ᱛᱟᱞᱟ ᱴᱩᱰᱩ
ᱛᱟᱞᱟ ᱴᱩᱰᱩ (ᱡᱟᱱᱟᱢ ᱺ ᱒᱑ ᱡᱩᱞᱟᱭ ᱑᱙᱗᱒) ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ, ᱟᱨ ᱛᱚᱨᱡᱚᱢᱤᱭᱟᱹ ᱦᱚᱸ ᱠᱟᱱᱟᱭ ᱾ ᱟᱡ ᱫᱚ ᱒᱐᱑᱕ ᱥᱟᱞᱮ ᱨᱮ ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ , ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱛᱚᱨᱡᱚᱢᱟ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾
| ᱛᱟᱞᱟ ᱴᱩᱰᱩ | |
|---|---|
 | |
| ᱡᱟᱱᱟᱢ | ᱛᱟᱞᱟ ᱢᱩᱨᱢᱩ 1972 (age 51–52) ᱠᱤᱱᱩᱰᱤᱦ ᱠᱚᱨᱚᱱᱰᱤ ᱥᱟᱢᱟᱝ ᱥᱤᱝᱵᱷᱩᱢ ᱡᱷᱟᱨᱠᱷᱚᱸᱰ |
| ᱠᱟᱹᱢᱤ | ᱚᱱᱚᱞᱤᱭᱟ. |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ ᱟᱥᱲᱟ | ᱞ . ᱵᱟ. ᱥᱟ . ᱢᱮ |
| ᱥᱤᱨᱯᱷᱟᱹ | ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱛᱚᱨᱡᱚᱢᱟ ᱥᱤᱨᱯᱷᱟ.(᱒᱐᱑᱕) ᱥᱚᱨᱚᱛ ᱪᱚᱸᱫᱽᱨᱚ ᱪᱟᱨᱪᱟ ᱯᱩᱨᱚᱥᱠᱟᱨ (᱒᱐᱑᱖) ᱵᱷᱟᱥᱟ ᱥᱚᱢᱢᱟᱱ (᱒᱐᱑᱖) |
| ᱜᱟᱛᱮ | ᱢᱟᱹᱱ ᱜᱟᱱᱮᱥ ᱴᱩᱰᱩ |
| ᱦᱚᱯᱚᱱ | ᱒, ᱟᱱᱤᱥᱟ ᱴᱩᱰᱩ, ᱟᱥᱤᱥ ᱨᱟᱡᱽ ᱴᱩᱰᱩ |
ᱡᱟᱱᱟᱢ
ᱥᱟᱯᱲᱟᱣᱛᱟᱞᱟ ᱴᱩᱰᱩ ᱫᱚ ᱟᱥᱟᱲ ᱵᱚᱸᱜᱟ ᱨᱮᱭᱟᱜ ᱤᱸᱜᱽᱨᱟᱹᱡᱤ ᱢᱟᱹᱦᱤᱛ ᱒᱑ᱼ᱐᱗ᱼ᱑᱙᱗᱒ ᱥᱟᱞᱮ ᱨᱮ ᱠᱤᱱᱩᱰᱤ ᱠᱚᱨᱚᱱᱰᱤ ᱟᱹᱛᱩ ᱨᱮᱭᱟᱜ ᱦᱚᱱᱚᱛ ᱥᱟᱢᱟᱝ ᱥᱤᱝᱵᱷᱩᱢ, ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱢᱤᱫ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱡᱷᱟᱨᱠᱷᱚᱸᱰ ᱫᱤᱥᱚᱢ ᱯᱷᱩᱨᱜᱟᱹᱞᱤᱭᱟᱹᱣᱟᱜ ᱵᱟᱹᱠᱷᱳᱞ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟᱣᱟᱜ ᱧᱩᱛᱩᱢ ᱫᱚ ᱢᱟᱹᱱ ᱥᱤᱹ ᱟᱨᱹ ᱢᱟᱺᱡᱷᱤ [ᱪᱷᱚᱴᱮᱨᱟᱢ ᱢᱟᱺᱡᱷᱤ (ᱢᱩᱨᱢᱩ)] ᱟᱨ ᱟᱭᱳ ᱧᱩᱛᱩᱢ ᱫᱚ ᱵᱚᱸᱜᱟᱛᱟᱞᱟ ᱟᱠᱟᱱ ᱵᱟᱦᱟ ᱢᱩᱨᱢᱩ ᱢᱮᱱᱛᱮ ᱛᱟᱦᱮᱸ ᱠᱟᱱᱟ ᱾ ᱱᱩᱠᱤᱱᱤᱡ ᱜᱮ ᱛᱟᱞᱟ ᱦᱚᱯᱚᱱ ᱮᱨᱟ ᱠᱟᱱᱟᱭ ᱛᱟᱞᱟ ᱴᱩᱰᱩ ᱫᱚ ᱾ ᱛᱟᱞᱟ ᱴᱩᱰᱩ ᱛᱮᱠᱚ ᱫᱚ ᱡᱚᱛᱚ ᱛᱮ ᱢᱚᱬᱮ ᱵᱚᱭᱦᱟᱜ ᱟᱠᱚ ᱾ ᱯᱩᱱ ᱦᱚᱲ ᱫᱚ ᱠᱩᱲᱤ ᱵᱚᱭᱦᱟ ᱟᱨ ᱢᱤᱫ ᱦᱚᱲ ᱫᱚ ᱠᱚᱲᱟ ᱵᱚᱭᱦᱟ ᱠᱟᱱᱟᱭ ᱾ ᱠᱚᱲᱟ ᱵᱚᱭᱦᱟ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱩᱛᱟᱹᱨᱤᱡ ᱢᱟᱹᱱ ᱨᱚᱵᱤᱱᱫᱽᱨᱚ ᱱᱟᱛᱷ ᱢᱩᱨᱢᱩ, ᱡᱟᱦᱟᱸᱭ ᱫᱚ ᱟᱡ ᱦᱚᱸ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱤᱱᱟᱹ ᱫᱚᱥᱟᱨ ᱫᱟᱹᱭ ᱫᱚ ᱡᱳᱵᱟ ᱢᱩᱨᱢᱩ, ᱡᱟᱦᱟᱸᱭ ᱫᱚ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ, ᱥᱮᱨᱮᱧ ᱜᱟᱵᱟᱱᱤᱭᱟᱹ, ᱥᱟᱶᱛᱮ ᱢᱤᱫ ᱯᱷᱤᱞᱤᱢ ᱰᱟᱭᱨᱮᱠᱴᱚᱨ ᱟᱨ ᱜᱟᱭᱟᱱ ᱟᱨ ᱯᱷᱤᱞᱤᱢ ᱠᱷᱮᱞᱚᱸᱰᱟᱹᱱᱤ ᱦᱚᱸ ᱠᱟᱱᱟᱭ ᱾ ᱱᱩᱭ ᱥᱩᱛᱩᱜ ᱛᱟᱞᱟ ᱠᱩᱲᱤ ᱜᱮ ᱛᱟᱞᱟ ᱴᱩᱰᱩ ᱫᱚ ᱾ ᱛᱟᱞᱟ ᱠᱷᱚᱱ ᱦᱩᱰᱤᱧ ᱠᱤᱱ ᱟᱨ ᱵᱟᱨᱭᱟ ᱠᱩᱲᱤ ᱵᱚᱭᱦᱟ ᱢᱮᱱᱟᱜ ᱠᱤᱱᱟ ᱾
᱑᱙᱙᱙ ᱥᱟᱞᱮ ᱨᱮ ᱢᱟᱹᱱ ᱜᱟᱱᱮᱥ ᱴᱩᱰᱩ (Advocate)ᱥᱟᱶ ᱵᱟᱯᱞᱟ ᱛᱟᱭ ᱦᱩᱭ ᱟᱠᱟᱱᱟ ᱾ ᱡᱟᱦᱟᱸᱭ ᱫᱚ ᱡᱟᱢᱥᱮᱫᱽᱯᱩᱨ ᱥᱤᱵᱷᱤᱞ ᱠᱚᱨᱴ ᱨᱮ ᱟᱭᱤᱱ ᱡᱤᱣᱤ ᱞᱮᱠᱟᱛᱮ ᱡᱩᱲᱟᱹᱣ ᱢᱮᱱᱟᱭᱟ ᱾
ᱥᱮᱪᱮᱫ
ᱥᱟᱯᱲᱟᱣᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱡᱮᱹᱤᱹᱮᱞᱹ ᱪᱚᱨᱪ ᱟᱥᱲᱟ ᱠᱤᱛᱟᱹᱰᱤᱦ ᱨᱮ ᱮᱦᱚᱵ ᱠᱟᱛᱮ ᱢᱮᱴᱨᱤᱠ ᱫᱚ ᱵᱤᱨᱥᱟᱹ ᱢᱮᱢᱳᱨᱤᱭᱟᱹᱞ ᱩᱱᱩᱥᱩᱞ ᱟᱥᱲᱟ ᱥᱟᱨᱡᱚᱢᱫᱟᱜ ᱠᱷᱚᱱ ᱮ ᱥᱟᱹᱛ ᱞᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱪᱮᱛᱟᱱ ᱛᱟᱱᱟᱞᱟ ᱫᱚ ᱮᱞᱹᱵᱤᱹᱮᱥᱹᱮᱢᱹ ᱵᱤᱨᱫᱟᱹᱜᱟᱲ ᱠᱚᱨᱚᱱᱰᱤᱦ , ᱡᱟᱢᱥᱮᱫᱽᱯᱩᱨ ᱠᱷᱚᱱ ᱯᱟᱥ ᱠᱟᱛᱮ ᱑᱙᱙᱒ ᱥᱟᱞᱮ ᱨᱮ ᱴᱟᱴᱟ ᱥᱴᱤᱞ ᱡᱟᱢᱥᱮᱫᱽᱯᱩᱨ (Medical division) ᱴᱟᱴᱟ ᱢᱮᱱ ᱟᱥᱯᱟᱛᱟᱞ ᱵᱤᱥᱴᱩᱯᱩᱨ ᱨᱮ ᱪᱟᱹᱠᱨᱤᱭ ᱧᱟᱢ ᱠᱮᱫ ᱛᱮ ᱪᱮᱛᱟᱱ ᱥᱮᱫᱟᱜ ᱯᱟᱲᱦᱟᱣ ᱫᱚ ᱴᱷᱟᱠᱮᱫ ᱞᱮᱱ ᱛᱟᱭ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱢᱚᱱᱮ ᱨᱮ ᱯᱟᱲᱦᱟᱣ ᱨᱮᱭᱟᱜ ᱛᱮᱛᱟᱝ ᱛᱟᱦᱮᱸ ᱠᱟᱱ ᱛᱮ ᱪᱟᱹᱠᱨᱤ ᱛᱩᱞᱩᱡ ᱜᱮ ᱞᱟᱦᱟ ᱥᱮᱫᱟᱜ ᱮ ᱯᱟᱲᱦᱟᱣ ᱠᱮᱫᱼᱟ ᱾ ᱑᱙᱙᱘ ᱥᱟᱞᱮ ᱨᱮ ᱮᱞᱹᱵᱤᱹᱮᱥᱹᱮᱢᱹ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱠᱚᱨᱚᱱᱰᱤᱦ ᱡᱟᱢᱥᱮᱫᱽᱯᱩᱨ ᱠᱷᱚᱱ ᱵᱤᱹᱮᱹ (Hons) ᱥᱟᱹᱛ ᱠᱟᱛᱮ ᱒᱐᱐᱑ ᱨᱮ ᱡᱟᱢᱥᱮᱫᱽᱯᱩᱨ Co-Operative Law College ᱡᱟᱢᱥᱮᱫᱽᱯᱩᱨ ᱠᱷᱚᱱ ᱟᱹᱱ ᱟᱹᱱᱟᱹᱨᱤ ᱯᱟᱲᱦᱟᱣ ᱫᱚᱭ ᱥᱟᱹᱛ ᱞᱮᱫᱼᱟ ᱾ ᱱᱤᱛ ᱫᱚ ᱴᱟᱴᱟ ᱢᱮᱱ ᱟᱥᱯᱟᱛᱟᱞ ᱵᱤᱥᱴᱩᱯᱩᱨ ᱨᱮ ᱥᱤᱥᱴᱚᱨ ᱤᱱᱪᱟᱨᱡᱽ ᱞᱮᱠᱟᱛᱮ ᱡᱩᱲᱟᱹᱣ ᱢᱮᱱᱟᱭᱟ ᱾
ᱯᱟᱨᱥᱟᱞ ᱟᱠᱟᱱ ᱯᱩᱛᱷᱤ
ᱥᱟᱯᱲᱟᱣ᱑ᱹ ᱵᱟᱯᱞᱟᱱᱤᱡ ᱼ ᱛᱚᱨᱡᱚᱢᱟ ᱯᱚᱛᱚᱵ (ᱯᱚᱨᱤᱱᱤᱛᱟ) ᱜᱟᱢᱟᱢ ᱯᱩᱛᱷᱤ , ᱢᱩᱬ ᱚᱱᱚᱞᱤᱭᱟᱹ ᱥᱚᱨᱚᱛ ᱪᱚᱸᱫᱽᱨᱚ ᱪᱟᱴᱴᱚᱯᱟᱫᱷᱭᱟᱭ ᱾ ᱡᱟᱦᱟᱸ ᱫᱚ ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱱᱟᱶᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱒᱐᱑᱕ ᱥᱟᱞᱮ ᱨᱮ ᱛᱚᱨᱡᱚᱢᱟ ᱥᱤᱨᱯᱷᱟᱹᱭ ᱟᱢᱮᱴ ᱟᱠᱟᱫᱼᱟ ᱾
᱒ᱹ ᱵᱟᱦᱟ ᱵᱟᱲᱜᱮ ᱼ ᱛᱚᱨᱡᱚᱢᱟ ᱯᱩᱛᱷᱤ (ᱢᱟᱞᱟᱸᱪ) ᱜᱟᱢᱟᱢ ᱯᱩᱛᱷᱤ ᱼ ᱜᱟᱢᱟᱢᱤᱭᱟᱹ ᱨᱚᱵᱤᱱᱫᱨᱚ ᱱᱟᱛᱷ ᱴᱷᱟᱠᱩᱨ ᱾
- ᱢᱮᱫ ᱯᱮᱨᱮᱡ ᱢᱮᱫ ᱫᱟᱜ ᱼ ᱜᱟᱢᱟᱢ ᱯᱩᱛᱷᱤ ᱼ ᱯᱟᱨᱥᱟᱞ ᱰᱟᱦᱟᱨ ᱨᱮ ᱾
- ᱠᱷᱟᱧᱪᱟᱨ ᱢᱤᱨᱩ ᱼ ᱠᱷᱟᱴᱚ ᱠᱟᱹᱦᱱᱤ ᱠᱚ ᱼ ᱚᱞ ᱥᱟᱯᱲᱟᱣ ᱟᱠᱟᱱ ᱯᱩᱛᱷᱤ ᱾
- ᱵᱟᱦᱟ ᱛᱷᱚᱯᱮ ᱼ ᱚᱱᱚᱬᱦᱮ ᱯᱩᱛᱷᱤ ᱼ ᱚᱞ ᱥᱟᱯᱲᱟᱣ ᱟᱠᱟᱱ ᱯᱩᱛᱷᱤ ᱾
ᱡᱩᱦᱩᱲᱟᱹᱣ ᱨᱮ
ᱥᱟᱯᱲᱟᱣᱛᱟᱞᱟ ᱴᱩᱰᱩ ᱫᱚ ᱟᱭᱢᱟ ᱜᱟᱶᱛᱟ ᱥᱟᱶ ᱦᱚᱸ ᱡᱩᱦᱩᱲᱟᱹᱣ ᱨᱮ ᱢᱮᱱᱟᱭᱟ ᱾ ᱟᱭᱢᱟ ᱜᱟᱶᱛᱟ ᱨᱤᱱᱤᱡ ᱥᱚᱦᱮᱛ ᱞᱮᱠᱟ ᱛᱮ ᱦᱚᱸ ᱢᱮᱱᱟᱭᱟ ᱾
- ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱨᱤᱱᱤᱡ ᱡᱤᱵᱚᱱ ᱵᱷᱩᱨ ᱥᱚᱦᱮᱛ ᱾
- ᱡᱟᱦᱮᱨ ᱛᱷᱟᱱ ᱠᱩᱢᱩᱴ ᱠᱚᱨᱚᱱᱰᱤ ᱡᱟᱢᱥᱮᱫᱽᱯᱩᱨ ᱨᱤᱱᱤᱡ ᱡᱤᱵᱚᱱ ᱵᱷᱩᱨ ᱥᱚᱦᱮᱛ ᱾
- ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱯᱩᱨᱵᱤ ᱥᱤᱝᱵᱷᱩᱢ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱞᱮᱠᱟᱛᱮ ᱾
- ᱡᱚᱭᱯᱟᱞ ᱢᱟᱰᱣᱟ ᱠᱚᱨᱚᱱᱰᱤ ᱨᱤᱱᱤᱡ ᱡᱤᱵᱚᱱ ᱵᱷᱩᱨ ᱥᱚᱦᱮᱛ ᱾
ᱢᱟᱹᱱ ᱥᱤᱨᱯᱷᱟᱹ
ᱥᱟᱯᱲᱟᱣ- ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱒᱐᱑᱕ ᱥᱟᱞᱮ ᱨᱮ ᱛᱚᱨᱡᱚᱢᱟ ᱥᱤᱨᱯᱷᱟᱹ ᱾
- ᱥᱚᱨᱚᱛ ᱪᱚᱸᱫᱽᱨᱚ ᱪᱟᱨᱪᱟ ᱯᱩᱨᱚᱥᱠᱟᱨ ᱒᱐᱑᱖ ᱨᱮ ᱼ ᱥᱟᱨᱟᱛ ᱥᱚᱢᱤᱛᱤ ᱠᱚᱞᱠᱟᱛᱟ ᱯᱟᱦᱴᱟ ᱠᱷᱚᱱ ᱾
- ᱵᱷᱟᱥᱟ ᱥᱚᱢᱢᱟᱱ ᱒᱐᱑᱖ ᱼ ᱡᱷᱟᱨᱠᱷᱚᱸᱰ ᱵᱟᱝᱜᱟ ᱵᱷᱟᱥᱤ ᱥᱚᱢᱚᱱᱭᱚᱭ ᱥᱚᱢᱤᱛᱤ ᱾
- ᱥᱟᱦᱤᱛᱭᱚ ᱥᱤᱠᱷᱚᱨ ᱥᱚᱢᱢᱟᱱ ᱒᱐᱑᱘ ᱼ ᱡᱚᱱᱚᱡᱟᱛᱤᱭᱚ ᱮᱵᱚᱢ ᱠᱷᱮᱛᱨᱤᱭᱚ ᱵᱷᱟᱥᱟ ᱵᱤᱵᱷᱟᱜᱽ (ᱥᱟᱱᱛᱟᱲᱤ) ᱜᱷᱟᱴᱥᱤᱞᱟ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱜᱷᱟᱴᱥᱤᱞᱟᱹ ᱾
ᱟᱸᱴᱷ ᱟᱹᱲᱟᱹ
ᱥᱟᱯᱲᱟᱣᱱᱚᱶᱟ ᱟᱹᱲᱟᱹ ᱵᱷᱤᱛᱨᱤ ᱠᱷᱚᱱ ᱡᱟᱦᱟᱸ ᱜᱮ ᱚᱛᱟ ᱞᱮᱠᱷᱟᱱ ᱥᱟᱱᱛᱟᱲᱤ ᱣᱤᱠᱤᱢᱩᱨᱟᱹᱭ(Santali Wiktionary Incubator Dictionary) ᱣᱮᱵᱽᱥᱟᱭᱤᱴ ᱛᱮ ᱠᱚ ᱵᱷᱮᱡᱟ ᱢᱮᱭᱟ ᱠᱚ ᱾