ᱟᱠᱷᱲᱟ ᱵᱚᱫᱟ
ᱟᱠᱷᱲᱟ ᱵᱚᱫᱟ ᱫᱚ ᱵᱟᱯᱞᱟ ᱡᱚᱦᱚᱜ ᱨᱮᱱᱟᱜ ᱠᱟᱹᱢᱤ ᱠᱟᱱᱟ ᱾ ᱠᱩᱲᱤ ᱠᱚᱲᱟ ᱧᱟᱯᱟᱢ ᱠᱟᱛᱮ ᱜᱚᱱᱚᱝ ᱟᱹᱜᱩ ᱡᱚᱦᱚᱜ ᱟᱠᱷᱲᱟ ᱵᱚᱫᱟ ᱫᱚ ᱠᱚ ᱢᱟᱜ ᱠᱚᱣᱟ ᱾ ᱢᱟᱱᱟᱜ ᱮᱯᱮᱢ ᱨᱚᱯᱚᱲ ᱛᱚᱯᱟᱜ ᱠᱟᱛᱮ ᱠᱚᱲᱟ ᱯᱟᱦᱴᱟ ᱨᱤᱱ ᱢᱟᱱᱟᱜ ᱮᱢᱚᱜ ᱵᱟᱠᱚ ᱨᱮᱵᱮᱱ ᱠᱷᱟᱱ, ᱵᱚᱫᱟ ᱪᱟᱹᱰᱤ ᱠᱚ ᱠᱚᱭ ᱠᱚᱣᱟ ᱾ ᱢᱟᱱᱟᱜ ᱢᱟᱜ ᱠᱚᱲᱟ ᱵᱟᱝ ᱥᱮᱸᱫᱽᱨᱟ ᱠᱚᱲᱟ ᱠᱚ ᱩᱱᱤ ᱵᱚᱫᱟ ᱜᱮ ᱠᱩᱞᱦᱤ ᱨᱮ ᱠᱚ ᱢᱟᱜᱮᱭᱟ ᱾ ᱩᱱᱤᱜᱮ ᱟᱠᱷᱲᱟ ᱵᱚᱫᱟ ᱫᱚᱠᱚ ᱢᱮᱛᱟᱭᱟ ᱾ ᱟᱫᱚ ᱵᱚᱦᱚᱜ ᱛᱮᱫ ᱫᱚ ᱠᱚᱲᱟ ᱯᱟᱦᱴᱟ ᱨᱤᱱᱤᱡ ᱢᱟᱹᱡᱷᱤ ᱠᱚ ᱮᱢ ᱦᱚᱴᱚᱣᱟᱭᱟ, ᱜᱩᱸᱰ ᱛᱮᱫ ᱫᱚ ᱠᱩᱲᱤ ᱯᱟᱦᱴᱟ ᱨᱤᱱ ᱥᱮᱸᱫᱽᱨᱟ ᱠᱚᱲᱟ ᱠᱚ ᱟᱹᱜᱩ ᱛᱟᱨᱟᱭᱟ ᱾ ᱩᱱᱤ ᱢᱟᱜ ᱵᱚᱫᱟ ᱜᱮ ᱟᱠᱷᱲᱟ ᱵᱚᱫᱟ ᱠᱚ ᱢᱮᱛᱟᱭᱟ ᱾ ᱪᱟᱹᱰᱤ ᱫᱚ ᱛᱟᱭᱚᱢ ᱛᱮ ᱠᱩᱲᱤ ᱯᱟᱦᱴᱟ ᱵᱟᱝ ᱠᱚᱲᱟ ᱯᱟᱦᱴᱟ ᱠᱷᱚᱱ ᱥᱚᱡᱽ ᱠᱟᱛᱮ ᱯᱟᱹᱴᱷᱤ ᱢᱮᱨᱚᱢ ᱥᱚᱡᱽ ᱠᱟᱛᱮ ᱠᱚ ᱠᱩᱴᱟᱹᱢᱮᱭᱟᱸ ᱾