ᱜᱚᱣᱟᱞᱯᱟᱲᱤᱭ ᱦᱩᱰᱤᱧ ᱯᱟᱹᱨᱥᱤ
ᱜᱚᱣᱟᱞᱯᱟᱲᱤᱭᱟ ᱦᱩᱰᱤᱧ ᱯᱟᱹᱨᱥᱤ (ᱟᱥᱟᱢᱤᱥᱺ গোৱালপাৰীয়া উপভাষা) ᱫᱚ ᱦᱩᱭᱩᱜ ᱠᱟᱱᱟ ᱜᱚᱣᱟᱞᱯᱟᱲᱟ ᱴᱚᱴᱷᱟ ᱨᱮ ᱟᱹᱰᱤ ᱵᱟᱹᱲᱛᱤ ᱞᱟᱲᱞᱟᱲᱚᱜ ᱠᱟᱱ ᱟᱥᱟᱢᱤᱥ ᱯᱟᱹᱨᱥᱤ ᱨᱮᱭᱟᱜ ᱢᱤᱫ ᱦᱩᱰᱤᱧ ᱯᱟᱹᱨᱥᱤ ᱠᱟᱱᱟ| ᱯᱟᱪᱷᱮ ᱟᱥᱟᱢ ᱨᱮ ᱞᱟᱲᱪᱟᱲᱚᱜ ᱠᱟᱱ ᱵᱟᱨᱭᱟ ᱦᱩᱰᱤᱧ ᱯᱟᱹᱨᱥᱤ ᱢᱩᱫᱽ ᱨᱮ ᱜᱚᱣᱟᱞᱯᱟᱲᱤᱭᱟᱹ ᱦᱩᱰᱤᱧ ᱯᱟᱹᱨᱥᱤ ᱦᱚᱸ ᱢᱤᱫᱴᱟᱹᱝ ᱯᱟᱹᱨᱥᱤ ᱠᱟᱱᱟ| ᱟᱨᱢᱤᱫ ᱴᱟᱹᱝ ᱦᱩᱰᱤᱧ ᱯᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱠᱟᱢᱨᱩᱯᱤ ᱦᱩᱰᱤᱧ ᱯᱟᱹᱨᱥᱤ| ᱜᱚᱣᱟᱞᱯᱟᱲᱤᱭᱟ ᱦᱩᱰᱤᱧ ᱯᱟᱹᱨᱥᱤ ᱴᱚᱴᱷᱟ ᱨᱮ ᱫᱚ ᱯᱟᱪᱷᱮ ᱨᱮ ᱠᱚᱧᱮ ᱵᱚᱝᱜᱚ ᱨᱮᱱᱟᱜ ᱦᱩᱰᱤᱧ ᱯᱟᱹᱨᱥᱤ ᱟᱨ ᱱᱤᱭᱟᱹ ᱥᱩᱨ ᱥᱩᱯᱩᱨ ᱨᱮᱭᱟᱜ ᱛᱤᱵᱽᱵᱚᱛᱤ ᱵᱚᱨᱢᱤ ᱯᱟᱹᱨᱥᱤ ᱨᱮᱭᱟᱜ ᱢᱮᱥᱟ ᱢᱮᱱᱟᱜ ᱟᱠᱟᱫᱟ| ᱱᱚᱶᱟ ᱯᱟᱹᱨᱥᱤ ᱨᱚᱻᱨᱚᱲ ᱦᱚᱲ ᱫᱚ ᱟᱢᱫᱟᱡᱽ ᱒᱐ ᱞᱟᱠᱷ ᱦᱚᱲ ᱢᱮᱱᱟᱜ ᱠᱚᱣᱟ|
ᱜᱚᱣᱟᱯᱟᱲᱤᱭᱟᱹ ᱦᱚᱲ ᱥᱮᱨᱮᱧ ᱨᱮᱱ ᱜᱟᱹᱠᱷᱩᱲ ᱥᱮᱨᱮᱧ ᱵᱟᱰᱚᱦᱤ ᱯᱨᱚᱛᱤᱢᱟ ᱯᱟᱱᱰᱮ ᱫᱚ ᱜᱚᱣᱟᱯᱞᱯᱟᱲᱟᱤᱭᱟ ᱯᱟᱹᱨᱥᱤ ᱡᱟᱹᱡᱟᱹᱛᱨᱤᱭᱟᱹ ᱫᱷᱟᱯ ᱨᱮᱭᱮ ᱥᱮᱯᱮᱧ ᱨᱟᱠᱟᱵ ᱞᱮᱫᱼᱟ|
ᱜᱟᱝᱜᱟ ᱜᱟᱰᱟ
ᱥᱟᱯᱲᱟᱣᱜᱟᱝᱟᱜ ᱜᱟᱰᱟ ᱨᱮᱭᱟᱜ ᱥᱟᱢᱟᱝ ᱱᱟᱠᱷᱟ ᱠᱚ ᱨᱮ ᱥᱟᱢᱟᱝ ᱢᱟᱜᱟᱦᱤ ᱯᱨᱟᱠᱨᱤᱛ ᱯᱟᱹᱨᱥᱤ ᱠᱷᱚᱱ ᱨᱩᱫᱷᱤ, ᱵᱷᱟᱨᱮᱱᱫᱷᱨᱤ, ᱠᱟᱢᱨᱩᱯᱤ ᱟᱨ ᱵᱷᱚᱜᱚ ᱮᱢᱟᱱ ᱯᱟᱹᱨᱥᱤ ᱠᱚ ᱚᱢᱚᱱ ᱞᱮᱱᱟ|ᱠᱟᱢᱨᱩᱯ ᱴᱚᱴᱷᱟ ᱨᱮ ᱪᱟᱞᱟᱜ ᱠᱟᱱ ᱛᱟᱸᱦᱮᱱ ᱥᱤᱧᱚᱛ ᱟᱨᱡᱚ ᱯᱟᱹᱨᱥᱤ ᱪᱟᱜᱷᱟ ᱨᱮᱭᱟᱜ ᱠᱟᱢᱨᱩᱯᱤ ᱯᱟᱹᱨᱥᱤ ᱠᱷᱚᱱ ᱵᱨᱚᱦᱢᱚᱯᱩᱛᱨᱚ ᱵᱮᱰᱟ ᱨᱮ ᱜᱚᱣᱟᱞᱯᱟᱲᱤᱭᱟ ᱮᱢᱟᱱ ᱦᱩᱰᱤᱧ ᱯᱟᱹᱨᱥᱤ ᱟᱨ ᱠᱚᱸᱭᱮᱸ ᱵᱮᱝᱜᱚᱞ ᱨᱮ ᱠᱚᱪ ᱨᱟᱡᱽᱵᱚᱝᱥᱤ ᱯᱟᱹᱨᱥᱤ ᱨᱮᱭᱟᱜ ᱚᱢᱚᱱ ᱦᱩᱭ ᱞᱮᱱᱟ|
ᱦᱟᱯᱟᱴᱤᱧ
ᱥᱟᱯᱲᱟᱣᱜᱚᱣᱞᱯᱟᱲᱤᱭ ᱦᱩᱰᱤᱧ ᱯᱟᱹᱨᱥᱤ ᱫᱚ ᱯᱮ ᱴᱷᱮᱱ ᱵᱚᱱ ᱦᱟᱹᱴᱤᱧ ᱰᱟᱲᱮᱭᱟᱜ-ᱟ| ᱡᱮᱞᱮᱠᱟ- ᱑ᱹ ᱥᱟᱢᱟᱝ ᱱᱟᱠᱷᱟ ᱨᱮᱭᱟᱜ ᱜᱚᱣᱟᱞᱯᱟᱲᱤᱭᱟ ᱦᱩᱰᱤᱧ ᱯᱟᱹᱨᱥᱤ ᱒ᱹ ᱛᱟᱞᱟ ᱱᱟᱠᱷᱟ ᱨᱮᱭᱟᱜ ᱜᱚᱣᱟᱞᱯᱟᱲᱤᱭᱟ ᱦᱩᱰᱤᱧ ᱯᱟᱹᱨᱥᱤ ᱓ᱹ ᱯᱟᱪᱷᱮ ᱱᱟᱠᱷᱟ ᱨᱮᱭᱟᱜ ᱜᱚᱣᱟᱞᱯᱟᱲᱤᱭᱟ ᱦᱩᱰᱤᱧ ᱯᱟᱹᱨᱥᱤ
ᱟᱥᱟᱢ ᱨᱮᱱ ᱯᱟᱹᱨᱥᱤᱭᱟᱱ ᱠᱚ ᱫᱚ ᱱᱚᱣᱟ ᱯᱮᱱᱮ ᱦᱩᱰᱤᱧ ᱯᱟᱹᱨᱥᱤ ᱠᱚ ᱫᱚ ᱟᱥᱟᱢᱤᱥ ᱯᱟᱹᱨᱥᱤ ᱨᱮᱭᱟᱜ ᱦᱩᱰᱤᱧ ᱯᱟᱹᱨᱥᱤ ᱞᱮᱠᱟ ᱛᱮ ᱠᱚ ᱢᱮᱱ ᱚᱪᱚᱭᱮᱫᱟ| ᱵᱟᱝᱞᱟ ᱯᱟᱹᱨᱥᱤᱭᱟᱱ ᱪᱮᱴᱟᱨᱡᱤ ᱫᱚ ᱯᱟᱪᱷᱮ ᱜᱚᱣᱟᱞᱯᱟᱲᱤᱭᱟ ᱦᱩᱰᱤᱧ ᱯᱟᱹᱨᱥᱤ ᱠᱚ ᱫᱚ ᱠᱚᱸᱭᱮᱸ ᱵᱮᱝᱜᱚᱞ ᱨᱮᱱᱟᱜ ᱟᱨ ᱵᱟᱨᱭᱟ ᱦᱩᱰᱤᱧ ᱯᱟᱹᱨᱥᱤ ᱥᱟᱶ ᱠᱚᱢᱚᱛᱟ ᱯᱩᱨᱤ ᱯᱟᱹᱨᱥᱤ ᱨᱮᱭᱟᱜ ᱦᱩᱰᱤᱧ ᱯᱟᱹᱨᱥᱤ ᱢᱮᱱᱛᱮ ᱭᱮ ᱞᱣᱠᱷᱟᱣ ᱠᱟᱫᱟ|
ᱵᱤᱨᱮᱱᱫᱽᱨᱚ ᱫᱚᱛᱛᱚ ᱫᱚ ᱜᱚᱣᱟᱞᱯᱟᱲᱤᱭ ᱦᱩᱰᱤᱧ ᱯᱟᱹᱨᱥᱤ ᱫᱚ ᱯᱮᱭᱟ ᱢᱟᱨᱟᱝ ᱦᱤᱸᱥ ᱨᱮᱭᱮ ᱦᱟᱹᱴᱤᱧ ᱟᱠᱫᱟ| ᱥᱟᱢᱟᱝ ᱜᱚᱣᱟᱞᱟᱯᱲᱤᱭᱟ ᱫᱚ ᱚᱵᱷᱚᱭᱯᱩᱨᱤ, ᱟᱨ ᱜᱚᱣᱟᱞᱯᱟᱲᱟ ᱱᱟᱝᱜᱽᱨᱟᱦᱟ ᱨᱮ ᱪᱟᱞᱟᱜ ᱠᱟᱱ ᱠᱨᱤᱥᱱᱟᱭ, ᱫᱩᱫᱷᱱᱚᱭ, ᱫᱷᱩᱯᱫᱷᱩᱨᱟ ᱴᱚᱴᱷᱟ ᱨᱮᱱᱟᱜ ᱯᱟᱹᱨᱥᱤ ᱢᱮᱱᱛᱮ ᱵᱟᱨ ᱴᱷᱮᱱᱮ ᱦᱟᱹᱴᱤᱧ ᱟᱠᱟᱫᱟ| ᱚᱱᱟ ᱠᱚ ᱴᱚᱴᱷᱟ ᱨᱮ ᱱᱤᱭᱟᱹ ᱠᱚ ᱯᱟᱹᱨᱥᱤ ᱠᱚ ᱫᱚ ᱦᱟᱵᱽᱨᱟ ᱜᱷᱟᱴᱤᱭᱟ, ᱵᱟᱣᱥᱤᱭᱟ, ᱱᱟᱢᱫᱟᱱᱤᱭᱟ ᱟᱨ ᱵᱟᱨᱟᱦᱟᱡᱟᱨᱤ ᱠᱚ ᱢᱮᱛᱟᱣᱟᱜ ᱠᱟᱱᱟ| ᱯᱟᱹᱪᱷᱤᱢ ᱜᱚᱣᱟᱞᱯᱟᱲᱟ ᱟᱨ ᱜᱟᱹᱣᱨᱤ ᱯᱩᱨ ᱴᱚᱴᱷᱟ ᱨᱮ ᱟᱨ ᱪᱟᱞᱠᱚᱪᱟ ᱴᱚᱴᱷᱟ ᱨᱮᱭᱟᱜ ᱥᱩᱨ ᱥᱩᱯᱩᱨ ᱠᱚ ᱨᱮ ᱫᱚ ᱵᱟᱨ ᱵᱷᱟᱜᱽ ᱨᱮ ᱦᱟᱹᱴᱤᱧ ᱟᱠᱟᱱᱟ|ᱪᱟᱞᱠᱚᱪᱟ ᱴᱚᱴᱦᱟ ᱨᱮᱭᱟᱜ ᱯᱟᱹᱨᱥᱤ ᱫᱚ ᱛᱟᱞᱟ ᱜᱚᱣᱟᱞᱯᱟᱲᱟ ᱯᱟᱹᱨᱥᱤ ᱢᱮᱱᱛᱮ ᱞᱮᱠᱷᱟ ᱟᱠᱟᱱᱟ|
ᱜᱚᱣᱟᱞᱯᱟᱲᱟ ᱴᱚᱴᱦᱟ
ᱥᱟᱯᱲᱟᱣᱵᱨᱚᱦᱢᱚᱯᱩᱛᱨᱚ ᱵᱮᱰᱟ ᱨᱮᱭᱟᱜ ᱯᱟᱪᱷᱮ ᱨᱮ ᱜᱚᱣᱟᱞᱯᱟᱲᱤᱭᱟ ᱯᱟᱨᱥᱤ ᱫᱚ ᱪᱞᱟᱜ ᱠᱟᱱᱟ| ᱥᱮᱫᱟᱭ ᱫᱚ ᱱᱚᱣᱟ ᱴᱚᱴᱷᱟ ᱫᱚ ᱠᱟᱹᱢᱨᱩᱯ ᱨᱟᱡᱚᱥᱴᱤ ᱛᱟᱵᱮ ᱨᱮ ᱛᱟᱷᱮ ᱠᱟᱱᱟ| ᱠᱟᱹᱢᱨᱩᱯ ᱨᱟᱡᱚᱥᱴᱷᱤ ᱨᱮᱭᱟᱜ ᱨᱚᱛᱱᱚᱯᱤᱴ ᱫᱚ ᱜᱚᱣᱟᱞᱯᱟᱲᱟ ᱴᱚᱴᱷᱟ ᱜᱮ ᱛᱟᱸᱦᱮᱸ ᱠᱟᱱᱟ| ᱤᱱᱟᱹ ᱛᱟᱭᱱᱚᱢ ᱱᱤᱭᱟᱹ ᱴᱚᱴᱦᱟ ᱫᱚ ᱠᱚᱢᱚᱛᱟ ᱯᱩᱨ ᱟᱨ ᱠᱚᱪ ᱦᱟᱹᱡᱩ ᱨᱟᱡᱚᱥᱴᱷᱤ ᱨᱮ ᱥᱮᱞᱮᱫ ᱞᱮᱱᱟ| ᱨᱟᱡᱟ ᱨᱟᱜᱷᱩ ᱫᱮᱵᱽ ᱟᱨ ᱯᱚᱨᱤᱠᱷᱤᱛ ᱱᱟᱨᱟᱭᱚᱱ ᱟᱨ ᱨᱟᱡᱚᱜ ᱚᱠᱛᱮ ᱨᱮ ᱜᱚᱣᱟᱞᱯᱟᱲᱟ ᱴᱚᱴᱷᱟ ᱫᱚ ᱑᱕᱘᱑ ᱥᱮᱨᱢᱟ ᱠᱷᱚᱱ ᱑᱖᱑᱕ ᱥᱮᱨᱢᱟ ᱦᱟᱹᱵᱤᱡ ᱢᱚᱸᱜᱚᱞ ᱟᱜ ᱛᱟᱵᱮ ᱨᱮ ᱛᱟᱸᱦᱮᱸ ᱠᱟᱱᱟ| ᱑᱘ ᱥᱟᱭ ᱟᱱᱟᱜ ᱥᱮᱨᱢᱟ ᱠᱚ ᱨᱮ ᱱᱚᱣᱟ ᱴᱚᱴᱷᱟ ᱫᱚ ᱵᱮᱝᱜᱚᱞ ᱫᱮᱣᱟᱱᱤ ᱦᱤᱥᱟᱹᱵᱽ ᱴᱮ ᱠᱚ ᱦᱟᱢᱮᱴ ᱞᱮᱰᱟ ᱟᱨ ᱑᱘᱒᱖ ᱥᱮᱨᱢᱟ ᱨᱮ ᱤᱭᱟᱱᱰᱟᱵᱩ ᱥᱚᱱᱫᱷᱤ ᱛᱟᱭᱚᱢ ᱩᱯᱚᱱᱤᱵᱮᱥ ᱞᱮᱠᱟ ᱛᱮ ᱟᱨᱦᱚᱸ ᱟᱥᱟᱢ ᱨᱮ ᱥᱮᱞᱮᱫ ᱦᱩᱭ ᱞᱮᱱᱟ|