ᱛᱩᱨᱵᱚᱛ
ᱛᱩᱨᱵᱚᱛ (ᱩᱨᱫᱩ ᱟᱨ ᱵᱟᱞᱚᱪᱤ تربت) ᱫᱚ ᱯᱟᱠᱤᱥᱛᱟᱱ ᱫᱤᱥᱚᱢ ᱨᱮᱭᱟᱜ ᱵᱟᱞᱚᱪᱤᱥᱛᱟᱱ ᱯᱚᱱᱚᱛ ᱨᱮᱭᱟᱜ ᱠᱮᱪ ᱦᱚᱱᱚᱛ ᱨᱮᱭᱟᱜ ᱢᱩᱬᱩᱛ ᱟᱹᱯᱤᱥ ᱟᱨ ᱵᱟᱡᱟᱨ ᱠᱟᱱᱟ ᱾ ᱱᱚᱶᱟ ᱵᱟᱡᱟᱨ ᱫᱚ ᱠᱮᱪ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱛᱩᱨᱵᱚᱛ ᱫᱚ ᱥᱮᱫᱟᱭᱟᱜ ᱢᱟᱨᱠᱷᱟᱱ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱵᱟᱞᱚᱪᱤᱥᱛᱟᱱ ᱤᱞᱟᱹᱠᱟ ᱨᱮᱭᱟᱜ ᱠᱣᱮᱴᱟ ᱛᱟᱭᱚᱢ ᱱᱚᱶᱟ ᱫᱚ ᱫᱚᱥᱟᱨ ᱢᱟᱨᱟᱝ ᱵᱟᱡᱟᱨ ᱠᱟᱱᱟ ᱾ ᱵᱟᱞᱚᱪᱤᱥᱛᱟᱱ ᱯᱚᱱᱚᱛ ᱨᱮᱭᱟᱜ ᱫᱟᱹᱠᱷᱤᱱ ᱯᱟᱦᱴᱟ ᱨᱮᱭᱟᱜ ᱫᱚ ᱡᱚᱛᱚ ᱠᱷᱚᱱᱟᱜ ᱢᱟᱨᱟᱝ ᱵᱟᱡᱟᱨ ᱠᱟᱱᱟ ᱾ ᱜᱣᱟᱫᱟᱨ ᱵᱚᱱᱫᱚᱨ ᱫᱚ ᱛᱩᱨᱵᱚᱛ ᱨᱮᱭᱟᱜ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱨᱮ 120 kilometres (75 mi) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
| ᱛᱩᱨᱵᱚᱛ تربت | |
|---|---|
| ᱦᱚᱱᱚᱛ ᱢᱩᱬᱩᱛ ᱟᱹᱯᱤᱥ | |
| Lua error in ᱢᱳᱰᱩᱞ:Location_map at line 522: Unable to find the specified location map definition: "Module:Location map/data/Pakistan" does not exist. | |
| Coordinates: 26°0′15″N 63°3′38″E / 26.00417°N 63.06056°ECoordinates: 26°0′15″N 63°3′38″E / 26.00417°N 63.06056°E | |
| ᱫᱤᱥᱚᱢ | ᱯᱟᱠᱤᱥᱛᱟᱱ |
| ᱯᱚᱱᱚᱛ | ᱵᱟᱞᱚᱪᱤᱥᱛᱟᱱ |
| ᱦᱚᱱᱚᱛ | ᱠᱮᱪ ᱦᱚᱱᱚᱛ |
| Tehsil | ᱛᱩᱨᱵᱚᱛ ᱛᱚᱦᱥᱤᱞ |
| ᱩᱥᱩᱞ | 129 ᱢᱤᱴᱚᱨ (423 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2017)[᱑] |
| • ᱞᱮᱠᱷᱟᱜᱩᱴ | ᱒᱑᱓,᱕᱕᱗ |
| PST (ᱭᱩᱴᱤᱥᱤ+5) | |
| Number of Union councils | 1 |
ᱥᱮᱪᱮᱫ ᱥᱟᱯᱲᱟᱣ
ᱦᱚᱭ ᱦᱤᱥᱤᱫ ᱥᱟᱯᱲᱟᱣ
ᱛᱩᱨᱵᱚᱛ ᱫᱚ ᱫᱟᱹᱠᱷᱤᱱ ᱮᱥᱤᱭᱟ ᱨᱮᱭᱟᱜ ᱞᱚᱞᱚ ᱡᱟᱭᱜᱟ ᱵᱷᱤᱛᱨᱤ ᱠᱷᱚᱱᱟᱜ ᱢᱤᱫᱴᱟᱹᱝ ᱠᱟᱱᱟ ᱾ ᱥᱤᱛᱩᱝ ᱨᱤᱛᱩ ᱨᱮ ᱱᱚᱰᱮᱱᱟᱜ ᱛᱟᱯ ᱫᱚ ᱕᱓ᱹ᱕ ᱰᱤᱜᱽᱨᱤ ᱥᱮᱞᱥᱤᱭᱚᱥ ᱦᱟᱹᱵᱤᱡ ᱥᱮᱴᱮᱨᱚᱜ-ᱟ [᱒] ᱾ ᱢᱮ ᱒᱘, ᱒᱐᱑᱗ ᱥᱟᱞ ᱨᱮ ᱱᱚᱰᱮᱱᱟᱜ ᱛᱟᱯ ᱫᱚ ᱑᱒᱘ᱹ᱗ ᱰᱤᱜᱽᱨᱤ ᱯᱷᱟᱨᱮᱱᱦᱤᱴ (᱕᱓ᱹ᱗ ᱰᱤᱜᱽᱨᱤ ᱥᱨᱮᱞᱥᱤᱭᱚᱥ) ᱥᱮᱴᱮᱨ ᱞᱮᱱᱟ ᱾ ᱱᱚᱶᱟ ᱛᱟᱯ ᱠᱷᱟᱹᱛᱤᱨ ᱱᱚᱶᱟ ᱡᱟᱭᱜᱟ ᱫᱚ ᱡᱮᱜᱮᱛ ᱢᱮᱴᱨᱚᱞᱚᱡᱤᱠᱟᱞ ᱚᱨᱜᱟᱱᱟᱭᱡᱮᱥᱚᱱ (World Meteorological Organization) ᱯᱩᱱᱤᱭᱟ ᱡᱚᱛᱚ ᱠᱷᱚᱱ ᱞᱚᱞᱚ ᱡᱟᱭᱜᱟ ᱨᱮ ᱴᱷᱟᱶ ᱮ ᱮᱢ ᱟᱠᱟᱣᱟᱫᱼᱟ [᱓] ᱾
ᱵᱤᱥᱲᱤ ᱥᱟᱯᱲᱟᱣ
ᱱᱚᱶᱟ ᱵᱟᱡᱟᱨ ᱫᱚ ᱵᱟᱞᱚᱪᱤᱥᱛᱟᱱ ᱨᱮᱭᱟᱜ ᱫᱟᱹᱠᱷᱤᱱ ᱯᱟᱦᱴᱟ ᱨᱮ ᱟᱨ ᱠᱮᱪ ᱜᱟᱰᱟ ᱨᱮᱭᱟᱜ ᱞᱮᱸᱜᱟ ᱯᱟᱦᱴᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱭᱟᱜ ᱩᱛᱟᱹᱨ ᱟᱨ ᱯᱩᱨᱩᱵᱽ ᱯᱟᱦᱴᱟ ᱛᱮᱫᱚ ᱢᱟᱠᱨᱟᱱ ᱨᱮᱧᱡᱽ ᱟᱨ ᱫᱟᱹᱠᱷᱤᱱ ᱯᱟᱦᱴᱟ ᱛᱮᱫᱚ ᱠᱚᱥᱴᱟᱞ ᱥᱚᱢᱟᱱ ᱚᱛ ᱢᱮᱱᱟᱜᱼᱟ ᱾ ᱱᱚᱶᱟ ᱥᱩᱨ ᱨᱮ ᱵᱟᱹᱲᱛᱤ ᱜᱮ ᱠᱷᱤᱡᱩᱨ ᱪᱟᱥ ᱦᱩᱭᱩᱜ ᱠᱷᱟᱹᱛᱤᱨ ᱱᱚᱶᱟ ᱵᱟᱡᱟᱨ ᱫᱚ ᱠᱷᱤᱡᱩᱨ ᱟᱠᱷᱨᱤᱧ ᱨᱮᱭᱟᱜ ᱢᱤᱫ ᱵᱷᱟᱹᱜᱤ ᱵᱟᱡᱟᱨ ᱠᱟᱱᱟ ᱾ ᱱᱚᱸᱰᱮ ᱦᱚᱸ ᱢᱤᱫᱴᱟᱹᱝ ᱠᱷᱤᱡᱩᱨ ᱯᱨᱚᱥᱮᱥᱤᱝ ᱠᱟᱹᱨᱜᱟᱲ ᱢᱨᱱᱟᱜᱼᱟ ᱾ ᱦᱳᱲᱳ, ᱜᱩᱦᱩᱢ, ᱵᱟᱨᱞᱤ ᱮᱢᱟᱱ ᱦᱚᱸ ᱱᱚᱶᱟ ᱥᱩᱨ ᱨᱮ ᱵᱟᱹᱲᱛᱤ ᱜᱮᱠᱚ ᱪᱟᱥᱼᱟ ᱾
ᱠᱚ-ᱮ-ᱢᱩᱨᱟᱫᱽ (ᱯᱷᱟᱨᱥᱤ كوه مراد) ᱫᱚ ᱱᱚᱰᱮᱱᱟᱜ ᱢᱤᱫ ᱯᱩᱱᱟᱹᱭ ᱛᱷᱟᱱ ᱠᱟᱱᱟ ᱾ ᱡᱤᱠᱨᱤᱥ ᱠᱚᱣᱟᱜ ᱱᱚᱶᱟ ᱫᱚ ᱯᱩᱱᱟᱹᱭ ᱛᱷᱟᱱ ᱠᱟᱱᱟ ᱾ ᱩᱱᱠᱩᱣᱟᱜ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱑᱒ ᱟᱹᱱᱤᱡ ᱤᱢᱟᱢ ᱢᱤᱫᱷᱤ ᱱᱚᱶᱟ ᱡᱟᱜᱟ ᱫᱚᱭ ᱦᱤᱨᱤ ᱞᱮᱜᱼᱟ ᱟᱨ ᱟᱹᱰᱤ ᱫᱤᱱ ᱱᱚᱰᱮ ᱱᱮᱦᱚᱨ, ᱚᱦᱬᱮ ᱞᱮᱜᱼᱟ ᱾ ᱡᱤᱠᱨᱤ ᱫᱷᱚᱨᱚᱢ ᱦᱚᱲ ᱫᱚ ᱱᱚᱶᱟ ᱡᱟᱜᱟ ᱒᱗ ᱨᱚᱢᱫᱟᱱ ᱦᱤᱞᱚᱜ ᱧᱤᱫᱟᱹ ᱱᱚᱰᱮ ᱡᱤᱭᱟᱨᱚᱛ ᱞᱟᱹᱜᱤᱫ ᱠᱚ ᱡᱟᱣᱨᱟᱜᱼᱟ ᱾
ᱱᱟᱜᱟᱢ ᱥᱟᱯᱲᱟᱣ
ᱛᱩᱨᱵᱚᱛ ᱫᱚ ᱟᱹᱰᱤ ᱥᱮᱫᱟᱭ ᱨᱮ ᱢᱟᱨᱠᱷᱟᱱ ᱨᱮᱱ ᱜᱤᱪᱠᱤ ᱟᱹᱫᱤᱵᱟᱹᱥᱤ ᱠᱚ ᱥᱟᱥᱚᱱ ᱮᱫ ᱛᱟᱦᱮᱸᱫ ᱾ ᱵᱩᱞᱮᱫᱤ ᱟᱹᱫᱤᱵᱟᱹᱥᱤ ᱦᱚᱸ ᱱᱚᱶᱟ ᱡᱟᱜᱟ ᱫᱚ ᱔᱐᱐ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱠᱚ ᱥᱟᱥᱚᱱ ᱟᱠᱟᱜᱼᱟ ᱾ ᱱᱚᱶᱟ ᱫᱚ ᱢᱟᱨᱠᱷᱟᱱ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱟᱨ ᱢᱟᱨᱠᱷᱟᱱ ᱨᱮᱱᱤᱡ ᱨᱟᱡᱟ ᱱᱚᱰᱮᱭ ᱛᱷᱟᱢᱜᱟᱹᱫᱤ ᱞᱮᱱᱟ ᱾ ᱢᱟᱨᱠᱷᱟᱱ ᱯᱚᱱᱚᱛ ᱱᱮᱛᱟᱨ ᱵᱟᱹᱱᱩᱜ ᱨᱮ ᱦᱚᱸ ᱛᱩᱨᱵᱚᱛ ᱵᱟᱡᱟᱨ ᱫᱚ ᱨᱟᱡᱽᱜᱟᱲ ᱞᱮ ᱠᱟ ᱛᱮᱜᱮ ᱢᱮᱱᱟᱜᱼᱟ ᱾ ᱛᱩᱨᱵᱚᱛ ᱨᱮᱭᱟᱜ ᱢᱮᱱᱮᱛ ᱫᱚ ᱛᱚᱯᱟ ᱴᱷᱟᱶ ᱾ ᱱᱚᱶᱟ ᱨᱮᱭᱟᱜ ᱟᱹᱰᱤ ᱜᱟᱱ ᱱᱟᱜᱟᱢᱟᱱᱟᱜ ᱡᱟᱭᱜᱟ ᱟᱨ ᱜᱟᱢ ᱠᱟᱹᱦᱱᱤ ᱢᱮᱱᱟᱜᱼᱟ ᱾
ᱦᱤᱡᱩᱜ ᱥᱮᱱᱚᱜ ᱥᱟᱯᱲᱟᱣ
ᱛᱩᱨᱵᱚᱛ ᱨᱮ ᱫᱚ ᱢᱤᱫ ᱡᱮᱜᱮᱛᱟᱹᱨᱤ ᱮᱭᱟᱨᱯᱚᱨᱴ ᱢᱮᱱᱟᱜᱼᱟ ᱾ ᱱᱚᱰᱮ ᱠᱷᱚᱱ ᱜᱣᱟᱫᱟᱨ, ᱠᱚᱨᱟᱪᱤ, ᱭᱩᱱᱟᱭᱴᱮᱰ ᱟᱨᱚᱵᱽ ᱮᱢᱤᱨᱮᱴ ᱨᱮᱭᱟᱜ ᱥᱟᱨᱡᱟᱦ ᱮᱢᱟᱱ ᱛᱮ ᱩᱰᱟᱹᱱ ᱥᱮᱵᱟ ᱢᱮᱱᱟᱜᱼᱟ ᱾ ᱥᱚᱲᱚᱠ ᱦᱚᱨ ᱛᱩᱨᱵᱚᱛ ᱫᱚ ᱩᱛᱚᱨ ᱯᱩᱨᱩᱵᱽ ᱨᱮᱭᱟᱜ ᱠᱟᱞᱟᱛ, ᱠᱣᱮᱴᱟ; ᱫᱟᱹᱠᱷᱤᱱ ᱨᱮᱭᱟᱜ ᱜᱣᱟᱫᱟᱨ, ᱯᱟᱥᱱᱤ; ᱯᱟᱹᱪᱷᱤᱢ ᱨᱮᱭᱟᱜ ᱤᱨᱟᱱᱥᱟᱨ ᱟᱨ ᱯᱩᱨᱩᱵᱽ ᱨᱮᱭᱟᱜ ᱠᱚᱨᱟᱪᱤ ᱵᱟᱡᱟᱨ ᱮᱢᱟᱱ ᱥᱟᱶ ᱮ ᱡᱚᱲᱟᱣᱮᱜᱼᱟ ᱾
ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ http://www.citypopulation.de/Pakistan-Balochistan.html
- ↑ Tehsils & Unions in the District of Kech/Turbat - Government of Pakistan Archived ᱒᱐᱑᱒-᱐᱘-᱐᱕ at Archive.is
- ↑ Livingston, Ian (June 18, 2019). "Recent scorching temperatures in Kuwait and Pakistan confirmed as third and fourth hottest on Earth". Washington Post. Retrieved 2019-06-20.