ᱞᱤᱭᱚ ᱴᱚᱞᱥᱴᱚᱭ
ᱞᱤᱭᱚ ᱴᱚᱞᱥᱴᱚᱭ ᱤᱝᱞᱤᱥ ᱛᱮ (Leo Tolstoy) (Лев Николаевич Толстой) (᱒᱘ ᱟᱜᱚᱥᱴ ᱑᱘᱒᱘ – ᱒᱐ ᱱᱚᱵᱷᱮᱢᱵᱚᱨ ᱑᱙᱑᱐) ᱫᱚ ᱢᱤᱫᱴᱟᱹᱝ ᱨᱩᱥ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱨᱩᱥ ᱥᱟᱶᱦᱮᱫ ᱨᱮᱱ ᱢᱟᱨᱟᱝ ᱚᱱᱚᱞᱤᱭᱟᱹ ᱚᱱᱟ ᱥᱟᱶ ᱫᱷᱟᱹᱨᱛᱤ ᱨᱮᱱ ᱦᱚᱸ ᱢᱟᱨᱟᱝ ᱚᱱᱚᱞᱤᱭᱟᱹ ᱠᱚ ᱞᱮᱠᱷᱟ ᱮᱭᱟ ᱾ ᱩᱱᱤᱭᱟᱜ ᱵᱟᱨᱭᱟ ᱟᱹᱰᱤ ᱧᱩᱛᱩᱢᱟᱱ ᱱᱚᱵᱷᱮᱞ ᱦᱩᱭᱩᱜ ᱠᱟᱱᱟ ᱚᱣᱟᱨ ᱮᱱᱫ ᱯᱤᱥ ᱟᱨ ᱟᱱᱱᱟ ᱠᱟᱨᱮᱱᱤᱱᱟ ᱾ ᱴᱚᱞᱥᱴᱚᱭ ᱟᱜ ᱡᱟᱱᱟᱢ ᱫᱚ ᱛᱩᱞᱟ ᱯᱨᱚᱫᱮᱥ ᱨᱮᱱᱟᱜ ᱤᱭᱟᱥᱱᱟᱭᱟ ᱯᱚᱞᱤᱭᱟᱱᱟ ᱧᱩᱛᱩᱢᱟᱱ ᱡᱟᱜᱟ ᱨᱮ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱜᱷᱟᱨᱚᱸᱡᱽ ᱨᱮᱱ ᱮᱠᱞᱟ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱵᱟᱞᱮ ᱩᱢᱤᱨ ᱨᱮ ᱜᱮ ᱟᱡ ᱵᱟᱵᱟ ᱜᱚᱜᱚ ᱛᱟᱠᱤᱱ ᱫᱚ ᱠᱤᱱ ᱵᱚᱸᱜᱟ ᱛᱟᱞᱟ ᱮᱱᱟ ᱟᱨ ᱯᱮᱲᱟ ᱠᱚ ᱜᱮ ᱠᱚ ᱦᱟᱨᱟ ᱟᱠᱟᱫᱮᱭᱟ ᱾ ᱩᱱᱤ ᱫᱚ ᱱᱚᱵᱷᱮᱞ ᱪᱷᱟᱰᱟ ᱦᱚᱸ ᱱᱟᱴᱚᱠ, ᱯᱨᱚᱵᱚᱱᱫᱷ ᱚᱞ ᱠᱟᱛᱮᱜ ᱦᱚᱸ ᱟᱹᱰᱤ ᱧᱩᱛᱩᱢ ᱮ ᱟᱢᱮᱴ ᱟᱠᱟᱜᱼᱟ ᱾ ᱩᱱᱤ ᱫᱚ ᱱᱤᱣᱢᱚᱱᱤᱭᱟ ᱨᱩᱣᱟᱹ ᱧᱟᱢ ᱠᱟᱛᱮᱜᱼᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱑᱙᱑᱐ ᱥᱮᱨᱢᱟ ᱨᱮᱱᱟ ᱒᱐ ᱱᱚᱵᱷᱮᱢᱵᱚᱨ ᱨᱩᱥᱤᱭᱟᱹ ᱨᱮᱱᱟᱜ ᱟᱥᱛᱟᱯᱚᱵᱷᱟ ᱧᱩᱛᱩᱢᱟᱱ ᱢᱤᱫ ᱨᱮᱞ ᱮᱥᱴᱮᱥᱚᱱ ᱨᱮ ᱨᱩᱣᱟᱹ ᱧᱟᱢ ᱠᱮᱫᱮᱭᱟ ᱟᱨ ᱛᱟᱭᱚᱢ ᱛᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱩᱱᱤ ᱜᱚᱡ ᱛᱟᱭᱚᱢ ᱑᱙᱒᱘ – ᱑᱙᱕᱘ ᱥᱮᱨᱢᱟ ᱨᱩᱥᱤᱭᱟ ᱨᱮ ᱩᱱᱤᱭᱟᱜ ᱚᱞ ᱠᱚ ᱙᱐ ᱦᱟᱹᱴᱤᱧ ᱨᱮ ᱩᱪᱷᱟᱹᱱ ᱮᱱᱟ ᱾
ᱚᱞᱚᱜ ᱡᱤᱭᱚᱱ
ᱥᱟᱯᱲᱟᱣᱟᱡᱟᱜ ᱠᱩᱨᱩᱢᱩᱴᱩ ᱛᱮ ᱴᱚᱞᱥᱴᱚᱭ ᱫᱚ ᱟᱭᱢᱟ ᱯᱟᱹᱨᱥᱤ ᱮ ᱪᱮᱫ ᱞᱮᱫᱼᱟ ᱾ ᱡᱮ ᱞᱮᱠᱟ ᱞᱟᱛᱤᱱ, ᱤᱝᱨᱮᱡᱤ, ᱟᱨᱵᱤᱠ, ᱤᱴᱟᱞᱤᱭᱚ, ᱩᱨᱛᱠᱳ–ᱛᱟᱛᱟᱨ, ᱜᱨᱤᱠ ᱟᱨ ᱦᱤᱵᱨᱩ ᱾ ᱥᱮᱨᱮᱧ ᱟᱨ ᱪᱷᱚᱵᱤ ᱟᱠᱟᱣ ᱦᱚᱸᱭ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱱᱟ ᱾
ᱟᱡᱟᱜ ᱡᱤᱭᱚᱱ
ᱥᱟᱯᱲᱟᱣᱢᱚᱱ ᱨᱮᱱᱟᱜ ᱫᱟᱲᱮ ᱥᱮᱡ ᱛᱮ ᱫᱚ ᱟᱹᱰᱤ ᱠᱮᱴᱮᱡᱼᱮ ᱛᱟᱦᱮᱸ ᱠᱟᱱᱟ ᱾ ᱟᱹᱰᱤ ᱢᱚᱡᱽ ᱥᱤᱠᱟᱨᱤ ᱟᱨ ᱟᱹᱰᱤ ᱴᱮᱲᱦᱟ (ᱮᱠ ᱜᱩᱭᱮ) ᱦᱚᱲᱮ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱫᱷᱟᱣ ᱥᱮᱸᱫᱽᱨᱟ ᱥᱮᱱ ᱠᱟᱛᱮ ᱢᱤᱫᱴᱟᱹᱝ ᱵᱟᱱᱟ ᱴᱷᱮᱱ ᱮ ᱨᱟᱹᱵᱩᱲ ᱚᱪᱚ ᱞᱮᱱᱟ ᱾ ᱢᱮᱫ ᱞᱟᱛᱟᱨ ᱠᱷᱚᱱ ᱡᱚᱦᱟ ᱥᱟᱱᱟᱢ ᱠᱚ ᱨᱟᱹᱵᱩᱲ ᱠᱷᱟᱞ ᱞᱮᱫ ᱛᱟᱭᱟ ᱾ ᱮᱱ ᱨᱮᱦᱚᱸ ᱵᱮᱥ ᱨᱩᱭᱟᱹᱲ ᱠᱟᱛᱮ ᱟᱵᱟᱨ ᱥᱮᱸᱫᱽᱨᱟ ᱪᱟᱞᱟᱣᱮᱱᱟ ᱟᱨ ᱩᱱᱤ ᱵᱟᱱᱟᱭ ᱜᱚᱡ ᱟᱹᱜᱩ ᱠᱮᱫᱮᱭᱟ ᱾ ᱦᱚᱲ ᱪᱮᱫ ᱠᱚ ᱢᱮᱱᱟ ᱚᱱᱟ ᱵᱟᱝ ᱟᱸᱡᱚᱢ ᱠᱟᱛᱮᱜ ᱟᱡ ᱚᱠᱟ ᱢᱚᱡᱮ ᱢᱚᱱᱮ ᱟᱠᱟᱫᱼᱟ ᱚᱱᱟ ᱜᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱡᱩᱣᱟᱹᱱ ᱩᱢᱮᱨ ᱨᱮ ᱫᱚ ᱟᱭᱢᱟᱭ ᱯᱟᱧᱪᱟ ᱵᱟᱲᱟ ᱞᱮᱫᱟ ᱟᱨ ᱟᱭᱢᱟ ᱫᱷᱚᱱ ᱥᱚᱢᱯᱚᱫ ᱦᱚᱸᱭ ᱱᱚᱥᱴᱚ ᱟᱠᱟᱫᱼᱟ ᱾ ᱯᱟᱹᱫᱽᱨᱤ ᱠᱚᱣᱟᱜ ᱵᱤᱨᱩᱫᱷ ᱨᱮᱭ ᱨᱚᱲᱮᱜ ᱛᱟᱦᱮᱱ ᱛᱮ ᱩᱱᱤ ᱫᱚ ᱤᱥᱟᱹᱭ ᱫᱷᱚᱨᱚᱢ ᱠᱷᱚᱱ ᱠᱚ ᱩᱰᱩᱠ ᱞᱮᱫᱮᱭᱟ ᱾ ᱚᱱᱟ ᱨᱮ ᱩᱱᱤ ᱨᱚᱲ ᱨᱩᱣᱟᱲ ᱞᱮᱫᱼᱟ ᱚᱠᱚᱭ ᱥᱤᱥᱤᱨᱡᱟᱹᱣᱤᱡ ᱟᱨ ᱡᱤᱥᱩ ᱤᱫᱤ ᱠᱟᱛᱮ ᱠᱚ ᱵᱮᱯᱟᱨᱤ ᱮᱫᱟ ᱩᱝᱠᱩ ᱠᱷᱚᱱ ᱫᱚ ᱤᱧ ᱥᱟᱭ ᱥᱟᱭ ᱰᱷᱮᱨ ᱫᱷᱟᱹᱨᱢᱤᱠ ᱤᱥᱟᱹᱭ ᱠᱟᱹᱱᱟᱹᱧ ᱾ ᱩᱱᱤ ᱛᱤᱱ ᱨᱮ ᱵᱚᱸᱜᱟ ᱛᱟᱞᱟᱭᱮᱱ ᱤᱱ ᱨᱮ ᱯᱟᱹᱫᱽᱨᱤ ᱠᱚ ᱠᱚ ᱦᱮᱡ ᱞᱮᱱᱟ ᱢᱮᱱᱠᱷᱟᱱ ᱵᱟᱠᱚ ᱥᱩᱨ ᱟᱪᱚᱣᱟᱜ ᱠᱚᱣᱟ ᱾ ᱫᱮᱥ ᱵᱤᱫᱮᱥ ᱨᱮᱱ ᱟᱭᱢᱟ ᱦᱚᱲ ᱜᱮ ᱩᱱᱤᱭᱟᱜ ᱜᱚᱡᱚᱜ ᱨᱮ ᱠᱚ ᱥᱮᱴᱮᱨ ᱞᱮᱱᱟ ᱢᱮᱱᱠᱷᱟ ᱫᱷᱚᱨᱚᱢ ᱨᱮᱱᱟᱜ ᱚᱠᱟ ᱟᱹᱨᱤ ᱦᱚᱸ ᱵᱟᱝ ᱢᱟᱱᱟᱣ ᱠᱟᱛᱮ ᱠᱚ ᱛᱚᱯᱟ ᱠᱟᱫᱮᱭᱟ ᱾ ᱩᱱᱤ ᱫᱚ ᱤᱱᱟᱹ ᱚᱠᱛᱮ ᱡᱟᱨ ᱟᱜ ᱠᱚᱪᱞᱚᱱ ᱵᱤᱨᱩᱫᱷ ᱨᱮᱦᱚᱸᱭ ᱨᱚᱲ ᱞᱮᱫᱼᱟ ᱾ ᱧᱤᱛᱩ ᱥᱮ ᱫᱟᱱᱟᱝ ᱧᱩᱛᱩᱢ ᱛᱮ ᱟᱭᱢᱟ ᱚᱞ ᱪᱷᱟᱯᱟ ᱞᱮᱱ ᱛᱟᱭᱟ ᱾ ᱢᱮᱱᱠᱷᱟᱱ ᱡᱟᱨ ᱫᱚ ᱩᱱᱤ ᱵᱤᱨᱩᱫᱷ ᱨᱮ ᱡᱟᱦᱟᱱ ᱵᱮᱵᱚᱥᱛᱷᱟ ᱵᱟᱭ ᱦᱟᱛᱟᱣ ᱞᱮᱫᱼᱟ ᱾ ᱵᱚᱛᱚᱨ ᱛᱟᱦᱮᱸ ᱠᱟᱱᱟ ᱯᱟᱥᱮᱡ ᱤᱱᱟ ᱛᱮ ᱟᱨᱦᱚᱸ ᱡᱷᱟᱢᱞᱟ ᱰᱷᱮᱨᱚᱜᱼᱟ ᱾ ᱟᱡᱟᱜ ᱡᱩᱢᱤᱫᱟᱨᱤ ᱨᱮ ᱤᱥᱠᱩᱞᱮ ᱪᱟᱹᱞᱩ ᱞᱮᱫᱼᱟ ᱟᱨ ᱟᱡ ᱜᱮ ᱜᱤᱫᱽᱨᱟᱹ ᱠᱚᱭ ᱯᱟᱲᱦᱟᱣ ᱮᱫ ᱠᱚ ᱛᱟᱦᱮᱸᱱᱟ ᱾ ᱫᱤᱥᱚᱢ ᱨᱮ ᱟᱛᱟᱱᱛᱷᱟᱨ ᱦᱩᱭ ᱞᱮᱱ ᱠᱷᱟᱱ ᱟᱡ ᱜᱮ ᱥᱮᱱ ᱠᱟᱛᱮ ᱦᱚᱲᱮ ᱧᱮᱞ ᱟᱹᱜᱩᱭᱮᱝ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱚᱨᱠᱟᱨ ᱢᱚᱡᱽ ᱨᱮ ᱦᱚᱲ ᱵᱟᱭ ᱞᱮᱠᱷᱟ ᱮᱫ ᱠᱚᱣᱟ ᱚᱱᱟ ᱢᱮᱱ ᱛᱮ ᱟᱡ ᱜᱮ ᱦᱚᱲ ᱞᱮᱠᱷᱟ ᱠᱟᱹᱢᱤᱨᱮᱭ ᱥᱮᱞᱮᱫ ᱞᱮᱱᱟ ᱾ ᱟᱫᱟᱞᱚᱛ ᱨᱮ ᱪᱮᱫ ᱞᱮᱠᱟ ᱮᱲᱮ ᱵᱤᱪᱟᱹᱨ ᱦᱩᱭᱩᱜᱼᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱟᱭᱢᱟ ᱫᱤᱱ ᱡᱮᱞᱠᱷᱟᱱᱟ ᱨᱮᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾ ᱱᱚᱠᱟᱱ ᱥᱚᱛ ᱟᱨ ᱫᱟᱹᱭᱤᱠ ᱦᱚᱲ ᱧᱟᱢ ᱫᱚ ᱟᱹᱰᱤ ᱢᱩᱥᱠᱤᱞ ᱜᱮᱭᱟ ᱾ ᱚᱱᱟ ᱛᱮ ᱩᱱᱤᱭᱟᱜ ᱚᱞ ᱠᱚ ᱨᱮ ᱫᱚ ᱟᱹᱣᱲᱤᱭᱟᱜ ᱡᱟᱦᱟᱱᱟᱜ ᱚᱞ ᱵᱟᱝ ᱧᱟᱢᱚᱜᱼᱟ ᱾ ᱩᱱᱤ ᱫᱚ ᱚᱠᱟᱭ ᱧᱮᱞ ᱟᱠᱟᱫ ᱟᱨ ᱚᱠᱟ ᱥᱟᱹᱨᱤ ᱜᱮ ᱚᱱᱟ ᱠᱚ ᱜᱮ ᱟᱡᱟᱜ ᱚᱞ ᱨᱮ ᱯᱷᱚᱴᱮᱞ ᱟᱠᱟᱱᱟᱹ ᱡᱟᱦᱟᱱᱟᱜ ᱜᱮ ᱵᱮᱜᱚᱨ ᱠᱩᱠᱞᱤ ᱛᱮ ᱵᱟᱭ ᱦᱟᱛᱟᱣ ᱟᱠᱟᱫᱼᱟ ᱾
ᱥᱟᱶᱦᱮᱫ ᱠᱚ
ᱥᱟᱯᱲᱟᱣᱴᱚᱞᱥᱴᱚᱭ ᱫᱚ ᱟᱭᱢᱟ ᱜᱟᱱ ᱠᱟᱹᱴᱤᱡ ᱠᱟᱹᱦᱟᱹᱱᱤ, ᱞᱟᱹᱴᱩ ᱠᱟᱹᱦᱟᱹᱱᱤ, ᱱᱚᱵᱷᱮᱞ, ᱜᱟᱭᱱᱟᱦᱟ (ᱰᱨᱟᱢᱟ), ᱜᱤᱫᱽᱨᱟᱹ ᱠᱚᱣᱟᱜ ᱚᱞ, ᱯᱨᱚᱵᱚᱱᱫᱷ, ᱪᱤᱴᱷᱤ, ᱰᱟᱭᱨᱤ ᱠᱚᱭ ᱚᱞ ᱟᱠᱟᱫᱟ᱾ ᱡᱚᱛᱚ ᱠᱚ ᱛᱮ ᱩᱱᱤᱭᱟᱜ ᱚᱞ ᱢᱩᱬᱩᱫ ᱙᱐ ᱦᱟᱹᱴᱤᱧ ᱨᱮ ᱩᱪᱷᱮᱱ ᱟᱠᱟᱱᱟ ᱾
ᱱᱚᱵᱷᱮᱞ
ᱥᱟᱯᱲᱟᱣ- ᱟᱱᱱᱟ ᱠᱟᱨᱮᱱᱤᱱᱟ
- ᱚᱣᱟᱨ ᱮᱱᱰ ᱯᱤᱥ
- ᱨᱤᱥᱟᱨᱮᱠᱥᱚᱱ
ᱞᱟᱹᱴᱩ ᱠᱟᱹᱦᱟᱹᱱᱤ
ᱥᱟᱯᱲᱟᱣ- ᱰᱮᱛᱷ ᱚᱵᱽ ᱤᱵᱷᱟᱱ ᱤᱞᱤᱪ
- ᱦᱟᱡᱤ ᱢᱩᱨᱟᱫᱟ
- ᱯᱷᱟᱫᱟᱨ ᱥᱤᱭᱮᱨᱜᱤ