ᱞᱟᱦᱟᱜ ᱦᱚᱨ ᱨᱮ

(ᱚᱱᱚᱞᱤᱭᱟᱹ :- ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ)

ᱨᱤᱢᱤᱞ ᱧᱩᱛᱟᱹᱛ ᱠᱟᱲᱟᱝ ᱠᱟᱲᱟᱝ ᱟᱸᱡᱚᱢ ᱦᱤᱡᱩᱜ ᱢᱩᱦᱤᱢ ᱟᱲᱟᱝ ᱮᱱᱦᱚᱸ ᱦᱳᱭᱳᱜ ᱞᱟᱦᱟᱜ ᱾ ᱦᱚᱨ ᱫᱚ ᱱᱚᱜ-ᱚᱭ ᱞᱮᱸᱡᱮᱫ ᱟᱠᱟᱱ ᱜᱷᱩᱴᱩ ᱜᱷᱟᱨᱟᱝ ᱮᱠᱟᱞ ᱟᱠᱟᱱ ᱡᱟᱸᱜᱟ ᱠᱤᱱ ᱦᱚᱸ ᱨᱟᱦᱟ ᱾᱾

ᱪᱤᱞᱤ ᱛᱟᱹᱱᱤᱪ ᱨᱟᱜ ᱮ ᱞᱮᱠᱟ ᱟᱸᱡᱚᱢ ᱧᱟᱢᱚᱜ ᱫᱚᱠᱷᱤᱱ ᱱᱟᱠᱷᱟ ᱡᱟᱹᱯᱤᱫ ᱥᱟᱲᱟ ᱥᱟᱛᱤᱸᱧ ᱾ ᱡᱤᱣᱤ ᱡᱟᱜᱮ ᱪᱩᱢᱩᱞ ᱪᱩᱢᱩᱞ ᱵᱩᱡᱷᱟᱹᱣ ᱧᱟᱢᱮᱱ ᱪᱮᱛᱟᱛ ᱩᱢᱩᱞ ᱢᱚᱱᱮᱧ ᱩᱨᱤᱪ ᱠᱟᱛᱤᱧ ᱾᱾

ᱦᱚᱭᱮᱫ ᱠᱟᱱᱟᱭ ᱨᱮᱭᱟᱲ ᱨᱟᱵᱟᱝ ᱱᱟᱯᱟᱭ ᱫᱚᱨᱮ ᱚᱠᱟ ᱜᱮ ᱵᱟᱝ ᱦᱚᱲᱢᱚ ᱴᱩᱠᱩᱨ ᱴᱩᱠᱩᱨ ᱾ ᱞᱟᱦᱟ ᱛᱟᱭᱱᱚᱢ ᱫᱮᱱᱮ ᱵᱟᱱᱟᱨ ᱧᱮᱞᱚᱜ ᱟ ᱵᱟᱝ ᱟᱱᱟᱨ ᱵᱟᱱᱟᱨ ᱫᱤᱥᱚᱢ ᱫᱚᱨᱮ ᱩᱠᱩᱨ ᱾᱾

ᱛᱟᱲᱟᱢ ᱦᱩᱭᱩᱜ ᱛᱤᱢᱤᱱ ᱥᱟᱺᱜᱤᱧ ? ᱚᱠᱚᱭ ᱞᱟᱹᱭᱟᱹᱧ ? ᱚᱠᱚᱭ ᱛᱟᱺᱜᱤᱧ ? ᱦᱚᱲ ᱫᱚᱧ ᱞᱟᱸᱜᱟ ᱮᱱᱟ ᱾ ᱜᱚᱜᱚᱝ ᱥᱟᱱᱟᱸᱧ ᱟᱸᱫᱮᱥᱟᱛᱮ ᱚᱠᱚᱭ ᱞᱟᱹᱭᱟᱹᱧ ᱪᱮᱨᱮᱪ ᱠᱟᱛᱮᱜ ᱱᱚᱜ-ᱚᱭ ᱟᱸᱜᱟᱭᱮᱱᱟ ᱾᱾