ᱚᱱᱤᱛᱟ ᱠᱩᱯᱩᱥᱟᱢᱤ
ᱚᱱᱤᱛᱟ ᱠᱩᱯᱩᱥᱟᱢᱤ ᱫᱚ ᱢᱤᱫ ᱛᱟᱢᱤᱞ ᱦᱚᱲ ᱟᱨ ᱠᱚᱨᱱᱟᱴᱚᱠ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾ ᱟᱨ ᱴᱮᱞᱤᱵᱷᱤᱡᱚᱱ ᱦᱚᱥᱴ ᱟᱡ ᱫᱚ ᱛᱟᱢᱤᱞ ᱦᱚᱲ ᱵᱟᱰᱚᱦᱤ 'ᱱᱟᱛᱩᱯᱩᱨᱟ ᱯᱚᱴᱴᱩ' ᱞᱟᱹᱜᱤᱫ ᱦᱚᱸ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾ ᱚᱱᱤᱛᱟ ᱫᱚ ᱦᱩᱰᱤᱧ ᱵᱚᱭᱚᱥ ᱠᱷᱚᱱ ᱜᱮ ᱥᱮᱨᱮᱧᱤᱭᱟᱹ ᱵᱮᱱᱟᱣᱜ ᱞᱟᱹᱜᱤᱫ ᱟᱡᱟᱜ ᱟᱸᱥ ᱮ ᱥᱚᱫᱚᱨ ᱟᱠᱟᱫᱼᱟ ᱾ ᱥᱮᱨᱮᱧ ᱥᱟᱶ ᱥᱟᱶᱛᱮ ᱚᱱᱤᱛᱟ ᱫᱚ ᱟᱹᱰᱤ ᱜᱟᱱ ᱧᱮᱮᱞᱚᱢ ᱥᱟᱹᱨᱤᱭᱟᱹᱛ ᱥᱳ ᱨᱮ ᱵᱤᱪᱟᱹᱨᱤᱭᱟᱹ (ᱡᱚᱡᱽ) ᱞᱮᱠᱟᱛᱮ ᱦᱚᱸᱭ ᱧᱮᱞ ᱧᱟᱢ ᱟᱠᱟᱱᱟ ᱾ ᱚᱱᱤᱛᱟ ᱫᱚ ᱠᱩᱠᱮᱨᱤ ᱪᱮᱛᱟᱱ ᱨᱮᱦᱚᱸ ᱛᱤᱱᱟᱹᱝ ᱜᱟᱱ ᱯᱩᱛᱷᱤᱭ ᱚᱞ ᱟᱠᱟᱫᱼᱟ ᱾ ᱟᱨ ᱴᱤᱵᱷᱤ ᱨᱮ ᱠᱩᱠᱮᱨᱤ ᱥᱳ ᱨᱮᱦᱚᱸᱭ ᱧᱮᱞ ᱧᱟᱢ ᱟᱠᱟᱱᱟ ᱾
| ᱚᱱᱤᱛᱟ ᱠᱩᱯᱩᱥᱟᱢᱤ | |
|---|---|
| ᱡᱮᱱᱨᱮᱥ | ᱛᱟᱢᱤᱞ ᱦᱚᱲ ᱵᱟᱰᱚᱦᱤ, ᱠᱚᱨᱱᱟᱴᱚᱠ |
| ᱚᱠᱩᱯᱮᱥᱚᱱ | ᱥᱮᱨᱮᱧᱤᱭᱟᱹ, ᱨᱩ~ᱚᱨᱚᱝᱤᱭᱟᱹ, ᱚᱱᱚᱞᱤᱭᱟᱹ |
| ᱣᱮᱵᱽᱥᱟᱭᱤᱴ | pushpavanamkuppusamy |
ᱡᱤᱭᱚᱱᱤ
ᱥᱟᱯᱲᱟᱣᱚᱱᱤᱛᱟ ᱦᱟᱜ ᱡᱟᱱᱟᱢ ᱫᱚ ᱵᱮᱸᱜᱽᱞᱚᱨ ᱨᱮᱱᱟᱜ ᱢᱮᱴᱴᱩᱯᱟᱞᱭᱚᱢ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱨᱩᱻᱚᱨᱚᱝ ᱟᱨ ᱥᱮᱨᱮᱧ ᱨᱮ ᱨᱟᱹᱥᱠᱟᱹᱭ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱟᱨ ᱢᱤᱫ ᱥᱮᱨᱮᱧᱤᱭᱟᱹ ᱨᱩᱯ ᱨᱮ ᱟᱡᱟᱜ ᱡᱤᱭᱚᱱ ᱢᱟᱬᱟᱝ ᱛᱮ ᱞᱟᱦᱟᱭ ᱞᱟᱹᱜᱤᱫ ᱟᱡᱟᱜ ᱜᱷᱟᱨᱚᱸᱡᱤᱭᱟᱹ ᱠᱚ ᱵᱩᱡᱷᱟᱹᱣ ᱟᱠᱚ ᱨᱮᱭ ᱡᱤᱛᱠᱟᱹᱨ ᱮᱱᱟ ᱾ ᱩᱱᱤ ᱫᱚ ᱥᱚᱱᱮᱨ ᱚᱵᱤᱱᱟᱥᱤ ᱞᱤᱝᱜᱚᱱ ᱵᱤᱨᱫᱟᱹᱜᱟᱲ, ᱟᱨ ᱠᱚᱭᱮᱢᱵᱚᱛᱩᱨ ᱠᱷᱚᱱ ᱨᱩᱻᱚᱨᱚᱝ ᱪᱮᱛᱟᱱ ᱨᱮᱭ ᱥᱚᱱᱮᱨᱥᱤᱫᱽ ᱮ ᱟᱢᱮᱴ ᱟᱠᱟᱫᱼᱟ ᱾ [᱑]
ᱩᱱᱤ ᱫᱚ ᱢᱟᱫᱽᱨᱟᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱤᱫ ᱡᱚᱴᱟᱣ ᱟᱪᱮᱛᱤᱭᱟᱹ ᱯᱩᱥᱯᱵᱚᱱᱚᱢ ᱠᱩᱯᱩᱥᱟᱢᱤ ᱥᱟᱶ ᱮ ᱧᱟᱯᱟᱢ ᱮᱱᱟ, ᱟᱨ ᱩᱱᱠᱤᱱ ᱵᱟᱱᱟ ᱦᱚᱲ ᱞᱮᱠᱟᱱ ᱞᱮᱠᱟᱱ ᱦᱮᱯᱨᱟᱣ ᱠᱚᱨᱮ ᱟᱨ ᱥᱮᱨᱮᱧ ᱨᱩᱻᱚᱨᱚᱝ ᱠᱟᱹᱢᱤᱦᱚᱨᱟ ᱠᱚᱨᱮ ᱢᱤᱫ ᱫᱷᱟᱶ ᱛᱮ ᱥᱮᱨᱮᱧ ᱠᱤᱱ ᱮᱛᱚᱦᱚᱵ ᱠᱮᱫᱼᱟ ᱾ ᱚᱱᱠᱟ ᱛᱮ ᱵᱟᱱᱟ ᱦᱚᱲ ᱵᱟᱯᱞᱟ ᱥᱟᱹᱜᱟᱹᱭ ᱛᱮ ᱠᱤᱱ ᱛᱚᱞ ᱮᱱᱟ ᱾ ᱩᱱᱤ ᱫᱚ ᱟᱡ ᱡᱟᱶᱟᱭ ᱯᱩᱥᱯᱵᱚᱱᱚᱢ ᱠᱩᱯᱩᱥᱟᱢᱤ ᱴᱷᱮᱱ ᱠᱷᱚᱱ ᱛᱟᱢᱤᱞ ᱦᱚᱲ ᱵᱟᱰᱚᱦᱤ "ᱱᱚᱴᱴᱩᱯᱩᱨᱟ ᱯᱚᱴᱴᱩ" ᱥᱮᱬᱟ ᱠᱮᱫ ᱟᱭ ᱾ [᱒]
ᱠᱮᱨᱤᱭᱚᱨ
ᱥᱟᱯᱲᱟᱣᱚᱢᱤᱛᱟ ᱦᱟᱜ ᱢᱩᱬᱩᱛ ᱫᱷᱮᱭᱟᱱ ᱫᱚ ᱛᱟᱢᱤᱞ ᱦᱚᱲ ᱵᱟᱰᱚᱦᱤ "ᱱᱚᱴᱴᱩᱯᱩᱨᱟ ᱯᱚᱴᱴᱩ" ᱨᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱡᱟᱶᱟᱭ ᱯᱩᱥᱯᱵᱚᱱᱚᱢ ᱠᱩᱯᱩᱥᱟᱢᱤ ᱥᱟᱞᱟᱜ ᱩᱱᱤ ᱫᱚ ᱥᱤᱧᱚᱛ ᱟᱨ ᱵᱟᱦᱨᱮ ᱫᱤᱥᱚᱢ ᱨᱮ ᱥᱩᱨ ᱥᱩᱯᱩᱨ ᱓,᱐᱐᱐ ᱠᱟᱹᱢᱤᱦᱚᱨᱟ ᱠᱤᱱ ᱩᱫᱩᱜ ᱥᱚᱫᱚᱨ ᱟᱠᱟᱫᱼᱟ ᱾ [᱓]
ᱚᱱᱤᱛᱟ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱮᱰᱥ, ᱫᱚᱦᱮᱡᱽ, ᱯᱩᱸᱜᱤ ᱧᱩ, ᱯᱟᱹᱣᱨᱟᱹ ᱧᱩ, ᱠᱩᱲᱤ ᱜᱤᱫᱽᱨᱟᱹ ᱠᱩᱠᱷᱤ ᱨᱮ ᱜᱚᱡ ᱠᱚ, ᱜᱤᱫᱽᱨᱟᱹ ᱠᱷᱟᱴᱟᱣ, ᱠᱩᱲᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱥᱮᱪᱮᱫ ᱨᱮᱱᱟᱜ ᱢᱚᱦᱚᱛ ᱟᱨ ᱛᱳᱣᱟ ᱧᱩ ᱠᱚ ᱵᱟᱨᱮ ᱛᱮ ᱪᱤᱨᱜᱟᱹᱞ ᱥᱤᱨᱡᱟᱹᱣ ᱦᱚᱪᱚᱭ ᱞᱟᱹᱜᱤᱫ ᱟᱡᱟᱜ ᱥᱮᱨᱮᱧ ᱨᱮ ᱥᱟᱶᱛᱟᱨᱤ ᱥᱟᱸᱫᱮᱥ ᱮ ᱥᱮᱞᱮᱫ ᱠᱮᱫᱼᱟ ᱾
ᱯᱩᱭᱞᱩ ᱚᱱᱤᱛᱟ ᱦᱟᱜ ᱱᱚᱡᱚᱨ ᱫᱚ ᱢᱩᱲᱩᱛᱟᱱ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱵᱮᱱᱟᱣᱜ ᱨᱮᱱᱟᱜ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱤᱠᱷᱟᱹᱱ ᱩᱱᱤᱭᱟᱜ ᱞᱮᱛᱟᱲ ᱥᱟᱸᱜᱷᱟᱨ ᱥᱮᱨᱮᱧ ᱠᱟᱹᱢᱤᱦᱚᱨᱟ ᱠᱷᱟᱹᱛᱤᱨ ᱩᱱᱤ ᱫᱚ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱨᱮ ᱫᱷᱮᱭᱟᱱ ᱵᱟᱭ ᱥᱟᱢᱴᱟᱣ ᱫᱟᱲᱮᱭᱟᱫᱼᱟ ᱾[᱓]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "AIADMK gets six popular faces". The New Indian Express. Retrieved 2016-12-03.
- ↑ "Transcending boundaries". The Hindu. Retrieved 2016-12-03.
- ↑ ᱓.᱐ ᱓.᱑ "My First Break – Anitha Kuppusamy". The Hindu. Retrieved 2016-12-03.