ᱛᱤ
ᱛᱤ (ᱤᱝᱞᱤᱥᱺ Hand) ᱢᱟᱹᱱᱢᱤ, ᱥᱤᱢᱯᱟᱧᱡᱤ, ᱦᱟᱹᱬᱩ, ᱞᱮᱢᱩᱨ ᱮᱢᱟᱱ ᱠᱚ ᱴᱷᱮᱱ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱫᱚ ᱥᱩᱯᱩᱥ ᱥᱟᱶ ᱡᱚᱲᱟᱣ ᱠᱟᱛᱮ ᱦᱚᱲᱢᱚ ᱨᱮ ᱠᱷᱚᱸᱡᱟ ᱟᱠᱟᱱᱟ, ᱡᱟᱦᱟᱸ ᱫᱚ ᱡᱟᱦᱟᱸᱱᱟᱜ ᱠᱚ ᱥᱟᱵ ᱟᱨᱵᱟᱝ ᱡᱚᱴᱮᱫ ᱞᱟᱹᱜᱤᱫ ᱠᱟᱹᱢᱤ ᱨᱮ ᱦᱤᱡᱩᱜᱼᱟ ᱾ ᱛᱤᱢᱤᱱ ᱜᱟᱱ ᱵᱤᱥᱤ ᱡᱟᱝᱟᱱ (vertebrae) ᱠᱚᱣᱟᱜ ᱦᱚᱸ ᱛᱤ ᱢᱮᱱᱟᱜ ᱜᱮᱭᱟ ᱾ ᱛᱤ ᱫᱚ ᱦᱚᱲᱢᱚ ᱨᱮᱱᱟᱜ ᱢᱤᱫ ᱢᱩᱬ ᱦᱟᱹᱴᱤᱧ ᱠᱟᱱᱟ ᱾ ᱱᱚᱶᱟ ᱫᱚ ᱡᱟᱦᱟᱸᱱᱟᱜ ᱤᱫᱤ ᱟᱹᱜᱩ ᱟᱨ ᱥᱟᱵ ᱞᱟᱹᱜᱤ ᱡᱟᱱᱣᱟ ᱠᱚ ᱵᱮᱵᱷᱟᱨᱮᱫᱼᱟ ᱾ ᱛᱤ ᱨᱮ ᱱᱟᱹᱴᱠᱟᱹ, ᱥᱤᱨ ᱛᱮ ᱦᱚᱲᱢᱚ ᱥᱟᱶ ᱚᱱᱛᱚᱨ ᱠᱷᱳᱸᱡᱟ ᱢᱮᱱᱟᱜᱼᱟ ᱾ ᱡᱟᱦᱟᱸ ᱫᱚ ᱢᱤᱫ ᱡᱟᱭ ᱵᱟᱝᱢᱟ ᱡᱤᱱᱤᱥ ᱨᱮᱱᱟᱜ ᱚᱬᱚᱝ ᱟᱨ ᱟᱹᱭᱛ ᱠᱚ ᱦᱟᱛᱟᱝ ᱛᱮ ᱠᱳᱞ ᱟᱭ ᱾ ᱵᱟᱱᱟᱨ ᱛᱤ ᱞᱟᱹᱜᱤᱫ ᱵᱷᱮᱜᱟᱨ ᱵᱷᱮᱜᱟᱨ ᱦᱟᱛᱟᱝ ᱛᱮ ᱪᱟᱞᱟᱣᱜ ᱠᱟᱱᱟ, ᱚᱱᱟ ᱛᱮ ᱵᱷᱮᱜᱟᱨ ᱠᱟᱹᱢᱤ ᱢᱤᱫ ᱫᱷᱟᱣ ᱛᱮ ᱠᱤᱱ ᱠᱟᱹᱢᱤ ᱫᱟᱲᱮᱭᱟᱜ ᱠᱟᱱᱟ ᱾
| Hand | |
|---|---|
 Human right hand | |
 X-ray of human hand | |
| ᱯᱟᱥᱱᱟᱣ ᱛᱮ | |
| ᱥᱤᱨ | dorsal venous network of hand |
| Nerve | Ulnar, median, radial nerves |
| ᱪᱤᱱᱦᱟᱹᱯᱤᱫ | |
| ᱞᱟᱛᱤᱱ | Manus |
| MeSH | D006225 |
| ᱴᱤᱮ | A01.1.00.025 |
| ᱮᱯᱷᱮᱢᱮ | 9712 |
| Anatomical terminology | |
ᱜᱚᱲᱦᱚᱱ ᱥᱟᱯᱲᱟᱣ
ᱡᱤᱭᱟᱹᱞᱤ ᱠᱚᱣᱟᱜ ᱛᱤ ᱞᱮᱠᱟ ᱜᱮ ᱢᱟᱹᱱᱢᱤ ᱛᱤ ᱦᱚᱸ ᱡᱤᱞ, ᱡᱟᱝ, ᱥᱤᱨ, ᱢᱟᱭᱟᱢ ᱮᱢᱟᱱ ᱛᱮ ᱜᱚᱲᱦᱚᱱ ᱟᱠᱟᱱᱟ᱾ ᱵᱤᱨ ᱢᱟᱹᱱᱢᱤ ᱟᱨ ᱦᱟᱹᱬᱩ ᱜᱟᱹᱲᱤ ᱠᱚᱣᱟᱜ ᱫᱚ ᱯᱩᱱᱭᱟᱹ ᱛᱤ ᱢᱮᱱᱟᱜᱼᱟ ᱢᱮᱱᱛᱮ ᱠᱚ ᱢᱮᱱᱟ᱾ ᱪᱮᱫᱟᱜ ᱥᱮ ᱱᱩᱠᱩᱣᱟᱜ ᱡᱟᱝᱜᱟ ᱦᱚᱸ ᱛᱤ ᱨᱮᱜᱮ ᱠᱚ ᱞᱮᱠᱷᱟᱭᱟ ᱢᱤᱫ ᱜᱮ ᱧᱮᱞᱚᱜ ᱠᱷᱟᱹᱛᱤᱨ᱾ ᱢᱟᱹᱱᱢᱤ ᱠᱚᱣᱟᱜ ᱛᱤ ᱨᱮ ᱟᱭᱢᱟ ᱠᱷᱚᱸᱡᱟ ᱢᱮᱟᱱᱟᱜᱼᱟ, ᱠᱷᱚᱸᱡᱟ ᱨᱮᱱᱟᱜ ᱢᱩᱪᱟᱹᱫ ᱦᱟᱹᱴᱤᱧ ᱨᱮ ᱫᱚ ᱛᱤ ᱛᱟᱹᱞᱠᱷᱟᱹ ᱢᱮᱱᱟᱜᱼᱟ᱾ ᱚᱱᱟ ᱛᱟᱹᱞᱠᱷᱟᱹ ᱥᱟᱶ ᱠᱟᱹᱴᱩᱵ ᱡᱚᱲᱟᱣ ᱟᱠᱟᱱᱟ᱾ ᱢᱟᱹᱱᱢᱤ ᱠᱚᱣᱟᱜ ᱛᱤ ᱨᱮ ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ ᱛᱟᱦᱮᱸᱱᱟ ᱢᱮᱱᱠᱷᱟᱱ ᱢᱤᱢᱤᱫ ᱦᱚᱲ ᱴᱷᱮᱱ ᱠᱚᱢ ᱟᱨ ᱰᱮᱦᱮᱨ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ᱾
ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ ᱨᱮᱱᱟᱜ ᱧᱩᱛᱩᱢᱺ-
- ᱮᱸᱜᱟ ᱠᱟᱹᱴᱩᱵ
- ᱩᱫᱩᱜ ᱠᱟᱹᱴᱩᱵ
- ᱛᱟᱞᱟ ᱠᱟᱹᱴᱩᱵ
- ᱰᱟᱹᱱ ᱠᱟᱹᱴᱩᱵ
- ᱥᱤᱡ ᱠᱟᱹᱴᱩᱵ