ᱛᱤᱡᱚᱱ ᱵᱟᱭᱤ
ᱛᱤᱡᱚᱱ ᱵᱟᱭᱤ (ᱡᱟᱱᱟᱢ - ᱒᱔ ᱮᱯᱨᱤᱞ ᱑᱙᱕᱖ ) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮ ᱪᱷᱚᱛᱤᱥᱜᱚᱰ ᱯᱚᱱᱚᱛ ᱨᱮᱱᱟᱜ ᱯᱚᱸᱰᱣᱟᱱᱤ ᱦᱚᱲ ᱮᱱᱮᱡ ᱥᱮᱨᱮᱧ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱵᱟᱰᱚᱦᱤᱭᱟᱹ ᱠᱟᱱᱟᱭ ᱾ ᱫᱮᱥ ᱵᱤᱫᱮᱥ ᱨᱮ ᱟᱡᱟᱜ ᱦᱩᱱᱟᱹᱭ ᱨᱮ ᱩᱫᱩᱜ ᱥᱚᱫᱚᱨ ᱟᱠᱟᱫ ᱛᱤᱡᱚᱱ ᱵᱟᱭᱤ ᱫᱚ ᱵᱤᱞᱟᱥᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱛᱮᱛᱮ ᱫᱤ ᱞᱤᱴ ᱨᱮᱱᱟᱜ ᱢᱟᱹᱱ ᱥᱤᱨᱯᱷᱟᱹ ᱛᱮᱭ ᱧᱩᱢ ᱦᱟᱞᱟᱝ ᱟᱠᱟᱱᱟ ᱾ ᱩᱱᱤ ᱫᱚ ᱥᱮᱨᱢᱟ ᱑᱙᱘᱘ ᱨᱮ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱯᱚᱫᱽᱢᱚ ᱥᱨᱤ ᱟᱨ ᱒᱐᱐᱓ ᱨᱮ ᱵᱟᱰᱚᱦᱤ ᱫᱩᱱᱤᱭᱟᱹ ᱨᱮ ᱯᱚᱫᱽᱢᱚ ᱵᱷᱩᱥᱚᱬ ᱛᱮᱭ ᱢᱟᱹᱱ ᱥᱟᱡᱟᱣ ᱮᱱᱟ ᱾ ᱟᱨ ᱩᱱᱤ ᱫᱚ ᱑᱙᱙᱕ ᱥᱟᱞᱮ ᱨᱮ ᱥᱮᱨᱮᱧ ᱜᱟᱭᱟᱱ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱥᱟᱶᱛᱮ ᱒᱐᱐᱗ ᱨᱮ ᱱᱨᱩᱛᱭᱚ ᱥᱤᱨᱚᱢᱚᱬᱤ ᱥᱮ ᱠᱷᱚᱱ ᱦᱚᱸ ᱠᱚ ᱢᱟᱹᱱ ᱦᱟᱞᱟᱝ ᱟᱠᱟᱫ ᱫᱮᱭᱟ ᱾ [᱑]
| ᱯᱚᱫᱽᱢᱚ ᱵᱤᱵᱷᱩᱥᱚᱱ ᱛᱤᱡᱚᱱ ᱵᱟᱭᱤ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱔ ᱮᱯᱨᱤᱞ ᱑᱙᱕᱖ ᱜᱟᱱᱤᱭᱟᱨᱤ ᱟᱹᱛᱩ, ᱫᱩᱨᱜᱽ, ᱪᱷᱚᱛᱤᱥᱜᱚᱰ |
| ᱠᱟᱹᱢᱤ | ᱯᱚᱫᱽᱢᱚᱵᱟᱬᱤ Folk Singer |
| ᱡᱤᱭᱚᱱ ᱥᱚᱦᱮᱫ | ᱛᱩᱠᱟ ᱨᱟᱢ |
| ᱥᱤᱨᱯᱷᱟᱹ | ᱯᱚᱫᱽᱢᱚ ᱵᱤᱵᱷᱩᱥᱚᱬ ᱒᱐᱑᱙ ᱯᱚᱫᱽᱢᱚ ᱵᱷᱩᱥᱚᱬ ᱒᱐᱐᱓ ᱯᱚᱫᱽᱢᱚ ᱥᱨᱤ ᱑᱙᱘᱗ ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱑᱙᱙᱕ ᱯᱷᱩᱠᱩᱣᱠᱟ ᱥᱤᱨᱯᱷᱟᱹ ᱒᱐᱑᱘ |
ᱡᱟᱱᱟᱢ ᱥᱟᱯᱲᱟᱣ
ᱵᱷᱤᱞᱟᱭᱤ ᱨᱮᱱᱟᱜ ᱟᱹᱛᱩ ᱜᱚᱱᱤᱭᱟᱨᱤ ᱨᱮᱭ ᱡᱟᱱᱟᱢ ᱟᱠᱟᱱ ᱱᱩᱭ ᱵᱟᱰᱚᱦᱤᱭᱟᱹᱭᱤᱡ ᱡᱟᱱᱟᱢ ᱵᱟᱵᱟ ᱧᱩᱛᱩᱢ ᱫᱚ ᱦᱩᱱᱩᱠᱞᱟᱞ ᱯᱚᱨᱫᱷᱟ ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ ᱥᱩᱠᱷᱵᱚᱛᱤ ᱛᱟᱦᱮᱸ ᱠᱟᱱᱟ ᱾ ᱦᱩᱰᱤᱧ ᱟᱨ ᱫᱩᱞᱟᱹᱲ ᱛᱤᱡᱚᱱ ᱫᱚ ᱟᱡ ᱱᱟᱢᱚ ᱦᱟᱲᱟᱢ ᱵᱽᱨᱚᱡᱚᱞᱟᱞ ᱢᱚᱦᱟᱵᱷᱟᱨᱚᱛ ᱨᱮᱱᱟᱜ ᱠᱟᱹᱦᱱᱤ ᱠᱚ ᱟᱸᱡᱚᱢ ᱮ ᱧᱮᱞᱮᱭᱟ ᱟᱨ ᱵᱟᱹᱭ ᱵᱟᱹᱭ ᱛᱮ ᱟᱡ ᱫᱚ ᱚᱱᱟ ᱥᱮᱨᱮᱧ ᱠᱚᱭ ᱩᱭᱦᱟᱹᱨ ᱫᱚᱦᱚ ᱠᱮᱫ-ᱟ ᱾ ᱩᱱᱤᱭᱟᱜ ᱦᱟᱦᱟᱲᱟᱱ ᱨᱟᱹᱥᱠᱟᱹ ᱟᱨ ᱜᱩᱱ ᱵᱤᱨᱫᱟᱹ ᱧᱮᱞ ᱠᱟᱛᱮ ᱩᱢᱮᱫᱽ ᱥᱤᱝ ᱫᱮᱥᱢᱩᱠᱷ ᱫᱚ ᱩᱱᱤ ᱤᱱᱯᱷᱚᱨᱢᱟᱞ ᱥᱟᱹᱫᱽ ᱦᱚᱸᱭ ᱮᱢᱟᱫᱮᱭᱟ ᱾ ᱑᱓ ᱵᱚᱨᱥᱚ ᱵᱚᱭᱮᱥ ᱨᱮ ᱩᱱᱤ ᱫᱚ ᱯᱩᱭᱞᱩ ᱢᱮᱞᱟᱝᱠᱤ ᱩᱫᱩᱜ ᱥᱚᱫᱚᱨ ᱠᱮᱫ ᱟᱭ ᱾ ᱤᱱᱟᱹ ᱚᱠᱛᱚ ᱨᱮ ᱛᱤᱨᱞᱟᱹ ᱠᱚ ᱯᱚᱸᱰᱣᱟᱱᱤ ᱥᱮᱨᱮᱧ ᱫᱚ ᱥᱩᱢᱩᱝ ᱫᱩᱲᱩᱵ ᱠᱟᱛᱮ ᱠᱚ ᱥᱮᱨᱮᱧ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱡᱟᱦᱟᱸ ᱫᱚ ᱵᱮᱫᱽᱢᱚᱛᱤ ᱪᱚᱦᱚᱨ ᱠᱚ ᱢᱮᱛᱟᱜ-ᱟ ᱾ ᱠᱚᱲᱟ ᱦᱚᱯᱚᱱ ᱠᱚᱫᱚ ᱛᱤᱸᱜᱩ ᱠᱟᱛᱮ ᱠᱟᱯᱟᱞᱤᱠ ᱛᱚᱦᱚᱨ ᱛᱮᱠᱚ ᱥᱮᱨᱮᱧ ᱛᱟᱦᱮᱸᱫ ᱾ ᱛᱤᱫᱚᱱ ᱵᱟᱭᱤ ᱫᱚ ᱯᱩᱭᱞᱩ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱠᱟᱯᱟᱞᱤᱠ ᱛᱚᱦᱚᱨ ᱨᱮ ᱯᱚᱸᱰᱣᱟᱱᱤᱭ ᱩᱫᱩᱜ ᱥᱚᱫᱚᱨ ᱠᱮᱫ-ᱟ ᱾ [᱒] ᱢᱤᱫ ᱫᱤᱱ ᱱᱚᱝᱠᱟᱱ ᱚᱠᱛᱚ ᱦᱚᱸ ᱥᱮᱴᱮᱨ ᱮᱱᱟᱛᱤᱱ ᱡᱚᱦᱚᱜ ᱧᱩᱛᱩᱢᱟᱱ ᱨᱚᱝᱤᱭᱟᱹ ᱦᱚᱵᱤᱵᱽ ᱛᱚᱱᱵᱷᱤᱨ ᱫᱚ ᱩᱱᱤᱭ ᱟᱸᱡᱚᱢ ᱠᱮᱫᱮᱭᱟ ᱟᱨ ᱟᱨ ᱩᱱ ᱠᱷᱚᱱ ᱛᱤᱡᱚᱱ ᱵᱟᱭᱤ ᱟᱜ ᱡᱤᱭᱚᱱ ᱟᱹᱨᱩ ᱩᱛᱟᱹᱨ ᱮᱱᱟ ᱾ ᱤᱱᱟ ᱚᱠᱛᱚ ᱨᱮ ᱢᱟᱨᱟᱝ ᱢᱚᱱᱛᱨᱤ ᱤᱸᱫᱽᱨᱟ ᱫᱟᱱᱫᱷᱤ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱟᱹᱰᱤ ᱜᱟᱱ ᱜᱟᱹᱠᱷᱳᱲ ᱦᱚᱲ ᱥᱟᱢᱟᱝ ᱨᱮ ᱫᱮᱥ ᱵᱤᱫᱮᱥ ᱨᱮ ᱩᱱᱤ ᱫᱚ ᱟᱡᱟᱜ ᱦᱩᱱᱟᱹᱨ ᱮ ᱩᱫᱩᱜ ᱥᱚᱫᱚᱨ ᱟᱠᱟᱫ-ᱟ ᱾
ᱠᱟᱹᱢᱤᱦᱚᱨᱟ ᱥᱟᱯᱲᱟᱣ
ᱯᱚᱱᱚᱛ ᱟᱨ ᱫᱤᱥᱚᱢ ᱨᱮᱱᱟᱜ ᱥᱚᱨᱠᱟᱨᱤᱭᱟᱹ ᱟᱨ ᱵᱟᱝ ᱥᱚᱨᱠᱟᱨᱤᱭᱟᱹ ᱟᱹᱰᱤᱜᱟᱱ ᱜᱟᱶᱛᱟ ᱦᱚᱛᱮᱛᱮ ᱥᱤᱨᱯᱷᱟᱹ ᱪᱟᱞ ᱟᱠᱟᱱ ᱛᱤᱡᱚᱱ ᱵᱟᱭᱤ ᱢᱮᱞᱟᱝᱠᱤ ᱨᱮ ᱢᱚᱱᱮ ᱢᱩᱦᱤᱛ ᱜᱚᱫ ᱠᱟᱠᱚ ᱦᱟᱦᱟᱲᱟᱱ ᱮᱱᱮᱡ ᱠᱷᱮᱞᱚᱸᱰ ᱮ ᱩᱫᱩᱜ ᱥᱚᱫᱚᱨᱟ ᱾ ᱡᱟᱦᱟᱸ ᱞᱮᱠᱟ ᱩᱫᱩᱜ ᱥᱚᱫᱚᱨ ᱮ ᱮᱛᱚᱦᱚᱵᱟ, ᱟᱡᱟᱜ ᱨᱩᱝᱜᱤᱱ ᱯᱷᱩᱫᱽᱱᱟᱹ ᱟᱱᱟᱜ ᱛᱟᱱᱯᱩᱨᱟ ᱢᱚᱦᱚᱨ ᱵᱷᱟᱵᱽ ᱞᱮᱠᱟᱱ ᱞᱮᱠᱟᱱ ᱨᱩᱯ ᱮ ᱤᱫᱤ ᱟᱹᱜᱩᱭᱟ ᱾ ᱚᱠᱟ ᱡᱚᱦᱚᱜ ᱫᱩᱦᱥᱟᱥᱚᱱ ᱟᱜ ᱵᱟᱹᱡᱩ, ᱚᱠᱟ ᱡᱚᱦᱚᱜ ᱫᱚ ᱚᱨᱡᱩᱱ ᱟᱜ ᱨᱟᱛᱜᱟᱹᱰᱤ, ᱚᱠᱟ ᱡᱚᱦᱚᱜ ᱫᱚ ᱵᱷᱤᱢ ᱟᱜ ᱜᱩᱰᱱᱟᱹ ᱠᱷᱟᱱ ᱟᱨ ᱚᱠᱟ ᱡᱚᱦᱚᱜ ᱫᱚ ᱫᱽᱨᱚᱯᱚᱫᱤᱭᱟᱜ ᱩᱵ ᱞᱮᱠᱟᱛᱮ ᱟᱹᱨᱩ ᱠᱟᱛᱮ ᱩᱱᱩ ᱛᱟᱱᱯᱩᱨᱟ ᱟᱸᱡᱚᱢᱤᱭᱟᱹ ᱠᱚ ᱱᱟᱜᱟᱢ ᱨᱮᱱᱟᱜ ᱚᱱᱟ ᱚᱠᱛᱚ ᱨᱮᱭ ᱥᱮᱴᱮᱨ ᱚᱪᱚ ᱠᱚᱣᱟ ᱡᱟᱦᱟᱸᱨᱮ ᱩᱱᱠᱩ ᱛᱤᱡᱚᱱ ᱥᱟᱶᱛᱮ ᱪᱩᱦᱩᱞ, ᱦᱩᱸᱥ, ᱨᱟᱹᱜᱤ, ᱦᱟᱹᱥᱩ, ᱨᱟᱹᱥᱠᱟᱹ, ᱨᱚᱢᱚᱡᱽ ᱟᱨ ᱦᱤᱸᱥᱟᱹ ᱥᱩᱭᱟᱹ ᱵᱟᱹᱲᱤᱡ ᱯᱚᱨᱛᱚᱱ ᱨᱮᱱᱟᱜ ᱱᱟᱜᱟᱢᱮᱛ ᱦᱩᱫᱤᱥ ᱵᱷᱟᱵᱽᱱᱟᱭ ᱟᱹᱭᱠᱟᱹᱣ ᱦᱚᱪᱚ ᱠᱚᱣᱟ ᱾ [᱓]
.jpg)
ᱥᱤᱨᱯᱷᱟᱹ ᱥᱟᱯᱲᱟᱣ
- 1988 ᱯᱟᱫᱽᱢᱟ ᱥᱨᱤ
- 1995 ᱥᱮᱨᱮᱧ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟᱹ[᱔]
- 2003 Hon. D.Litt., Bilaspur University[᱕]
- 2003 ᱯᱟᱫᱽᱢᱟ ᱵᱷᱩᱥᱟᱱ[᱖]
- 2016 ᱮᱢ. ᱮᱥ. ᱥᱩᱵᱽᱵᱚᱞᱚᱠᱥᱢᱤ ᱥᱚᱱᱛᱚᱨᱤ ᱥᱤᱨᱯᱷᱟᱹ
- 2018 ᱯᱷᱩᱠᱩᱳᱠᱟ ᱥᱤᱨᱯᱷᱟᱹ[᱗]
- 2019 ᱯᱟᱫᱽᱢᱟ ᱵᱷᱩᱥᱟᱱ[᱘]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ Lua error in ᱢᱳᱰᱩᱞ:Citation/CS1/Date_validation at line 335: attempt to compare nil with number.
- ↑ ᱵᱷᱤᱞᱟᱭᱤᱱᱚᱜᱚᱨ: ᱠᱚᱞᱟᱥᱨᱤ ᱥᱚᱢᱢᱟᱱ ᱨᱤᱛᱩ ᱵᱚᱨᱢᱟ ᱫᱚ। ᱫᱮᱥᱵᱚᱱᱫᱷᱩ।᱕ ᱚᱠᱴᱚᱵᱚᱨ, ᱒᱐᱐᱙
- ↑ Lua error in ᱢᱳᱰᱩᱞ:Citation/CS1/Date_validation at line 335: attempt to compare nil with number.
- ↑ Sangeet Natak Akademi Award winners Archived ᱑᱔ ᱢᱮ ᱒᱐᱐᱗ at the Wayback Machine.
- ↑ The Times of India, 12 Oct 2003
- ↑ Indian government Padma Awards
- ↑ "Teejan Bai｜Laureates". Fukuoka Prize (in ᱡᱟᱯᱟᱱᱤ). Retrieved 2018-10-22.
- ↑ Ministry of Home Affairs, India. 25 January 2019