ᱛᱟᱨᱟ ᱵᱮᱭᱤᱨ
ᱛᱟᱨᱟ ᱵᱮᱭᱤᱨ ᱫᱚ ᱢᱤᱫ ᱠᱟᱱᱟᱰᱤᱭᱟ ᱟᱨ ᱟᱢᱮᱨᱤᱠᱟᱱ ᱥᱮᱨᱮᱧ ᱨᱩᱥᱤᱠᱟ ᱥᱟᱶᱛᱮ ᱥᱮᱨᱮᱧᱼᱚᱱᱚᱞᱤᱭᱟᱹ ᱦᱚᱸ ᱠᱟᱱᱟᱭ ᱾
ᱡᱤᱭᱚᱱ ᱠᱟᱛᱷᱟ
ᱥᱟᱯᱲᱟᱣᱛᱟᱨᱟ ᱵᱮᱭᱤᱨ ᱫᱚ ᱠᱟᱱᱟᱰᱟ ᱨᱮᱭᱟᱜ ᱵᱷᱟᱱᱠᱳᱣᱵᱷᱚᱨ (Vancouver) ᱴᱷᱟᱶ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱫᱚ ᱯᱷᱤᱞᱤᱯᱷᱟᱭᱤᱱᱥ ᱟᱨ ᱟᱭᱳ ᱫᱚ ᱜᱨᱮᱴᱼᱵᱨᱤᱴᱮᱱ ᱨᱤᱱ ᱵᱩᱱᱭᱟᱹᱫᱤ ᱦᱚᱲ ᱠᱟᱱᱟᱠᱤᱱ ᱾ ᱟᱡ ᱵᱟᱵᱟ ᱫᱚ ᱩᱵᱼᱥᱴᱟᱭᱤᱞᱤᱴ ᱠᱟᱱᱟ ᱥᱟᱶᱛᱮ ᱢᱤᱫ ᱥᱮᱞᱩᱱ ᱨᱤᱱᱤᱡ ᱢᱟᱹᱞᱤᱠ ᱦᱚᱸ ᱠᱟᱱᱟᱭ ᱾ ᱟᱭᱳ ᱫᱚ ᱦᱩᱰᱤᱧ ᱢᱟᱨᱟᱝ ᱵᱮᱯᱟᱨ ᱠᱟᱛᱮ ᱡᱤᱭᱚᱱ ᱠᱚ ᱠᱷᱟᱱᱰᱟᱣᱮᱫᱟ ᱾ ᱟᱡ ᱫᱟᱫᱟᱼᱦᱟᱲᱟᱢ ᱫᱚ ᱠᱟᱱᱟᱰᱟ ᱨᱮᱭᱟᱜ ᱵᱷᱤᱴᱚᱨᱤᱭᱟ (Victoria) ᱨᱮ ᱯᱤᱭᱟᱱᱳ ᱨᱩᱻ ᱠᱟᱛᱮ ᱟᱹᱥᱩᱞᱚᱜ ᱠᱟᱱ ᱛᱟᱦᱮᱸᱱ ᱾
ᱟᱡ ᱜᱤᱫᱟᱹᱨ ᱩᱢᱮᱨ ᱚᱠᱛᱮ ᱟᱭᱢᱟ ᱡᱟᱭᱜᱟ ᱨᱮᱠᱚ ᱛᱟᱦᱮᱸ ᱞᱮᱱᱟ ᱾ ᱚᱱᱟᱛᱮ ᱟᱡ ᱫᱚ ᱯᱮᱼᱯᱮᱭᱟ ᱞᱟᱛᱟᱨ ᱟᱥᱲᱟ ᱟᱨ ᱞᱟᱯᱷᱟᱝ ᱟᱥᱲᱟ ᱨᱮᱠᱚ ᱵᱷᱩᱨᱛᱤ ᱞᱮᱫᱮ ᱛᱟᱦᱮᱸᱱ ᱾ ᱛᱤᱢᱤᱱ ᱫᱤᱱ ᱫᱚ ᱥᱟᱫᱚᱢ ᱟᱹᱛᱩ ᱨᱮᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱱ ᱾ ᱚᱱᱟᱛᱮ ᱟᱡᱫᱚ ᱡᱤᱭᱟᱹᱞᱤ ᱟᱨ ᱫᱟᱨᱮᱞᱟᱨᱮ ᱪᱮᱛᱟᱱ ᱨᱮ ᱟᱹᱰᱤᱜᱮ ᱜᱚᱨᱚᱡᱽ ᱚᱢᱚᱱ ᱞᱮᱱ ᱛᱟᱭᱟ ᱟᱨ ᱥᱟᱫᱚᱢ ᱨᱮ ᱫᱮᱡᱚᱜ ᱦᱚᱸᱭ ᱥᱮᱬᱟ ᱞᱮᱫᱟ ᱾ ᱜᱷᱟᱨᱚᱸᱡᱽ ᱨᱮ ᱥᱟᱫᱚᱢ ᱫᱮᱡᱚᱜ ᱵᱟᱝᱠᱚ ᱠᱩᱥᱤᱭᱟᱜ ᱛᱟᱭ ᱛᱟᱦᱮᱸᱱ,ᱚᱱᱟᱛᱮ ᱟᱡ ᱫᱚ ᱛᱤᱢᱤᱱ ᱫᱤᱱ ᱚᱞᱚᱜ ᱯᱚᱲᱦᱚᱱ ᱠᱚ ᱵᱟᱹᱜᱤ ᱠᱟᱛᱮ ᱥᱩᱨ ᱜᱳᱫᱟᱢ ᱚᱲᱟᱜ ᱨᱮᱭ ᱜᱤᱛᱤᱡ ᱛᱟᱦᱮᱸᱱ ᱾ ᱟᱭᱚᱼᱵᱟᱵᱟ ᱛᱟᱭ ᱛᱤᱢᱤᱱ ᱫᱤᱱ ᱫᱚ ᱵᱷᱮᱜᱮᱫ ᱨᱮᱠᱤᱱ ᱛᱟᱦᱮᱸ ᱠᱟᱱᱟ,ᱛᱟᱭᱚᱢ ᱛᱮᱫᱚ ᱢᱤᱫ ᱞᱮᱱᱟ ᱠᱤᱱ ᱾ ᱚᱱᱟᱛᱮ ᱟᱡᱟᱜ ᱜᱤᱫᱟᱹᱨ ᱩᱢᱮᱨ ᱫᱚ ᱟᱹᱰᱤ ᱫᱩᱠᱷ ᱠᱚᱥᱴᱚ ᱛᱮ ᱯᱚᱞᱚᱢ ᱟᱠᱟᱱᱟ ᱢᱮᱱᱛᱮ ᱟᱡ ᱴᱷᱮᱱ ᱠᱷᱚᱱ ᱵᱟᱰᱟᱭᱚᱜᱼᱟ ᱾ ᱠᱞᱟᱥᱤᱠᱟᱞ ᱯᱤᱭᱟᱱᱳ ᱨᱩᱻ ᱕ ᱥᱮᱨᱢᱟ ᱩᱢᱮᱨ ᱠᱷᱚᱱ ᱮᱦᱚᱵ ᱞᱮᱫᱟᱭ ᱥᱟᱶᱛᱮ ᱮᱱᱮᱡ ᱦᱚᱸᱭ ᱥᱮᱬᱟ ᱮᱫ ᱛᱟᱦᱮᱸᱱ ᱾ ᱵᱮᱭᱤᱨ ᱫᱚ ᱫᱤ ᱨᱳᱞᱟᱭ ᱠᱳᱱᱡᱚᱨᱵᱷᱮᱴᱚᱨᱤ ᱚᱯᱷ ᱢᱤᱣᱡᱤᱠ (The Royal Conservatory of Music) ᱟᱥᱲᱟ ᱨᱮ ᱑᱐ ᱥᱮᱨᱢᱟ ᱠᱷᱚᱱ ᱵᱤᱥᱛᱤ ᱧᱚᱜ ᱜᱮᱭ ᱛᱟᱦᱮᱸ ᱞᱮᱱᱟ ᱾ ᱟᱠᱚᱭᱤᱡ ᱯᱤᱭᱟᱱᱳ ᱢᱟᱪᱮᱛᱟᱹᱱᱤ ᱫᱚ ᱟᱹᱰᱤᱜᱮ ᱥᱴᱨᱤᱴ ᱟᱨ ᱵᱩᱞᱼᱢᱟᱛᱟᱞ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱵᱚᱛᱚᱨ ᱥᱟᱛᱞᱟᱜ ᱨᱟᱜ ᱢᱮᱫᱦᱟᱸ ᱟᱱᱛᱮ ᱚᱠᱟ ᱚᱠᱟ ᱦᱤᱞᱚᱜ ᱫᱚᱭ ᱨᱩᱣᱟᱹᱲ ᱛᱟᱦᱮᱸᱱ ᱾ ᱮᱱᱛᱮ ᱨᱮᱦᱚᱸ ᱥᱮᱨᱮᱧ ᱫᱚ ᱵᱟᱭ ᱵᱟᱹᱜᱤᱭᱟᱫᱟ ᱥᱟᱶᱛᱮ ᱫᱚᱲᱦᱚ ᱵᱩᱱᱭᱟᱹᱫ ᱦᱚᱸᱭ ᱛᱮᱭᱟᱨ ᱠᱮᱫᱟ ᱾ ᱵᱮᱭᱤᱨ ᱫᱚ ᱢᱤᱫ ᱠᱩᱲᱤ ᱥᱩᱢᱩᱝ ᱛᱟᱦᱮᱸᱱ ᱠᱟᱛᱷᱚᱞᱤᱠ ᱞᱟᱯᱷᱟᱝ ᱟᱥᱲᱟ ᱨᱮᱦᱚᱸᱭ ᱛᱟᱦᱮᱸ ᱠᱟᱱᱟ,ᱡᱟᱦᱟᱸᱨᱮ ᱠᱩᱲᱤ ᱪᱮᱛᱟᱱ ᱵᱩᱱᱤᱭᱟᱹᱫᱤ ᱪᱤᱱᱛᱟᱫᱷᱟᱨᱟ ᱥᱮᱬᱟ ᱞᱮᱫᱼᱟ ᱾ ᱟᱡ ᱫᱚ ᱥᱟᱭᱢᱳᱱ ᱯᱷᱨᱟᱡᱚᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ (Simon Fraser University) ᱠᱷᱚᱱ ᱠᱨᱤᱢᱤᱱᱳᱞᱳᱡᱤ (Criminology) ᱨᱮ ᱥᱚᱱᱮᱨ(BA) ᱰᱤᱜᱽᱨᱤᱭ ᱦᱟᱥᱚᱞ ᱞᱮᱫ ᱛᱟᱦᱮᱸᱱ ᱾ ᱟᱡᱟᱜ ᱚᱱᱟ ᱰᱤᱜᱽᱨᱤ ᱥᱟᱶᱛᱟ ᱟᱨ ᱢᱟᱱᱣᱟ ᱠᱚᱣᱟᱜ ᱵᱮᱵᱷᱟᱨ ᱵᱩᱡᱷᱟᱹᱣ ᱨᱮ ᱜᱚᱲᱚᱭ ᱮᱢᱟᱫᱮ ᱛᱟᱦᱮᱸᱱ ᱾ ᱚᱱᱟᱛᱮ ᱠᱨᱤᱢᱤᱱᱟᱞ ᱱᱮᱭᱟᱭ ᱟᱨ ᱠᱚᱭᱮᱫᱤ ᱥᱩᱫᱷᱨᱟᱹᱣ ᱛᱷᱚᱠ ᱨᱮ ᱟᱰᱵᱷᱳᱠᱮᱴ (advocate) ᱦᱚᱸᱭ ᱛᱟᱦᱮᱸ ᱞᱮᱱᱟ ᱾ ᱟᱡᱫᱚ ᱯᱷᱤᱞᱢ ᱟᱨ ᱥᱮᱨᱮᱧ ᱨᱩᱥᱤᱠᱟ ᱠᱮᱨᱤᱭᱚᱨ ᱵᱮᱱᱟᱣ ᱢᱟᱬᱟᱝ ᱵᱮᱯᱟᱨ ᱵᱟᱝᱠᱷᱟᱱ ᱠᱟᱹᱱᱩᱱ ᱪᱮᱛᱟᱱ ᱨᱮ ᱠᱟᱹᱢᱤ ᱨᱮᱭᱟᱜ ᱩᱭᱦᱟᱹᱨ ᱞᱮᱫ ᱛᱟᱦᱮᱸᱱ ᱾