ᱛᱮᱨᱚᱠᱷᱟᱫᱟ ᱩᱯᱚᱡᱮᱞᱟ
ᱛᱮᱨᱚᱠᱷᱟᱫᱟ ᱩᱯᱚᱡᱮᱞᱟ ᱵᱟᱝᱞᱟᱫᱮᱥ ᱨᱮ ᱢᱮᱱᱟᱜ ᱠᱷᱩᱞᱱᱟ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱝ ᱯᱚᱨᱥᱟᱥᱚᱱᱤᱠ ᱮᱞᱟᱠᱟ ᱠᱟᱱᱟ᱾
ᱱᱟᱜᱟᱢ
ᱥᱟᱯᱲᱟᱣᱛᱮᱨᱚᱠᱷᱟᱫᱟ ᱩᱯᱚᱡᱮᱞᱟ ᱨᱮᱱᱟᱜ ᱥᱩᱢᱩᱝ ᱫᱚ ᱑᱘᱙.᱔᱘ ᱵᱚᱨᱜᱚ ᱠᱤᱞᱳᱢᱤᱴᱟᱨ ᱠᱟᱱᱟ᱾ ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱᱟᱜ ᱩᱛᱟᱹᱨ ᱫᱚ ᱠᱟᱞᱤᱭᱟ ᱩᱯᱚᱡᱮᱞᱟ, ᱫᱟᱹᱠᱷᱤᱱ ᱱᱟᱠᱷᱟ ᱫᱚ ᱨᱩᱯᱥᱟ ᱩᱯᱚᱡᱮᱞᱟ, ᱯᱩᱨᱩᱵᱽ ᱫᱚ ᱢᱚᱞᱞᱟᱦᱟᱴ ᱩᱯᱚᱡᱮᱞᱟ ᱟᱨ ᱯᱩᱪᱷᱤᱢ ᱫᱚ ᱫᱤᱜᱷᱞᱤᱭᱟ ᱩᱯᱚᱡᱮᱞᱟ ᱢᱮᱱᱟᱜ-ᱟ᱾
ᱯᱚᱨᱥᱟᱥᱚᱱᱤᱠ ᱮᱞᱟᱠᱟᱠᱚ
ᱥᱟᱯᱲᱟᱣᱛᱮᱨᱚᱠᱷᱟᱫᱟ ᱩᱯᱚᱡᱮᱞᱟ ᱨᱮ ᱖ ᱜᱚᱴᱟᱝ ᱤᱭᱩᱱᱤᱭᱚᱱ, ᱑᱓ ᱜᱚᱴᱟᱝ ᱢᱳᱣᱡᱟ ᱟᱨ ᱙᱙ ᱜᱚᱴᱟᱝ ᱟᱛᱚ ᱢᱮᱱᱟᱜ-ᱟ᱾ ᱟᱨ ᱖ ᱜᱚᱴᱟᱝ ᱤᱭᱩᱱᱤᱭᱚᱱ ᱠᱚ ᱫᱚ ᱦᱩᱭᱩᱜ ᱠᱟᱱᱟ,
- ᱛᱮᱨᱚᱠᱷᱟᱫᱟ ᱤᱭᱩᱱᱤᱭᱚᱱ
- ᱪᱜᱽᱞᱟᱫᱚᱦᱚ ᱤᱭᱩᱱᱤᱭᱚᱱ
- ᱵᱟᱨᱟᱥᱟᱛ ᱤᱭᱩᱱᱤᱭᱚᱱ
- ᱥᱟᱪᱤᱭᱟ ᱫᱟᱦᱚ ᱤᱭᱩᱱᱤᱭᱚᱱ
- ᱢᱚᱫᱷᱩᱯᱩᱨ ᱤᱭᱩᱱᱤᱭᱚᱱ
- ᱟᱡᱽᱜᱚᱲᱟ ᱤᱭᱩᱱᱤᱭᱚᱱ
ᱥᱮᱫᱟᱭ ᱠᱟᱛᱷᱟ
ᱥᱟᱯᱲᱟᱣᱛᱮᱨᱚᱠᱷᱟᱫᱟ ᱛᱷᱟᱱᱟ (ᱱᱤᱛᱚᱜ ᱚᱠᱛᱚ ᱨᱮᱱᱟᱜ ᱩᱯᱚᱡᱮᱞᱟ) ᱫᱚ ᱦᱩᱭᱟᱠᱟᱱᱟ ᱑᱙᱑᱘ ᱥᱮᱨᱢᱟ ᱨᱮ᱾ ᱑᱙᱗᱑ ᱥᱮᱨᱢᱟ ᱨᱮᱱᱟᱜ ᱑᱕ ᱢᱮ ᱛᱟᱨᱤᱠ ᱨᱮ ᱨᱟᱡᱟᱠᱟᱨ ᱜᱟᱣᱥ ᱢᱚᱞᱞᱟ ᱟᱭᱟᱜ ᱯᱚᱨᱤᱪᱟᱞᱚᱱᱟᱣ ᱛᱮ ᱯᱟᱠᱤᱥᱛᱷᱟᱱᱤ ᱵᱟᱹᱦᱤᱱᱤ ᱛᱮᱨᱚᱠᱷᱟᱫᱟ ᱠᱚ ᱮᱥᱮᱫ ᱞᱮᱫᱟ᱾ ᱟᱨ ᱩᱱᱠᱩ ᱦᱟᱱᱟᱫᱟᱨ ᱵᱟᱹᱦᱤᱱᱤ ᱠᱚ ᱥᱟᱦᱟᱯᱟᱲᱟ ᱟᱨ ᱥᱟᱪᱤᱭᱟ ᱫᱟᱦᱚ ᱥᱟᱶ ᱟᱨᱦᱚᱸ ᱟᱰᱮ ᱯᱟᱥᱮ ᱟᱛᱚ ᱨᱮ ᱥᱮᱝᱜᱽᱮᱞ ᱠᱚ ᱡᱤᱞ ᱞᱮᱫᱟ᱾ ᱚᱨ ᱚᱱᱟ ᱚᱠᱛᱚ ᱨᱮ ᱟᱹᱰᱤ ᱜᱟᱱ ᱦᱚᱲ ᱜᱮᱠᱚ ᱵᱟᱡᱟᱣ ᱦᱟᱥᱩ ᱥᱟᱶ ᱠᱚ ᱜᱚᱡᱽ ᱪᱟᱞᱟᱣ ᱞᱮᱱᱟ᱾ ᱛᱮᱨᱚᱠᱷᱟᱫᱟ ᱩᱯᱚᱡᱮᱞᱟ ᱨᱮ ᱟᱨᱦᱚᱸ ᱟᱭᱢᱟ ᱜᱟᱱ ᱞᱟᱹᱲᱦᱟᱹᱭ ᱨᱮᱠᱚ ᱥᱮᱞᱮᱫ ᱞᱮᱱᱟ᱾ ᱛᱮᱨᱚᱠᱷᱟᱫᱟ ᱧᱩᱛᱩᱢ ᱫᱚ ᱟᱸᱡᱚᱢ ᱟᱠᱟᱱᱟ ᱟᱹᱰᱤ ᱥᱮᱫᱟᱭ ᱨᱮ ᱢᱤᱫ ᱡᱚᱢᱤᱫᱟᱨ ᱠᱷᱩᱞᱱᱟ ᱠᱷᱚᱱ ᱚᱱᱟ ᱰᱟᱦᱟᱨ ᱛᱮ ᱨᱩᱣᱟᱹᱲ ᱚᱠᱛᱚ ᱨᱮ ᱚᱸᱰᱮ ᱑᱓ ᱠᱜᱷᱟᱫᱟ ᱡᱚᱢᱤ ᱠᱚᱭ ᱠᱤᱨᱤᱧ ᱞᱮᱫᱟ (᱑ ᱠᱷᱟᱫᱟ = ᱑ ᱵᱤᱜᱷᱟᱹ) ᱧᱤᱫᱟᱹ ᱟᱸᱜᱟᱭ ᱞᱟᱜᱤᱫ᱾ ᱚᱱᱟ ᱯᱟᱛᱤᱣᱟᱹᱣ ᱛᱮᱜᱮ ᱚᱱᱟ ᱮᱞᱟᱠᱟ ᱨᱮᱱᱟᱜ ᱧᱩᱛᱩᱢ ᱫᱚ ᱛᱮᱨᱚᱠᱷᱟᱫᱟ ᱦᱩᱭᱟᱠᱟᱱᱟ᱾ ᱟᱨ ᱚᱱᱟ ᱜᱮ ᱜᱚᱰᱟ ᱯᱟᱥᱱᱟᱣ ᱱᱟ ᱛᱮᱨᱚᱠᱷᱟᱫᱟ᱾
ᱦᱚᱲᱠᱚ
ᱥᱟᱯᱲᱟᱣ᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱑,᱑᱖,᱗᱐᱙ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱚᱱᱟ ᱛᱟᱞᱟ ᱨᱮ ᱠᱚᱲᱟ ᱕᱘,᱓᱖᱓ ᱜᱚᱴᱟᱝ ᱟᱨ ᱠᱩᱲᱤ ᱫᱚ ᱕᱘,᱓᱔᱖ ᱜᱚᱴᱟᱝ᱾
ᱢᱩᱠᱛᱤ ᱡᱩᱫᱷᱚ ᱨᱮᱱᱟᱜ ᱠᱟᱛᱷᱟᱠᱚ
ᱥᱟᱯᱲᱟᱣᱢᱩᱠᱛᱤ ᱡᱩᱫᱷᱚ ᱚᱠᱛᱚᱨᱮ ᱱᱤᱭᱟᱹ ᱩᱯᱚᱡᱮᱞᱟ ᱫᱚ ᱙ ᱟᱱᱟᱝ ᱥᱮᱠᱴᱚᱨ ᱨᱮ ᱛᱟᱦᱮᱸ ᱠᱟᱱᱟ᱾
ᱥᱤᱠᱱᱟᱸᱛ ᱠᱟᱛᱷᱟ
ᱥᱟᱯᱲᱟᱣᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱚᱱᱚᱞᱤᱭᱟᱹ ᱠᱚ ᱔᱘.᱕% (᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱞᱮᱠᱷᱟ ᱨᱮ) ᱚᱱᱟ ᱛᱟᱞᱟ ᱨᱮ ᱠᱚᱲᱟ ᱚᱱᱚᱞᱤᱭᱟᱹ ᱫᱚ ᱔᱙.᱙% ᱟᱨ ᱠᱩᱲᱤ ᱚᱱᱚᱞᱤᱭᱟᱹ ᱠᱚ ᱫᱚ ᱔᱗.%᱾ ᱱᱤᱭᱟᱹ ᱩᱯᱚᱡᱮᱞᱟ ᱨᱮ
- ᱙᱖ ᱜᱚᱴᱟᱝ ᱯᱨᱟᱛᱷᱚᱢᱤᱠ ᱤᱥᱠᱩᱞ ᱢᱮᱱᱟᱜ-ᱟ
- ᱑᱖ ᱜᱚᱴᱟᱝ ᱦᱟᱭ ᱤᱥᱠᱩᱞ
- ᱔ ᱜᱚᱴᱟᱝ ᱠᱚᱞᱮᱡᱽ
- ᱑᱔ ᱜᱚᱴᱟᱝ ᱢᱟᱫᱨᱟᱥᱟ
ᱱᱟᱸᱭ ᱱᱟᱞᱟᱠᱚ
ᱥᱟᱯᱲᱟᱣᱛᱮᱨᱚᱠᱷᱟᱫᱟ ᱩᱯᱚᱡᱮᱞᱟ ᱨᱮ ᱢᱮᱱᱟᱜ-ᱟ ᱵᱟᱨᱭᱟ ᱜᱟᱰᱟ᱾ ᱟᱨ ᱚᱱᱟ ᱠᱤᱱ ᱫᱚ ᱦᱩᱭᱩᱜ ᱠᱟᱱᱟ,
- ᱟᱴᱷᱟᱨᱳᱵᱟᱠᱤ ᱜᱟᱰᱟ
- ᱠᱟᱴᱟᱠᱷᱟᱞᱤ ᱜᱟᱰᱟ
ᱫᱷᱚᱱ ᱫᱩᱨᱤᱵᱽ ᱠᱚ
ᱥᱟᱯᱲᱟᱣᱱᱚᱸᱰᱮ ᱠᱚ ᱯᱨᱟᱭ ᱦᱚᱲ ᱜᱮ ᱠᱨᱤᱥᱤ ᱠᱚ ᱠᱟᱹᱢᱤᱭᱟ᱾ ᱱᱚᱸᱰᱮ ᱱᱟᱜ ᱯᱚᱨᱫᱷᱟᱱ ᱧᱩ ᱡᱚᱢ ᱫᱩᱨᱤᱵᱽ ᱫᱚ ᱦᱩᱭᱩᱜ ᱠᱟᱱᱟ ᱦᱩᱲᱩ, ᱯᱟᱴ, ᱟᱹᱡᱷ, ᱜᱩᱦᱩᱢ ᱛᱤᱞᱢᱤᱧ᱾
ᱧᱩᱛᱩᱢᱟᱱ ᱦᱚᱲᱠᱚ
ᱥᱟᱯᱲᱟᱣ- ᱥᱮᱠᱷ ᱢᱚᱦᱟᱢᱚᱫ ᱦᱟᱥᱟᱱ ᱟᱞ ᱢᱟᱢᱩᱱ, (ᱠᱚᱲᱟ ᱨᱟᱡᱽᱱᱤᱛᱤ ᱵᱤᱫ ᱠᱟᱱᱟᱭ) ᱵᱟᱝᱞᱟᱫᱮᱥ ᱟᱣᱚᱢᱤᱞᱤᱠ ᱠᱷᱚᱱ
- ᱥᱮᱠᱷ ᱢᱟᱨᱩᱯᱷ ᱦᱟᱥᱟᱱ, ᱥᱚᱨᱠᱟᱨᱤ ᱠᱟᱹᱢᱤᱭᱤᱜ (ᱯᱩᱞᱤᱥ ᱥᱩᱯᱟᱨ ᱟᱭᱡᱤ)
- ᱰᱟᱠᱴᱚᱨ ᱢᱚᱱᱥᱩᱨ ᱟᱞᱤ (ᱥᱚᱝᱥᱚᱫ ᱥᱚᱫᱚᱥᱥᱚ ᱛᱟᱦᱮᱸ ᱠᱟᱱᱟᱭ)
- ᱥᱟᱨᱯᱷᱚᱫᱫᱤᱱ ᱵᱤᱥᱥᱟᱥ ᱵᱟᱪᱷᱩ
ᱫᱩᱠ ᱨᱮᱱᱟᱜ ᱠᱟᱛᱷᱟ
ᱥᱟᱯᱲᱟᱣᱛᱮᱨᱚᱠᱷᱟᱫᱟ ᱩᱯᱚᱡᱮᱞᱟ ᱨᱮ ᱫᱩᱠ ᱨᱮᱱᱟᱜ ᱠᱟᱛᱷᱟ ᱫᱚ ᱦᱩᱭᱩᱜ ᱠᱟᱱᱟ ᱵᱷᱩᱛᱤᱭᱟᱨ ᱵᱤᱞ᱾ ᱱᱤᱭᱟᱹ ᱵᱤᱞ ᱠᱷᱟᱹᱛᱤᱨᱟᱜ ᱛᱮ ᱱᱚᱸᱰᱮ ᱱᱟᱜ ᱠᱨᱤᱥᱤ ᱠᱟᱹᱢᱤ ᱟᱹᱰᱤ ᱮᱴᱠᱮ ᱴᱚᱬᱮ᱾ ᱡᱟ ᱚᱱᱟ ᱫᱚ ᱫᱩᱨᱤᱵᱽ ᱛᱩᱢᱟᱸᱞ ᱥᱟᱶ ᱥᱚᱢᱟᱡᱽ ᱨᱮᱱᱟᱜ ᱦᱚᱸ ᱠᱷᱚᱛᱤ ᱦᱩᱭᱩᱜ ᱠᱟᱱᱟ᱾ ᱱᱤᱭᱟᱹ ᱵᱤᱞ ᱡᱩᱛ ᱵᱮᱜᱚᱨᱟᱜ ᱛᱮ ᱟᱰᱮ ᱯᱟᱥᱮ ᱟᱛᱚ ᱯᱟᱛᱞᱟ, ᱱᱟᱪᱩᱱᱟᱱᱤᱭᱟ, ᱟᱫᱚᱢᱯᱩᱨ ᱟᱨ ᱟᱫᱟᱞᱚᱫᱯᱩᱨ ᱥᱟᱶ ᱟᱨᱦᱚᱸ ᱑᱐/᱑᱒ ᱜᱚᱴᱟᱝ ᱟᱛᱚ ᱦᱚᱲ ᱠᱟᱹᱢᱤ ᱵᱮᱜᱚᱨ ᱦᱚᱸ ᱛᱟᱦᱮᱱ ᱞᱟᱜᱟᱣ ᱟᱠᱩᱣᱟ᱾