ᱛᱟᱱᱟ ᱟᱨ ᱨᱤᱨᱤ
ᱛᱟᱱᱟ ᱟᱨ ᱨᱤᱨᱤ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱢᱤᱫ ᱠᱟᱦᱱᱤ ᱾ ᱱᱚᱶᱟ ᱫᱚ ᱥᱟᱞ ᱑᱕᱖᱔ ᱨᱮ ᱡᱟᱱᱟᱢ ᱞᱮᱱ ᱠᱤᱱ ᱡᱟᱣᱟ ᱠᱩᱲᱤ ᱜᱤᱫᱽᱨᱟᱹ ᱤᱫᱤ ᱠᱟᱛᱮ ᱠᱟᱦᱱᱤ ᱠᱟᱱᱟ ᱾ᱛᱤᱱᱡᱷᱚᱜ ᱨᱟᱡᱟ ᱟᱠᱵᱚᱨ[᱑] ᱟᱜ ᱨᱟᱡᱽᱜᱟᱲ ᱨᱮ ᱠᱚ ᱥᱮᱨᱮᱧ ᱚᱪᱚ ᱞᱮᱫ ᱠᱤᱱᱟ, ᱩᱱ ᱨᱮᱱᱟᱜ ᱠᱟᱦᱱᱤ ᱠᱟᱱᱟ ᱾ ᱩᱱᱠᱤᱱ ᱨᱟᱡᱽᱜᱟᱲ ᱨᱮ ᱥᱮᱨᱮᱧ ᱤᱫᱤ ᱠᱟᱛᱮ ᱵᱮᱱᱟᱣ ᱮᱱ ᱠᱟᱦᱱᱤ ᱫᱚ ᱜᱩᱡᱽᱨᱟᱛ ᱯᱚᱱᱚᱛ ᱞᱟᱹᱭ ᱞᱟᱠᱪᱟᱨ [᱒] ᱨᱮ ᱵᱷᱮᱫᱟᱣ ᱞᱮᱱᱟ ᱾
ᱜᱩᱡᱽᱨᱟᱛ ᱯᱚᱱᱚᱛ ᱨᱤᱱᱤᱡ ᱧᱩᱛᱩᱢᱟᱱ ᱦᱚᱲ ᱱᱚᱨᱚᱥᱤᱝᱦ ᱢᱮᱦᱴᱟ ᱤᱡ ᱜᱚᱲᱚᱢ ᱠᱩᱲᱤ ᱥᱟᱨᱢᱤᱥᱴᱟ ᱨᱤᱱ ᱜᱤᱫᱽᱨᱟᱹ ᱠᱟᱱᱟ ᱠᱤᱱ ᱛᱟᱱᱟ ᱟᱨ ᱨᱤᱨᱤ ᱫᱚ ᱾ ᱜᱩᱡᱽᱨᱟᱛ ᱨᱮᱱᱟᱜ ᱵᱤᱥᱱᱟᱜᱚᱨ ᱥᱩᱨ ᱵᱚᱰᱱᱚᱜᱚᱨ ᱵᱟᱡᱟᱨ ᱨᱮ ᱠᱤᱱ ᱡᱟᱱᱟᱢ ᱞᱮᱱᱟ ᱯᱟᱞᱮ ᱑᱕᱖᱔ ᱥᱟᱞᱮᱨᱮ ᱾
ᱵᱤᱨᱵᱷᱟᱱᱴᱟ
ᱥᱟᱯᱲᱟᱣᱯᱟᱹᱦᱤᱞ ᱨᱟᱡᱽ ᱚᱢᱚᱲ ᱨᱮᱫᱚ ᱨᱟᱡᱽᱜᱟᱲ ᱵᱷᱤᱛᱨᱤ ᱨᱮ ᱮᱱᱮᱡ ᱥᱮᱨᱮᱧ ᱟᱠᱷᱽᱲᱟ ᱛᱟᱦᱮᱸ ᱠᱟᱱᱟ ᱾ ᱨᱟᱡᱟ ᱟᱠᱵᱚᱨ ᱟᱜ ᱨᱟᱡᱽᱜᱟᱲ ᱨᱮ ᱦᱚᱸ ᱛᱟᱱᱥᱮᱱ ᱧᱩᱛᱩᱢ ᱥᱮᱨᱮᱧ ᱯᱟᱹᱨᱩᱠᱷᱤᱭᱟᱹ ᱤᱫᱤ ᱠᱟᱛᱮ ᱮᱱᱮᱡ ᱥᱮᱨᱮᱧ ᱟᱠᱷᱽᱲᱟ ᱛᱟᱦᱮᱸ ᱠᱟᱱᱟ ᱾ ᱥᱮᱨᱮᱧᱤᱭᱟᱹ ᱛᱟᱱᱥᱮᱱ ᱫᱚ ᱟᱠᱵᱚᱨ ᱨᱟᱡᱟ ᱞᱟᱹᱜᱤᱫ ᱫᱤᱯᱚᱜ ᱨᱟᱜ ᱧᱩᱛᱩᱢ ᱥᱮᱨᱮᱧ ᱮ ᱥᱮᱨᱮᱧ ᱛᱟᱦᱮᱱ ᱾ ᱟᱠᱵᱚᱨ ᱨᱟᱡᱟ ᱚᱱᱟ ᱫᱚ ᱟᱹᱰᱤ ᱠᱩᱥᱤ ᱟᱜᱼᱟ ᱾ ᱚᱱᱛᱮᱱ ᱦᱚᱲ ᱠᱚ ᱞᱟᱹᱭᱼᱟ ᱡᱮ ᱚᱱᱟ ᱫᱤᱯᱚᱜ ᱨᱟᱜ ᱨᱟᱦᱟ ᱥᱮᱨᱮᱧ ᱞᱮᱠᱷᱟᱱ ᱦᱚᱲᱢᱚ ᱨᱮ ᱟᱹᱰᱤ ᱞᱚᱞᱚ ᱟᱴᱠᱟᱨᱚᱼᱟ ᱾ ᱚᱱᱟ ᱞᱚᱞᱚ ᱥᱮᱨᱮᱧᱤᱭᱟᱹ ᱟᱜ ᱦᱚᱲᱢᱚ ᱵᱟᱹᱭ ᱵᱟᱹᱭᱛᱮ ᱨᱟᱹᱯᱩᱫᱟ ᱾ ᱚᱱᱟ ᱛᱮ ᱜᱮ ᱯᱟᱞᱮ ᱨᱟᱡᱽᱜᱟᱲ ᱥᱮᱨᱮᱧᱤᱭᱟᱹ ᱛᱟᱱᱥᱮᱱ ᱦᱚᱸ ᱦᱚᱲᱢᱚᱨᱮ ᱞᱚᱞᱚᱭ ᱟᱴᱠᱟᱨ ᱞᱮᱜᱼᱟ ᱾ ᱛᱟᱱᱥᱮᱱ ᱟᱜ ᱦᱚᱲᱢᱚᱨᱮ ᱚᱱᱟ ᱫᱤᱯᱚᱜ ᱨᱟᱜ ᱨᱟᱦᱟ ᱥᱮᱨᱮᱧ ᱞᱚᱞᱚ ᱩᱱᱟᱹᱜ ᱵᱤᱥᱛᱤ ᱮᱱᱟ ᱡᱮ ᱚᱱᱟ ᱞᱚᱞᱚ ᱨᱟᱲᱮᱡ ᱞᱟᱹᱜᱤᱫ ᱵᱷᱟᱨᱚᱛ ᱫᱤᱥᱚᱢ ᱜᱚᱴᱟᱭ ᱫᱟᱬᱟ ᱠᱮᱜᱼᱟ ᱾ ᱢᱮᱱᱠᱷᱟᱱ ᱛᱟᱱᱥᱮᱱ ᱟᱜ ᱞᱚᱞᱚ ᱵᱟᱝ ᱠᱚᱢ ᱞᱮᱱᱟ ᱾ ᱨᱟᱡᱟ ᱟᱠᱵᱚᱨ ᱛᱟᱱᱥᱮᱱ ᱮ ᱵᱮᱥ ᱮ ᱞᱟᱹᱜᱤᱫ ᱮ ᱨᱤᱠᱟᱹ ᱠᱮᱜᱼᱟ ᱾ ᱫᱤᱥᱟᱹ ᱠᱮᱜ ᱟᱠᱚ ᱚᱱᱟ ᱫᱤᱯᱚᱜ ᱨᱟᱜ ᱨᱟᱦᱟ ᱮᱴᱟᱜ ᱦᱚᱲ ᱠᱚ ᱥᱮᱨᱮᱧ ᱞᱮᱠᱷᱟᱱ ᱛᱟᱱᱥᱮᱱ ᱟᱜ ᱞᱚᱞᱚ ᱠᱚᱢᱚᱜᱼᱟ ᱾ ᱚᱱᱟ ᱨᱟᱦᱟ ᱛᱮ ᱚᱱᱠᱟᱱ ᱥᱮᱨᱮᱧᱤᱭᱟᱹ ᱯᱟᱱᱛᱮ ᱯᱟᱱᱛᱮ ᱛᱮ ᱟᱠᱵᱚᱨ ᱨᱟᱡᱟ ᱤᱡ ᱯᱷᱚᱳᱡᱤ ᱥᱮᱱᱟᱯᱚᱛᱤ ᱟᱢᱡᱟᱫᱽ ᱠᱷᱟᱱ ᱵᱚᱰᱱᱚᱜᱚᱨ ᱮ ᱥᱮᱴᱮᱨ ᱮᱱᱟ ᱾ ᱚᱱᱵᱮ ᱛᱟᱱᱟ ᱟᱨ ᱨᱤᱨᱤ ᱧᱩᱛᱩᱢ ᱡᱟᱣᱟ ᱠᱩᱲᱤ ᱜᱤᱫᱽᱨᱟᱹ ᱱᱚᱶᱟ ᱫᱤᱯᱚᱜ ᱨᱟᱜ ᱨᱟᱦᱟ ᱥᱮᱨᱮᱧ ᱠᱤᱱ ᱥᱮᱨᱮᱧ ᱫᱟᱲᱮᱭᱟᱜᱼᱟ ᱢᱮᱱᱛᱮ ᱵᱟᱰᱟᱭ ᱠᱮᱜᱼᱟ ᱾ ᱥᱮᱱᱟᱯᱚᱛᱤ ᱛᱟᱱᱟ ᱟᱨ ᱨᱤᱨᱤ ᱞᱟᱹᱭ ᱟᱫ ᱠᱤᱱᱟᱭ ᱡᱮ ᱨᱟᱡᱟ ᱟᱜ ᱟᱫᱮᱥ ᱞᱮᱠᱟᱛᱮ ᱟᱹᱵᱤᱱ ᱨᱟᱡᱽᱜᱟᱲ ᱥᱮᱨᱮᱧ ᱟᱠᱷᱽᱲᱟ ᱨᱮ ᱥᱮᱱ ᱠᱟᱛᱮ ᱚᱱᱟ ᱥᱮᱨᱮᱧ ᱞᱟᱹᱜᱤᱫ ᱾ ᱤᱠᱷᱟᱹᱱ ᱨᱟᱡᱽᱜᱟᱲ ᱥᱮᱱᱚᱜ ᱞᱟᱹᱜᱤᱫ ᱥᱮᱱᱟᱯᱚᱛᱤ ᱠᱤᱱ ᱢᱟᱱᱟ ᱠᱮᱫᱮᱭᱟ ᱾ ᱛᱟᱱᱟ ᱟᱨ ᱨᱤᱨᱤ ᱠᱤᱱᱟᱜ ᱡᱟᱱᱟᱢ ᱟᱹᱛᱩ ᱵᱚᱰᱱᱚᱜᱚᱨ ᱨᱮ ᱢᱟᱱᱟᱣ ᱵᱟᱛᱟᱣ ᱨᱮᱱᱟᱜ ᱢᱤᱫ ᱪᱚᱲᱚᱱ ᱛᱟᱦᱮᱸ ᱠᱟᱱᱟ ᱪᱮ ᱡᱟᱣᱟ ᱠᱩᱲᱤ ᱜᱤᱫᱽᱨᱟᱹ ᱫᱚ ᱟᱹᱛᱩ ᱵᱩᱰᱷᱤ ᱵᱚᱸᱜᱟ ᱴᱷᱮᱱ ᱜᱮ ᱠᱚ ᱥᱮᱨᱮᱧᱼᱟ ᱾ᱟᱠᱵᱚᱨ ᱨᱟᱡᱟ ᱤᱡ ᱥᱮᱱᱟᱯᱚᱛᱤ ᱟᱜ ᱠᱟᱛᱷᱟ ᱠᱤᱱ ᱟᱸᱡᱚᱢ ᱟᱠᱟᱜᱼᱟ, ᱯᱟᱞᱮ ᱨᱟᱡᱟ ᱟᱨ ᱵᱚᱰᱱᱚᱜᱚᱨ ᱦᱚᱲ ᱠᱚ ᱢᱩᱫᱽᱨᱮ ᱞᱟᱹᱰᱷᱟᱹᱭ ᱜᱚᱯᱚᱡ ᱦᱩᱭᱩᱜᱼᱟ ,ᱚᱱᱟ ᱵᱚᱛᱚᱨ ᱛᱮ ᱠᱩᱶ ᱨᱮ ᱠᱤᱱ ᱩᱱᱩᱢ ᱜᱚᱡ ᱮᱱᱟ ᱾ ᱩᱱᱠᱤᱱᱟᱜ ᱜᱚᱡ ᱵᱮᱣᱨᱟ ᱨᱟᱡᱟ ᱟᱠᱵᱚᱨ ᱴᱷᱮᱱ ᱥᱮᱴᱮᱨ ᱮᱱᱠᱷᱟᱱ ᱨᱟᱡᱟ ᱟᱡᱛᱮᱫ ᱛᱮ ᱵᱚᱰᱱᱚᱜᱚᱨ ᱥᱮᱱ ᱠᱟᱛᱮ ᱛᱟᱱᱟ ᱟᱨ ᱨᱤᱨᱤ ᱟᱭᱳ ᱵᱟᱵᱟ ᱟᱨ ᱚᱱᱰᱮᱱ ᱠᱚ ᱦᱚᱲ ᱴᱷᱮᱱ ᱤᱠᱟᱹᱭ ᱠᱷᱚᱡᱽ ᱠᱮᱜᱼᱟ ᱾ ᱛᱟᱭᱚᱢ ᱨᱟᱡᱟ ᱟᱜ ᱟᱫᱮᱥ ᱛᱮ ᱛᱟᱱᱥᱮᱱ ᱫᱚ ᱛᱟᱱᱟ ᱟᱨ ᱨᱤᱨᱤ ᱧᱩᱛᱩᱢ ᱛᱮ ᱵᱚᱰᱱᱚᱜᱚᱨ ᱨᱮ ᱥᱮᱨᱮᱧ ᱟᱠᱷᱽᱲᱟᱭ ᱵᱮᱱᱟᱣ ᱞᱮᱜᱼᱟ ᱾ ᱛᱟᱱᱟ ᱟᱨ ᱨᱤᱨᱤ ᱫᱚ ᱟᱹᱛᱩ ᱫᱤᱥᱚᱢ ᱨᱟᱭ ᱨᱤᱛ ᱵᱟᱧᱪᱟᱣ ᱫᱚᱦᱚᱭ ᱞᱟᱹᱜᱤᱫ ᱠᱤᱱ ᱩᱱᱩᱢ ᱜᱚᱡ ᱞᱮᱱᱟ ᱾
ᱧᱩᱢ ᱦᱟᱞᱟᱝ
ᱥᱟᱯᱲᱟᱣᱫᱷᱟᱹᱨᱛᱤ ᱨᱮ ᱢᱟᱹᱱᱢᱤ ᱠᱚ ᱞᱟᱹᱜᱤᱫ ᱫᱚ ᱨᱟᱭ ᱨᱤᱛ ᱜᱮ ᱢᱟᱨᱟᱝᱼᱟ, ᱡᱤᱣᱤ ᱫᱚ ᱵᱟᱝ ᱾ ᱚᱱᱠᱟ ᱫᱤᱥᱟᱹ ᱠᱤᱱ ᱩᱫᱩᱜ ᱞᱮᱫ ᱠᱷᱟᱹᱛᱤᱨ ᱛᱟᱱᱟ ᱟᱨ ᱨᱤᱨᱤ ᱧᱩᱛᱩᱢ ᱛᱮ ᱵᱚᱰᱱᱚᱜᱚᱨ ᱵᱟᱡᱟᱨ ᱨᱮ ᱞᱟᱹᱭ ᱞᱟᱠᱪᱟᱨ ᱚᱲᱟᱜ ᱵᱮᱱᱟᱣ ᱟᱠᱟᱱᱟ ᱾ ᱡᱮᱛᱮ ᱥᱮᱨᱢᱟ ᱜᱮ ᱛᱟᱱᱟ-ᱨᱤᱨᱤ ᱥᱮᱨᱮᱧ ᱨᱟᱦᱟ ᱯᱟᱨᱟᱵᱽ ᱜᱩᱡᱽᱨᱟᱛ ᱥᱟᱨᱠᱟᱨ[᱓][᱔] ᱯᱟᱦᱴᱟ ᱠᱷᱚᱱ ᱦᱩᱭᱩᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Desai, Anjali H. (2007). India Guide Gujarat. India Guide Publications. p. 226. ISBN 9780978951702.
- ↑ Khan, Iqtidar (1999). Akbar and his age. Northern Book Centre. p. 264. ISBN 9788172111083.
- ↑ "Setting of a new Guinness book world record at Tana Riri festival in Vadnagar". DeshGujarat News from Gujarat. 10 November 2016. Retrieved 11 February 2017.
- ↑ "Tana Riri festival opens in Vadnagar, north Gujarat". DeshGujarat News from Gujarat. 21 November 2015. Retrieved 11 February 2017.