥᱟᱭ ᱵᱟᱵᱟ ᱨᱮᱱ ᱢᱤᱫ ᱡᱳᱨ ᱫᱷᱚᱨᱚᱢ ᱟᱱ ᱩᱱᱤ ᱫᱚ ᱥᱨᱤ ᱥᱟᱛᱛᱚ ᱥᱳᱭ ᱵᱟᱵᱟ ᱟᱜ ᱡᱤᱭᱚᱱ ᱟᱨ ᱚᱵᱟᱴᱟᱨ ᱪᱮᱛᱟᱱ ᱢᱤᱫᱴᱟᱝ ᱴᱮᱞᱤᱼᱥᱤᱨᱤᱭᱚᱞ, ᱥᱤᱨᱫᱤ ᱥᱳᱭ ᱯᱟᱨᱛᱷᱤ ᱥᱳᱭ ᱫᱤᱵᱽᱠᱚᱛᱷᱟᱭ ᱥᱟᱯᱲᱟᱣ ᱟᱨ ᱯᱟᱴᱷ ᱞᱮᱫᱟᱭ ᱾^[᱔]

ᱱᱤᱡᱮᱨᱡᱤᱭᱚᱱ

ᱩᱱᱤ 1948 ᱥᱟᱹᱦᱤᱛ ᱨᱮ ᱢᱤᱫ ᱥᱮᱨᱮᱧ ᱥᱟᱯᱲᱟᱣᱤᱡ ᱯᱤ ᱟᱫᱤᱱᱟᱨᱟᱭᱚᱱ ᱨᱟᱣ ᱮ ᱵᱟᱯᱞᱟ ᱞᱮᱫᱮᱭᱟ ᱾^[᱒] ᱩᱱᱠᱩ ᱫᱚ ᱪᱮᱱᱱᱟᱭ ᱛᱟᱦᱮᱸᱱ ᱠᱚ ᱛᱷᱟᱯᱚᱱ ᱞᱮᱫᱟ ᱾ ᱩᱱᱠᱩ ᱨᱮᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ ᱾ ᱩᱱᱠᱩ ᱫᱚ ᱢᱤᱫ ᱥᱟᱶᱛᱮ ᱟᱱᱡᱟᱞᱤ ᱯᱤᱠᱪᱟᱨᱥ ᱵᱮᱱᱟᱨ ᱨᱮ ᱟᱭᱢᱟ ᱛᱮᱞᱮᱜᱩ ᱪᱚᱞᱚᱛᱪᱤᱛᱟᱹᱨ ᱮ ᱵᱮᱱᱟᱣ ᱞᱮᱫᱟ ᱾ ᱩᱱᱠᱩᱣᱟᱜ ᱦᱚᱯᱚᱱ ᱮᱨᱟ ᱥᱟᱭᱞᱟ ᱨᱟᱣ ᱦᱚᱸ ᱢᱤᱫᱦᱚᱲ ᱯᱟᱴᱷᱚᱠᱤᱭᱟᱹ ᱾

ᱜᱩᱨ

᱒᱐᱑᱔ ᱥᱟᱹᱦᱤᱛ ᱨᱮᱭᱟᱜ ᱑᱓ ᱡᱟᱱᱩᱭᱟᱹᱨᱤ ᱨᱮ ᱘᱖ ᱥᱮᱨᱢᱟ ᱩᱢᱮᱨ ᱨᱮ ᱪᱮᱱᱟᱭ ᱨᱮᱭᱟᱜ ᱵᱤᱡᱚᱭ ᱦᱟᱥᱯᱟᱛᱟᱞ ᱨᱮ ᱜᱷᱟᱹᱞ ᱠᱷᱟᱹᱛᱤᱨ ᱛᱮ ᱫᱟᱵᱤᱭ ᱛᱮ ᱜᱚᱡ ᱞᱮᱱᱟ ᱾^[᱒] ᱩᱱᱤᱭᱟᱜ ᱷᱚᱲᱢᱚ ᱫᱚ ᱨᱟᱢᱪᱚᱱᱫᱨᱚ ᱢᱮᱰᱤᱠᱮᱞ ᱠᱚᱞᱮᱡᱽ ᱨᱮᱠᱚ ᱮᱢ ᱠᱮᱫᱟ ᱾^[᱕]

ᱥᱤᱨᱯᱟᱹ

ᱥᱚᱨᱮᱥ ᱯᱟᱴᱷᱚᱠᱤᱭᱟᱹ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱟᱹᱭ ᱧᱟᱢ ᱞᱮᱫᱟ ᱠᱚᱼᱞᱚᱜᱩᱼ ᱟᱱᱟᱨᱠᱟᱞᱤ (1955)
ᱥᱚᱨᱮᱥ ᱯᱟᱴᱷᱚᱠᱤᱭᱟᱹ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱟᱹᱭ ᱧᱟᱢ ᱞᱮᱫᱟᱼᱞᱮᱹᱞᱩᱜᱩᱼᱪᱮᱱᱪᱩ ᱞᱚᱠᱠᱷᱤ (1958)
ᱥᱚᱨᱮᱥ ᱯᱟᱴᱷᱚᱠᱤᱭᱟᱹ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱟᱹᱭ ᱧᱟᱢ ᱞᱮᱫᱟ ᱾ ᱛᱮᱞᱜᱩᱼᱞᱟᱵᱷᱟ ᱠᱩᱥᱟ (1963)
ᱜᱩᱱᱴᱩᱨ ᱨᱮᱭᱟᱜ ᱱᱟᱜᱚᱨᱡᱩᱱ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱟᱹᱱ ᱟᱱᱟᱜ ᱰᱚᱠᱴᱳᱨᱮᱴ
ᱛᱮᱞᱮᱜᱩ ᱪᱚᱞᱚᱛᱪᱤᱛᱟᱹᱨ ᱵᱤᱨᱤᱫ ᱨᱮ ᱟᱭᱟᱜ ᱡᱤᱭᱚᱱ ᱨᱮᱱᱟᱜ ᱠᱟᱹᱢᱤ ᱞᱟᱹᱜᱤᱫ 1994 ᱥᱟᱹᱦᱤᱛ ᱨᱮ ᱨᱟᱜᱽᱩᱯᱚᱛᱤ ᱵᱷᱮᱝᱠᱮᱭᱟ ᱥᱤᱨᱯᱟᱹᱭ ᱧᱟᱢ ᱞᱮᱫᱟ ᱾
2006 ᱥᱟᱹᱦᱤᱛ ᱨᱮ ᱯᱷᱤᱱ ᱟᱨᱴᱥ ᱛᱷᱚᱱᱚᱛ ᱨᱮ ᱨᱟᱢᱤᱱᱮᱱᱤ ᱡᱟᱹᱛᱤᱭᱟᱹᱨᱤ ᱥᱤᱨᱯᱟᱹᱭ ᱧᱟᱢ ᱞᱮᱫᱟ ᱾
2008 ᱥᱟᱹᱦᱤᱛ ᱨᱮ ᱮᱹ ᱮᱱ ᱟᱨ ᱡᱟᱹᱛᱤᱭᱟᱹᱨᱤ ᱥᱤᱨᱯᱟᱹ
ᱛᱟᱢᱤᱞ ᱱᱟᱰᱩ ᱯᱚᱱᱚᱛ ᱪᱚᱞᱚᱛ ᱪᱤᱛᱟᱹᱨ ᱢᱟᱹᱱ ᱥᱤᱨᱯᱟᱹᱼ 2000 ᱥᱟᱹᱦᱤᱛ ᱨᱮ ᱟᱨᱤᱱᱜᱟᱨ ᱟᱱᱱᱟ ᱥᱤᱨᱯᱟᱹ ᱾
2010 ᱥᱟᱹᱦᱤᱛ ᱨᱮ ᱵᱷᱟᱨᱚᱛ ᱵᱤᱫᱤᱭᱟ ᱵᱷᱟᱵᱚᱱ, ᱵᱟᱝᱞᱟ ᱫᱟᱨᱟᱭ ᱛᱮ ᱯᱚᱫᱽᱫᱚᱵᱷᱩᱥᱚᱱ ᱰᱟᱹᱵᱟᱨ ᱵᱤ ᱥᱚᱨᱳᱡᱟ ᱫᱮᱵᱤ ᱡᱟᱹᱛᱤᱭᱟᱹᱨᱤ ᱥᱤᱨᱯᱟᱹ ᱾^[᱖]

ᱯᱷᱤᱞᱢᱳᱯᱷᱚᱨᱤ

ᱯᱟᱴᱷᱚᱠᱤᱭᱟᱹ

ᱵᱮᱱᱟᱣᱤᱡ

ᱯᱚᱨᱫᱟᱥᱤ
ᱥᱩᱵᱚᱨᱱᱟ ᱥᱩᱱᱫᱚᱨ
ᱥᱚᱨᱱᱟᱢᱧᱡᱚᱨᱤ
ᱪᱟᱱᱰᱤ ᱯᱨᱤᱭᱟ
ᱥᱟᱛᱤᱥ ᱥᱟᱠᱩᱵᱟᱭ
ᱥᱤᱨᱫᱤ ᱥᱟᱭ ᱥᱟᱛᱛᱚ ᱥᱟᱭ ᱫᱤᱵᱽᱵᱟ ᱠᱟᱛᱷᱟ (ᱴᱮᱞᱤᱵᱷᱤᱥᱚᱱ ᱥᱤᱨᱤᱡ)
ᱟᱱᱟᱨᱠᱟᱞᱤ

ᱥᱟᱹᱠᱷᱭᱟᱹᱛ

↑ "Sita of many hearts, Anjali Devi dies at 86". The Times of India. 2014-01-14. ISSN 0971-8257. Retrieved 2023-11-04.
↑ ^᱒.᱐ ^᱒.᱑ ^᱒.᱒ "Veteran actor Anjali Devi dead". The Hindu. 14 January 2014. Archived from the original on 22 May 2020. Retrieved 16 May 2020. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; name "hi" defined multiple times with different content
↑ "Biography Movie Review - Home". Archived from the original on 14 September 2013. Retrieved 15 February 2015.
↑ "Sri Sai Baba- Shirdi Sai Parthi Sai Divya Katha". Archived from the original on 12 October 2020. Retrieved 16 May 2020.
↑ "Anjali Devi passes away". Filmcircle.com. Archived from the original on 13 January 2014. Retrieved 13 January 2014.
↑ "Multilingual actress Jayanti wins B. Saroja Devi National Award". Uni India. Retrieved 4 November 2023.

[1] "Sita of many hearts, Anjali Devi dies at 86". The Times of India. 2014-01-14. ISSN 0971-8257. Retrieved 2023-11-04.

[hi-2] ᱒.᱐ ^᱒.᱑ ^᱒.᱒ "Veteran actor Anjali Devi dead". The Hindu. 14 January 2014. Archived from the original on 22 May 2020. Retrieved 16 May 2020. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; name "hi" defined multiple times with different content

[3] "Biography Movie Review - Home". Archived from the original on 14 September 2013. Retrieved 15 February 2015.

[4] "Sri Sai Baba- Shirdi Sai Parthi Sai Divya Katha". Archived from the original on 12 October 2020. Retrieved 16 May 2020.

[5] "Anjali Devi passes away". Filmcircle.com. Archived from the original on 13 January 2014. Retrieved 13 January 2014.

[6] "Multilingual actress Jayanti wins B. Saroja Devi National Award". Uni India. Retrieved 4 November 2023.

[᱑]

[᱒]

[᱓]

[᱔]

[᱕]

[᱖]

ᱚᱧᱡᱟᱞᱤ ᱫᱮᱵᱤ
᱑᱙᱔᱙ ᱨᱮ ᱚᱧᱡᱟᱞᱤ ᱫᱮᱵᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	ᱚᱧᱡᱟᱱᱟᱢᱟ ᱒᱔ ᱚᱜᱚᱥᱴ ᱑᱙᱒᱗(1927-08-24) ᱯᱮᱰᱟᱯᱩᱨᱟᱢ, ᱮᱥᱴ ᱜᱳᱫᱟᱵᱚᱨᱤ, ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ (ᱱᱤᱛᱚᱜ ᱟᱱᱫᱷᱨᱚ ᱯᱨᱚᱫᱮᱥ ᱨᱮ), ᱵᱨᱤᱴᱤᱥ ᱤᱱᱰᱤᱭᱟ
ᱜᱩᱨ	᱑᱓ ᱡᱟᱱᱩᱣᱟᱨᱤ ᱒᱐᱑᱔ (᱘᱖ ᱵᱚᱭᱚᱥ) ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ, ᱥᱤᱧᱚᱛ
ᱠᱟᱹᱢᱤ	ᱯᱟᱴᱷᱚᱠᱤᱭᱟᱹ ᱢᱚᱰᱮᱞ ᱯᱷᱤᱞᱢ ᱯᱨᱚᱰᱤᱭᱩᱥᱚᱨ
ᱡᱤᱭᱚᱱ ᱥᱚᱦᱮᱫ	ᱯᱤ. ᱟᱫᱤᱱᱟᱨᱟᱭᱚᱬᱟ ᱨᱟᱣ (m. 1948; his death 1991)