ᱞᱳᱦᱚᱰᱤ
ᱞᱳᱦᱚᱰᱤ ᱫᱚ ᱯᱚᱧᱡᱟᱵᱤ ᱠᱚᱣᱟᱜ ᱢᱤᱫ ᱧᱩᱛᱩᱢᱟᱱ ᱯᱟᱨᱟᱵᱽ ᱠᱟᱱᱟ ᱾ [᱑]ᱚᱱᱟ ᱥᱟᱶᱛᱮ ᱩᱛᱚᱨ ᱥᱤᱧᱚᱛ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱯᱟᱨᱟᱵᱽ ᱠᱟᱱᱟ ᱾ ᱵᱟᱹᱲᱛᱤ ᱞᱮᱠᱟᱛᱮ ᱱᱚᱶᱟ ᱯᱟᱨᱟᱵᱽ ᱫᱚ ᱯᱚᱧᱡᱟᱵᱽ ᱴᱚᱴᱷᱟ ᱨᱮᱠᱚ ᱢᱟᱱᱟᱣ ᱵᱟᱛᱟᱣᱟ ᱾[᱒] [᱓][᱔] ᱱᱚᱶᱟ ᱫᱚ ᱥᱟᱠᱨᱟᱛ ᱨᱮᱱᱟᱜ ᱢᱤᱫ ᱢᱟᱦᱟᱸ ᱞᱟᱦᱟ ᱨᱮ ᱠᱚ ᱢᱟᱱᱟᱣᱟ ᱾ ᱥᱟᱠᱨᱟᱛ ᱨᱮᱱᱟᱜ ᱢᱟᱬᱟᱝ ᱧᱤᱫᱟᱹ ᱦᱤᱞᱚᱜ ᱱᱚᱶᱟ ᱯᱟᱨᱟᱵᱽ ᱫᱚᱠᱚ ᱨᱟᱹᱥᱠᱟᱹ ᱨᱚᱢᱚᱡᱟ ᱾ ᱧᱤᱫᱟᱹ ᱚᱠᱛᱚ ᱯᱷᱟᱸᱠᱟ ᱡᱟᱭᱜᱟ ᱨᱮ ᱜᱷᱟᱨᱚᱸᱡᱤᱭᱟᱹ ᱟᱨ ᱥᱩᱨ ᱥᱩᱯᱩᱨ ᱯᱩᱲᱥᱤ ᱦᱚᱲ ᱠᱚ ᱥᱮᱞᱮᱫ ᱠᱟᱛᱮ ᱥᱮᱸᱜᱮᱞ ᱵᱮᱲᱦᱟᱭ ᱛᱮ ᱜᱷᱮᱨᱟᱣ ᱠᱟᱛᱮ ᱠᱚ ᱫᱩᱲᱩᱵ-ᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱨᱮᱣᱰᱤ, ᱚᱛᱵᱟᱫᱟᱢ, ᱞᱟᱵᱷᱟ ᱮᱢᱟᱱ ᱠᱚᱠᱚ ᱡᱚᱢᱟ ᱾
| ᱞᱳᱦᱚᱰᱤ | |
|---|---|
 ᱞᱳᱦᱚᱰᱤ ᱡᱩᱞ ᱥᱮᱸᱜᱮᱞ | |
| ᱮᱴᱟᱜ ᱧᱩᱛᱩᱢ | ᱞᱟᱞ ᱞᱳᱭᱤ |
| ᱢᱟᱱᱟᱣᱠᱩ | ᱯᱚᱧᱡᱟᱵᱤ ᱜᱩᱴ |
| ᱞᱮᱠᱟᱱ | ᱫᱷᱚᱨᱚᱢᱮᱛ, ᱞᱟᱠᱪᱟᱨᱮᱪ |
| ᱢᱳᱦᱚᱴᱣᱚ | ᱨᱟᱵᱟᱝᱛᱟᱞᱟ ᱯᱟᱨᱟᱵᱽ, ᱨᱟᱵᱟᱝ ᱨᱮ ᱢᱟᱱᱟᱣ ᱯᱟᱨᱟᱵᱽ |
| ᱢᱟᱱᱟᱣ ᱠᱟᱹᱢᱤᱠᱩ | ᱥᱮᱸᱜᱮᱞ ᱡᱩᱞ, ᱥᱮᱨᱮᱧ ᱟᱨ ᱮᱱᱮᱡ (ᱵᱷᱟᱸᱜᱽᱲᱟ ᱟᱨ ᱜᱤᱫᱽᱫᱟ) |
| ᱥᱟᱹᱜᱟᱹᱭ ᱢᱮᱱᱟᱜᱼᱟ | ᱢᱟᱜᱷᱤ |
ᱩᱯᱨᱩᱢ
ᱥᱟᱯᱲᱟᱣᱞᱳᱦᱰᱤ ᱫᱚ ᱯᱩᱥ ᱵᱚᱸᱜᱟ ᱨᱮᱱᱟᱜ ᱢᱩᱪᱟᱹᱫ ᱥᱮᱫ, ᱥᱤᱧᱪᱟᱸᱫᱚ ᱦᱟᱺᱥᱩᱨ ᱛᱟᱭᱚᱢ (ᱢᱟᱜᱽ ᱥᱟᱠᱨᱟᱛ ᱨᱮᱱᱟᱜ ᱯᱩᱭᱞᱩ ᱧᱤᱫᱟᱹ) ᱱᱚᱶᱟ ᱯᱟᱨᱟᱵᱽ ᱫᱚᱠᱚ ᱢᱟᱱᱟᱣᱟ ᱾ ᱱᱚᱶᱟ ᱫᱚ ᱵᱟᱹᱲᱛᱤ ᱑᱒ ᱟᱨᱵᱟᱝ ᱑᱓ ᱡᱟᱱᱩᱣᱟᱨᱤ ᱦᱤᱞᱚᱜ ᱯᱟᱲᱟᱣᱜ-ᱟ ᱾ ᱱᱚᱶᱟ ᱢᱩᱬᱩᱛ ᱞᱮᱠᱟᱛᱮ ᱯᱚᱧᱡᱟᱵ ᱨᱮᱱᱟᱜ ᱯᱚᱨᱚᱵᱽ ᱠᱟᱱᱟ ᱾ ᱯᱩᱥ-ᱢᱟᱜᱽ ᱵᱚᱸᱜᱟ ᱨᱮᱱᱟᱜ ᱛᱷᱟᱨᱛᱷᱟᱨᱟᱣᱜ ᱨᱟᱵᱟᱝ ᱠᱷᱚᱱ ᱵᱟᱧᱪᱟᱣᱜ ᱞᱟᱹᱜᱤᱫ ᱥᱮᱸᱜᱮᱞ ᱦᱚᱸ ᱟᱹᱰᱤ ᱜᱮ ᱜᱚᱲᱚᱣᱟᱱ ᱯᱚᱨᱢᱟᱬᱚᱜ-ᱟ ᱾ ᱱᱚᱶᱟ ᱜᱮ ᱵᱮᱵᱷᱟᱨᱚᱜ ᱠᱟᱱ ᱞᱟᱹᱠᱛᱤᱭᱟᱱ ᱞᱳᱦᱰᱤ ᱫᱚ ᱦᱚᱭᱞᱚᱝᱤᱭᱟᱹ ᱯᱟᱨᱟᱵᱽ ᱢᱮᱱᱛᱮ ᱴᱷᱟᱶ ᱮ ᱮᱢᱟᱭᱟ ᱾
ᱞᱳᱦᱰᱤ ᱥᱟᱶ ᱥᱟᱹᱜᱟᱹᱭ ᱨᱮ ᱨᱟᱭᱨᱤᱛ ᱟᱨ ᱨᱤᱛ ᱵᱤᱦᱤᱛ ᱠᱷᱚᱱ 6ᱵᱟᱰᱟᱭ ᱧᱟᱢᱚᱜ-ᱟ ᱪᱤ ᱱᱟᱜᱟᱢᱮᱛ ᱜᱟᱛᱷᱟ ᱠᱚᱦᱚᱸ ᱱᱚᱶᱟ ᱥᱟᱶ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜ-ᱟ ᱾ ᱫᱚᱠᱥ ᱯᱨᱚᱡᱟᱯᱚᱛᱤᱭᱤᱡ ᱦᱚᱯᱚᱱ ᱮᱨᱟ ᱥᱚᱛᱤ ᱭᱟᱜ ᱭᱚᱜᱽᱭᱚᱸ ᱥᱮᱸᱜᱮᱞ ᱨᱮ ᱫᱚᱦᱚᱱᱚᱜ ᱠᱟᱛᱷᱟ ᱩᱭᱦᱟᱹᱨ ᱠᱟᱛᱮ ᱜᱮ ᱱᱚᱶᱟ ᱥᱮᱸᱜᱮᱞ ᱫᱚᱠᱚ ᱡᱩᱞᱟ ᱾ ᱱᱚᱶᱟ ᱚᱠᱛᱚ ᱨᱮ ᱜᱚᱝ ᱟᱠᱟᱱ ᱦᱚᱯᱚᱱ ᱮᱨᱟ ᱠᱚ ᱡᱟᱱᱟᱢ ᱟᱭᱳ ᱵᱟᱵᱟ ᱚᱲᱟᱜ ᱠᱷᱚᱱ 'ᱯᱟᱨᱟᱵᱽ' ( ᱞᱩᱜᱽᱲᱤ, ᱞᱟᱹᱰᱩ ᱢᱤᱴᱷᱟᱹᱭ. ᱨᱮᱵᱽᱰᱤ, ᱡᱚ ᱵᱤᱞᱤ ᱮᱢᱟᱱ ᱠᱚ) ᱠᱚ ᱵᱷᱮᱡᱟ ᱟᱠᱚᱣᱟ ᱾ ᱡᱚᱜᱽᱭᱚᱸ ᱚᱠᱛᱚ ᱨᱮ ᱟᱡᱤᱡ ᱡᱟᱶᱟᱭ ᱜᱚᱝᱠᱮ ᱥᱤᱵᱽ ᱟᱜ ᱵᱟᱝ ᱚᱯᱮᱞᱚᱜ ᱨᱮᱱᱟᱜ ᱫᱚᱠᱥ ᱯᱨᱚᱡᱟᱯᱚᱛᱤᱟᱜ ᱛᱟᱹᱭᱠᱟᱹᱣ ᱜᱮ ᱱᱚᱶᱟᱨᱮ ᱧᱮᱞ ᱧᱟᱢᱚᱜ-ᱟ ᱾ ᱩᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱯᱩᱨᱩᱵᱽ ᱚᱧᱪᱚᱞ ᱨᱮ 'ᱠᱷᱤᱪᱚᱰᱵᱟᱨ' ᱟᱨ ᱫᱩᱠᱷᱤᱱ ᱥᱤᱧᱚᱛ ᱨᱮ 'ᱥᱟᱠᱨᱟᱛ' ᱨᱮᱦᱚᱸ ᱱᱚᱶᱟ ᱞᱳᱦᱰᱤ ᱥᱩᱨ ᱨᱮᱜᱮ ᱠᱚ ᱢᱟᱱᱟᱣᱟ ᱾ ᱟᱨ ᱦᱚᱯᱚᱱ ᱮᱨᱟ ᱠᱚ ᱥᱟᱶ ᱠᱚ ᱧᱟᱯᱟᱢᱟ ᱾
ᱞᱳᱦᱰᱤ ᱨᱮᱱᱟᱜ ᱒᱐-᱒᱕ ᱢᱟᱦᱟᱸ ᱞᱟᱦᱟ ᱨᱮᱜᱮ ᱠᱚᱲᱟ ᱜᱤᱫᱽᱨᱟᱹ ᱟᱨ ᱠᱩᱲᱤ ᱜᱤᱫᱽᱨᱟᱹ ᱫᱚ 'ᱞᱳᱦᱰᱤ' ᱨᱮᱱᱟᱜ ᱦᱚᱲ ᱥᱮᱨᱮᱧ ᱥᱮᱨᱮᱧ ᱠᱟᱛᱮ ᱥᱟᱦᱟᱱ ᱥᱟᱠᱟᱢ ᱠᱚᱠᱚ ᱧᱟᱢ ᱡᱟᱣᱨᱟᱭᱟ ᱾ ᱡᱟᱣᱨᱟ ᱟᱠᱟᱫ ᱡᱟᱭ ᱛᱮ ᱨᱟᱪᱟ ᱟᱨᱵᱟᱝ ᱵᱟᱲᱜᱮ ᱨᱮᱱᱟᱜ ᱡᱟᱦᱟᱸ ᱜᱮ ᱢᱤᱫ ᱢᱮᱞᱟᱱ ᱴᱷᱟᱶ ᱨᱮ ᱥᱮᱸᱜᱮᱞ ᱠᱚ ᱡᱩᱞᱟ ᱾ ᱜᱷᱟᱨᱚᱸᱡᱽ ᱡᱟᱠ ᱨᱤᱱ ᱟᱨᱵᱟᱝ ᱟᱹᱛᱩ ᱡᱟᱠ ᱨᱤᱱ ᱦᱚᱲ ᱡᱩᱞ ᱟᱠᱟᱱ ᱥᱮᱸᱜᱮᱞ ᱨᱮᱱᱟᱦ ᱵᱮᱲᱦᱟᱭ ᱛᱮ ᱠᱚ ᱫᱩᱲᱩᱵ ᱟᱹᱪᱩᱨᱚᱜ-ᱟ ᱾ ᱚᱲᱟᱜ ᱟᱨ ᱵᱮᱯᱟᱨ ᱵᱟᱹᱱᱤᱡ ᱨᱮᱱᱟᱜ ᱠᱟᱢᱠᱟᱡᱽ ᱠᱚ ᱯᱩᱨᱟᱹᱣ ᱥᱟᱹᱛ ᱠᱟᱛᱮ ᱡᱚᱛᱚ ᱜᱷᱟᱨᱚᱸᱡᱤᱭᱟᱹ ᱠᱚ ᱥᱮᱸᱜᱮᱞ ᱵᱮᱲᱦᱟᱭ ᱛᱮᱠᱚ ᱟᱹᱪᱩᱨᱚᱜ-ᱟ ᱾ ᱨᱮᱣᱰᱤ ( ᱟᱨ ᱚᱠᱟ ᱚᱠᱟ ᱴᱚᱴᱷᱟ ᱨᱮᱫᱚ ᱡᱚᱱᱚᱲᱟ ᱡᱟᱝ) ᱥᱮᱸᱜᱮᱞ ᱨᱮᱠᱚ ᱠᱷᱟᱸᱡᱚᱭᱟ ᱾ ᱥᱟᱶᱛᱮ ᱱᱚᱶᱟ ᱡᱤᱱᱤᱥ ᱠᱚᱜᱮ ᱵᱷᱚᱜᱽ ᱞᱮᱠᱟᱛᱮ ᱡᱟᱦᱟᱸ ᱜᱮ ᱥᱮᱴᱮᱨ ᱟᱠᱟᱱ ᱦᱚᱲ ᱠᱚ ᱛᱟᱞᱟᱨᱮ ᱦᱟᱹᱴᱤᱧ ᱦᱩᱭᱩᱜ-ᱟ ᱾ ᱚᱲᱟᱜ ᱛᱮ ᱨᱩᱣᱟᱹᱲ ᱡᱚᱦᱚᱜ 'ᱞᱳᱦᱰᱤ' ᱠᱷᱚᱱ ᱵᱟᱨ ᱯᱩᱱ ᱡᱩᱞᱩᱜ ᱠᱟᱱ ᱟᱸᱜᱽᱨᱟ / ᱠᱩᱭᱞᱟᱹ ᱵᱷᱳᱜᱽ ᱞᱮᱠᱟᱛᱮ ᱚᱲᱟᱜ ᱫᱷᱟᱹᱵᱤᱡ ᱟᱹᱜᱩ ᱨᱮᱱᱟᱜ ᱨᱤᱛ ᱦᱚᱸ ᱢᱮᱱᱟᱜ-ᱟ ᱾
ᱡᱟᱦᱟᱸ ᱜᱷᱟᱨᱚᱸᱡᱽ ᱨᱮ ᱠᱚᱲᱟ ᱠᱚᱣᱟᱜ ᱵᱟᱯᱞᱟ ᱦᱩᱭᱩᱜ-ᱟ ᱟᱨᱵᱟᱝ ᱡᱟᱦᱟᱸᱭ ᱦᱚᱯᱚᱱ ᱠᱚ ᱧᱟᱢ ᱠᱚᱣᱟ, ᱩᱱᱠᱩ ᱴᱷᱮᱱ ᱠᱷᱚᱱ ᱠᱟᱹᱣᱰᱤ ᱤᱫᱤ ᱠᱟᱛᱮ ᱜᱷᱟᱨᱚᱸᱡᱽ ᱟᱨᱵᱟᱝ ᱟᱹᱛᱩ ᱡᱟᱠᱨᱮ ᱜᱤᱫᱽᱨᱟᱹ ᱜᱮ ᱥᱚᱢᱟᱱ ᱥᱚᱢᱟᱱ ᱨᱮᱵᱽᱰᱤ ᱠᱚ ᱦᱟᱹᱴᱤᱧ ᱟᱹᱪᱩᱨᱟ ᱾ ᱞᱳᱦᱰᱤ ᱦᱤᱞᱚᱜ ᱟᱨᱵᱟᱝ ᱚᱱᱟ ᱨᱮᱱᱟᱜ ᱵᱟᱨ ᱯᱩᱱ ᱢᱟᱦᱟᱸ ᱞᱟᱦᱟᱨᱮ ᱠᱚᱲᱟ ᱜᱤᱫᱽᱨᱟᱹ ᱠᱩᱲᱤ ᱜᱤᱫᱽᱨᱟᱹ ᱫᱚ ᱵᱟᱡᱟᱨ ᱨᱮ ᱚᱠᱟᱱᱤᱭᱟᱹ ᱠᱚ ᱥᱟᱶᱛᱮ ᱦᱚᱨᱛᱮᱱ ᱠᱚ ᱴᱷᱮᱱ ᱠᱷᱚᱱ 'ᱢᱳᱦᱢᱟᱭᱟ' ᱟᱨᱵᱟᱝ ᱢᱚᱦᱟᱢᱟᱭᱤ (ᱞᱳᱦᱰᱤ ᱨᱮᱱᱟᱜ ᱜᱮ ᱫᱚᱥᱟᱨ ᱧᱩᱛᱩᱢ) ᱧᱩᱛᱩᱢ ᱛᱮ ᱠᱟᱹᱣᱰᱤ ᱠᱚ ᱠᱚᱭᱟ ᱾ ᱚᱱᱟ ᱠᱟᱹᱣᱰᱤ ᱛᱮ ᱥᱟᱦᱟᱱ ᱟᱨ ᱨᱮᱣᱰᱤ ᱠᱚ ᱠᱤᱨᱤᱧ ᱠᱟᱛᱮ ᱥᱟᱢᱮᱞᱟᱭ ᱟᱜ ᱞᱳᱦᱰᱤ ᱨᱮᱠᱚ ᱥᱮᱞᱮᱫ ᱠᱟᱜ-ᱟ ᱾
ᱞᱳᱦᱰᱤ ᱯᱟᱨᱟᱵᱽ ᱟᱨ ᱫᱩᱞᱞᱟ ᱵᱷᱚᱴᱴᱤᱭᱟᱜ ᱠᱟᱹᱦᱱᱤ
ᱥᱟᱯᱲᱟᱣᱞᱳᱰᱤ ᱫᱚ ᱫᱩᱞᱞᱟ ᱵᱷᱚᱴᱴᱤᱭᱟᱜ ᱠᱟᱹᱦᱱᱤ ᱥᱟᱶ ᱦᱚᱸ ᱠᱚ ᱡᱩᱲᱟᱹᱭᱟ ᱾ ᱞᱳᱦᱰᱤ ᱨᱮᱱᱟᱜ ᱡᱚᱛᱚ ᱥᱮᱨᱮᱧ ᱜᱮ ᱫᱩᱞᱞᱟ ᱵᱷᱚᱴᱴᱤ ᱥᱟᱶ ᱜᱮ ᱡᱩᱲᱟᱹᱭ ᱟᱨ ᱥᱟᱶᱛᱮ ᱱᱚᱶᱟ ᱦᱚᱸᱠᱚ ᱢᱮᱱᱟ ᱫᱚ ᱞᱳᱦᱰᱤ ᱥᱮᱨᱮᱧ ᱨᱮᱱᱟᱜ ᱛᱟᱞᱢᱟ ᱴᱤᱰᱟᱹᱜ ᱫᱚ ᱫᱩᱞᱞᱟ ᱵᱷᱚᱴᱴᱤ ᱜᱮᱠᱚ ᱵᱮᱱᱟᱣ ᱮᱭᱟ ᱾
ᱫᱩᱞᱞᱟ ᱵᱷᱚᱴᱴᱤ ᱫᱚ ᱢᱩᱜᱚᱞ ᱥᱟᱥᱚᱠ ᱟᱠᱵᱚᱨ ᱟᱜ ᱚᱠᱛᱚ ᱨᱮ ᱯᱚᱧᱡᱟᱵᱽ ᱨᱮᱭ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱚᱧᱡᱟᱵᱽ ᱨᱤᱱᱤᱡ ᱵᱤᱨ ᱵᱷᱟᱱᱴᱟ ᱨᱮᱱᱟᱜ ᱢᱟᱹᱱ ᱛᱮᱦᱚᱸ ᱠᱚ ᱢᱟᱹᱱ ᱦᱟᱞᱟᱝ ᱞᱮᱫᱮ ᱛᱟᱦᱮᱸᱫ ᱾ ᱚᱱᱟ ᱚᱠᱛᱚ ᱨᱮ ᱥᱚᱸᱜᱚᱞ ᱵᱟᱨ ᱧᱩᱛᱩᱢᱟᱱ ᱴᱚᱴᱷᱟᱨᱮ ᱠᱩᱲᱤ ᱦᱚᱯᱚᱱ ᱠᱚ ᱥᱮᱵᱮᱫᱤᱭᱟᱹ ᱞᱮᱠᱟᱛᱮ ᱡᱩᱨ ᱡᱚᱵᱚᱨᱚᱱ ᱠᱤᱥᱟᱹᱬ ᱦᱚᱲ ᱴᱷᱮᱱ ᱠᱚ ᱟᱹᱠᱷᱨᱤᱧ ᱮᱫ ᱠᱚ ᱛᱟᱦᱮᱸᱫ ᱾ ᱡᱟᱦᱟᱸ ᱫᱚ ᱫᱩᱞᱞᱟ ᱵᱷᱚᱴᱴᱤᱭᱟᱜ ᱢᱤᱫ ᱯᱚᱨᱛᱚᱱ ᱞᱮᱠᱟᱛᱮ ᱠᱩᱲᱤ ᱜᱤᱫᱽᱨᱟᱹ ᱠᱚ ᱫᱩᱜ ᱦᱚᱸᱭ ᱫᱩᱜ ᱵᱟᱧᱪᱟᱣ ᱠᱮᱫ ᱠᱚ ᱥᱟᱶ ᱥᱟᱶᱛᱮ ᱩᱱᱠᱩ ᱫᱚ ᱦᱤᱱᱫᱩ ᱠᱚᱲᱟ ᱠᱚ ᱴᱷᱮᱱ ᱮ ᱡᱟᱶᱟᱭ ᱚᱪᱚ ᱠᱟᱫ ᱠᱚᱣᱟ ᱟᱨ ᱩᱱᱠᱩ ᱡᱟᱶᱟᱭ ᱠᱟᱠᱚ ᱨᱮᱱᱟᱜ ᱡᱚᱛᱚ ᱵᱮᱵᱚᱥᱛᱟ ᱟᱡ ᱮ ᱠᱚᱨᱟᱣ ᱚᱪᱚ ᱞᱮᱫ-ᱟ ᱾
ᱫᱩᱞᱞᱟ ᱵᱷᱚᱴᱴᱤ ᱫᱚ ᱢᱤᱫ ᱦᱩᱞᱜᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱨ ᱟᱡ ᱨᱤᱱ ᱵᱚᱝᱥᱚ ᱵᱤᱨᱟᱹᱫᱽ ᱫᱚ ᱵᱷᱚᱴᱴᱤ ᱨᱟᱡᱽᱯᱩᱛ ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱨᱤᱱ ᱦᱟᱯᱲᱟᱢ ᱠᱚᱫᱚ ᱯᱤᱸᱰᱤ ᱵᱷᱚᱴᱴᱤ ᱠᱚ ᱨᱤᱱ ᱥᱟᱥᱚᱱᱤᱭᱟᱹ ᱠᱚ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱥᱚᱸᱫᱚᱞ ᱵᱟᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱱᱤᱛᱚᱜ ᱥᱚᱸᱫᱚᱞ ᱵᱟᱨ ᱫᱚ ᱯᱟᱠᱤᱥᱛᱟᱱ ᱨᱮ ᱢᱮᱱᱟᱜ-ᱟ ᱾ ᱩᱱᱠᱩ ᱫᱚ ᱡᱚᱛᱚ ᱯᱚᱧᱡᱟᱵᱤᱭᱟᱹ ᱠᱚᱨᱤᱱ ᱵᱤᱨ ᱵᱷᱟᱱᱴᱟ ᱠᱚ ᱛᱟᱦᱮᱸ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Kumar, Suresh Sinhj (1998) India's Communities: H-M. Oxford University Press[᱑]
- ↑ Jeratha, Aśoka (1998). Dogra Legends of Art & Culture (in ᱟᱝᱜᱽᱨᱮᱡᱤ). Indus Publishing. ISBN 978-81-7387-082-8.
- ↑ What is Lohri? Why is it celebrated?, Somya Abrol, India Today, (January 13, 2017)
- ↑ "The Telegraph - Calcutta : Opinion". Retrieved 12 January 2017.