ᱛᱟᱨᱟᱥᱚᱝᱠᱚᱨ ᱵᱚᱱᱫᱭᱳᱯᱟᱫᱷᱭᱟᱭ
ᱛᱟᱨᱟᱥᱚᱝᱠᱚᱨ ᱵᱚᱱᱫᱭᱳᱯᱟᱫᱷᱭᱟᱭ ᱫᱚ ᱵᱚᱝᱥᱚ ᱥᱚᱛᱚᱠ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱵᱟᱝᱜᱽᱟᱞᱤ ᱚᱱᱚᱞᱤᱭᱟᱹ ᱛᱟᱦᱮᱸ ᱠᱟᱱᱟ |ᱱᱩᱭ ᱟᱜ ᱡᱟᱱᱟᱢ ᱫᱚ ᱒᱓ ᱡᱩᱞᱟᱭ ᱑᱘᱙᱘ ᱥᱟᱞ ᱨᱮ| ᱩᱱᱤ ᱫᱚ ᱖᱕ ᱜᱚᱴᱟᱝ ᱜᱟᱢᱟᱢ , ᱕᱓ ᱜᱚᱴᱟᱝ ᱦᱩᱰᱤᱧ ᱠᱟᱹᱦᱱᱤ , ᱑᱒ ᱜᱚᱴᱟᱝ ᱜᱟᱭᱟᱱ , ᱔ ᱭᱟ ᱚᱱᱚᱞ ᱯᱚᱛᱚᱵ , ᱔ᱭᱟ ᱩᱭᱦᱟᱹᱨ ᱟᱱᱟᱜ ᱥᱟᱶᱦᱮᱫ , ᱒ᱭᱟ ᱫᱟᱬᱟᱱ ᱥᱟᱶᱦᱮᱫ , ᱑ ᱴᱟᱝ ᱚᱱᱚᱬᱦᱮᱸ ᱯᱚᱛᱚᱵ , ᱑ᱴᱟᱝ ᱯᱨᱚᱦᱚᱥᱚᱱ ᱮ ᱚᱞ ᱞᱮᱫᱟ| ᱱᱩᱭ ᱫᱚ ᱟᱨᱳᱜᱭᱚ ᱱᱤᱠᱮᱛᱚᱱ ᱜᱟᱢᱟᱢ ᱠᱷᱟᱹᱛᱤᱨ ᱑᱙᱕᱕ ᱥᱟᱞ ᱨᱮ ᱨᱚᱵᱤᱱᱫᱨᱚ ᱥᱤᱨᱯᱟᱹ , ᱑᱙᱕᱖ ᱥᱟᱞ ᱨᱮ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱟᱹ , ᱑᱙᱖᱗ ᱥᱟᱞ ᱨᱮ ᱜᱚᱱᱚᱫᱮᱵᱚᱛᱟ ᱜᱟᱢᱟᱢ ᱠᱷᱟᱹᱛᱤᱨ ᱜᱭᱮᱱᱯᱤᱴᱷ ᱥᱤᱨᱯᱟᱹ ᱮ ᱦᱟᱢᱮᱴ ᱞᱮᱫᱟ|᱑᱙᱖᱒ ᱥᱟᱞ ᱨᱮ ᱯᱚᱫᱢᱚᱥᱨᱤ , ᱑᱙᱖᱘ ᱯᱚᱫᱢᱚᱵᱷᱩᱥᱚᱱ ᱟᱨ ᱑᱙᱗᱑ ᱥᱟᱞ ᱨᱮ ᱥᱟᱶᱦᱮᱫ ᱨᱮ ᱱᱳᱵᱮᱞ ᱥᱤᱨᱯᱟᱹ ᱧᱟᱢ ᱞᱟᱜᱤᱫ ᱫᱟᱣ ᱮ ᱧᱟᱢ ᱞᱮᱫᱟ| ᱛᱟᱨᱟᱥᱚᱝᱠᱚᱨ ᱜᱚᱢᱠᱮ ᱟᱜ ᱚᱞ ᱜᱟᱢᱟᱢ ᱟᱨ ᱦᱩᱰᱤᱧ ᱠᱟᱹᱦᱱᱤ ᱠᱚ ᱪᱮᱛᱟᱱ ᱴᱮᱸᱦᱟᱰ ᱠᱟᱴᱮ ᱟᱭᱢᱟ ᱥᱤᱱᱮᱢᱟ ᱵᱮᱱᱟᱣ ᱟᱠᱟᱱᱟ| ᱚᱱᱟ ᱠᱚ ᱢᱩᱫᱨᱮ ᱥᱚᱛᱭᱚᱡᱤᱛ ᱨᱟᱭ ᱯᱚᱨᱤᱪᱟᱞᱤᱛᱚ ᱥᱤᱱᱮᱢᱟ ᱡᱚᱞᱥᱟᱜᱷᱚᱨ ᱳ ᱚᱵᱷᱤᱡᱟᱱ, ᱚᱡᱚᱭ ᱠᱚᱨ ᱯᱚᱨᱤᱪᱟᱞᱤᱛᱚ ᱥᱚᱯᱛᱚᱯᱚᱫᱤ , ᱛᱚᱨᱩᱱ ᱢᱚᱡᱚᱢᱫᱟᱨ ᱯᱚᱨᱤᱪᱟᱞᱤᱛᱚ ᱜᱚᱱᱚᱫᱮᱵᱚᱛᱟ,ᱛᱚᱯᱚᱱ ᱥᱤᱝᱦᱚ ᱯᱚᱨᱤᱪᱟᱞᱤᱛᱚ ᱦᱟᱸᱥᱩᱞᱤ ᱵᱟᱸᱠᱮᱨ ᱩᱯᱩᱠᱚᱛᱷᱟ ᱧᱩᱢᱟᱱᱟᱜ ᱠᱟᱱᱟ|
| ᱛᱟᱨᱟᱥᱚᱝᱠᱚᱨ ᱵᱚᱱᱫᱭᱳᱯᱟᱫᱷᱭᱟᱭ | |
|---|---|
 | |
| ᱡᱟᱱᱟᱢ | ᱒᱓ ᱡᱩᱞᱟᱭ ᱑᱘᱙᱘ ᱞᱟᱵᱽᱯᱩᱨ, ᱵᱤᱨᱵᱷᱩᱢ ᱦᱚᱱᱛ, ᱵᱟᱝᱞᱟ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱔ ᱥᱮᱯᱴᱮᱢᱵᱚᱨ ᱑᱙᱗᱑ (᱗᱓ ᱵᱚᱭᱚᱥ) ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱟᱹᱢᱤ |
|
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱤᱨᱯᱷᱟᱹ | |
| ᱡᱤᱭᱚᱱ ᱥᱚᱦᱮᱫ | ᱩᱢᱟᱥᱟᱥᱤ ᱫᱮᱵᱤ (m. ᱑᱙᱑᱖) |
| ᱥᱚᱝᱥᱚᱫᱽ ᱨᱮᱱ ᱥᱚᱦᱮᱫ, ᱨᱟᱡᱽᱭᱚ ᱥᱚᱵᱷᱟ | |
| ᱟᱹᱢᱟᱹᱞᱤ ᱨᱮ 3 ᱟᱯᱨᱮᱞ 1960 – 2 ᱟᱯᱨᱮᱞ 1966 | |
| ᱵᱟᱪᱱᱟᱣ ᱮᱞᱮᱠᱟ | ᱱᱚᱢᱤᱱᱮᱴᱮᱰ |
ᱡᱤᱭᱚᱱ
ᱥᱟᱯᱲᱟᱣ᱑᱘᱙᱘ ᱥᱟᱞ ᱨᱮᱱᱟᱜ ᱒᱓ ᱡᱩᱞᱟᱭ ᱵᱨᱤᱴᱤᱥ ᱥᱟᱥᱚᱱ ᱨᱮᱱᱟᱜ ᱵᱟᱝᱞᱟ ᱯᱨᱮᱥᱤᱰᱮᱱᱥᱤ ᱨᱮ ᱢᱮᱱᱟᱜ ᱱᱤᱛᱚᱜᱟ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱵᱤᱨᱵᱷᱩᱢ ᱦᱚᱱᱚᱛ ᱨᱮ ᱢᱮᱱᱟᱜ ᱞᱟᱵᱷᱯᱩᱨ ᱨᱮ ᱢᱮᱱᱟᱜ ᱢᱤᱫ ᱦᱩᱰᱤᱧ ᱡᱚᱢᱤᱫᱟᱨ ᱜᱷᱟᱨᱚᱧᱪ ᱨᱮ| ᱡᱟᱱᱟᱢ ᱟᱹᱛᱩ ᱨᱮᱱᱟᱜ ᱨᱮᱜᱮᱡ ᱫᱚᱥᱟ ᱟᱨ ᱡᱚᱢᱤᱫᱟᱨ ᱠᱚᱣᱟᱜ ᱨᱚᱰᱚᱪ ᱠᱚᱪᱞᱚᱱ ᱜᱮ ᱛᱟᱸᱦᱮ ᱠᱟᱱᱟ ᱟᱡᱟᱜ ᱚᱞ ᱨᱮᱱᱟᱜ ᱥᱟᱛᱟᱢ ᱫᱚ| ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱦᱚᱨᱤᱫᱟᱥ ᱵᱚᱱᱫᱭᱳᱯᱟᱫᱷᱭᱟᱭ ᱟᱨ ᱟᱭᱚᱟᱜ ᱧᱩᱛᱩᱢ ᱫᱚ ᱯᱨᱚᱵᱷᱟᱵᱚᱛᱤ ᱫᱮᱵᱤ ᱛᱟᱸᱠᱮ ᱠᱟᱱᱟ|ᱛᱟᱨᱟᱥᱚᱝᱠᱚᱨ ᱟᱜ ᱵᱟᱵᱟ ᱫᱚ ᱵᱟᱝᱞᱟ ᱑᱓᱑᱓ ᱥᱟᱞ ᱨᱮᱱᱟᱜ ᱫᱟᱸᱥᱟᱭ ᱪᱟᱸᱫᱳ ᱱᱚᱵᱚᱢᱤ ᱢᱟᱦᱟ ᱵᱚᱸᱜᱟ ᱛᱟᱞᱟ ᱞᱮᱱᱟ| ᱤᱝᱞᱤᱥ ᱨᱮ ᱑᱙᱐᱘ ᱥᱟᱞ ᱛᱟᱦᱮ ᱟᱱᱟ ᱩᱱ ᱚᱠᱛᱚ ᱛᱟᱨᱟᱥᱚᱝᱠᱚᱨ ᱟᱜ ᱩᱢᱮᱨ ᱘ ᱥᱮᱨᱢᱟ ᱛᱟᱸᱦᱮ ᱠᱟᱱᱟ| ᱑᱙᱑᱖ ᱥᱟᱞ ᱨᱮ ᱛᱟᱨᱟᱥᱚᱝᱠᱚᱨ ᱫᱚ ᱢᱟᱫᱷᱭᱚᱢᱤᱠ ᱮ ᱯᱟᱥ ᱞᱮᱫᱟ| ᱢᱮᱴᱨᱤᱠᱩᱞᱮᱥᱱ ᱯᱟᱥ ᱛᱟᱭᱚᱢ ᱩᱱᱤ ᱫᱚ ᱠᱚᱞᱠᱟᱛᱟᱨᱮ ᱥᱮᱱ ᱞᱮᱱᱟ ᱪᱮᱛᱟᱱ ᱫᱷᱟᱯ ᱥᱮᱪᱮᱫ ᱦᱟᱛᱟᱣ ᱞᱟᱜᱤᱫ | ᱯᱩᱭᱞᱳ ᱥᱮᱱᱴ ᱡᱮᱵᱷᱤᱭᱟᱨᱥ ᱠᱚᱞᱮᱡᱽ ᱛᱟᱭᱚᱢᱛᱮ ᱱᱤᱛᱚᱜᱟ ᱟᱥᱩᱛᱳᱥ ᱠᱚᱞᱮᱡᱽ ᱨᱮ ᱵᱷᱩᱨᱛᱤ ᱞᱮᱱᱟᱭ|ᱢᱮᱱᱠᱷᱟᱱ ᱦᱚᱲᱢᱚ ᱨᱮᱱᱟᱜ ᱟᱡᱟᱨ ᱟᱨ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱥᱟᱣ ᱡᱚᱯᱚᱲᱟᱣ ᱠᱷᱟᱹᱛᱤᱨ ᱠᱚᱞᱮᱡᱽ ᱯᱟᱲᱦᱟᱣ ᱵᱟᱭ ᱯᱩᱨᱟᱹᱣ ᱫᱟᱲᱮ ᱞᱮᱱᱟ| ᱑᱙᱑᱖ ᱥᱟᱞ ᱨᱮ ᱛᱟᱨᱟᱥᱚᱝᱠᱚᱨ ᱫᱚ ᱩᱢᱟᱥᱚᱥᱤ ᱥᱟᱶ ᱵᱟᱯᱞᱟ ᱞᱮᱱᱟ|ᱱᱩᱠᱩᱣᱟᱜ ᱵᱟᱨᱭᱟ ᱠᱚᱲᱟ ᱥᱚᱱᱚᱛᱠᱩᱢᱟᱨ ᱟᱨ ᱥᱚᱨᱤᱛᱠᱩᱢᱟᱨ ᱑᱙᱑᱘ ᱟᱨ ᱑᱙᱒᱒ ᱥᱟᱞ ᱨᱮ ᱟᱨ ᱓ᱭᱟ ᱠᱩᱲᱤ ᱜᱚᱝᱜᱟ , ᱵᱩᱞᱩ ᱟᱨ ᱵᱟᱱᱤ ᱑᱙᱒᱔,᱑᱙᱒᱖,᱑᱙᱓᱒ ᱥᱟᱞ ᱨᱮ ᱡᱟᱱᱟᱢ ᱞᱮᱱᱟ|ᱛᱟᱞᱟ ᱠᱩᱲᱤ ᱵᱩᱞᱩ ᱫᱚ ᱑᱙᱓᱒ ᱥᱟᱞ ᱨᱮ ᱜᱚᱡ ᱮᱱᱟᱭ|ᱛᱟᱨᱟᱥᱚᱝᱠᱚᱨ ᱫᱚ ᱵᱟᱭ ᱛᱟᱸᱦᱮ ᱠᱟᱱᱟ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ|᱑᱙᱕᱒ ᱥᱟᱞ ᱠᱷᱚᱱ ᱑᱙᱖᱐ ᱦᱟᱹᱵᱤᱡ ᱵᱤᱫᱷᱟᱱ ᱯᱚᱨᱤᱥᱚᱫ ᱨᱮᱱᱟᱜ ᱧᱩᱛᱩᱢᱟᱱ ᱥᱚᱦᱚᱫ ᱮ ᱛᱟᱸᱦᱮ ᱠᱟᱱᱟ| ᱱᱳᱵᱮᱞ ᱥᱤᱨᱯᱟᱹ ᱧᱟᱢ ᱨᱮᱱᱟᱜ ᱛᱟᱞᱤᱠᱟ ᱨᱮ ᱟᱡᱟᱜ ᱧᱩᱛᱩᱢ ᱛᱟᱸᱦᱮ ᱠᱟᱱᱟ ᱢᱮᱱᱠᱷᱟᱱ ᱚᱱᱟ ᱢᱟᱲᱟᱝ ᱨᱮᱜᱮ ᱟᱡᱟᱦ ᱜᱩᱨ ᱦᱩᱭ ᱞᱮᱱᱟ| ᱚᱱᱟ ᱠᱷᱟᱹᱛᱤᱨ ᱩᱱᱤᱭᱟᱜ ᱧᱩᱛᱩᱢ ᱢᱩᱪᱟᱹᱫ ᱵᱟᱪᱷᱱᱟᱣ ᱨᱮ ᱵᱟᱭ ᱥᱮᱞᱮᱫ ᱞᱮᱱᱟ| ᱛᱟᱨᱟᱥᱚᱝᱠᱚᱨ ᱟᱜ ᱡᱚᱛᱚ ᱥᱤᱨᱯᱟᱹ ᱠᱚᱞᱠᱟᱛᱟ ᱨᱮ ᱛᱟᱸᱠᱮ ᱠᱟᱱ ᱚᱠᱛᱚ ᱨᱮᱜᱮ ᱧᱟᱢ ᱟᱠᱟᱱᱟ| ᱴᱟᱞᱟ ᱯᱟᱨᱠ ᱨᱮᱱᱟᱜ ᱚᱲᱟᱜ ᱨᱮ ᱚᱱᱟᱠᱚ ᱛᱟᱸᱦᱮ ᱠᱟᱱᱟ| ᱯᱚᱪᱷᱤᱢᱢ ᱵᱟᱝᱞᱟ ᱮᱠᱟᱰᱮᱢᱤ ᱟᱨ ᱠᱚᱞᱠᱟᱛᱟ ᱢᱤᱭᱩᱡᱤᱭᱟᱢ ᱨᱮ ᱚᱱᱟᱠᱚ ᱥᱤᱨᱯᱟᱹ ᱢᱮᱱᱟᱜ ᱟ| ᱛᱟᱨᱟᱥᱚᱝᱠᱚᱨ ᱟᱜ ᱡᱟᱱᱟᱢ ᱫᱤᱥᱚᱢ ᱞᱟᱵᱷᱯᱩᱨ ᱨᱮ ᱦᱚᱸ ᱫᱷᱟᱛᱨᱤᱫᱮᱵᱤ ᱚᱲᱟᱜ ᱨᱮ ᱟᱡᱟᱦ ᱛᱷᱚᱲᱟ ᱜᱟᱱ ᱥᱤᱨᱯᱟᱹ ᱢᱮᱱᱟᱜ ᱟ|
ᱥᱟᱶᱦᱮᱫ ᱠᱟᱢᱤ
ᱥᱟᱯᱲᱟᱣᱫᱤᱥᱚᱢ ᱯᱷᱩᱨᱜᱟᱹᱞ ᱢᱟᱲᱟᱝ
ᱥᱟᱯᱲᱟᱣ᱑᱙᱓᱐ ᱥᱟᱞ ᱨᱮ ᱨᱟᱡᱱᱤᱛᱤ ᱨᱮ ᱥᱮᱞᱮᱫ ᱠᱷᱟᱹᱛᱤᱨ ᱯᱩᱞᱤᱥ ᱠᱚ ᱜᱨᱮᱯᱛᱟᱨ ᱟᱠᱟᱫᱮᱭᱟ ᱚᱱᱟ ᱥᱮᱨᱢᱟ ᱨᱮᱜᱮ ᱰᱤᱥᱮᱢᱵᱚᱨ ᱪᱟᱸᱫᱳ ᱨᱮ ᱡᱤᱦᱚᱞ ᱠᱷᱚᱱ ᱨᱤᱦᱟᱹᱭ ᱮ ᱧᱟᱢ ᱞᱮᱫᱟ|᱑᱙᱓᱒ ᱥᱟᱞ ᱨᱮ ᱩᱱᱤ ᱯᱩᱭᱞᱳ ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨ ᱥᱟᱶ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱧᱟᱯᱟᱢ ᱞᱮᱱᱟᱭ ᱟᱨ ᱚᱱᱟ ᱥᱮᱨᱢᱟ ᱨᱮᱜᱮ ᱟᱡᱟᱦ ᱯᱩᱭᱞᱳ ᱜᱟᱢᱟᱢ 'ᱪᱟᱹᱭᱛᱟᱞᱤ ᱜᱷᱩᱨᱱᱤ' ᱪᱷᱟᱯᱟ ᱯᱟᱨᱥᱟᱞ ᱞᱮᱱᱟ| ᱥᱟᱶᱦᱮᱫ ᱠᱟᱢᱤ ᱞᱟᱜᱤᱫ ᱟᱭᱢᱟ ᱫᱷᱟᱣ ᱡᱟᱱᱟᱢ ᱫᱤᱥᱚᱢ ᱟᱨ ᱠᱚᱞᱠᱟᱛᱟ ᱨᱮ ᱟᱭᱢᱟ ᱥᱤᱨᱯᱟᱹ ᱦᱚᱸ ᱦᱟᱢᱮᱴ ᱟᱠᱟᱫᱟ| ᱫᱤᱥᱚᱢ ᱯᱷᱩᱨᱜᱟᱹᱞ ᱢᱟᱲᱟᱝ ᱨᱮ ᱟᱡᱟᱜ ᱧᱩᱢᱟᱱᱟᱜ ᱜᱟᱢᱟᱢ ᱠᱚᱫᱚ - ᱠᱟᱞᱤᱱᱫᱤ -᱑᱙᱔᱐ , ᱜᱚᱱᱚᱫᱮᱵᱚᱛᱟ - ᱑᱙᱔᱓ , ᱢᱚᱱᱭᱚᱱᱛᱚᱨ - ᱑᱙᱔᱓,ᱯᱚᱧᱪᱚᱜᱨᱟᱢ - ᱑᱙᱔᱔,ᱠᱚᱵᱤ - ᱑᱙᱔᱔,ᱥᱚᱱᱫᱤᱯᱚᱱ ᱯᱟᱴᱷᱥᱟᱞᱟ-᱑᱙᱔᱖, ᱚᱵᱷᱤᱡᱟᱱ - ᱑᱙᱔᱖| ᱑᱙᱔᱘ ᱥᱟᱞ ᱠᱷᱚᱱ ᱩᱱᱤ ᱠᱚᱞᱠᱟᱛᱟ ᱨᱮᱱᱟᱜ ᱴᱟᱞᱟ ᱯᱟᱨᱠ ᱨᱮ ᱱᱟᱣᱟ ᱚᱲᱟᱜ ᱵᱮᱱᱟᱣ ᱠᱟᱛᱮ ᱜᱤᱨᱟᱹᱵᱟᱥ ᱮ ᱮᱦᱚᱵ ᱞᱮᱫᱟ|
ᱯᱷᱩᱨᱜᱟᱹᱞ ᱛᱟᱭᱚᱢ
ᱥᱟᱯᱲᱟᱣ᱑᱙᱕᱑ ᱥᱟᱞ ᱨᱮ ᱥᱳᱵᱷᱤᱭᱮᱛ ᱭᱩᱱᱤᱭᱚᱱ ᱨᱮᱱᱟᱜ ᱢᱤᱫᱴᱟᱝ ᱡᱚᱢᱮᱞᱟᱭ ᱨᱮ ᱩᱱᱤᱫᱚ ᱵᱟᱭ ᱥᱮᱞᱮᱫ ᱞᱮᱱᱟ|᱑᱙᱕᱒ ᱥᱟᱞ ᱨᱮ ᱤᱱᱩ ᱫᱚ ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱵᱟᱪᱷᱟᱣ ᱞᱮᱱᱟ|᱑᱙᱙᱔ ᱥᱟᱞ ᱨᱮ ᱩᱱᱤ ᱟᱡ ᱭᱳ ᱴᱷᱮᱱ ᱠᱷᱚᱱ ᱫᱤᱠᱷᱭᱟ ᱮ ᱦᱟᱛᱟᱣ ᱞᱮᱫᱟ|᱑᱙᱕᱕ ᱥᱟᱞ ᱨᱮ ᱯᱚᱪᱷᱤᱢ ᱵᱚᱝᱜᱚ ᱥᱚᱨᱠᱟᱨ ᱟᱡᱟᱜ ᱚᱞ ᱟᱨᱚᱜᱭᱚ ᱱᱤᱠᱮᱛᱚᱱ ᱜᱟᱢᱟᱢ ᱠᱷᱟᱹᱛᱤᱨ ᱨᱤᱵᱤᱱᱫᱨᱚ ᱥᱤᱨᱯᱟᱹ ᱮᱢᱟᱫᱮ ᱛᱟᱸᱦᱮᱫ|᱑᱙᱖᱒ ᱥᱟᱞ ᱨᱮ ᱩᱱᱤ ᱫᱚ ᱯᱚᱫᱢᱚᱥᱨᱤ ᱥᱤᱨᱯᱟᱹᱭ ᱧᱟᱢ ᱞᱮᱫᱟ|᱑᱙᱖᱗ ᱥᱟᱞ ᱨᱮ ᱜᱚᱱᱚᱫᱮᱵᱚᱛᱟ ᱜᱟᱢᱟᱢ ᱠᱷᱟᱹᱛᱤᱨ ᱩᱱᱤ ᱫᱚ ᱜᱭᱮᱱᱯᱤᱴᱷ ᱥᱤᱨᱯᱟᱹ ᱧᱟᱢ ᱞᱮᱫᱟ|᱑᱙᱖᱘ ᱥᱟᱞ ᱨᱮ ᱩᱱᱤ ᱯᱚᱫᱢᱚᱵᱷᱩᱥᱚᱱ ᱥᱤᱨᱯᱟᱹ ᱧᱟᱢ ᱞᱮᱰᱟ|ᱚᱱᱟ ᱥᱮᱨᱢᱟ ᱜᱮ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱟᱨ ᱡᱟᱫᱚᱵᱯᱩᱨ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱰᱤ ᱞᱤᱴ ᱢᱟᱹᱱ ᱥᱟᱠᱟᱢ ᱮ ᱧᱟᱢ ᱞᱮᱫᱟ|
ᱚᱞ ᱨᱮᱱᱟᱜ ᱵᱷᱮᱱᱮᱜᱟᱨ
ᱥᱟᱯᱲᱟᱣᱛᱟᱨᱟᱥᱚᱝᱠᱚᱨ ᱟᱜ ᱚᱞ ᱨᱮ ᱵᱤᱥᱮᱥ ᱠᱟᱛᱮ ᱵᱤᱨᱵᱷᱩᱢ ᱡᱤᱞᱟ ᱨᱮᱱᱟᱜ ᱥᱟᱱᱛᱟᱲ , ᱵᱟᱜᱽᱫᱤ , ᱵᱳᱥᱴᱚᱢ , ᱠᱚᱵᱤᱭᱟᱞ ᱮᱢᱟᱱ ᱠᱚᱣᱟᱜ ᱠᱟᱛᱷᱟ ᱡᱟᱥᱛᱤ ᱠᱟᱨᱛᱮ ᱯᱷᱳᱴᱮᱞ ᱟᱠᱟᱱᱟ|ᱚᱞ ᱨᱮᱱᱟᱜ ᱪᱩᱨᱤᱛ ᱠᱚ ᱢᱩᱫᱨᱮ ᱢᱟᱨᱟᱝ ᱦᱩᱰᱤᱧ ᱢᱟᱱᱢᱤ ᱨᱮᱱᱟᱜ ᱠᱟᱛᱦᱟ ᱵᱟᱝ ᱚᱞ ᱠᱟᱛᱮ ᱢᱟᱱᱢᱤ ᱥᱟᱶᱛᱟ ᱨᱮᱱᱟᱜ ᱠᱟᱛᱷ ᱟᱡᱟᱥᱛᱤ ᱜᱮ ᱚᱞ ᱢᱮᱱᱟᱜ ᱟ|
ᱥᱤᱱᱮᱢᱟ
ᱥᱟᱯᱲᱟᱣᱛᱟᱨᱟᱥᱚᱝᱠᱚᱨ ᱜᱚᱢᱠᱮ ᱟᱜ ᱚᱞ ᱠᱷᱚᱱ ᱟᱭᱢᱟ ᱥᱤᱱᱮᱢᱟ ᱵᱮᱱᱟᱣ ᱟᱠᱟᱱᱟ| ᱚᱱᱟ ᱠᱚᱫᱚ ᱱᱚᱝᱠᱟ;
- ᱫᱩᱭ ᱯᱩᱨᱩᱥ
- ᱫᱷᱟᱛᱨᱤᱫᱮᱵᱚᱛᱟ
- ᱠᱟᱞᱤᱱᱫᱤ
- ᱡᱚᱞᱥᱟᱜᱷᱚᱨ
- ᱚᱵᱷᱤᱡᱟᱱ
ᱜᱩᱨ
ᱥᱟᱯᱲᱟᱣ᱑᱙᱗᱑ ᱥᱟᱞ ᱨᱮᱱᱟᱜ ᱡᱩᱞᱟᱭ ᱪᱟᱸᱫᱳ ᱠᱷᱚᱱ ᱩᱱᱤ ᱦᱚᱲᱢᱚ ᱨᱮ ᱥᱟᱭᱱᱟᱥ ᱟᱡᱟᱨ ᱵᱩᱡᱷᱟᱹᱣ ᱠᱷᱟᱹᱛᱤᱨ ᱵᱷᱟᱜᱮ ᱛᱟᱸᱦᱮᱱ ᱞᱟᱜᱤᱫ ᱰᱟᱠᱛᱟᱨ ᱴᱷᱮᱱ ᱯᱚᱨᱟᱢᱚᱥ ᱦᱟᱛᱟᱣ ᱞᱮᱫᱟ᱾ ᱢᱮᱱᱠᱷᱟᱱ ᱑᱓ ᱟᱜᱚᱥᱴ ᱠᱷᱚᱱ ᱦᱚᱲᱢᱚ ᱨᱮᱱᱟᱜ ᱟᱡᱟᱨ ᱵᱟᱹᱲᱛᱤ ᱮᱱ ᱠᱷᱟᱹᱛᱤᱨ ᱱᱚᱝᱠᱟ ᱚᱵᱚᱥᱛᱟᱨᱮ ᱛᱟᱸᱦᱮ ᱠᱟᱛᱮ ᱑᱔ ᱥᱮᱯᱴᱮᱢᱵᱚᱨ ᱥᱮᱛᱟᱜ ᱵᱮᱲᱟ ᱵᱚᱸᱜᱟ ᱫᱤᱥᱚᱢ ᱛᱮᱭ ᱥᱮᱱ ᱞᱮᱱᱟ᱾ ᱩᱛᱛᱚᱨ ᱠᱚᱞᱠᱟᱛᱟᱨᱮ ᱢᱮᱱᱟᱜ ᱱᱤᱢᱛᱚᱞᱟ ᱢᱚᱦᱟᱥᱚᱥᱟᱱ ᱨᱮ ᱟᱡᱟᱜ ᱢᱩᱪᱟᱹᱫ ᱠᱟᱢᱤ ᱢᱟᱨᱟᱝ ᱠᱚᱲᱟ ᱥᱚᱱᱚᱛ ᱠᱩᱢᱟᱨ ᱵᱚᱱᱫᱭᱳᱯᱟᱫᱷᱭᱟᱭ ᱦᱚᱛᱮᱛᱮ ᱯᱩᱨᱟᱹᱣ ᱞᱮᱱᱟ᱾