ᱟᱡᱟᱨ ᱢᱮᱱᱮᱛ ᱦᱚᱲᱢᱚ ᱵᱮᱥ ᱵᱟᱝ ᱛᱟᱦᱮᱸᱱ ᱾ ᱱᱚᱶᱟ ᱫᱚ ᱢᱮᱰᱤᱠᱟᱞ ᱥᱟᱬᱮᱥ ᱨᱮᱭᱟᱜ ᱢᱤᱱ ᱯᱷᱚᱱᱰᱟᱢᱮᱱᱴᱟᱞ ᱠᱚᱱᱥᱮᱯᱴ ᱞᱟᱱᱟ ᱾ ᱚᱱᱠᱟ ᱫᱚ ᱦᱚᱲᱢᱚ ᱨᱮ ᱯᱩᱨᱟ.ᱞᱮᱠᱟ ᱵᱟᱝ ᱠᱟ.ᱢᱤ ᱫᱟᱲᱮ ᱠᱟᱛᱮ ᱡᱟᱦᱟᱸᱱᱟᱜ ᱵᱟᱝ ᱡᱟᱦᱟᱸᱱᱟᱜ ᱦᱚᱲᱢᱚ ᱨᱮ ᱠᱷᱟᱴᱚ ᱛᱟᱦᱮᱸ ᱫᱚᱦᱚᱜ ᱜᱮ ᱵᱮᱢᱟᱨ ᱥᱮ ᱟᱡᱟᱨ ᱢᱮᱱᱛᱮ ᱵᱚᱱ ᱢᱮᱛᱟᱜ ᱠᱟᱱᱟ ᱾ ᱡᱟᱦᱟᱸᱭ ᱦᱚᱲ ᱜᱮ ᱵᱮᱢᱟᱨ ᱟᱨᱵᱟᱝ ᱟᱡᱟᱨ ᱨᱮ ᱯᱟᱲᱟᱣ ᱠᱚᱜᱼᱟ, ᱩᱱᱤ ᱦᱚᱲ ᱜᱮ "ᱨᱩᱜᱤ" ᱟᱨᱵᱟᱝ "ᱟᱡᱟᱨᱤᱭᱟ." ᱢᱮᱱᱛᱮ ᱵᱚᱱ ᱢᱮᱛᱟᱭ ᱠᱟᱱᱟ ᱾ ᱥᱟᱱᱛᱟᱲ ᱛᱮ ᱟᱡᱟᱨ ᱫᱚ "ᱵᱮᱢᱟᱨ" ᱟᱨᱵᱟᱝ "ᱨᱩᱣᱟ." ᱢᱮᱱᱛᱮ ᱦᱚᱸᱵᱚ ᱢᱮᱛᱟᱜ ᱠᱟᱱᱟ ᱾

ᱢᱟᱬᱟᱝ ᱫᱚ ᱢᱳᱴᱟ ᱫᱚ ᱢᱟᱨᱟᱝ ᱦᱚᱲ ᱟᱨᱵᱟᱝ ᱠᱤᱥᱟ.ᱬ ᱦᱚᱲ ᱢᱮᱱᱛᱮ ᱠᱚ ᱢᱟᱱᱟᱣ ᱛᱟᱦᱮᱸᱫ ᱾ ᱱᱮᱛᱟᱨ ᱫᱚ ᱵᱟ.ᱲᱛᱤ ᱞᱮᱠᱟᱛᱮ ᱱᱚᱣᱟ ᱫᱚ ᱵᱮᱢᱟᱨ ᱠᱚ ᱢᱮᱛᱟᱜ ᱠᱟᱱᱟ ᱾

ᱟᱡᱟᱨ ᱨᱮᱭᱟᱜ ᱛᱤᱠᱪᱷᱟᱹ ᱦᱟᱛᱟᱣ ᱠᱟᱛᱮ ᱟᱡᱟᱨ ᱨᱮᱭᱟᱜ ᱚᱨᱥᱚᱝ ᱠᱚ ᱠᱚᱢ ᱞᱟᱹᱜᱤᱫ ᱛᱮ ᱨᱟᱱ ᱢᱩᱨᱜᱟᱹᱱ ᱟᱨ ᱯᱷᱟᱨᱢᱮᱠᱚᱞᱚᱜᱤ ᱥᱟᱬᱮᱥ ᱨᱮᱭᱟᱜ ᱵᱮᱵᱷᱟᱨ ᱦᱩᱭᱩᱜ-ᱟ ᱾

ᱢᱮᱱᱮᱛᱥᱟᱯᱲᱟᱣ

ᱦᱚᱲᱢᱚ ᱨᱮᱭᱟᱜ ᱡᱟᱦᱟᱸ ᱵᱷᱟᱜᱽ ᱨᱮᱭᱟᱜ ᱜᱚᱲᱦᱚᱱ ᱜᱮ ᱟᱹᱨᱩᱜ ᱟᱨᱵᱟᱝ ᱚᱱᱟ ᱱᱟᱯᱟᱭ ᱥᱟᱺᱦᱤᱡ ᱠᱟᱹᱢᱤ ᱨᱮᱭᱟᱜ ᱫᱟᱲᱮ ᱠᱚᱢ ᱤᱫᱤᱜ ᱜᱮ 'ᱟᱡᱟᱨ' ᱫᱚ ᱵᱚᱱ ᱢᱮᱱᱟ ᱾ ᱤᱠᱷᱟᱹᱱ ᱟᱡᱟᱨ ᱨᱮᱭᱟᱜ ᱰᱮᱯᱷᱤᱱᱮᱥᱚᱱ ᱮᱢ ᱫᱚ ᱩᱱᱟᱹᱜ ᱜᱮ ᱟᱸᱴ-ᱟ ᱡᱟᱦᱟᱸ ᱛᱤᱱᱟᱹᱜ ᱦᱚᱲᱢᱚ ᱨᱮᱭᱟᱜ ᱰᱮᱯᱷᱤᱱᱮᱥᱚᱱ ᱮᱢ ᱨᱮ ᱟᱸᱴ-ᱟ ᱾ ᱥᱟᱞ ᱑᱙᱔᱙ ᱫᱷᱟᱹᱵᱤᱡ ᱣᱟᱨᱞᱰ ᱦᱮᱞᱛᱷ ᱚᱨᱜᱟᱱᱟᱭᱤᱡᱮᱥᱚᱱ ᱦᱚᱛᱮᱛᱮ ᱮᱢ ᱟᱠᱟᱱ 'ᱦᱚᱲᱢᱚ ᱥᱟᱶᱟᱨ' ᱨᱮᱭᱟᱜ ᱰᱮᱯᱷᱤᱱᱮᱥᱚᱱ ᱫᱚ ᱱᱚᱝᱠᱟ ᱛᱟᱦᱮᱸ ᱠᱟᱱᱟ -

ᱦᱚᱲᱢᱚ ᱛᱮ, ᱢᱚᱱᱮ ᱛᱮ, ᱟᱨ ᱥᱟᱶᱛᱟᱨᱤ ᱛᱮ ᱯᱮᱨᱮᱡ ᱯᱩᱨᱩᱱ ᱱᱟᱯᱟᱭ ᱛᱟᱦᱮᱸᱱ ᱜᱮ ᱦᱚᱲᱢᱚ ᱥᱟᱶᱟᱨ ᱫᱚ, ᱠᱷᱟᱹᱞᱤ ᱦᱚᱲᱢᱚ ᱨᱮ ᱟᱡᱟᱨ ᱵᱟᱝ ᱛᱟᱦᱮᱸ ᱞᱮᱱ ᱠᱷᱟᱱ ᱜᱮ ᱦᱚᱲᱢᱚ ᱥᱟᱶᱟᱨ ᱢᱮᱱᱛᱮ ᱫᱚ ᱢᱮᱱ ᱵᱟᱝ ᱜᱟᱱᱚᱜ-ᱟ ᱾ [᱑] ᱱᱚᱶᱟ ᱠᱚ ᱵᱷᱤᱛᱨᱤ ᱠᱷᱚᱱ ᱡᱟᱦᱟᱸ ᱜᱮ ᱢᱤᱫᱴᱟᱹᱝ ᱚᱵᱚᱥᱛᱟ ᱨᱮ ᱯᱟᱲᱟᱣ ᱞᱮᱱ ᱠᱷᱟᱱ ᱜᱮ, ᱦᱚᱲ ᱫᱚ ᱱᱟᱯᱟᱭ ᱵᱟᱝ ᱟᱨᱵᱟᱝ ᱟᱡᱟᱨ ᱨᱮ ᱢᱮᱱᱛᱮ ᱠᱚ ᱢᱟᱱᱟᱣ ᱫᱟᱲᱮᱭᱟᱭᱟ ᱾

ᱟᱡᱟᱨ ᱥᱤᱨᱡᱟᱹᱣᱜ ᱮᱛᱮᱫᱥᱟᱯᱲᱟᱣ

ᱟᱡᱟᱨ ᱫᱚ ᱟᱹᱰᱤ ᱞᱮᱠᱟᱱ ᱠᱟᱨᱚᱱ ᱦᱚᱛᱮᱛᱮ ᱦᱩᱭ ᱫᱟᱲᱮᱭᱟᱜ-ᱟ ᱾ ᱚᱠᱟ ᱚᱠᱟ ᱡᱚᱦᱚᱜ ᱫᱚ ᱵᱟᱹᱲᱤᱡ ᱡᱚᱢᱟᱜ, ᱫᱟᱜ ᱟᱨᱵᱟᱝ ᱦᱚᱭ ᱦᱚᱛᱮᱛᱮ ᱟᱵᱚᱣᱟᱜ ᱦᱚᱲᱢᱚ ᱨᱮ ᱟᱡᱟᱨ ᱵᱚᱞᱚᱱᱟ ᱾ ᱢᱤᱫ ᱦᱚᱲ ᱫᱚ ᱵᱟᱠᱴᱮᱨᱤᱭᱟ, ᱵᱷᱟᱭᱨᱚᱥ ᱟᱨᱵᱟᱝ ᱯᱷᱚᱝᱜᱚᱥ ᱦᱚᱛᱮᱛᱮ ᱩᱱᱤᱭᱟᱜ ᱤᱱᱯᱷᱮᱠᱥᱚᱱ ᱦᱩᱭ ᱫᱟᱲᱮᱭᱟᱜ-ᱟ ᱾ ᱥᱚ ᱥᱮᱭᱟ ᱟᱨᱵᱟᱝ ᱢᱟᱨᱮ ᱟᱠᱟᱱ ᱡᱚᱢᱟᱜ ᱠᱚ ᱡᱚᱢ ᱞᱮᱠᱷᱟᱱ ᱟᱡᱟᱨ ᱥᱤᱨᱡᱟᱹᱣ ᱫᱟᱲᱮᱭᱟᱜ-ᱟ ᱾ ᱢᱟᱨᱮ ᱡᱚᱢᱟᱜ ᱨᱮ ᱠᱟᱹᱴᱤᱡ ᱠᱟᱹᱴᱤᱡ ᱡᱤᱵᱟᱬᱩ ᱠᱚ ᱛᱟᱦᱮᱸ ᱫᱟᱲᱮᱭᱟᱜ-ᱟ, ᱩᱱᱠᱩ ᱦᱚᱛᱮᱛᱮ ᱦᱚᱸ ᱟᱡᱟᱨ ᱥᱤᱨᱡᱟᱹᱣ ᱦᱩᱭ ᱫᱟᱲᱮᱭᱟᱜ-ᱟ ᱾ ᱚᱠᱟ ᱚᱠᱟ ᱡᱚᱦᱚᱜ ᱫᱚ ᱩᱱᱩ ᱡᱤᱵᱟᱬᱩ ᱠᱮᱢᱤᱠᱟᱞ ᱟᱨᱵᱟᱝ ᱴᱚᱠᱥᱤᱱ ᱠᱚ ᱥᱤᱨᱡᱟᱹᱣᱟ, ᱚᱱᱟ ᱦᱚᱛᱮᱛᱮ ᱦᱚᱸ ᱟᱡᱟᱨ ᱯᱟᱞᱴᱟᱣᱜ-ᱟ ᱾

ᱟᱡᱟᱨ ᱨᱮᱭᱟᱜ ᱡᱚᱛᱚ ᱠᱷᱚᱱ ᱟᱞᱜᱟ ᱮᱛᱮᱫ ᱫᱚ ᱦᱩᱭᱩᱜ ᱠᱟᱱᱟ ᱥᱟᱯᱷᱟ ᱥᱟᱹᱯᱷᱤ ᱟᱨ ᱯᱷᱟᱨᱪᱟ ᱫᱟᱜ ᱨᱮᱭᱟᱜ ᱟᱱᱟᱴ ᱾ ᱫᱩᱱᱤᱭᱟᱹ ᱨᱮᱭᱟᱜ ᱛᱤᱱᱟᱹᱝ ᱜᱟᱱ ᱞᱚᱞᱚ ᱫᱤᱥᱚᱢ ᱨᱮ ᱢᱮᱞᱮᱨᱤᱭᱟᱹ ᱞᱮᱠᱟᱱ ᱵᱚᱛᱚᱨ ᱟᱱ ᱟᱡᱟᱨ ᱥᱤᱠᱬᱤᱡ ᱦᱚᱛᱮᱛᱮ ᱯᱟᱥᱱᱟᱣᱜ-ᱟ ᱾ ᱡᱟᱦᱟᱸᱭ ᱡᱟᱱᱣᱟ ᱟᱡᱟᱨ ᱠᱚ ᱯᱟᱥᱱᱟᱣᱟ, ᱩᱱᱠᱩ ᱫᱚ ᱵᱮᱠᱴᱚᱨ ᱠᱚ ᱢᱮᱛᱟ ᱠᱚᱣᱟ ᱾

ᱛᱤᱱᱟᱹᱝ ᱜᱟᱱ ᱦᱚᱲ ᱫᱚ ᱵᱚᱝᱥᱚᱜᱚᱛ ᱟᱡᱟᱨ ᱥᱟᱶ ᱛᱮᱜᱮ ᱠᱚ ᱡᱟᱱᱟᱢᱚᱜ-ᱟ ᱾ ᱱᱚᱣᱟ ᱫᱚ ᱢᱤᱫ ᱦᱚᱲᱟᱜ DNA ᱨᱮ ᱦᱩᱲᱟᱹᱜ ᱟᱨᱵᱟᱝ Mutation ᱦᱚᱛᱮᱛᱮᱭᱟᱜ ᱟᱡᱟᱜ ᱠᱟᱱᱟ ᱾ ᱢᱤᱫ Mutation ᱨᱮᱭᱟᱜ ᱫᱟᱹᱭᱠᱟᱹ ᱫᱚ ᱠᱮᱱᱥᱚᱨ ᱠᱟᱱᱟ ᱾ ᱚᱸᱡᱽᱨᱟ ᱡᱚᱵᱽᱨᱟ ᱴᱚᱴᱷᱟ ᱦᱚᱭ ᱦᱤᱥᱤᱫ ᱨᱮ ᱛᱟᱦᱮᱸᱱ ᱟᱨᱵᱟᱝ ᱠᱟᱹᱢᱤ ᱨᱮᱦᱚᱸ ᱟᱡᱟᱨ ᱦᱩᱭᱩᱜ ᱨᱮᱭᱟᱜ ᱮᱛᱮᱫ ᱦᱩᱭ ᱫᱟᱲᱮᱭᱟᱜ-ᱟ ᱾ ᱵᱟᱹᱲᱛᱤ ᱞᱮᱠᱟ ᱛᱮᱫᱚ ᱦᱟᱲᱟᱢ ᱵᱩᱰᱷᱤ ᱴᱷᱮᱱ ᱜᱮ ᱟᱡᱟᱨ ᱵᱮᱢᱟᱨ ᱠᱚᱫᱚ ᱛᱟᱦᱮᱸᱱᱟ ᱾

ᱟᱡᱟᱨ ᱨᱮᱭᱟᱜ ᱛᱤᱠᱪᱷᱟᱹᱥᱟᱯᱲᱟᱣ

ᱛᱤᱱᱟᱹᱝ ᱜᱟᱱ ᱟᱡᱟᱨ ᱫᱚ ᱨᱟᱱ ᱢᱩᱨᱜᱟᱹᱱ ᱨᱮᱭᱟᱜ ᱜᱚᱲᱚ ᱦᱚᱸ ᱦᱟᱛᱟᱣ ᱜᱟᱱ ᱫᱟᱲᱮᱭᱟᱜ-ᱟ ᱾ ᱤᱱᱯᱷᱮᱠᱥᱚᱱ ᱠᱚᱫᱚ ᱟᱹᱰᱤ ᱵᱮᱲᱟ ᱨᱮᱜᱮ ᱟᱱᱴᱤᱵᱟᱭᱚᱴᱤᱠ ᱨᱟᱱ ᱛᱮ ᱛᱷᱤᱠ ᱦᱩᱭ ᱫᱟᱲᱮᱭᱟᱜ-ᱟ ᱾ ᱛᱤᱱᱟᱹᱝ ᱜᱟᱱ ᱟᱡᱟᱨ ᱫᱚ ᱥᱚᱨᱡᱚᱨᱤ ᱦᱚᱛᱮᱛᱮ ᱵᱩᱜᱤ ᱦᱩᱭ ᱫᱟᱲᱮᱭᱟᱜ-ᱟ ᱾ ᱡᱚᱛᱚ ᱟᱡᱟᱨ ᱫᱚ ᱨᱟᱱ ᱟᱨᱵᱟᱝ ᱥᱚᱨᱡᱚᱨᱤ ᱦᱚᱛᱮᱛᱮ ᱴᱷᱤᱠ ᱵᱟᱝ ᱦᱩᱭ ᱫᱟᱲᱮᱭᱟᱜ-ᱟ ᱾ ᱛᱤᱱᱟᱹᱝ ᱜᱟᱱ ᱟᱡᱟᱨ ᱫᱚ ᱡᱤᱭᱚᱱ ᱵᱷᱳᱨ ᱛᱤᱠᱪᱷᱟᱹ ᱱᱤᱦᱟᱹᱛᱤ ᱞᱟᱹᱠᱛᱤᱜ ᱠᱟᱱᱟ ᱾ ᱚᱱᱟ ᱠᱚᱫᱚ Chronic ᱡᱤᱭᱚᱱ ᱵᱷᱳᱨ ᱟᱡᱟᱨ ᱠᱟᱱᱟ ᱾ ᱢᱤᱫ ᱢᱟᱨᱮ ᱟᱡᱟᱨ ᱨᱮᱭᱟᱜ ᱢᱤᱫ ᱫᱟᱹᱭᱠᱟᱹ ᱫᱚ ᱦᱩᱭᱩᱜ ᱠᱟᱱᱟ ᱰᱟᱭᱵᱮᱴᱤᱥ/ᱥᱩᱜᱟᱨ ᱟᱨᱵᱟᱝ ᱪᱤᱱᱤᱡᱟᱹᱨ ᱠᱟᱱᱟ ᱾ ᱰᱟᱭᱵᱮᱴᱤᱥ ᱟᱡᱟᱨ ᱨᱮᱭᱟᱜ ᱛᱤᱠᱪᱷᱟᱹ ᱫᱚ ᱦᱩᱭ ᱫᱟᱲᱮᱭᱟᱜ-ᱟ ᱤᱠᱷᱟᱹᱱ ᱚᱱᱟ ᱫᱚ ᱱᱤᱛᱚᱜ ᱛᱤᱠᱪᱷᱟᱹ ᱥᱟᱹᱛ ᱫᱚ ᱵᱟᱝ ᱜᱟᱱᱚᱜ-ᱟ ᱾ ᱡᱟᱦᱟᱸᱭ ᱦᱚᱲ ᱠᱚ ᱟᱡᱟᱨ ᱠᱚ ᱛᱤᱠᱪᱷᱟᱹᱭᱟ ᱩᱱᱠᱩ ᱫᱚ ᱰᱟᱠᱛᱚᱨ ᱟᱨᱵᱟᱝ ᱛᱤᱠᱪᱷᱟᱹᱭᱟ ᱠᱚ ᱢᱮᱛᱟ ᱠᱚᱣᱟ ᱾

ᱟᱡᱟᱨ ᱫᱩᱜ ᱫᱟᱨᱟᱢᱥᱟᱯᱲᱟᱣ

ᱛᱤᱱᱟᱹᱝ ᱜᱟᱱ ᱟᱡᱟᱨ ᱡᱟᱦᱟᱸ ᱫᱚ ᱠᱚᱢᱚᱱ ᱟᱨᱵᱟᱝ ᱟᱹᱰᱤ ᱵᱟᱹᱲᱤᱡ ᱦᱩᱭ ᱠᱚᱜ-ᱟ, ᱚᱱᱟ ᱨᱮᱭᱟᱜ ᱵᱤᱱᱤᱰᱟᱹᱣ ᱫᱚ ᱩᱱᱠᱩ ᱦᱚᱲ ᱴᱷᱮᱱ ᱠᱚ ᱠᱚᱨᱟᱣ ᱞᱟᱹᱠᱛᱤᱜ ᱠᱟᱱᱟ, ᱡᱟᱦᱟᱸᱭᱟᱜ ᱦᱚᱲᱢᱚ ᱫᱚ ᱥᱟᱶᱟᱨ ᱜᱮᱭᱟ ᱾ ᱡᱩᱫᱤ ᱱᱚᱣᱟ ᱟᱡᱟᱨ ᱞᱚᱜᱚᱱ ᱛᱮ ᱧᱟᱢ ᱮᱱᱟ, ᱮᱱᱠᱷᱟᱱ ᱚᱱᱟ ᱟᱡᱟᱨ ᱮᱴᱠᱮᱴᱚᱬᱮ ᱥᱤᱨᱡᱟᱹᱣ ᱢᱟᱬᱟᱝ ᱨᱮᱜᱮ ᱛᱤᱠᱪᱷᱟᱹ ᱦᱩᱭ ᱫᱟᱲᱮᱭᱟᱜ-ᱟ ᱾

ᱥᱟᱹᱠᱷᱭᱟᱹᱛᱥᱟᱯᱲᱟᱣ

ᱵᱟᱦᱨᱮ ᱡᱚᱱᱚᱲᱥᱟᱯᱲᱟᱣ