ᱚᱵᱷᱤᱰ (ᱚᱵᱷᱤᱰ; ᱒᱐ ᱢᱟᱨᱪ ᱔᱓ ᱵᱤᱥᱤ - ᱑᱗/᱑᱘ ) ᱨᱳᱢᱟᱱ ᱚᱱᱚᱬᱦᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱫᱚ ᱚᱜᱚᱥᱛᱚᱥ ᱟᱜ ᱨᱟᱡᱽᱠᱟᱲ ᱨᱮ ᱦᱩᱭ ᱞᱮᱱᱟ ᱾ ᱱᱩᱭᱟᱜ ᱯᱩᱨᱟᱹ ᱧᱩᱛᱩᱢ ᱫᱚ ᱚᱵᱷᱤᱰᱤᱭᱩᱥ ᱱᱟᱥᱳ (Publius Ovidius Naso) (Classical Latin: [ˈpʊ.blɪ.ʊs ɔˈwɪ.dɪ.ʊs ˈnaː.soː]) ᱛᱟᱦᱮᱸ ᱠᱟᱱᱟ ᱾

Ovid

ᱡᱟᱱᱟᱢ ᱥᱟᱯᱲᱟᱣ

ᱱᱩᱭᱟᱜ ᱡᱟᱱᱟᱢ ᱫᱚ ᱥᱩᱞᱢᱳ ᱧᱩᱛᱩᱢᱟᱱ ᱱᱟᱜᱟᱨ ᱨᱮ ᱦᱩᱭ ᱞᱮᱱᱟ ᱾ ᱠᱟᱱᱩᱱ ᱪᱮᱛᱟᱱ ᱨᱮ ᱥᱮᱪᱮᱫ ᱮ ᱟᱨᱡᱟᱣ ᱞᱮᱜᱼᱟ ᱟᱨ ᱨᱳᱢ ᱛᱮᱭ ᱨᱚᱲ ᱞᱮᱜᱼᱟ ᱾ ᱚᱨᱮᱞᱤᱭᱩᱥ ᱯᱷᱩᱥᱯᱩᱥ ᱟᱨ ᱯᱳᱨᱠᱤᱭᱩᱥ ᱞᱟᱛᱨᱳ ᱫᱚ ᱱᱩᱭ ᱨᱤᱱ ᱜᱩᱨᱩ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱡᱩᱫᱤ ᱦᱚᱸ ᱱᱩᱭ ᱟᱡ ᱵᱟᱵᱟ ᱱᱩᱭ ᱫᱚ ᱩᱠᱤᱞ ᱵᱮᱱᱟᱣ ᱥᱟᱱᱟ ᱞᱮᱫᱮᱭᱟ ᱮᱱ ᱦᱚᱸ ᱱᱩᱭ ᱫᱚ ᱟᱡᱟᱜ ᱨᱤᱫᱟᱹᱭ ᱮᱛᱚᱦᱚᱵ ᱠᱷᱚᱱ ᱜᱮ ᱚᱱᱚᱬᱦᱮ ᱴᱷᱮᱱ ᱮ ᱟᱞᱟᱭ ᱦᱩᱭ ᱟᱠᱟᱫ ᱛᱟᱦᱮᱸᱫ ᱾ ᱛᱤᱱᱟᱹᱜ ᱚᱠᱛᱚ ᱫᱷᱟᱹᱵᱤᱡ ᱫᱚ ᱱᱩᱭ ᱟᱡ ᱵᱟᱵᱟ ᱦᱟᱜ ᱩᱱᱩᱫᱩᱜ ᱢᱟᱱᱟᱣ ᱠᱟᱛᱮ ᱟᱡᱟᱜ ᱥᱮᱪᱮᱫ ᱯᱩᱨᱟᱹᱣ ᱞᱟᱹᱜᱤᱫ ᱮᱛᱷᱮᱱᱥ ᱨᱮᱭ ᱛᱟᱦᱮᱸ ᱮᱱᱟ ᱾ ᱤᱠᱷᱟᱹᱱ ᱤᱱᱟᱹ ᱛᱟᱭᱚᱢ ᱱᱩᱭ ᱫᱚ ᱥᱤᱥᱞᱤ ᱟᱨ ᱦᱩᱰᱤᱧ ᱮᱥᱤᱭᱟᱭ ᱥᱟᱸᱜᱷᱟᱨ ᱠᱮᱜᱼᱟ ᱾[᱑] ᱡᱩᱣᱟᱹᱱ ᱚᱠᱛᱚ ᱨᱮᱜᱮ ᱵᱟᱵᱟᱦᱟᱜ ᱜᱩᱨ ᱛᱟᱭᱚᱢ ᱱᱩᱭ ᱫᱚ ᱨᱳᱢ ᱱᱟᱜᱟᱨ ᱨᱮ ᱟᱡ ᱛᱮᱫ ᱫᱚ ᱚᱱᱚᱬᱦᱮ ᱟᱨ ᱫᱩᱞᱟᱹᱲ ᱮ ᱟᱞᱟᱭ ᱠᱟᱫᱼᱟ ᱾ ᱦᱟᱯᱲᱟᱢ ᱠᱚᱣᱟᱜ ᱫᱷᱚᱱ ᱥᱚᱢᱯᱚᱛᱤ ᱠᱷᱟᱹᱛᱤᱨ ᱴᱟᱠᱟ ᱠᱟᱹᱣᱰᱤ ᱨᱮᱭᱟᱜ ᱪᱤᱱᱛᱟᱹ ᱠᱷᱚᱱ ᱫᱚ ᱥᱟᱺᱜᱤᱧ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱱᱩᱭ ᱫᱚ ᱯᱮ ᱫᱷᱟᱣ ᱮ ᱵᱟᱯᱞᱟ ᱮᱱᱟ ᱟᱨ ᱫᱚᱥᱟᱨ ᱮᱨᱟ ᱠᱷᱚᱱ ᱱᱩᱭᱤᱡ ᱫᱚ ᱢᱤᱫᱴᱟᱹᱝ ᱜᱮ ᱠᱩᱲᱤ ᱜᱤᱫᱽᱨᱟᱹ ᱦᱩᱭ ᱞᱮᱱᱟ ᱾[᱒]

ᱚᱞ-ᱵᱮᱞ ᱥᱟᱯᱲᱟᱣ

᱑᱔ ᱵᱤᱥᱤ ᱨᱮ ᱱᱩᱭᱟᱜ ᱯᱩᱭᱞᱩ ᱜᱟᱞᱟᱝ ᱜᱟᱵᱟᱱ ᱫᱚ "ᱚᱢᱳᱨᱮᱥ" ᱵᱮᱱᱟᱣ ᱮᱱᱟ ᱾ ᱱᱚᱣᱟᱨᱮ ᱫᱚ ᱩᱱᱤ ᱢᱤᱫ ᱢᱚᱱ ᱜᱟᱵᱟᱱ ᱫᱩᱞᱟᱹᱲᱤᱭᱟᱹ ᱠᱳᱨᱤᱱᱱ ᱞᱟᱹᱜᱤᱫ ᱟᱡᱟᱜ ᱨᱤᱫᱟᱹᱭ ᱨᱮᱭᱟᱜ ᱫᱩᱞᱟᱹᱲ ᱦᱩᱫᱤᱥ ᱚᱱᱚᱬᱦᱮ ᱨᱮᱭᱟᱜ ᱨᱩᱯ ᱮ ᱪᱟᱞ ᱟᱠᱟᱣᱟᱫᱼᱟ ᱾ ᱯᱩᱭᱞᱩ ᱫᱚ ᱱᱚᱣᱟ ᱨᱮᱭᱟᱜ ᱢᱚᱬᱮ ᱦᱟᱹᱴᱤᱧ ᱯᱚᱛᱚᱵ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱫᱩᱥᱨᱟᱹ ᱫᱷᱟᱣ ᱫᱚ ᱯᱚᱛᱚᱵ ᱨᱮᱭᱟᱜ ᱦᱟᱹᱴᱤᱧ ᱠᱷᱟᱴᱚ ᱠᱟᱛᱮ ᱯᱮᱭᱟ ᱨᱮ ᱫᱚᱦᱚ ᱦᱩᱭ ᱮᱱᱟ ᱾ ᱵᱮᱱᱟᱣ ᱛᱟᱭᱚᱢ ᱠᱷᱚᱱ ᱜᱮ ᱱᱚᱣᱟ ᱯᱚᱛᱚᱵ ᱨᱤᱱᱤᱡ ᱚᱱᱚᱞᱤᱭᱟᱹ ᱦᱟᱜ ᱧᱩᱛᱩᱢ ᱯᱩᱨᱟᱹ ᱨᱳᱢ ᱨᱮ ᱯᱟᱥᱱᱟᱣ ᱮᱱᱟ ᱾ ᱱᱚᱣᱟ ᱚᱠᱛᱚ ᱨᱮᱭᱟᱜ ᱥᱩᱨᱥᱩᱯᱩᱨ ᱨᱮᱜᱮ "ᱢᱤᱰᱤᱭᱟ" ᱧᱩᱛᱩᱢᱟᱱ ᱴᱨᱮᱡᱮᱰᱤ ᱦᱚᱸᱭ ᱜᱟᱞᱟᱝ ᱜᱟᱵᱟᱱ ᱠᱮᱜᱼᱟ ᱾ ᱤᱠᱷᱟᱹᱱ ᱛᱮᱦᱮᱧ ᱜᱟᱯᱟ ᱱᱚᱣᱟ ᱜᱟᱭᱟᱱ ᱨᱮᱭᱟᱜ ᱫᱚ ᱛᱤᱱᱟᱹᱝ ᱜᱟᱱ ᱥᱟᱦᱴᱟ ᱜᱮ ᱧᱮᱞ ᱧᱟᱢᱚᱜ ᱠᱟᱱᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱵᱤᱨᱟᱝᱜᱳᱱᱟᱳ ᱠᱚᱣᱟᱜ ᱫᱩᱞᱟᱹᱲ ᱥᱟᱠᱟᱢ ᱮ ᱚᱞ-ᱛᱚᱞ ᱠᱮᱜᱼᱟ ᱡᱟᱦᱟᱸ ᱨᱮᱭᱟᱜ ᱯᱟᱨᱥᱟᱞ ᱫᱚ "ᱦᱟᱨᱟᱭᱤᱫᱮᱥ" ᱧᱩᱛᱩᱢ ᱛᱮ ᱩᱪᱷᱟᱹᱱ ᱮᱱᱟ ᱾ ᱡᱚᱛᱚ ᱥᱟᱠᱟᱢ ᱨᱮᱭᱟᱜ ᱜᱩᱸᱴ ᱫᱚ ᱒᱑ ᱜᱟᱴᱟᱝᱟ ᱾ ᱤᱠᱷᱟᱹᱱ ᱢᱩᱬ ᱞᱮᱠᱟ ᱛᱮᱫᱚ ᱱᱚᱣᱟ ᱥᱟᱠᱟᱢ ᱨᱮᱭᱟᱜ ᱮᱞᱮᱞ ᱫᱚ ᱱᱚᱣᱟ ᱠᱷᱚᱱ ᱵᱟᱹᱲᱛᱤ ᱜᱮ ᱛᱟᱦᱮᱸ ᱠᱟᱱᱟ ᱾ ᱵᱚᱸᱜᱤᱭ ᱚᱱᱚᱬᱦᱤᱭᱟᱹ ᱢᱟᱭᱠᱮᱞ ᱢᱚᱫᱷᱩᱥᱩᱫᱚᱱ ᱫᱚᱛ ᱫᱚ ᱱᱚᱣᱟ ᱜᱟᱞᱟᱝ ᱜᱟᱵᱟᱱ ᱧᱮᱞ ᱠᱟᱛᱮ ᱵᱤᱨᱟᱝᱜᱚᱱᱟ ᱧᱩᱛᱩᱢᱟᱱ ᱯᱩᱛᱷᱤᱭ ᱚᱞ-ᱛᱚᱞ ᱠᱮᱜᱼᱟ ᱾ ᱚᱵᱷᱤᱰ ᱤᱡ ᱡᱚᱴᱟᱣ ᱟᱣᱞᱩᱥ ᱥᱟᱵᱤᱱᱩᱥ ᱫᱚ ᱱᱚᱣᱟ ᱥᱟᱠᱟᱢ ᱨᱮᱭᱟᱜ ᱞᱟᱹᱱᱟᱹᱭ ᱚᱞ ᱮ ᱮᱛᱚᱦᱚᱵ ᱞᱮᱜᱼᱟ ᱾ᱥᱟᱵᱤᱱᱩᱥ ᱟᱜ ᱦᱚᱸ ᱯᱮᱭᱟ ᱥᱟᱠᱟᱢ ᱧᱟᱢᱚᱜᱼᱟ ᱾ ᱒ ᱵᱤᱥᱤ ᱨᱮ ᱚᱵᱷᱤᱰ ᱟᱜ ᱫᱩᱞᱟᱹᱲ ᱥᱟᱹᱜᱟᱹᱭ ᱡᱚᱛᱚ ᱠᱷᱚᱱ ᱱᱟᱯᱟᱭ ᱜᱟᱞᱟᱝ ᱜᱟᱵᱟᱱ 'ᱟᱨᱥ ᱚᱢᱟᱛᱳᱨᱤᱭᱟ' (ᱫᱩᱞᱟᱹᱲ ᱨᱤᱱᱤᱡ ᱵᱟᱰᱚᱦᱤ) ᱠᱟᱱᱟ ᱾

ᱡᱤᱛᱠᱟᱹᱨ ᱥᱟᱯᱲᱟᱣ

"ᱫᱩᱞᱟᱹᱲ ᱨᱮᱭᱟᱜ ᱵᱟᱰᱚᱦᱤ ᱨᱮ" ᱚᱵᱷᱤᱰᱟᱜ ᱜᱮᱭᱟᱱ ᱟᱡᱟᱜ ᱡᱤᱛᱠᱟᱹᱨ ᱨᱮᱭᱟᱜ ᱞᱟᱯᱷᱟᱝ ᱴᱷᱟᱶᱨᱮ ᱥᱮᱴᱮᱨ ᱦᱩᱭ ᱞᱮᱱᱟ ᱾ ᱱᱤᱛᱚᱜ ᱩᱱᱤ ᱵᱟᱨᱭᱟ ᱢᱟᱦᱟᱱ ᱜᱟᱞᱟᱝ ᱜᱟᱵᱟᱱ ᱮ ᱩᱪᱷᱟᱹᱱ ᱠᱮᱜᱼᱟ ᱯᱩᱭᱞᱩᱣᱟᱜ ᱧᱩᱛᱩᱢ ᱫᱚ ᱢᱮᱴᱟᱢᱚᱨᱯᱷᱳᱥᱮᱥ ᱟᱨ ᱫᱚᱥᱟᱨᱟᱜ ᱫᱚ ᱠᱷᱟᱥᱛᱟᱥᱤ ᱾ ᱭᱩᱱᱟᱱ ᱟᱨ ᱨᱳᱢ ᱵᱟᱱᱟᱨ ᱜᱮ ᱨᱟᱥᱴᱨᱳ ᱨᱮ ᱱᱚᱝᱠᱟᱱ ᱢᱟᱨᱮ ᱠᱟᱛᱷᱟ ᱧᱟᱢᱚᱜᱼᱟ ᱡᱟᱦᱟᱸ ᱨᱮ ᱟᱹᱰᱤᱜᱟᱱ ᱡᱤᱱᱤᱥ ᱟᱨ ᱢᱟᱹᱱᱢᱤᱭᱟᱜ ᱟᱹᱨᱩᱯᱷᱮᱨᱟᱣ ᱨᱮᱭᱟᱜ ᱵᱤᱥᱲᱤ ᱧᱟᱢᱚᱜᱼᱟ ᱾ ᱚᱵᱷᱤᱰ ᱫᱚ ᱟᱹᱰᱤᱜᱟᱱ ᱠᱟᱛᱷᱟ ᱠᱟᱹᱦᱱᱤ ᱠᱚ ᱑᱕ ᱜᱚᱴᱟᱝ ᱯᱚᱛᱚᱵ ᱨᱮ ᱢᱤᱫ ᱦᱟᱯᱲᱟᱜ ᱟᱨ ᱵᱟᱰᱚᱦᱤ ᱯᱮᱨᱮᱡ ᱯᱩᱛᱷᱤ ᱨᱮ ᱨᱩᱯ ᱮ ᱥᱚᱫᱚᱨ ᱞᱮᱜᱼᱟ ᱾ ᱱᱚᱶᱟ ᱦᱟᱹᱴᱤᱧ ᱫᱚ ᱭᱩᱨᱳᱯ ᱨᱮᱭᱟᱜ ᱵᱟᱰᱚᱦᱤ ᱟᱨ ᱥᱟᱶᱦᱮᱫ ᱨᱮᱭᱟᱜ ᱯᱚᱨᱢᱟᱱ ᱮ ᱮᱢ ᱠᱮᱜᱼᱟ ᱾ ᱯᱟᱹᱦᱤᱞ ᱡᱮᱜᱮᱛ ᱨᱮᱭᱟᱜ ᱢᱟᱨᱮ ᱠᱟᱛᱷᱟ ᱴᱷᱮᱱ ᱩᱯᱨᱩᱢᱚᱜ ᱞᱟᱹᱜᱤᱫ ᱱᱚᱶᱟ ᱮᱠᱞᱟ ᱜᱟᱞᱟᱝ ᱜᱟᱵᱟᱱ ᱜᱮ ᱟᱹᱰᱤ ᱰᱷᱮᱨᱟ ᱾

ᱫᱮᱥ ᱵᱟᱦᱮᱨ ᱥᱟᱯᱲᱟᱣ

ᱛᱤᱱ ᱡᱚᱦᱚᱜ ᱚᱵᱷᱤᱰ ᱟᱞᱵᱟᱱᱟᱢᱟᱠ ᱰᱷᱤᱯ ᱨᱮᱭ ᱛᱟᱦᱮᱸ ᱠᱟᱱᱟ, ᱩᱱᱤᱭ ᱵᱟᱰᱟᱭ ᱧᱟᱢ ᱠᱮᱜᱼᱟ ᱫᱚ ᱵᱟᱝ ᱢᱟ ᱥᱚᱢᱨᱟᱴ ᱳᱜᱩᱥᱴᱚᱥ ᱫᱚ ᱩᱱᱤ ᱵᱟᱥᱟ ᱠᱷᱚᱱ ᱮ ᱚᱰᱚᱠ ᱜᱤᱰᱤ ᱠᱟᱫᱮᱭᱟ ᱾ ᱩᱱᱤᱭᱟᱜ ᱥᱚᱢᱯᱚᱛᱤ ᱫᱚ ᱵᱟᱭ ᱠᱩᱸᱵᱽᱲᱩ ᱟᱠᱟᱜᱼᱟ ᱾ ᱟᱨ ᱵᱟᱥᱟ ᱠᱷᱚᱱ ᱚᱰᱚᱠ ᱜᱤᱰᱤ ᱨᱮᱭᱟᱜ ᱦᱚᱸ ᱪᱮᱫ ᱮᱛᱮᱫ ᱦᱚᱸ ᱴᱷᱷᱟᱹᱣᱠᱟᱹ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱞᱮᱠᱟᱛᱮ ᱩᱱᱤ ᱫᱚ ᱟᱡᱟᱜ ᱢᱩᱪᱟᱹᱫ ᱡᱤᱭᱚᱱ ᱫᱚ ᱠᱨᱤᱥᱱᱟ ᱥᱟᱜᱚᱨ ᱠᱟᱛᱟᱨᱮ ᱢᱮᱱᱟᱜ 'ᱛᱳᱢᱤᱥ' ᱨᱮ ᱠᱷᱮᱢᱟᱣ ᱛᱮ ᱦᱩᱭ ᱟᱫᱮᱭᱟ ᱾ ᱱᱚᱣᱟ ᱱᱟᱜᱟᱨ ᱨᱮᱭᱟᱜ ᱥᱚᱥᱱᱚᱜ ᱫᱚ ᱵᱷᱮᱜᱟᱨ ᱜᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱚᱠᱛᱚ ᱨᱮᱭᱟᱜ ᱥᱩᱨᱥᱩᱯᱩᱨ ᱨᱮᱜᱮ ᱥᱚᱢᱨᱟᱴ ᱫᱚ ᱟᱡᱤᱡ ᱡᱟᱶᱟᱭ ᱜᱚᱝᱠᱮ ᱦᱚᱸᱭ ᱫᱮᱥ ᱵᱟᱦᱮᱨ ᱜᱤᱰᱤ ᱠᱟᱫᱮᱭᱟ ᱾ ᱡᱚᱛᱚ ᱦᱚᱲ ᱱᱩᱠᱤᱱᱟᱜ ᱫᱮᱥ ᱵᱟᱦᱮᱨ ᱨᱮᱭᱟᱜ ᱥᱟᱹᱜᱟᱹᱭ ᱠᱚ ᱡᱚᱲᱟᱣᱟ ᱤᱠᱷᱟᱹᱱ ᱥᱟᱹᱨᱤᱛᱮᱫ ᱫᱚ ᱚᱠᱚᱭ ᱦᱚᱸ ᱵᱟᱠᱚ ᱵᱟᱰᱟᱭ ᱧᱟᱢ ᱫᱟᱲᱮᱭᱟᱫᱼᱟ ᱾

ᱢᱩᱪᱟᱹᱫ ᱡᱤᱭᱚᱱ ᱥᱟᱯᱲᱟᱣ

'ᱛᱳᱢᱤᱥ' ᱨᱮ ᱚᱱᱚᱬᱦᱤᱭᱟᱹ ᱦᱟᱜ ᱡᱤᱭᱚᱱ ᱟᱹᱰᱤ ᱫᱩᱠᱷᱟᱹᱞᱤ ᱜᱮ ᱛᱟᱦᱮᱸ ᱠᱟᱱᱟ ᱾ ᱚᱸᱰᱮ ᱩᱱᱤ ᱡᱟᱦᱟᱸ ᱚᱱᱚᱬᱦᱮ ᱥᱟᱦᱴᱟᱭ ᱚᱞ ᱠᱮᱜᱼᱟ, ᱚᱱᱟᱨᱮ ᱟᱡᱟᱜ ᱫᱮᱥ ᱵᱟᱦᱮᱨ ᱛᱷᱩᱠᱟᱹᱢ ᱞᱟᱹᱜᱤᱫ ᱱᱮᱦᱚᱨ ᱵᱟᱝ ᱞᱟᱹᱞᱩᱜᱼᱟ ᱛᱤᱱᱟᱹ ᱜ ᱞᱟᱪᱷᱟ ᱨᱮ ᱛᱤᱱᱟᱹᱜ ᱫᱷᱟᱣ ᱟᱨ ᱛᱤᱱᱟᱹᱜ ᱨᱚᱠᱚᱢ ᱛᱮᱭ ᱚᱞ ᱞᱮᱜᱼᱟ ᱾ ᱤᱠᱷᱟᱹᱱ ᱚᱱᱟ ᱨᱮᱭᱟᱜ ᱚᱨᱡᱚ ᱪᱮᱫ ᱦᱚᱸ ᱵᱟᱝ ᱚᱰᱚᱠ ᱞᱮᱱᱟ ᱾ ᱚᱜᱚᱥᱛᱤ ᱛᱟᱭᱚᱢ ᱴᱤᱵᱚᱨᱤᱳᱥ ᱥᱚᱢᱨᱟᱴ ᱮ ᱵᱮᱱᱟᱣ ᱮᱱᱟ ᱾ ᱤᱠᱷᱟᱹᱱ ᱩᱱᱤ ᱦᱚᱸ ᱚᱵᱷᱤᱰ ᱟᱜ ᱢᱤᱫ ᱠᱟᱛᱷᱟ ᱦᱚᱸ ᱵᱟᱭ ᱟᱸᱡᱚᱢ ᱞᱮᱜᱼᱟ ᱾ ᱢᱩᱪᱟᱹᱫ ᱨᱮ ᱚᱸᱰᱮ ᱜᱮ ᱑᱗ ᱵᱟᱝ ᱑᱘ ᱵᱤᱥᱤ ᱨᱮ ᱟᱡᱟᱜ ᱡᱤᱭᱚᱱ ᱵᱟᱹᱛᱤ ᱦᱚᱸ ᱤᱬᱤᱡ ᱮᱱᱟ ᱾ ᱛᱳᱢᱤᱥ ᱠᱷᱚᱱ ᱩᱱᱤ ᱡᱟᱦᱟᱸ ᱚᱱᱚᱬᱦᱮ ᱞᱟᱪᱷᱟ ᱮ ᱚᱞ ᱞᱮᱜᱼᱟ ᱚᱱᱟ ᱨᱮᱭᱟᱜ ᱛᱩᱢᱟᱹᱞ ᱫᱚ "ᱛᱤᱥᱛᱤᱭᱟ" ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱫᱚ ᱚᱵᱷᱤᱰ ᱟᱜ ᱦᱟᱯᱲᱟᱜ "ᱢᱮᱜᱷᱫᱩᱛ" ᱢᱮᱱᱛᱮ ᱦᱚᱸ ᱢᱮᱱ ᱜᱟᱱᱚᱜᱼᱟ ᱾ ᱱᱚᱣᱟ ᱞᱟᱪᱷᱟ ᱨᱮᱫᱚ ᱚᱱᱚᱬᱦᱤᱭᱟᱹ ᱦᱟᱜ ᱦᱟᱨᱠᱮᱛ ᱜᱟᱞᱟᱝ ᱜᱟᱵᱟᱱ ᱠᱟᱛᱮ ᱢᱮᱱᱟᱜᱼᱟ ᱾ ᱡᱟᱦᱟᱸ ᱞᱟᱪᱷᱟ ᱩᱱᱤ ᱟᱡ ᱨᱤᱱ ᱮᱨᱟ ᱟᱨ ᱜᱤᱫᱽᱨᱟᱹ ᱞᱟᱹᱜᱤᱫ ᱮ ᱚᱞ ᱟᱠᱟᱜᱼᱟ ᱾ ᱱᱚᱣᱟ ᱫᱟᱭᱟ ᱫᱩᱞᱟᱹᱲ ᱛᱮ ᱯᱮᱨᱮᱡ ᱥᱟᱨᱮᱲ ᱟᱠᱟᱱᱟ ᱾ ᱟᱨ ᱢᱤᱫ ᱞᱟᱪᱷᱟ ᱛᱩᱢᱟᱹᱞ ᱫᱚ 'Epistula Ax Potato' ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱞᱟᱸᱜᱟ ᱚᱱᱚᱬᱦᱤᱭᱟᱹ ᱫᱚ "ᱤᱵᱤᱥ" ᱧᱩᱛᱩᱢᱟᱱ ᱢᱤᱫ ᱚᱵᱷᱤᱥᱟᱯ ᱦᱚᱸᱭ ᱚᱞ ᱟᱠᱟᱜᱼᱟ ᱾ ᱡᱟᱦᱟᱸᱨᱮ ᱩᱱᱤ ᱢᱤᱫ ᱵᱟᱝ ᱧᱩᱛᱩᱢ ᱵᱟᱹᱭᱨᱤ ᱚᱵᱷᱤᱥᱟᱯ ᱮ ᱮᱢᱟ ᱠᱟᱣᱟ ᱫᱮᱭᱟ ᱾ ᱱᱚᱣᱟ ᱥᱟᱶᱼᱥᱟᱶᱛᱮ ᱩᱱᱤ ᱟᱨ ᱵᱟᱨᱭᱟ ᱠᱷᱟᱴᱚ ᱯᱩᱛᱷᱤ ᱦᱟᱹᱠᱩ ᱟᱨ ᱚᱠᱷᱨᱳᱴ ᱪᱮᱛᱟᱱ ᱨᱮ Haliyutika 'and' Nook ᱧᱩᱛᱩᱢ ᱛᱮᱭ ᱚᱞ ᱞᱮᱜᱼᱟ ᱾ ᱚᱵᱷᱤᱰ ᱟᱜ ᱟᱹᱰᱤᱜᱟᱱ ᱚᱞᱼᱵᱮᱞ ᱫᱚ ᱛᱮᱦᱮᱧ ᱜᱟᱯᱟ ᱢᱟᱞᱚᱴ ᱩᱛᱟᱹᱨ ᱟᱠᱟᱱᱟ ᱾

ᱟᱨ ᱦᱚᱸ ᱧᱮᱞ ᱢᱮ ᱥᱟᱯᱲᱟᱣ

ᱤᱸᱜᱨᱟᱡᱤ ᱣᱤᱠᱤᱯᱤᱰᱤᱣᱟ

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ

  1. Trist. 1.2.77
  2. cite book|last1=Hornblower|first1=Simon|last2=Spawforth|first2=Antony|last3=Eidinow|first3=Esther|title=The Oxford Companion to Classical Civilization|url=https://books.google.com/books?id=AIgdBAAAQBAJ%7Cyear=2014%7Cpublisher=Oxford[permanent dead link] University Press|isbn=978-0-19-870677-9 |page=562