ᱞᱟᱠᱪᱟᱨ ᱟᱨ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ

ᱞᱟᱠᱪᱟᱨ ᱟᱨ ᱪᱟᱸᱫᱚᱠᱤᱭᱟ. ᱫᱷᱚᱨᱚᱢ (culture and menstruation)

ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮ ᱮᱱᱮᱡ ᱠᱟᱱ ᱠᱤᱱ ᱵᱟᱨᱭᱟ ᱛᱤᱨᱞᱟᱹ

ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱫᱚ ᱢᱤᱫ ᱱᱚᱝᱠᱟᱱ ᱜᱷᱚᱴᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱠᱩᱲᱤ ᱦᱚᱯᱚᱱ ᱠᱚ ᱞᱟᱹᱜᱤᱫ ᱫᱚ ᱟᱞᱟᱫᱟ ᱜᱮᱭᱟ ᱾ ᱢᱮᱱ ᱞᱮᱠᱷᱟᱱ ᱱᱚᱣᱟ ᱫᱚ ᱞᱮᱛᱟᱲ ᱜᱮ ᱵᱟᱨᱚᱱ ᱟᱨ ᱵᱟᱛᱚᱲ ᱞᱮᱠᱟᱱ ᱠᱟᱛᱷᱟ ᱛᱮ ᱜᱷᱮᱨᱟᱣ ᱮᱥᱮᱫ ᱠᱟᱛᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱛᱤᱨᱞᱟᱹ ᱠᱚ ᱥᱟᱶᱛᱟᱨᱤ ᱟᱨ ᱞᱟᱠᱪᱟᱨᱤᱭᱟᱹ ᱡᱤᱭᱚᱱ ᱨᱮᱭᱟᱜ ᱟᱹᱰᱤ ᱞᱮᱠᱟᱱ ᱛᱟᱠ ᱛᱚᱦᱚᱨ ᱠᱷᱚᱱ ᱥᱟᱦᱟ ᱨᱮᱭ ᱫᱚᱦᱚ ᱠᱚᱣᱟ ᱾ ᱵᱷᱟᱨᱚᱛ ᱨᱮ ᱱᱚᱣᱟ ᱥᱟᱛᱟᱢ ᱫᱚ ᱛᱮᱦᱮᱧ ᱫᱷᱟᱹᱵᱤᱡ ᱵᱟᱨᱚᱱ ᱨᱮᱜᱮ ᱢᱮᱱᱟᱜᱼᱟ ᱾ ᱩᱭᱦᱟᱹᱨ ᱵᱷᱟᱵᱽᱱᱟ, ᱚᱱᱛᱚᱨ ᱢᱚᱱᱮ, ᱡᱤᱭᱚᱱ ᱛᱚᱦᱚᱨ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱛᱷᱟ ᱦᱚᱲᱢᱚ ᱪᱮᱛᱟᱱ ᱨᱮ ᱚᱨᱥᱚᱝ ᱯᱟᱲᱟᱣᱜᱼᱟ ᱾ ᱛᱤᱨᱝᱟᱹ ᱠᱚᱣᱟᱜ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱪᱟᱨᱠᱷᱟ ᱫᱚ ᱥᱤᱨᱠᱚᱱ ᱨᱮᱭᱟᱜ ᱢᱤᱫ ᱥᱟᱹᱨᱤ ᱦᱤᱥ ᱨᱮᱭᱟᱜ ᱪᱟᱨᱠᱷᱟ ᱠᱟᱱᱟ ᱾ ᱡᱟᱦᱟᱸ ᱫᱚ ᱠᱚᱞᱮ ᱠᱩᱠᱷᱤ ᱠᱷᱚᱱ ᱢᱟᱭᱟᱢ ᱫᱟᱜ ᱦᱚᱨ ᱥᱮᱫ ᱛᱮ ᱚᱰᱚᱠᱚᱜᱼᱟ ᱾ ᱱᱚᱣᱟ ᱫᱚ ᱢᱤᱫ ᱯᱩᱨᱠᱩᱛ ᱪᱟᱞᱟᱣᱱᱟ ᱠᱟᱱᱟ ᱡᱟᱦᱟᱸ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱑᱑ ᱠᱷᱚᱱ ᱑᱔ ᱥᱮᱨᱢᱟ ᱵᱚᱭᱚᱥ ᱨᱤᱱ ᱠᱩᱲᱤ ᱜᱤᱫᱽᱨᱟᱹ ᱠᱚ ᱛᱟᱞᱟᱨᱮ ᱮᱛᱚᱦᱚᱵᱚᱜᱼᱟ ᱟᱨ ᱱᱚᱣᱟ ᱠᱷᱚᱱ ᱡᱩᱣᱟᱹᱱ ᱚᱠᱛᱚ ᱮᱛᱚᱦᱚᱵᱚᱜ ᱨᱮᱭᱟᱜ ᱩᱱᱩᱫᱩᱜ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱥᱟᱶ ᱚᱠᱛᱚ ᱠᱚ ᱠᱷᱮᱢᱟᱣ ᱮᱫ ᱠᱩᱲᱤ ᱜᱤᱫᱽᱨᱟᱹ ᱟᱨ ᱛᱤᱨᱞᱟᱹ ᱠᱚ ᱟᱵᱚᱣᱟᱜ ᱥᱟᱶᱛᱟ ᱨᱤᱱ ᱥᱟᱶᱛᱟ ᱪᱟᱪᱞᱟᱣ ᱦᱚᱲ ᱠᱚ ᱥᱩᱨ ᱥᱩᱯᱩᱨ ᱨᱮ ᱦᱩᱭᱩᱜ ᱠᱟᱱ ᱥᱟᱶᱛᱟᱨᱤ ᱟᱨ ᱞᱟᱠᱪᱟᱨᱮᱛ ᱡᱤᱭᱚᱱ ᱨᱮᱭᱟᱜ ᱟᱹᱰᱤ ᱞᱮᱠᱟᱱ ᱴᱚᱴᱷᱟ ᱠᱷᱚᱱ ᱵᱟᱨᱚᱱ ᱠᱟᱛᱮ ᱠᱚ ᱵᱟᱦᱮᱨ ᱠᱚᱣᱟ ᱾ ᱡᱟᱦᱟᱸ ᱛᱤᱱ ᱡᱚᱦᱚᱜ ᱱᱚᱣᱟ ᱫᱚ ᱚᱱᱠᱟᱱ ᱚᱠᱛᱚ ᱦᱩᱭ ᱠᱚᱜᱼᱟ ᱡᱟᱦᱟᱸ ᱵᱮᱲᱟᱨᱮ ᱩᱠᱩᱣᱟᱜ ᱵᱟᱹᱲᱛᱤ ᱡᱚᱛᱚᱱ ᱛᱤᱠᱷᱪᱟᱹ ᱨᱮᱭᱟᱜ ᱞᱟᱹᱠᱛᱤ ᱢᱮᱱᱟᱜᱼᱟ ᱾

ᱵᱷᱟᱨᱚᱛ ᱨᱮ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮ ᱛᱤᱨᱞᱟᱹ ᱟᱨ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱡᱤᱭᱚᱱ

ᱵᱷᱟᱨᱚᱛ ᱨᱮ ᱱᱚᱣᱟ ᱥᱟᱛᱟᱢ ᱫᱚ ᱟᱹᱰᱤ ᱯᱟᱹᱦᱤᱞ ᱠᱷᱚᱱ ᱜᱮ ᱵᱟᱨᱚᱱ ᱦᱮᱡ ᱟᱹᱜᱩ ᱟᱠᱟᱱᱟ ᱾ ᱪᱮᱫᱟᱜ ᱥᱮ ᱦᱤᱱᱫᱩ ᱞᱟᱠᱪᱟᱨ ᱨᱮᱭᱟᱜ ᱱᱟᱜᱟᱢ ᱨᱮ ᱢᱤᱫ ᱠᱟᱛᱷᱟ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜᱼᱟ ᱾ ᱚᱱᱟ ᱞᱮᱠᱟᱛᱮ ᱤᱸᱫᱽᱨᱚ ᱫᱮᱵᱽᱛᱟ ᱟᱜ ᱛᱤᱛᱮ ᱢᱤᱫ ᱵᱟᱵᱽᱬᱮᱭᱟᱜ ᱜᱚᱡ ᱦᱩᱭ ᱞᱮᱱᱟ ᱾ ᱚᱱᱟ ᱜᱚᱡ ᱨᱮᱭᱟᱜ ᱯᱟᱯ ᱞᱮᱠᱟᱛᱮ ᱢᱤᱫ ᱯᱟᱦᱴᱟ ᱫᱚ ᱛᱤᱨᱞᱟᱹ ᱠᱚ ᱧᱟᱢ ᱠᱮᱜᱼᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱩᱱᱠᱩᱣᱟᱜ ᱫᱚ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱦᱩᱭᱩᱜᱼᱟ ᱾ ᱡᱟᱦᱟᱸ ᱚᱠᱛᱚ ᱨᱮ ᱩᱱᱠᱩ ᱫᱚ ᱵᱟᱹᱥᱚᱱᱚᱛ ᱢᱮᱱᱛᱮ ᱠᱚ ᱢᱟᱱᱟᱣ ᱫᱩᱥᱟᱹᱣ ᱠᱚᱣᱟ ᱾ ᱱᱚᱣᱟ ᱵᱟᱹᱥᱚᱱᱚᱛ ᱮᱛᱮᱫ ᱠᱷᱟᱹᱛᱤᱨ ᱜᱮ ᱩᱱᱠᱩ ᱫᱚ ᱵᱚᱸᱜᱟ ᱵᱳᱨᱳ ᱫᱷᱚᱨᱚᱢ ᱠᱟᱹᱢᱤ ᱨᱮ ᱫᱟᱣ ᱦᱟᱛᱟᱣ ᱞᱟᱹᱜᱤᱫ ᱫᱚ ᱵᱟᱨᱚᱱ ᱨᱮᱠᱚ ᱛᱟᱦᱮᱸᱱᱟ ᱾ ᱫᱚᱥᱟᱨ ᱮᱛᱮᱫ : ᱦᱤᱱᱫᱩ ᱫᱮᱵᱤ ᱫᱮᱵᱽᱛᱟ ᱠᱚᱣᱟᱜ ᱢᱟᱱᱛᱟᱨ ᱵᱟᱠᱷᱮᱬ ᱫᱚ ᱥᱟᱸᱥᱠᱨᱤᱴ ᱛᱮ ᱢᱮᱱᱟᱜᱼᱟ ᱾ ᱡᱟᱦᱟᱸ ᱯᱟᱲᱦᱟᱣ ᱞᱟᱹᱜᱤᱫ ᱵᱟᱝ ᱨᱟᱹᱯᱩᱫ ᱚᱠᱛᱚ ᱞᱟᱹᱠᱛᱤᱜᱼᱟ ᱾ ᱤᱠᱷᱟᱹᱱ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱪᱟᱞᱟᱜ ᱢᱟᱦᱟᱸᱨᱮ ᱛᱤᱨᱞᱟᱹ ᱟᱨᱵᱟᱝ ᱠᱩᱲᱤ ᱜᱤᱫᱽᱨᱟᱹ ᱵᱟᱝ ᱥᱟᱦᱟᱣ ᱫᱟᱲᱮᱭᱟᱜ ᱞᱮᱠᱟ ᱦᱟᱨᱠᱮᱛ ᱠᱚ ᱥᱟᱢᱟᱝᱼᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱩᱱᱠᱩᱣᱟᱜ ᱫᱷᱮᱭᱟᱜ ᱵᱚᱸᱜᱟ ᱵᱳᱨᱳ ᱠᱟᱹᱢᱤ ᱨᱮ ᱵᱟᱝ ᱛᱟᱦᱮᱸ ᱛᱷᱤᱨᱩᱜᱼᱟ ᱾ ᱡᱩᱫᱤ ᱢᱚᱱᱮ ᱢᱩᱠᱨᱩᱲ ᱠᱟᱛᱮ ᱵᱚᱸᱜᱟ ᱵᱳᱨᱳ ᱠᱟᱹᱢᱤ ᱨᱮᱭ ᱫᱩᱲᱩᱵ ᱜᱚᱫᱚᱜ ᱨᱮᱦᱚᱸ ᱦᱩᱲᱟᱹᱜ ᱦᱩᱭᱩᱜ ᱟᱨ ᱯᱟᱯ ᱞᱟᱜᱟᱣᱜ ᱨᱮᱭᱟᱜ ᱵᱚᱛᱚᱨ ᱛᱟᱦᱮᱸᱱᱟ ᱾ ᱱᱚᱣᱟ ᱠᱚᱨᱮ ᱠᱷᱚᱱ ᱫᱩᱜ ᱵᱟᱧᱪᱟᱣᱜ ᱞᱟᱹᱜᱤᱫ ᱩᱱᱠᱩ ᱫᱚ ᱡᱟᱸᱜᱮ ᱫᱟᱨᱟᱢ ᱨᱮᱠᱚ ᱛᱟᱦᱮᱸᱱᱟ ᱾

ᱵᱟᱨᱚᱱ ᱨᱮᱭᱟᱜ ᱮᱛᱮᱫ

ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮ ᱵᱚᱸᱜᱟ ᱛᱷᱟᱱ ᱠᱷᱩᱸᱫᱽᱲᱤ ᱨᱮ ᱵᱟᱝ ᱵᱚᱞᱚᱱ ᱫᱚ ᱵᱟᱡᱟᱨ ᱨᱤᱱ ᱠᱩᱲᱤ ᱠᱚ ᱞᱟᱹᱜᱤᱫ ᱵᱟᱨᱚᱱ ᱜᱮᱭᱟ ᱛᱤᱱ ᱡᱚᱦᱚᱜ ᱫᱟᱠᱟ ᱚᱲᱟᱜ ᱨᱮ ᱵᱟᱝ ᱵᱚᱞᱚᱱ ᱫᱚ ᱟᱹᱛᱩ ᱠᱩᱲᱤ ᱠᱚᱣᱟᱜ ᱵᱟᱹᱲᱛᱤ ᱞᱮᱠᱟᱛᱮ ᱵᱟᱨᱚᱱ ᱛᱟᱦᱮᱸᱱᱟ ᱾ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮ ᱠᱩᱲᱤ ᱜᱤᱫᱽᱨᱟᱹ ᱟᱨᱵᱟᱝ ᱛᱤᱨᱞᱟᱹ ᱠᱚ ᱚᱦᱬᱮ ᱟᱨ ᱥᱚᱱᱚᱛ ᱫᱷᱚᱨᱚᱢ ᱯᱩᱛᱷᱤ ᱠᱚ ᱡᱚᱴᱮᱫ ᱨᱮᱭᱟᱜ ᱦᱚᱸ ᱵᱟᱨᱚᱱ ᱛᱟᱦᱮᱸᱱᱟ ᱾ ᱢᱤᱫ ᱯᱚᱲᱦᱚᱱ ᱨᱮ ᱫᱟᱣ ᱦᱟᱛᱟᱣ ᱮᱫ ᱛᱤᱨᱞᱟ. ᱠᱚ ᱱᱚᱣᱟ ᱦᱚᱸ ᱠᱚ ᱞᱟᱹᱭᱟ ᱫᱚ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮᱫᱚ ᱦᱚᱲᱢᱚ ᱠᱷᱚᱱ ᱱᱟᱥᱮ ᱥᱚ ᱟᱨᱵᱟᱝ ᱟᱦᱞᱟ ᱦᱚᱸ ᱚᱰᱚᱠ ᱚᱜᱼᱟ ᱡᱟᱦᱟᱸᱛᱮ ᱥᱟᱧᱪᱟᱣ ᱛᱟᱦᱮᱸᱱ ᱡᱚᱢᱟᱜ ᱮ ᱵᱟᱹᱲᱤᱡᱟ ᱾ ᱟᱨ ᱚᱱᱟᱛᱮ, ᱩᱱᱠᱩ ᱫᱚ ᱟᱪᱟᱨ ᱞᱮᱠᱟᱱ ᱡᱚᱢᱟᱜ ᱡᱤᱱᱤᱥ ᱡᱚᱴᱮᱫ ᱞᱟᱹᱜᱤᱫ ᱫᱟᱣ ᱵᱟᱹᱱᱩᱜᱼᱟ ᱾ ᱤᱠᱷᱟᱹᱱ ᱥᱟᱬᱮᱥᱤᱭᱟᱹ ᱠᱚᱣᱟᱜ ᱵᱤᱱᱤᱰᱟᱹᱣ ᱞᱮᱠᱟᱛᱮ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮ ᱡᱚᱢᱟᱜ ᱡᱤᱱᱤᱥ ᱠᱷᱟᱨᱟᱯᱚᱜ ᱞᱮᱞᱟᱱᱟᱜ ᱫᱚ ᱪᱮᱫ ᱮᱛᱮᱫ ᱦᱚᱸ ᱵᱟᱝ ᱧᱮᱞ ᱧᱟᱢᱚᱜ ᱠᱟᱱᱟ ᱾

ᱛᱤᱨᱞᱟᱹ ᱠᱚᱣᱟᱜ ᱡᱤᱭᱚᱱ ᱨᱮ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱥᱟᱶ ᱥᱟᱹᱜᱟᱹᱭ ᱨᱮ ᱢᱟᱨᱮ ᱠᱟᱛᱷᱟ ᱚᱨᱥᱚᱝ

ᱛᱤᱱᱟᱹᱝ ᱜᱟᱱ ᱞᱟᱠᱪᱟᱨᱮᱛ ᱨᱮ ᱛᱤᱨᱞᱟᱹ ᱠᱚᱫᱚ ᱟᱠᱚᱣᱟᱜ ᱞᱩᱜᱽᱲᱤ ᱠᱚ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱚᱠᱛᱚ ᱨᱮ ᱵᱟᱹᱲᱤᱡ ᱟᱛᱢᱟ ᱦᱚᱛᱮᱛᱮ ᱵᱮᱵᱷᱟᱨ ᱠᱷᱚᱱ ᱟᱴᱠᱟᱣ ᱠᱷᱟᱹᱛᱤᱨ ᱚᱱᱟ ᱠᱤᱪᱨᱤᱫ ᱠᱚᱫᱚ ᱠᱚ ᱛᱚᱯᱟ ᱜᱤᱰᱤ ᱠᱟᱜᱼᱟ ᱾ ᱥᱩᱨᱤᱱᱟᱢ ᱨᱮ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱢᱟᱭᱟᱢ ᱫᱚ ᱟᱹᱰᱤ ᱵᱚᱛᱚᱨ ᱟᱱ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾ ᱟᱨ ᱢᱤᱫ ᱢᱟᱹᱱᱢᱤ ᱡᱚᱡᱚᱢ ᱦᱚᱲ ᱢᱤᱫ ᱵᱟᱹᱲᱤᱡ ᱵᱚᱸᱜᱟ ᱵᱳᱨᱳ ᱦᱚᱨ ᱟᱯᱱᱟᱨ ᱠᱟᱛᱮ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱨᱮ ᱢᱮᱱᱟᱭ ᱛᱤᱨᱞᱟᱹ ᱟᱨᱵᱟᱝ ᱠᱩᱲᱤ ᱜᱤᱫᱽᱨᱟᱹ ᱡᱟᱦᱟᱸᱱᱟᱜ ᱮᱴᱠᱮᱴᱚᱬᱮᱭ ᱥᱮᱴᱮᱨ ᱫᱟᱲᱮ ᱟᱭᱟ ᱾ ᱱᱚᱣᱟ ᱦᱚᱸ ᱠᱚ ᱢᱟᱱᱟᱣ ᱵᱟᱛᱟᱣ ᱟᱫᱚ ᱢᱤᱫ ᱛᱤᱨᱞᱟᱹ ᱢᱤᱫ ᱠᱚᱲᱟ ᱦᱚᱯᱚᱱ ᱪᱮᱛᱟᱱ ᱨᱮ ᱟᱡᱟᱜ ᱟᱸᱥ ᱮ ᱯᱩᱨᱩᱱ ᱞᱟᱹᱜᱤᱫ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱢᱟᱭᱟᱢ ᱮ ᱵᱮᱵᱷᱟᱨ ᱫᱟᱲᱮᱭᱟᱜᱼᱟ ᱾ ᱟᱸᱡᱚᱢ ᱡᱚᱝ ᱠᱟᱛᱷᱟ ᱫᱚ ᱟᱨ ᱦᱚᱸ ᱱᱚᱣᱟ ᱠᱟᱱᱟ ᱡᱮ ᱵᱷᱟᱨᱚᱛ ᱥᱟᱶᱛᱮ ᱮᱥᱤᱭᱟ ᱨᱮ, ᱱᱚᱜ ᱚᱭ ᱱᱚᱝᱠᱟᱱ ᱯᱟᱹᱛᱭᱟᱹᱣ ᱫᱚ ᱱᱤᱛᱚᱜ ᱫᱷᱟᱹᱵᱤᱡ ᱪᱟᱞᱟᱜ ᱠᱟᱱᱟ ᱾ ᱱᱤᱛᱚᱜ ᱫᱷᱟᱹᱵᱤᱡ ᱱᱚᱣᱟ ᱞᱟᱹᱜᱤᱫ ᱪᱮᱫ ᱛᱚᱠᱨᱟᱲ ᱥᱮ ᱥᱟᱬᱮᱥᱤᱭᱟᱹ ᱠᱚᱣᱟᱜ ᱴᱷᱟᱹᱣᱠᱟᱹ ᱮᱛᱮᱫ ᱜᱮ ᱪᱮᱫ ᱦᱚᱸ ᱵᱟᱝ ᱧᱮᱞ ᱧᱟᱢᱚᱜ ᱠᱟᱱᱟ ᱾ ᱵᱷᱟᱨᱚᱛ ᱨᱮᱭᱟᱜ ᱛᱤᱱᱟᱹᱝ ᱜᱟᱱ ᱴᱚᱴᱷᱟᱨᱮ, ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱮ ᱠᱷᱮᱢᱟᱣ ᱮᱫ ᱠᱩᱲᱤ ᱜᱤᱫᱽᱨᱟᱹ ᱟᱨᱵᱟᱝ ᱛᱤᱨᱞᱟᱹ ᱦᱚᱛᱮᱛᱮ ᱛᱤᱱᱟᱹᱜ ᱜᱟᱱ ᱡᱚᱢᱟᱜ ᱵᱟᱨᱚᱱ ᱨᱮᱭᱟᱜ ᱦᱚᱸ ᱟᱹᱰᱤ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱡᱟᱦᱟᱸ ᱞᱮᱠᱟ ᱫᱚᱦᱤ, ᱪᱤᱢᱱᱤ ᱟᱨ ᱟᱪᱟᱨ ᱞᱮᱠᱟᱱ ᱡᱚᱡᱚ ᱡᱚᱢᱟᱜ ᱫᱚ ᱡᱚᱴᱮᱫ ᱞᱟᱹᱜᱤᱫ ᱦᱚᱸ ᱠᱚ ᱵᱟᱨᱚᱱ ᱚᱜᱼᱟ ᱾ ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱢᱤᱫ ᱱᱚᱝᱠᱟᱱ ᱡᱚᱢᱟᱜ ᱡᱤᱱᱤᱥ ᱠᱟᱱᱟ, ᱡᱟᱦᱟᱸᱛᱮ ᱟᱹᱰᱤ ᱞᱚᱜᱚᱱ ᱤᱱᱯᱷᱮᱠᱥᱚᱱ ᱯᱟᱥᱱᱟᱣᱜ ᱨᱮᱭᱟᱜ ᱵᱚᱛᱚᱨ ᱛᱟᱦᱮᱸᱱᱟ ᱾

ᱱᱚᱝᱠᱟ ᱦᱚᱸ ᱢᱟᱱᱟᱣ ᱵᱟᱛᱟᱣ ᱨᱮ ᱢᱮᱱᱟᱜᱼᱟ ᱚᱛᱮ ᱱᱚᱝᱠᱟᱱ ᱡᱚᱢᱟᱜ ᱡᱤᱱᱤᱥ ᱫᱚ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱞᱤᱸᱜᱤᱱ ᱨᱮ ᱮᱴᱠᱮᱴᱚᱬᱮᱭ ᱟᱹᱜᱩᱭᱟ ᱟᱨ ᱴᱷᱟᱠᱮᱫ ᱦᱚᱸᱭ ᱴᱷᱟᱠᱮᱫ ᱫᱟᱲᱮᱭᱟᱜᱼᱟ ᱾

ᱥᱟᱶᱛᱟ ᱟᱨ ᱞᱟᱠᱪᱟᱨ

ᱥᱮᱪᱮᱫ

ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱨᱮᱭᱟᱜ ᱥᱮᱪᱮᱫ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱟᱢᱮᱨᱤᱠᱟ ᱨᱮ ᱥᱮᱠᱥ ᱮᱡᱩᱠᱮᱥᱚᱱ ᱚᱠᱛᱚ ᱨᱮ ᱯᱟᱲᱦᱟᱣ ᱦᱩᱭᱩᱜᱼᱟ ᱾ ᱱᱤᱛᱚᱜ ᱱᱚᱣᱟ ᱯᱚᱲᱦᱚᱱ ᱠᱷᱚᱱ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱫᱚ ᱠᱩᱲᱮ ᱜᱤᱫᱽᱨᱟᱹ ᱠᱚ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱟᱨ ᱡᱩᱣᱟᱹᱱ ᱚᱠᱛᱚ ᱨᱮᱭᱟᱜ ᱠᱟᱛᱷᱟ ᱦᱟᱹᱴᱤᱧ ᱞᱟᱹᱜᱤᱫ ᱛᱮᱫᱚ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱟᱡᱤᱡ ᱡᱟᱱᱟᱢ ᱟᱭᱳᱭ ᱵᱟᱪᱷᱚᱱ ᱮᱭᱟ ᱾ ᱢᱤᱫ ᱱᱟᱭᱡᱤᱨᱤᱭᱟ ᱯᱚᱲᱦᱚᱱ ᱫᱚ ᱪᱟᱸᱫᱚᱠᱤᱭᱟᱹ ᱥᱮᱪᱮᱫ ᱫᱷᱚᱨᱚᱢ ᱨᱮ ᱞᱟᱛᱟᱨ ᱨᱮ ᱢᱮᱱᱟᱜ ᱛᱤᱱᱟᱹᱝ ᱜᱟᱱ ᱵᱤᱱᱤᱥᱲᱤᱭ ᱩᱫᱩᱜ ᱥᱚᱫᱚᱨ ᱟᱠᱟᱜᱼᱟ ᱺ " ᱕᱖% ᱨᱤᱱ ᱟᱭᱳᱼᱵᱟᱵᱟ, ᱕᱓% ᱨᱤᱱ ᱡᱚᱴᱟᱣ, ᱔᱖% ᱫᱚ ᱯᱚᱛᱚᱵ ᱠᱚ, ᱔᱔% ᱫᱚ ᱢᱟᱪᱮᱛ, ᱔᱕% ᱫᱚ ᱤᱱᱴᱚᱨᱱᱮᱴ, ᱟᱨ ᱕᱔% ᱫᱚ ᱦᱚᱲᱢᱚᱥᱟᱶᱟᱨ ᱛᱟᱞᱢᱟ" ᱨᱮᱭᱟᱜ ᱢᱟᱵᱽᱞᱟ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱚᱨᱥᱚᱝ ᱵᱟᱡᱟᱣᱜᱼᱟ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱥᱮᱪᱮᱫ ᱾ ᱪᱟᱸᱫᱚᱠᱤᱭᱟᱹ ᱫᱷᱚᱨᱚᱢ ᱤᱫᱤ ᱠᱟᱛᱮ ᱥᱟᱯᱷᱟ ᱟᱨ ᱴᱷᱟᱹᱣᱠᱟᱹ ᱥᱟᱺᱦᱤᱡ ᱵᱟᱰᱟᱭ ᱞᱟᱹᱜᱤᱫ ᱜᱤᱫᱽᱨᱟᱹ ᱟᱨ ᱦᱟᱨᱟᱛᱚᱨᱟ ᱠᱚ ᱪᱟᱞ ᱟᱠᱚ ᱞᱟᱹᱜᱤᱫ ᱫᱚ ᱢᱤᱫ ᱱᱟᱯᱟᱭ ᱥᱮᱪᱮᱫ ᱠᱟᱹᱢᱤᱦᱚᱨᱟ ᱨᱮᱭᱟᱜ ᱞᱟᱹᱠᱛᱤ ᱢᱮᱱᱟᱜᱼᱟ ᱾

ᱟᱨ ᱦᱚᱸ ᱧᱮᱞ ᱢᱮ

https://en.m.wikipedia.org/wiki/Arunachalam_Muruganantham

https://en.m.wikipedia.org/wiki/Female_cosmetic_coalitions

https://en.m.wikipedia.org/wiki/Grandmother_hypothesishttps://en.m.wikipedia.org/wiki/Grandmother_hypothesishttps://en.m.wikipedia.org/wiki/Grandmother_hypothesis

https://en.m.wikipedia.org/wiki/Menophilia

https://en.m.wikipedia.org/wiki/Menstrual_hygiene_day

https://en.m.wikipedia.org/wiki/Tampon_tax

https://en.m.wikipedia.org/wiki/The_Story_of_Menstruation

https://en.m.wikipedia.org/wiki/Vagina_and_vulva_in_art

ᱥᱟᱹᱠᱷᱭᱟᱹᱛ

http://www.metaformia.org/articles/emergence-of-metaformic-consciousness/

https://books.google.com/books?id=YvxLmta7Yb0C&pg=PA232

https://www.ncbi.nlm.nih.gov/pubmed/5419031

https://doi.org/10.1016%2Fs0895-4356%2899%2900202-4

https://books.google.com/?id=W1LAL2MzfOEC&pg=PA78&dq=menstruation+as+powerful#v=onepage&q=menstruation+as+powerful&f=false

ᱵᱟᱦᱨᱮ ᱡᱚᱱᱚᱲ

http://www.mum.org/

http://www.arhp.org/healthcareproviders/resources/menstruationresources/index.cfm/