ᱞᱚᱞᱤᱛᱟ ᱥᱤᱵᱚᱠᱩᱢᱟᱨ

ᱞᱚᱞᱤᱛᱟ ᱥᱤᱵᱚᱠᱩᱢᱟᱨ
ᱢᱟᱹᱱᱤᱡ ᱞᱚᱞᱤᱛᱟ ᱥᱤᱵᱚᱠᱩᱢᱟᱨ
ᱵᱤᱵᱚᱨᱚᱱ
ᱡᱟᱱᱟᱢ ᱧᱩᱛᱩᱢᱞᱚᱞᱤᱛᱟ
ᱡᱟᱱᱟᱢᱛᱟᱢᱤᱞᱱᱟᱰᱩ, ᱥᱤᱧᱚᱛ
ᱢᱩᱬᱥᱤᱧᱚᱛ
ᱡᱮᱱᱨᱮᱥᱠᱚᱨᱱᱟᱴᱚᱠᱤ ᱥᱮᱨᱮᱧ (Carnatic)
ᱚᱠᱩᱯᱮᱥᱚᱱᱥᱮᱨᱮᱧ ᱥᱤᱠᱟᱹᱨᱤᱭᱟᱹ, ᱥᱮᱨᱮᱧ ᱚᱱᱚᱞᱤᱭᱟᱹ, ᱟᱲᱟᱝ ᱜᱟᱵᱟᱱᱤᱭᱟᱹ ᱟᱨ ᱫᱤᱥᱟᱹᱩᱫᱩᱜᱤᱡ
ᱠᱟᱹᱢᱤ ᱚᱠᱛᱚ᱑᱙᱖᱖ - ᱱᱤᱛ ᱦᱟᱹᱵᱤᱡ

ᱞᱚᱞᱤᱛᱟ ᱥᱤᱵᱚᱠᱩᱢᱟᱨ(ᱤᱝᱞᱤᱥLalitha Sivakumar) ᱫᱚ ᱢᱤᱫ ᱠᱚᱨᱱᱟᱴᱚᱠᱤ ᱥᱮᱨᱮᱧ (Carnatic music) ᱢᱟᱪᱮᱫ ᱟᱨ ᱥᱮᱨᱮᱧ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱟᱡᱤᱡ ᱮᱝᱜᱟᱛ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱰᱤᱹᱠᱮᱹ ᱯᱚᱴᱴᱟᱢᱢᱟᱞ ᱥᱟᱶ ᱪᱟᱞᱟᱣ ᱠᱟᱛᱮ ᱠᱚᱱᱥᱚᱨᱴ ᱨᱮ ᱥᱮᱞᱮᱫᱚᱜ ᱠᱟᱱ ᱛᱟᱦᱮᱸᱫ ᱾[᱑] ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱧᱩᱛᱩᱢᱟᱱ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱰᱨᱹ ᱱᱤᱛᱭᱚᱥᱨᱤ ᱢᱚᱦᱟᱫᱮᱵᱚᱱ ᱭᱤᱡ ᱮᱸᱜᱟᱛ ᱟᱨ ᱜᱩᱨᱩ ᱛᱟᱦᱮᱸ ᱠᱟᱱᱟᱭ ᱾[᱒] ᱰᱤᱠᱮᱯᱤ ᱫᱚ ᱠᱚᱨᱱᱟᱴᱚᱠᱤ ᱥᱮᱨᱮᱧ ᱟᱥᱲᱟ ᱨᱤᱱᱤᱡ ᱢᱤᱫ ᱯᱟᱹᱨᱩᱠᱷᱤᱭᱟᱹ ᱟᱨ ᱧᱩᱢᱟᱱ ᱜᱩᱨᱩᱭ ᱛᱟᱦᱮᱸ ᱠᱟᱱᱟ ᱾

ᱯᱩᱭᱞᱩ ᱡᱤᱭᱚᱱ ᱥᱟᱯᱲᱟᱣ

ᱞᱚᱞᱤᱛᱟ ᱥᱤᱵᱚᱠᱩᱢᱟᱨ ᱟᱡ ᱵᱟᱵᱟ ᱫᱚ ᱯᱟᱞᱜᱷᱟᱛ ᱢᱚᱬᱤ ᱟᱭᱟᱨ (Palghat Mani Iyer) ᱫᱚ ᱠᱚᱨᱱᱟᱴᱚᱠᱤ ᱥᱮᱨᱮᱧ ᱨᱤᱱᱤᱡ ᱢᱤᱫ ᱯᱟᱹᱨᱥᱩᱠᱷᱤᱭᱟᱹ ᱛᱟᱵᱽᱞᱟ ᱨᱩᱨᱩᱭᱤᱡ ᱠᱟᱱᱟᱭ ᱾ ᱡᱟᱦᱟᱸᱭ ᱫᱚ ᱠᱚᱝᱜᱤᱛᱚ ᱠᱟᱞᱟᱱᱤᱫᱷᱤ (Sangeetha Kalanidhi) ᱥᱟᱶᱛᱮ ᱯᱚᱫᱽᱢᱚᱵᱷᱩᱥᱚᱬ (Padmabhushan) ᱢᱟᱹᱱ ᱥᱤᱨᱯᱷᱟᱹ ᱛᱮᱦᱚᱸ ᱠᱚ ᱢᱟᱹᱱ ᱥᱟᱨᱦᱟᱣ ᱟᱠᱟᱫ ᱫᱮᱭᱟ ᱾ ᱥᱤᱵᱚᱠᱩᱢᱟᱨ ᱫᱚ ᱜᱮᱞ ᱤᱨᱟᱹᱞ ᱵᱚᱪᱷᱚᱨ ᱵᱚᱭᱚᱥ ᱨᱮ ᱰᱤ ᱠᱮ ᱯᱚᱴᱴᱟᱢᱢᱚᱞ ᱤᱡ ᱦᱚᱯᱚᱱ ᱟᱭᱤ ᱥᱤᱵᱚᱠᱩᱢᱟᱨ ᱥᱟᱶ ᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾ ᱵᱟᱯᱞᱟ ᱨᱮᱱᱟᱜ ᱫᱚᱥᱟᱨ ᱦᱤᱞᱚᱜ ᱠᱷᱚᱱ ᱜᱮ ᱩᱱᱤ ᱫᱚ ᱰᱤ ᱠᱮ ᱯᱚᱴᱴᱟᱢᱢᱟᱞ ᱴᱷᱮᱱ ᱠᱷᱚᱱ ᱠᱚᱨᱱᱟᱴᱚᱠᱤ ᱥᱮᱨᱮᱧ ᱥᱮᱪᱮᱫᱚᱜ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾[᱑]

ᱠᱟᱹᱢᱤ ᱥᱟᱯᱲᱟᱣ

ᱟᱹᱰᱤ ᱠᱚᱢ ᱫᱤᱱ ᱨᱮᱜᱮ ᱰᱤ ᱠᱮ ᱯᱚᱴᱴᱟᱢᱢᱟᱞ ᱥᱟᱶ ᱪᱟᱞᱟᱣ ᱠᱟᱛᱮ ᱮᱠᱞᱟ ᱟᱨᱵᱟᱝ ᱡᱚᱲ ᱛᱮ ᱥᱮᱨᱮᱧ ᱠᱟᱛᱮ ᱧᱩᱢ ᱦᱟᱞᱟᱝ ᱠᱚᱨᱱᱟᱴᱚᱠᱤ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱰᱤ ᱠᱮ ᱡᱚᱭᱨᱚᱢᱚᱱ (D. K. Jayaraman), ᱯᱚᱞᱜᱷᱚᱴ ᱠᱚᱞᱮᱝᱜᱚᱰ ᱵᱤᱥᱣᱚᱱᱟᱛᱷ ᱱᱟᱨᱟᱭᱚᱬᱥᱣᱟᱢᱤ (K. V. Narayanaswamy) ᱟᱨ ᱮᱢ ᱮᱥ ᱥᱩᱵᱽᱵᱩᱞᱚᱠᱷᱢᱤ (M. S. Subbulakshmi) ᱮᱢᱟᱱ ᱠᱚ ᱴᱷᱮᱱ ᱠᱷᱚᱱ ᱥᱟᱨᱦᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱮᱠᱞᱟ ᱥᱮᱨᱮᱧ ᱫᱚ ᱟᱹᱰᱤ ᱠᱚᱢ ᱫᱤᱱ ᱛᱟᱦᱮᱸ ᱠᱟᱱᱟ ᱟᱨ ᱚᱱᱟ ᱛᱟᱭᱚᱢ ᱟᱡᱤᱡ ᱜᱩᱨᱩ ᱥᱟᱶ ᱜᱮ ᱪᱟᱞᱟᱣ ᱠᱟᱛᱮ ᱥᱮᱨᱮᱧ ᱮᱫ ᱛᱟᱦᱮᱸᱫ ᱾[᱑]

ᱞᱚᱞᱤᱛ ᱥᱤᱵᱚᱠᱩᱢᱟᱨ ᱫᱚ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱯᱟᱹᱨᱥᱤ ᱛᱮ ᱟᱭᱢᱟ ᱜᱚᱴᱟᱝ ᱠᱨᱤᱛᱤ (kritis), ᱛᱤᱞᱞᱤᱱᱟ ᱟᱨ ᱵᱷᱚᱡᱚᱱ (bhajans) ᱥᱮᱨᱮᱧ ᱚᱞ ᱥᱟᱶᱛᱮ ᱨᱟᱦᱟᱭ ᱮᱢ ᱞᱮᱫ ᱛᱟᱦᱮᱸᱫ ᱾ ᱟᱡᱟᱝ ᱦᱩᱱᱟᱹᱨ ᱟᱨ ᱜᱩᱱ ᱟᱭᱢᱟ ᱤᱱᱥᱴᱤᱪᱩᱴ ᱢᱟᱹᱱ ᱮ ᱮᱢᱟᱫ ᱛᱟᱦᱮᱸᱫ ᱾ ᱟᱡᱟᱜ ᱥᱮᱨᱮᱧ ᱨᱮᱱᱟᱜ ᱯᱟᱨᱛᱩᱲ ᱢᱟᱹᱱ ᱮᱢ ᱞᱟᱹᱜᱤᱫ ᱛᱮ ᱢᱟᱰᱨᱟᱥ ᱪᱟᱨᱤᱴᱮᱵᱚᱞ ᱴᱨᱚᱥᱴ ᱟᱨ ᱯᱚᱨᱷᱳᱨᱢᱟᱱᱥ ᱚᱯᱷ ᱤᱱᱰᱤᱭᱟᱱ ᱛᱷᱤᱭᱮᱴᱚᱨ ᱟᱨᱴ ᱩᱱᱤ ᱫᱚ ᱤᱥᱚᱭ ᱨᱚᱥᱚ ᱢᱟᱢᱚᱱᱤ ('ISAI RASA MAAMANI') ᱢᱟᱹᱱ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱥᱟᱨᱦᱟᱣ ᱞᱮᱫᱮ ᱛᱟᱦᱮᱸᱫ ᱾ ᱢᱤᱫ ᱢᱟᱪᱮᱫ ᱞᱮᱠᱟᱛᱮ ᱞᱚᱞᱤᱛᱟ ᱟᱜ ᱡᱤᱭᱚᱱ ᱫᱚ ᱩᱨᱩᱱ ᱯᱩᱨᱩᱱ ᱛᱟᱦᱮᱸ ᱞᱮᱱᱟ ᱾ ᱰᱤᱠᱮᱯᱤ ᱠᱚᱨᱱᱟᱴᱚᱠᱤ ᱥᱮᱱᱮᱨᱮᱧ ᱟᱥᱲᱟ ᱨᱮᱱᱟᱜ ᱧᱩᱛᱩᱢ ᱫᱮᱥ ᱫᱤᱥᱚᱢ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱱᱚᱸᱰᱮ ᱠᱷᱳᱱ ᱥᱮᱪᱮᱫ ᱟᱠᱟᱱ ᱟᱭᱢᱟ ᱟᱪᱮᱫᱤᱭᱟᱹ ᱠᱚ ᱡᱤᱭᱚᱱ ᱨᱮ ᱨᱟᱹᱥ ᱠᱚ ᱧᱟᱢ ᱟᱠᱟᱫᱼᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ