ᱚᱱᱤᱞ ᱨᱟᱭᱪᱳᱣᱫᱷᱩᱨᱤ

ᱚᱱᱤᱞ ᱨᱟᱭᱪᱳᱣᱫᱷᱩᱨᱤ (ᱤᱝᱨᱟᱹᱡᱤ: Anil Raichoudhury) ᱫᱚ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱫᱴᱮᱱ ᱥᱟᱶᱦᱮᱫᱤᱭᱟᱹ, ᱥᱟᱶᱛᱟ ᱥᱟᱬᱮᱥᱤᱭᱟᱹ, ᱥᱮᱨᱮᱧ ᱨᱩᱥᱤᱠᱟ, ᱯᱷᱩᱨᱜᱟᱹᱞ ᱟᱱᱫᱚᱲᱤᱭᱟᱹ ᱟᱨ ᱥᱟᱶᱛᱟᱵᱟᱹᱫᱤ ᱮᱢᱟᱱ ᱛᱮ ᱯᱮᱨᱮᱡ ᱯᱩᱨᱚᱱ ᱵᱩᱫᱷᱤᱡᱤᱵᱤ ᱛᱟᱦᱮᱸ ᱠᱟᱱᱟ᱾ ᱑᱙᱒᱖ ᱥᱮᱨᱢᱟ ᱨᱮ ᱵᱚᱨᱯᱮᱴᱟ ᱦᱚᱱᱚᱛ ᱨᱮ ᱚᱱᱤᱞ ᱨᱟᱭᱪᱳᱣᱫᱷᱩᱨᱤ ᱫᱚᱭ ᱡᱟᱱᱟᱢ ᱞᱮᱱᱟ, ᱩᱱᱤ ᱫᱚ ᱟᱡᱟᱜ ᱥᱠᱩᱞ ᱚᱠᱛᱮ ᱠᱷᱚᱱ ᱜᱮ ᱯᱷᱩᱨᱜᱟᱹᱞ ᱞᱟᱹᱲᱟᱣᱱᱟ ᱨᱮᱭᱮ ᱥᱮᱞᱮᱫ ᱞᱮᱱᱟ᱾ ᱛᱟᱭᱚᱢ ᱫᱟᱨᱟᱢ ᱥᱟᱶᱦᱮᱫᱤᱭᱟᱹ ᱞᱮᱠᱟ ᱛᱮ ᱧᱩᱛᱩᱢ ᱦᱟᱹᱨ ᱟᱠᱟᱫ ᱨᱟᱭᱪᱳᱣᱫᱷᱩᱨᱤ ᱫᱚ ᱟᱠᱟᱥᱵᱟᱱᱤ ᱨᱮᱱ ᱟᱝᱜᱚᱪ ᱟᱠᱟᱱ ᱥᱮᱨᱮᱧ ᱨᱩᱥᱤᱠᱟᱭ ᱦᱚᱭ ᱞᱮᱱᱟ᱾ ᱟᱥᱟᱢ ᱥᱚᱪᱤᱵᱟᱞᱚᱭ, ᱢᱟᱪᱮᱛ ᱠᱟᱹᱢᱤ, ᱠᱮᱱᱫᱽᱨᱤᱭᱚ ᱟᱵᱠᱟᱨᱤ ᱛᱚᱚᱫᱟᱨᱚᱛᱤᱭᱟᱹ ᱮᱢᱟᱱ ᱢᱤᱞᱟᱹᱣ ᱠᱟᱛᱮ ᱟᱢᱫᱟᱡᱽ ᱤᱨᱟᱹᱞ ᱜᱚᱴᱟᱝ ᱪᱟᱹᱠᱨᱤ ᱵᱟᱫᱽ ᱠᱟᱛᱮ ᱑᱙᱕᱑ ᱥᱮᱨᱢᱟ ᱨᱮ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱯᱨᱚᱥᱟᱥᱚᱱᱤᱭᱟᱹ ᱰᱤᱯᱟᱹᱨ ᱨᱮᱱ ᱠᱟᱹᱢᱤᱭᱟᱹ ᱞᱮᱠᱟ ᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ᱾ ᱛᱟᱭᱚᱢ ᱫᱟᱨᱟᱢ ᱑᱙᱘᱖ ᱥᱮᱨᱢᱟ ᱨᱮ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱᱮ ᱡᱤᱨᱟᱹᱣᱮᱱᱟ᱾ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮᱱ ᱥᱩᱛᱨᱮᱛ ᱵᱮᱜᱚᱨ ᱦᱚᱸ, ᱠᱟᱹᱡᱽᱣᱟᱹ ᱥᱩᱛᱨᱮᱛ ᱞᱮᱠᱟ ᱛᱮ ᱦᱚᱸᱭ ᱵᱟᱪᱷᱟᱣ ᱚᱪᱚ ᱞᱮᱱᱟ᱾

ᱡᱟᱱᱟᱢ ᱥᱟᱯᱲᱟᱣ

ᱵᱚᱨᱯᱮᱴᱟ ᱨᱮᱭᱟᱜ ᱫᱚᱠᱷᱤᱱ ᱦᱟᱴ ᱨᱟᱭᱯᱟᱲᱟ ᱟᱹᱛᱩ ᱨᱮᱱ ᱥᱚᱨᱚᱥ ᱨᱟᱭᱪᱳᱣᱫᱷᱩᱨᱤ ᱜᱷᱟᱨᱚᱧᱡᱽ ᱨᱮ ᱑᱙᱒᱖ ᱥᱮᱨᱢᱟ ᱚᱱᱤᱞ ᱨᱟᱭᱪᱳᱣᱫᱷᱩᱨᱤ ᱫᱚᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱫᱮᱵᱮᱸᱫᱽᱨᱚ ᱱᱟᱛᱷ ᱪᱳᱣᱫᱷᱩᱨᱤ ᱛᱟᱦᱮᱸ ᱠᱟᱱ ᱛᱟᱭᱟ ᱟᱨ ᱮᱝᱜᱟᱛ ᱟᱜ ᱧᱩᱛᱩᱢ ᱫᱚ ᱯᱨᱟᱭᱟᱛ ᱜᱳᱣᱨᱤ ᱵᱟᱞᱟ ᱨᱟᱭᱪᱳᱣᱫᱷᱩᱨᱤ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱦᱩᱰᱤᱧ ᱩᱢᱮᱨ ᱨᱮ ᱜᱮ ᱟᱡ ᱜᱚᱜᱚ ᱫᱚᱭ ᱜᱚᱡ ᱵᱟᱹᱜᱤᱭᱟᱫᱮ ᱛᱟᱦᱮᱱᱟ, ᱚᱱᱟ ᱛᱮ ᱟᱡ ᱢᱟᱨᱟᱝ ᱜᱚ ᱜᱮ ᱟᱹᱥᱩᱞ ᱦᱟᱨᱟ ᱞᱮᱫᱮᱭᱟ᱾

ᱥᱮᱪᱮᱫ ᱥᱟᱯᱲᱟᱣ

᱑᱙᱓᱕ ᱥᱮᱨᱢᱟ ᱨᱮ ᱫᱚᱠᱷᱤᱱ ᱦᱟᱴᱤ ᱯᱨᱟᱭᱢᱟᱨᱤ ᱥᱠᱩᱞ ᱠᱷᱚᱱ ᱨᱟᱭᱪᱳᱣᱫᱷᱩᱨᱤ ᱫᱚ ᱟᱡᱟᱜ ᱯᱟᱹᱦᱤᱞ ᱥᱮᱪᱮᱫ ᱡᱤᱭᱚᱱᱮ ᱮᱛᱚᱦᱚᱵ ᱞᱮᱫ ᱛᱟᱭᱟ᱾ ᱯᱨᱟᱭᱢᱟᱨᱤ ᱥᱠᱩᱞ ᱨᱮ ᱯᱟᱲᱦᱟᱣ ᱛᱟᱭᱚᱢ ᱵᱚᱨᱯᱮᱴᱟ ᱵᱤᱫᱽᱭᱟᱯᱤᱴ ᱨᱮ ᱧᱩᱛᱩᱢ ᱠᱚ ᱚᱞ ᱪᱟᱲᱦᱟᱣ ᱠᱮᱫ ᱛᱟᱭᱟ᱾ ᱩᱱ ᱚᱠᱛᱮ ᱵᱚᱨᱯᱮᱴᱟ ᱵᱱᱟᱝᱜᱽᱨᱟᱦᱟ ᱨᱮ ᱦᱟᱹᱰᱤ ᱯᱟᱹᱣᱨᱟᱹ ᱨᱮᱭᱟᱜ ᱪᱚᱞᱚᱱ ᱵᱟᱹᱲᱛᱤ ᱤᱫᱤ ᱞᱮᱱᱛᱮ ᱯᱨᱚᱥᱱᱚᱱ ᱞᱟᱞ ᱪᱳᱣᱫᱷᱩᱨᱤ ᱫᱚ ᱟᱴ ᱜᱤᱨᱤᱥ ᱪᱚᱱᱫᱽᱨᱚ ᱪᱳᱣᱫᱷᱩᱨᱤ ᱛᱟᱠᱤᱱ ᱟᱜ ᱟᱹᱭᱩᱨ ᱛᱮ ᱢᱤᱫ ᱫᱤᱥᱣᱟᱹ ᱟᱲᱟᱝ ᱠᱚ ᱨᱟᱠᱟᱵ ᱞᱮᱫᱟ᱾ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱟᱱᱫᱚᱲ ᱞᱟᱹᱜᱤᱫ ᱩᱱᱤ ᱰᱚ ᱑᱙᱔᱒/᱔᱓ ᱥᱮᱨᱢᱟ ᱨᱮ ᱥᱠᱩᱞᱮ ᱵᱟᱹᱜᱤ ᱞᱮᱫᱟ᱾ ᱮᱱᱨᱮ ᱦᱚᱸ ᱑᱙᱔᱔ ᱥᱮᱨᱢᱟ ᱨᱮ ᱢᱮᱴᱨᱤᱠ ᱵᱤᱱᱤᱰ ᱞᱟᱦᱟ ᱞᱟᱦᱟ ᱛᱮ ᱟᱨᱦᱚᱸᱭ ᱵᱚᱞᱚ ᱨᱩᱣᱟᱹᱲ ᱞᱮᱱᱟ᱾ ᱑᱙᱔᱔ ᱥᱮᱨᱢᱟ ᱨᱮ ᱩᱱᱤ ᱫᱚ ᱢᱮᱴᱨᱤᱠ ᱵᱤᱱᱤᱰᱮ ᱵᱟᱭ ᱯᱟᱥ ᱞᱮᱫᱟ᱾ ᱑᱙᱔᱕ ᱥᱮᱨᱢᱟ ᱨᱮ ᱩᱱᱤ ᱫᱚ ᱵᱚᱨᱯᱮᱴᱟ ᱵᱤᱫᱽᱭᱟᱯᱤᱴ ᱠᱷᱚᱱ ᱦᱟᱭ ᱥᱠᱩᱞ ᱠᱦᱚᱱ ᱢᱮᱴᱨᱤᱠ ᱵᱤᱱᱤᱰᱮ ᱯᱟᱥ ᱞᱮᱫᱟ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ