|
'''ᱵᱮᱣᱨᱟ ᱥᱟᱠᱟᱢ'''
'''ᱵᱮᱣᱨᱟ ᱥᱟᱠᱟᱢ''' ᱟᱨᱵᱟᱝ '''ᱠᱷᱚᱵᱚᱨ ᱠᱟᱜᱚᱡᱽ''' ᱵᱮᱣᱨᱟ ᱪᱮᱛᱟᱱ ᱨᱮ ᱚᱞ-ᱛᱚᱞ ᱢᱤᱫ ᱯᱟᱨᱥᱟᱞ ᱠᱟᱱᱟ , ᱡᱟᱦᱟᱸᱨᱮ ᱢᱩᱲ ᱞᱮᱠᱟ ᱛᱮᱫᱚ ᱥᱟᱶᱛᱟ ᱨᱮᱭᱟᱜ ᱜᱷᱚᱴᱚᱱ, ᱨᱟᱡᱽᱟ.ᱨᱤ, ᱠᱷᱮᱞ-ᱠᱷᱮᱞᱚᱸᱰ, ᱰᱷᱟ.ᱨᱣᱟ.ᱜ ᱮᱢᱟᱱ ᱛᱮᱢᱟᱱ ᱵᱟᱰᱟᱭ ᱡᱚᱝ ᱞᱮᱠᱟᱱ ᱵᱮᱣᱨᱟ ᱥᱟᱥᱛᱟ ᱠᱟᱜᱚᱡᱽ ᱨᱮ ᱪᱷᱟᱯᱟ ᱠᱚᱜ-ᱟ ᱾ ᱵᱮᱣᱨᱟ ᱥᱟᱠᱟᱢ ᱵᱮᱣᱨᱟ ᱯᱟᱥᱱᱟᱣ ᱞᱟ.ᱜᱤᱫ ᱟ.ᱰᱤ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱜ-ᱟ ᱾ ᱵᱮᱣᱨᱟ ᱥᱟᱠᱟᱢ ᱚᱱᱠᱟ ᱫᱚ ᱫᱤᱱᱟ.ᱢ ᱦᱤᱞᱚᱜᱟᱜ ᱛᱟᱦᱮᱸᱱᱟ, ᱤᱠᱷᱟ.ᱱ ᱛᱤᱱᱟ.ᱝ ᱜᱟᱱ ᱵᱮᱣᱨᱟ. ᱥᱟᱠᱟᱢ ᱫᱚ ᱦᱟᱯᱛᱟᱠᱤᱭᱟ., ᱵᱟᱨ ᱦᱟᱯᱛᱟᱠᱤᱭᱟ., ᱪᱟᱸᱫᱚᱠᱤᱭᱟ., ᱛᱩᱨᱩᱭ ᱪᱟᱸᱫᱚ ᱟᱨᱵᱟᱝ ᱟᱫᱷᱟ ᱥᱮᱨᱢᱟᱠᱤᱭᱟ. ᱦᱚᱸ ᱛᱟᱦᱮᱸᱱᱟ ᱾ ᱵᱟ.ᱲᱛᱤ ᱵᱮᱣᱨᱟ ᱥᱟᱠᱟᱢ ᱫᱚ ᱴᱚᱴᱷᱟ ᱡᱟ.ᱱᱤ ᱯᱟ.ᱨᱥᱤ ᱟᱨ ᱚᱱᱟ ᱴᱚᱴᱷᱟ ᱨᱮᱭᱟᱜ ᱜᱷᱚᱴᱚᱱ ᱟᱨᱵᱟᱝ ᱥᱟᱛᱟᱢ ᱪᱮᱛᱟᱱ ᱨᱮᱜᱮ ᱪᱷᱟᱯᱟᱜ-ᱟ ᱾
==ᱵᱮᱣᱨᱟ ᱥᱟᱠᱟᱢᱟᱜ ᱱᱟᱜᱟᱢ==
ᱵᱟᱰᱟᱭ ᱛᱤᱭᱩᱜ ᱡᱚᱛᱚ ᱠᱷᱚᱱ ᱯᱩᱭᱞᱩ ᱵᱮᱣᱨᱟ ᱥᱟᱠᱟᱢ ᱫᱚ ᱕᱙ ᱵᱤ. ᱥᱤ. ᱨᱮᱭᱟᱜ "'''ᱫᱤ ᱨᱳᱢᱟᱱ ᱮᱠᱴᱟ ᱰᱤᱣᱩᱨᱱᱟ'''" ᱠᱟᱱᱟ ᱾ ᱡᱩᱞᱤᱭᱮᱥ ᱥᱤᱥᱚᱨ ᱫᱚ ᱡᱚᱱᱥᱟᱫᱷᱟᱨᱚᱱ ᱠᱚ ᱨᱟᱡᱽᱟ.ᱨᱤᱭᱟ. ᱟᱨ ᱥᱟᱶᱛᱟᱨᱤ ᱜᱷᱚᱴᱚᱱ ᱠᱚ ᱟᱠᱚ ᱴᱷᱮᱱ ᱥᱮᱴᱮᱨ ᱞᱟ.ᱜᱤᱫ ᱛᱮ ᱟ.ᱛᱩ ᱴᱚᱞᱟ ᱠᱚᱨᱮᱱᱟᱜ ᱢᱩᱲᱩᱛ ᱴᱚᱴᱷᱟ ᱠᱚᱛᱮᱭ ᱵᱷᱮᱡᱟᱭ ᱛᱟᱦᱮᱸᱫ ᱾ ᱘ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱪᱤᱱ ᱨᱮ ᱛᱤ ᱚᱞᱟᱜ ᱵᱮᱣᱨᱟ ᱥᱟᱠᱟᱢ ᱪᱟᱞᱟᱜ ᱞᱮᱱᱟ ᱾
==ᱵᱮᱣᱨᱟ ᱥᱟᱠᱟᱢ ᱨᱮᱭᱟᱜ ᱱᱟᱜᱟᱢ ᱟᱨ ᱮᱱᱮᱢ==
ᱚᱱᱠᱟ ᱢᱟ ᱵᱨᱤᱴᱤᱥ ᱥᱟᱥᱚᱱ ᱡᱚᱦᱚᱜᱤᱡ ᱢᱤᱫ ᱢᱟᱬᱟᱝ ᱚᱫᱷᱤᱠᱟᱨᱤ ᱦᱚᱛᱮᱛᱮ ᱵᱮᱣᱨᱟ ᱥᱟᱠᱟᱢ ᱨᱮᱭᱟᱜ ᱮᱛᱚᱦᱚᱵ ᱫᱚ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ , ᱤᱠᱷᱟ.ᱱ ᱚᱱᱟ ᱨᱮᱭᱟᱜ ᱜᱚᱲᱦᱚᱱ ᱫᱚ ᱵᱮᱣᱨᱟ ᱥᱟᱠᱟᱢ ᱞᱮᱠᱟ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱫᱚ ᱠᱷᱟ.ᱞᱤ ᱢᱤᱫ ᱥᱟᱦᱴᱟ ᱨᱮᱭᱟᱜ ᱧᱮᱛᱮᱞ ᱞᱮᱠᱟᱱ ᱞᱟᱪᱷᱟ ᱛᱟᱦᱮᱸ ᱠᱟᱱᱟ ᱾ ᱯᱩᱨᱟ. ᱞᱮᱠᱟᱛᱮ ᱵᱮᱣᱨᱟ ᱥᱟᱠᱟᱢ ᱫᱚ ᱵᱮᱸᱜᱚᱞ ᱠᱷᱚᱱ "'''ᱵᱚᱝᱜᱟᱞ ᱜᱚᱡᱮᱴ'''" ᱧᱩᱛᱩᱢᱟᱱ ᱵᱷᱟᱭᱚᱥᱨᱟᱭ ᱦᱤᱠᱠᱤ ᱦᱚᱛᱮᱛᱮ ᱩᱪᱷᱟ.ᱱ ᱞᱮᱱᱟ ᱾ ᱯᱩᱭᱞᱩ ᱫᱚ ᱤᱸᱜᱽᱨᱟ.ᱡᱽ ᱠᱚ ᱟᱠᱚᱣᱟᱜ ᱯᱷᱟᱭᱫᱟ ᱞᱟ.ᱜᱤᱫ ᱵᱮᱣᱨᱟ ᱥᱟᱠᱟᱢ ᱠᱚ ᱵᱮᱵᱷᱟᱨ ᱠᱮᱜ-ᱟ , ᱪᱮᱫᱟᱜ ᱥᱮ ᱡᱚᱛᱚ ᱵᱮᱣᱨᱟ ᱤᱸᱜᱽᱞᱤᱥ ᱛᱮᱜᱮ ᱩᱪᱷᱟ.ᱱᱚᱜ ᱠᱟᱱ ᱛᱟᱦᱮᱸᱱ ᱾ ᱚᱱᱟᱛᱮ ᱟ.ᱰᱤ ᱦᱚᱲ ᱴᱷᱮᱱ ᱫᱷᱟ.ᱵᱤᱡ ᱵᱮᱣᱨᱟ ᱟᱨ ᱧᱮᱛᱮᱞ ᱵᱟᱝ ᱥᱮᱴᱮᱨ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾
ᱱᱤᱭᱟ. ᱚᱠᱛᱚ ᱨᱮ ᱵᱷᱟᱨᱚᱛ ᱨᱮ "'''ᱫᱤ ᱦᱤᱸᱫᱩᱥᱛᱟᱱ ᱴᱟᱭᱤᱢᱥ '''" , "'''ᱱᱮᱥᱱᱟᱞ ᱦᱮᱨᱟᱞᱰ'''", "'''ᱯᱟᱭᱱᱤᱭᱚᱨ'''", "'''ᱢᱩᱢᱵᱟᱭ ᱢᱤᱨᱚᱨ'''" , ᱞᱮᱠᱟᱱ ᱵᱮᱣᱨᱟ ᱤᱸᱜᱽᱞᱤᱥ ᱛᱮ ᱩᱪᱷᱟ.ᱱᱚᱜ ᱠᱟᱱ ᱛᱟᱦᱮᱸᱱ , ᱡᱟᱦᱟᱸᱨᱮ ᱩᱱᱠᱩ ᱱᱟᱦᱟᱪᱟ.ᱨᱤᱭᱟᱜ ᱫᱚ ᱥᱟᱺᱜᱤᱧ-ᱥᱟᱺᱜᱤᱧ ᱫᱷᱟ.ᱵᱤᱡ ᱵᱟᱝ ᱚᱞ ᱥᱚᱫᱚᱨᱚᱜ ᱠᱟᱱ ᱛᱟᱦᱮᱸᱱ ᱾ ᱱᱚᱶᱟ ᱤᱸᱜᱽᱞᱤᱥ ᱵᱮᱣᱨᱟ ᱥᱟᱶ-ᱥᱟᱶᱛᱮ ᱵᱟᱸᱜᱽᱞᱟ, ᱩᱨᱫᱷᱩ ᱛᱮᱦᱚᱸ ᱵᱮᱣᱨᱟ ᱢᱟ ᱩᱪᱷᱟ.ᱱᱚᱜ ᱠᱟᱱ ᱜᱮ ᱛᱟᱦᱮᱸᱱ, ᱤᱠᱷᱟ.ᱱ ᱚᱱᱟ ᱨᱮᱭᱟᱜ ᱫᱟᱭᱨᱟ ᱫᱚ ᱠᱷᱟᱴᱚ ᱜᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱫᱚ ᱡᱟᱦᱟᱸᱭ ᱵᱟᱸᱜᱽᱞᱟᱭ ᱵᱟᱰᱟᱭ ᱛᱟᱦᱮᱸᱱ ᱟᱨᱵᱟᱝ ᱩᱨᱫᱷᱩᱭ ᱵᱟᱰᱟᱭ ᱛᱟᱦᱮᱸᱱ ᱩᱱᱤ ᱜᱮᱭ ᱯᱟᱲᱦᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱱ ᱾ ᱱᱚᱝᱠᱟ ᱛᱮ ᱯᱩᱭᱞᱩ ᱫᱷᱟᱣ ᱓᱐ ᱢᱮ ᱑᱘᱒᱖ ᱨᱮ ᱦᱤᱱᱫᱤ ᱛᱮ ᱯᱩᱭᱞᱩ ᱥᱟᱠᱟᱢ "'''ᱩᱫᱚᱸᱰ ᱢᱟᱨᱛᱚᱸᱰ'''" ᱟᱜ ᱮᱛᱚᱦᱚᱵ ᱮᱞ ᱩᱪᱷᱟ.ᱱ ᱦᱩᱭ ᱮᱱᱟ ᱾
==ᱵᱟᱨᱦᱮ ᱡᱚᱱᱚᱲ==
* [http://www.journalism.org/2014/10/21/political-polarization-media-habits/pj_14-10-21_mediapolarization-08/ Chart – Real and Fake News (2014)] ([http://www.pewresearch.org/pj_14-10-21_mediapolarization-08-2/ 2016])/'''Pew Research Center'''
===ᱢᱟᱨᱮ ᱵᱮᱣᱨᱟᱥᱟᱠᱟᱢᱵᱮᱣᱨᱟ ᱥᱟᱠᱟᱢ===
* [http://www.newspapercat.org/ Newspapercat – University of Florida Historical Digital Newspaper Catalog Collection]
| 