ᱞᱟᱭᱥᱨᱟᱢ ᱥᱚᱨᱤᱛᱟ ᱫᱮᱵᱤ
ᱞᱟᱭᱥᱨᱟᱢ ᱥᱚᱨᱤᱛᱟ ᱫᱮᱵᱤ (ᱡᱟᱱᱟᱢ ᱑ ᱢᱟᱨᱪ ᱑᱙᱘᱕) ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱢᱚᱬᱤᱯᱩᱨ ᱯᱚᱱᱚᱛ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱵᱚᱠᱥᱚᱨ ᱠᱟᱱᱟᱭ ᱾ ᱞᱟᱭᱤᱴᱣᱮᱴ ᱦᱟ.ᱴᱤᱧ ᱨᱮ ᱱᱩᱭ ᱫᱚ ᱡᱟ.ᱛᱤᱭᱟ.ᱨᱤ ᱪᱟᱢᱯᱤᱭᱚᱱ ᱥᱟᱶᱛᱮ ᱟᱭᱟᱨ ᱡᱮᱜᱮᱛ ᱪᱟᱢᱯᱤᱭᱚᱱ ᱠᱟᱱᱟᱭ ᱾[᱑]᱒᱐᱐᱙ ᱥᱟᱞᱮᱨᱮ ᱟᱡ ᱫᱚ ᱚᱨᱡᱩᱱ ᱥᱤᱨᱯᱷᱟ. ᱛᱮᱭ ᱢᱟ.ᱱ ᱦᱟᱞᱟᱝ ᱟᱠᱟᱱᱟ ᱾[᱒]
ᱦᱟᱨᱟ ᱵᱩᱨᱩ
ᱥᱟᱯᱲᱟᱣᱥᱤᱧᱚᱛ ᱫᱤᱥᱚᱢ ᱢᱚᱬᱤᱯᱩᱨ ᱯᱚᱱᱚᱛ ᱛᱷᱳᱩᱵᱚᱞ ᱡᱤᱞᱟ ᱛᱷᱳᱩᱵᱚᱞ ᱠᱷᱩᱱᱚᱩ ᱟ.ᱛᱩᱨᱮ ᱢᱤᱫᱴᱟ.ᱝ ᱪᱟ.ᱥᱤ ᱚᱲᱟᱜ ᱨᱮ ᱡᱟᱱᱟᱢ ᱟᱠᱟᱱᱟᱭ ᱾ ᱡᱚᱛᱚᱨᱮ ᱟᱠᱚ ᱫᱚ ᱤᱨᱟ.ᱞ ᱜᱚᱴᱟᱝ ᱵᱚᱭᱦᱟ ᱾ ᱛᱩᱨᱩᱭ ᱟᱱᱟᱝ ᱜᱤᱫᱽᱨᱟ. ᱫᱚ ᱥᱚᱨᱤᱛᱟ ᱫᱮᱵᱤ ᱾ ᱟᱭᱳ ᱵᱟᱵᱟ ᱪᱟᱥ ᱠᱟ.ᱢᱤ ᱠᱤᱱ ᱟᱬᱜᱚᱱ ᱨᱮ ᱚᱲᱟᱜ ᱞᱟ.ᱜᱤᱫ ᱫᱟᱠᱟ ᱩᱛᱩ ᱪᱚᱸᱫᱟ ᱥᱟᱦᱟᱱ ᱥᱟᱠᱟᱢ ᱮ ᱦᱟᱞᱟᱝ ᱛᱟᱦᱮᱸᱱ ᱜᱤᱫᱽᱨᱟ. ᱠᱷᱚᱱ ᱾ ᱚᱱᱠᱟ ᱠᱟ.ᱢᱤ ᱠᱟ.ᱢᱤ ᱛᱮᱜᱮ ᱟᱡᱟᱜ ᱦᱚᱲᱢᱚ ᱫᱚ ᱟ.ᱰᱤ ᱠᱮᱴᱮᱡ ᱮᱱᱟ ᱾ ᱠᱮᱴᱮᱡ ᱦᱚᱲᱢᱚ ᱜᱮ ᱵᱚᱠᱥᱤᱝ ᱠᱷᱤᱞᱚᱸᱰ ᱨᱮ ᱞᱟᱜᱟᱛ ᱮᱱᱟ ᱾[᱓]ᱣᱟᱭᱤᱛᱷᱟᱩ ᱢᱟᱯᱟᱞ ᱛᱟᱱᱟᱞᱟ ᱤᱛᱩᱱ ᱟᱥᱲᱟ ᱨᱮ ᱤᱨᱟ.ᱞ ᱪᱟᱱᱚᱪ ᱥᱟ.ᱛ ᱠᱟᱛᱮ ᱵᱟᱞ ᱵᱤᱫᱭᱟ ᱢᱚᱸᱫᱤᱨ ᱛᱷᱟᱩᱵᱳᱞ ᱛᱟᱱᱟᱞᱟ ᱤᱛᱩᱱ ᱟᱥᱲᱟ ᱨᱮ ᱵᱷᱩᱨᱛᱤ ᱮᱱᱟᱭ ᱾ ᱚᱱᱰᱮ ᱛᱟᱱᱟᱞᱟᱭ ᱥᱟ.ᱛ ᱠᱮᱜᱼᱟ ᱾ ᱛᱟᱭᱚᱡ ᱵᱚᱠᱥᱤᱝ ᱠᱷᱤᱞᱚᱸᱰ ᱦᱮᱯᱨᱟᱣ ᱛᱚᱸᱜᱮ ᱨᱮ ᱛᱟᱦᱮᱸ ᱮᱱᱛᱮ ᱪᱮᱛᱟᱱ ᱛᱟᱱᱟᱞᱟ ᱫᱚ ᱚᱲᱟᱜ ᱠᱷᱚᱱ ᱯᱟᱲᱦᱟᱣ ᱠᱟᱛᱮ ᱥᱟ.ᱛ ᱠᱮᱜᱼᱟᱭ ᱾[᱓]
ᱠᱷᱮᱞᱚᱸᱰ ᱮᱱᱮᱢ
ᱥᱟᱯᱲᱟᱣᱜᱤᱫᱽᱨᱟ. ᱠᱷᱚᱱ ᱜᱮ ᱥᱚᱨᱤᱛᱟ ᱫᱮᱵᱤ ᱫᱚ ᱡᱮᱜᱮᱛᱟ.ᱨᱤ ᱵᱚᱠᱥᱚᱨ ᱢᱚᱦᱢᱚᱫ ᱚᱞᱤ ᱟᱜ ᱵᱚᱠᱥᱤᱝ ᱰᱟᱦᱟᱨ ᱮ ᱠᱩᱥᱤᱭᱟᱜ ᱛᱟᱦᱮᱸᱜ ᱾ ᱩᱱᱤᱭᱟᱜ ᱵᱚᱠᱥᱤᱝ ᱰᱟᱦᱟᱨ ᱛᱮᱜᱮ ᱟᱡ ᱦᱚᱸᱭ ᱵᱚᱠᱥᱤᱝ ᱟᱭ ᱢᱮᱱᱛᱮ ᱢᱚᱱᱮᱛᱮ ᱴᱷᱟ.ᱣᱠᱟ ᱠᱮᱜᱼᱟ ᱾ ᱚᱱᱟ ᱰᱟᱦᱟᱨ ᱛᱮ ᱛᱟᱲᱟᱢ ᱠᱟᱛᱮ ᱜᱮ ᱒᱐᱐᱐ ᱥᱟᱞ ᱛᱮᱫᱚ ᱢᱤᱫ ᱧᱩᱛᱩᱢᱟᱱ ᱵᱚᱠᱥᱚᱨ ᱮ ᱵᱮᱱᱟᱣ ᱮᱱᱟ ᱾ ᱚᱱᱟ ᱥᱮᱨᱢᱟ ᱜᱮ ᱥᱤᱧᱚᱛ ᱫᱤᱥᱚᱢ ᱡᱟ.ᱛᱤᱭᱟ.ᱨᱤ ᱵᱚᱠᱥᱤᱝ ᱴᱤᱢ ᱨᱮ ᱥᱮᱞᱮᱫ ᱠᱟᱛᱮ ᱵᱮᱸᱠᱚᱠ ᱨᱮ ᱦᱩᱭ ᱞᱮᱱ ᱮᱥᱤᱭᱟᱱ ᱵᱚᱠᱥᱤᱝ ᱠᱷᱤᱞᱚᱸᱰ ᱨᱮ ᱫᱟᱣ ᱮ ᱦᱟᱛᱟᱣ ᱞᱮᱜᱼᱟ ᱾ ᱟᱡᱟᱜ ᱦᱚᱲᱢᱚ ᱦᱟᱢᱟᱞ ᱦᱟ.ᱴᱤᱧ ᱵᱚᱠᱥᱤᱝ ᱦᱮᱯᱨᱟᱣ ᱨᱮ ᱚᱸᱰᱮ ᱫᱚᱥᱟᱨ ᱥᱤᱨᱯᱷᱟ.ᱭ (Silver Medal) ᱟᱢᱮᱴ ᱞᱮᱜᱼᱟ ᱾[᱔]ᱚᱱᱟ ᱛᱟᱭᱚᱢ ᱟᱭᱢᱟ ᱡᱟᱭᱜᱟ ᱦᱮᱯᱨᱟᱣ ᱨᱮ ᱟ.ᱰᱤ ᱟ.ᱰᱤ ᱥᱤᱨᱯᱷᱟ.ᱭ ᱧᱟᱢ ᱞᱮᱜᱼᱟ ᱾ ᱒᱐᱐᱖ ᱨᱮ ᱱᱟᱣᱟ ᱫᱤᱞᱤ ᱠᱚᱢᱚᱱᱣᱮᱞᱛᱷ ᱵᱚᱠᱥᱤᱝ ᱦᱮᱯᱨᱟᱣ ᱨᱮ ᱯᱩᱭᱞᱩ ᱥᱤᱨᱯᱷᱟ.(Gold Medal ) ᱮ ᱟᱢᱮᱴ ᱞᱮᱜᱼᱟ ᱾ ᱒᱐᱐᱕ ᱥᱟᱞ ᱨᱮ ᱨᱩᱥᱤᱭᱟ ᱨᱮ ᱦᱩᱭ ᱞᱮᱱ ᱛᱮᱥᱟᱨ ᱟᱱ ᱫᱷᱟ.ᱨᱛᱤ ᱡᱟᱠᱟᱛ ᱠᱩᱲᱤ ᱦᱚᱯᱚᱱ ᱵᱚᱠᱥᱤᱝ ᱦᱮᱯᱨᱟᱣ ᱨᱮ ᱛᱮᱥᱟᱨ ᱥᱤᱨᱯᱷᱟ.ᱭ (Bronze Medal) ᱟᱢᱮᱴ ᱞᱮᱜᱼᱟ ᱾ ᱚᱱᱟ ᱨᱟ.ᱥᱠᱟ. ᱛᱮ ᱢᱚᱬᱤᱯᱩᱨ ᱥᱟᱨᱠᱟᱨ ᱫᱚ ᱥᱚᱵ-ᱤᱱᱥᱯᱮᱠᱴᱚᱨ ᱯᱚᱫᱽ ᱢᱚᱬᱤᱯᱩᱨ ᱯᱩᱞᱤᱥ ᱨᱮ ᱥᱚᱨᱤᱛᱟ ᱫᱮᱵᱤ ᱠᱚ ᱦᱟᱛᱟᱣ ᱠᱮᱫᱮᱭᱟ ᱾ ᱒᱐᱑᱐ ᱥᱟᱞ ᱨᱮ ᱰᱮᱯᱩᱴᱤ ᱥᱩᱯᱚᱨᱤᱱᱴᱮᱸᱰᱮᱸᱴ ᱚᱯᱷ ᱯᱩᱞᱤᱥ (DSP) ᱯᱚᱫᱽ ᱛᱮᱠᱚ ᱯᱨᱳᱢᱳᱥᱚᱱ ᱠᱮᱫᱮᱭᱟ ᱾[᱕] ᱒᱐᱑᱔ ᱥᱟᱞ ᱨᱮ ᱜᱞᱟᱥᱠᱚ ᱠᱚᱢᱚᱱᱣᱮᱞᱛᱷ ᱵᱚᱠᱥᱤᱝ ᱦᱮᱯᱨᱟᱣ ᱨᱮ ᱫᱚᱥᱟᱨ ᱥᱤᱨᱯᱷᱟ.ᱭ ᱟᱢᱮᱴ ᱞᱮᱜᱼᱟ ᱾[᱖]
ᱥᱟ.ᱠᱷᱭᱟ.ᱛ
ᱥᱟᱯᱲᱟᱣ- ↑ "Laishram Sarita Devi defeats Alexandra Kuleshova of Russia in Boxing World Championships". sportskeeda.com. 11 September 2010. Retrieved 1 October 2014.
{{cite web}}: Italic or bold markup not allowed in:|publisher=(help) - ↑ "Mary Kom and Sarita Devi receive Awards". newstrackindia. 14 September 2009. Archived from the original on 6 October 2014. Retrieved 7 March 2019.
- ↑ ᱓.᱐ ᱓.᱑ E-Pao!. "Laishram Sarita Devi - 'Arjuna Award' Awardee in the field of Women Boxing -". About Sarita Devi. E-Pao!. Retrieved 8 June 2012.
- ↑ "Woman boxer Laishram Sarita Devi crowned with Arjuna Award". oneindia.in. 29 August 2009. Retrieved 1 October 2014.
{{cite web}}: Italic or bold markup not allowed in:|publisher=(help) - ↑ "profile of sarita".
{{cite web}}: Cite has empty unknown parameter:|dead-url=(help) - ↑ "CWG Silver Medallist Boxer Sarita Devi To Quit After Olympics 2016". NDTV. 20 August 2014. Retrieved 1 October 2014.
{{cite web}}: Italic or bold markup not allowed in:|publisher=(help)