ᱜᱚᱱᱮᱥ ᱴᱷᱟᱹᱠᱩᱨ ᱦᱟᱸᱥᱫᱟᱜ
ᱜᱚᱱᱮᱥ ᱴᱷᱟᱹᱠᱩᱨ ᱦᱟᱸᱥᱫᱟᱜ (ᱤᱝᱞᱤᱥ : Ganesh Thakur Hansda) ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱟᱡᱟᱜ ᱢᱤᱫ ᱥᱚᱨᱮᱥ ᱥᱟᱱᱛᱟᱲᱤ ᱛᱚᱨᱡᱚᱢᱟ ᱯᱩᱛᱷᱤ ᱵᱷᱚᱜᱽᱱᱟᱰᱤ ᱨᱮᱭᱟᱜ ᱰᱟᱹᱦᱤᱨᱮ ᱞᱟᱹᱜᱤᱫ ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱛᱚᱨᱡᱚᱢᱟ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱥᱟᱨᱦᱟᱣ ᱟᱠᱟᱱᱟ ᱾[᱑]
| ᱜᱚᱱᱮᱥ ᱴᱷᱟᱹᱠᱩᱨ ᱦᱟᱸᱥᱫᱟᱜ | |
|---|---|
 | |
| ᱡᱟᱱᱟᱢ | (᱐᱗.᱑᱐.᱑᱙᱖᱙ ) 1969 (age 54–55) ᱡᱩᱢᱟᱞ, ᱥᱮᱨᱟᱭᱠᱮᱞᱟ, ᱡᱷᱟᱨᱠᱷᱚᱸᱰ |
| ᱠᱟᱹᱢᱤ | ᱚᱱᱚᱞᱤᱭᱟ. |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱤᱨᱯᱷᱟᱹ | ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱛᱚᱨᱡᱚᱢᱟ ᱥᱤᱨᱯᱷᱟ. (᱒᱐᱑᱖) Kendra Sahitya Akademi Translation Award ᱒᱐᱑᱖ |
ᱡᱟᱱᱟᱢ ᱥᱟᱯᱲᱟᱣ
ᱜᱚᱱᱮᱥ ᱴᱷᱟᱹᱠᱩᱨ ᱦᱟᱸᱥᱫᱟᱜ ᱫᱚ ᱐᱗ ᱚᱠᱴᱚᱵᱚᱨ ᱑᱙᱖᱙ ᱥᱟᱞᱮᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ, ᱥᱮᱨᱟᱭᱠᱮᱞᱟ-ᱠᱷᱚᱨᱥᱟᱶᱟ ᱦᱚᱱᱚᱛ ᱨᱮᱭᱟᱜ ᱡᱩᱢᱟᱹᱞ ᱟᱹᱛᱩ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱟᱡ ᱨᱤᱱ ᱡᱟᱱᱟᱢ ᱟᱭᱳ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱵᱟᱵᱟ ᱫᱮᱵᱽᱨᱟᱡᱽ ᱦᱟᱸᱥᱫᱟᱜ ᱟᱨ ᱟᱭᱳ ᱫᱚ ᱯᱟᱨᱵᱚᱛᱤ ᱦᱟᱸᱥᱫᱟᱜ ᱾ ᱟᱭᱳ ᱵᱟᱵᱟ ᱱᱤᱛᱚᱜ ᱫᱚ ᱵᱟᱱᱟ ᱦᱚᱲ ᱵᱚᱸᱜᱟ ᱫᱤᱥᱚᱢ ᱨᱮ ᱢᱮᱱᱟᱜ ᱠᱤᱱᱟ ᱾[᱑]
ᱥᱮᱪᱮᱫ ᱟᱨ ᱪᱟᱹᱠᱨᱤ ᱥᱟᱯᱲᱟᱣ
ᱜᱚᱱᱮᱥ ᱴᱷᱟᱹᱠᱩᱨ ᱦᱟᱸᱥᱫᱟᱜ ᱫᱚ ᱨᱟᱧᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ M.A. ᱟᱨ L.L.B. ᱮ ᱥᱟᱹᱛ ᱟᱠᱟᱫ-ᱟ ᱾ ᱤᱱᱟᱹ ᱛᱟᱭᱚᱢ ᱡᱟᱢᱥᱮᱫᱽᱯᱩᱨ ᱨᱮᱭᱟᱜ ᱡᱩᱜᱽᱥᱟᱞᱟᱭ ᱨᱮ L.I.C. of India ᱨᱮᱭ ᱠᱟ.ᱢᱤ ᱠᱟᱱᱟ ᱾
ᱯᱟᱨᱥᱟᱞ ᱟᱠᱟᱱ ᱯᱚᱛᱚᱵ ᱠᱚ ᱥᱟᱯᱲᱟᱣ
ᱟᱡ ᱱᱤᱛᱚᱜ ᱫᱷᱟᱹᱵᱤᱡ ᱛᱮ ᱟᱭᱢᱟ ᱯᱩᱛᱷᱤᱭ ᱯᱟᱭᱥᱟᱞ ᱟᱠᱟᱫ-ᱟ ᱾ ᱚᱱᱟ ᱠᱚ ᱵᱷᱤᱛᱨᱤ ᱠᱷᱚᱱ ᱛᱤᱱᱟᱹᱝ ᱜᱟᱱ ᱯᱩᱛᱷᱤ ᱦᱩᱭᱩᱜ ᱠᱟᱱᱟ :-
᱑. ᱟᱧᱪᱟᱨ (ᱠᱷᱟᱴᱚ ᱠᱟᱹᱦᱱᱤ),
᱒. ᱵᱷᱚᱜᱽᱱᱟᱰᱤ ᱨᱮᱭᱟᱜ ᱰᱟᱹᱦᱤᱨᱮ (ᱛᱚᱨᱡᱚᱢᱟ),
᱓. ᱡᱤᱣᱤ ᱡᱟᱞᱟ (ᱚᱱᱚᱬᱦᱮ),
᱔. ᱵᱩᱨᱩ ᱞᱩᱠᱩᱭ ᱾
ᱢᱟᱹᱱ ᱥᱤᱨᱯᱷᱟᱹ ᱥᱟᱯᱲᱟᱣ
ᱜᱚᱱᱮᱥ ᱴᱷᱟᱹᱠᱩᱨ ᱦᱟᱸᱥᱫᱟᱜ ᱫᱚ ᱟᱡᱟᱜ ᱥᱚᱨᱮᱥ ᱥᱟᱶᱦᱮᱫ ᱮᱱᱮᱢ ᱠᱷᱟᱹᱛᱤᱨ ᱛᱤᱱᱟᱹᱝ ᱜᱟᱱ ᱢᱟᱹᱱ ᱥᱤᱨᱯᱷᱟᱹ ᱛᱮᱦᱚᱸᱭ ᱢᱟᱹᱱ ᱥᱟᱨᱦᱟᱣ ᱟᱠᱟᱱᱟ ᱾ ᱚᱱᱟ ᱠᱚ ᱢᱩᱫᱽᱨᱮ ᱢᱩᱬᱩᱛ ᱵᱟᱨᱭᱟ ᱦᱩᱭᱩᱜ ᱠᱟᱱᱟ :-
᱑. ᱟᱨ. ᱟᱨ. ᱠᱤᱥᱠᱩ ᱨᱟᱯᱟᱡᱽ ᱥᱤᱨᱯᱷᱟᱹ - ᱒᱐᱑᱕ ᱨᱮ, ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱾
᱒. ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱛᱚᱨᱡᱚᱢᱟ ᱥᱤᱨᱯᱷᱟᱹ - ᱒᱐᱑᱖ ᱨᱮ, ᱥᱟᱦᱤᱛᱭᱚ ᱮᱠᱟᱰᱮᱢᱤ ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱾
ᱟᱸᱴᱷ ᱟᱹᱲᱟᱹ ᱥᱟᱯᱲᱟᱣ
ᱱᱚᱶᱟ ᱟᱹᱲᱟᱹ ᱵᱷᱤᱛᱨᱤ ᱠᱷᱚᱱ ᱡᱟᱦᱟᱸ ᱜᱮ ᱚᱛᱟ ᱞᱮᱠᱷᱟᱱ ᱥᱟᱱᱛᱟᱲᱤ ᱣᱤᱠᱤᱢᱩᱨᱟᱹᱭ(Santali Wiktionary Incubator Dictionary) ᱣᱮᱵᱽᱥᱟᱭᱤᱴ ᱛᱮ ᱠᱚ ᱵᱷᱮᱡᱟ ᱢᱮᱭᱟ ᱠᱚ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ ᱑.᱐ ᱑.᱑ "गणेश ठाकुर हांसदा को साहित्य अकादमी पुरस्कार -". Jagran (in ᱦᱤᱱᱫᱤ). Retrieved 2024-01-30.