ᱧᱩᱛᱩᱢ ᱛᱷᱚᱢᱟᱥ ᱟᱞᱵᱷᱟ ᱮᱰᱤᱥᱚᱱ
ᱡᱤᱭᱚᱱ
ᱡᱟᱱᱟᱢ ᱢᱟᱦᱟᱸ ᱑᱑ ᱯᱷᱮᱵᱽᱨᱩᱣᱟᱨᱤ ᱑᱘᱔᱗
ᱵᱚᱝᱜᱟ ᱛᱟᱞᱟ ᱑᱘ ᱚᱠᱴᱚᱵᱚᱨ ᱑᱙᱓᱑
ᱟᱯᱟᱛ ᱥᱟᱢᱩᱭᱮᱞ ᱚᱜᱽᱰᱮᱱ ᱮᱰᱤᱥᱚᱱ, ᱡᱩᱱᱤᱭᱚᱨ
ᱮᱝᱜᱟᱛ ᱱᱟᱱᱥᱤ ᱢᱟᱛᱷᱤᱣᱩᱥ ᱤᱞᱤᱭᱚᱴ
ᱮᱱᱮᱢ ᱵᱤᱡᱽᱞᱤ ᱵᱟᱹᱛᱤ
  • ᱯᱷᱚᱱᱚᱜᱨᱟᱯᱷ
  • ᱥᱴᱚᱠ ᱴᱤᱠᱚᱨ
*ᱵᱤᱡᱽᱞᱤ ᱫᱟᱲᱮ
*ᱢᱮᱥᱚᱱ ᱯᱤᱠᱪᱚᱨ
ᱫᱤᱥᱚᱢ ᱟᱢᱮᱨᱤᱠᱟ
ᱥᱩᱦᱤ

ᱛᱷᱚᱢᱟᱥ ᱟᱞᱵᱷᱟ ᱮᱰᱤᱥᱚᱱ (᱑᱑ ᱯᱷᱮᱵᱽᱨᱩᱣᱟᱨᱤ ᱑᱘᱔᱗ - ᱑᱘ ᱚᱠᱴᱚᱵᱚᱨ ᱑᱙᱓᱑) ᱫᱚ ᱢᱤᱫ ᱟᱢᱮᱨᱤᱠᱤᱭᱟᱹ ᱥᱟᱬᱮᱥᱤᱭᱟᱹ, ᱥᱤᱨᱤᱡᱤᱭᱟᱹ, ᱵᱮᱯᱟᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾[᱑][᱒][᱓] ᱩᱱᱤ ᱫᱚ ᱟᱭᱢᱟ ᱡᱤᱱᱤᱥ-ᱮ ᱥᱤᱨᱤᱡᱽ ᱞᱮᱫ ᱛᱟᱦᱮᱸᱫ ᱾ ᱯᱷᱚᱱᱚᱜᱨᱟᱯᱷ, ᱥᱤᱱᱢᱟ ᱠᱮᱢᱮᱨᱟ, ᱟᱹᱰᱤ ᱫᱤᱱ ᱦᱟᱹᱵᱤᱡ ᱡᱩᱞᱩᱜ ᱵᱟᱹᱛᱤ ᱮᱢᱟᱱ ᱠᱚ ᱟᱡᱟᱜ ᱥᱤᱨᱤᱡᱽ ᱛᱟᱞᱟ ᱠᱷᱚᱱ ᱡᱤᱵᱚᱱ ᱪᱟᱨᱪᱟ ᱵᱚᱫᱚᱞᱮ ᱟᱹᱜᱩ ᱞᱟᱜᱼᱟ ᱾ ᱢᱤᱫ ᱵᱮᱣᱨᱟ ᱮᱢᱤᱡ ᱟᱡ ᱫᱚ ᱢᱮᱱᱞᱚᱯᱟᱨᱠ ᱨᱤᱱᱤᱡ ᱡᱟᱹᱫᱩᱜᱟᱹᱨᱤᱭᱟᱹ ᱢᱮᱱᱛᱮᱭ ᱥᱮᱨᱦᱟᱣ ᱞᱮᱫᱮ ᱛᱟᱦᱮᱸᱫ ᱾
ᱮᱰᱤᱥᱚᱱ ᱫᱚ ᱱᱟᱜᱟᱢ ᱨᱤᱱᱤᱡ ᱔ ᱟᱹᱱᱤᱡ ᱯᱩᱨᱩᱫᱷᱩᱞ ᱥᱤᱨᱤᱡᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱡᱚᱯᱚᱲᱟᱣ ᱞᱟᱹᱜᱤᱫ ᱟᱭᱢᱟᱭ ᱥᱤᱨᱤᱡᱽᱞᱮᱫ ᱛᱟᱦᱮᱸᱫ ᱾ ᱚᱱᱟ ᱠᱚ ᱢᱩᱸᱫᱽ ᱨᱮ ᱥᱴᱚᱠ ᱴᱤᱠᱚᱨ, ᱥᱟᱢᱟᱱᱟᱢ ᱵᱷᱚᱴ ᱦᱤᱥᱟᱹᱵᱟᱜ, ᱵᱤᱡᱽᱞᱤ ᱠᱟᱨ ᱞᱟᱹᱜᱤᱫ ᱵᱮᱴᱨᱤ, ᱢᱭᱩᱡᱤᱠ ᱨᱮᱠᱚᱨᱰ, ᱢᱚᱥᱚᱱ ᱯᱤᱠᱪᱚᱨ ᱮᱢᱟᱱ ᱠᱚᱱ ᱾ ᱢᱤᱫ ᱴᱮᱞᱤᱜᱨᱟᱯᱷ ᱚᱯᱚᱨᱮᱴᱚᱨ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱚᱠᱛᱚ ᱨᱮ ᱱᱚᱶᱟ ᱨᱮᱱᱟᱜ ᱜᱮᱭᱟᱱ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱮᱰᱤᱥᱚᱱ ᱮᱛᱚᱦᱚᱵ ᱵᱤᱡᱽᱞᱤ ᱫᱟᱲᱮ ᱛᱮᱭᱟᱨ ᱟᱨ ᱚᱲᱟᱜ, ᱵᱮᱯᱟᱨ, ᱠᱟᱹᱨᱜᱟᱲ ᱠᱚ ᱨᱮ ᱦᱟᱹᱴᱤᱧ ᱞᱟᱹᱜᱤᱫ-ᱮ ᱵᱷᱟᱹᱵᱤᱭᱮᱫ ᱛᱟᱦᱮᱸᱫ ᱾ ᱮᱱᱛᱮ ᱮᱛᱚᱦᱚᱵ ᱫᱟᱲᱮ ᱛᱟᱞᱢᱟ ᱢᱭᱟᱱᱦᱟᱴᱚᱱ ᱫᱤᱯᱚ, ᱱᱤᱣ ᱭᱚᱨᱠ ᱨᱮ ᱛᱟᱦᱮᱸᱠᱟᱱᱟ ᱾ [᱔]

ᱜᱤᱫᱽᱨᱟᱹ ᱵᱮᱲᱟᱥᱟᱯᱲᱟᱣ

ᱮᱰᱤᱥᱚᱱ ᱫᱚ ᱑᱑ ᱯᱷᱮᱵᱽᱨᱩᱣᱟᱨᱤ ᱑᱘᱔᱗ ᱥᱟᱞᱮ ᱳᱦᱤᱭᱚ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱯᱚᱨᱴ ᱦᱭᱩᱨᱮᱱ ᱟᱨ ᱢᱤᱪᱤᱜᱟᱱ ᱨᱮ ᱦᱟᱨᱟᱵᱩᱨᱩ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱥᱟᱢᱩᱭᱮᱞ ᱚᱜᱽᱰᱮᱱ ᱮᱰᱤᱥᱚᱱ, ᱡᱩᱱᱤᱭᱚᱨ ᱟᱨ ᱮᱸᱜᱟᱛ ᱱᱟᱱᱥᱤ ᱢᱟᱛᱷᱤᱣᱩᱥ ᱤᱞᱤᱭᱚᱴ ᱛᱤᱠᱤᱱᱤᱡ ᱮᱭᱟᱭᱟᱱᱤᱡ ᱵᱟᱝᱢᱟ ᱡᱚᱛᱚᱠᱷᱚᱱ ᱦᱩᱰᱤᱧ ᱠᱚᱲᱟᱭ ᱛᱟᱦᱮᱸᱠᱟᱱᱟ ᱾ ᱑᱘᱓᱗ ᱥᱟᱞᱮ ᱨᱮᱱᱟᱜ ᱦᱮᱨᱟᱣᱞᱮᱱ ᱢᱟᱠᱮᱧᱡᱤ ᱛᱩᱯᱩᱫ ᱨᱮ ᱢᱮᱥᱟᱞᱮᱱ ᱠᱷᱟᱹᱛᱤᱨ ᱟᱡ ᱵᱟᱵᱟ ᱫᱚ ᱠᱟᱱᱟᱰᱟ ᱠᱷᱚᱱ ᱦᱮᱡ ᱦᱯᱭ ᱟᱫᱮ ᱛᱟᱦᱮᱸᱫ ᱾ ᱮᱰᱤᱥᱚᱱ ᱟᱹᱯᱱᱟᱹᱛ ᱛᱮ ᱰᱚᱪ ᱵᱚᱝᱥᱚ ᱨᱤᱱ ᱢᱮᱱᱛᱮᱭ ᱢᱚᱱᱮᱜ ᱠᱟᱱ ᱛᱟᱦᱮᱸᱫ ᱾
ᱟᱥᱲᱟ ᱨᱮ ᱮᱰᱤᱥᱚᱱᱟᱜ ᱢᱮᱱᱮ ᱛᱷᱤᱛ ᱜᱮ ᱵᱟᱝ ᱛᱟᱦᱮᱸᱱ ᱠᱟᱢ ᱠᱷᱟᱹᱛᱤᱨ , ᱟᱠᱚᱣᱤᱡ ᱢᱮᱪᱮᱫ ᱨᱮᱵᱷᱮᱨᱮᱸᱰ ᱟᱝᱜᱽᱞᱮ ᱯᱟᱜᱽᱞᱟ ᱢᱮᱱᱛᱮᱭ ᱦᱚᱦᱚᱣᱟᱭ ᱠᱟᱱ ᱛᱟᱦᱮᱸᱫ ᱾ ᱚᱱᱠᱟᱛᱮ ᱟᱡ ᱫᱚ ᱯᱮ ᱪᱟᱸᱫᱚ ᱜᱮ ᱟᱥᱲᱟ ᱫᱚᱭ ᱪᱟᱞᱟᱣ ᱞᱮᱱ ᱛᱟᱦᱮᱸᱫ , ᱚᱱᱟ ᱛᱟᱭᱚᱢ ᱟᱡ ᱟᱭᱚ ᱜᱚ ᱯᱟᱲᱦᱟᱣ ᱞᱮᱫᱮ ᱛᱟᱦᱮᱸᱫ ᱾
ᱮᱰᱤᱥᱚᱱ ᱫᱚ ᱜᱤᱫᱽᱨᱟ ᱵᱮᱲᱟ ᱠᱷᱚᱱ ᱟᱹᱰᱤ ᱢᱚᱡᱽ ᱛᱮ ᱫᱚ ᱵᱟᱭ ᱟᱧᱡᱚᱢ ᱥᱟᱹᱛᱟ ᱾ ᱱᱚᱶᱟ ᱫᱚ ᱟᱨᱟᱜ ᱦᱟᱨᱛᱟ ᱩᱪᱟᱹᱲ ᱟᱡᱟᱨ ᱠᱷᱚᱱ ᱦᱩᱭ ᱞᱮᱱ ᱛᱟᱦᱮᱸᱫ ᱾

ᱴᱮᱞᱤᱜᱨᱟᱯᱷᱚᱨᱥᱟᱯᱲᱟᱣ

ᱮᱰᱤᱥᱚᱱ ᱫᱚ ᱴᱮᱞᱤᱜᱨᱟᱯᱷ ᱚᱯᱮᱨᱮᱴᱚᱨ ᱮᱱᱟᱭ ᱡᱚᱠᱷᱚᱱ, ᱫᱟᱹᱲᱟᱠᱟᱫ ᱴᱨᱮᱱ ᱠᱷᱚᱱᱮ ᱵᱟᱧᱪᱟᱣ ᱠᱮᱫᱮᱭᱟᱭ ᱢᱤᱫ ᱯᱮ ᱥᱮᱨᱢᱟ ᱜᱤᱫᱽᱨᱟᱹ ᱡᱮᱢᱤ ᱢᱮᱠᱮᱱᱡᱤ ᱾ ᱡᱮᱢᱤ ᱟᱡ ᱵᱟᱵᱟ ᱡᱮ.ᱭᱩ. ᱢᱮᱠᱮᱱᱡᱤ ᱫᱚ ᱢᱟᱶᱩᱴ ᱠᱞᱮᱢᱮᱱᱥ ᱨᱤᱱᱤᱡ ᱥᱴᱮᱥᱚᱱ ᱢᱟᱥᱴᱚᱨᱮ ᱛᱟᱦᱮᱸᱠᱟᱱᱟ ᱾ ᱮᱰᱤᱥᱚᱱ ᱪᱮᱛᱟᱱ ᱨᱮ ᱨᱟᱹᱥᱠᱟᱹᱭᱮᱱ ᱛᱮ ᱴᱮᱞᱮᱜᱨᱟᱯᱷ ᱚᱯᱨᱮᱴᱚᱨ ᱞᱮᱠᱟᱛᱮᱭ ᱥᱮᱪᱮᱫ ᱚᱪᱚ ᱠᱮᱫᱮᱭᱟ ᱾ ᱚᱱᱟ ᱛᱮᱭᱚᱢ ᱴᱮᱞᱤᱜᱨᱟᱯᱷ ᱚᱯᱚᱨᱮᱴᱚᱨ ᱞᱮᱠᱟᱛᱮ ᱮᱛᱦᱚᱵ ᱫᱚ ᱥᱴᱟᱨᱰᱯᱷᱚᱨᱰ ᱡᱚᱝᱠᱥᱚᱱ ᱨᱮ ᱠᱟᱹᱢᱤᱭ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾

ᱡᱩᱨᱤ ᱡᱚᱛᱟ ᱜᱷᱟᱨᱚᱡᱽᱥᱟᱯᱲᱟᱣ

᱒᱕ ᱰᱤᱥᱮᱢᱵᱚᱨ ᱑᱘᱗᱑ ᱥᱟᱞᱮ ᱨᱮ ᱢᱤᱫ ᱑᱖ ᱵᱚᱪᱷᱚᱨ ᱨᱤᱱᱤᱡ ᱠᱩᱲᱤ ᱜᱤᱫᱽᱨᱟᱹ ᱥᱟᱶ ᱮᱰᱤᱥᱚᱱᱟᱜ ᱵᱟᱯᱞᱟ ᱫᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱚᱸᱰᱮ ᱠᱷᱚᱱ ᱜᱮ ᱥᱚᱝᱥᱟᱨ ᱨᱮᱱᱟᱜ ᱥᱟᱜᱟᱲ ᱫᱚ ᱜᱩᱰᱨᱟᱹᱣ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾ ᱟᱹᱠᱤᱱᱟᱜ ᱧᱮᱯᱮᱞ ᱪᱤᱱᱦᱟᱹᱯ ᱫᱚ ᱵᱟᱨ ᱪᱟᱸᱫᱚ ᱢᱟᱬᱟᱝ ᱠᱷᱚᱱ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱚᱠᱷᱚᱱ ᱟᱡᱟᱜ ᱢᱤᱫ ᱫᱚᱠᱟᱱ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱟᱹᱠᱤᱱ ᱨᱤᱱ ᱫᱚ ᱯᱮᱭᱟ ᱜᱤᱫᱽᱨᱟᱹ ᱠᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾

  • ᱢᱟᱨᱤᱭᱚ ᱤᱥᱴᱤᱞᱮᱰ ᱮᱰᱤᱥᱚᱱ
  • ᱛᱷᱚᱢᱟᱥ ᱟᱞᱵᱷᱟ ᱮᱰᱤᱥᱚᱱ, ᱡᱩᱱᱭᱚᱨ
  • ᱣᱤᱞᱤᱭᱚᱢ ᱞᱮᱥᱞᱤ ᱮᱰᱤᱥᱚᱱ


ᱢᱮᱨᱤ ᱮᱰᱤᱥᱚᱱ ᱫᱚ ᱙ ᱚᱜᱚᱥᱴ ᱑᱘᱘᱔ ᱥᱟᱞᱮ ᱨᱮ ᱒᱙ ᱵᱚᱪᱷᱚᱨ ᱩᱢᱮᱨ ᱨᱮᱭ ᱜᱩᱨ ᱞᱮᱱ ᱛᱟᱦᱮᱸᱫ ᱾ ᱜᱩᱨ ᱨᱮᱱᱟᱜ ᱠᱟᱨᱚᱱ ᱫᱚ ᱴᱷᱤᱠᱟᱹᱬ ᱵᱟᱝ ᱵᱟᱰᱟᱭ ᱞᱮᱱᱟ ᱵᱟᱝ ᱫᱚ ᱵᱨᱮᱱ ᱴᱭᱩᱢᱚᱨ ᱥᱮ ᱢᱚᱨᱯᱷᱤᱱ ᱚᱵᱷᱚᱨᱰᱚᱡᱽ ᱢᱮᱱᱛᱮ ᱾


ᱚᱱᱟ ᱛᱟᱭᱚᱢ ᱒᱔ ᱯᱷᱮᱵᱽᱨᱩᱣᱟᱨᱤ ᱑᱘᱘᱖ ᱥᱟᱞᱮ ᱨᱮ ᱟᱨ ᱢᱤᱫ ᱒᱐ ᱵᱚᱪᱷᱚᱨ ᱠᱩᱲᱤ ᱢᱤᱱᱟ ᱢᱤᱞᱚᱨ ᱥᱟᱶ ᱟᱡᱟᱜ ᱫᱚᱥᱟᱨ ᱵᱟᱯᱞᱟ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱥᱤᱨᱤᱡᱤᱭᱟᱹ ᱞᱩᱭᱤᱥ ᱢᱤᱞᱚᱨᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸᱠᱟᱱᱟ ᱾ ᱱᱩᱠᱤᱱ ᱨᱤᱱ ᱟᱨ ᱯᱮᱭᱟ ᱜᱤᱫᱽᱨᱟᱹ ᱠᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾

  • ᱢᱟᱰᱮᱞᱤᱱ ᱮᱰᱤᱥᱚᱱ
  • ᱪᱟᱨᱞᱮᱥ ᱮᱰᱤᱥᱚᱱ
  • ᱛᱷᱤᱭᱚᱰᱚᱨ ᱢᱤᱞᱚᱨ ᱮᱰᱤᱥᱚᱱ

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. cite news|author1=Adrian Wooldridge|authorlink1=Adrian Wooldridge|title=The alphabet of success|url=https://www.economist.com/news/special-report/21707053-superstars-need-dazzling-range-qualities-alphabet-success%7Caccessdate=September 16, 2016|work=The Economist|date=September 15, 2016
  2. cite book|last1=Sproule|first1=Anna|title=Thomas Alva Edison : The World's Greatest Inventor|date=2000|publisher=Blackbirch Press|location=Woodbridge, CT|isbn=9781567113310|edition=1st U.S. ed.
  3. cite web|title=Hangout - Thomas Edison|url=http://www.state.nj.us/hangout_nj/200408_edison_p1.html%7Cwebsite=www.state.nj.us%7Cpublisher=State of New Jersey
  4. cite web|url=http://www.coned.com/history/electricity.asp |title=Con Edison: A Brief History of Con Edison – electricity |publisher=Coned.com |date=January 1, 1998 |accessdate=October 11, 2012 |deadurl=yes |archiveurl=https://web.archive.org/web/20121030164753/http://www.coned.com/history/electricity.asp |archivedate=October 30, 2012 |df=