ᱜᱚᱣᱦᱟᱨ ᱡᱟᱱ

ᱥᱤᱧᱚᱛᱤᱭᱟᱹ ᱥᱮᱨᱮᱧᱤᱭᱟᱹ ᱟᱨ ᱰᱮᱱᱥᱚᱨ

ᱜᱚᱣᱦᱟᱨ ᱡᱟᱱ (᱒᱖ ᱡᱩᱱ ᱑᱘᱗᱓ - ᱑᱗ ᱡᱟᱱᱩᱣᱟᱨᱤ ᱑᱙᱓᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱟᱨ ᱮᱱᱮᱡ ᱨᱩᱥᱤᱠᱟ ᱠᱟᱱᱟᱭ ᱾ ᱩᱱᱤ ᱫᱚ ᱠᱚᱞᱠᱟᱛᱟ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱥᱮᱨᱮᱧᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ 78 rpm records ᱨᱮ ᱥᱮᱨᱮᱧ ᱠᱚ ᱨᱮᱠᱚᱰ ᱞᱮᱫ ᱛᱟᱦᱮᱸᱫ ᱟᱨ ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱜᱨᱟᱢᱚᱯᱷᱚᱱ ᱠᱚᱢᱯᱟᱹᱱᱤ ᱫᱟᱨᱟᱭ ᱛᱮ ᱯᱟᱨᱥᱟᱞ ᱞᱮᱱ ᱛᱟᱦᱮᱸᱫ ᱾[᱑] ᱱᱚᱸᱰᱮ ᱑᱙᱐᱒ ᱠᱷᱚᱱ ᱑᱙᱒᱐ ᱵᱷᱤᱛᱨᱤ ᱨᱮ ᱖᱐᱐ ᱠᱷᱚᱱ ᱵᱟᱹᱲᱛᱤ ᱥᱮᱨᱮᱧ ᱨᱮᱠᱚᱰ ᱞᱮᱱᱟ ᱜᱮᱞ ᱠᱷᱚᱱ ᱵᱟᱹᱲᱛᱤ ᱯᱟᱹᱨᱥᱤ ᱛᱮ ᱾ ᱜᱚᱣᱦᱟᱨ ᱡᱟᱱ ᱫᱚ ᱦᱤᱸᱫᱩᱥᱛᱟᱱᱤ ᱠᱞᱟᱥᱤᱠᱟᱞ ᱥᱮᱨᱮᱧ ᱴᱷᱩᱢᱨᱤ, ᱫᱟᱫᱽᱨᱟ, ᱠᱟᱡᱽᱨᱤ, ᱛᱟᱨᱟᱱᱟ ᱮᱢᱟᱱ ᱞᱮᱠᱟᱱ ᱥᱮᱨᱮᱧ ᱠᱚ ᱞᱟᱹᱜᱤᱫ ᱟᱹᱰᱤ ᱜᱟᱱ ᱢᱟᱹᱱ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾

ᱜᱚᱣᱦᱟᱨ ᱡᱟᱱ
Gauhar Jaan
ᱜᱚᱣᱦᱟᱨ ᱡᱟᱱ (Gauhar Jaan)
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱒᱖ ᱡᱩᱱ ᱑᱘᱗᱓ (1873-06-26) (᱑᱕᱐ ᱥᱮᱨᱢᱟ)
ᱟᱡᱟᱢ ᱜᱟᱲ, ᱠᱚᱸᱭᱮᱸ-ᱯᱟᱪᱷᱮ ᱴᱚᱴᱷᱟ, ᱵᱽᱨᱤᱴᱤᱥ ᱤᱱᱰᱤᱭᱟ
ᱜᱩᱨ᱑᱗ ᱡᱟᱱᱩᱣᱟᱨᱤ ᱑᱙᱓᱐ (᱕᱖ ᱵᱚᱭᱚᱥ)
ᱵᱽᱨᱤᱴᱤᱥ ᱤᱱᱰᱤᱭᱟ
ᱫᱤᱥᱚᱢᱤᱭᱟᱹᱵᱽᱨᱤᱴᱤᱥ ᱤᱱᱰᱤᱭᱟᱱ
ᱠᱟᱹᱢᱤᱜᱟᱭᱱᱟᱦᱟ ᱱᱟᱪᱚᱱᱤᱭᱟᱹ

ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ

ᱜᱚᱣᱦᱟᱨ ᱡᱟᱱ ᱫᱚ ᱟᱧᱡᱮᱞᱤᱱᱟ ᱭᱮᱣᱟᱨᱰ ᱨᱮ ᱡᱟᱱᱟᱢ ᱞᱮᱱ ᱞᱮᱠᱟᱛᱮ ᱒᱖ ᱡᱩᱱ ᱑᱘᱗᱓ ᱥᱟᱞᱮᱨᱮ ᱡᱟᱱᱟᱢ ᱞᱮᱱᱟᱭ ᱟᱨᱢᱮᱱᱤᱭᱟᱱᱰᱮᱥᱮᱸᱴ ᱨᱮᱱᱟᱜ ᱟᱡᱽᱢᱟᱨᱜᱽ ᱨᱮ ᱾[᱒] ᱟᱡᱤᱡ ᱟᱯᱟᱛ ᱣᱤᱞᱤᱭᱟᱢ ᱨᱚᱨᱴ ᱭᱮᱣᱟᱨᱰ ᱫᱚ ᱨᱚᱦᱚᱲ ᱵᱚᱨᱚᱯ ᱯᱷᱮᱠᱴᱨᱤ ᱨᱮ ᱤᱸᱡᱤᱱᱤᱭᱟᱹᱨ ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱟᱨ ᱟᱡᱤᱡ ᱮᱸᱜᱟᱛ ᱵᱷᱤᱠᱴᱚᱨᱤᱭᱟ ᱦᱮᱢᱤᱝᱥ ᱥᱟᱶ ᱑᱘᱗᱒ ᱥᱟᱞᱮ ᱨᱮᱭ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾ᱵᱷᱤᱠᱴᱚᱨᱤᱭᱟ ᱫᱚ ᱡᱟᱱᱟᱢ ᱨᱮ ᱥᱤᱧᱚᱛᱤᱭᱟᱹ ᱛᱟᱦᱮᱸᱠᱟᱱᱟ ᱟᱨ ᱥᱮᱨᱮᱧ ᱟᱨ ᱮᱱᱮᱡ ᱨᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾

᱑᱘᱗᱙ ᱥᱟᱞᱮ ᱨᱮ ᱵᱟᱯᱞᱟ ᱛᱚᱯᱟᱜ ᱮᱱᱟ ᱡᱟᱦᱟᱸ ᱫᱤ ᱛᱮ ᱮᱸᱜᱟᱛ ᱟᱨ ᱦᱚᱯᱚᱱᱮᱨᱟ ᱵᱟᱱᱟᱦᱚᱲ ᱟᱹᱰᱤ ᱟᱱᱟᱴ ᱨᱮ ᱠᱤᱱ ᱧᱩᱨᱮᱱᱟ ᱾ ᱚᱱᱟ ᱛᱟᱭᱚᱢ ᱢᱤᱫ ᱢᱩᱥᱞᱤᱢ ᱨᱟᱡᱽᱯᱩᱛ ᱠᱚᱲᱟ 'ᱠᱷᱩᱨᱥᱤᱫᱽ' ᱥᱟᱶ ᱑᱘᱘᱑ ᱥᱟᱞᱮ ᱨᱮ ᱠᱚ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱸᱭ ᱫᱚ ᱵᱷᱤᱠᱴᱚᱨᱤᱭᱟ ᱭᱤᱡ ᱡᱟᱶᱟᱭ ᱠᱷᱚᱱ ᱥᱮᱨᱮᱧ ᱵᱟᱹᱲᱛᱤᱭ ᱥᱟᱨᱦᱟᱣᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱵᱷᱤᱠᱴᱚᱨᱤᱭᱟ ᱫᱚ ᱤᱥᱞᱟᱢ ᱫᱷᱚᱨᱚᱢ ᱛᱮᱭ ᱵᱚᱫᱚᱞ ᱞᱨᱱ ᱛᱟᱦᱮᱸᱫ ᱟᱨ ᱟᱧᱡᱮᱞᱤᱱᱟ ᱦᱟᱜ ᱧᱩᱛᱩᱢ ᱫᱚ ᱵᱚᱫᱚᱞ ᱠᱟᱛᱮᱶ 'ᱜᱚᱣᱦᱟᱨ ᱡᱟᱱ' ᱛᱮᱭ ᱟᱹᱨᱩ ᱯᱷᱮᱨᱟᱣ ᱞᱮᱫ ᱛᱟᱦᱮᱸᱫ ᱟᱨ ᱟᱡᱟᱜ ᱧᱩᱛᱩᱢ ᱫᱚ 'ᱢᱚᱞᱠᱟ ᱡᱟᱱ' ᱾[᱓]

ᱡᱤᱭᱚᱱ ᱰᱟᱦᱟᱨ ᱥᱟᱯᱲᱟᱣ

ᱜᱚᱣᱦᱟᱨ ᱡᱟᱱ ᱟᱡᱟᱜ ᱯᱩᱭᱞᱩ ᱠᱟᱹᱨᱫᱷᱟᱹᱱᱤᱭ ᱩᱫᱩᱜ ᱞᱮᱫ ᱛᱟᱦᱮᱸᱫ ᱫᱚᱨᱵᱷᱚᱸᱜᱟ ᱨᱟᱡᱽ ᱨᱮᱱᱟᱜ ᱨᱟᱡᱽ ᱫᱚᱨᱵᱟᱨ ᱨᱮ ᱟᱨ ᱫᱚᱨᱵᱟᱨ ᱨᱤᱱᱤᱡ ᱵᱟᱡᱚᱱᱤᱭᱟᱹ ᱞᱮᱠᱟᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ, ᱵᱟᱱᱟᱨᱟᱥ ᱨᱮ ᱢᱤᱫ ᱯᱟᱹᱨᱩᱠᱷᱤᱭᱟᱹ ᱮᱱᱮᱡ ᱢᱟᱪᱮᱫ ᱴᱷᱮᱱ ᱠᱷᱚᱱ ᱮᱱᱮᱡ ᱟᱨ ᱥᱮᱨᱮᱧ ᱨᱮᱱᱟᱜ ᱥᱮᱱᱮᱪᱮᱫ ᱮ ᱦᱟᱛᱟᱣ ᱠᱮᱫ ᱛᱟᱭᱚᱢ ᱾.[᱔] ᱜᱚᱣᱦᱟᱨ ᱡᱟᱱ ᱠᱟᱹᱨᱫᱷᱟᱹᱤ ᱩᱫᱩᱜ ᱮ ᱮᱦᱚᱵ ᱠᱮᱫᱼᱟ ᱑᱘᱙᱖ ᱨᱮ ᱠᱚᱞᱠᱟᱛᱟ ᱨᱮ ᱟᱨ 'ᱯᱩᱭᱞᱩ ᱮᱱᱮᱡ ᱠᱩᱲᱤ' ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱢᱤᱫ ᱜᱩᱡᱽᱨᱟᱴᱤ ᱯᱟᱨᱥᱤ ᱛᱷᱤᱭᱮᱴᱚᱨ ᱵᱟᱰᱚᱦᱤ ᱚᱢᱨᱤᱛ ᱠᱮᱥᱚᱵ ᱱᱟᱭᱚᱠ ᱥᱟᱶ ᱧᱟᱯᱟᱢ ᱦᱩᱭ ᱞᱮᱱ ᱛᱟᱭᱟ ᱑᱙᱐᱔-᱑᱙᱐᱕ ᱥᱩᱨᱥᱩᱯᱩᱨ ᱨᱮ ᱟᱨ ᱩᱱᱤᱭᱟᱜ ᱴᱟᱴᱠᱟ ᱵᱚᱝᱜᱟ ᱛᱟᱞᱟ ᱑᱙᱐᱗ ᱥᱟᱞᱮ ᱢᱟᱬᱟᱝ ᱨᱮ ᱩᱱᱤ ᱥᱟᱶ ᱥᱟᱹᱜᱟᱹᱭ ᱛᱚᱯᱚᱞ ᱞᱮᱱ ᱛᱟᱦᱮᱸᱫ ᱾

ᱜᱚᱣᱫᱷᱟᱨ ᱡᱟᱱ ᱯᱩᱭᱞᱩ ᱫᱷᱟᱣ ᱑᱙᱑᱐ ᱥᱟᱞᱮ ᱨᱮ ᱢᱟᱰᱨᱟᱥᱮ ᱪᱟᱞᱟᱣᱮᱱᱟ, ᱵᱷᱤᱠᱴᱚᱨᱤᱭᱟ ᱫᱤᱥᱣᱟᱹ ᱟᱠᱷᱲᱟ ᱨᱮ ᱥᱮᱱᱮᱨᱮᱧ ᱠᱟᱹᱢᱤ ᱦᱚᱨ ᱞᱟᱹᱜᱤᱫ ᱟᱨ ᱟᱹᱰᱤ ᱞᱟᱜᱮ ᱜᱮ ᱟᱡᱟᱜ ᱦᱤᱸᱫᱩᱥᱛᱟᱱᱤ ᱥᱮᱨᱮᱧ ᱟᱨ ᱩᱨᱫᱩ ᱥᱮᱨᱮᱧ ᱛᱟᱢᱤᱞ ᱥᱮᱨᱮᱧ ᱯᱚᱛᱚᱵ ᱨᱮ ᱯᱟᱨᱥᱟᱞᱮᱱᱟ ᱾ ᱰᱤᱥᱮᱢᱵᱚᱨ ᱑᱙᱑᱑ ᱨᱮ ᱟᱹᱰᱤ ᱢᱟᱹᱱ ᱛᱮ ᱠᱤᱝ ᱡᱚᱨᱡᱽ ᱕ ᱱᱮᱶᱛᱟ ᱞᱮᱫᱮᱭᱟᱭ ᱥᱮᱨᱮᱧ ᱞᱟᱹᱜᱤᱫ ᱫᱤᱞᱞᱤ ᱫᱚᱨᱵᱟᱨ ᱛᱮ ᱾ ᱱᱚᱸᱰᱮ ᱟᱞᱞᱟᱦᱟᱵᱟᱫᱽ ᱨᱤᱱᱤᱡ ᱡᱟᱱᱠᱤᱵᱟᱭᱤ ᱥᱟᱶ ᱢᱮᱥᱟ ᱠᱟᱛᱮ ᱠᱤᱱ ᱥᱮᱨᱮᱧ ᱺᱮᱫᱼᱟ ' ᱭᱮ ᱦᱮ ᱛᱟᱡᱽᱯᱚᱥᱤ ᱠᱟ ᱡᱟᱞᱥᱟ' ᱥᱮᱨᱮᱧ ᱾

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. About us webarchive|url=https://web.archive.org/web/20140925225600/http://www.saregama.com/portal/pages/music.jsp |date=25 September 2014 Sa Re Ga Ma.
  2. cite web|author=Savitha Gautam |url=http://www.thehindu.com/features/friday-review/music/article429071.ece |title=The Hindu : Arts / Music : Recording Gauhar Jaan |publisher=Beta.thehindu.com |date=13 May 2010 |accessdate=29 January 2012
  3. The importance of being Gauhar Jan The Tribune, 26 May 2002.
  4. 'My name is Gauhar Jan' Archived ᱒᱐᱐᱘-᱐᱕-᱑᱗ at the Wayback Machine. www.the-south-asian.com, October 2003.