ᱜᱤᱫᱽᱨᱟᱹ ᱵᱟᱹᱣᱞᱤ
ᱜᱤᱫᱽᱨᱟᱹ ᱵᱟᱹᱭᱞᱤ ᱥᱮ ᱜᱤᱫᱽᱨᱟᱹ ᱠᱚ ᱪᱮᱨᱮᱡ ᱠᱚ ᱵᱟᱠᱷᱨᱟᱛᱮ ᱥᱤᱨᱡᱚᱱ ᱟᱠᱟᱱ ᱵᱟᱹᱭᱞᱤ ᱥᱮ ᱚᱱᱚᱲᱦᱮ ᱟᱨ ᱱᱚᱶᱟ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮ ᱡᱟᱹᱥᱛᱤ ᱟᱸᱡᱚᱢᱚᱜ-ᱟ ᱾ ᱯᱟᱞᱮᱱ ᱱᱮᱛᱟᱨ ᱱᱟᱦᱟᱜ ᱥᱚᱥᱱᱚᱜ ᱡᱩᱜᱽ ᱨᱮ ᱱᱚᱶᱟ ᱨᱮᱱᱟᱜ ᱵᱮᱵᱷᱟᱟᱨ ᱵᱟᱹᱭ ᱵᱟᱹᱭ ᱛᱮ ᱦᱟᱹᱯᱤᱫ ᱤᱫᱤᱜ ᱠᱟᱱᱟ ᱟᱨ ᱱᱚᱶᱟ ᱡᱟᱭᱜᱟ ᱫᱚᱭ ᱟᱢᱮᱴ ᱮᱫᱼᱟ ᱫᱤᱠᱩ ᱯᱟᱹᱨᱥᱤ ᱛᱮ ᱥᱤᱨᱡᱚᱱ ᱟᱠᱟᱱ ᱵᱟᱹᱣᱞᱤ ᱥᱮ ᱪᱷᱚᱲᱟ ᱠᱚ, ᱮᱱ ᱨᱮᱦᱚᱸ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱱᱚᱶᱟ ᱨᱮᱱᱟᱜ ᱮᱱᱮᱢ ᱜᱚᱱᱚᱝ ᱫᱚ ᱮᱠᱟᱞ ᱜᱮ ᱵᱟᱝ ᱠᱚᱢᱼᱟ ᱾ ᱜᱤᱫᱽᱨᱟᱹ ᱵᱟᱹᱭᱞᱤ ᱫᱚ ᱠᱟᱹᱴᱤᱡ ᱜᱤᱫᱽᱨᱟᱹ ᱠᱚ ᱪᱮᱨᱮᱡ ᱠᱚ ᱞᱟᱹᱜᱤᱫ ᱜᱮ ᱥᱤᱨᱡᱚᱱ ᱟᱠᱟᱱᱟ ᱾ ᱟᱨ ᱨᱚᱲ ᱥᱟᱶᱦᱮᱫ ᱨᱮᱱᱟᱜ ᱫᱷᱟᱨᱟ ᱞᱮᱠᱟᱛᱮ ᱱᱚᱶᱟ ᱵᱟᱹᱭᱞᱤ ᱚᱠᱟᱨᱮ ᱟᱨ ᱛᱤᱥᱠᱚ ᱥᱤᱨᱡᱚᱱ ᱟᱠᱟᱫᱟ ᱚᱱᱟ ᱫᱚ ᱮᱠᱟᱞ ᱛᱮ ᱵᱟᱝ ᱵᱟᱰᱟᱭ ᱟᱠᱟᱱᱟ ᱾ ᱜᱤᱫᱽᱨᱟᱹ ᱠᱚ ᱨᱟᱜ ᱮᱢᱟᱱ ᱞᱮᱠᱷᱟᱱ ᱥᱮ ᱵᱟᱝᱠᱚ ᱡᱟᱹᱯᱤᱫ ᱠᱷᱟᱱ ᱟᱭᱳ ᱦᱚᱲ ᱜᱮ ᱱᱚᱶᱟ ᱜᱤᱫᱽᱨᱟ ᱵᱟᱹᱭᱞᱤ ᱫᱚ ᱡᱟᱹᱥᱛᱤ ᱠᱟᱭᱛᱮ ᱠᱚ ᱢᱮᱱᱟ ᱾ ᱚᱱᱟᱛᱮ ᱱᱚᱝᱠᱟᱱ ᱵᱟᱹᱭᱞᱤ ᱫᱚ ᱟᱭᱳ ᱦᱚᱲ ᱜᱮ ᱡᱟᱹᱥᱛᱤ ᱫᱚ ᱠᱚ ᱪᱟᱨᱪᱟᱭᱟ ᱥᱮ ᱠᱚ ᱥᱤᱨᱡᱚᱱ ᱟᱠᱟᱫᱟ ᱾ ᱱᱚᱶᱟ ᱜᱤᱫᱽᱨᱟᱹ ᱵᱟᱹᱭᱞᱤ ᱠᱚᱨᱮ ᱪᱮᱦᱨᱟ ᱨᱟᱹᱲ ᱟᱨ ᱥᱤᱵᱤᱞ ᱟᱲᱟᱝ ᱧᱮᱞ ᱧᱟᱢᱚᱜᱼᱟ ᱾ ᱨᱟᱦᱟ ᱟᱛᱮ ᱱᱚᱶᱟ ᱠᱚ ᱫᱚ ᱠᱚ ᱟᱬᱛᱤᱭᱟ ᱾ ᱱᱟᱶᱟ ᱵᱟᱹᱭᱞᱤ ᱠᱚ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱫᱚ ᱮᱠᱟᱞ ᱛᱮ ᱦᱩᱰᱤᱧ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫᱽ ᱜᱮ ᱥᱤᱨᱡᱚᱱ ᱟᱠᱟᱱᱟ,
ᱡᱮᱞᱮᱠᱟ
ᱟᱞᱮ ᱠᱩᱱᱩ ᱵᱟᱭ ᱨᱟᱜᱟ
ᱥᱤᱢ ᱪᱩᱯᱤ ᱞᱮ ᱨᱟᱯᱟᱜ ᱟᱭᱟ.......