ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ

ᱟᱞᱯᱷᱨᱮᱰ ᱵᱚᱨᱱᱟᱰ ᱱᱚᱵᱮᱞ (ᱥᱩᱭᱰᱤᱥ ᱨᱟᱹᱲ: [ˈɑlfred noˈbɛl]) ᱫᱚ ᱦᱩᱭᱩᱜ ᱠᱟᱱᱟᱭ ᱢᱤᱫ ᱥᱩᱭᱰᱤᱥ ᱫᱤᱥᱚᱢ ᱨᱤᱱᱤᱡ ᱢᱤᱫ ᱡᱟᱜ ᱜᱩᱱᱩᱱ ᱥᱟᱬᱮᱥᱤᱭᱟᱹ, ᱤᱧᱡᱤᱱᱤᱭᱟᱹᱨ ᱢᱮᱱᱫᱚ ᱠᱟᱹᱣᱰᱤ ᱟᱹᱨᱤ ᱜᱚᱲᱦᱚᱱᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱵᱚᱯᱷᱚᱨᱥ ᱠᱚᱢᱯᱟᱹᱱᱤ ᱨᱤᱱᱤᱡ ᱢᱟᱨᱮ ᱢᱟᱹᱞᱤᱠ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤᱭᱟᱜ ᱓᱕᱐ ᱠᱷᱚᱱ ᱵᱟᱹᱲᱛᱤ ᱯᱟᱴᱮᱱᱴ ᱢᱮᱱᱜ ᱛᱟᱭᱟ, ᱚᱱᱟ ᱠᱚ ᱢᱩᱸᱫ ᱠᱷᱚᱱ ᱰᱤᱱᱟᱢᱟᱭᱤᱴ ᱫᱚ ᱵᱟᱹᱲᱛᱤ ᱧᱩᱢ ᱟᱱᱟᱜ ᱥᱤᱨᱤᱡᱽ ᱠᱟᱱᱟ ᱾ ᱟᱡᱟᱜ ᱟᱨᱡᱟᱣ ᱨᱮᱱᱟᱜ ᱵᱟᱹᱲᱛᱤᱜᱟᱱ ᱠᱟᱹᱣᱰᱤ ᱜᱮ ᱱᱚᱵᱮᱞ ᱮᱠᱟᱰᱮᱢᱤ ᱛᱮᱭᱟᱨ ᱞᱟᱹᱜᱤᱫ ᱮ ᱠᱷᱚᱨᱚᱪ ᱞᱮᱫ ᱛᱟᱦᱮᱸᱫ ᱾ ᱱᱮᱛᱟᱨᱟᱜ ᱠᱚᱢᱯᱟᱹᱱᱤ ᱰᱟᱭᱱᱟᱢᱟᱭᱤᱴ ᱱᱚᱵᱮᱞ ᱟᱨ ᱟᱠᱠᱚ ᱱᱚᱵᱮᱞ ᱫᱚ ᱱᱚᱵᱮᱞ ᱛᱮᱭᱟᱨ ᱟᱠᱟᱫ ᱠᱚᱢᱯᱟᱹᱱᱤ ᱠᱟᱱᱟ ᱾

ᱟᱞᱯᱷᱨᱮᱰ ᱱᱚᱵᱮᱞ
AlfredNobel2.jpg
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱟᱞᱯᱷᱨᱮᱰ ᱵᱚᱨᱱᱦᱟᱰ ᱱᱚᱵᱮᱞ
᱒᱑ ᱚᱠᱴᱚᱵᱚᱨ ᱑᱘᱓᱓(1833-10-21)
ᱥᱴᱚᱠᱦᱚᱢ, ᱥᱩᱭᱰᱮᱱ
ᱜᱩᱨ ᱑᱐ ᱰᱤᱥᱮᱢᱵᱚᱨ ᱑᱘᱙᱖ (᱖᱓ ᱵᱚᱭᱚᱥ)
ᱥᱟᱱᱚᱨᱮᱢᱚ,ᱤᱴᱟᱞᱤ
ᱵᱟᱭ  ᱴᱷᱟᱶ ᱥᱴᱚᱠᱼᱦᱚᱢ
59°21′24.52″N 18°1′9.43″E / 59.3568111°N 18.0192861°E / 59.3568111; 18.0192861
ᱠᱟᱹᱢᱤ ᱥᱟᱬᱮᱥᱤᱭᱟᱹ, ᱤᱧᱡᱤᱱᱤᱭᱟᱹᱨ
ᱧᱩᱢᱱᱟᱢ ᱰᱤᱱᱟᱢᱟᱭᱤᱴ ᱥᱤᱨᱤᱡᱤᱭᱟᱹ, ᱱᱚᱵᱮᱞ ᱥᱤᱨᱯᱷᱟᱹ
ᱥᱩᱦᱤ
Alfred Nobel Signature.svg

ᱯᱩᱭᱞᱩ ᱡᱤᱭᱚᱱᱥᱟᱯᱲᱟᱣ

ᱟᱞᱯᱷᱨᱮᱰ ᱵᱚᱨᱱᱟᱰ ᱱᱚᱵᱮᱞ (Alfred Bernhard Nobel, ᱑᱘᱓᱓-᱑᱘᱙᱖) ᱫᱚ ᱤᱢᱟᱱᱩᱣᱮᱞ ᱱᱚᱵᱮᱞ ᱟᱨ ᱟᱱᱫᱨᱤᱛᱮ ᱟᱞᱥᱮᱞ ᱱᱚᱵᱮᱞ( Andritte Ahlsell Nobel ) ᱛᱤᱠᱤᱱᱤᱡ ᱛᱮᱭᱟᱨ ᱠᱚᱲᱟ ᱠᱟᱱᱟᱭ ᱾ ᱱᱩᱭ ᱫᱚ ᱒᱑ ᱚᱠᱴᱚᱵᱚᱨ ᱑᱘᱓᱓ ᱥᱟᱞᱮᱨᱮ ᱥᱩᱭᱰᱮᱱ ᱨᱮᱱᱟᱜ ᱥᱴᱚᱠᱼᱦᱚᱢ ( Stockholm ) ᱨᱮᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱨᱮᱸᱜᱮᱡ ᱱᱟᱪᱟᱨ ᱮᱸᱜᱟᱛ ᱟᱯᱟᱛ ᱨᱤᱱ ᱤᱨᱟᱹᱞ ᱜᱚᱴᱟᱝ ᱦᱚᱯᱚᱱ ᱠᱷᱚᱱ ᱯᱩᱨ ᱦᱚᱲ ᱫᱚ ᱵᱟᱧᱪᱟᱣ ᱠᱚ ᱛᱟᱦᱮᱸ ᱞᱮᱱᱟ ᱾[᱑] ᱟᱡ ᱵᱟᱵᱟ ᱫᱚ ᱥᱩᱭᱰᱤᱥ ᱥᱟᱬᱮᱥᱤᱭᱟᱹ ᱳᱞᱚᱥ ᱨᱩᱰᱵᱮᱠ (Olaus Rudbeck 1630–1702) ᱛᱮᱠᱚ ᱵᱚᱝᱥᱚ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ[᱒] ᱚᱱᱟᱛᱮ ᱠᱟᱹᱴᱤᱡ ᱚᱠᱛᱚ ᱠᱷᱚᱱ ᱜᱮ ᱤᱧᱡᱤᱱᱤᱭᱧᱹᱨ ᱟᱨ ᱡᱟᱭᱜᱩᱱᱩᱱ ᱠᱚ ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱸᱫ ᱟᱹᱰᱤ ᱠᱟᱹᱴᱤᱡ ᱠᱷᱚᱱᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾

ᱵᱮᱯᱟᱨ ᱨᱮ ᱟᱹᱰᱤ ᱡᱩᱨᱮ ᱦᱟᱹᱱ ᱮᱱ ᱛᱟᱭᱚᱢ ᱟᱡ ᱵᱟᱵᱟ ᱑᱘᱓᱔ ᱥᱟᱞᱮ ᱨᱮ ᱡᱚᱛᱚ ᱦᱚᱲ ᱨᱩᱥᱤᱭᱟ ᱨᱮᱱᱟᱜ ᱥᱮᱸᱴᱯᱤᱴᱚᱨᱥᱵᱚᱨᱜᱽ ᱧᱩᱛᱩᱢᱟᱱ ᱴᱷᱟᱶ ᱛᱮᱭ ᱤᱫᱤᱠᱮᱫ ᱠᱚᱣᱟ ᱾ ᱚᱸᱰᱮ ᱟᱠᱚᱣᱟᱜ ᱜᱷᱟᱨᱚᱡᱽ ᱨᱮᱱᱟᱜ ᱚᱵᱚᱥᱛᱟ ᱱᱟᱥᱮ ᱵᱚᱫᱚᱞ ᱤᱫᱤᱭᱮᱱᱟ ᱾ ᱚᱸᱰᱮ ᱟᱡ ᱵᱟᱵᱟ (ᱡᱟᱦᱟᱸᱭ ᱫᱚ ᱯᱞᱟᱭᱩᱰ ᱨᱤᱱᱤᱡ ᱜᱚᱲᱦᱚᱱᱤᱭᱟᱹ) ᱴᱚᱨᱯᱮᱰᱚ ᱛᱮᱭᱟᱨ ᱠᱟᱹᱨᱜᱟᱲ ᱛᱮᱭᱟᱨ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾[᱓]

ᱜᱷᱟᱨᱚᱡᱽ ᱨᱮᱱᱟᱜ ᱠᱟᱹᱣᱰᱤ ᱚᱵᱚᱥᱛᱟ ᱱᱟᱯᱟᱭ ᱨᱩᱣᱟᱹᱲᱮᱱ ᱠᱷᱟᱱ ᱟᱡ ᱵᱟᱵᱟ ᱡᱟᱹᱜ ᱜᱩᱱᱩᱱ ᱥᱟᱬᱮᱥ, ᱤᱝᱞᱤᱥ, ᱯᱷᱨᱮᱸᱪ, ᱡᱚᱨᱢᱟᱱ ᱟᱨ ᱨᱩᱥᱤᱭᱟᱱ ᱯᱟᱹᱨᱥᱚ ᱥᱮᱬᱟᱭ ᱞᱟᱹᱜᱤᱫ ᱴᱤᱣᱥᱚᱱ ᱮ ᱵᱮᱵᱚᱥᱛᱟ ᱦᱟᱫ ᱫᱮ ᱛᱟᱦᱮᱸᱫ ᱟᱨ ᱑᱘ ᱪᱟᱸᱫᱚ ᱞᱟᱹᱜᱤᱫ ᱥᱴᱚᱠᱦᱚᱢ ᱨᱮᱱᱟᱜ ᱡᱟᱠᱚᱵᱥ ᱟᱯᱚᱞᱚᱡᱤᱥᱴᱤᱠ ᱟᱥᱲᱟ ᱨᱮ ᱥᱮᱪᱮᱫᱚᱜ ᱞᱟᱹᱜᱤᱫ ᱰᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ

 
ᱟᱞᱯᱷᱨᱮᱰ ᱱᱚᱵᱮᱞᱟᱜ ᱰᱮᱛᱷ ᱢᱟᱥᱠ, ᱡᱟᱦᱟᱸ ᱫᱚ ᱠᱟᱨᱞᱥᱜᱚ, ᱥᱩᱭᱰᱮᱱ ᱨᱮᱱᱟᱜ ᱵᱟᱥᱟ ᱨᱮ ᱢᱮᱱᱟᱜᱼᱟ ᱾

ᱟᱞᱯᱷᱨᱮᱰ ᱫᱚ ᱯᱨᱚᱯᱷᱮᱥᱚᱨ ᱱᱤᱠᱚᱞᱮ ᱱᱤᱠᱚᱵᱷᱤᱪ ᱡᱮᱱᱤᱱ (Nikolay Nikolaevich Zenin) ᱛᱟᱹᱨᱤ ᱨᱮ ᱡᱟᱜ ᱜᱩᱱᱩᱱ ᱥᱟᱬᱮᱥ ᱥᱮᱪᱮᱫ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱑᱘ ᱥᱮᱨᱢᱟ ᱵᱚᱭᱚᱥ ᱨᱮ ᱟᱞᱯᱷᱨᱮᱰ ᱯᱩᱱ ᱥᱮᱨᱢᱟ ᱞᱟᱹᱜᱤᱫ ᱡᱟᱜ ᱜᱩᱱᱩᱱ ᱥᱟᱬᱮᱥ ᱨᱮ ᱩᱱᱩᱥᱩᱞ ᱥᱮᱪᱮᱫᱚᱜ ᱞᱟᱹᱜᱤᱫ ᱟᱢᱮᱨᱤᱠᱟᱭ ᱪᱟᱞᱟᱣᱮᱱᱟ ᱾ ᱚᱸᱰᱮ ᱩᱱᱤ ᱛᱤᱢᱤᱱ ᱫᱤᱱ ᱜᱟᱱ ᱡᱚᱱ ᱮᱨᱤᱠ ᱥᱟᱶ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ᱮᱨᱤᱠᱥᱚᱱ ᱟᱢᱮᱨᱤᱠᱟᱱ ᱜᱷᱟᱨᱚᱡᱽ ᱞᱟᱹᱲᱦᱟᱹᱭ ᱨᱮᱱᱟᱜ ᱢᱮᱬᱦᱮᱫ ᱯᱚᱴᱚᱢ USS ᱢᱚᱱᱤᱴᱚᱨ ᱨᱮᱱᱟᱜ ᱱᱚᱠᱥᱟ ᱛᱮᱭᱟᱨᱮᱫ ᱛᱟᱦᱮᱸᱫ ᱮ ᱾[᱑][᱔]

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. ᱑.᱐ ᱑.᱑ Encyclopedia of Modern Europe: Europe 1789-1914: Encyclopedia of the Age of Industry and Empire, "Alfred Nobel", 2006 Thomson Gale.
  2. Schück, Henrik, Ragnar Sohlman, Anders Österling, Carl Gustaf Bernhard, the Nobel Foundation, and Wilhelm Odelberg, eds. Nobel: The Man and His Prizes. 1950. 3rd ed. Coordinating Ed., Wilhelm Odelberg. New York: American Elsevier Publishing Company, Inc., 1972, p. 14. ISBN 0-444-00117-4 (10). ISBN 978-0-444-00117-7 (13). (Originally published in Swedish as Nobelprisen 50 år: forskare, diktare, fredskämpar.)
  3. "The Man Who Made It Happen — Alfred Nobel". 3833. Retrieved 3 ᱢᱮ 2012. 
  4. Carlisle, Rodney (2004). Scientific American Inventions and Discoveries, p. 256. John Wiley & Songs, Inc., New Jersey. ISBN 0-471-24410-4.