ᱛᱟᱨᱟ ᱫᱮᱵᱤ
| ᱛᱟᱨᱟ ᱫᱮᱵᱤ | |
|---|---|
| ᱧᱩᱛᱩᱢ | ᱛᱟᱨᱟ ᱫᱮᱵᱤ |
| ᱡᱟᱱᱟᱢ ᱧᱩᱛᱩᱢ | ᱫᱚᱞ ᱠᱩᱢᱟᱨᱤ ᱠᱟᱨᱠᱤ |
| ᱡᱟᱱᱟᱢ | ᱑᱕ ᱡᱟᱱᱩᱣᱟᱨᱤ ᱑᱙᱔᱕ ᱤᱸᱫᱽᱨᱟ ᱪᱚᱠ, ᱠᱟᱴᱷᱢᱟᱱᱰᱩ, ᱱᱮᱯᱟᱲ |
| ᱵᱚᱝᱜᱟ ᱛᱟᱞᱟ | ᱒᱓ ᱡᱟᱱᱩᱣᱟᱨᱤ ᱒᱐᱐᱖ (᱖᱑ ᱵᱚᱭᱚᱥ) ᱠᱟᱴᱷᱢᱟᱱᱰᱩ, ᱱᱮᱯᱟᱲ |
| ᱚᱠᱩᱯᱮᱥᱚᱱ | ᱥᱮᱨᱮᱧᱤᱭᱟᱹ |
ᱛᱟᱨᱟ ᱫᱮᱵᱤ ᱫᱚ ᱑᱕ ᱡᱟᱱᱩᱭᱟᱨᱤ ᱑᱙᱔᱕ ᱨᱮ ᱱᱮᱯᱟᱲ ᱫᱤᱥᱚᱢ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱒᱓ ᱡᱟᱱᱩᱭᱟᱨᱤ ᱒᱐᱐᱖ ᱥᱟᱞ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾ ᱩᱱᱤᱫᱚ ᱟᱹᱰᱤ ᱧᱩᱛᱩᱢᱟᱱ ᱱᱮᱯᱟᱲᱤ ᱥᱮᱨᱮᱧᱤᱭᱟᱹᱭ ᱛᱟᱦᱮᱸ ᱠᱟᱱᱟᱭ ᱾ ᱛᱟᱨᱟ ᱫᱚ ᱢᱮᱞᱟᱝᱠᱤ ᱠᱚᱨᱮ ᱟᱹᱰᱤ ᱪᱚᱨᱚᱠ ᱮ ᱥᱮᱨᱮᱧ ᱠᱷᱟᱹᱛᱤᱨ ᱠᱷᱟᱹᱛᱤᱨ ᱱᱮᱯᱟᱲ ᱫᱤᱥᱚᱢ ᱱᱟᱤᱴᱮᱱᱜᱮᱞ[᱑] ᱢᱮᱱᱛᱮᱠᱚ ᱧᱩᱢᱦᱟᱞᱟᱝ ᱮᱭᱟ ᱾ ᱛᱟᱨᱟ ᱫᱮᱵᱤ ᱫᱚ ᱔᱐᱐᱐ ᱠᱷᱚᱱ ᱵᱤᱥᱛᱤ ᱥᱮᱨᱮᱧ ᱮ ᱥᱮᱨᱮᱧ ᱞᱮᱜᱼᱟ[᱒] ᱾ ᱟᱡᱟᱜ ᱥᱮᱨᱮᱧᱤᱭᱟᱹ ᱡᱤᱵᱚᱱ ᱨᱮ, ᱫᱤᱥᱚᱢ ᱫᱩᱞᱟᱹᱲ ᱨᱮᱭᱟᱜ ᱨᱟᱦᱟ ᱟᱨ ᱟᱲᱟᱝ ᱯᱟᱥᱱᱟᱣ ᱠᱟᱛᱮ ᱥᱮᱨᱮᱧ ᱞᱮᱜᱼᱟ ᱾ ᱛᱟᱨᱟ ᱫᱮᱵᱤ ᱫᱚ ᱖᱐ ᱥᱟᱞ ᱩᱢᱮᱨ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾[᱓]
ᱜᱤᱫᱽᱨᱟᱹ ᱡᱤᱭᱚᱱ ᱥᱟᱯᱲᱟᱣ
ᱱᱮᱯᱟᱲ ᱫᱤᱥᱚᱢ ᱨᱟᱡᱽᱜᱟᱲ, ᱠᱟᱴᱷᱢᱟᱸᱰᱩ ᱥᱩᱨ ᱨᱮᱱᱟᱜ ᱤᱱᱫᱨᱚ ᱪᱷᱚᱠᱽ ᱧᱩᱛᱩᱢ ᱵᱟᱡᱟᱨ ᱨᱮ ᱛᱟᱨᱟ ᱫᱮᱵᱤ ᱫᱚ ᱑᱙᱔᱕ ᱥᱟᱞ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱮᱭᱟᱭ ᱥᱟᱞ ᱩᱢᱮᱨ ᱠᱷᱚᱱ ᱥᱮᱨᱮᱧ ᱮ ᱮᱦᱚᱵ ᱞᱮᱜᱼᱟ ᱾ ᱥᱚᱱᱜᱩᱨᱤ ᱣᱟᱨᱤ ᱱᱤᱦᱳᱩ ᱛᱤᱳ ᱫᱷᱟᱨᱟ ᱯᱟᱱᱤ ᱧᱩᱛᱩᱢ ᱥᱮᱨᱮᱧ ᱫᱚ ᱮᱴᱟᱜ ᱥᱮᱨᱮᱧ ᱠᱷᱚᱱ ᱵᱟᱹᱲᱛᱤ ᱜᱮ ᱦᱚᱲ ᱠᱚ ᱠᱩᱥᱤ ᱟᱜ ᱛᱟᱦᱮᱱ ᱾
ᱛᱟᱨᱟ ᱫᱮᱵᱤ ᱟᱜ ᱢᱩᱲᱩᱛ ᱧᱩᱛᱩᱢ ᱫᱚ ᱫᱚᱞ ᱠᱩᱢᱟᱨᱤ ᱠᱟᱨᱠᱤ ᱾ ᱟᱡ ᱟᱭᱳ ᱧᱩᱛᱩᱢ ᱫᱚ ᱨᱟᱫᱷᱟ ᱫᱮᱵᱤ ᱟᱨ ᱵᱟᱵᱟ ᱧᱩᱛᱩᱢ ᱫᱚ ᱠᱨᱤᱥᱱᱟᱵᱟᱦᱟᱫᱩᱨ ᱾ ᱠᱨᱤᱥᱱᱟᱵᱟᱦᱟᱫᱩᱨ ᱫᱚ ᱩᱰᱟᱹᱱᱜᱟᱹᱰᱤ ᱯᱟᱤᱞᱳᱴ ᱮ ᱛᱟᱦᱮᱸ ᱠᱟᱱᱟ ᱾ ᱮᱭᱟᱭ ᱥᱟᱞ ᱩᱢᱮᱨ ᱠᱷᱚᱱ ᱥᱮᱨᱮᱧ ᱮᱛᱚᱦᱚᱵ ᱠᱟᱛᱮ ᱯᱩᱱᱜᱮᱞ ᱮᱭᱟᱭ ᱥᱟᱞ ᱩᱢᱮᱨ ᱦᱟᱹᱵᱤᱡ, ᱛᱮ ᱔᱐ ᱥᱟᱞ ᱨᱮᱱᱟᱜ ᱥᱮᱨᱮᱧᱤᱭᱟᱹ ᱡᱤᱭᱚᱱ ᱨᱮ ᱔᱐᱐᱐ ᱠᱷᱚᱱ ᱵᱤᱥᱛᱤ ᱥᱮᱨᱮᱧ ᱮ ᱨᱮᱠᱳᱨᱰ ᱟᱠᱟᱜᱼᱟ ᱾ ᱕ ᱥᱮᱨᱢᱟ ᱩᱢᱮᱨ ᱨᱮ ᱱᱮᱯᱟᱲ ᱫᱤᱥᱚᱢ ᱥᱟᱺᱜᱤᱧ ᱟᱲᱟᱝ ᱨᱮ ᱥᱮᱨᱢᱟ ᱞᱟᱹᱜᱤᱫ ᱫᱟᱣ ᱮ ᱧᱟᱢ ᱞᱮᱜᱼᱟ ᱾ ᱟᱡᱟᱜ ᱥᱮᱨᱮᱧ ᱟᱲᱟᱝ ᱩᱱᱟᱹᱜ ᱪᱚᱨᱚᱠ ᱛᱟᱦᱮᱸ ᱠᱟᱱᱟ ᱡᱮ ᱚᱱᱰᱮ ᱟᱛᱮᱱ ᱦᱚᱲ ᱟᱹᱰᱤ ᱠᱚ ᱥᱟᱨᱦᱟᱣ ᱠᱮᱫᱮᱭᱟ ᱾ ᱱᱮᱯᱟᱲ ᱫᱤᱥᱚᱢ ᱥᱟᱺᱜᱤᱧ ᱟᱲᱟᱝ ᱨᱮ ᱛᱟᱨᱟ ᱫᱮᱵᱤ ᱫᱚ ᱜᱤᱫᱽᱨᱟᱹ ᱠᱚᱣᱟᱜ ᱠᱟᱹᱢᱤᱦᱚᱨᱟ ᱨᱮ ᱵᱟᱹᱲᱛᱤ ᱫᱚᱭ ᱥᱮᱞᱮᱫᱚᱜ ᱛᱟᱦᱮᱱ ᱾ ᱚᱱᱟᱠᱚ ᱠᱟᱹᱢᱤ ᱠᱟᱱ ᱛᱩᱞᱩᱡ ᱚᱞᱚᱜ ᱯᱟᱲᱦᱟᱣ ᱟᱨ ᱥᱮᱨᱮᱧ ᱨᱩᱻ ᱚᱨᱚᱝ ᱪᱮᱛᱟᱱ ᱨᱮ ᱥᱚᱱᱮᱨ ᱮ ᱥᱟᱹᱛ ᱞᱮᱜᱼᱟ ᱾ ᱱᱮᱯᱟᱲ ᱫᱤᱥᱚᱢ ᱥᱟᱺᱜᱤᱧ ᱟᱲᱟᱝ ᱟᱨ ᱵᱟᱝ ᱨᱮᱰᱤᱭᱳ ᱨᱮ ᱥᱮᱨᱮᱧ ᱞᱟᱹᱜᱤᱫ ᱥᱮᱨᱮᱧ ᱯᱤᱪᱷᱤ ᱕ ᱴᱟᱠᱟᱭ ᱧᱟᱢ ᱛᱟᱦᱮᱱ ᱾ ᱛᱟᱭᱚᱢ ᱫᱚ ᱥᱮᱨᱮᱧ ᱯᱤᱪᱷᱤ ᱑᱐᱐ ᱴᱟᱠᱟ ᱠᱟᱛᱮ ᱠᱚ ᱮᱢᱟ ᱫᱮᱭᱟ ᱾ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱟᱹᱰᱤ ᱥᱟᱯᱲᱟᱣ ᱨᱮ ᱛᱟᱦᱮᱱ ᱛᱟᱦᱮᱸᱫᱚᱜ, ᱚᱱᱟᱛᱮ ᱯᱟᱞᱮ ᱱᱮᱯᱟᱲ ᱨᱮᱰᱤᱭᱳ ᱨᱮ ᱠᱷᱚᱨᱤᱫᱟᱨ ᱠᱟᱹᱢᱤ ᱠᱚ ᱪᱟᱞ ᱟᱫᱮᱭᱟ ᱾ ᱚᱱᱟ ᱠᱟᱹᱢᱤ ᱯᱮᱜᱮᱞ ᱥᱮᱨᱢᱟ ᱟᱹᱰᱤ ᱱᱟᱯᱟᱭ ᱛᱮ ᱛᱚᱨᱟᱣ ᱠᱮᱫ ᱠᱷᱟᱱ ᱱᱮᱯᱟᱲ ᱨᱮᱰᱤᱭᱳ ᱨᱮ ᱥᱩᱛᱨᱮᱛ ᱠᱟᱹᱢᱤ ᱠᱚ ᱪᱟᱞ ᱟᱫᱮᱭᱟ ᱾
ᱱᱮᱯᱟᱲ ᱨᱮᱰᱤᱭᱳ ᱨᱮ ᱛᱟᱨᱟ ᱫᱮᱵᱤ ᱟᱜ ᱪᱚᱨᱚᱠ ᱨᱟᱦᱟ ᱟᱲᱟᱝ ᱥᱟᱶᱛᱮ ᱚᱦᱬᱮ ᱥᱮᱨᱮᱧ, ᱟᱹᱛᱩᱨᱮᱱᱟᱜ ᱥᱮᱨᱮᱧ ᱟᱨ ᱟᱡ ᱮ ᱜᱟᱵᱟᱱ ᱟᱠᱟᱫ ᱥᱮᱨᱮᱧ ᱟᱛᱮᱱ ᱠᱟᱛᱮ ᱱᱮᱯᱟᱲᱤ ᱦᱚᱲ ᱠᱚ ᱛᱟᱞᱟᱨᱮ ᱱᱮᱯᱟᱲ ᱫᱤᱥᱚᱢ ᱱᱟᱤᱴᱮᱱᱜᱮᱞ ᱢᱮᱱᱛᱮ ᱠᱚ ᱧᱩᱢ ᱦᱟᱞᱟᱝ ᱮᱭᱟ ᱾ ᱛᱟᱨᱟ ᱫᱮᱵᱤ ᱟᱜ ᱪᱚᱨᱚᱠ ᱥᱮᱨᱮᱧ ᱨᱟᱦᱟ ᱟᱲᱟᱝ ᱞᱮᱠᱟ ᱮᱴᱟᱜ ᱱᱮᱯᱟᱲᱤ ᱥᱮᱨᱮᱧᱤᱭᱟᱹᱭ ᱠᱚ ᱦᱚᱸ ᱥᱮᱨᱮᱧ ᱠᱚ ᱨᱤᱠᱟᱹ ᱞᱮᱜᱼᱟ ᱾ ᱟᱡᱟᱜ ᱪᱚᱨᱚᱠ ᱥᱮᱨᱮᱧ ᱠᱚ ᱢᱩᱫᱽᱨᱮ ᱩᱠᱟᱞᱤ ᱳᱨᱟᱞᱤ ᱦᱟᱨᱩ ᱢᱟ , ᱯᱩᱞ ᱠᱳ ᱛᱷᱩᱱᱜᱟ, ᱱᱤᱨᱫᱳᱥ ᱢᱮᱨᱳ ᱯᱟᱪᱷᱭᱟᱩᱨᱤᱢᱟ, ᱮᱻ ᱠᱟᱱᱪᱟ ᱟᱨ ᱦᱤᱢᱟᱞ ᱠᱳ ᱠᱟᱻᱠᱷᱟᱢᱟ ᱞᱮᱠᱟᱱ ᱥᱮᱨᱮᱧ ᱟᱹᱰᱤ ᱛᱮᱫ ᱜᱮ ᱱᱮᱯᱟᱲ ᱥᱟᱶᱛᱮ ᱮᱴᱟᱜ ᱫᱤᱥᱚᱢ ᱨᱮ ᱢᱮᱱᱟᱜ ᱠᱚ ᱱᱮᱯᱟᱲᱤ ᱦᱚᱲ ᱠᱚ ᱠᱩᱥᱤ ᱟᱜᱼᱟ ᱾ ᱛᱟᱨᱟ ᱫᱚ ᱥᱤᱵᱚ ᱵᱟᱦᱟᱫᱩᱨ ᱥᱨᱮᱥᱴᱷᱚ ᱧᱩᱛᱩᱢ ᱢᱤᱫ ᱯᱟᱭᱤᱞᱳᱴ ᱵᱟᱯᱞᱟ ᱞᱮᱱᱟ ᱑᱙᱖᱖ ᱥᱟᱞ ᱨᱮ ᱾ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱥᱟᱹᱨᱫᱤ ᱧᱩᱛᱩᱢᱚᱜ ᱠᱟᱱ ᱚᱠᱛᱚ ᱨᱮ ᱟᱹᱰᱤᱜᱟᱱ ᱫᱩᱠᱷ ᱢᱩᱦᱤᱢ ᱦᱮᱡ ᱟᱫᱮᱭᱟ ᱾ ᱟᱡᱤᱡ ᱒᱕ ᱵᱚᱨᱥᱚ ᱡᱩᱭᱟᱹᱱ ᱠᱚᱲᱟ ᱜᱤᱫᱽᱨᱟᱹ ᱛᱟᱭ ᱵᱞᱳᱰ ᱠᱟᱱᱥᱮᱨ ᱛᱮ ᱜᱚᱡ ᱮᱱᱟᱭ ᱾ ᱚᱱᱟ ᱫᱩᱠᱷ ᱟᱹᱣᱨᱤ ᱪᱟᱵᱟᱜ ᱛᱮᱜᱮ ᱟᱡ ᱡᱟᱶᱟᱭ ᱩᱰᱟᱹᱱᱜᱟᱹᱰᱤ ᱪᱟᱹᱞᱩ ᱛᱩᱞᱩᱡ ᱧᱩᱨ ᱛᱮ ᱜᱚᱡ ᱮᱱᱟᱭ ᱾ ᱱᱟᱯᱟᱭ ᱡᱤᱭᱚᱱ ᱛᱟᱞᱟᱨᱮ ᱚᱱᱠᱟᱱ ᱫᱩᱠᱷ ᱢᱩᱦᱤᱢ ᱛᱟᱨᱟ ᱫᱮᱵᱤ ᱟᱜ ᱦᱚᱲᱢᱚ ᱵᱟᱭ ᱥᱟᱦᱟᱣ ᱞᱮᱜᱼᱟ ᱾ ᱵᱟᱹᱭ ᱵᱟᱹᱭᱛᱮ ᱟᱡᱟᱜ ᱦᱚᱲᱢᱚ ᱦᱚᱸ ᱨᱟᱹᱯᱩᱫ ᱤᱫᱤ ᱮᱱᱟ ᱾ ᱰᱟᱠᱛᱚᱨ ᱠᱟᱣᱟᱜ ᱞᱟᱹᱭ ᱞᱮᱠᱟᱛᱮ ᱛᱟᱨᱟ ᱫᱮᱵᱤ ᱫᱚ ᱯᱟᱨᱠᱤᱥᱳᱱ ᱧᱩᱛᱩᱢ ᱵᱮᱢᱟᱨ ᱧᱟᱢ ᱠᱮᱫᱮᱭᱟ ᱾ ᱒᱐᱐᱖ ᱥᱟᱞ ᱡᱟᱱᱩᱭᱟᱨᱤ ᱒᱓ ᱦᱤᱞᱚᱜ ᱛᱟᱨᱟ ᱫᱮᱵᱤ ᱫᱚ ᱖᱐ ᱥᱟᱞ ᱩᱢᱮᱨ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾ ᱨᱩᱣᱟᱹᱜ ᱛᱩᱞᱩᱡ ᱜᱮ ᱟᱯᱷᱟᱱᱴᱟ ᱠᱳ ᱢᱟᱱᱢᱟ ᱟᱞᱵᱚᱢ ᱨᱮ ᱥᱮᱨᱮᱧ ᱟᱠᱟᱜ ᱟᱭ ᱾ ᱛᱟᱨᱟ ᱫᱮᱵᱤ ᱨᱤᱱ ᱢᱤᱫᱴᱟᱹᱝ ᱠᱚᱲᱟ ᱟᱨ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾
ᱥᱟ.ᱠᱷᱭᱟ.ᱛ ᱥᱟᱯᱲᱟᱣ
- ↑ "Swar Kinnari Tara Devi". Archived from the original on 2020-11-25. Retrieved 2020-03-31.
- ↑ Tara Devi MP3 Songs
- ↑ Nepali Singer Tara Devi Dies at 60 Archived ᱒᱐᱐᱖-᱐᱒-᱐᱗ at the Wayback Machine. OhMyNews – 23 January 2006