ᱞᱟᱡ ᱠᱮᱱᱥᱟᱨ (ᱤᱸᱞᱤᱥ ᱛᱮ Stomach cancer ᱟᱨ ᱵᱟᱝ gastric cancer),ᱵᱮᱢᱟᱨ ᱞᱟᱡ ᱨᱮᱱᱟᱜ ᱟᱹᱰᱤ ᱵᱷᱤᱛᱨᱤᱠᱷᱚᱱ ᱥᱤᱨᱡᱟᱹᱣᱼᱟ [᱑]᱾ ᱞᱟᱡ ᱨᱮᱱᱟᱜ ᱡᱟᱦᱟᱸ ᱵᱷᱟᱜ ᱨᱮᱜᱮ ᱠᱮᱱᱥᱟᱨ ᱞᱮᱱᱠᱷᱟᱱ ᱞᱟᱡ ᱠᱮᱱᱥᱟᱨ ᱵᱚᱱ ᱢᱮᱛᱟᱦᱟᱜᱼᱟ ᱾ᱠᱚᱲᱟᱢ ᱡᱚᱞᱟᱣ, ᱪᱮᱛᱟᱱ ᱞᱟᱡ ᱨᱮ ᱦᱟᱹᱥᱩ,ᱩᱞᱟᱹ,ᱵᱟᱝ ᱨᱮᱸᱜᱮᱡ,ᱠᱚᱫᱚ ᱱᱚᱣᱟ ᱵᱮᱢᱟᱨ ᱨᱮᱱᱟᱜ ᱮᱛᱚᱦᱚᱵ ᱞᱚᱠᱷᱚᱬ ᱠᱟᱱᱟ ᱾ ᱛᱟᱭᱚᱢ ᱛᱟᱭᱚᱢ ᱛᱮ ᱩᱡᱩᱱ ᱠᱚᱢ, ᱦᱟᱨᱛᱟ ᱥᱟᱥᱟᱝ,ᱩᱞᱟᱹ, ᱩᱫᱽ ᱨᱮ ᱦᱟᱨᱠᱮᱛ,ᱴᱟᱺᱰᱤ ᱨᱮ ᱢᱟᱭᱟᱢ ᱮᱢᱟᱱ ᱠᱚ ᱞᱚᱠᱳᱬ ᱧᱮᱞᱚᱜᱼᱟ[᱒] ᱾ ᱞᱟᱡ ᱠᱮᱱᱥᱟᱨ ᱜᱚᱴᱟ ᱦᱚᱲᱢᱚ ᱩᱪᱟᱹᱲᱚᱜ ᱨᱮᱱᱟᱜ ᱛᱟᱠ ᱛᱟᱦᱮᱱᱜᱮᱭᱟ (ᱢᱮᱴᱟᱥᱯᱟᱴᱤᱥᱤᱥ) ᱡᱮᱢᱚᱱ ᱠᱚᱞᱡᱟ, ᱯᱷᱩᱥ ᱯᱷᱩᱥ,ᱡᱟᱝ, ᱯᱮᱨᱤᱴᱳᱱᱤᱭᱚᱢ ᱮᱢᱟᱱᱠᱚ [᱓]
᱖᱐% [᱔][᱕] ᱠᱷᱚᱱ ᱡᱟᱹᱥᱛᱤ ᱦᱚᱲ ᱴᱷᱮᱫ ᱧᱮᱞ ᱦᱟᱠᱟᱱᱟ ᱱᱚᱣᱟ ᱵᱮᱢᱟᱨ ᱫᱚ ᱦᱮᱞᱤᱵᱟᱵᱟᱠᱴᱚᱨ ᱡᱤᱵᱟᱬᱩ ᱠᱷᱟᱹᱛᱤᱨ ᱱᱚᱣᱟ ᱵᱮᱢᱟᱨ ᱦᱩᱭᱩᱜ ᱠᱟᱱᱟ ᱾ ᱱᱩᱠᱩ ᱡᱤᱵᱟᱬᱩ ᱠᱷᱚᱱ ᱛᱤᱱᱟᱹᱜ ᱡᱤᱵᱟᱬᱩ ᱟᱹᱰᱤ ᱠᱚ ᱵᱚᱛᱚᱨᱟᱱ ᱜᱮᱭᱟᱠᱚ ᱾ᱯᱩᱸᱜᱤ ᱥᱤᱜᱟᱨᱮᱴ ᱧᱩ, ᱚᱴᱷᱤᱠᱟᱹᱬ ᱡᱚᱢ ᱧᱩ,ᱡᱚᱡᱚᱣᱟᱜ ᱡᱟᱹᱥᱛᱤ ᱡᱚᱢ ᱠᱚᱛᱮ ᱦᱚᱸ ᱱᱚᱣᱟ ᱵᱮᱢᱟᱨ ᱟᱨᱡᱟᱣᱜᱼᱟ ᱾ ᱑᱐% ᱵᱮᱢᱟᱨ ᱠᱚᱫᱚ ᱡᱷᱚᱛᱚ ᱜᱷᱟᱨᱸᱡ ᱨᱮ ᱛᱟᱦᱮᱱ ᱜᱮᱭᱟ, ᱤᱠᱷᱟᱹᱱ ᱑% ᱠᱷᱚᱱ ᱓% ᱫᱷᱟᱹᱵᱤᱡ ᱫᱚ ᱟᱭᱚ ᱵᱟᱵᱟ ᱵᱤᱫᱟᱹᱞ ᱜᱤᱫᱨᱟᱹ ᱴᱷᱮᱫ ᱩᱪᱟᱹᱲ ᱦᱟᱹᱡᱩᱜᱼᱟ, ᱦᱮᱨᱮᱰᱤᱴᱟᱨᱭ ᱰᱤᱯᱷᱭᱩᱡ ᱜᱭᱥᱴᱨᱤᱠ ᱠᱮᱱᱥᱟᱨ ᱢᱤᱫᱴᱟᱹᱜ ᱚᱱᱠᱟᱱ ᱠᱮᱱᱥᱟᱨ ᱠᱟᱱᱟ ᱾ᱞᱟᱡ ᱨᱮ ᱟᱰᱤ ᱞᱮᱠᱟᱱ ᱠᱮᱱᱥᱟᱨ ᱵᱮᱢᱟᱨ ᱢᱮᱱᱟᱜᱼᱟ ᱚᱱᱟ ᱠᱷᱚᱱ ᱡᱟᱹᱥᱛᱤ ᱫᱚ ᱜᱭᱟᱥᱴᱨᱤᱠ ᱠᱮᱱᱥᱟᱨ ᱿ ᱞᱤᱢᱯᱷᱳᱢᱟ ᱟᱨ ᱵᱟᱝ ᱢᱮᱥᱮᱱᱠᱟᱭᱢᱟᱞ ᱴᱭᱩᱢᱚᱨ ᱦᱚᱸ ᱞᱟᱡ ᱨᱮᱜᱮ ᱦᱩᱭᱩᱜᱼᱟ ᱾ ᱟᱹᱰᱤᱜᱟᱱ ᱚᱠᱛᱚ ᱞᱟᱡ ᱠᱮᱱᱥᱟᱨ ᱢᱤᱫᱴᱟᱝ ᱫᱷᱟᱯ ᱠᱷᱚᱱ ᱟᱨ ᱢᱤᱫᱴᱟᱝ ᱫᱷᱟᱯ ᱥᱮᱴᱮᱨᱚᱜ ᱞᱟᱹᱜᱤᱫ ᱟᱹᱰᱤ ᱥᱮᱨᱢᱟ ᱚᱠᱛᱚ ᱞᱟᱜᱟᱣᱼᱟ [᱕] ᱾ ᱮᱱᱰᱳᱥᱠᱳᱯᱤ ᱡᱚᱦᱚᱜ ᱵᱟᱭᱚᱥᱯᱤ ᱦᱟᱜ ᱜᱚᱲᱚ ᱛᱮ ᱱᱚᱣᱟ ᱵᱮᱢᱟᱨ ᱠᱚ ᱵᱟᱰᱟᱭ ᱧᱟᱢ ᱫᱟᱲᱮ ᱦᱟᱜᱼᱟ ᱾ ᱚᱱᱟ ᱛᱟᱭᱚᱢ ᱢᱮᱴᱟᱥᱴᱟᱥᱤᱥ ᱠᱟᱛᱮᱫ ᱦᱚᱲᱢᱚ ᱨᱮ ᱟᱨ ᱚᱠᱟ ᱠᱚᱨᱮ ᱱᱚᱣᱟ ᱵᱮᱢᱟᱨ ᱦᱩᱭ ᱠᱚᱣᱟᱜ ᱠᱚ ᱪᱤᱱᱷᱟᱹᱣᱼᱟ ᱾[᱒] ᱡᱟᱯᱟᱱ ᱟᱨ ᱠᱚᱸᱡᱮ ᱠᱳᱨᱤᱭᱟ ᱱᱚᱣᱟ ᱵᱟᱨᱭᱟ ᱫᱤᱥᱚᱢ ᱨᱮ ᱡᱷᱚᱛᱚ ᱠᱷᱚᱱ ᱡᱟᱹᱥᱛᱤ ᱞᱟᱹᱡ ᱠᱮᱱᱥᱟᱨ ᱨᱩᱜᱤ ᱢᱮᱱᱟᱜ ᱠᱚᱣᱟ ᱾[᱕]
ᱯᱩᱸᱜᱤ ᱧᱩ ᱠᱚ ᱵᱟᱹᱜᱤ ᱞᱮᱠᱷᱟᱱ ᱰᱟᱠᱛᱚᱨ ᱢᱮᱱ ᱦᱟᱡᱠᱟᱫ ᱞᱮᱠᱟᱱᱟᱜ ᱡᱚᱢ ᱞᱮᱠᱷᱟᱱ [Mediterranean diet] ᱠᱮᱱᱥᱟᱨ ᱧᱟᱧᱟᱢ ᱠᱚᱢᱚᱜᱼᱟ | ᱮᱪ ᱯᱟᱭᱞᱳᱨᱤᱡᱤᱵᱟᱬᱩ ᱛᱤᱠᱪᱷᱟᱹ ᱞᱮᱠᱷᱟᱱ ᱦᱟᱯᱮᱱ ᱫᱤᱱ ᱠᱚᱨᱮ ᱠᱮᱱᱥᱟᱨ ᱧᱟᱢ ᱨᱮᱱᱟᱜ ᱵᱚᱛᱚᱨ ᱠᱚᱢᱚᱜᱼᱟ[᱕][᱖]। ᱞᱟᱜᱮ ᱚᱠᱛᱚ ᱡᱟᱹᱱᱤ ᱛᱤᱠᱪᱷᱟᱹ ᱠᱟᱛᱮᱫ ᱟᱹᱰᱤᱜᱟᱱ ᱨᱩᱜᱤ ᱠᱚ ᱵᱮᱥ ᱨᱩᱣᱟᱹᱲ ᱦᱟᱠᱟᱱᱟ [᱕] ᱿ ᱚᱯᱨᱮᱥᱚᱱ, ᱠᱮᱢᱳᱛᱷᱮᱨᱟᱯᱤ ᱟᱨ ᱴᱟᱨᱜᱮᱴᱮᱰ ᱛᱷᱮᱨᱟᱯᱤ ᱢᱮᱥᱟ ᱠᱟᱛᱮᱫ ᱱᱚᱣᱟ ᱠᱚ ᱛᱤᱠᱪᱷᱟᱹ ᱭᱟ ᱿[᱒] ᱵᱤᱞᱚᱢ ᱞᱮᱱᱠᱷᱟᱱ ᱯᱟᱞᱤᱭᱮᱴᱤᱵᱷ ᱫᱟᱨᱟᱭ ᱛᱮ ᱠᱚ ᱛᱤᱠᱪᱷᱟᱹᱭᱟ ᱾ᱫᱷᱟᱹᱨᱛᱤᱨᱮ ᱢᱚᱬᱮ ᱥᱮᱨᱢᱟ ᱟᱹᱭᱩ ᱨᱮᱱᱟᱜ ᱡᱤᱣᱤᱫ ᱦᱟᱨ ᱫᱚ ᱑᱐% ᱠᱷᱚᱱ ᱦᱚᱸ ᱠᱚᱢ ᱜᱮᱭᱟ ᱾ ᱵᱤᱞᱚᱢ ᱛᱮ ᱵᱮᱢᱟᱨ ᱨᱮᱱᱟᱜ ᱪᱤᱱᱷᱟᱹᱣ ᱩᱱᱟᱹᱜ ᱵᱟᱹᱲᱤᱡ ᱚᱨᱡᱚ ᱨᱮᱱᱟᱜ ᱠᱟᱱᱟ ᱿ ᱟᱢᱮᱨᱤᱠᱟ ᱨᱮ ᱢᱚᱬᱮ ᱥᱮᱨᱢᱟ ᱡᱤᱭᱱ ᱟᱹᱭᱩ ᱫᱚ ᱒᱘% ᱢᱮᱱᱟᱜᱼᱟ[᱗] ᱿ ᱠᱚᱸᱡᱮ ᱠᱳᱨᱤᱭᱟ ᱨᱮ ᱱᱚᱣᱟ ᱖᱕% ᱢᱮᱱᱟᱜᱼᱟ [᱕] ᱿
ᱫᱷᱟᱹᱨᱛᱤ ᱨᱮ ᱡᱟᱦᱟᱸᱛᱤᱱᱟᱹᱜ ᱠᱮᱱᱥᱟᱨ ᱵᱮᱢᱟᱨ ᱧᱟᱢ ᱦᱟᱠᱟᱱᱟ ᱚᱱᱟ ᱢᱩᱫ ᱨᱮ ᱞᱟᱡ ᱠᱮᱱᱥᱟᱨ ᱨᱮᱱᱟᱜ ᱴᱷᱟᱶ ᱫᱚ ᱢᱚᱬᱮ ᱟᱱᱟᱝ (᱗%) ᱢᱮᱱᱟᱜᱼᱟ [᱘]᱾ ᱒᱐᱑᱒ ᱥᱟᱞ ᱨᱮ ᱙᱕᱐,᱐᱐᱐ ᱦᱚᱲ ᱱᱚᱣᱟ ᱵᱮᱢᱟᱨ ᱨᱮᱠᱚ ᱯᱟᱲᱟᱣ ᱞᱮᱱᱟ ᱟᱨ ᱗᱒᱓,᱐᱐᱐ ᱦᱚᱲ ᱠᱚ ᱜᱚᱡ ᱞᱮᱱᱟ [᱘] ᱿᱑᱙᱓᱐ ᱜᱮᱞ ᱟᱱᱟᱝ ᱢᱟᱬᱟᱝ ᱨᱮ ᱟᱢᱮᱨᱤᱠᱟ ᱟᱨ ᱤᱸᱞᱚᱰ ᱨᱮ ᱱᱚᱣᱟ ᱵᱮᱢᱟᱨ ᱨᱮ ᱡᱟᱹᱥᱛᱤ ᱠᱚ ᱜᱚᱡ ᱞᱮᱱᱟ ᱾[᱙][᱑᱐][᱑᱑] ᱚᱱᱟ ᱛᱟᱭᱚᱢ ᱱᱚᱣᱟ ᱵᱮᱢᱟᱨ ᱛᱮ ᱜᱩᱡᱩᱜ ᱦᱚᱲ ᱠᱚ ᱠᱚᱢ ᱤᱫᱤ ᱦᱟᱠᱟᱱᱟ ᱾ [᱕]ᱨᱮᱯᱷᱨᱤᱡᱮᱨᱮᱴᱚᱨ ᱩᱰᱩᱠᱮᱱ ᱛᱟᱭᱚᱢ ᱵᱩᱞᱩᱝ ᱟᱨ ᱡᱚᱡᱚ ᱟᱪᱟᱨ ᱡᱚᱢ ᱠᱚ ᱠᱚᱢ ᱤᱫᱤ ᱦᱟᱠᱟᱫ ᱠᱷᱟᱹᱛᱤᱨ ᱱᱚᱣᱟ ᱵᱮᱢᱟᱨ ᱠᱚᱢ ᱦᱟᱠᱟᱱᱟ ᱢᱮᱱᱛᱮᱫ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ[᱑᱒] ᱾ ᱥᱟᱢᱟᱝ ᱮᱥᱤᱭᱟ ᱟᱨ ᱥᱟᱢᱟᱝ ᱭᱩᱨᱳᱯ ᱨᱮ ᱞᱟᱡ ᱠᱟᱱᱥᱟᱨ ᱡᱟᱹᱥᱛᱤ ᱧᱤᱞᱚᱜᱼᱟ ᱾ ᱠᱩᱲᱤ ᱠᱷᱚᱱ ᱠᱚᱲᱟ ᱵᱟᱨ ᱜᱩᱬ ᱡᱟᱥᱛᱤ ᱱᱚᱣᱟ ᱵᱮᱢᱟᱨ ᱧᱟᱢ ᱠᱚᱣᱟ ᱾ [᱕] ᱫᱷᱟᱹᱛᱤ ᱨᱮ ᱡᱟᱣ ᱥᱮᱨᱢᱟ ᱗ ᱞᱟᱠᱷ ᱦᱚᱲ ᱠᱚ ᱜᱩᱡᱩᱜ ᱠᱟᱱᱟ ᱾ ᱱᱚᱣᱟ ᱵᱮᱢᱟᱨ ᱧᱟᱢ ᱞᱮᱱᱠᱷᱟᱸ ᱕ ᱥᱮᱨᱢᱟ ᱫᱷᱟᱹᱵᱤᱡ ᱵᱟᱸᱪᱟᱣ ᱨᱩᱜᱤ ᱫᱚ ᱑᱕% ᱠᱷᱚᱱ ᱦᱚᱸ ᱠᱚᱢ ᱜᱮᱭᱟ, ᱪᱮᱫᱟᱜ ᱥᱮ ᱟᱹᱰᱤ ᱵᱤᱞᱚᱢ ᱨᱮ ᱰᱟᱠᱛᱚᱨ ᱦᱮᱡ ᱠᱟᱛᱮᱫ ᱨᱩᱜᱤ ᱧᱮᱞ ᱠᱚᱣᱟᱭ ᱾

Adenocarcinoma of the stomach

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "Stomach (Gastric) Cancer". NCI. Retrieved 1 July 2014.
  2. ᱒.᱐ ᱒.᱑ ᱒.᱒ "Gastric Cancer Treatment (PDQ®)". NCI. 2014-04-17. Retrieved 1 July 2014.
  3. Ruddon, Raymond W. (2007). Cancer biology (4th ed.). Oxford: Oxford University Press. p. 223. ISBN 9780195175431.
  4. Sim, edited by Fiona; McKee, Martin (2011). Issues in public health (2nd ed.). Maidenhead: Open University Press. p. 74. ISBN 9780335244225. {{cite book}}: |first1= has generic name (help)
  5. ᱕.᱐ ᱕.᱑ ᱕.᱒ ᱕.᱓ ᱕.᱔ ᱕.᱕ ᱕.᱖ ᱕.᱗ World Cancer Report 2014. World Health Organization. 2014. pp. Chapter 5.4. ISBN 9283204298.
  6. "Stomach (Gastric) Cancer Prevention (PDQ®)". NCI. 2014-02-27. Retrieved 1 July 2014.
  7. "SEER Stat Fact Sheets: Stomach Cancer". NCI. Retrieved 18 June 2014.
  8. ᱘.᱐ ᱘.᱑ "Chapter 1.1". World Cancer Report 2014. World Health Organization. 2014. ISBN 9283204298.
  9. Hochhauser, Jeffrey Tobias, Daniel (2010). Cancer and its management (6th ed.). Chichester, West Sussex, UK: Wiley-Blackwell. p. 259. ISBN 9781444306378.
  10. Khleif, Edited by Roland T. Skeel, Samir N. (2011). Handbook of cancer chemotherapy (8th ed.). Philadelphia: Wolter Kluwer. p. 127. ISBN 9781608317820. {{cite book}}: |first1= has generic name (help)
  11. Joseph A Knight (2010). Human Longevity: The Major Determining Factors. Author House. p. 339. ISBN 9781452067223.
  12. Moore, edited by Rhonda J.; Spiegel, David (2004). Cancer, culture, and communication. New York: Kluwer Academic. p. 139. ISBN 9780306478857. {{cite book}}: |first1= has generic name (help)