ᱜᱚᱞᱟᱜᱷᱟᱴ ᱦᱚᱱᱚᱛ
ᱜᱚᱞᱟᱜᱷᱟᱴ ᱦᱚᱱᱚᱛ ᱫᱚ ᱟᱥᱟᱢ ᱯᱚᱱᱚᱛ ᱨᱮᱱᱟᱜ ᱓᱓ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱵᱷᱟᱹᱴᱤᱭᱟᱹ ᱫᱚ ᱜᱚᱞᱟᱜᱷᱟᱴ ᱱᱚᱜᱚᱨ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱯᱚᱱᱭᱟ ᱢᱚᱦᱩᱠᱢᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ - ᱜᱚᱞᱟᱜᱷᱟᱴ, ᱫᱷᱚᱱᱥᱤᱨᱤ, ᱵᱚᱠᱟᱠᱷᱟᱛ ᱟᱨ ᱢᱮᱨᱟᱯᱟᱱᱤ ᱾ ᱡᱤᱞᱟᱹ ᱨᱮᱭᱟᱜ ᱜᱩᱸᱴ ᱦᱟᱥᱟ ᱞᱮᱠᱷᱟ ᱡᱚᱠᱷᱟ ᱫᱚ - ᱓,᱕᱐᱒ ᱠᱤᱞᱚᱢᱤᱴᱟᱨ ᱠᱟᱱᱟ ᱾ ᱑᱙᱘᱗ ᱥᱮᱨᱢᱟ ᱨᱮ ᱦᱚᱱᱚᱛ ᱰᱟᱢᱰᱟᱦᱮ ᱞᱮᱱᱟ ᱒᱐᱐᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱑᱐,᱖᱖,᱘᱘᱘ ᱛᱟᱦᱮ ᱠᱟᱱᱟ ᱾ ᱩᱱᱠᱩ ᱢᱩᱫᱽ ᱨᱮ ᱕,᱔᱓,᱑᱖᱑ ᱡᱚᱱᱟ ᱦᱮᱨᱮᱞ ᱟᱨ ᱕,᱒᱓,᱗᱒᱗ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾
| ᱜᱚᱞᱟᱜᱷᱟᱴ ᱦᱚᱱᱚᱛ | |
|---|---|
 ᱜᱚᱞᱟᱜᱷᱟᱴ ᱦᱚᱱᱚᱛ ᱨᱮᱱᱟᱜ ᱞᱚᱠᱮᱥᱚᱱ ᱟᱥᱟᱢ ᱯᱚᱱᱚᱛ ᱨᱮ | |
| 26°00′N 93°00′E / 26.0°N 93.0°ECoordinates: 26°00′N 93°00′E / 26.0°N 93.0°E | |
| ᱯᱚᱱᱚᱛ | ᱟᱥᱟᱢ |
| ᱪᱟᱪᱞᱟᱣ ᱛᱷᱚᱱᱚᱛ | ᱪᱮᱛᱟᱱ ᱟᱥᱟᱢ |
| ᱡᱤᱞᱞᱟᱹ ᱠᱟᱹᱢᱤᱭᱟᱹᱢᱮᱞᱟ | ᱜᱚᱞᱟᱜᱷᱟᱴ |
| ᱛᱚᱦᱥᱤᱞ | ᱜᱚᱞᱟᱜᱷᱟᱴ, ᱵᱚᱠᱟᱠᱷᱟᱛ, ᱫᱷᱚᱱᱥᱤᱨᱤ, ᱢᱮᱨᱟᱯᱟᱱᱤ |
| ᱫᱤᱥᱚᱢ ᱫᱚᱨᱵᱟᱨ ᱵᱟᱪᱱᱟᱣ ᱢᱟᱹᱪᱤ | ᱠᱚᱞᱤᱭᱟᱵᱚᱨ |
| ᱯᱚᱱᱚᱛ ᱫᱚᱨᱵᱟᱨ ᱵᱟᱪᱱᱟᱣ ᱢᱟᱹᱪᱤ | ᱵᱚᱠᱟᱠᱷᱟᱛ (᱙᱓), ᱥᱚᱨᱩᱯᱚᱛᱷᱟᱨ (᱙᱔), ᱜᱚᱞᱟᱜᱷᱟᱴ (᱙᱕), ᱠᱷᱩᱢᱴᱟᱭ (᱙᱖) |
| ᱣᱮᱵᱽᱥᱟᱭᱤᱴ | |
ᱜᱚᱞᱟᱜᱷᱟᱴ ᱧᱩᱛᱩᱢ ᱚᱢᱚᱱ
ᱥᱟᱯᱲᱟᱣᱜᱚᱞᱟᱜᱷᱟᱴ ᱧᱩᱛᱩᱢ ᱚᱢᱚᱱᱚᱜ ᱨᱮᱭᱟᱜ ᱢᱤᱫ ᱟᱹᱰᱤ ᱱᱟᱯᱟᱭ ᱠᱟᱹᱦᱱᱤ ᱢᱮᱱᱟᱜᱼᱟ ᱾ ᱑᱙ ᱥᱟᱭᱟᱱᱟᱜ ᱥᱮᱨᱢᱟ ᱨᱮᱭᱟᱜ ᱛᱟᱞᱟ ᱚᱠᱛᱮ ᱨᱮ ᱢᱟᱹᱱᱰᱣᱟᱹᱨᱤ ᱵᱮᱯᱟᱨᱤ ᱠᱚ ᱫᱷᱚᱱᱥᱤᱨᱤ ᱱᱟᱹᱭ ᱯᱟᱨᱚᱢ ᱜᱷᱟᱴ ᱨᱮ ᱟᱫᱚᱢ ᱜᱚᱞᱟ ᱧᱩᱛᱩᱢ ᱢᱤᱫ ᱠᱟᱹᱴᱤᱡ ᱫᱚᱠᱟᱱ ᱠᱚ ᱵᱮᱱᱟᱣ ᱞᱮᱫᱼᱟ ᱾ ᱱᱚᱶᱟ ᱴᱷᱟᱶ ᱨᱮ ᱜᱮ ᱛᱟᱭᱚᱢ ᱛᱮ ᱱᱟᱝᱜᱽᱨᱟᱦᱟ ᱵᱮᱨᱮᱫ ᱨᱟᱠᱟᱵ ᱮᱱᱟ ᱜᱚᱞᱟᱜᱷᱟᱴ ᱧᱩᱛᱩᱢ ᱛᱮ[᱑] ᱾
ᱱᱟᱜᱟᱢ
ᱥᱟᱯᱲᱟᱣᱥᱚᱨᱩᱯᱚᱛᱷᱟᱨ ᱨᱮᱭᱟᱜ ᱱᱚᱜᱟᱡᱚᱨᱤ ᱠᱷᱚᱱᱤᱠᱚᱨ ᱟᱹᱛᱩ ᱨᱮ ᱧᱟᱢ ᱟᱠᱟᱱ ᱕ ᱥᱟᱭ ᱥᱮᱨᱢᱟ ᱨᱮᱭᱟᱜ ᱫᱷᱤᱨᱤ ᱚᱞ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱡᱮ, ᱩᱱ ᱚᱠᱛᱮ ᱫᱟᱹᱭᱟᱝ - ᱫᱷᱚᱱᱥᱤᱨᱤ ᱵᱮᱰᱟ ᱨᱮ ᱢᱤᱫᱴᱟᱹᱝ ᱯᱷᱩᱨᱜᱟᱹᱞ ᱨᱟᱡᱚᱥᱴᱤ ᱛᱟᱦᱮᱸ ᱠᱟᱱᱟ ᱾ ᱟᱨᱦᱚᱸ ᱱᱚᱶᱟ ᱤᱴᱟᱹ ᱛᱮ ᱵᱮᱜ-ᱱᱟᱣ ᱟᱠᱟᱱ ᱫᱚᱞᱟᱱ, ᱢᱚᱴ-ᱢᱚᱸᱫᱤᱨ ᱮᱢᱟᱱ ᱨᱮᱭᱟᱜ ᱨᱟᱹᱯᱩᱫ ᱥᱟᱨᱮᱡ ᱠᱚ ᱙ - ᱑᱐ ᱥᱟᱭ ᱥᱮᱨᱢᱟ ᱨᱮᱭᱟᱜ ᱢᱤᱫᱴᱟᱹᱝ ᱨᱟᱡᱚᱥᱴᱤ ᱞᱮᱠᱟ ᱛᱮ ᱟᱢᱫᱟᱡᱚᱜ ᱠᱟᱱᱟ ᱾ ᱑᱖ ᱥᱟᱭ ᱥᱮᱨᱢᱟ ᱨᱮ ᱱᱚᱶᱟ ᱫᱟᱹᱭᱟᱝ - ᱫᱷᱚᱱᱥᱤᱨᱤ ᱵᱮᱰᱟ ᱟᱦᱳᱢ ᱠᱚᱣᱟᱜ ᱨᱟᱡᱚᱥᱴᱤ ᱨᱮ ᱥᱮᱞᱮᱫ ᱞᱮᱱᱟ ᱾ ᱟᱦᱳᱢ ᱠᱚᱫᱚ ᱱᱚᱶᱟ ᱡᱟᱭᱜᱟ ᱠᱟᱥᱟᱨᱤ ᱠᱚᱠᱚ ᱨᱮᱡ ᱞᱮᱫ ᱠᱚᱣᱟ ᱾ ᱟᱦᱳᱢ ᱨᱟᱡᱽ ᱚᱠᱛᱮ ᱨᱮ ᱱᱚᱶᱟ ᱴᱷᱟᱶ ᱥᱟᱥᱚᱱ ᱨᱮᱭᱟᱜ ᱫᱟᱭᱤᱠ ᱫᱚ ᱢᱚᱨᱚᱝᱤᱠᱷᱚᱣᱟ ᱜᱚᱦᱟᱸᱭ ᱟᱜ ᱛᱟᱦᱮ ᱠᱟᱱᱟ ᱾[᱑]
ᱱᱟᱶᱟ ᱡᱤᱞᱟᱹ ᱢᱮᱱᱛᱮ ᱪᱷᱟᱹᱴᱤᱭᱟᱹᱨ
ᱥᱟᱯᱲᱟᱣᱤᱝᱨᱟᱹᱡᱽ ᱥᱟᱥᱚᱱ ᱚᱠᱛᱮ ᱨᱮ ᱱᱚᱶᱟ ᱫᱟᱹᱭᱟᱝ-ᱫᱷᱚᱱᱥᱤᱨᱤ ᱵᱮᱰᱟ ᱢᱟᱨᱟᱝ ᱥᱤᱵᱽᱥᱟᱜᱚᱨ ᱡᱤᱞᱟᱹ ᱨᱮ ᱛᱟᱦᱮᱸ ᱠᱟᱱᱟ ᱾ ᱑᱙᱘᱗ ᱥᱮᱨᱢᱟ ᱨᱮᱱᱟᱜ ᱑᱕ ᱟᱜᱟᱥᱴ ᱦᱤᱞᱚᱜ ᱜᱚᱞᱟᱜᱷᱟᱴ ᱡᱤᱞᱟᱹ ᱢᱮᱱ ᱛᱮ ᱪᱟᱪᱚ ᱪᱷᱟᱹᱴᱤᱭᱟᱹᱨ ᱮᱱᱟ ᱾
ᱥᱟᱜ-ᱥᱚᱱ ᱦᱟᱹᱴᱤᱧ
ᱥᱟᱯᱲᱟᱣᱜᱚᱞᱟᱜᱷᱟᱴ ᱡᱤᱞᱟᱹ ᱨᱮ ᱫᱚ ᱟᱥᱟ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱢᱮᱢᱟᱜᱼᱟ: ᱵᱚᱠᱟᱠᱷᱟᱛ (᱙᱓), ᱥᱚᱨᱩᱯᱚᱛᱷᱟᱨ (᱙᱔), ᱜᱚᱞᱟᱜᱷᱟᱴ (᱙᱕) ᱟᱨ ᱠᱷᱩᱢᱴᱟᱭ (᱙᱖) ᱾ ᱱᱚᱣᱟ ᱯᱚᱱᱭᱟ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱜᱮ ᱵᱠᱚᱞᱤᱭᱟᱵᱚᱨ ᱞᱚᱠ ᱥᱚᱵᱷᱟ ᱥᱚᱢᱚᱥᱴᱤ ᱨᱮ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ "গোলাঘাটৰ ইতিসাহ". Retrieved June 24, 2012.