ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ

ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ ᱫᱚ ᱚᱱᱟ ᱰᱟᱹᱨ ᱠᱟᱱᱟ, ᱡᱟᱦᱟᱸ ᱢᱤᱫ ᱢᱟᱹᱱᱢᱤ ᱟᱡ ᱡᱟᱱᱟᱢᱚᱜ ᱞᱟᱦᱟ ᱟᱡ ᱟᱭᱚᱼᱟᱜ ᱦᱚᱲᱢᱚ ᱨᱮ ᱛᱟᱦᱮᱱ ᱚᱠᱛᱚ ᱠᱷᱚᱱ ᱟᱡ ᱦᱟᱲᱟᱢᱚᱜ ᱦᱟᱹᱵᱤᱡ ᱟᱡᱟᱜ ᱦᱟᱛᱟᱝ ᱡᱟᱦᱟᱸ ᱞᱮᱠᱟ ᱞᱟᱦᱟᱼᱟ ᱚᱱᱟ ᱨᱮᱱᱟᱜ ᱯᱚᱲᱦᱚᱱ ᱜᱮ ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ ᱟᱨ ᱵᱟᱝ ᱜᱤᱫᱽᱨᱟᱹ ᱦᱟᱛᱟᱝ ᱥᱟᱬᱮᱥ ᱵᱚᱱ ᱢᱮᱛᱟᱜ ᱠᱟᱱᱟ ᱾ ᱡᱟᱦᱟᱸᱭ ᱥᱚᱢᱟᱱ ᱢᱟᱹᱱᱢᱤ ᱥᱟᱬᱮᱥ ᱯᱨᱚᱲᱷ ᱦᱚᱲ ᱟᱜ ᱢᱚᱱᱥᱤᱠ ᱠᱟᱹᱢᱤ ᱤ ᱣᱚᱨᱱᱟᱱ ᱠᱟᱹᱢᱤ ᱠᱟᱱᱟᱭ ᱟᱨ ᱩᱱᱤ ᱥᱟᱬᱮᱥᱤᱭᱟᱹ ᱰᱷᱚᱸᱜᱽ ᱠᱷᱚᱱ ᱵᱩᱡᱷᱟᱹᱣᱜ ᱨᱮᱱᱟᱜ ᱪᱮᱥᱴᱟ ᱮᱫᱟᱭ, ᱚᱱᱰᱮ ᱜᱮ ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ ᱜᱤᱫᱽᱨᱟᱹ ᱨᱮᱱᱟᱜ ᱢᱚᱱᱥᱤᱠ ᱠᱟᱹᱢᱤ ᱨᱮᱱᱟᱜ ᱯᱟᱨᱦᱟᱲᱛᱮ ᱞᱟᱹᱭ ᱮᱫᱟᱭ ᱟᱨ ᱚᱱᱟ ᱵᱩᱡᱷᱟᱹᱣ ᱞᱟᱹᱜᱤᱫ ᱛᱮ ᱠᱩᱨᱩᱢᱩᱴᱩ ᱮᱫᱼᱟ ᱾

The conservation of the child; a manual of clinical psychology, presenting the examination and treatment of backward children (1912) (14586188170)

ᱱᱟᱜᱟᱢ

ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ, ᱢᱟᱹᱱᱢᱤ ᱥᱟᱬᱮᱥ ᱨᱮᱱᱟᱜ ᱢᱤᱫ ᱮᱠᱤᱠᱨᱤᱛ ᱰᱟᱤ ᱠᱚ ᱨᱮᱱᱟᱜ ᱵᱤᱫᱷᱟ ᱠᱟᱱᱟ, ᱡᱚᱠᱷᱚᱱ ᱑᱙ ᱨᱮᱱᱟᱜ ᱥᱟᱛᱟᱵᱟᱫᱤ ᱨᱮ ᱦᱚᱸ ᱜᱤᱫᱽᱨᱟᱹ ᱠᱚ ᱟᱭᱢᱟ ᱞᱮᱠᱟᱱ ᱦᱚᱨ ᱛᱮ ᱦᱟᱨᱟᱵᱩᱨᱩ ᱟᱨ ᱥᱮᱪᱮᱫᱚᱜ ᱞᱟᱹᱜᱤᱫ ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ ᱨᱮᱱᱟᱜ ᱫᱚᱨᱠᱟᱨ ᱠᱟᱱᱟ ᱢᱮᱱᱛᱮ ᱥᱚᱸᱥᱟᱨ ᱨᱤᱱ ᱟᱭᱢᱟ ᱥᱟᱬᱮᱥ ᱯᱟᱹᱨᱩᱠᱷᱤᱭᱟᱹ ᱠᱚ ᱠᱷᱚᱸᱫᱽᱨᱚᱫᱽ ᱟᱠᱟᱫᱼᱟ, ᱡᱟᱦᱟᱸ ᱜᱮ ᱱᱚᱶᱟ ᱠᱷᱚᱱ ᱵᱟᱹᱲᱛᱤ ᱵᱤᱠᱟᱥ ᱒᱐ ᱥᱟᱛᱟᱵᱟᱫᱤ ᱨᱮ ᱜᱮ, ᱜᱤᱫᱽᱨᱟᱹ ᱟᱮᱪᱤ ᱨᱮ ᱱᱟᱜ ᱢᱚᱦᱚᱛᱣᱚ ᱠᱚ ᱥᱟᱶ ᱥᱟᱶ, ᱦᱩᱭ ᱟᱠᱟᱱᱟ ᱾ ᱦᱟᱨᱵᱚᱨᱴ ᱥᱯᱮᱱᱥᱚᱨ ᱫᱚ ᱱᱚᱶᱟ ᱠᱟᱛᱷᱟ ᱨᱮ ᱡᱩᱨ ᱮ ᱮᱢᱟᱫᱼᱟ ᱡᱮ ᱥᱟᱱᱟᱢ ᱦᱚᱲ ᱱᱚᱜᱽᱨᱤᱠ ᱨᱮᱱᱟᱜ ᱥᱮᱪᱮᱫᱚᱜ ᱨᱮ ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ ᱨᱮᱱᱟᱜ ᱜᱮᱭᱟᱱ ᱠᱚ ᱵᱟᱝ ᱛᱮ ᱱᱟᱯᱟᱭ ᱚᱲᱟᱜ ᱡᱤᱭᱚᱱ ᱟᱨ ᱥᱩᱞᱩᱠ ᱜᱷᱟᱨᱚᱸᱡᱽ ᱵᱟᱝ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱶᱟ ᱠᱷᱚᱱ ᱢᱟᱲᱟᱝ ᱨᱩᱟ ᱫᱚ ᱑᱘ ᱥᱟᱛᱟᱳ ᱨᱮ ᱜᱤᱫᱽᱨᱟᱹ ᱟᱜ ᱭᱚᱜᱽᱭᱚ ᱥᱮᱪᱮᱫᱚᱜ ᱞᱟᱹᱜᱤᱫ ᱜᱤᱫᱟᱹᱨ ᱢᱟᱹᱱᱢᱤ ᱥᱟᱬᱮᱥ ᱨᱮᱱᱟᱜ ᱫᱚᱨᱠᱟᱨ ᱞᱟᱹᱭ ᱮᱱ ᱛᱟᱦᱮᱸᱜ ᱠᱟᱱᱟ ᱟᱨ ᱟᱫᱷᱟᱱ ᱫᱚ ᱟᱯᱱᱟᱨ ᱦᱚᱲ ᱟᱱᱩᱳ ᱨᱮᱱᱟᱜ ᱟᱫᱷᱟᱨ ᱨᱮ ᱜᱤᱫᱽᱨᱟᱹ ᱟᱜ ᱢᱟᱹᱱᱢᱤ ᱵᱤᱠᱟᱥ ᱨᱮᱱᱟᱜ ᱥᱟᱹᱜᱟᱹᱭ ᱨᱮ ᱟᱯᱱᱟᱨ ᱮᱢᱤᱞ ᱧᱩᱛᱩᱢ ᱵᱚᱛᱚᱵᱽ ᱨᱮ ᱚᱞ ᱟᱠᱟᱱᱟ, ᱢᱮᱱᱠᱷᱟᱱ ᱨᱩᱥ ᱞᱮᱠᱟᱱ ᱵᱤᱫᱣᱚᱱ ᱠᱚᱣᱟᱜ ᱵᱤᱪᱟᱹᱨ ᱥᱟᱬᱮᱥᱤᱭᱟ ᱠᱟᱹᱢᱤ ᱨᱮ ᱟᱫᱷᱟᱨᱤᱛ ᱵᱟᱝ ᱛᱟᱦᱮᱸᱜ ᱠᱟᱱᱟ ᱾ ᱢᱮᱱᱠᱷᱟᱱ ᱜᱤᱫᱽᱨᱟᱹ ᱟᱜ ᱦᱚᱲᱢᱚ ᱟᱨ ᱢᱟᱱᱥᱤᱠ ᱵᱤᱠᱟᱥ ᱨᱮᱱᱟᱜ ᱥᱟᱬᱮᱥᱤᱭᱟᱹ ᱰᱷᱚᱸᱜᱽ ᱨᱮᱱᱟᱜ ᱯᱟᱲᱦᱟᱣ ᱛᱟᱭᱱᱚᱢ ᱘᱐ ᱥᱮᱨᱢᱟ ᱠᱷᱚᱱ ᱦᱩᱭᱩᱜ ᱠᱟᱱᱟ ᱾ ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ ᱨᱮᱱᱟᱜ ᱮᱛᱚᱦᱚᱵᱽ ᱯᱟᱲᱷᱟᱣ ᱯᱷᱨᱟᱸᱥ ᱨᱮ ᱦᱩᱭ ᱞᱮᱱ ᱛᱟᱦᱮᱸᱜ ᱠᱟᱱᱟ ᱾ ᱯᱮᱨᱤᱥ ᱨᱮᱱᱟᱜ ᱯᱤᱠᱟᱴ ᱢᱚᱦᱚᱥᱚᱭ ᱫᱚ ᱜᱤᱫᱽᱨᱟᱹ ᱢᱟᱹᱱᱢᱤ ᱥᱟᱬᱮᱥ ᱠᱚ ᱞᱟᱹᱜᱤᱫ ᱛᱮ ᱛᱷᱚᱴ ᱮᱸᱰ ᱞᱮᱸᱜᱣᱮᱡᱽ ᱚᱯᱷ ᱫᱤ ᱪᱟᱭᱤᱞᱰ " ᱧᱩᱛᱩᱢ ᱯᱚᱛᱚᱵᱽ ᱠᱚᱨᱮᱱᱟᱜ ᱨᱩᱯ ᱨᱮ ᱟᱯᱱᱟᱨ ᱢᱚᱞᱤᱠ ᱫᱮᱱ ᱮᱢ ᱮᱱᱟ ᱾ ᱱᱚᱸᱠᱟᱱ ᱚᱠᱛᱚ ᱵᱟᱭ ᱵᱩᱫᱷᱤᱭᱟᱱ ᱜᱤᱫᱽᱨᱟᱹ ᱨᱮᱱᱟᱜ ᱯᱟᱨᱚᱠᱷ ᱞᱟᱹᱜᱤᱫ ᱛᱮ ᱰᱨ ᱵᱤᱱᱮ ᱫᱚ ᱵᱩᱫᱷᱤ ᱢᱟᱯᱟᱠ ᱳᱚᱨᱤᱪᱷᱟ ᱚᱰᱚᱠ ᱞᱮᱜᱼᱟ ᱾